صوره للرئيس مبارك ...تعبر عن مدى امتنان الناس له

[Ghost]

الصور هي لمصور رويترز عبد الناصر النوري

صدق لان هذا هو احساس العامه تجاه الريس

[Ghost]

هذا هو شعب المحله الاثم يدوس على صوره حامي حمى البلاد

طبعا انتم عارفين هولاء القله المنحرفة معدمي الضمير من محترفي الشغب و البلطجة هم اللي بيعملوا كده

و مافيش حد من العمال و لا اهل المحله الحقيفين يرضى عن اللي بيحصل ده

و لا اي مصري شريف تجري الوطنيه في عروقه يرضى ان السيد الريس يحصل له كل ده

و كل تماثيل و صور الريس و الحزب - الاغلبيه- تداس بالارجل كده

و عاشت مصر و عاش مبارك و عاش الحزن الوطني لها عالطول علشان احنا اخدنا على الذل و طعم الحريه لنا زي الكرواسون لايغني و لا يسمن من جوع

تم تعديل 8 أبريل 2008 بواسطة Ghost

[badroora]

طبعا شيء مشين جدا اللى بيحصل دا

مهما ان كانت احوال البلاد سيئة فى عصر حسنى مبارك الا انه فى الاخر بشر وبنى ادم كرمة الله فمش معقول البشر هما اللى يهنوه بالشكل دا.

انا ضد الاسائه لاى شخص مهما ان كان وان دفاعى عن حسنى البنى ادم وليس الرئيس .

عموما مايحدث من ناس متطرفين للاسف هيكون البرواز والصورة التى تصف شعب مصر وستتوارى كل الحقائق خلفة

[shawshank]

انا ضد الاسائه لاى شخص مهما ان كان وان دفاعى عن حسنى البنى ادم وليس الرئيس .

حضرتك ما هم بيدوسوا على صورة حسني الرئيس وليس البني آدم . وبيسيئوا لحسني الرئيس وليس البني آدم .

[badroora]

انا ضد الاسائه لاى شخص مهما ان كان وان دفاعى عن حسنى البنى ادم وليس الرئيس .

حضرتك ما هم بيدوسوا على صورة حسني الرئيس وليس البني آدم . وبيسيئوا لحسني الرئيس وليس البني آدم .

اوكية اذا كان كدا يبقي مش مشكلة :lol:

لا انا اقصد هناك طرق حضارية كتير عن المساس بشخص البني ادمين

يعنى هو لما يدوس على الصورة ولا يولع فيها حتى هو كدا كسب حاجة

فبلاش التصرفات الغير حضارية دي اللى لا ياتى من ورائها الا تشوية صورة المصريين

[mohmaher]

امال هي ايه الصورة الحضارية للتعبير ؟؟؟ نستضيف الناس دول في برنامج العاشرة مساءا و يشربوا فنجان قهوة علشان نسمع رأيهم!!!

أنتي لو عايشه 1/1000 من مأساة الناس ديه.. كان زمانك بتعملي أضعاف اللي بيعملوه !!!!

تشويه صورة المصريين فين ؟؟؟ امتى ؟؟:lol:

أنتي عايشة معانا حضرتك ؟؟؟

هو بقه فيه صورة !!!

عادل امام بيصور فيلم جديد .... سمعتي عنه ؟؟؟؟

صورة المصريين ... صورة .. صورة .. صورة ... كلنا كده عايزين صورة ...

[shawshank]

رغم علمي التام بنص قواعد المشاركة في محاورات المصريين على أن :"15- ما ينشر في صفحات المنتدى من حوارات لا يمثل الرأي الرسمي للموقع و إدارتها، بل هي آراء للكتاب و هم يتحملون تبعة آرائهم، و تقع عليهم وحدهم مسؤولية الدفاع عن آرائهم وأفكارهم. " ...

ورغم خلو قواعد المشاركة في محاورات المصريين مما يبيح حذف الموضوع ...

لكني بصراحة حاسس إن الموضوع فيه تحريض على العنف والتخريب ...

فأرجو من الإدارة حذف الموضوع لأننا دائمًا ضد العنف وضد التخريب ، ولكننا مع التغيير ومع محاربة الديكتاتورية بشتى الوسائل إلا العنف .

[mohmaher]

أشاركك الرأى ...

[علي البدري]

هناك..... صور تنباس .......و......صور تنداس........و....... صور تنضرب بالمداس.....

وصورته من النوع الثالث

[Ghost]

لكني بصراحة حاسس إن الموضوع فيه تحريض على العنف والتخريب ...

فأرجو من الإدارة حذف الموضوع لأننا دائمًا ضد العنف وضد التخريب ، ولكننا مع التغيير ومع محاربة الديكتاتورية بشتى الوسائل إلا العنف .

استنى عليه شويه يا ريس

و الله ده انا بحبك و معجب بكلامك

بس في الحته ديه ما لكش حق

في التحريض على العنف هنا و الدعوه الى التخريب

ده كلام كبير قوي ما اقدرش عليه

الله

هو انا رفعت صوره جات في وسائل الاعلام و النت و هي تصف بعض من الحاله التي وصل لها الناس

هو انا فبركت الصوره علشان اقول ان الناس بتكره عمنا مبارك مثلا

لا

ده جزء من الاحداث

و الصوره زي الكلام بالضبط ..........ما فيش فرق

و الا تطالب بحذف كافه المواضيع التي تناولت انتفاضه المحله على ان المعارضين هم مثيري الفتنه

محتاج توضيح اكثر من القاء الكلام على محمله دون تفصيل

[Ghost]

طبعا شيء مشين جدا اللى بيحصل دا

مهما ان كانت احوال البلاد سيئة فى عصر حسنى مبارك الا انه فى الاخر بشر وبنى ادم كرمة الله فمش معقول البشر هما اللى يهنوه بالشكل دا.

انا ضد الاسائه لاى شخص مهما ان كان وان دفاعى عن حسنى البنى ادم وليس الرئيس .

ده ايه الرقه اللي ماليه قلبك ديه يا بدريه

علشان الناس داست على الصوره يبقى ده اهانه لبني ادام

امال اللي بيدوس على رقاب الناس و هم احياء احد ما يموتهم تقولي فيه ايه

لما السلخنات في امن الدوله بتسلخ المعارضين يبقى ده تسميه ايه

لما ياخد من فلوس بلدي و خيرها و يكلوه لوحدهم و الناس تقف و تموت في طوابير العيش

مش ديه الاهانه الحقيقيه لبني ادام

[se_ Elsyed]

لكني بصراحة حاسس إن الموضوع فيه تحريض على العنف والتخريب ...

فأرجو من الإدارة حذف الموضوع لأننا دائمًا ضد العنف وضد التخريب ، ولكننا مع التغيير ومع محاربة الديكتاتورية بشتى الوسائل إلا العنف .

استنى عليه شويه يا ريس

و الله ده انا بحبك و معجب بكلامك

بس في الحته ديه ما لكش حق

في التحريض على العنف هنا و الدعوه الى التخريب

ده كلام كبير قوي ما اقدرش عليه

الله

هو انا رفعت صوره جات في وسائل الاعلام و النت و هي تصف بعض من الحاله التي وصل لها الناس

هو انا فبركت الصوره علشان اقول ان الناس بتكره عمنا مبارك مثلا

لا

ده جزء من الاحداث

و الصوره زي الكلام بالضبط ..........ما فيش فرق

و الا تطالب بحذف كافه المواضيع التي تناولت انتفاضه المحله على ان المعارضين هم مثيري الفتنه

محتاج توضيح اكثر من القاء الكلام على محمله دون تفصيل

معليش إنت ما فهمتش الاخ شاوشنك بيلمح لإيه

الاخ شاوشنك يا جوست بيتريق على كلامي في موضوع عاشت المحلة حره مستقرة لما كان هو شخصياً بيدعو إلى خطف ظباط شرطة وتكوين مليشيات لقتل الشرطة وخطفهم وتضامن معه بعض الزملاء ومنهم إنت يا جوست cr((: وقمنا بحذف تلك المداخلات ...

[Ghost]

معليش إنت ما فهمتش الاخ شاوشنك بيلمح لإيه

الاخ شاوشنك يا جوست بيتريق على كلامي في موضوع عاشت المحلة حره مستقرة لما كان هو شخصياً بيدعو إلى خطف ظباط شرطة وتكوين مليشيات لقتل الشرطة وخطفهم وتضامن معه بعض الزملاء ومنهم إنت يا جوست وقمنا بحذف تلك المداخلات ...

اه

فهمت

الله ينورك يا سي السيد

بس انا كنت واخد موضوع خطف ضباط الشرطه ده بضحك

و لو شوفت اسلوبي هتلاقيه هزار مش بجد

مع ان ضباط امن الدوله بصراحة عاوزين ضرب النار في ميدان عام

[midotheboss]

يعني لما الناس مش لاقيه تاكل وتلاقي عليه صورته وتحتها مؤسس نهضة مصر الحديثه يعملو أيه يعني cr((: مش حاجه تفقع ولا أيه لما الأسعار تزيد المفروض المرتبات تزيد لأن الضرايب بتزي الجمارك بتزيد دخل الدوله من البترول وقناة السويس وحاجات كتير بتزيد أنما مافيش أي بطيخه خالص mf-:

[مصري أصيل]

آخر أجازه نزلتها كانت في صيف 2005 وكانت تتزامن مع أنتخابات الرئاسة . وكنت كل ما أروح أشتري حاجه من حد أو أركب تاكسي أو أي شيء من هذا القبيل أسأل الشخص اللي شفته سؤال . أنت هتنتخب مين ؟؟؟ وكان رد الناس اللي أتعجبت منه كتير جداً لأني علي الرغم أني كنت بقالي 5 سنوات لم أنزل مصر ألا أنني كنت أعلم جيداً حال الناس و أنه من سيء لأسوء وكان الرد في كل مره تقريباً هوه أحنا هنجيب زي الريس ده الريس كويس جداً بس الناس اللي حواليه هما اللي عاملين كده. وكنت أتعجب من رد الناس . هل بعد ما وصلنا إليه والناس لسه بتقول الريس كويس طيب هنوصل لفين عشان نفوق . وكنت أقول في نفسي ربما لأن هؤلاء الناس لا تعرفني يخافون أن يورطوا أنفسهم في حديث مع شخص غريب ربما يكون من الحزب الوطني و أقوم بأزيتهم . لكن الحقيقه أن الناس لغاية الفترة دي كانت مقتنعه أن حسني مبارك أفضل واحد يحكمنا . للأسف الناس ما فاقتش من الغيبوبة الا بعد أن أصبح الحصول علي رغيف العيش من المعجزات . طيب الناس كانت مستنيه أيه عشان تفوق وتدوس علي الصوره بالجزم مش عارف . لا حول ولا قوة الا بالله

[mohmaher]

لا تفرك عينيك

نعم الصورة صحيحة

وليست صورة من العراق بعد سقوط الطاغية المجرم صدام حسين

وهذا ليس الشعب العراقي

ولم يتم تعديلها جرافيكيا بوضع صورة مبارك بدلا من صدام

إنها صورة حقيقية

إنها بالفعل صورة لمبارك

وشعب المحلة المصري الثائر يعبر عن مشاعره الحميمة لرئيسه

http://www.youtube.com/watch?v=dGFUAsjTtx4

[Abofady]

نعم هؤلاء مصريون ، وليسوا فئة مندسة ، انهم شعب مصر المطحون ، مهما قال مدافعى النظام ومنظريه وألويته وزبانيته الذين احتلوا القنوات التليفزيونية والصحف القومية لكى يقنعوننا انهم قلة ومندسة ، هل هؤلاء قلة ؟ انه المارد المصرى الذى خرج من القمقم ، ولن تستطيعون ادخاله القمقم ثانية ، والصورة لا تكذب ولا تتجمل ....

[mohmaher]

مش برضه من النظام أن ينبهني المشرف قبل أن يحذف موضوعي و يضمه الى موضوع أخر ...

أنا أعرف أن موضوعي مشابه لهذا الموضوع .. لكن من أسس النظام واحترام الأعضاء تنبيههم قبل التعديل أو حتى بعده !!

غريبة جدا !!

[Ghost]

مش برضه من النظام أن ينبهني المشرف قبل أن يحذف موضوعي و يضمه الى موضوع أخر ...

أنا أعرف أن موضوعي مشابه لهذا الموضوع .. لكن من أسس النظام واحترام الأعضاء تنبيههم قبل التعديل أو حتى بعده !!

غريبة جدا !!

هو اه اللي حصل بالصلاه على النبي

يعني كتبت موضوع منفصل و دخل هنا و لا ايه

على العموم ده لو كان حصل و المشرف ما بعتش برساله لك يقول كده فقد حصلت معي من فتره

يا ريت يكون ده اتوماتك بحث لو المشرف عمل حاجة في الموضوع يرسل بمضمون ما حدث الى العضو

لان المشرف ممكن ينسى او يفوت عليه

[mohmaher]

Ghost

ده فعلا اللي حصل لي

أنا كنت عملت موضوع جديد بالكليب بتاع اسقاط الصورة الضخمة لحسني مبارك في المحلة

و فوجئت بالصدفة بدمج الموضوع الى هنا .. دون سابق أو "لاحق" انذار :rolleyes:

وللأسف حتى الأن لم يعبرني أحد منهم !

احنا شكلنا لازم نعمل اضراب احنا كمان