ahmos1 بتاريخ: 24 يونيو 2008 تقديم بلاغ مشاركة بتاريخ: 24 يونيو 2008 و انا كمان جداووووووووووى رابط هذا التعليق شارك المزيد من خيارات المشاركة
زهرة البحر بتاريخ: 24 يونيو 2008 تقديم بلاغ مشاركة بتاريخ: 24 يونيو 2008 الاخ لخبطة الموضوع بجد جميل وخصوصا اننا هنا فى جدة لسة مكملناش سنة يعنى بنستفيد من تجاربك دى .. وبمناسبة اننا هنا جداد ممكن تصف لى مكان بيع السمك ده ( بنى مالك ) والمكان التانى فين بالضبط مكانه لاننا بنشترى من الحلقة او اى الهايبر ماركت وبمناسبة شبرا بقى ماله ياسى لخبطة شبرا ماهو حلو وزى الفل فى ايه قولنا يمكن الواحد ما هو واخد باله هو بصراحة لما رحنا هناك الواحد حس انه فى مصر لان معظم اللى هناك مصريين بيشتروا هدايا ... وبعدين انت ظالم المدرسين اوى هنا نفسى اعرف بقى حضرتك سغال ايه .. اكيد طبعا مهندس او دكتور اة مهنة بتقيط كتير تعالى بقى شوف مرتب المدرسين هنا كام وبيصرفو ازاى وبيحوشو ايه علشان الواحد فيهم يتجوز او يقدر يجيب زوجته او يعيش كويس فى مصر لما يرجع انا سالت على مرتبات المدرسين للاسف حاجة تحزن وخصوصا انالمعيشة هنا جدة مش رخيصة ونغريات الصرف كتير وللعم انا زوجى مش مدرس والحمد لله تقبلو تحياتى رابط هذا التعليق شارك المزيد من خيارات المشاركة
لخبطه بتاريخ: 25 يونيو 2008 كاتب الموضوع تقديم بلاغ مشاركة بتاريخ: 25 يونيو 2008 (معدل) منورين ياجماعة الفاضلين الشامي و ahmos انا متحمس زيكم بس ليه مكسلين تفتحوا توبيك للموضوع انا ممكن افتح انا بس انا عايز واحد منكم انتو . هيكون متابع أكثر مني وانا معاكم بردو ، الفاضلة زهرة البحر منوره جدة ومنور الموضوع ومنوره شبرا كمان :Laie: بخصوص شبرا انا مش بنتقدها والله انا بنقل واقع بس ولو تيسر لحضرتك تشوفي هدوم عيالي أغلبها made in Shobra :closedeyes: وبكلامك عن شبرا كدا حرقت لي الجزء اللى جاي لأنه كان اسمه هتشتري هدومك منين المدرسين انا نقلت صورتهم زي ما شوفتها بأمانة وكتير من أصحابي مدرسين وهما فعلا مرتباتهم قليله جدا بتوصل ل 1500 لذلك لازم العيش بنظام . وانا ياستي لا دكتور ولا مهندس أنا راجل غلبان خالص شاري مكيفات مستعمله من الحراج من شهرين بس :rolleyes: أنا في فئة من اللى انا بتكلم عنهم أحمل كل صفتهم وعيوبهم لو ليهم عيوب . بخصوص محل السمك دقيقه أجيبه لحضرتك من على google earth تم تعديل 25 يونيو 2008 بواسطة لخبطه أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
iloveegypt بتاريخ: 25 يونيو 2008 تقديم بلاغ مشاركة بتاريخ: 25 يونيو 2008 سؤال برىء للخبيطة انتى جى تشتغل ايه ............. سواق ياهانم لاصحيح ولامدرس ولادكتور ولامهندس ولامحاسب بضحك معاك ياعم موضوع رائع وعجبتنى حتة كل المدرسين ولادهم اسمهم عبدالرحمن وشهد طيب المهندسين عيالهم اسمهم ايه رابط هذا التعليق شارك المزيد من خيارات المشاركة
لخبطه بتاريخ: 25 يونيو 2008 كاتب الموضوع تقديم بلاغ مشاركة بتاريخ: 25 يونيو 2008 لو انته معاك عائلتك الامور هتختلف جدا فيه ناس عندها سياحة المولات يعني يوم الخميس أديها مولات والمولات دي جواها غريب جدا يعني تدخل المول تحس أنك في بلد تاني غير السعودية شباب عاملين شعرهم زي الفرنجة و المشركين ولابسين بناطيل منزلينها لتحت ومشيتهم بنعومه تفوق نعومة ناعومي كامبل ( الله يفك أسرها ) وماشين يتكلموا في الجولات بصوت واطي كله نعومة وحنية ( زي فلورا كدا ) يوحي بأهمية المكالمة مافيش مانع بردو من نظارة شمسية - من بتوع ايهاب توفيق - داخل المول والمفزع في الموضوع تلاقي عيل شكله حاجة كدا زي الشبشب المقلوب ومع ذلك عامل شعره كانيش ياعم الحاج عيش الواقع انته في عرض أي حاجه تحسن ملامحك شويه الكانيش مش ليك يابني والجديد بقا الشباب اللى حاطين في شعرهم توكه ( أيوه مش مصدقين التوكة بتاع الشعر بتاع البنات ) دا كوم والبنات اللى كاشفين وشهم كوم تاني لما تشوف الواحده منهم تحمد ربنا مليون مره أنه النقاب موجود هنا ، نوعيه السترة والغطاء نعمه كبيره مش ليها لنا احنا . ملحق بأغلب المولات صالة لألعاب الأطفال وأغلبها في فروع للبيك والطازج ( بتوع الغلابة ) وبردو كنتاكي وهارديز وكنج برجر وكام أسم تاني كدا ماعرفهمش وياسلام لو فيه ستاربكس كافية أو محل قهوة راقي هتلاقي الشباب قاعد بيحتسي القهوة بمزاجية عالية تحسسك أن الواد مدمن قهوه و لو سألته بتشرب ايه في الغالب مش هيعرف اسمه (لانه ممكن يكون شيكاشينو أو موكاتشينو أو اكسبريسو )يعني الحاجات صعبة النطق بس اهو لزوم الكشخة بردو ( لمعرفة معنى كلمه كشخة راجع الجزء الأول من عايز تتفسح ) في كل المولات هتلاقي محلات ماركات عالميه وغالية شعار المحلات دي ( خد فكرة واشترى من محل تاني ) الغريب أن المحل دي مافيهاش حد بيشتري غير الشباب اللى بيبيع والكل ماشي يتفرج بس ومافيش مانع بردو انك تختلس النظر كدا على محل لانجري و هتتصدم زي انا ما اتصدمت لما تعرف ان الاطقم بتوصل لألف ريال ( كان متهيالي قبل كدا أن الحاجات الوحيدة اللى سعرها فوق الالف ريال هي السيارات ) المصريين بقا مميزين جدا في المولات دي يعني الوحيدين اللى تلاقي عيالهم ماشيين في منتهى الأدب وأول ما يدخلوا المول يأخدوا ورقة العروض( البروشورات ) اللى بيقدمها الماركت وتلاقي الزوج أخد بروشوار والست بردو والواد الصغير بردو وهما ماشيين كتير أوي تشوف السيناريو دا : الولد الصغيرأو البنت يشوف لعبه بمنتهى الادب يوشوش ماماته ومماته بمنتهى الادب توشوش باباها علطول يتجه بابها للعبه ويقرى سعرها ويرمها بعصبيه ويرجع يوجه نظره زاجرة للأم اللى بدورها توشوش الطفل اللى يبدأ بالبكاء المكتوم ( اكيد فاهمين الحوار اللى دار وفاهمين الراجل دا شغال إيه ) عند الكاشير المصريين بردو مميزين يعني تلاقي في العربية قزازة الزيت ملزوق فيها قزازة تانية ببلاستر عارفين ليه ( عرض تاخد واحدة والتانية مجانية ) بردو الرز هتلاقيه أول في العربية علشان عليه عرض وكمان الشامبو والسمك وكل حاجه لازم يكون عليها عرض كمان هما الوحيدين اللى بيراجعوا ورا الكاشير لان العيال اللى على الكاشيرات عيال مالهاش لازمه كلها يعني خريجي ثانوية وتلاقي الواحد منهم واقف لابس قميص لازق في جسمه وعامل زي صباع المحشي الللى وقع منه الرز الشاهد إن العيال دي من السهل تغلط فالمراجعة وراهم فعلا مهمه أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
زهرة البحر بتاريخ: 25 يونيو 2008 تقديم بلاغ مشاركة بتاريخ: 25 يونيو 2008 السلام رابط هذا التعليق شارك المزيد من خيارات المشاركة
زهرة البحر بتاريخ: 25 يونيو 2008 تقديم بلاغ مشاركة بتاريخ: 25 يونيو 2008 السلام عليكم ورحمة الله وبركاته الاخ لخبطة بصراحة موضوعك جميل وتحليلك كتير صحيح بس فعلا فى حاجة غريبة ليه المصريين هنا مش بيقفو جنب بعض وكل واحده حاله فى حال نفسه .. وعلى فكرة فى مكان تانى غير المول الاسرة بتتفسح فيه لان المول برده مش اد كده وهو رحلة شاطىء البحر كتير ممتعة ...انا عندى كام نقطة يتطلبه تحليل سيادتك وان شاء الله حاقولهملك المشاركة الجاية لانى مستعجلة دلوقتى تحياتى يا جداوييين قصدى يا مصريين رابط هذا التعليق شارك المزيد من خيارات المشاركة
فريح بتاريخ: 25 يونيو 2008 تقديم بلاغ مشاركة بتاريخ: 25 يونيو 2008 تمام يا عم لخبطه .... أكمل يا أستاااااااذ أحنا متابعين الموضوع بأهتمام ومنتظرين المزيد . رابط هذا التعليق شارك المزيد من خيارات المشاركة
لخبطه بتاريخ: 26 يونيو 2008 كاتب الموضوع تقديم بلاغ مشاركة بتاريخ: 26 يونيو 2008 مدام ( زهرة البحر ) منورة تاني شاكر على ثناءك على الموضوع وفكرة عدم تكاتف المصريين في الغربة دي مش فيها موضوعات دا فيه مجلدات في المنتدى هنا عن نفس الموضوع وله أسباب كتير والتغلب عليه محتاج مجهووووووووووود و مشروع كبير الخروج للبحر في بالي هجهزه إن شاء الله عمنا فريح تشجيعك دا هيوديني في داهية :) عمال تشجعني وانا اكتب ........... شكرا عمنا على المتابعة أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
فريح بتاريخ: 29 يونيو 2008 تقديم بلاغ مشاركة بتاريخ: 29 يونيو 2008 حبيبنا الأخ لخبطه أنا عامل المداخله دى لأحياء الموضوع لان ولا واحد اضاف تعليق منذ 4 أيام والموضوع أتنسى خالص فحبيت أصحصحهولك علشان لما تفضى كده نرى تعليقاتك وتعليقات الأخوه الزملاء . رابط هذا التعليق شارك المزيد من خيارات المشاركة
NODY بتاريخ: 30 يونيو 2008 تقديم بلاغ مشاركة بتاريخ: 30 يونيو 2008 ده بالنسبة للتحدث ... أما الكتابة بلهجة خليجية ... فحدث ولا حرج وساعتها اللي بيعمل كده يبقى لازم يروح ياخد له جلستين كهربا 220 عشان يتعالج يمكن الفيوزات ترجع زي ما كانت او تضرب خالص ونبقى أرتحنا . الله يستر عليامن الجلسات الكهربائية :wub: ياناس طيب الي مولود وعايش وتربي في السعودية وماشاف مصر الي 6 مرات يعمل ايةةةةةةةةةةة؟؟ مع ذالك انا بحاول اتكلم مصري بقدر الامكان بس يالخبطة بصراحة تفاصيل دقيقة بشكل ممتاز واصل التفاصيل....متابعة رابط هذا التعليق شارك المزيد من خيارات المشاركة
لولا بتاريخ: 30 يونيو 2008 تقديم بلاغ مشاركة بتاريخ: 30 يونيو 2008 أستاذ لخبطة.. موضوع مش محتاج تزكيتى بس بجد هايل. عايزة بس اقول ان نوع الفسح فى جده بيختلف حسب حالة الجو..طبعا كلنا اتهرينا حر ورطوبه :lol: عشان كده أحلى فسح بتفسحها مع جوزى واصحابنا هنا بتبقى فى فتره الحج .. الجو بيكون لذيذ وبنقدر نروح اى جنينه عند البحر خصوصا اللى ورا الهيلتون ونشوى والأولاد تلعب بالعجل :rolleyes: اما بقية السنه .. مفيش غير خروج المولات عشان الحر بيبقى فتاك :sad: بس انا بقيت احاول اعمل حاجات تانيه فى المول غير قعده المطاعم والسوبرماركت بقينا نروح نلعب انا وجوزى بولينغ فى الميجا مول.. ونلعب اى لعبه فى الملاهى تنفع لينا :wub: ..أصل مش معقول نموت من الزهق.. العمر بيعدى ياجدعان.. وانا وجوزى كنا فى مصر مبنرحمش الخروج :D عارفين ايه الذ وقت واحلى وقت بقضيه هنا؟ هو الوقت اللى بنتجمع فيه مع أصحابنا فى البيت ونعمل عشا لذيذ ونديها رغى :wub: . السعاده يالخبطة فى الناس اللى معاك قبل اى حاجة.. وفى نفسية صحابك وروحهم الحلوه اللى عايزة تعيش وتحب الحياه حتى لو فى الغربه :wub: طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
لخبطه بتاريخ: 1 يوليو 2008 كاتب الموضوع تقديم بلاغ مشاركة بتاريخ: 1 يوليو 2008 اليوم شووووووووواء فكرة شوي اللحمة مش مترسخة أوي في ذهننا كمصريين لذلك مشاريع الشواء بتكون مستبعدة لكن المثل بيقول (( من عاشر القوم أربعين يوم صار منهم )) والشواء هنا في السعودية اساسي جدا لذلك لما بنطلع البحر أو نروح المنتزهات الفاضيه في طريق الملك أو بنقعد في الجزيرة اللى في طريق الكورنيش أو حتى ابحر الشمالية أو الجنوبية بتكون القاعدة في منتهى الممل يعني هتقعد تبص لزوجتك وهيا تبص لك وتبصوا للأولاد وهما بيلعبوا وتبتسم ابتسامة أبوية وتقولها الأولاد كبروا يانجاة على طريقة عماد حمدي في فيلم الأرض في الحالة دي لازم هيكون حد بيشوى جنبك وريحة اللحمة المشويه هتجيب لك جنان وخصوصا لو كان سوري أو لبناني طبعا دا هيثير جواك عطافة الشوي أول 5 مشاريع شوي هيفشلوا والسبب إنك في كل مره هتنسى حاجه الأوله في الشواء هتكتشف أنك مش عارف تولع الفحم وهتعرف من أهل الخبره انه فيها حاجه اسمها مشعل خاص بإشعال الفحم أكيد هتكون نسيت تجيبها لذلك أول مشروع شواء هينتهي زي نهاية مشروع الخروج في مظاهره من بتوع حركة كفاية يعني هترجع البيت عيونك حمرا والاولاد كمان من الدخان والمحاولات المستميته لاشعال الفحم وهتبدأ شوا قبل الفحم ما يستوى الغريب أن الفحم هيبدأ يجمر و يبقا جاهز للشوا مع أخر حته لحمه هتشيلها من من على النار . الثانية في الشواء هتشتري لحمه زي أي تلميذ – مش فاهم شواء – من عند جزارك المعتاد اللى في الغالب بيكون قليل الضمير والنتيجة النهائية الحصول على لحمة او كفته مشويه بتكون كاوتش وعلشانك أول مره تشوي هتكون كل حاجه مشتراه جديده لذلك هتلاقي عملية الشوي اتكفلت فوق ال 200 ريال وحصلت في النهاية على 2 كيلو لحمة مشويه من أسوأ ما أكلت في حياتك وأعرف كتير من المحترفين يقولوا إن نتيجة التجربة الأولى المريرة دي كادت تودي بحياتهم الشواءيه وكانوا هيتركوه كليا لكن مّن الله عليهم بالصبر . الثالثة في الشواء اللحمة هتطلع طريه والسبب عدم الخبرة في معرفة السوا يعني هتبص ظاهريا وتشوف اللحمة استوت تشيلها وتكون النتجية سمفونية من الشد والجذب مع اللحمة معركة بالاسنان منك ومن الاولاد لكن بردو بعزم المصريين مش هتترمي اللحمة وعلى رأي المثل ( خسارة بطنك ولا خسارة قرشك ) على أن يكون هناك حركة تسويه إلحاقية داخل داخل البطن بمساعدة ال 2 لتر ببسي الكارثة بقا هتكون في اليوم اللى كل حاجه هتكون فيه كامله يعني الفحم والمشعل واللحمة اللى من عند الجزار اللى عنده ضمير لكن الحلو ما يكملش هتكون كمية اللحمة غير كافية ( في الشوي الواحد بياكل قد أكله العادي 30 مره ) وقد تنتهي الرحله بأحقاد مابين افراد العائلة لانه كل واحد هيكون شايف أو آثر على نفسه وقام جعان علشان التاني يعيش احساس الشواء أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
لخبطه بتاريخ: 1 يوليو 2008 كاتب الموضوع تقديم بلاغ مشاركة بتاريخ: 1 يوليو 2008 شكرا لك عمنا فريح والتاخيروالله ماهو اهمال بقدر ماهو محاولة لكتابه حاجه جيدة تعجب الناس الفاضل نودي منور الموضوع والمنتدي وبخصوص الناس اللى متربيه هنا دي لها عذرها بس بردو ان شاءا لله التكيف يجي ومطلوب لو قريت كويس انا كتبت في الاول انه اللى بيحرق الدم الشخص اللى بقاله 6 شهور هنا وبيتفزلك في الخليجي بدون داعي مدام لولا كلامك جميل أوفقك على أكثره وفعلا المجموعات بيكون لها جوا جميل لكن موضوع ميجا مول دا ما جربتوش لاني أحدث لعبه أعرفها الكوره الشراب ( عندهم كرة شراب ) أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
محمد عيسى بتاريخ: 2 يوليو 2008 تقديم بلاغ مشاركة بتاريخ: 2 يوليو 2008 (معدل) اليوم شووووووووواء فكرة شوي اللحمة مش مترسخة أوي في ذهننا كمصريين لذلك مشاريع الشواء بتكون مستبعدة لكن المثل بيقول (( من عاشر القوم أربعين يوم صار منهم )) والشواء هنا في السعودية اساسي جدا لذلك لما بنطلع البحر أو نروح المنتزهات الفاضيه في طريق الملك أو بنقعد في الجزيرة اللى في طريق الكورنيش أو حتى ابحر الشمالية أو الجنوبية بتكون القاعدة في منتهى الممل يعني هتقعد تبص لزوجتك وهيا تبص لك وتبصوا للأولاد وهما بيلعبوا وتبتسم ابتسامة أبوية وتقولها الأولاد كبروا يانجاة على طريقة عماد حمدي في فيلم الأرض في الحالة دي لازم هيكون حد بيشوى جنبك وريحة اللحمة المشويه هتجيب لك جنان وخصوصا لو كان سوري أو لبناني طبعا دا هيثير جواك عطافة الشوي أول 5 مشاريع شوي هيفشلوا والسبب إنك في كل مره هتنسى حاجه الأوله في الشواء هتكتشف أنك مش عارف تولع الفحم وهتعرف من أهل الخبره انه فيها حاجه اسمها مشعل خاص بإشعال الفحم أكيد هتكون نسيت تجيبها لذلك أول مشروع شواء هينتهي زي نهاية مشروع الخروج في مظاهره من بتوع حركة كفاية يعني هترجع البيت عيونك حمرا والاولاد كمان من الدخان والمحاولات المستميته لاشعال الفحم وهتبدأ شوا قبل الفحم ما يستوى الغريب أن الفحم هيبدأ يجمر و يبقا جاهز للشوا مع أخر حته لحمه هتشيلها من من على النار . الثانية في الشواء هتشتري لحمه زي أي تلميذ – مش فاهم شواء – من عند جزارك المعتاد اللى في الغالب بيكون قليل الضمير والنتيجة النهائية الحصول على لحمة او كفته مشويه بتكون كاوتش وعلشانك أول مره تشوي هتكون كل حاجه مشتراه جديده لذلك هتلاقي عملية الشوي اتكفلت فوق ال 200 ريال وحصلت في النهاية على 2 كيلو لحمة مشويه من أسوأ ما أكلت في حياتك وأعرف كتير من المحترفين يقولوا إن نتيجة التجربة الأولى المريرة دي كادت تودي بحياتهم الشواءيه وكانوا هيتركوه كليا لكن مّن الله عليهم بالصبر . الثالثة في الشواء اللحمة هتطلع طريه والسبب عدم الخبرة في معرفة السوا يعني هتبص ظاهريا وتشوف اللحمة استوت تشيلها وتكون النتجية سمفونية من الشد والجذب مع اللحمة معركة بالاسنان منك ومن الاولاد لكن بردو بعزم المصريين مش هتترمي اللحمة وعلى رأي المثل ( خسارة بطنك ولا خسارة قرشك ) على أن يكون هناك حركة تسويه إلحاقية داخل داخل البطن بمساعدة ال 2 لتر ببسي الكارثة بقا هتكون في اليوم اللى كل حاجه هتكون فيه كامله يعني الفحم والمشعل واللحمة اللى من عند الجزار اللى عنده ضمير لكن الحلو ما يكملش هتكون كمية اللحمة غير كافية ( في الشوي الواحد بياكل قد أكله العادي 30 مره ) وقد تنتهي الرحله بأحقاد مابين افراد العائلة لانه كل واحد هيكون شايف أو آثر على نفسه وقام جعان علشان التاني يعيش احساس الشواء هو موضوع الشوي ده طبعا فن و محتاج تدريب و خبره .. و بانصح المبتدئ دايما انه يتعلم من حد عنده خبره في الموضوع ده كنت بخرج و اسرتي مع بعض الأسر هنا جماعه و يكون معانا 3-4 شوايات و الناس تبدل عليهم و نتعلم من بعض و في الآخر الناتج بيبقى ممتاز و بيفيض كمان المهم الخبره و الصبر مؤخرا اكتشفت اختراع هايل و هو مروحة متوسطة الحجم rechagable بتسعين درهم بتشحنها اليوم اللي قبل الخروج و تاخدها معاك بتشتغل اربع ساعات على السرعة المتوسطة و ساعتين على السرعه العالية .. و دي تريح ايدك من التهوية المستمرة و تولع الفحم بسرعه جدا انصح الكل بيها على فكره انا في الامارات مش جده تم تعديل 2 يوليو 2008 بواسطة محمد عيسى خير الناس أنفعهم للناس رابط هذا التعليق شارك المزيد من خيارات المشاركة
لخبطه بتاريخ: 3 يوليو 2008 كاتب الموضوع تقديم بلاغ مشاركة بتاريخ: 3 يوليو 2008 الفاضل محمد عيسى منور الموضوع بخصوص الخروج مع حد خبره فعلا بيجنبك المشاكل بتاع عدم الخبرة وبخصوص موضوع المروحه دا فكرة عبقريه انا أول مره اسمع بيه لكن هدور عليه في السوق هنا لانه فعلا بنرجع ايدينا مكسرة من التهويه أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
ABO ADAM بتاريخ: 3 يوليو 2008 تقديم بلاغ مشاركة بتاريخ: 3 يوليو 2008 الاخوة الاعزاء جائنى عرض للعمل فى جدة براتب شهرى 16000 شامل كل شئ فهل هذا الراتب يكفى للحياة فى جدة لاسرة مكونة من فردين+ طفل وشاكر لكم تعاونكم عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم رابط هذا التعليق شارك المزيد من خيارات المشاركة
لخبطه بتاريخ: 3 يوليو 2008 كاتب الموضوع تقديم بلاغ مشاركة بتاريخ: 3 يوليو 2008 استاذ أبو ادم الرقم كدا صح تقصد ستة عشر ألف ريال يعني 4500 دولار أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
ABO ADAM بتاريخ: 5 يوليو 2008 تقديم بلاغ مشاركة بتاريخ: 5 يوليو 2008 ايوة يا لخبطة باشا حوالى 4300 $ بس شامل كل حاجة عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم رابط هذا التعليق شارك المزيد من خيارات المشاركة
لخبطه بتاريخ: 5 يوليو 2008 كاتب الموضوع تقديم بلاغ مشاركة بتاريخ: 5 يوليو 2008 والله مرتب أكثر من رائع دا بالنسبه لمستوانا لكن لو حضرتك بتسأل علي المعيشة في جدة ف 3000 ريال تعيشك زي الفل في جدة بدون السكن طبعا أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان