Scorpion بتاريخ: 27 مارس 2008 تقديم بلاغ مشاركة بتاريخ: 27 مارس 2008 لخبطة كتب : أعرف واحد في الجوازات يخلصها وبعد ما بتقوم من معاه بدقيقه الراجل بتاع الجوازات بتاعك عربيه بتدوسه فبيموت الموضوع وإنته هتقوله انك تعرف واحد كويس بيموت بعد كدا الواحد دا في الحلقة اللى بعد كدا وإنته بردو هتقوله على صاحبك اللى في الجوازات واللي بيموت بعد كدا بدقيقه :) :ninja: حوار جانبي علي باب المحاورات :- تعرف لخبطة يا سكوب ؟؟ - و لا عمري شفته - يا سلام يا خويا .. مش عمال تقول عليه معرفة و اصحاب صاحبي ميييين يا عم فال الله و لا فالك ... رائع الموضوع ده يا حضرة الزميل لخبطة ... كمل كمل ... لما نشوف آخرة فيلم يوسف وهبي ده ايه ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
لخبطه بتاريخ: 19 أبريل 2008 كاتب الموضوع تقديم بلاغ مشاركة بتاريخ: 19 أبريل 2008 المدرسين أخلاقهم حلوه مع غير المدرسين يعني يعاملك كويس وبخلق عالي لو اتعرفت عليه لكن لو إنته معاه في المدرسه هيكون تعامله مختلف تماماً . لبسهم تقليدي يعني نفس لبس مصر القمصان الكلاسيك العادية والبناطيل اللى فيها كسر قدام ( رغم إنها بطلت من زمان ) . اهتمامتهم غريبه شويه يعني تلاقيه بيقولك أن التلفزيون السوني ال 29 الملون بيصرف 1895.5 جنيه علشان ينزل من هنا مصر وتلاقيه حسبها بالملي في كل حاجه يعني كل حاجه بيشتريها من هنا بيفعص ويمحص كتير أوي قبل ما يشتريها . الوحيدين اللى لسه فاكرين نظام الرنات يعني تلاقي موبايله بيرن يقولك ياه دا أحمد صاحبي من أيام الجامعه واد أصيل ما كلمتوش من 10 شهور ويستأذن منك علشان يرد له الرنه بعضهم عنده طريقة لذيذه أوي في الاتصال على مصر يعني تلاقيه قبل ما يكلم المدام يكتب ورقها فيها المواضيع المهمه علشان لما الخط يفتح يرصهم والوقت ما يضعش . بيشتروا الهدايا بتاع النزول من أول أسبوع يجيوا فيه كنوع من التنظيم وكمان بياخدوا برفان شهير أوي عندهم أسمه one man show بيسواقوا من شبرا ( مش بتاع مصر ) دي مركز ملابس شهير هنا أسعاره حلوه والملابس اللى فيه مش بطالة... تلاقي الواحد منهم ماشي جنب المدام عامله زي المبرمجه يعني مش تميل على أي حاجه تشتريها كدا لا دا كل شىء بحساب لو عنده ولد هتلاقي أسمه عبد الرحمن ولو بنت هتلاقي اسمها شهد أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
النجم الثاقب بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 المدرسين وكمان بياخدوا برفان شهير أوي عندهم أسمه one man show البيرفيوم ده انا كرهته من كتر الناس اللى بيستخدموه و ريحته كتمه قوى بس ماشاء الله ايه الحلاوه دى ..... انت شكلك هتنافس الدكتور الشامى فى المسلسل بتاعه و لا إيه أخ لخبطه كيف اصطباري وما في العمر متسع...!! رابط هذا التعليق شارك المزيد من خيارات المشاركة
حسام يوسف بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 السلام عليكم قضيت بجدة 69 يوما كاملا كانت أسود ايام حياتى باستثناء العمرة اللى عملتها ومن ساعتها قررت ماعتبش الخليج من اساسة رابط هذا التعليق شارك المزيد من خيارات المشاركة
لخبطه بتاريخ: 19 يونيو 2008 كاتب الموضوع تقديم بلاغ مشاركة بتاريخ: 19 يونيو 2008 معلهش على التأخير الاستاذ النجم الثاقب دي حلاوتك لاباشا واحنابس بنجتهد وربنا يكرمنا ونسعدكم الاستاذ حسام يوسف ليه كدا دي جدة تعجبك أوي لكن يالله نصيب بقا نكمل عايز تاكل سمك لو قسمنا الناس اللى بتأكل السمك في جدة هتلاقيهم كالتاالي ناس بتأكل طازة بمعنى أنك بتشوفه بيعوم قدامك في الحوض واللى بياكل دا الناس الأكيلة يعني اللى مزاجهم عالي في أكل السمك دا موجود في كام محل في جدة فيه مجموعة محلات في منطقة الميناء بيديرها مصريين بصراحه سمكهم جميل جدا بيعيبهم بس أن المحلات شكلها مش ولابد يعني بتلاقي المصريين عاملين النموذج المصري للمحلات هنا يعني هتلاقي المحل مش متنظف تمام المكيف اكيد عطلان ونفس الزحمه والنرفزه في الكلام ونفس كل حاجه لكن فعلا السمك عندهم طازه هما بيقولوا انه بيوصل بالطيارة ، هتلاقي عندهم البوري المصري والبلطي بردو والاسعار من 20 ريال للكيلو وهتلاقي الجمبري والحاجات بتاع المالح بردو ، فيه كمان في منطقة بني مالك كام محل بتبيع السمك بنفس الطريقة المصريه وهتنده على الويتر هيرد عليك بأرف وبردو مافيش مانع يهزر معاك على حسب مزاجه ولو استعجلته هيرد عليك بنظره لن تنساها طول عمرك يوم الجمعة مش هتعرف تحط رجلك في المحلات دي من الزحمه وكل الموجودين مصريين من كل الطبقات ماعدا طبقة واحدة ( الشاطر يعرف بقا من الحلقات السابقة) ناس بتأكل سمك سهل دول بقا غلابه لانهم بيدفعوا نفس سعر الطازه لكن ياعيني بياكلوا سمك مجمد ازاي بقا أغلب محلات السمك في جدة بتجيب سمك مجمد ويقولوا عليه مبرد يعني تأكل الكاوتش أجمل منه طيب ليه بقا الناس بتأكل السمك دا لانه سهل ؟؟؟؟؟؟؟ هتتصل بالمحل اللى تحت البيت تقوله جهز لي 2 كيلو سمك وتمر بعد ربع ساعه تاخدهم حاجه كدا على السريع أغلب اللي بيدير المحلات دي هنود وبنجالة وطعم السمك سىء للغايه حتى المقلى منه مليان زيت وناشف خالص . ناس بتأكل من الحلقة والحلقة دي بقا حكاياتها حكايه يعني تروح بعد الفجر تاخد (شروة ) بمبلغ بسيط يعني ممكن تاخد 10 كيلو في حدود 100 ريال ترميهم في الثلاجة تاكل أول يوم معقول وبعد كدا أجارك الله تبقا بتاكل استخصار يعني علشان مش ترمي السمك تاكله ( وخسارة بطنك ولا خسارة قرشك ) طبعا المشهور عن سمك الحلقة انه طازه لانه يفترض انه متصاد وجاي علطول ( الحلقة هيا سوق الجملة بتاع السمك ) لكن فعلا طعمة عكس كدا خالص ، آكلي سمك الحلقة مستفدين من السعر ، الفلبنيين زبائن دائمين في الحلقه الظاهر بيحبو السمك كتير في أكلهم . أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
فريح بتاريخ: 19 يونيو 2008 تقديم بلاغ مشاركة بتاريخ: 19 يونيو 2008 رائع يا لخبطه حكاية تقسيمة محلات السمك فى جده ... أضحكتنى كثيراً عند وصفك لمحل أسماك بنى مالك حيث أننى دخلت هذا المحل فعلاً وأكثر ما لفت أنتباهى الويتر كما تحدثت بالضبط وبنفس الوصف واسمه كمان عمى سيد ونظرته الفاحصه والتى لن تنساها طوال عمرك كما ذكرت حيث يعطيك إيحاء أنه شخصيه أهم مما أنت تتخيل . رابط هذا التعليق شارك المزيد من خيارات المشاركة
قائد المدفعيه الهولنديه بتاريخ: 19 يونيو 2008 تقديم بلاغ مشاركة بتاريخ: 19 يونيو 2008 السلام عليكم جميعا ...... الاخ لخبطه احييك على الموضوع الرائع.... عندى نقطتين 1- بالنسبه لموضوع اللهجه زى الاخت بدريه ما أشارت ان انت لازم احيانا تتكلم شويه كلمات علشان اللى قدامك يفهمك زى معاملتك مع البدو السعوديين و مع الهنود و البنجال .... المهم ان انت هتنزل مصر بعد كام سنه ناسى العربى بتاع زمان 2- بالنسبه لموضوع السودانيين .... الناس دى فيها كميه طيبه فوق الوصف يا جماعه و فعلا ميزه كبيره اوى انهم بيحبو بعض و دايما متواصلين بس هنا طالع عليهم سمعه الكسل و مش بس كده ده بيقولو عليهم نكت كمان بس انا ما صادفتش حتى الان هذا النوع من السودانين( اقصد الكسلانين) افتح زرار قميصى للنيمه و للامانى ...........و انور فاونيسى و املى العالم اغانى رابط هذا التعليق شارك المزيد من خيارات المشاركة
حسام يوسف بتاريخ: 20 يونيو 2008 تقديم بلاغ مشاركة بتاريخ: 20 يونيو 2008 الزميل العزيز لخبطة لا اقصد ان انال من جدة لاسمح الله بالعكس فى المرة الوحيدة التى رأيت فيها الشوارع والمبانى أعجبت بها لكن كانت لى تجربة سيئة خاصة بى لا اتمناها لأحد مع كفيلى تحياتى لك ولكل المصريين فى جدة وللسعوديين الجدعان كمان لأنى رأيت من بعضهم كل الشهامة بالفعل رابط هذا التعليق شارك المزيد من خيارات المشاركة
لخبطه بتاريخ: 20 يونيو 2008 كاتب الموضوع تقديم بلاغ مشاركة بتاريخ: 20 يونيو 2008 الاستاذ فريح منور عمنا الموضوع وسعدت جدا برأيك اعطتنى ثقة في نفسي ياراجل أنى مش بفتري على الناس الفاضل قائد المدفعية تقريبا متفق معك في الرأي بخصوص اللهجة ولو حضرتك قريت كل المشاركات كنت لقيت تطابق كلي بين رأي ورأيك حتى في مسألة الأخوة السودانيين لا أخالفك أبدا أنهم متماسكين ودا شىء بيدعونا للحسرة على حالنا كمصريين منور الموضوع أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
محمد عبد الرحمن بتاريخ: 20 يونيو 2008 تقديم بلاغ مشاركة بتاريخ: 20 يونيو 2008 السودانيين نافذين جدا وشغال منهم كتير مع الأمراء ( مش عارف السبب ) لكن نفوذهم بيظهر في تخليص معاملات كتير لبعض وكتير من السودانيين المجنسين بيساعدوا أبناء جلدتهم بشكل كبير في عمل مشاريع بأسمائهم وكفالتهم ( نفس الشىء حاصل مع اليمنيين ) السعوديين بيحبوا السودانيين أكتر يعني يتحمل كسل السوداني وعصبيته ويبقا على قلبه زي العسل لكن مننا إحنا كمصريين بيقفوا لنا على الواحدة لدرجة إن المدرس السوداني أقل كفاءه لكنه محبوب وشغال زي الفل فيه حاجه عند الإخوه السودانيين إسمها (دمبوشي) كل واحد منهم يعمل الدنبوشي للمحبة و دا إسمه سحر المحبة مش حرام عندهم دا كلام من إخوان سودانيين رابط هذا التعليق شارك المزيد من خيارات المشاركة
قائد المدفعيه الهولنديه بتاريخ: 20 يونيو 2008 تقديم بلاغ مشاركة بتاريخ: 20 يونيو 2008 النور نورك يا ريس افتح زرار قميصى للنيمه و للامانى ...........و انور فاونيسى و املى العالم اغانى رابط هذا التعليق شارك المزيد من خيارات المشاركة
فريح بتاريخ: 20 يونيو 2008 تقديم بلاغ مشاركة بتاريخ: 20 يونيو 2008 شكراً يا عم لخبطه وعلشان موضوع هنا جده يزيد حلاوه .... أستمر فى تحليلاتك العميقه جداً داخل جده فأنت كاتب كبير فعلاً وتهتم بالتفاصيل رابط هذا التعليق شارك المزيد من خيارات المشاركة
لخبطه بتاريخ: 21 يونيو 2008 كاتب الموضوع تقديم بلاغ مشاركة بتاريخ: 21 يونيو 2008 الغالي فريح تسلم يانجم ونكمل علشان الناس الحلوة اللى زيك الاستاذ محمد عبد الرحمن اول مره أسمع بالدمبوشي دي لو عندك تفاصيل هات وانا بردو هفعص كدا من جهتي أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
لخبطه بتاريخ: 21 يونيو 2008 كاتب الموضوع تقديم بلاغ مشاركة بتاريخ: 21 يونيو 2008 عايز تتفسح لو إنته عازب ليها طريقة ولو انته متزوج ومعاك عيالك ليها طريقة تانية خالص لو إنته عازب يوم الخميس بالليل هتروح لجماعة بلديتك تسهر معاهم ليله الخميس وتقوم تصلى الجمعة وتتغدى معاهم لو حد في سكن الجماعة دول شغال في شركه هتلاقي معاه عربية الشركة ، هتخرجوا بيها الكورنيش ، تجيبوا الكورنيش من أوله لأخره مشي بالعربيه طبعا أيقاع السير في الكورنيش بطئ لأنه فيه زحمه كتير وعيال مشغالين كاست بصوت عالى وفي الغالب مش هتفهم الكاست بيقول إيه لأنها أغنيه بلغة خليجيه صرفه وكمان العيال بيبقوا مسرعين الشريط(كتير من الشباب السعودي بيعملوا الشرايط بالطريقة دي طريقة التسريع ) عربيات كتير وهتكون عربيتك أقل موديل على الكورنيش هتوصل أخر الكورنيش وهتضطر ترجع تاني أيه بقا المتعة أو الفسحة اللى في كدا ما عرفش ، جو الكورنيش سىء غالباً والرطوبة عالية فيه ، العيال اللى بتبيع حاجات على الكورنيش كلها حاجات عبيطه يعني مش حتى بيبعوا حاجات لها نكهه او طعم مميز لا . لو قعدت على الكورنيش هتلاقي ناس كتير فارشه وقعده اللى بيلعب طاوله ولا بيشوي الكل قاعد متنح ماعدا المصريين ولو بنتين طلعوا يتمشوا كدا لوحدهم ( وياحبذا لو كانتا كاشفات وجوههن ) هتشوف كل أشكال الافتكاسات من الشباب من نوعية الكلام في موبايل من النوعيات الغاليه أو فتح لاب توب في حركة تمثيلية مهروشة أوي أو محاولة الاستظراف ومداعبة طفل في لفته كريمة من الشباب لأظهار مدى لطفهم . بحس أنه الكورنيش دا مكان للتمثيل يعني الكل بيمثل على الكل البنات بتمثل أنها بتتمشى والعيال نفسي الشىء بيمثلوا علشان يلفتوا انتباه البنات ، صاحب العيله اللى مع عائلته بيمثل أنه خايف على عياله لو قربت منهم في القعده شويه يزجرك بنظره معناها ( لا يسلم الشرف الرفيع من الأذى حتى يراق على جوانبه الدم ) وهو نفسه لا يتورع أن يسترق النظرات لو مزة شديده عدت من جنبهم وكمان العائله بتمثل أنها بتشم الهوا في مكان الرطوبه النسبية فيه 100 % ولو هما قاعدين في جنوب الكورنيش هيشموا رائحه المياه الراكدة اللى رائحه المجاري جنبها تعتبر نسيم عليل . العيال اللى ماشيه بالعربيات بيمثلوا أنهم أغنياء في حين لو ففتشت أي واحد فيهم ( رغم فراهة السيارة اللى هو راكبهه ) مش هتلاقي غير بطاقة سوا ب 10 لزوم الدماغ بتاع أخر الليل ويمكن خمسه ريال نقدي أو مافيش والسيارة يابتاع أبوه قسط يابتاع خويه( صاحبه) واخده سلف الليله لزوم الكشخة ( المنظرة ) على الكورنيش ومع أول تفتيش ( وما أكثرها ) على الكورنيش العيال دي بتتفضح . أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
mohamedta بتاريخ: 21 يونيو 2008 تقديم بلاغ مشاركة بتاريخ: 21 يونيو 2008 بالعكس على فكرة خالص انا روحت بلاد كتيرة جدا ملاقيتش اى بلد قريبة من جو مصر اد جدة جى مصر الصغرى على ما اعتقد و لو روحت لمصر قريب هتتخنق اوى عشان مصر اتغيرت يا جماعة جدا زحمة جامدة و تراب و عوادم و زعيق و خناق و شتيمة و ايه ميه ميه فى حين مهما كانت المسئلة صعبة فى جدة اهى ارحم شويا لو روحت بلاد تانية على سبيل المثل كان عندى تدريب قعدت فى اليابان اسبوعين حاسيت انى فى بلاد الفرنجة بجد مش عارف اقول ايه بس الناس هناك و لا اوروبا فيه اقتراح انا باقترحو لو ينفع نعمل اجتماع للمغتربين المصريين فى جدة يبقى كويس اوى و انا بقترح نجتمع فى قدورة او عند نجف ايه رايكو يا جماعة؟ رابط هذا التعليق شارك المزيد من خيارات المشاركة
لخبطه بتاريخ: 22 يونيو 2008 كاتب الموضوع تقديم بلاغ مشاركة بتاريخ: 22 يونيو 2008 يا أستاذ محمد انا مش بنتقد جدة / دي جدة عسل وفعلا قريبه من مصر انا بس بنقل الصوره وبخصوص عمل رابطه للمقمين في جدة أنا أرحب بالفكر بس تكون عمل منظم وكبير ولو كان رسمى يبقا فل منور الموضوع أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
أسد بتاريخ: 22 يونيو 2008 تقديم بلاغ مشاركة بتاريخ: 22 يونيو 2008 بحس أنه الكورنيش دا مكان للتمثيل يعني الكل بيمثل على الكل البنات بتمثل أنها بتتمشى والعيال نفسي الشىء بيمثلوا علشان يلفتوا انتباه البنات ، صاحب العيله اللى مع عائلته بيمثل أنه خايف على عياله لو قربت منهم في القعده شويه يزجرك بنظره معناها ( لا يسلم الشرف الرفيع من الأذى حتى يراق على جوانبه الدم ) وهو نفسه لا يتورع أن يسترق النظرات لو مزة شديده عدت من جنبهم وكمان العائله بتمثل أنها بتشم الهوا في مكان الرطوبه النسبية فيه 100 % ولو هما قاعدين في جنوب الكورنيش هيشموا رائحه المياه الراكدة اللى رائحه المجاري جنبها تعتبر نسيم عليل .العيال اللى ماشيه بالعربيات بيمثلوا أنهم أغنياء في حين لو ففتشت أي واحد فيهم ( رغم فراهة السيارة اللى هو راكبهه ) مش هتلاقي غير بطاقة سوا ب 10 لزوم الدماغ بتاع أخر الليل ويمكن خمسه ريال نقدي أو مافيش والسيارة يابتاع أبوه قسط يابتاع خويه( صاحبه) واخده سلف الليله لزوم الكشخة ( المنظرة ) الحتة دي عجبتني .. فيها من دقة الحقيقة الكثير .. واقعية جداً .. جداً .. حلوة يالخبطة .. في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..وتاني .. تاني .. تاني .. بنحبك يامصر .. ... "إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد" (من أقوال المازني في كتب حصاد الهشيم) رابط هذا التعليق شارك المزيد من خيارات المشاركة
mohamedta بتاريخ: 22 يونيو 2008 تقديم بلاغ مشاركة بتاريخ: 22 يونيو 2008 شكرا اوى يا اخ لخبطة مش عارف بخصوص مسئلة رسمى ديه مش عارف بس على العموم انا بقترح نجتمع فى مكان نقول على سبيل المثال يوم الخميس الى جاى الساعة 7 فى اى حته كويسة ممكن نجتمع فيها ممكن بنده دوار الكرة الارضية ؟؟ ايه رايكو؟ رابط هذا التعليق شارك المزيد من خيارات المشاركة
لخبطه بتاريخ: 23 يونيو 2008 كاتب الموضوع تقديم بلاغ مشاركة بتاريخ: 23 يونيو 2008 الكبير أسد منور الموضوع لا ومش بس كدا دا معجب بيه كمان دا شرف عظيم ياكبير وسعيد أني بلاقي جداويه يأيدوا وجهة نظري استاذ محمد حماسك جميل بس مش ملاحظ أنك بتتكلم بصيغة الجمع وإحنا لسه 2 بس md2: :waf: اقترح انك تفتح توبيك جديد واعمله للموضوع دا وشوف ردود فعل الناس وبعدين تنسيق المكان مافيهوش أي أزمه أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
ELSHAMY بتاريخ: 24 يونيو 2008 تقديم بلاغ مشاركة بتاريخ: 24 يونيو 2008 عزيزى لخبطة أنا كمان جداوى.... شوف لك صرفة بقى... كن كما قال رسول الله صلى الله عليه وسلم : ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة ) رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان