موضوع جديد جدا - في ايه في المحفظة؟

[se_ Elsyed]

  هو احنا بنحوش عند الكومة ولا إيه...!!!!!)

التعبير ده لفت نظرى ... اول مره اسمعه ... ده أسكندرانى ده ياموورسى؟

معليش يا كليو سيبي الترجمة علية ، الأخ لينكس من الشباب اللى لسه صغير ومايعرفش السيم اللى بنستخدمه ،

تعالى يا لينكس أقولك ، الكومة = الحكومة ، بس علشان كليو مش عايزه تدخل فى مشاكل لما تتقفش فبتكتب بالسيم ، بحيث لما يوقع المحذور تقدر تقول بقلب جامد والله يا باشا أنا بأحب الحكومة وعمري ماجبت سيرتكم بالشر ( ولا بالخير حتى ) تعيش الحكومة ويعيش زكي جمعه قصدي زكي بيه جمعه.

[بنت شعنونة]

خدتوا بالكم من العوامل المشتركة اللي في المحافظ.. و الشنط..

صورة الأهل او الأولاد او الزوجة

و وسيلة حماية للنفس...:)

و اللي ملفت اكتر

قصاقيص الورق القديييييييييييييمة او الزبالة اكرمكم الله

:lol: :lol:

مش بقولكم احفاد الفراعنة

نعز الكراكييييب جدا :D

[mnman]

بسم الله الرحمن الرحيم..

الله واحد مالهوش تاني... أتنين تلاتة... أية دة دول كتير أوي.... طيب نكتب لستة..

- كروت أئتمان.

- Ready shop دة كارت زي الفلوس يعني بتحاسب بية ويخصم من حسابك في نفس الوقت.. بتعمل كنترول أحسن من كروت الائتمان.

- رخصة سواقة مصري.

- رخصة سواقة دولي.

- أقامة البرازيل.

- كرت التأمين الصحي مش في مصر طبعا :) .

- كارنية النقابة.

- بطاقتي الشخصية العتيقة. :D :lol:

- صور العائلة.. الوالد و الوالدة و اخويا و جدتي و جدي و... يجي 10 صور.

- ورق أدعية..

- ريسيت لكروت الاتمان.

- دفتر شيكات فية شيكين بس.

- 500 ريال سعودي. و 10 جنية مصري و 3 هياو برازيلي.

- كروت شخصية.

بس خلاص.....

:lol: :lol: :lol:

[Cleo]

الطفشان كتب :

Quote: 

- سيلف دفنس 

يعني ملكمة و الا قرن غزال زي شعنونة؟ 

و الا Mace اللي هو بخاخ الشطة دة؟ 

أهو هو بخاخ الشطة ده... المصيبة إنى من يوم ما جبته الحمدلله ماستعملتوش.... آه يا خوفى لا ييجى يوم أحتاجه يطلع مش شغال... تفتكر أجربه على القطة إللى على السلم؟؟؟؟؟ :twisted: :twisted:

Quote: 

- ماديلية فيها لوكشة مفاتيح (لزوم الشغل بعد الظهر.... ) 

ممكن تعملي merger مع عصابة، قصدي شركة سيفود و كوكو واوا، و اهوه يبقى شقق و كروت و كله

و بعد كده نعمل ال merger ده مع "شركات" المنتديات الأخرى.... و نوسع النشاط.... يعنى بعد ما كان سرقة من على الانترنت أتبرع بالسلف دفنس بتاعى و نعمل قسم جديد للسرقة بالإكراه.... :twisted: :twisted: :twisted:

سى السيد كتب :

linux wrote: 

Cleo wrote: 

هو احنا بنحوش عند الكومة ولا إيه...!!!!!) 

 

التعبير ده لفت نظرى ... اول مره اسمعه ... ده أسكندرانى ده ياموورسى؟ 

معليش يا كليو سيبي الترجمة علية ، الأخ لينكس من الشباب اللى لسه صغير ومايعرفش السيم اللى بنستخدمه  ، 

تعالى يا لينكس أقولك ، الكومة = الحكومة ، بس علشان كليو مش عايزه تدخل فى مشاكل لما تتقفش فبتكتب بالسيم ، بحيث لما يوقع المحذور تقدر تقول بقلب جامد والله يا باشا أنا بأحب الحكومة وعمري ماجبت سيرتكم بالشر ( ولا بالخير حتى ) تعيش الحكومة ويعيش زكي جمعه قصدي زكي بيه جمعه.

أبدا يا جماعة الحكاية كلها خطأ مطبعى.... أنا فاتحة عصابة للسرقة بالإكراه صحيح لكن لحد "بحب الحكومة" و ضميرى مايسمحليش...

:cry: :cry:

[Lancelot]

مبلغ 25 جنية مصري بقىلهم 4 شهور مكسل أشيلهم فى الدولاب ودول شايلهم علشان لما أنزل مصر أدفع أجرة عربية الشنط وكمان أجرة الناس الغريبة االلى فى المطار اللى كل ماتقابلك تقولك كل سنة وانت طيب مش عارف ليه.

بشري للسيد سي السيد ... خلي فلوسك في جيبك يا راجل .... العربيات بتاعة الشنط دلوقتي بقت ببلاش ... و ده جزء من التجديدات اللي حصلت في المطار ... الباركنج بقه حلجة أبهة خالص و محطة الأوتوبيس مفيش أحسن من كده .... و كمان دلوقتي ممكن تأخد المكيف لأي حتة أحسن من التاكسي (حرامية) ... مش مصدق ... بسيطة ... إنزل مصر .....

عودة للموضوع ...

أخر الأخبار

مازالت الأخبار تتوالي من تليفزيون مدغشقر عن عصابة .... عفوا شركة سي فوود و كوكوواوا الذين إختفوا تماما .... و الأنباء تؤكد إنضمام كليو إلي فرع الشقق في الشركة .... و بنت شعنونة و مسلمة إيجيبشان في قسم الأسلحة البيضاء .... و براود مسلم (أبو إم سيكستين) لقسم الأسلحة السوداء ...... ما شاء الله .... مليشيات في المنتدي .....

[crossfield]

نداء عاجل لسيدات و انسات المنتدى و خاصة كليو :wink: و شعنونة و مسلمة؛ ريحة السلف دفنس فاحت و سيرةالمطاوى وصلت لأمن الدولة.يا جماعة اللى معاه حتة نضيفة ما يجيبش سيرتها على الهوا كدة .عاجبكوا كده؟ اهو الأخ لانكلوت شكله فضحكوا فى وسايل الاعلام و مش بعيد بكرة نشوفكوا فى خلف الأسوار :D

[Proud Muslim]

كتبت الأخت MuslimaEgyptian :

وسيله self-defense برضه ، بس حاجه تعبانه كده. هى حاجه كده لو تعرض لى حد (يا مامى) أدوس على زرار كده يعمل صوت ربنا ما يوريك..يفقدك السمع تقريبا

طيب ..اذا كان هو سيفقد السمع ..فماذا سيكون حال المستخدم ؟؟

يعني هو كمان يهنطرش أكيد !!

و بعدين لما يفوقوا هما الاثنين من الصدمة ..يلاقوا وشهم في وش بعض تاني ؟؟

و نلعب من أول و جديد .. :lol: :lol:

دي تبقى لعبة مش وسيلة حماية ..

مازلت أنادي باستعمال أدوات دفاع أكثر فاعلية ..

M-16 .. الأفضل في عالم الدفاع عن النفس .

عندك شرائك لهذا المنتج تحصل على هذه الهدية القيمة :

]

Butterfly knife

لأداء لأفضل و أسرع .. و بألوان جذابة و تتماشى مع لون الشنطة كمان ..

للاستعلام

أطلب : 0900900900

سعر المنتج ثابت .. سعر الشحن ثابت أينما كنت . :lol: :D

[Lancelot]

ظريف أوي الشئ ده يا براود ..... و كمان عليه هدية .... هايل هايل ...

ده ممكن الواحد يطبقه علشان يبقي حجمه أصغر شوية علشان أنا محفظتي مش كبيرة أوي كده ......

علي فكرة أنا مش هأشتري أنا بأتفرج بس .....

[Lancelot]

طيب ..اذا كان هو سيفقد السمع ..فماذا سيكون حال المستخدم ؟؟  

يعني هو كمان يهنطرش أكيد !!  

و بعدين لما يفوقوا هما الاثنين من الصدمة ..يلاقوا وشهم في وش بعض تاني ؟؟

لا ما هو حضرتك بتبقي مجربه في البيت .... يعني إنطرشت already مش لسه هتنطرش ....