موضوع جديد جدا - في ايه في المحفظة؟

[بنت شعنونة]

عاوزا كل واحد منكم

فضلا وليس امرا

يفتح محفظته كدا ويقولنا كلللللللللل حاجا فيها..

يعني فيها ايه غير الفلووووس :lol:

وها اقولكم ليه

اما البنات بقى

فعوازاهم بفتحوا شنطة ايديهم ويقولولنا فيها ايييييييه برضه...

وها اقولكم ليه برضه :lol:

___

تم تعديل طفيف في اسم الموضوع

الطفشان

[linux]

فيل ... بلاش اهزر يعنى!!

رخصه القياده

فلوس

بطاقات ائتمان

بطاقات بنزين

ورقه فيها أدعيه

شوية بزنز كاردز

شوية ورق ... زباله يعنى مكسل ارميه

كنت زمان حاطط صوره للولاد بس شلتها علشان اطبئت :( :(

[sos]

1ـ 40يورو

2-كارت تليفون مدفوع مقدما للاتصال بمصر

3-ورقة كبيرة بها ارقام التليفونات

4-كارنيه الجامعه

5-كارت البنك

6-كشف حساب البنك

7-تذكرة اشتراك الاوتوبيس

8-قلم جاف

[بنت شعنونة]

شوية ورق ... زباله يعنى مكسل ارميه 

حتى انت يا بروطاس :) :) :) :cry: :oops:

انا بقى عندي... في الشنطة

مناديل

كورة مناديل

مناديل نظيفة

مناديل معفنة (عشان مالقيتش زبالة ارميها فيها :roll: :lol: )

نظارة شمس (سبووووووور طبعا :wink: :lol: )

محفظة اوراق فيها اوراق من يجي مييييييييت سنة وصور اخواتي و ماما وكارنيهات النادي

محفظة تانية فيها الرخصة والبطاقة واوراق مهمة

الموبايل

يواقي باكتات شاي بواقي شوكلاته بواقي مناديل بواقي ورق بواقي ادوية لوياقي بونبونييييييييي

مطوة :roll:

ازازة مسك

ازازة برفان ميني... :lol:

بنس بالعبيط عشان الطرحة

مفك!!! :shock:

قلم روج سايح!!!! :)

سماعة طبيه..

استنوا اما اشيل الزباااااااااااالة اللي فيها يمكن الاقي حاجات تانية :lol: :cry: :lol: :) :)

[بنت شعنونة]

ـ 40يورو

2-كارت تليفون مدفوع مقدما للاتصال بمصر

:lol:  :lol: 

طب كويس انهم 40 يورو

انا بقى كان معايا 3 جنيه كلهم انصاااااص :?  :?  :( 

وجيبي دايما فيه كارت تلي كارد

عشااااان التلفووووووون

:twisted:

[أسد]

- فلوس

- بطاقات ائتمان

- رخصة قيادة

- كروت شخصية

- مفكرة تليفون

- بطاقة

- أوراق صغيرة بها بعض الأشياء المطلوبة مني

- مفتاح احتياطي للعربية

- عملة ورقية فئة 10 قروش

- صور شخصية لي ولزوجتي وابني

[sos]

مطوة :? :( :? :( :? :(

[بنت شعنونة]

:lol: :cry:

مش قلنا مسترجلة انا...:lol:

اصل انا بيبقى عندي نبطشيات اخر الليل

واحيانا اكون لوحدي فيها

واحيانا اكون راكنة العربية بعيييييييد جدا

فلابد من تأمين النفس يعني :roll: :lol:

وبعدين يا استاذ اس او اس

ولالالالالا يهمك

انا ها اقدم على ترخيص سلاح لما اخلص ان شاء الله :cry: :oops:

[sos]

هل سيكون لديك القدرة والشجاعه والوقت الكافى لاستخدامها.....???? اشك

[بنت شعنونة]

ولله يا استاذ sos

سؤالك وجييييييييييه فعلا :roll:

انا استعملتها مرتين في حياتي كلها

وانا معايا مطوة من يوم ما جيت مصر يعني من تمن سنين

اول مرة كنت بدافع بيها عن بنات عمي قصاد شباب فاشلين كانوا بيعاكسوهم

فطلعتها تهويش

وخصوصا اني شكلي شعنونة فخافوا مني

بس لجل الامانة كنا جوا العربية وهما جوا عربيتهم.. :lol:

و لمرة التانية كان عندنا حفلة في الكلية تكريمية

وقعدوا يدوروا على سكينة للعميد عشان يقطع بيها التورتة

ف اديتهم المطوة :lol:

اما موضوع استعمالها دا

ف انا بخاف

مش منها

لا

اخاف ااذي اللي قدامي ساعة الغضب حتى لو كان يستاهل

انما فعلا ممكن استعملها بدون ندم لو حد من اهلي كان بيتعرض لخطر

ازاااااااااااااي بقى

الله اعلللللللللللم :lol: :roll: :roll: :roll: :roll: :cry: :cry:

[sarab]

لأيت ورقة مكتوب عليها جنيه مصرى واحد ولما سألت الوللى دى كان زمان اسمها عملة بس دلوقتى اسمها نملة

[sos]

عندما كنت فى الثانويه كنت باركب اتوبيس عام للوصول للمدرسه ....

احد الايام كان زحمه جدا......دخلت الاتوبيس.......

قلت لواحد بعد اذنك اعدى.....

هذا ما قلت ليس اكثر

و دا اتفتح فى كلام فى غاية السوء

عارفين عملت ايه .........

رحت ضربه بالالم.........

الراجل وقف من المفاجاه مش عارف يعمل ايه...

حدثت شوية مناوشات الى ان نزلت من الاوتوبيس.......

واذا به يحاول ضربى بمطوه......

ربنا ستر..........

ماذا افعل......

لحظى السيىء لم اجد ولا طوبه فى الشارع.....

فى الاخر هو ال خاف وجرى........

[بنت شعنونة]

:shock: :shock:

يالهوي؟

لالالا

حمدالله ع السلامة يا فندم..

مش تخلي بالك

وبعدين قلم مرة وااااااااحد!!!!

:lol: :lol:

بس ضحكتني حكاية ولا طوبة دي

في اختراع اسمه الحديدة بتاعت الحزاااااااااااام :lol:

دلوقتي مافيش حد ما بيمشي من غير سلاح ما.. ايا ما كان بقى

زمن عجب :?

[sos]

:lol: فكرة الحزام ده جيده.............بس ماكانش فى وقت......

المره الجايه بقى....... :lol: :lol: :cry:

[yasser6666]

- كارت ATM للبنك

- كارت فيزا

- ورقة فيها ايات من القرأن الكريم

- كارت استعارة من المكتبة

- كارت اشتراك لتاجير افلام الفيديو

- كارت لتجميع النقط عند تزويد بنزين للسيارة

- كارت لتجميع النقط عند الشراء من السوبرماركت

- كارت اشتراك للجمانيزيوم

- مبلغ خمسة وعشرين يورو

[بنت شعنونة]

استاذ ياسر

كل ديييييييييي نقط حضرتك بتجمعها؟؟؟؟

:lol: :lol:

دا بدل جمع العملات يعني :lol:

على فكر فيه موضوع في شئون المحاورات تحت

عن اغلاق الصفحة الدينية للتعديلات..

عشان بس الموضوع اللي حضرتك سالت عليه.. :roll:

[yasser6666]

والله نظام النقط ده لذيذ قوي والواحد كده كده بيشتري وفي الاخر ياخد حاجة ببلاش كده!!!

[kokowawa1979]

أنا بقى يادكتورة مابشيلش في المحفظة غير الماستر كارد وكذلك رخصة السواقة ورخصة العربية وكارنيه النقابة وبطاقة الرقم القومي لكن فلوس نهائي لا لكن في جيب القميص تلاقيهم :lol: :lol:

[بنت بحري]

في شنطتي..... :twisted: :twisted:

عدد 3 بامبرز ........ :shock: :shock: :shock: في كل شنطة من شنطي حتلاقوا البامبرز حتى لو كنت خارجة ولجينه مش معايا بقت عادة :? :? :? :? :? :?

بواقي موزة بواقي بسكويت كوباية لجينه فيها عصير ...... فكرتوني لما أقوم أرميه زمانه أتخمر :shock: :shock: :shock: :shock:

إيه ده :shock: :shock: ياااااا علبة البودرة أتفتحت وبهدلة الشنطة ما هي كانت الهانم بتلعب بيها ...... مش مهم أنا مبحطش مكياج :lol:

محفظة ........... بداخلها

كروت أئتمان

فيزا كارت

كارت البنك

ورقة مدون بها مواعيد تطعيم لوجي

كروت المستشفى

شوية دولارات فكة

نضارة شمس .... شمس إيه بقه ....قصدي نضارة تلج

شلن مصري :wink: :wink: :wink:

[Salwa]

مشكله كبيرة.

انا شنطتى فيها مكان للمحفظة....والمحفظة فيها اجندة صغيرة فيها

اهم ارقام تليفونات،اهلى فى مصر،البنك،وهكذا.

فيها كمان..كروت الفيزا..وكارت المكتبه..وكذا كريديت كارت خاصين

للشراء من المحلات الكبرى....المأثورات...اوراق دعاء بخط يد امى.

صور اولادى وزوجى...

وفى مكان داخلى من شنطتى....شايله ورقه...عباره عن وصيه...

وبها بيان بكل ما املك ،دى حاجه عملتها فى لحظة صدق مع نفسى،

شنطتى بها ايضا علبة مناديل..و سائل لتنظيف الاسنان...،لو فى يوم

اتغدينا برة،علبه صغيرة بها كريم،مناديل تحتوى على كولونيا،

و300 euros .

يا بنت بحرى............بلدياتى.

زمان كنتى تلاقى فى شنطتى...علب زبادى...ملاعق...حفاضات،لها

هنا اسم تانى،وبرضه اوراق كلونيا للاطفال...ربنا يخللى لجينه.

سلام.