madzoro بتاريخ: 12 مايو 2008 تقديم بلاغ مشاركة بتاريخ: 12 مايو 2008 الاحداث سخنت وفؤاد عزو شكله مش هيسكت.................هو بياع الحديد دا يبقي برضه فؤاد عزو الدخيله؟؟؟؟؟؟؟ اه هوه رابط هذا التعليق شارك المزيد من خيارات المشاركة
المنصوراوى بتاريخ: 15 مايو 2008 تقديم بلاغ مشاركة بتاريخ: 15 مايو 2008 الحكاية دى خلصت ولا لسع علشان انا قربت اكتب النهاية ليها و ارتاح اصبر على كيد الحسود*********فان صبرك قاتله النار تاكل بعضهاالبعض********ان لم تجد ما تاكله رابط هذا التعليق شارك المزيد من خيارات المشاركة
الطيار المصرى بتاريخ: 15 مايو 2008 تقديم بلاغ مشاركة بتاريخ: 15 مايو 2008 عمنا حشييييييش الاديب الكبير.... انا منتظر اني ارد علي واحدة من كصصك العبقرية منذ التحاقي بالمحاورات و منذ قراءتي لرأئعتك أم بدوي.... و الفرصة جت الحمد لله....انا اخدت الكصة مرة واحدة علي صدري و طلعتها من وداني..... يعني احب اقولك ان 90% من الكصة انا واقع علي الارض من الضحك.... استمر بارك الله فيك.... والي الامام يا ادولف حشيش.... و نحن جنودك يا حشيش.... تحياتي... الطيار المصري معين الدمع لن يبقى معينا .... فمن اي المصائب تدمعينا زمان هون الاحرار منا .... فديتِ وحكم الانذال فينا ملأنا البر من قتلى كرام .... على غير الاهانةِ صابرينا كأنهمُ اتوا سوق المنايا .... فصاروا ينظرونَ وينتقونا لو ان الدهر يعرفُ حقَ قومٍ .... لقبل منهم اليدَ والجبينا عرفنا الدهرَ في حاليهِ .... حتى تعودناهُ ما شدا ولينا فما رد الرثاء لنا قتيلا .... ولا فك الرجاء لنا سجينا سنبحث عن شهيد في قماطٍ .... نبايعه امير المؤمنينا ونحمله على هام الرزايا .... لدهرٍ نشتهيهِ ويشتهينا فأن الحق مشتاق الى ان .... يرى بعض الجبابر ساجدينا رابط هذا التعليق شارك المزيد من خيارات المشاركة
قائد المدفعيه الهولنديه بتاريخ: 16 مايو 2008 تقديم بلاغ مشاركة بتاريخ: 16 مايو 2008 بصراحه يا جماعه الاستاذ حشيش و الفنان ليدووو دويتو رائع جدا انا اول مره اقرأحاجه ليكم فى المنتدى بس بجد مجهووووووود كبير استمرو علشان كتير متابعين غيرى افتح زرار قميصى للنيمه و للامانى ...........و انور فاونيسى و املى العالم اغانى رابط هذا التعليق شارك المزيد من خيارات المشاركة
النيل حبيبي بتاريخ: 18 مايو 2008 تقديم بلاغ مشاركة بتاريخ: 18 مايو 2008 الصراحه ماشاء الله عليك النهارده اول مره اتابع القصه الجميله مستنين بعد الريس ماوصاه انه ميكونش هناك مشاكل نوجه خالص الشكر لفنان الكاريكاتير العبقري ليدو سبحان الله العظيم سبحان الله وبحمده رابط هذا التعليق شارك المزيد من خيارات المشاركة
المنصوراوى بتاريخ: 20 مايو 2008 تقديم بلاغ مشاركة بتاريخ: 20 مايو 2008 يا كمسرى يا كمسرى *********يا ابو صفارة و بدله فللى بهدله و ذل فى الشغل ********* و صابر و ما بتشتكى شغال بأمانه و حب *********حد ما عمرك قرب ينتهى و لما جات لحظة الموت **********و كل شى عملته يتنسى و فى الاخر يا حزين مكافة ********ابوك كم؟قولى ولا تستحى مكسوف تقول كم يا حزين *******من غير ما تقول كل شىمعروف و منتهى هى دى مكافة ابوك عاجبك *******عاجبك مش عاجبك روح اشتكى يا حزين تعمل ايه؟ما انت مش***** عاجباك عشتك و نفسك تغتنى يالا شوف ليك ماسورة و لاناسورة *****ولا حتى باصورة تتطلع العمارة بيها يا مفترى ***************************************** ايه يا عم حشيش فينك عاوزين**********نعرف منك اخر الاخبار و ليك من عند ليدو الفنان *************صورة نعلقهالك فى ميدان و من بدرية علم لمصر ***************و حبر و حبارة وشويت الوان و رحلة سياحى او سفارى***************هدية من هبة بنت اسوان و هى ذى النار على العلم***************و مشهورة فى المنتدا و رمزها التوامان و جلاكسى عندها ليك شيكولاته**********تكلها لو مفكش اسنان و النيل حبيبى مستنيك بفارغ الصبر********و معاه الميه و عطشان و كمان مستنياك امانى و ماش ********* و الطيار و كمان كوكمان [/size] اصبر على كيد الحسود*********فان صبرك قاتله النار تاكل بعضهاالبعض********ان لم تجد ما تاكله رابط هذا التعليق شارك المزيد من خيارات المشاركة
حشيش بتاريخ: 20 مايو 2008 كاتب الموضوع تقديم بلاغ مشاركة بتاريخ: 20 مايو 2008 الأعزاء سى السيد ... ليدو ... أمانى ... جالاكسى ... مادزورو ... المنصوراوى ... الطيار المصرى ... قائد المدفعية الهولندية ... النيل حبيبى ربنا يجبر بخاطركم ... شكراً جزيلاً لكم ... مش عارف كمان أشكر أخونا المنصوراوى إزاى على أبيات الشعر الجميلة دى :waf: أعتذر عن التأخر فى تكملة حلقات الكصة لظروف سفر الأسبوعين الماضيين وإن شاء الله أعاود كتابة الحلكات تباعاً :aslam: يغادر عز الدين عزو مقابر الأسرة فى مسقط رأسه (ميت أبو حديدة) فى محافظة المنيا بعد أن وارى جثمان ولده الوحيد الثرى متوجهاً إلى فيلته التى تتوسط مزرعته والتى تمتد على مساحة 100 فدان من أجود أراضى القرية ... يجلس عزو فى غرفة مكتبه وقد فك زر قميصه الأعلى ونحى رباط عنقه ودفن رأسه بين كفيه ... بعد لحظات يدق أحد الخدم باب المكتب ويقدم لعزو فنجان القهوة وحبتان من البانادول كما أمره ثم ينصرف فى هدوء ويغلق الباب من خلفه ... يمسك عزو بالموبايل ويقوم بالإتصال برجل يدعى ( عباس المر) :ninja: عزو: تعالى لى على الفيلا دلوقتى ياعباس المر: أوامرك ياكبير عزو: تدخل زى كل مره المر: مفهوم بعد نصف ساعة يدخل عباس المر من النافذة الخلفية لغرفة مكتب عز الدين عزو :ninja: المر: ربنا يصبر قلبك ياكبير عزو: جمعت المعلومات اللى طلبتها منك إمبارح ؟ المر: الوله إبن غازى أبوه سفره النهاردة الفجر على فرنسا عزو: حتى لو فى القمر حجيبه md2: المر: رجالتنا جابوا عنوان سكنه هناك ومنتظرين إشارة من سعادتك عزو: غازى مش عبيط وعارف إنى مش حقدر أعمل حاجة دلوقتى للواد هناك المر: ليه ياباشا ... إحنا إيدنا طايلة وبالتليفون ممكن نخلص عزو: باينة أوى إننا اللى ورا العملية والريس مش حيفوتها ! المر: كلنا خدامينك واللى تأمر بيه حيتم بعون الله عزو: إسمع اللى حقولهولك كويس ياعباس ... غازى زارع 200 فدان أفيون فى كفر المنايشة ومحوطهم بعباد شمس ... أول هام الأرض دى كلها تتصور بالهليكوبتر وأهم حاجة فيلته اللى فى وسطها والصور دى تكون على مكتبى بالكتير بعد يومين المر: إعتبره تم ياباشا ... غيره ! عزو: غازى عنده شركة عبارات إسمها ( باولينا غرغرينا ياسفينة ) كاتبها بإسم مراته بلوظة شغالة على خط (السويس العقبة) المر: نولع فيها ؟ عزو: لأ ... إبن الراجل الكبير شريك معاه smk: المر: دستور ياسيادنا ... لا تئذونا ولا نئذيكم عزو: شركة الصيانة اللى بتعمل عمرات المواتير بتاعة العبارات دى موجودة فى مالطا عشان رخيصة ... فيه عبارة موجودة هناك دلوقتى إسمها (ناصور مصر) بتعمل عمرة ومفروض إنها حترجع كمان إسبوع ... تكلم حد من رجالتنا هناك يروح يعمل اللازم ويرش رشة جريئة المر: مفهوم ياكبير وتتقيد على إنها حريقة فى مخزن البضايع وهيا فى الطريق من السويس للعقبة بعد شهر ولا اتنين لما تكون المسائل نامت شوية bv:- عزو: تمام كده ... نفس الشئ فى (شريج جيت) المر: شركة الطيران بتاعته ؟ عزو: أيوه ودى حتبقى قلم أشد من العبارة عشان معظم ركابها أجانب المر: ودى خط سيرها إيه ياكبير :ninja: عزو: دى شركة طيران شارتر بتنقل من بلاد كتير فى أوروبا مباشر على شرم الشيخ والغردقة والأقصر وأسوان وصيانتها ممسكها للخطوط السودانية (الشمس المحرقة ولا المشرقة ولا البلى أزرق) عشان يوفر المر: تاهت ولقيناها عزو: الوله ناصور مش حيفضل فى فرنسا على طول ... كلها شهر ولا إتنين وحيرجع ... مش عايز عين رجالتك تفارقوا هناك ولا ثانية ... غازى غالباً مش حيرجعه مصر من فرنسا ... حيسفره على حتة تانية وتالتة قبل ما يطمن وينزله المر: إطمن ياكبير ... إحنا وهوه كعب داير لحد ما يوصل بالسلامة :ninja: عزو: بالنسبة لحزين تهربه من السجن وتجيبهولى هنا ... مش عايز حد من رجالتك يأذيه ... ما تنساش كمان تجيب لى زميله اللى كان معاه وقت ما فؤاد إتقتل ... العيال دول كارت لو عرفت ألعبه صح حعمل بيهم شغل كبير المر: دى بقى مش فاهمها ... رسينى بتفكر فى إيه ياكبير ! عزو: كل شئ بأوان ... ما تستعجلش ياعباس المر: إعتبره طلع خلاص من السجن ومرمى تحت رجليك هوه وصاحبه من بكره عزو: ما تنساش بالمرة تخطف بلوظة ولو نفسك حلوة إبقى إعتدى عليها وخلى حد يصورها عريانة المر: عالبركة :ninja: إلى اللقاء أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
madzoro بتاريخ: 21 مايو 2008 تقديم بلاغ مشاركة بتاريخ: 21 مايو 2008 madzoro: دى بقى مش فاهمها ... رسينى بتفكر فى إيه ياكبير ! ههههههههههههههههههههههههههههههههه قول يا كبير قول رابط هذا التعليق شارك المزيد من خيارات المشاركة
ELSHAMY بتاريخ: 21 مايو 2008 تقديم بلاغ مشاركة بتاريخ: 21 مايو 2008 تسلم ايدك يا كبير الكصة الكصيرة و التويلة.. كن كما قال رسول الله صلى الله عليه وسلم : ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة ) رابط هذا التعليق شارك المزيد من خيارات المشاركة
حشيش بتاريخ: 21 مايو 2008 كاتب الموضوع تقديم بلاغ مشاركة بتاريخ: 21 مايو 2008 لغاية ما أخونا ليدوووووووو يعمل لنا تصميم للخطوط الجوية بتاعة غازى الشريج (Sheraig Jet) دى حاجة كده على ما تيسر :ninja: شكراً مادزورو (ما ترسينا صحيح يعنى إيه :waf: ) والشامى على التعقيب :aslam: أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
HDarwish بتاريخ: 21 مايو 2008 تقديم بلاغ مشاركة بتاريخ: 21 مايو 2008 أول مرة أقرأ القصة النهاردة وما سبتهاش من أول فصل لحد ما وصلت هنا بس زعلت إني وصلت لهنا .. كان نفسي أكمل إيه اللي هيحصل بعد كده في انتظار الفصل الجاي للأمام يا حشيش رابط هذا التعليق شارك المزيد من خيارات المشاركة
HDarwish بتاريخ: 21 مايو 2008 تقديم بلاغ مشاركة بتاريخ: 21 مايو 2008 الحلقات السابقة كلها في المرفقات وده للي لسه جاي واللي ما شافشي اللي فات علشان يكون متابع تأليف الكاتب الكبير / الأستاذ حشيش سيناريو وحوار / الاستاذ سي السيد إنتاج وتوزيع / محاورات المصريين على فكرة أنا بوزع في النسخ من الوقتي .. عندنا في الشركة زمايل كتير ما عندهمش إمكانية للدخول على الانترنت وزعت عليهم كلهم نسخ بعد إذنك يا كبير طبعا تحياتي حسن درويش _______.doc رابط هذا التعليق شارك المزيد من خيارات المشاركة
النيل حبيبي بتاريخ: 21 مايو 2008 تقديم بلاغ مشاركة بتاريخ: 21 مايو 2008 الحبيب /حشيش حمد الله علي السلامه كل حلقه بتشوقنا للي بعدها لكن ايه حكايه يعتدي علي بلوظه(هو في بلوظه ثانيه ولا ايه) شكراً للحبيب اتش درويش وفكره جميله ان شاء الله نتابع الحلقات الجايه سبحان الله العظيم سبحان الله وبحمده رابط هذا التعليق شارك المزيد من خيارات المشاركة
حشيش بتاريخ: 22 مايو 2008 كاتب الموضوع تقديم بلاغ مشاركة بتاريخ: 22 مايو 2008 الأعزاء مادزورو ... الشامى ... حسن درويش ... النيل حبيبى ربنا يجبر بخاطركم ... شكراً لكم ... وشكر خاص لأخونا حسن درويش على تجميع الحلقات السابقة فى ملف واحد ليسهل على الكارئ العزيز متابعة الكصة :sad: فى عوامة غازى الشريج بروض الفرج: يجتمع غازى بالحاج (سليم سعادة) عمدة كفر المنايشة وأحد أكثر المقربين إليه وخال زوجته بلوظة فى نفس الوقت ... كان بصحبة سليم سعادة أحد أشقياء الجبل واسمه (أبو حجر) والذى يعتمد عليه غازى الشريج فى أعمال البلطجة التى يحتاجه فيها من وقت لآخر غازى: طبعاً بلغكم اللى حصل لإبن عزو wst:: سعادة: الحقيقة مصيبة وحلت فوق راسنا ياغازى بيه ... عزو مش سهل ومش حيسكت غازى: مظبوط ... علشان كده إحنا هنا دلوقتى gt: أبو حجر: كلنا رجالتك ياغازى بيه واللى تأمر بيه حيتنفذ على التخين يأمر غازى الشريج خادمه بإحضار البيرة وإشعال الفحم ورص الأحجار المعبأة بأنقى أصناف الحشيش الخام ... وسط سحابة من الدخان الأزرق الكثيف يستأنف غازى حديثه مع ضيفيه غازى: أحسن حاجة تعملها علشان تعرف خصمك بيفكر فى إيه إنك تحط نفسك مكانه ... يعنى مثلاً لو حبيت يابو حجر تنتقم من اللى قتل إبنك تعمل إيه ؟! ;) أبو حجر: أقتله طبعاً أول ما تيجى الفرصة من غير ما أسيب دليل واحد ضدى ! غازى: تمام ... بس عزو بيعتبر إن أنا اللى ورا قتل إبنه ... هوه ما يهموش مين اللى ضرب النار أد ما يهمه أنا وإبنى ... أنا متوقع إنه حيقتل الوله حزين جوه السجن مسح زور لحد ما يخطط كويس عشان يطولنى ;) أبو حجر: تبقى ضربة معلم منك ياغازى بيه لو هربت الواد ده من السجن قبل ما عزو يدبر له خناقة بينه وبين مسجون تانى يخلص عليه وتبان خناقة بين إتنين مساجين وبعض ... أو يشنقوه ويبان إنتحار وانته سيد العارفين وسكة أبو زيد كلها مسالك غازى: ما يقتله ... بركة ياجامع ! سعادة: إزاى الكلام ده ياغازى بيه ؟! ... حزين دخل بيتك ويعرف حاجات كتير عن المحروس إبنك وأكيد عزو حيقرره ويعرف منه حاجات ياما قبل ما يقتله ! غازى: طيب ... المهم كمل يابو حجر ... إيه اللى ممكن تفكر تعمله تانى عشان تنتقم من اللى قتل إبنك ؟! أبو حجر: لو ما عرفتش أقتله هوه سخصياً ... حفكر أقتل إبنه أو أخطف مراته ولا مؤاخذة wst:: غازى وهو يشد نفس طويل من الجوزة: وإيه كمان ؟! أبو حجر: أحاول أئذيه فى شغله وأكل عيشه ... يعنى لو عنده زرع أو بهايم أو غيره حتماً لازم أحرق قلبه عليهم ! غازى وهو يحتسى قدحاً من البيرة: وإيه كمان ؟ أبو حجر: بالنسبة لواحد فى مركز سعادتك ممكن أفكر أعمل لك فضيحة تهز إسمك فى الحكومة وتخلى الريس يغضب عليك ! غازى وقد إنتفض واقفاً: براوه عليك يابو حجر ... فى الجيش فى حاجة إسمها (ضربة إستباقية) ... يعنى بدل ما تستنى إنته الضربة تجيلك من غيرك تلخمه إنته بكام قفا ما يلحقش يفوق من واحد تروح مناوله التانى وده اللى إحنا حنعمله مع عزو سعادة: طب رسينا ناوى على إيه ياغازى بيه عشان نلحق نجهز نفسنا wst:: غازى: ناصور أنا سفرته خلاص فى حتة أمان ... وبلوظة تاخدها معاك الليلة ياسليم تقعد مع مراتك وبناتك فى الكفر تحت الحراسة والوله حزين هو وزغلول زميله أبو حجر يخلصنا منهم قبل ما عزو يوصل لهم سعادة: علم وينفذ ياغازى بيه gt: غازى: الغلة فاضل أد إيه عليها ياسليم ؟ سعادة: أسبوع بالكتير غازى: زود الحراسة على الأرض ... مفيش جنس مخلوق يهوب هناك ... لو شكيت فى أى حد إضرب طوالى فى المليان وعلى مسئوليتى أنا md2: سعادة: أوامرك ياباشا غازى: إسمع يابو حجر ... حبعتك لواحد من رجالتى عنده مكتب تصدير واستيراد ... المكتب ده بتاعى بس أنا كاتبه بإسمه ... عايزه يغرق البلد حديد تسليح صنف ممتاز وتراخيص الإستيراد حتكون عنده بكره وحقول له يستورده منين ... المهم الحديد ده ينزل السوق بنص سعر حديد عزو والفرق أنا حدفعه من جيبى bv:- أبو حجر: غالى والطلب رخيص غازى: بكرة البورصة قافلة ... يوم الحد إن أحيانا ربنا حبعت ناس يشتروا كل أسهم حديد عزو بأى سعر ونخلى سعر السهم يولع وبعدين يفرجها المولى. إلى اللقاء أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
galaxy بتاريخ: 22 مايو 2008 تقديم بلاغ مشاركة بتاريخ: 22 مايو 2008 رااااااااااااااااااائع.....جاااااااااااااااااااااامد.....هاااااااااااااااااايل كصه تجمع بين الادب الاكتصادي الاجرامي البوليسي الحديث...................استمر ابننا العزيز حشيش. wst:: ..ربنايبارك في قلمك :sad: ..ويسترها عليك...ويعديها علي خير wst:: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
حشيش بتاريخ: 22 مايو 2008 كاتب الموضوع تقديم بلاغ مشاركة بتاريخ: 22 مايو 2008 جالاكسى باشا ... ربنا يجبر بخاطرك ... شكراً لكى :angry: قبل أن ينهى غازى الشريج حديثه مع سليم سعادة و أبو حجر فى عوامة روض الفرج يدق جرس هاتفه المحمول ناصور: إزيك يابابا ... وحشتونى كلكم ... مش قادر خلاص عالغربة ... الغربة بتكوينى clp:: غازى: يابنى إنته مبقلاكش يومين مسافر ! ... تكويك إيه وتهببك إيه ! ... مش أحسن ما عزو يدخل سيخ حديد مسلح فى .... فى ودنك ! ناصور: إنته بتقول كده يابابا لإنك ما شربتش من نيلها ... راجع لك يابلدى ... راجع لك ياست الحسن clp:: غازى: يابنى أنا اللى فيا مكفينى ومش ناقص جنان أهلك ! ... عارف لو سيبت الفيلا هناك ورجعت حتحصل فؤاد عزو ... أدينى حذرتك وبعد كده عقلك فى راسك تعرف خلاصك ! ناصور: ولحد إمتى حفضل فى فرنسا ؟! ... قلبى واكلنى عليكم يابابا ! غازى: كويس إن قلبك اللى واكلك ... وقلبك واكلك علينا ليه إن شاء الله ؟! ... من إمتى بتحس ؟! ... ده انته جبله ... إن كان على ميار أستئذنلك والدها وابعتهالك فرنسا كام يوم ... أبوها راجل طيب ومش حيقول حاجة ! ناصور وقد تهللت أساريره: صحيح يابابا ... حتبعت لى ميار ؟! غازى: أيوه حبعتها وابقى اترمى فى حضنها زى منته عايز ناصور: ربنا يخليك يابابا ... ميار مفيش زى حضنها ... جربت كل الأحضان حتى أحضان الشباب بس مش برتاح غير معاها ... حتى فى أحضان الشباب شوك ياقلبى ty:) غازى: أنا عارف غراب البين اللى إسمه حزين منطسش فى نظره ليه وهوه بينشن على فؤاد عزو وريحنى منك ! md2: ناصور: طيب حقول لك سلام دلوقتى ... سلم لى على ماما كتير غازى: ما تخلى عندك دم وتكلمها إنته تسأل عليها وتبقى بجميلة ناصور: ودى تفوتنى يابابا ... بحاول أتصل بيها من الصبح بس تليفونها مش بيرد clp:: غازى: غريبة قوى !!! ... طيب سلام دلوقتى ما أن ينهى غازى مكالمته الهاتفية مع ناصور حتى يقوم بالإتصال بزوجته بلوظة على هاتفها المحمول مرات ومرات وفى كل مرة تأتيه رسالة ( هذا الرقم قد يكون مرفوع مؤقتاً من الخدمة أو مغلق ... برجاء المحاولة مرة أخرى) ... تبدو علامات الإنزعاج على وجه غازى الشريج سعادة: خير ياغازى بيه ؟ ... فيه حاجة ؟! لم يرد غازى وقام بالإتصال بمنزله بالمهندسين الخادم: فيلا غازى باشا الشريج ... مين معايا غازى: فين ستك ؟ الخادم: معرفش ياباشا ... من ساعة ما خرجت الصبح ما رجعتش ... حتى ناصور بيه إتصل من شوية وسأل عليها وقال إنها مش فى المحل ومش بترد على الموبايل ! ينهى غازى الشريج المكالمة ويخاطب ضيفيه سليم سعادة وأبو حجر وهو فى قمة التوتر والغضب غازى: عزو خطف بنت أختك ياسليم ... بلوظة إتخطفت ياسليم md2: سعادة: كلام إيه ده ياغازى ... تف من بقك ... يخطف بنت المنايشة ... ده لا كان ولا عاش !!!! أبو حجر: مش ممكن ياغازى بيه ... طب إمتى وإزاى !!! غازى: الساعة داخلة على 11 بالليل دلوقتى وبلوظة عمرها ما بترجع البيت بعد الساعة 7 أو 8 بالكتير .... والأهم من كده إنها مش بترد عالتليفون .... طيب ياعزو ... كنت فاكرك أنضف من كده ... لكن لالالالالالالالالا ... كله إلا الشرف ! ... هوه ده اللى طلعنا بيه من الدنيا ... ومش حسيبك توسخ شرف المنايشة أبداً سعادة: لو الكلام ده حصل بجد ياغازى يبقى عزو فتح على نفسه طاقة من جهنم ... شرف بلوظة ما يكفينيش فيه لترين حليب قصدى ما يكفينيش فيه غير دمه md2: غازى مخاطباً سعادة وأبو حجر: إحنا حنقعد نولول زى الحريم هنا ونسيب بلوظة تحت رحمة عزو ورجالته ... هم منك ليه روحوا إجمعوا الرجالة والسلاح وأنا ححصلكم عاالكفر قبل الفجر ما يشقشق md2: إلى اللقاء أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
النجم الثاقب بتاريخ: 22 مايو 2008 تقديم بلاغ مشاركة بتاريخ: 22 مايو 2008 يا سلام عليك يا H ... أيوه كده اتحفنا بروائعك ... و ما تتأخرش علينا:angry: ty:) clp:: كيف اصطباري وما في العمر متسع...!! رابط هذا التعليق شارك المزيد من خيارات المشاركة
Dr.mmfriend بتاريخ: 22 مايو 2008 تقديم بلاغ مشاركة بتاريخ: 22 مايو 2008 يا سلام عليك اديب وروائي محصلش اديها اديها خليها تولع بس عاوزين نتابع اخبار بطل القصه الاصلي واللى القصه باسمه حزين نفسه مختفي عن الاحداث ليه كده؟؟ مش مفروض يعمل حاجه وسط العالم دول؟؟ ولا ايه يروح ينقذ بالوظه ولا حتى يساعد الرجاله وهما بيعذبوها لو كانت نفسه حلوة :angry: هههههههههههههه رابط هذا التعليق شارك المزيد من خيارات المشاركة
الطيار المصرى بتاريخ: 23 مايو 2008 تقديم بلاغ مشاركة بتاريخ: 23 مايو 2008 عمن حشيش....رائد الكصة الطويلة و القصيرة في منتدانا.... كصتك هي الحاجة الوحيدة اللي مصبراني لحد ما امتحاناتي تخلص.... ما تتأخرش علينا كتير...و استمر في امتاعنا بقلمك(أو الكيبورد بتاعك) البديع... تحياتي... الطيار المصري معين الدمع لن يبقى معينا .... فمن اي المصائب تدمعينا زمان هون الاحرار منا .... فديتِ وحكم الانذال فينا ملأنا البر من قتلى كرام .... على غير الاهانةِ صابرينا كأنهمُ اتوا سوق المنايا .... فصاروا ينظرونَ وينتقونا لو ان الدهر يعرفُ حقَ قومٍ .... لقبل منهم اليدَ والجبينا عرفنا الدهرَ في حاليهِ .... حتى تعودناهُ ما شدا ولينا فما رد الرثاء لنا قتيلا .... ولا فك الرجاء لنا سجينا سنبحث عن شهيد في قماطٍ .... نبايعه امير المؤمنينا ونحمله على هام الرزايا .... لدهرٍ نشتهيهِ ويشتهينا فأن الحق مشتاق الى ان .... يرى بعض الجبابر ساجدينا رابط هذا التعليق شارك المزيد من خيارات المشاركة
HDarwish بتاريخ: 24 مايو 2008 تقديم بلاغ مشاركة بتاريخ: 24 مايو 2008 حشيش باشا .. الله ينور لا شكر ولا حاجة يا كاتب يا كبير أنا تحت أمرك على فكرة أنا كتبت لمؤلفين كبار هنا وما لقتشي حاجة زي كده إنتظروا السيناريو السيناريست / حسن درويش رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان