ذكريات الطفولة .. صوت وصورة !!

[!! Lidooooo !!]

عاش الرئيس محمد حُسني مبارك اللي جايبنا ورا wst::

[محمد عبدالعزيز]

عندى إحساس كده إنكم مش عاجبكم الواقع اللى احنا عايشين فيه, عشان كده اللاشعور بتاعكم مابيصدق أى حد يفتكر حاجة من زمان والسلسلة تكررررررررررررررررر.

أنا عاصرت معظم الذكريات اللى بتحكوا عنها دى...

بس أكتر حاجة مفتقدها فعلاً اللمة فى بيت العائلة والجو الدافى بتاع الأسرة. انا لى 5 إخوات ماشاء الله.

الشتا بتاع زمان كان له سحر خاص وكان فعلاً جونا دفئ ممطر شتاءً, دلوقتى بقى والعياذ بالله قطعة من العذاب.

الصيف زمان والبحر والأجازة والسفر للأرياف عند الأقارب, حاجة ترد الروح. دايماً بافتكر جو الصيف بتاع زمان لما أشوف فيلم بين السماء والأرض.

ولا لعب الكورة فى الشارع ولما ياخدنا الحماس بقى ونسخن نقوم قالعين اللى فى رجلينا ونلعب حافيين, حد يقدر يعمل كده دلوقتى؟ wst::

ياااااااااااه, ده أنا رجلى بقت شوارع من التعاوير.

كلمونا بقى عن الألعاب بتاعة زمان:

المساكة بأنواعها

والاستغماية(أحسن استغماية كانت بالليل فى رمضان لما الكهرباء تقطع)

والسبع بلاطات(طوبات)

حد كان بيعمل طيارات ورق ودبابير وكده زمان؟

حتى اللعب زمان كان مفيد وفيه حركة وفيه روح الفريق, أعتقد زمان مكانش ينفع واحد يلعب لوحده.

دلوقتى البلاى ستيشن والفيديو جيم, ولا اللعبة اللى بتحرق دمى لما بشوفها فى كارفور اسكندرية, بصراحة مش عارف اسمها بس هى شاشة كده ومتوصلة بحاجة فى الأرض والمفروض بقى الطفل يقف عليها ويقعد يدبدب برجليه فى الأرض عشان يصطاد الأشكال الغريبة اللى بتظهر على الشاشة.

[se_ Elsyed]

الحته دي نقاوة عشان أخيو ليدو

- بأهرش في رجلي ... آه يانا

باهرش في إيدي ... آه يانا

هو الناموس هنا ويانا ؟

نقول له هش .. ما بيهشش

نقوله بس ... ما بيبسش

ده ناموس غلوس .. بسنان وضروس

إمشي يا ناموسه يا غلوسه ما تقرصنيش ...

كلنج اهو جالك هايفشفشك فشافيش

عندنا كلنج ... عندنا القُرص

عندنا كلنج ما عندناش قَرص

[se_ Elsyed]

سامبا .. احلى حاده في الدنيا ... والحموات اللي بياكلوا البسكوت أو على رأي بدرية ( بيسكيت ) من مرتات ولادها وبيعملوا فتنه عائلية ..

إعلان مسخره

عيشششششششششششششششو

[semsema]

على ايامي كنت بشتري كيس الكراتيه ببريزة wst::

سم سمه

سم سمه تاني wst:: انا زعلانة :blush2:

كيس الكراتيه إيه أبو بريزه يام ماما ... وفين أيامك دي ؟

تقصدي يعني من 3 شهور ؟

لا......قصدي من 3 سنين :sad:

تصدق.....الكراتيه ايامها كان ليه طعم عن دلوقتي

اييييييييييييه ايام :happy:

[مهيب]

يا عم س س ... بالراحة ع البنية .. أصل هى اتخدعت من أسلوبك فى الكلام و متعرفش انك من المعمرين :blush2: ... فاكراك شاب روش و سبايكى و كده من بتاع اليومين دول wst::

للتوضيح : المذكور س س باشا هو أحد المعتقلين فى ثورة 19 ... و هو الوحيد الذى كتب مقالا نقديا عن فيلم الوردة البيضا يهاجم فيه الفيلم .. كما أن أول مرتب تقاضاه كان 25 قرشا .. و لم يجد الصراف فى البنك سيولة كافية لتسليمه المبلغ فكتب مدير البنك على نفسه تعهدا (وصل أمانة) بالباقى.

طب عارف يا س س .. فى لقاء على قناة تنوير كان بين طارق حبيب و عبدالحليم حافظ .. لقاء كان فى السبعينات .. ذهلت الصراحة لما طارق حبيب بيتكلم عن ان البلد معادش فيها مواهب جديدة تنافس من هم على الساحة و (ازاى بلد تعداد سكانها 35 مليون مفيهاش مواهب جديدة) .. تخيل .. الراجل ده لو كان حد قاله ان بعد 30 سنة هيبقى ده تعداد سكان القاهرة الكبرى كان هيقول ايه .

مهيب

[nash]

كلمونا بقى عن الألعاب بتاعة زمان:

الساعه خمسه ونص ناخد العجل وننزل الشارع ونتلم كلنا ونعيش أحلي مسابقات رالي

لعبه الأولي .....الأستغمايه....عسكر وحراميه.....

الطيارات الورق ( الدبور) ياما طيرانهم ( أم فتله) ...والصورايخ الورق ونقعد نطيرهم من البلكونه...والجيران يكرهونا علشان بهدلنا الشارع..

[واحد تاني]

أنا كنت بحب أوي البستليا wst::

كان الكيس في خمس وحدات بصاغ ... وبعدين بقى بنص فرنك

[semsema]

كلمونا بقى عن الألعاب بتاعة زمان:

كيلو بامية

فتحي يا وردة قفلي ياوردة

استغماية

وكنا بنلعب كورة...وياما كسرنا الازاز بتاع الشبابيك ونهرب بعدها wst::

[semsema]

أنا كنت بحب أوي البستليا :blush2:

كان الكيس في خمس وحدات بصاغ ... وبعدين بقى بنص فرنك

يعني ايه البتاعة دي wst::

[!! Lidooooo !!]

على نفسها جنت بطاطس يابو السيــــــــــــــــد:blush2:

اعلانات التلفزيون دي لعبتى يابني :happy:

عد الطلقات انتا بس:sad:

بس الاول خدي دي يا ناش wst::

دى الحلزونة ام قطان بتاعة س س

وفي رواية اخرى النحلة wst::

تم تعديل 15 أبريل 2008 بواسطة !! Lidooooo !!

[nash]

دلوقتي أقدر أموت وأنا مستريحه wst::

......................................................

فاكرين البتاعه دي اللي كانت علي شكل الموز نوع من الحلويات....لما كبرنا شويه عرفنا أنها ( مارشملو ) كنت مدمناها...

وبسكوت كورونا اللي ورقته لونها فضي وكان يشبه الشمعدان....ولما ناخد مصروف أول الشهر نجيب الشوكولاته كورونا أم ورقه حمرا...

.....................................................

[واحد تاني]

أنا كنت بحب أوي البستليا :blush2:

كان الكيس في خمس وحدات بصاغ ... وبعدين بقى بنص فرنك

يعني ايه البتاعة دي wst::

كانت كور خضرا كده بتتاكل :sad:... بطعم النعناع وعليها حبات سكر

[واحد تاني]

دلوقتي أقدر أموت وأنا مستريحه wst::

......................................................

فاكرين البتاعه دي اللي كانت علي شكل الموز نوع من الحلويات....لما كبرنا شويه عرفنا أنها ( مارشملو ) كنت مدمناها...

وبسكوت كورونا اللي ورقته لونها فضي وكان يشبه الشمعدان....ولما ناخد مصروف أول الشهر نجيب الشوكولاته كورونا أم ورقه حمرا...

.....................................................

[!! Lidooooo !!]

دوس و اتفرج على حلو الصمدي

دوس واتفرج على الشمعدان

امسكو اعصابكو هنا بأة wst::

[!! Lidooooo !!]

شغوها من هنا وانتو بتقروا

wst::انا انا انا ابريق الشاي .. ايدي كده ..بوزي كده اصب الشاي وارجع كده

واعرف برضه يا كتاكيت أحكي حواديت

كان في واحد اتنين تلاتة ويا أربعة خمسة تاتا راحو لعم علي الحلواني عايزين بسكوت بالشكولاتة

الحلواني يا أطفال .. فكر حبة وبعدين قال: بسكوت بالشكولاتة مفييشي .. يمكن في عند البقال

البقال قال: اشتروا سكر، خدوا بفلوسكم كلها سكر، احلى شئ في الدنيا السكر حتى اسألوا ابريق الشاي

ابريق الشاي ابريق الشاي

:blush2:انا انا انا ابريق الشاي ايدي كده بوزي كده اصب الشاي وارجع كده

واعرف برضه يا كتاكيت أحكي حواديت

كان يا مكان قفطان لونه أحمر .. لبساه أمورة اسمها مرمر .. وقطط رومي وديك فيومي .. وانا وانتم قاعدين نتنقور

حاجة ظريفة وعال العال.. بعدين فجأة حصل زلزال.. أتاريه الفيل أبو زلومة عمال يرقص في الأدغال

جوة الأدغال الهندية، الفيل بيغني أغنية، ويقول أنا وأنت يا زلومتي نشبه سوا أبريق الشاي

ابريق الشاي ابريق الشاي

:sad: انا انا انا ابريق الشاي ايدي كده بوزي كده اصب الشاي وارجع كده

واعرف برضه يا كتاكيت أحكي حواديت

كان في بلاد العجايب، حفلة شاي لتلاتة حبايب، الدبة والبوبي والنملة والتعلب برة ملوش نايب

التعلب قدامهم فات وفي ديله سبع لفات، كل الحفلة قالوا للتعلب ابعد عنا عشر يردات، تعلوبة قال فيها لأخفيها واقلب فناجينها وكراسيها وعشان أغيظكم وأجننكم راح أخبي أبريق الشاي

ابريق الشاي ابريق الشاي

wst:: انا انا انا ابريق الشاي ايدي كده بوزي كده اصب الشاي وارجع كده

واعرف برضه يا كتاكيت أحكي حواديت

كان (ايه) في (ايه) واحد مزيكاتي، ومعاه صاحبه مألفاتي، ركبه المركب وعاموا عاموا عاموا عاموا لجزيرة القرصان زناتي، الاتنين كانوا طوال وعراض انكمشوا بفعل الأمراض بقوا كده من الأمواج الساقعة والسمك البلطي العضاض القرصان قال اتغطوا كويس آم قال قال احنا كده كويس يلا نخش عليه ونميس ونغني ابريق الشاي

ابريق الشاي ابريق الشاي

يا خواتي مش عارفها جرب دلوقتي تقلفهاطب أللف طيب طيب

انا انا انا ابريق الشاي ايدي كده بوزي كده اصب الشاي وارجع كده

:happy:

تم تعديل 15 أبريل 2008 بواسطة !! Lidooooo !!

[واحد تاني]

العالم يغني

wst:: حمدية حمدي

[واحد تاني]

حبيبة بابا

راااشا

أمورة بابا

راااشا wst::

[واحد تاني]

عشرة أحمر

وعشرة ألوان

وابعت ع الشمعدان

[!! Lidooooo !!]

حلقة اليوم عن القشغيات

وسمك القـغـش المفتـغـس

wst:: :blush2: :sad:

الدكتور حامد جوهر كان عالم بحرى جليل جدا وموسوعى

الله يرحمه wst::