النيل حبيبي بتاريخ: 24 مايو 2008 تقديم بلاغ مشاركة بتاريخ: 24 مايو 2008 هما خطفوها ونسوا ولا ايييييييه بلوظه حتجننا ولا ايييييه سبحان الله العظيم سبحان الله وبحمده رابط هذا التعليق شارك المزيد من خيارات المشاركة
حشيش بتاريخ: 25 مايو 2008 كاتب الموضوع تقديم بلاغ مشاركة بتاريخ: 25 مايو 2008 (معدل) الأعزاء النجم الثاقب ... د. فريند ... الطيار المصرى ... حسن درويش ... النيل حبيبى ربنا يجبر بخاطركم ... شكراً لكم mft: كانت تحركات عزو أسرع بكثير من غريمه غازى وأكثر إحترافية بقيادة ساعده الأيمن (عباس المر) ورجاله الذين قاموا باختطاف بلوظة واكراهها على أن تتصور عارية فى أوضاع ساخنة بعد إغتصابها وكذلك تصوير مساحة الأرض الشاسعة المزروعة بالأفيون والتى تتوسطها فيلا غازى الشريج بكفر المنايشة وارسال هذه الصور إلى رئاسة الجمهورية لتشويه صورة رجل الحزب القوى أمام القيادة السياسية ... نجح عباس المر أيضاً فى تهريب حزين من سجنه المؤقت تمهيداً لمحاكمته بتهمة قتل فؤاد عزو وإختطاف صديقه زغلول أثناء عودته من كلية الحقوق إلى منزله بالإضافة إلى إعطاء الأوامر لرجاله بالخارج لتنفيذ تعليمات عزو بخصوص شركة العبارات وشريج جيت ... على الجانب الآخر قام رجال غازى الشريج باستيراد كميات كبيرة من حديد التسليح من تركيا وطرحه فى الأسواق بنصف أسعار حديد عزو والتكالب على شراء أسهم شركته من البورصة حتى إرتفع سعر السهم إلى 300% من قيمته الفعلية تمهيداً لإغراق البورصة لاحقاً بها حتى تنهار قيمتها السوقية مما يدفع بكبار المستثمرين من عرب وأجانب إلى بيع ما بحوزتهم بدورهم من أسهم حديد عزو wst:: فى فيلا عزو ببلدته (ميت أبو حديدة) يلقى رجال عباس المر حزين وزغلول تحت قدمى عز الدين عزو وهم مقيدى الأيدى والأرجل ومكممى الأفواه ومعصوبى الأعين عزو مخاطباً المر: فكوهم وهاتولهم حاجة يشربوها حزين وهو يفتح عينيه بصعوبة من الضوء المبهر الذى يملأ غرفة مكتب عزو: أنا فين ؟! ... إنتم مين ؟! ... عايزين منى إيه ؟! عزو: إهدى ياحزين ... إنته وصاحبك هنا فى أمان ... أنا عز الدين عزو اللى إنته قتلت إبنه فؤاد ... أنا هربتك من السجن زغلول: يادى الليلة السودة ! ... ياباشا أنا مليش دعوة وبصراحة كمان حزين مكنش يقصد يقتل إبنك ! عزو وهو يكتم غضبه: أنا عارف الكلام ده يابنى ... أنا عايزكم فى موضوع تانى خالص حزين: موضوع إيه ياباشا ؟! فى قصر الرئاسة بمصر الجديدة : يستعرض مبارك صور الأرض المزروعة بالأفيون وصور زوجة غازى التى تم إرسالها إلى رئاسة الجمهورية من طرف مجهول مبارك مخاطباً سكرتيره: صورة مين دى ؟ السكرتير: دى أرض ملك غازى الشريج مزروعة أفيون مساحتها حوالى 200 فدان فى كفر المنايشة مبارك: أنا مش بتكلم على الأرض ... مين صاحبة الصورة دى وإيه علاقتها بالأفيون mfb: السكرتير: دى مدام بلوظة حرم غازى الشريج مبارك: هيا إنحرفت ليه كده ؟! ... ياجماعة خفو شوية من الكليبات ... النسوان عقلهم طق ... لأ أنا مش موافق إن بلوظة كمان تعمل كليبات ... كفاية اللى موجودين حالياً :D السكرتير: إحنا بعتنا إستدعينا غازى الشريج زى ما سيادتك أمرت مبارك: طب خليه يدخل غازى: صباح الخير يافندم مبارك باستياء: إيه الصور دى ياغازى ؟! ويلقى الصور أمامه ... يتصبب جبين غازى عرقاً وهو يرى صورة الأرض وصور زوجته الساخنة :lol: غازى: دى دسيسة ياريس ... عزو هوه اللى ورا كل الكلام ده ... من ساعة ما إبنه فؤاد إتقتل وهوه بيحاربنى فى أكل عيشى حتى شرفى مرغه فى التراب ... حسبى الله ونعم الوكيل ... لك يوم ياعزو ... دعوة المظلوم ما فيش بينها وبين ربنا حجاب ياريس لو ما تعرفش ... ربنا ينتقم منك ياعزو bv:- مبارك: ما تاخدنيش فى دوكة ياغازى ... وهوه عزو قال لك تزرع متين فدان أفيون ؟! غازى: ياريس إنته عارف إن البنزين غلى ودى سببوبة بتساعدنا عالمعايش wst:: مبارك: مقلناش حاجة ... بس بالأصول ياغازى ... يعنى مش 200 فدان ;) غازى: اللى تؤمر بيه سعادتك مبارك: أكيد الصور دى وصلت لجرايد هنا وبره وأنا مش حقدر المرة دى أسندك ياغازى غازى: بتتخلى عنى ياريس ؟! مبارك: أديك شايف لسه من كام يوم بوش فى شرم الشيخ بيلقح كلام عن فساد الحكم ومن شهرين المعفنة ليفنى بتاعة إسرائيل بتقول إنى مش عارف أحكم البلد ... إن جالك البحر طوفان حط إبنك تحت رجليك ... وانته مش أعز عندى من نفسى ولا من إبنى ! غازى: إنته كده ياريس بتتخلى عن واحد من أخلص رجالتك ... عزو مش حيقدر يعمل لجمال أد اللى أنا بعمله علشانه ... ياريس إنته مش دريان بحاجة ... عزو الشهر اللى فات بعت لدارفور سلاح بخمسة مليار دولار والشهر اللى قبله ........ مبارك مقاطعاً غازى بغضب: المقابلة إنتهت ياغازى md2: يصطحب سكرتير الرئيس غازى إلى خارج غرفة مكتب السيد الرئيس ليصطحبه كبير الياوران من بعدها إلى باب القصر الخارجى مودعاً إياه بعد عودة السكرتير إلى مكتب الرئيس مبارك: نزل بكره قرار بترقية الشريج مساعد لرئيس الجمهورية ويتنشر القرار فى الصحيفة الرسمية ... آن الأوان إن غازى يتركن smk: إلى اللقاء تم تعديل 25 مايو 2008 بواسطة حشيش أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
badroora بتاريخ: 25 مايو 2008 تقديم بلاغ مشاركة بتاريخ: 25 مايو 2008 الف الف مبروك للشريج فعلا قدها وقدود .........وعزائي لغازى .... :lol: A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
الطيار المصرى بتاريخ: 25 مايو 2008 تقديم بلاغ مشاركة بتاريخ: 25 مايو 2008 يا سلااااااااااااااااااااااااام....... الرجل المناسب في المكان المناسب.... لكن ليفني ليه اصطادت في المية اللي مش نضيفة؟؟؟سؤال يطرح نفسه كمل يا عمنا الكبير....منتظرييييييييييييييين... تحياتي... الطيار المصري معين الدمع لن يبقى معينا .... فمن اي المصائب تدمعينا زمان هون الاحرار منا .... فديتِ وحكم الانذال فينا ملأنا البر من قتلى كرام .... على غير الاهانةِ صابرينا كأنهمُ اتوا سوق المنايا .... فصاروا ينظرونَ وينتقونا لو ان الدهر يعرفُ حقَ قومٍ .... لقبل منهم اليدَ والجبينا عرفنا الدهرَ في حاليهِ .... حتى تعودناهُ ما شدا ولينا فما رد الرثاء لنا قتيلا .... ولا فك الرجاء لنا سجينا سنبحث عن شهيد في قماطٍ .... نبايعه امير المؤمنينا ونحمله على هام الرزايا .... لدهرٍ نشتهيهِ ويشتهينا فأن الحق مشتاق الى ان .... يرى بعض الجبابر ساجدينا رابط هذا التعليق شارك المزيد من خيارات المشاركة
النيل حبيبي بتاريخ: 26 مايو 2008 تقديم بلاغ مشاركة بتاريخ: 26 مايو 2008 البلد بتنهار افيون واسلحه لدار فور(علي فكره ده خبر صحيح) لاقيمه لوظيفه مساعد رئيس جمهوريه مصر العربية لاحول ولاقوه الا بالله مفيش فاييييييده سبحان الله العظيم سبحان الله وبحمده رابط هذا التعليق شارك المزيد من خيارات المشاركة
HDarwish بتاريخ: 26 مايو 2008 تقديم بلاغ مشاركة بتاريخ: 26 مايو 2008 يا ترى يا هل ترى حزين وزغلول هيعملوا إيه في المعمعة دي ؟؟!! تسجيل إعجابي رابط هذا التعليق شارك المزيد من خيارات المشاركة
المنصوراوى بتاريخ: 27 مايو 2008 تقديم بلاغ مشاركة بتاريخ: 27 مايو 2008 يا خزين يا حزين خلاص يا حزين & & & بقيت يد ناصور اليمين انسى الحارة و عشتها &&&&&& و انسى عمرك اللى راح و انسى مر السنين انسى الفول والطعمية &&&&&& خليك فى البوفتيك و البرجر و السمين و امشى فى ابها فى الكلية &&&&&& و اتعطر بالفل و الورد و الياسمين بس الدنيا غدارة و لكل بداية &&&&&& نهاية و شوف نهاية الظالمين احمى ابن الراجل الكبير من &&&&&& من الخطر الكبير تاخد مكافة يومين يومين شهريين سنتيين &&&&&& شوف القاضى يحكم بكم يا سجين ما خلاص و قعت الفاس فى الراس &&&&&& و اللى ذيك بسهولة ينداس ما كلنا عارفين يا عم حشيش احنا دلوقتى عليك &&&&&& قلقنين و بنحضر ليك العيش و الغلاوة ولا نستنا بغدين اصبر على كيد الحسود*********فان صبرك قاتله النار تاكل بعضهاالبعض********ان لم تجد ما تاكله رابط هذا التعليق شارك المزيد من خيارات المشاركة
حشيش بتاريخ: 28 مايو 2008 كاتب الموضوع تقديم بلاغ مشاركة بتاريخ: 28 مايو 2008 الأعزاء بدرية ... الطيار المصرى ... النيل حبيبى ... حسن درويش ... المنصوراوى ربنا يجبر بخاطركم ... شكراً لكم فى فيلا عز الدين عزو بميت أبو حديدة: عزو مخاطباً حزين: شوف يابنى ... اللى يقف قدام القطر يجرى له إيه ؟ حزين: يفرموا ياباشا :D عزو: تمام كده ... وأنا إبتديت أفرم غازى الشريج ... بس بالبطئ ... لو كنت عايز أخلص منه هوه وابنه كنت عملتها فى نفس ليلة ما اتقتل فؤاد... لكن الموت للى زيه راحة زغلول بيأس: ياباشا إحنا من إيدك دى لإيدك دى ... إحنا بصراحة لا يفرق معانا غازى ولا حضرتك ... وعلى رأى المثل اللى يتجوز أمى أقول له ياعمى حزين مقاطعاً زغلول بصوت متحشرج: يخرب بيتك وبيت سنينك يازغلول ... ياباشا ما تاخدش على كلامه ولا على كلامى ... إحنا والله ياباشا أغلب من الغلب :wub: يلمح عزو الدموع وهى تفيض من عينا حزين فيخاطبه قائلاً: عارف ياحزين زغلول وقد فاض به الكيل: لأ يابيه منتش عارف حاجة ... مبدهاش بقى ... هيا موتة يعنى ولا موتة عزو: طب عرفنى انته ! حزين بانفعال : أنا أقول لك ياباشا :wub: ... إنته وغازى واللى زيكم عايشين فى برج عالى ... تعرف إيه إنته وهوه وابنك وابنه عن الفقر... تعرف ليه بيقولوا عن الجوع كافر ... علشان هوه فعلاً كافر !!! ... تعرف ما تحلمش زى كل الناس ما بتحلم ... تحلم إنها تعيش ... تحلم تتجوز ... تحلم تاكل أكلة حلوة ... تحلم تلبس هدمة نضيفة ... تحلم تنام على سرير ناعم ... تحلم تركب عربية وتهرب من زنقة الأوتوبيس والميكروباس ... تحلم تقعد فى المكيف فى عز الحر ... تحلم تتباهى بأهلك وسط زمايلك فى الجامعة ... تحلم تشترك فى نادى وتصيف فى مارينا ... تحلم تتقدم لزميلتك فى الجامعة وأهلها ما يطرودكش من بيتهم عشان صايع ... تحلم تمسك موبايل وتبعت ميسد كول ... تحلم ........ يقاطع أحد رجال عباس المر حزين بصفعة موجعة على وجهه تسقطه على الأرض زغلول وقد أيقن أنه ميت لا محالة: طب أكمل أنا ياحزين :wub: ... تحلم ببلد مفيهاش عز الدين عزو وغازى الشريج واللى ركبهم فوقينا ... تحلم تروح أى مصلحة تنجز من غير ما تفتح مخك أو يكون معاك كارت توصية ... تحلم لو أمك أو أبوك رقدوا تلاقى تشترى لهم الدوا ... تحلم تاخد حقك فى بلدك بالأصول مش بالدراع ... تحلم أيام الملك اللى لا شفناه ولا شافنا ترجع لأنها أكيد حتكون أحسن من أيامكم ... تحلم تقطع كلمات زغلول طلقة من مسدس عباس المر تهشم رأسه وتسكته إلى الأبد عزو بهدوء مخاطباً حزين الذى أفقده ما حدث لصديقه الإحساس بالزمان والمكان للحظات: ودلوقتى نتكلم بقى فى المهم ... جهزنا لك جواز سفر وتذكرة طيارة لألمانيا ... ناصور ساب فرنسا إمبارح بالليل ... رجالتنا حيعرفوك مطرحه هناك ... عايز بإيدك دى وبنفس الطبنجة دى اللى قتلت بيها فؤاد إبنى تقتله ... لو وافقت حديلك قرشين كويسين تبتدى بيهم حياتك هناك وأشيلك من دماغى ... لكن لو تربست دماغك حتحصل فؤاد وصاحبك حزين مهموماً: أنا تحت أمركم :wub: فى اليوم التالى يسافر حزين إلى ألمانيا بصحبة رجال عزو ... قرب الفجر يفتح أحدهم باب البيت الذى يقيم به ناصور الشريج الذى كان بصحبة فتاة فى فراشه بغرفة النوم ناصور وقد عقدت لسانه المفاجأة: إنتم مين ؟!!!!!!! يبدأ رجال عباس المر تسجيل الوقائع بكاميرا فيديو فى حجم قبضة اليد يخرج حزين مسدسه من جيب جاكتته مصوباً الفوهة فى إتجاه رأس ناصور ناصور بفزع: إعقل ياحزين ... اوعى تعمل كده ياحزين .... حزيييييييييييييييييييييين حزين: إنتم خليتم فينا عقل ياولاد الكدر md2: فى نفس اللحظة التى تنطلق فيها رصاصة حزين لتحطم رأس ناصور تنطلق رصاصة أخرى من نفس الغرفة تحطم رأسه ! تمت حشيش أديب ومفكر أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
galaxy بتاريخ: 28 مايو 2008 تقديم بلاغ مشاركة بتاريخ: 28 مايو 2008 (معدل) برافووووووووووووووووووووووووووووووووووووووا..........................تحياتي بالفعل :D :wub: ودي كانت يا ولاد نهايه اللعب مع الكبار تم تعديل 28 مايو 2008 بواسطة galaxy املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
الطيار المصرى بتاريخ: 28 مايو 2008 تقديم بلاغ مشاركة بتاريخ: 28 مايو 2008 بعد انتهاء هذه الكصة الرائعة.... ليس لها الا تصنيف واحد... الكوميديا السوداء.... و ازاي الكبار في بلدنا بيتعاملوا مع بعض....و نظرتهم للطبقات الأقل..... عزيزي الاديب و المفكر حشيش... سلمت يداك... تحياتي... الطيار المصري معين الدمع لن يبقى معينا .... فمن اي المصائب تدمعينا زمان هون الاحرار منا .... فديتِ وحكم الانذال فينا ملأنا البر من قتلى كرام .... على غير الاهانةِ صابرينا كأنهمُ اتوا سوق المنايا .... فصاروا ينظرونَ وينتقونا لو ان الدهر يعرفُ حقَ قومٍ .... لقبل منهم اليدَ والجبينا عرفنا الدهرَ في حاليهِ .... حتى تعودناهُ ما شدا ولينا فما رد الرثاء لنا قتيلا .... ولا فك الرجاء لنا سجينا سنبحث عن شهيد في قماطٍ .... نبايعه امير المؤمنينا ونحمله على هام الرزايا .... لدهرٍ نشتهيهِ ويشتهينا فأن الحق مشتاق الى ان .... يرى بعض الجبابر ساجدينا رابط هذا التعليق شارك المزيد من خيارات المشاركة
badroora بتاريخ: 29 مايو 2008 تقديم بلاغ مشاركة بتاريخ: 29 مايو 2008 (معدل) البداية مسيلة للدموع من كثرة الضحك والنهاية مسيلة للدموع من كثرة الوجع الناتج عن الاصتدام بالواقع المرير ......... اذن نقدر نقول على القصة الضحك لدرجة البكاء :D العزيز حشيش تسلم ايدك وبجد امتعتنا وفى انتظار رائعة جديدة من روائع المفكر والاديب حشيش محفوظ :wub: يسلموا............. تم تعديل 29 مايو 2008 بواسطة Badria Mekkawy A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
HDarwish بتاريخ: 29 مايو 2008 تقديم بلاغ مشاركة بتاريخ: 29 مايو 2008 تسلم يا حشيش باشا بس أنا كده زعلان .. يعني كل يوم الصبح هابدأ شغلي ازاي ده أنا كل يوم أول حاجة بدور عليها هي الحلقة الجاية فيها إيه في إنتظار روائعك القصصية حسن درويش رابط هذا التعليق شارك المزيد من خيارات المشاركة
النيل حبيبي بتاريخ: 29 مايو 2008 تقديم بلاغ مشاركة بتاريخ: 29 مايو 2008 حبيبنا وتاج راسنا/حشيش(عائله عريقه) ماشاء الله عليك شدتنا للنهايه الحياة مليئه بالمفارقات وقصتك من الحياة تمنياتنا لك بمزيد من الابداع والى اللقاء فى قصه قادمه سبحان الله العظيم سبحان الله وبحمده رابط هذا التعليق شارك المزيد من خيارات المشاركة
se_ Elsyed بتاريخ: 29 مايو 2008 تقديم بلاغ مشاركة بتاريخ: 29 مايو 2008 إيه الدماغ دي ؟!!!! ده أنت موتت كل أبطال الكصة يا حشحش .. طب ما تدخل على محروس البوهيجي وتشطب الكصة التاني هي روخره تسلم إيدك يا مان .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
ELSHAMY بتاريخ: 29 مايو 2008 تقديم بلاغ مشاركة بتاريخ: 29 مايو 2008 حبيبى حشيش تسلم ايدك يا رائد ثورة الشباب....المرة دى الصنف كان عالى تحياتى كن كما قال رسول الله صلى الله عليه وسلم : ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة ) رابط هذا التعليق شارك المزيد من خيارات المشاركة
المنصوراوى بتاريخ: 29 مايو 2008 تقديم بلاغ مشاركة بتاريخ: 29 مايو 2008 حمدالله على السلام يا حشيش سددالله خطاك و الى الخير هداك :protest: مع روعة القصة النهاية ماساوية قوى...........هو دا حال الدنيا :lol: يعنى زغلول و حزين ماتوا ................و غازى و عزو عايشين ينهبوا m8: ما تديها فصل كمان..........موت لينا غازى و عزو يمكن نرتاح B) فى انتظارك فى الكصة الكادمة :D اصبر على كيد الحسود*********فان صبرك قاتله النار تاكل بعضهاالبعض********ان لم تجد ما تاكله رابط هذا التعليق شارك المزيد من خيارات المشاركة
النجم الثاقب بتاريخ: 31 مايو 2008 تقديم بلاغ مشاركة بتاريخ: 31 مايو 2008 :hi: :happy: :hi: mfb: :hi: mf) :hi: clp:: :hi: برافو حشيش ، بس مش عارف ليه حاسس إنك خدتنا فى دوكه و حبيت تخلص من هذه الكصه الكصيره :lol: كيف اصطباري وما في العمر متسع...!! رابط هذا التعليق شارك المزيد من خيارات المشاركة
madzoro بتاريخ: 15 يونيو 2008 تقديم بلاغ مشاركة بتاريخ: 15 يونيو 2008 تسلم ايدك يا استاذ حشيش و الى الامام دائما منتظرين روائعك رابط هذا التعليق شارك المزيد من خيارات المشاركة
جيمي بتاريخ: 29 ديسمبر 2009 تقديم بلاغ مشاركة بتاريخ: 29 ديسمبر 2009 حبيت ارفع ليكم قصه من اروع ما قرات :sad: هعمل غطس واقبلكم برائعه كمان من روائع المنتدي :) رابط هذا التعليق شارك المزيد من خيارات المشاركة
OReX بتاريخ: 29 ديسمبر 2009 تقديم بلاغ مشاركة بتاريخ: 29 ديسمبر 2009 روووووووووعة بجد قصة وصور الاستاذ ليدو تحفة انا لسا فى صفحة اربعة بس قولت اسجل اعجابى بالقصة الف شكر يا استاذ جيمى على الرفع سؤال يطرح نفسه هوا كاتب القصة راح فين يا جماعة :( رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ من فقد الله ماذا وجد رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان