صوره للرئيس مبارك ...تعبر عن مدى امتنان الناس له

[مغتربة]

رغم اننى لو كنت معهم لكنت اشتركت معهم محمله بنفس مشاعر الغضب و الحنق الا اننى كل ما افكر فى المشهد اذا اختفى منه مبارك ارى الصورة اكثر سوادا فالفراغ السياسى الذى سيخلفه وراءه سيدفع مصر الى ان تكون عراق اخرى او افغانستان طلبانيه اخرى

ربنا يستر من الى جى

[حشيش]

الصورة بالفعل أبلغ من عشرات المقالات لوصف كيف يكره الشعب حاكم مستبد جثم على صدره أكثر من ربع قرن بالقمع والتزوير ويريد أن يورث الحكم من بعده للملك توت عنخ أبوه ليستمر حكم الأسرة ال 14 لنصف قرن جديد wst::

[نوناهو]

والله انا لو مكان صاحب الشأن لتوقفت قليلا ....

قبل ان اعاقب هؤلاء الناس الغلابة على قلة ادبهم

ثم سألت نفسى ياترى ليه ليه الناس الغلابة بتعمل كدة

ثم عقدت جلسة لمجلس الوزراء الذى هو مسئول عما يحدث

وسألتهم ايه اللى بتعملوه فى الناس

علشان تعمل كدة فية :rolleyes:

[حلواني]

مش عارف انا ليه خايف اكتب في الموضوع

يمكن علشان انا مؤمن ان الكلمه امانه واي كلمه فيها تحريض اوحتي تشجيع او رفض انت مسؤل عنها امام الله وامام نفسك

وما شاهدناه من تخريب للاملاك العامه او الخاصه لا يرضي احد اما تكسير الصوره من وجهة نظري مشهد انفعالي لا يعبر كن حب او كراهية لشخص الرئيس ولو ذهب الرئيس للمحله غدا الناس دي هيقفو يصفقو ويهتفوله كمان ويقولو بالروح والدم صدقوني دي ناس مش عافه هي بتعمل ايه وماتقدرش تحكم علي تصرفاتها

[هيثم نافع]

الصور هي لمصور رويترز عبد الناصر النوري

صدق لان هذا هو احساس العامه تجاه الريس

دا ولا كأنه الصدّام في عزّ وقعته

[Simba]

الحقايق دي كانت غايبة عنه فين بس

[خالد شحاته]

هذا هو شعب المحله الاثم يدوس على صوره حامي حمى البلاد

طبعا انتم عارفين هولاء القله المنحرفة معدمي الضمير من محترفي الشغب و البلطجة هم اللي بيعملوا كده

و مافيش حد من العمال و لا اهل المحله الحقيفين يرضى عن اللي بيحصل ده

و لا اي مصري شريف تجري الوطنيه في عروقه يرضى ان السيد الريس يحصل له كل ده

و كل تماثيل و صور الريس و الحزب - الاغلبيه- تداس بالارجل كده

و عاشت مصر و عاش مبارك و عاش الحزن الوطني لها عالطول علشان احنا اخدنا على الذل و طعم الحريه لنا زي الكرواسون لايغني و لا يسمن من جوع

اولا انا من المحله واتشرف اني اكون من المحله لو كانت كل المحافظات خرجت يوم 6 ابرايل زي اهل المحله ماخرجت كان زمان النظام ده منتهي من يومها انما للاسف بس معروفه المحله بناس الا فيها واكيد كل مكان فيه الحلو والوحش