ذكريات الطفولة .. صوت وصورة !!

[!! Lidooooo !!]

بيقدمه محمود سلطان ... وشيل يا بني الإيريال من فوق الزريبة الحيوانات مليت البيت

bv:- :blink: :blink:

[!! Lidooooo !!]

كان زمان اسمه

بنك السعادة ..

باتكلم على السبعينيات ..

وهو النسخة العربية للعبة أجنبية

اسمها

مونوبولي

[أسد]

أفظع حاجة في ذكريات الطفولة ...

الراجل يطلع يظبط الأريال بتاع التليفزيون علشان الهواء حركه ..

ويقعدوا يزعقوا ليعض ..

كددددددددده ..

لأأأأأأأأأ

كدددددددده

أيوووواااااااااااااااااااااا

أثبت على كدددددداااااااااااااااااا

لأ ارجع شوياااااااااااااااااااااااااااا

لما الماتش يقرب يخلص .. والجون يروح منهم ..

[!! Lidooooo !!]

وكنا نثبته في صفيحة فيها رمل او اسمنت

بس ايه بأة

كان بيجيب الأولى والتانية كدةةةة bv:-

وماتشات الأهلى والزمالك بتعليق الجويني

طب فاكرين الموسيقى اللى كانت بتيجي قبل الماتش؟

[إيزيس]

ما شاء الله عليك يا بني bv:-

[مهيب]

نداء الى الأخ س س .. حول

الموسيقى المعنية يا باشا مقطوعة لعمر خورشيد من أجمل مقطوعاته .. و المسألة مفيهاش أى فرنساوى .. و الموسيقى مش كئيبة .. الظرف هو اللى كان كئيب .. يعنى الصبح و انت لابس البلوفر الصوف و شنطة المدرسة .. ووشك هيقع من السقعة .. رائحة الصباح البكر .. و أصوات التلاميذ وهم ... ييي قلبت تانى على مهيب بتاع الحكاوى .

مهيب

[مهيب]

فى سؤال بس مش عاوزين ضحك ... حد فيكو فاكر طعم البطيخ بتاع زمان ؟؟

[إيزيس]

البطيخ و معاه جبنة بيضا قديمة شوية مش كتير

يا ربي

[se_ Elsyed]

نداء الى الأخ س س .. حول

الموسيقى المعنية يا باشا مقطوعة لعمر خورشيد من أجمل مقطوعاته .. و المسألة مفيهاش أى فرنساوى .. و الموسيقى مش كئيبة .. الظرف هو اللى كان كئيب .. يعنى الصبح و انت لابس البلوفر الصوف و شنطة المدرسة .. ووشك هيقع من السقعة .. رائحة الصباح البكر .. و أصوات التلاميذ وهم ... ييي قلبت تانى على مهيب بتاع الحكاوى .

مهيب

هابعتهالك يا مهيب عشان تصدق إنها اغنية فرنساوي

------------

البطيخ و معاه جبنة بيضا قديمة شوية مش كتير

ده على اساس إن أيام الشباب منعوا الحاجات دي ؟

ماهو البطيخ لسه موجود والجبنه القديمة برضوا !!!!!!!!

[أسد]

تاخد السلطانية ..

وشلن ..

وتنزل تشتري

بقرشين طعمية ..

وثلاثة صاغ فول ..

وقوله يتوصى ..

وخلي بالك علشان مايتدلدقش منك وانت جاي ..

دي التعليمات اللي بتاخدها وانت نازل تشتري المسائل ..

:rolleyes:

[se_ Elsyed]

طب إيه رأيكو .. دام فضلكو .. في إن اخوكو إس إس جاله فكرة مفتكسه لم يفتكسها أي مفتكس قبل كده

تعالوا نتكلم عن أسعار زمان

يعني أنا عاصرت أواخر السبعينات والثمانينات

وأسد وفلانه وقرنفل عاصروا فترة الخمسينات وإنت طاله

اند سو أون

فكل واحد حر في فترته وياريت يكلمنا بأستفاضة عن أسعار السلع والخدمات بتاعت زمان لو لسه فاكر وما هييسش

------------------

هابدأ أنا حاجات فاكرها طشاش

- في أواخر السعبينات .... لتر لبن محطوط في قزازة مصر للألبان 8 ساغ

- رغيف عيش حلو ومفقع .. حضرته طشاش بتعريفة وبعدين غلي 100 % وبقى بقرش ساغ

- تذكرة سنيما بـ 7 ساغ

- تذكرة أتوبيس .. مش فاكر بالتحديد بس هي يا إما قرشين أو 5 قروش للاتوبيس الموحد الغالي

- مصروف يومي لطفل لابس مريلة تيل نادية وشورت وشنطة جلد كئيبة ... قرش ساغ يومياً مع ساندوتش مربى أو جبنه بالقوطة

سمعونا حاجه

[مهيب]

زجاجة المياه الغازية .. قبل ظهور الصاروخ و أمثاله كانت بباريزة

[أسد]

زجاجة المياه الغازية .. قبل ظهور الصاروخ و أمثاله كانت بباريزة

في السبعينيات .

عم فتحي .. اتسكع ست شهور سجن في قضية تموين ..

ليه ..

جه له اتنين مفتشين تومين (تموين) وقالوا له ادينا اتنين سيكو ..

الواحدة كانت بقرشين ..

خد الشلن كله وضربه في جيب السياله ..

وطنش ..

قالوا له .. فين الباقي ..

قالهم .. مفيش باقي ..

هو كده مظبوط ..

راحوا مظبطينه بالمحضر .. واتعملت له القضية .. البيع بأكثر من التسعيرة ..

طبعاً التعريفة اللي واخدها زيادة كانت تمثل 25% من إجمالي السعر ..

واتسكع الست شهور سجن ..

[أسد]

في السبيعينيات

كان رغيف العيش بتعريفة ..

خمس مليمات فقط لا غير ..

عدد 10 قرص طهمية صغير بقرش صاغ

عدد 5 قرص طعمية كبير بالسمسم بقرش صاغ

عد واحد سندوتش فول أو طعمية في نصف رغيف بقرش صاغ

عدد واحد تذكرة سينما تشوف فيلم مولد يادنيا بثلاثة صاغ

مصروف شبل في إعدادي .. قرشين صاغ ..

قميص شارلي فرنساوي أصلي من بورسعيد بجنيه ونص

واحد بنطلون كاشاريل من عند نفس الراجل باتنين ونص

واحد بنطلون جينز FUS أو SONITY بثلاثة جنيه

إيه ده

صباح الجمال والروقان

[nash]

تذكرة سنيما بـ 7 ساغ

كانت علي ايامي بخمسه صاغ...

والله ياسي السيد اللي فاكراة

أول فيلم دخلته وعرفت يعني أيه سينيما كان فيلم الفيل صديقي وعيطت فيه عياط....

والفيلم التاني بعده علي طول كان حبيبتي شقيه جدا

وفيلم كنج كونج...والفيلم التاالت بتاع الراجل التخين القوي وصاحبه الرفيع الوسيم...وكان بيضحك

الأسعار بتاعه زمان ماكنتش أعرفها...علي اساس مايصحش بنت تنزل تشتري حاجه

مصروفي كان تلات تعريفه....وبشتري بيهم حاجات كتيرة

.............................................

فاكرين لعبه السلم والتعبان والليدو ومجلد ميكي؟؟

لازم لما ناخد الأجازة من هنا ننزل روكسي نشتريها طبعا مع بنك السعاده..وحماتك بتحبك أذهب للبحرين..

..............................................

فاكرين كنا بنقضي الأجازة الصيفيه إزاي؟؟

..................................................

[مهيب]

تخيلوا لو واحد مثلا سافر من مصر من 20 سنة ... و لا أخدله تأبيدة مثلا (بعيد عن السامعين) .. وقع أسعار النهاردة عليه يكون ايه .

[se_ Elsyed]

تخيلوا لو واحد مثلا سافر من مصر من 20 سنة ... و لا أخدله تأبيدة مثلا (بعيد عن السامعين) .. وقع أسعار النهاردة عليه يكون ايه .

حد قال له يبقى مُجرم ؟

لما يشوف الأسعر اليومين دول ...

هايجيلو إنحباس حراري طبعاً وممكن يموت فيها

واحد سايب كيلو اللبن بخمسة ساغ يرجع يلاقيه بأربعة جنيه وشوية

---------

مهيب

خد الحته دي على صدرك

أول أمبارح شفت حته من فيلم " ضربة معلم " بتاع نور الشريف لما كان ظابط برتبة مقدم ... وخطيبته ليلى علوي أيام ما كانت وزن الريشة

الفيلم ده تقريباً في أواخر الثمانينات

المهم ده يا عين امه ظابط شرطة شريف ومرتبه على قده وخاطب ليلى علوي باين أو متجوزها بس ما عندهمش شقة ..

عايز أوصل لك الحتة بتاعت التأبيده

ففي عز ما هو مزنوق في الشغل راحت ليلى علوي متصلة عليه بالتليفون زي المدام كده لما تتصل بك وإنت في إجتماع مجلس إدارة وتقولك : ما تنساش يا حبيبي تجيب لنا كرتونة بطاطس وإنت جاي

المهم ليلى علوي بتقوله : إسكت .. أما لقيت حته دين شقة في أرض الجولف ... إنما إيه خرافة وسعرها 23000 جنيه ..

فراح مزعق لها في التليفون وقالها : 23 ألف ؟!!!!!!!!!!!! أجيب منين المبلغ ده كله ؟!!!!!!!!!!!!!!!!!!!!!!

خد دي كمان

قالت له : مانا معايا عربيتي الـ فيات ( كانت 125 ) هابيعها وقول تعمل لها - طبعاً بتضرب مبلغ مكيسمم يعني - 3000 ج وندبر الباقي من هنا ومن هنا ..

إنت عارف اخوك س س غاوي فقر .. قصدي غاوي عقارات ...

عارف يا مهيب يابني لفيت أرض الجولف على كعابي الصيف الماضي .. والشقة المعفنة بكام ؟

أي والنبي يابني ... نص أرنب وإنت طالع بقى .. وشوفت حته بثلاثة ارباع أرنوب والتسليم بعد سنة أو إتنين

--------

بعدها بيوم كان في فيلم عبيط لمحمد صبحي في أوائل التسعينات إسمه " العبقري ستة " فصاحبك إخترع عربية بتمشي بالكهربا وجت الدو لالاجنبية عرضت عليه تشتري براءة الإختراع .. فصاحبه بيقنعه ويقول له : يا غبي بيع الإختراع .. دول هايدفعوا بالدولار أبو

أبو

170 قرش

لوووووووووووووووووووووولي

عاش الرئيس محمد حُسني مبارك اللي جايبنا ورا

ومش عايز بتاع التأبيدة يجيله إنحباس ؟

[semsema]

على ايامي كنت بشتري كيس الكراتيه ببريزة wst::

تم تعديل 15 أبريل 2008 بواسطة semsema

[!! Lidooooo !!]

إوعا التكنولوجىىىى wst::

الاختراع العجيب دة كان ناشيونال

وكان سعره 130جنيه عند العجيل سنة 1979 wst::

:blush2:

التلفزيون ابو باب دة بقا كان في كل البيوت اللى ليها أسرى حرب في السعودية :sad:

تم تعديل 15 أبريل 2008 بواسطة !! Lidooooo !!

[se_ Elsyed]

على ايامي كنت بشتري كيس الكراتيه ببريزة wst::

سم سمه

إطلعي بره ..

وقلنا 100 مره لما الكبار يبقوا قاعدين في الصالون .. تدخلي أوضتك وتقفلي على نفسك الباب لحد تاني يوم الصبح

كيس الكراتيه إيه أبو بريزه يام ماما ... وفين أيامك دي ؟

تقصدي يعني من 3 شهور ؟

سجلي عندك بقى ... كان في السعينات والثمانينات يا ماما إسمه " بوزو " آه والله

وبعدين ده البلد كلها كانت عايشه في قحط يا ماما وما فيش إلا نوعين تلاتة سكويتات على شوكلاتات وتاكليهم غصبٍ عنك

يعني

بسكويت بسكو مصر .. ومش تاكليه وبس ... لأ .. دي كانت رحلات المدرسة مفروضة علينا كمان ويا إما نروح مصانع بسكو مصر أو مصر للألبان اللي في الأميرية .

بونبون سيما

بم بم

وهكذا

لحد ما في الثمانينات دخل عليهم زي الوحش طاهر القويري ومنتجات الشمعدان .. وجابلك بقى المرحوم عبد العزيز محمود .. وبسكوت شمعدان يا هدية الحبيب .. يا مغطي بالشوكلاوته واللبن الحبيب .. لا لك جناحين .. ترمرام .. ولا موتورين .... وكده يعني