!! Lidooooo !! بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 (معدل) زغلول: طيب وطى صوتك عشان فيه شوية موزز جايين علينا ... نبقى نتكلم فى أم الفقر ده بعدين :ninja: حزين: جايين علينا إحنا bsh:) ... لأ بص كويس ... دول رايحين على الوله اللى لابس بنطلون محزق وقاعد فوق المرسيدس اللى هناك دى :blink: :happy: تم تعديل 21 أبريل 2008 بواسطة !! Lidooooo !! رابط هذا التعليق شارك المزيد من خيارات المشاركة
أبو محمد بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 إبن الكدر يعني إيه إبن؟؟ :blink: الوش ده لحد ماسك مقص ...صح ؟ قرنفلة .. النجم الصاعد الواعد فى مجال تهدئة النفوس :happy: .. حكلملك الكوتش زوهيرى ياخدك فى فريق البراعم يا قرنفلة :ninja: أخى أديب الحشيش ... يووووووه .. قصدى أخى حشيش الأديب : معلش يا أستاذنا .. قرنفلة أصلها لم تعاصر زمن الشوادر ... وبعدين ياقرنفلة لخبطتينى ... قصدى لم تعاصر زمن الكوادر ... قال بتسأل على كدر .. ومبتسألش مثلا :" يعنى إيه ناصور" ؟ إستمر يا أديب .. ولا يهمك من البرعم قرنفلة .. ولا حتى من سكوب الغيران .. المقص لازال فى غمده .. نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
أبو محمد بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 زغلول: طيب وطى صوتك عشان فيه شوية موزز جايين علينا ... نبقى نتكلم فى أم الفقر ده بعدين :ninja: حزين: جايين علينا إحنا bsh:) ... لأ بص كويس ... دول رايحين على الوله اللى لابس بنطلون محزق وقاعد فوق المرسيدس اللى هناك دى :blink: :happy: الفنان الكبير ليدو : رائع يا فنان .. فكرتنى بأيام الكلية .. فين بقى الناصور ابن الكدر اللى بيقول عليه حشيش ؟ نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
!! Lidooooo !! بتاريخ: 14 أبريل 2008 تقديم بلاغ مشاركة بتاريخ: 14 أبريل 2008 (معدل) موجود يابو محمد بياخد شاور وجاى حالا تم تعديل 15 أبريل 2008 بواسطة !! Lidooooo !! رابط هذا التعليق شارك المزيد من خيارات المشاركة
حشيش بتاريخ: 14 أبريل 2008 كاتب الموضوع تقديم بلاغ مشاركة بتاريخ: 14 أبريل 2008 (معدل) الفنان الكبير ليدو :wub: كده عندنا الغمراوى باغوص والوله حزين وصاحبه زغلول والموزز mfb: ... فين الواد البايظ ناصور الشريج اللى لابس بنطلون محزق ومعلق فى رقبته سلسلة عليها قلب كبير وضارب شعره جيل bv:- ... متخليش الشغل يتراكم عليك ياليدو :) قرنفلة ... جالاكسى ... أبو محمد ربنا يجبر بخاطركم ... شكراً لكم ... أنا حاسس إن المكان متلغم مش عارف ليه :blink: ... أبو محمد وسكوب هنا ... ولسه المعلمين الكبار أحمد محمود وهوه ماسك الكزلك وسى السيد ماسك موس حلاقة وعصام شوقى ماسك مطوة قرن غزال وأسد ماسك حربة :P ... بقية المشرفين ناس طيبين قوى بصراحة :blink: تم تعديل 14 أبريل 2008 بواسطة حشيش أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
!! Lidooooo !! بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 (معدل) كده عندنا الغمراوى باغوص والوله حزين وصاحبه زغلول والموزز bv:- ... فين الواد البايظ ناصور الشريج اللى لابس بنطلون محزق ومعلق فى رقبته سلسلة عليها قلب كبير وضارب شعره جيل ... تم تعديل 21 أبريل 2008 بواسطة !! Lidooooo !! رابط هذا التعليق شارك المزيد من خيارات المشاركة
se_ Elsyed بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 أيه صوره هاتتحط لناصور في منتدى المحاورات ... هادخلكم إنتو الإتنين المستشفى واعملكم عملية البواسير اللي بتاعنو منها من زمان ... حشيش ... ليدو .... عيشوووو الكصة إبتدت تسخن يا حشيش ... إدخل في التقيل يا مان وما يهمكش من أي مُشرف ولا مقصات بأجر رجل حشيش عشان أعفقه زي كل مره الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Folana بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 السلام عليكم ورحمة الله.... أنا فعلا سمعت البروجى فى عنبر الاشراف...وكافة حضرات المشرفين عمالين يجروا واللى يقول فين المقص؟...واللى يقول فين المنشار....فين الكاتر...فين الكرسى الكهربائى فيه ايه ياخوانا؟....قالوا اصحى يانينة اصحى..حشيش بيكتب كصة جديدة.... وسمعت صوت جهورى بيقول حرس ســــــــــــــلاح .... منور يا استاذ حشيش والله.... الاخوة المشرفين...شوفوا شغلكم ..انا بأغلى الميه أهو على النار { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
se_ Elsyed بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 والله والله يا جماعة مجرد رؤية إسم حشيش منور بالمنتدى .. هذا في حد ذاته يبعث البهجة في قلوبنا .. وبأبقى متوقع أقرا مصيبه سواد من مصايبه لسه بأحكي لصديقي هاندي كرافت من كام يوم وكنا قاعدين بنتعشى ... وكنت بأقوله إن من كام يوم كانت حالتي النفسناوية زي الزفت ... فقولت بدل ما اخد حباية بروزولين أو ستيترومايسين ... لأ .. أنا عارف علاجي ... فروحت قافل عليه الأوضة وجايب قصة المنتوف وأقعدت أقرأها للمرة العشرين وأكتشفت فجأة إن صوتي القهقة عالي لدرجة إن خفت إن العيال يصحو ويقولوا : بابا إتجنن تاني يا عيال الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
امانى بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 تسجيل متابعة رائع يا اخى قصتك وكلها تشويق شكلها تصارع بين الطبقات . اسلوبك سلس جدا هو السهل الممتنع وياريت تمتعنا على طول بقصصك الرائعة على ما ينزل الكتاب فى السوق باذن الله الاخ ليدو صورك رائعة والله وفى الصميم امانى الصداقة كنز لا يفنى لازم نحافظ عليه رابط هذا التعليق شارك المزيد من خيارات المشاركة
إيزيس بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 (معدل) متابعين تم تعديل 20 أبريل 2008 بواسطة قرنفلة قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا رابط هذا التعليق شارك المزيد من خيارات المشاركة
حشيش بتاريخ: 15 أبريل 2008 كاتب الموضوع تقديم بلاغ مشاركة بتاريخ: 15 أبريل 2008 الأعزاء ليدو ... سى السيد ... فولانة ... أمانى ... قرنفلة ربنا يجبر بخاطركم ... شكراً لكم يقترب حزين وزغلول بهدوء حتى لا يلحظهما أحد ويجلسا فوق سيارة بيجو كانت تقف على مقربة من سيارة ناصور المرسيدس الفاخرة ليستمعا إلى الحوار الدائر بينه وبين مجموعة من أجمل بنات الدفعة :wub: نانى: أنا مخاصماك ياناصور ناصور: ليه بس يا نانى ؟! نانى: كنت فين الأسبوع اللى فات كله ؟! ناصور: أصل بابا وماما كانوا فى اليابان وكان فيه حاجات كتير لازم أعملها فى التوكيل والمحلات وكده ... تعبت جداً يابنات بصراحة ... ما صدقت رجعوا ورحت على الشاليه بتاعى فى بورتو مارينا علشان أشم نفسى ميار: حموت وأروح بورتو ياناصور ... بابى مش راضى يبيع شاليه مراقيا ... إتحايلت عليه أنا وأخويا لكن أبداااااااااً ناصور: ما تضغطيش عليه ياميار ... الشاليه فى بورتو أغلى بكتير من مراقيا وجايز ما يقدرش على تمنه ... بلاش تحرجيه منار: فرق السعر قد إيه تقريباً ياناصور بين مراقيا وبورتو ؟ ناصور: حوالى إتنين مليون منار: وإيه أكتر حاجة بتعجبك فيها ؟ ناصور: فيه زحليقة على الشلالات خرافة بصراحة ... لما تطلعى فوق أكنك بتتزحلقى من فوق الهملايا ... عاليه جداً ... فى الأول كنت بخاف منها موت وكان إصحابى بيشيلونى من المايوه بتاعى بالعافية ويطلعوا بيا بس كنت بزرجن منهم وامسك فى السور وأصرخ ... ماكانوش بيقدروا يشيلونى أكتر من عشرين سلمه ونفسهم يتقطع :lol: تنطلق ضحكات البنات على خفة دم ناصور بينما ينظر حزين وزغلول لبعضهما البعض والحقد يملأ عيونهما وقلوبهما عليه وعلى حظهما التعس :sad: يستكمل ناصور حكاياته عن بورتو: شوية شوية إتجرأت ... وفين وفين لما إتشجعت وإتزحلقت ... بس بصراحة يابنات كان قلبى حيقف أول مرة ... دلوقتى بنزل على ضهرى واطلع من جديد واتزحلق على بطنى ... مش بزهق منها :lol: منار: وبابا وماما كانوا فى اليابان ليه ياناصور ؟! ناصور: أصل بابا جاله عرض من شركة موتسيكلات جديدة هناك وبمزايا هايلة ... وأرخص بكتير من ياماها كمان فراح يخلص معاهم منار: وحيسيب توكيل ياماها ؟! ناصور: عادى ... التوكيل الجديد حيكسبه ضعف الياماها وبابا حيبيع للناس الموتسيكل كمان فى مصر ب 2000 جنيه أرخص من الياماها ... يعنى فايدة لينا وللناس فى نفس الوقت نانى: بس أكيد الكواليتى حتفرق كتير ياناصور ;) ناصور: مع البروباجندا وشوية أكسسيرويز بسيطة الناس مش حتاخد بالها ... بس بصراحة يانانى مش علشان هوه بابايا يعنى ... الموتوسيكل الجديد ده أنسب لمحدود الدخل ... بابا طلب من الشركة تضيف اكواليزر قوى جداً للمسجل بتاعه وتضيف كمان مكان قدام السواق بالإضافة للمكان اللى وراه ... وبكده الموتسيكل الجديد يقدر يشيل 3 مش 2 زى الياماها ... يعنى محدود الدخل ممكن ياخد محدود دخل قدامه ومحدود دخل وراه ... والشركة وافقت بقول يابنات مضطر أسيبكم دلوقتى علشان لازم أروح محل الحلويات بتاع المهندسين ... See You Tomorrow باااااااااااااااااااااااااى بعد أن ينصرف ناصور الشريج والبنات زغلول: ده احنا مش عايشين ياحِزن !!!! حزين: ما تقوليش يا حِزن !!!!!!!!! .... هيا ناقصة !!!!!!! ... مش عايزك تنادينى بحِزن دى تانى خالص md2: زغلول: أقول لك ياحُزن بدال ياحِزن يعنى ؟ حزين: أنا إسم أهلى ما ينفعش فيه دلع من أساسه ... حِزن ... حُزن ... كله زبالة ... نادينى بإسمى ياأخى !!! md2: زغلول: خلاص يابا إنته حطلع غلبك فيا ليه !!! حزين: معلش يازغلول حقك عليا ... أشوفك بكره ... سلام زغلول: سلام يعود حزين لبيته وهو شارد الذهن حزين: مساء الخير يمه أم حزين: أنا رحت للشيخ عتمان النهارده ياولدى :sad: حزين بزهق: الشيخ عتمان مين ؟! أم حزين: سلامة عقلك ياولدى !!! ... الشيخ عتمان إمام الزاوية اللى أبوك الله يرحمه كان بيصلى فيها هنا جنب البيت ! حزين: طيب يمه ... أنا حدخل أريح شوية ... سيبينى أصحى لوحدى أم حزين: أنا حكيت للشيخ عتمان الحلم ... بيقول إن الخيارة اللى أبوك كان ماسكها فى إيده الشمال دى الدنيا والصفارة اللى كان ماسكها فى إيده اليمين تحذير ليك منها ... يعنى أبوك عايز يقولك الدنيا دى يابنى زى الخيارة ساعة فى إيدك ....... حزين: خلاص يمه مفهوم ... تصبحى على خير md2: إلى اللقاء أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
nash بتاريخ: 15 أبريل 2008 تقديم بلاغ مشاركة بتاريخ: 15 أبريل 2008 لا بجد بجد....توووووووووووحفه شد حيلك ونزل كام فصل الله يكرمك..... :lol: صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
حشيش بتاريخ: 15 أبريل 2008 كاتب الموضوع تقديم بلاغ مشاركة بتاريخ: 15 أبريل 2008 والله والله يا جماعة مجرد رؤية إسم حشيش منور بالمنتدى .. هذا في حد ذاته يبعث البهجة في قلوبنا .. وبأبقى متوقع أقرا مصيبه سواد من مصايبه لسه بأحكي لصديقي هاندي كرافت من كام يوم وكنا قاعدين بنتعشى ... وكنت بأقوله إن من كام يوم كانت حالتي النفسناوية زي الزفت ... فقولت بدل ما اخد حباية بروزولين أو ستيترومايسين ... لأ .. أنا عارف علاجي ... فروحت قافل عليه الأوضة وجايب قصة المنتوف وأقعدت أقرأها للمرة العشرين وأكتشفت فجأة إن صوتي القهقة عالي لدرجة إن خفت إن العيال يصحو ويقولوا : بابا إتجنن تاني يا عيال أخى وقرة عينى سى السيد :sad: قرأت كلماتك ودمعت عيناى ودعوت فى نفسى أن يجعل الله يومك قبل يومى حتى لا تتألم لفراقى :sad: ... ربنا يديم بينا المودة يابو السيد ويجبر بخاطرك زى ما دايماً بتجبر بخاطرى :lol: :lol: أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
حشيش بتاريخ: 15 أبريل 2008 كاتب الموضوع تقديم بلاغ مشاركة بتاريخ: 15 أبريل 2008 لا بجد بجد....توووووووووووحفه :lol: شد حيلك ونزل كام فصل الله يكرمك..... :sad: ربنا يجبر بخاطرك ياناش ... شكراً لكى :lol: أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
سهران بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 ما عنديش كلام كتير أقوله ........بقالي كتير ما ضحكتش بصوت عالي ... تسلم أيديك .... من لي سواك .. و من سواك ... يرى قلبي و يسمعه كل الخلائق ظل في يد الصمد ... أدعوك يا ربي فاغفر ذلتي كرما و أجعل شفيع دعائي حسن معتقدي رابط هذا التعليق شارك المزيد من خيارات المشاركة
!! Lidooooo !! بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 (معدل) :lol: تم تعديل 16 أبريل 2008 بواسطة !! Lidooooo !! رابط هذا التعليق شارك المزيد من خيارات المشاركة
!! Lidooooo !! بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 (معدل) أم حزين: أنا حكيت للشيخ عتمان الحلم ... بيقول إن الخيارة اللى أبوك كان ماسكها فى إيده الشمال دى الدنيا والصفارة اللى كان ماسكها فى إيده اليمين تحذير ليك منها .... تم تعديل 16 أبريل 2008 بواسطة !! Lidooooo !! رابط هذا التعليق شارك المزيد من خيارات المشاركة
se_ Elsyed بتاريخ: 16 أبريل 2008 تقديم بلاغ مشاركة بتاريخ: 16 أبريل 2008 كشكشها ما تعرضهاش يا شيشو موتوسيكل إيه أبو 2000 ج ده ؟ إذا كان التوك توك المصنوع من مخلفات الحروب وصل أكثر من 15 ألف يابني ؟ كمل كمل الله يرضى عليك حاسس إن حزين وزغلول هايمسكوا ناصور وابوه يولعوا فيهم بجاز ... نوع من أنواع الحكد التبكي الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
حشيش بتاريخ: 16 أبريل 2008 كاتب الموضوع تقديم بلاغ مشاركة بتاريخ: 16 أبريل 2008 كشكشها ما تعرضهاش يا شيشو موتوسيكل إيه أبو 2000 ج ده ؟ إذا كان التوك توك المصنوع من مخلفات الحروب وصل أكثر من 15 ألف يابني ؟ أنظر بعينك وارحم بقلبك يا سين يا سين وبابا حيبيع للناس الموتسيكل كمان فى مصر ب 2000 جنيه أرخص من الياماها أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان