نحو قناة اخبارية مصرية خاصة محترمة!

[Sherief AbdelWahab]

بعد أن تأكدت وفاة قناة النيل للأخبار و قرانا الفاتحة على روحها الطاهرة في سرادق العزاء في عمر مكرم...دعونا نفكر في سيناريو نعرضه على أولي الأمر-كتسجيل موقف-لفكرة قناة اخبارية مصرية محترمة مثلما تملك لبنان LBC...

ماذا نقترح كشكل للقناة الجديدة؟ كطريقة عمل؟ هل من المقترح أن يشارك ماسبيرو في ملكيتها ام تكون خاصة؟

أتمنى أن يجد الموضوع صدى طيب..و أجد مشاركات فيه!...خاصة بعد أن نشرت مجلة ماسبيرو في صفاقة بالغة عنوانا يقول:ماسبيرو في قلب الأحداث في العراق!

خلص الكلام

[ابو حلاوه]

عزيزي استاذ شريف

هل يمكن ان تكون في مصر قناة اخبارية محترمة و السياسة الاعلامية في مصر لا يمكن وصفها بهذا الوصف ؟؟

هل هناك سياسة اعلامية غير التطبيل و التزمير و البعد الكامل عن احساس الشعب و معاناته ؟؟

الاعلام بالاضافة للرسالة ... احتراف و علم .. و اعلامنا لا رسالة و لا علم و لا احتراف انما فهلوة و لعب بالبيضة و الحجر

لا اعتقد ان هناك داعي او حتي امل في ان نري قناة اعلامية مصرية في هذا المناخ ....كفانا الاولي لحد الثامنة

علي فكرة كنت اتابع قناة النيل للاخبار قبل ان اتخلص من الدش و اعتقد ان مسمي قناة النيلة للاخبار كان افضل من المسمي الحقيقي

[الطفشان]

هاهاهاهاهاهاهاهاهاهاهاهاهاهاهاهاهاهاهاهاه

معلش

اصلي قريت العنوان "قناة مصرية" و "محترمة" و ماقدرتش امسك نفسي!

نعم؟ ايه؟ بتقول خاصة؟

يعني مستقلة؟

في مصر؟

ماشي طيب

(عزيزي شريف، كما تعلم لا اقصد التهكم و لكن الاستقلال في الاعلام في مصر لن يتم في هذا العهد الذي نحن فيه

لانه عهد ازهى عصور الديمقراطية

عهد نفاقستان

عهد لم يقصف فيه قلم و لم تصادر فيه جريدة

عهد شمس الانجازات)

[مصرى]

كلمة السر هى الحريـــة

ليس مهما أن تكون خاصة أم عامة .. المهم أن تكون لها إدارة مستقلة تتمتع بالحرية

[Salwa]

شمس الانجازات؟

ياه

ده فيه كسوف شمس.

يظهر الشمس هى بس اللى بتتكسف .

[Mohammad Abouzied]

اثناء حكم السادات تولى بعض رجال الاعمال المصريين مشروع عمل قناة تلفزيونية رابعة لان مكانش فيه غير ثلاثة قنوات فقط

وبالرغم من موافقة هيئة الاستثمار عليها وبشروط انها لا تبس اخبار وتتخصص في الدراما فقط

واخذت موافقة من الرئيس نفسه السادات واعتبرها تطور في البلد

وعند استلام المعدات التقنية الخاصة من الجمارك

طلبت الجمارك موافقة هيئة الاذاعة والتلفزيون والتي كان رئيسها في هذا الوقت صفوت الشريف

وطبقا للقانون مفروض الا يعترض على الافراج عن الاجهزة ولكنه اعترض بالرغم من موافقة السادات وبعدها تعين وزير اعلام وسك على المشروع وورط رجال الاعمال في التكاليف الى اتكلفوها

اعتقد بعد ذلك اصبح من المستحيل على اي رجل اعمال يحاول ان يبني قناة اعلامية اخبارية في مصر بعد هذه الحادثة

[Lancelot]

طب ليه بس التشاؤم ده يا جدعان ..... و إيه يعني لما نعمل قناة إخبارية مصرية و تكون محترمة كمان ... و هو لازم نعيش الديموقراطية زي الكتاب ما بيقول علشان نعمل إعلام كويس ... ما هي قطر عندها قناة الجزيرة .. عمري ما سمعت عن ديموقراطية قطر .... و الحل بسيط إن الجزيرة بتتكلم براحتها خالص عن كل حاجة في الدنيا إلا قطر و الدليل التجاهل التام لوجود قاعدة عسكرية أمريكية في قطر ...

و في أمريكا نفسها ... أم الديموقراطية دلوقتي .... مش لما الأمر بيوصل للأمن القومي بيغيروا الأخبار و يكدبوا علي الناس ... و مع ذلك تبقي السي إن إن قناة إخبارية محترمة ....

لو إحنا عايزين قناة إخبارية محترمة ... مش ممكن نعتمد علي الدولة ... لأن أي حاجة بتقولها القناة بتكون محسوبة علي الدولة .. إذن هناك محاذير و خطوط حمراء و صفراء و فوشية كمان ... و الحل هو رجل أو رجال أعمال رايقيين يعملولنا قناة محترمة بفلوسهم و بتقلهم ... يعني لما رجل أعمال كبير يأخد جرين لايت من الحكومة أو ما هو أكبر إنه يقول أي حاجة ... ساعتها هيكون في شوية ديموقراطية و مساحة من الحرية .... و مع الوقت المساحة تزيد – كما نأمل - ....

و القناة لأنها مصرية فهي لسان العرب أكتر من الجزيرة القطرية ...

لكن أهم حاجة الإمكانيات ... لازم يتوافرلها أحدث إمكانيات علشان تكون علي أعلي مستوي ... و تكسب بنط في سباق رهيب بين الفضائيات في كل حتة .... الناس اللي هيشتغلوا فيها مش مشكلة ... أنا متأكد إن فيه كوادر كويسة في مكان ما ... أهم حاجة متكونش محسوبية زي ماسبيرو ...

أظن إن الموضوع أهم من إننا نتريق عليه و نستبعده و ننتظر معجزة من السماء تنزل الديموقراطية علينا ...

أنا حبيت أقول رأيي في موضوع شايف إنه مهم جدا ...

[ديكارت]

الامكانيات ثم الامكانيات ثم الامكانيات

قرات في جريدة الشرق الاوسط ان راس مال قناة العربية 300 مليون دولار :shock: :shock:

[مصرى]

وهل تعتقد أن قناة النيل للأخبار .. أو قناة دريم .. أو أى قناة عربية تعمل فى مجال الأخبار أو الدراما أو الفن .. تقل إماكنيات عن قناة الجزيرة أو العربية مثلا ؟!

القضية ليست إمكانيات ولكن فكر وإدارة ..

[ابو حلاوه]

وهل تعتقد أن قناة النيل للأخبار .. أو قناة دريم .. أو أى قناة عربية تعمل فى مجال الأخبار أو الدراما أو الفن .. تقل إماكنيات عن قناة الجزيرة أو العربية مثلا ؟!

القضية ليست إمكانيات ولكن فكر وإدارة ..

أتفق معك تماما ...

لنسلوت كتب

و الحل هو رجل أو رجال أعمال رايقيين يعملولنا قناة محترمة بفلوسهم و بتقلهم ... يعني لما رجل أعمال كبير يأخد جرين لايت من الحكومة أو ما هو أكبر إنه يقول أي حاجة ... ساعتها هيكون في شوية ديموقراطية و مساحة من الحرية .... و مع الوقت المساحة تزيد – كما نأمل - .... 

و القناة لأنها مصرية فهي لسان العرب أكتر من الجزيرة القطرية

عزيزي لانسلوت من كام يوم الحكومة لم تتردد في قفش اثنين من اعضاء مجلس الشعب -- واخد بالك مجلس الشعب --لأنهم مارسوا حق دستوري بالاعتراض علي سياسة الدولة

فهل تتوقع ان الحكومة ستسمح بقناة اخبارية حرة تمارس نقض السياسات الاقتصادية و الخارجية للحكومة

نسيت اللي حصل لنبيل أبو الفتوح ؟؟؟

[Lancelot]

أبو حلاوة ... مش عارف أقولك إيه ... غير إنك معاك حق ...

جاااي أنا علشان أبث فيكوا الأمل و أقولكم بلاش تشاؤم .... و أدي النتيجة طلع معاكوا حق .... :( :( :(

[1_Nadim]

ما لم انجح في استيعابه حتي الان هو لماذا لم يحاول بعض المصريين انشاء قناه تليفزيونيه خارج مصر بقدرات مصريه

وعلي فكره حكاية الامكانيات دي مش صحيحه لانه في بريطانيا مثلا تقدر تعمل قناه ب 5مليون دولار وتمشي ويصل بثها للدنيا كلها

المشكل ان الخوف افقدنا القدرة علي المبادرة فاصبح برنامج حمدي قنديل هو ياه ه ه قمة الديمقراطية بينما القدرات المصرية الحقيقية تستطيع عمل اعلام ينافس الجزيرة بشدة رغم عدم تساوي الامكانيات الماديه

[الطفشان]

كلامكوا كله صح

الموضوع موضوع ادارة و فكر حر و جراءة

و كلام نديم في الخوف في الصميم

بس المفاتيح كلها بيد الحكومة للاسف

الحرية من عدمها بايدها

القانون من عدمه بايدها

الامن بايدها

[Salwa]

أنا آسفة..بيتهيألى دخلت هنا غلط.

لو فيه أى صوت حر..أتسمع من خارج مصر.......يبقى معارضة؟

ده مجرد سؤال.

تانى سؤال.......ليه كل ماأشوف الفضائية المصرية//وده قليل جدا//

الاقى..صفوت الشريف...فى السياسة والأقتصاد والأعلام والسياحة.

هو كل ال70 مليون ..من المعوقين؟

لو الاجابة ب....لا.

طيب..ليه مفيش غيره؟

موضوع السيد/حمدى قنديل....انا برضه....ساعات...احب ...أتفرج.

بقول اتفرج...لأن كلامه..برضه بحذر.

أحيانا..أبقى عاوزة اقول لكم كلام كتير...

بس بما اننا متفقين...اننا بنفكر....زى بعض...وده سبب وجودى هنا.

بمتنع عن الكلام الكتير اللى بلا طائل...

لو حصل..//وأشك ان ده حايحصل//...على الأقل فى الوضع الحالى.

وكان من حق كل انسان انه يعبر عن رأيه.

الناس لن تقبل الاستهانه بعقولها ...وهذا الاعلام....الأعرج.

الآن ..بالصدفه...فتحت على الفضائية...فاضل شوية ويحصل عندى لوث..قفلت بسرعة...وفضلت اقول منهم لله...منهم لله.

والشعب ساكت.

المذيع....بيهتف...على الحرية والديقراطيه والمشعارف ايه..وبدأ يسأل

بعض أفراد من الشعب//كله طبعا مترتب// وطلع 3 أو 4 تلاقى ناس غلابة كل واحد واخد له 20 جنيه....فضلوا يمدحوا فى التغطيه الاعلامية ...واتكلموا عن حرب العراق...واى كلام...ثم...وربنا يخللى..

فلان..وعلان....وترتان.

الحرية.....

كنتم تعالوا شوفوها هنا...امبارح كنت اتناقش مع مجموعة هنا...فى موضوع محاكمة صدام كمجرم حرب....

وسؤالى؟..لماذا استخدمت اميركا أسلحة محرمة دوليا...فى بلد...دخلته..بحجة...ان به اسلحة دمار شامل...رغم انه للآن لم يتم

استخدام اى اسلحة دمار شامل من جانب العراق.

اريد ان اقول....الشعب هو اللى يطالب باعلام...نزيه...حر..//من حقه/

تانى بقول...عندكم حق....الخوف.

سلامى.

[ragab2]

أجهزة الإعلام الحكومية

للتطبيل للحاكم والتغزل فيه

ولا أنسى أيام ناصر بعد موجات الإعتقالات والتعذيب فى مصر كان يذيع التليفزيون أخبار الإعتقالات والتعذيب فى جنوب افريقيا وزيمبابواى ويسرد لنا مضار الأستعمار كى يغطى على جرائم الحاكم وكى يثبت لنا بالصوت والصورة أننا أفضل من غيرنا وأننا نعيش فى واحة من الحرية والديموقراطية

ومازال الوضع على ما هو عليه الى الآن

[kokowawa1979]

و الحل هو رجل أو رجال أعمال رايقيين يعملولنا قناة محترمة بفلوسهم و بتقلهم ... يعني لما رجل أعمال كبير يأخد جرين لايت من الحكومة أو ما هو

ماهم علشان رايقين عملوا لنا دريم 1و2 والمحور وده بعد ماسرقوا فلوس الشعب الغلبان من البنوك !!!!

ولزوم ترقيص الشعب برضه زي ماالحكومة عايزة !!!!

قناة إخبارية محترمة إيه ياخوانا !!! أما مين يذيع أخبار أنكل صفوت وهو بيزور مدينة الإنتاج الإعلامي اللي كل الناس طفشت منها وراحت مدينة دبي للإنتاج الإعلامي !!!

ومين يذيع افتتاح حسن خضر لمحل كشري في عماد الدين !!!

ومين .....

طبعا دي أهم من الأخبار العالميه اللي تيجي في آخر النشرة

لإنشاء قناة إخبارية محترمة لابد من عزل هؤلاء المتخلفين أولا !!!!

وبعدين عرايس المولد بتوعنا ياخدولهم فرقة في قناة الM.B.C أو الجزيرة أو حتى أي قناة إخبارية عرجاء ‍‍‍‍‍‍!!! لإن احنا مكسحين بصراحة في حكاية نشرات الأخبار وخلافه !!!

العالم دي مابتشوف قناة ال L B C اللبنانية ويتعلموا قراية النشرة من ريما عساف أو ريما يعقوب ‍‍‍‍‍!!!!!!

[1_Nadim]

اعتقد انه نتيجة لسنوات القهر الطويلة اصبنا فعلا بخوف من المبادره

واعتقد ان اي امكانية لانشاء قناه فضائيه في مصر في ظل النظام السياسي والاعلامي الحالي هي امكانية منعدمه

ولكن الان ونتيجة للتقدم التكنولوجي يمكن عمل قناه فضائية من بيت او مركب في البحر او اي حته غير خاضعة للسياسه الرشيده

لكن هذا لا يحدث لماذا؟؟

حقيقة لاادري

[Lancelot]

ولكن الان ونتيجة للتقدم التكنولوجي يمكن عمل قناه فضائية من بيت او مركب في البحر او اي حته غير خاضعة للسياسه الرشيده 

لكن هذا لا يحدث لماذا؟؟ 

حقيقة لاادري

يا سيد نديم – مع كل إحترامي – إسمح لي أختلف معاك ... إحنا مش عايزين قناة من بيت أو مركب .... اه ممكن يكون في مكان معد و مجهز تجهيز أفضل من هنا في مصر ..... و مكان يعطي حرية .... زي دبي مثلا ... قنوات عربية كتير مهما كانت جنسيتها تنطلق من دبي .... لكن إحنا عايزينها قناة محترمة تولد عملاقة فعلا و تثبت نفسها من أول لحظة زي العربية مثلا .... أصبحت تنافس الجزيرة الآن ..... أظن أنا مش بأطلب المستحيل .... و لا بأطلب حاجة كتيرة علينا لمصر أكبر الدول العربية .....

أما سبب عدم الحدوث .... فهو النفس .... كل حاجة موجودة لكن فين النفس ..... مين "الرايق" اللي يدور علي إنه يعمل قناة إخبارية محترمة ... و الرواقة اللي أنا قصدي عليها هي نفسها الرواقة اللي مخليانا قاعدين هنا بنتكلم في حاجة قد تبدو لأخرين مستحيلة أو بعيدة أو مالهاش لازمة ......

[elbana]

الحاجة إلى إطلاق هذه القناة اتضحت وتبلورت بعد حرب الإعلام الدائرة الآن ، وظهور أهمية أن تمتلك جهازاً إعلامياً وقنوات إخبارية تتمتع بالمصداقية وذات كفاءة عالية في الأداء ويقوم عليها محترفون ويدعمها تمويل محترم .

الفارق ظهر الآن ، إسألوا أنفسكم ، حين تريدون بسرعة التأكد من صحة خبر ما ، أو متابعة آخر التطورات ، إلى أي قناة تذهبون؟

الجزيرة أو أبوظبي في القنوات العربية .

والـ BBC وأخواتها في القنوات الأجنبية .

وهذا يعني :

أولاً : القنوات المصرية ليس لها أي ذكر .

ثانياً : القنوات ذات القدرات في الوطن العربي تصدر بالعربية فقط ولا يطل عليها المشاهد في أنحاء العالم .

ثالثاً : ليست لدينا قناة أجنبية نطلع من خلالها العالم على ما يجحب عنه من معلومات يمكن أن تخدمنا إلى أقصى حد لو وصلت إلى المشاهد في بيته أينما كان وبلغة عالمية .

[عمر بيك]

الأعلام المصري عايز كوتش من الخارج امثال الأعلاميين في الجزيره . الأعلامي المصري طبيعته مسح جوخ يعني مهما كان الاعلام مستقل مسح الجوخ هو العائق.

احنا بنصرف علي مدربين الكوره الأجانب ملايين الجنيهات ولما تكون المهنه والفائده اعم نتمسك بالبالي والعقيم. متنسوش ان مؤسسي الأعلام في مصر كانوا غير مصريين واعتقد مصر تمر بهذه المرحله الأن مفيش أعلام.

ولابد ان تكون موجهه عربيا لكي تثبت مصداقيتها.

يعني بالأختصار المصريين لا ينفعوا في هذه المهنه بطبيعه نشأتهم ويجب فعح باب الأستيراد.

عمر!