دعوة للمشاركة فى أعباء الإشراف فى محاورات المصريين

[Advisor]

أن نجعل من محاورات المصريين مكانا راقيا و نستمر فى هذا لمدة تقرب من ست سنوات ... أن نقوم معا بهذا الإنجاز دون الإستعانة بموظفين متفرغين لذلك و أن نقوم بذلك ببساطة و يسر يعتبر إنجازا على مستوى الصالونات الثقافية بل على مستوى الأحزاب و الجماعات السياسية.

نخطئ لو ظننا أن دور التنسيق و الإشراف هو مراقبة المشاركات و توجيه الإنذارات للخارجين على الأصول فقط

دورنا الأساسى هو حب هذا الوطن و "شيل هم " هذا الوطن و أن "نمارس" ثقافة المواطنة حتى نسقط إعياءا .... نسقط لنقف من جديد.

لا يعنى ذلك أن نغرق فى السياسة و تتحول المواطنة إلى أن نغرق فى سفسطة المثقفين !

علينا جميعا أن نحاول التواجد و المشاركة بل خلق نقط حوار نشارك فيها دورنا هو نوع من ال catalyst بين جمهور محاورات المصريين و هم نخبة من أرقى مثقفى مصر حتى لو إختلفنا مع البعض منهم.

علينا أن نتقبل النقد و الإعتراض من قبل المتحاورين بصدر رحب .

من المقبول طبعا الإنشغال بالمسائل الحياتية بين الحين و الآخر و أرجو أن نضع أعيننا على الأعضاء لنختار المزيد من المشرفين و المشرفات.

ما سبق كان جزء من مداخلة حول دور و أعباء أعضاء فريق التنسيق و الإشراف بمحاورات المصريين ، و كما ترون يرجع الموضوع لشهر يوليو سنة 2005 .

حجم العمل و الأعباء تتزايد و تستغرق بعضنا - و أنا أولهم - مسائل حياتية تشغلنا عن العطاء الكامل.

رجاء من الأفاضل أعضاء و مشرفى محاورات المصريين أن يبذلوا جهد فى ترشيح أعضاء يرون أنهم قد يمكنهم المشاركة و الإضافة و المشاركة فى أعباء الإشراف فى محاورات المصريين.

الموضوع ليس تصويتا و لكنه مجرد تسليط الضوء على أسماء أعضاء يمكننا توجيه الدعوة لهم للمشاركة فى أعباء الإشراف و ذلك على أساس مشاركاتهم هنا و معرفتهم الشخصية لو أمكن.

[حسام يوسف]

السلام عليكم

كل الحب والتقدير للقائمين على منتدانا المحترم

ممكن أعرف ما الشروط أو المعايير لاختيار من يساعدكم

والف شكر

[Ahmad Farahat]

أرشح الأعضاء

شاوشنك وأسد وMohammad للإشراف العام

كما أتمنى تعيين مشرف لباب الأدب

وإن لم يكن ممكنا عودة البنت المصرية إلى الإشراف نظرا لمشاغلها الخاصة

فإنني أرشح الأخت الفاضلة شهد أو الأستاذ الفاضل فولان بن علان لهذا المكان

وإن كنت أتمنى عودة أم مادا إلى هذا المكان

كرغبة شخصية.......

[الأفوكاتو]

أرشح الأعضاء

شاوشنك وأسد وMohammad للإشراف العام

كما أتمنى تعيين مشرف لباب الأدب

وإن لم يكن ممكنا عودة البنت المصرية إلى الإشراف نظرا لمشاغلها الخاصة

فإنني أرشح الأخت الفاضلة شهد أو الأستاذ الفاضل فولان بن علان لهذا المكان

وإن كنت أتمنى عودة أم مادا إلى هذا المكان

كرغبة شخصية.......

جميع الأسماء التى ظهرت فى مداخلة الأخ أحمد عرفات, أرسين لوبين سابقا, هى أسماء تستحق الإعنبار, و مشاركاتهم تؤكد أنهم جديرون بالترشيح لتولى مهمة الإشراف, متى سمحت لهم ظروفهم.

أتمنى أن يحوز هؤلاء الأعضاء قبول بقية الأعضاء, فهم من أصلح الأعضاء لتولى هذه المهمة.

تحياتى للجميع , و تمنياتى لكم بوقت سعيد أثناء أجازة عيد الأضحى الكريم. :blush2:

[Ahmad Farahat]

الأستاذ محمود الأفوكاتو كتب

جميع الأسماء التى ظهرت فى مداخلة الأخ أحمد عرفات, أرسين لوبين سابقا, هى أسماء تستحق الإعنبار, و مشاركاتهم تؤكد أنهم جديرون بالترشيح لتولى مهمة الإشراف, متى سمحت لهم ظروفهم.

أستاذي العزيز

اسمي هو أحمد فرحات

وليس عرفات

[amrhoras]

السلام عليكم ورحمة الله وبركاته

فكره جميله لكن ممكن أعرف ايه المعايير زى ما اخى د/حسام تفضل

اعتقد أنه اكثر الطرق نجاحا هى ترشيح الادراه نفسها للساده الاعضاء المرشحين او عمل قائمه بالاسماء المرشحه وبما اننا او معظمنا الان اعضاء جدد ودعونا نقيم كل عضوا

ويكون زى تصويت او برنامج مصغر للانتخابات البرلمانيه فى صوره سهله وخفيفه وبدون اى منازعات

وياريت يكون التصويت خفى منعا للاحراج :blush2:

شكرا وبالتوفيق

عمرو

تم تعديل 11 ديسمبر 2007 بواسطة amrhoras

[zizetta]

أرشح الأستاذ/ مهيب - فهو يتميز بأرائه القوية وحججه المقنعة وأسلوبه الممتاز في فن إدارة الحوار.

الأستاذ الكبير/ الأفوكاتو - وهو يتميز بالهدوء والرصانة والعقل والحكمة والمشاركة المستمرة

الآنسة / بدرية مكاوي - لها شعبية كبيرة ومحبوبة من معظم أفراد المنتدى ولها مشاركات عديدة وتتفاعل مع الأحداث والأشخاص بشكل إيجابي ..

وأنا من أشد المؤيدين للشباب القائد .. لذلك أقترح تعيين أحد الأعضاء الجدد من الشباب في الإشراف بعد شرح دور المشرف وواجباته والتزاماته..

أشكر الإدارة لهذه الديمقراطية وأتمنى التوفيق للجميع..

تحياتي

زيزيتا

تم تعديل 11 ديسمبر 2007 بواسطة zizetta

[shahd]

الأستاذ الفاضل محمود الشاعر او الأخ الفاضل احمد فرحات .. لأسلوبهما الراقي في الكتابة .. والقدرة العالية على النقد البناء (لباب الأدب والشعر)

الأخ الفاضل مهيب لأمكانياته الأدبية العالية واسلوبه الراقي في طرح فكرته في شتى المجالات( للأشراف العام)

استاذنا الفاضل الأفكاتو لرجاحة عقله وثقافته وخبرته الكبيرة....( للأشراف العام)

تحياتي وتمنياتي للجميع بالتوفيق :lol:

تم تعديل 12 ديسمبر 2007 بواسطة شهد

[se_ Elsyed]

إنتخبوا " شهد " خير من تُمثلكم في باب لاشعر والأدب والحركات ....

شعارنا >>>>>> قصيدة لكل مواطن "

هدفنا >>>>>> " عودة المُعلقات والقصايد النضيفة "

رؤيتنا >>>>>> ( إحياء سوق عكاظ ) بمحاورات المصريين لكل العرب

حكمة اليوم >>>>> ( يا بخت من صوت لي ولا صوت عليه )

---------------------------------

على بركة الله

إنتخبوا اخوكم وإبن دايرتكم ( أسد )

يعني الرجولة والأدب

يعني الناس الأدارجية

يعني المشرفين اللي على حق ربنا واللي لا تأخذهم في الحق لومة لائم

يعني اللي هايصوت لي هايبقى أخويا وحبيبي ... واللي مش هايصوت لي برضوا هايبقى أخويا وحبيبي

وما باحبش الكلام واللك لك الكتير .

إبن حتتكم أسد ... منكم وإليكم

--------------------------------

دي كانت نماذج عالماشي من حملات دعائية لإتنين مُرشحين

اخوكم سين سين .... مؤلف أغاني إنتخابية ومدير حملات ( على فكرة بوش طالبني بالإسم عشان يدخل فترة ثالثة .. لكن قلت له ما أعطلكش ولاد بلدي أولى حتى لو ما بيدفعوش - كالمعتاد - )

[Salwa]

صباح الخير ..

اغلبية الاعضاء هنا ولله الحمد نماذج طيبة على قدر كبير من المسئولية .

ولكن بما اننا يجب ان نرشح عدد محدد ويتم الاختيار بناء على الاساس ..

..فانا ارشح الاخت الفاضلة / ناش ....nash.

فهى مثال للعقل المتزن والعدل الواضح والتصرفات المسئولية ..

لديها قدرة فائقة على الاقناع بدون تشبث بالرأى ...

لديها ولاء واضح وانتماء لهذا المكان المميز ...

اثق ..( ولن اقول اعتقد )...انها على مستوى المسئولية وتعتبر مكسب كبير وجيد جدا للمحاورات فعلا .

لن احدد لها مسئولية باب معين ....

واهم من كل ذلك...

هى اخت رائعة للجميع ...

ايضا ...

ارشح الفاضل / اسد.

هو شخصية رائعة مسئولة ...وانسان محترم كلماته مهذبة دائما .افكاره واضحة مرتبة .آرائه ليست مجرد آراء هوجاء ..لايحابى احد..

شهد.....ممتازة لباب الشعر ...

بالنسبة لاستاذنا الافوكاتو ...

فهو ان سمح واراد ...يعلم ان مكانه محجوز منذ تركه ...ويعلم انه لايوجد على النت كله ..( من يحل محله هو بالذات ) ..

وفقكم الله لما فيه الخير للجميع ..

[nash]

أختي العزيزة سلوي...

وكما أحب دائما ان أدعوك بسيده المحاورات...

أشكر لك كلماتك الجميله....والتي لا أجد ما أعبر به من كلمات مقابله لها عن مدي تأثري وسعادتي بها...

ولكن احب أن اقول ..يكفيني فخرا وشرفا أن يكون هذا رأيك عن شخصي....وأنت من أنت....السيده الأولى للمحاورات بدون منازع....

دمتي لي اختا كريمه :lol: .....

ودمتي في رعايه الله وحفظه.....

...............................................................................

بالنسبه لي أرشح الفاضل اسد.....فهو شخصيه قويه ومتزنه..وثقافته عاليه ..ماشاء الله...هذا بالنسبه للساده الرجال....

بالنسبه للسيدات...

أرشح الأخت الفاضله شهد ..لباب الأدب...

أرشح الأخت الرقيقه أماني.....فهي إنسانه رائعه وأحترمها كثيرا

[الأفوكاتو]

الزملاء الأعزاء,

أود أولا أن اعتذر للعزيز أرسين لوبين أحمد فرحات لحطئى فى كتابة إسمه

كما أود أن أشكر الفاضلة زستا لترشيحى لمهمة الإشراف,

و أخير أشكر سيدتى الفاضلة سلوى على مديح لا أستحقه, فأنا عضو لا يزيد مقداره عن أى عضو آخر, فالكل هنا سواء.

لقد قمت فى الماضى بالإشراف الشرفى على باب القوانين و القضايا, و سوف أستمر فى المساهمة فى هذا الباب, و لكنى لن أستطيع أن أشرف إداريا على أى باب من الأبواب, فقد آن الأوان لرعيل أكثر شبابا لكى يقوم بهذه المهمة.

دعوة السيدة الفاضلة سلوى لى لكى أنضم إلى فريق الإشراف مرة أخرى هى نوط أضعه على صدرى, و لكن سنى و حالتى الصحية قد لا تسمح بلى بالعودة إلى الإشراف, و لكن المشاركة ستستمر كالمعتاد.

شكرا للجميع كرمهم, و أتمنى للجميع أسعد الأوقات, و كل عام و أنتم بخير بمناسبة عيد الأضحى المبارك, اعاده الله عليكم جميعا بالخير و البركات. :lol:

[حسام يوسف]

السلام عليكم

مرة أخرى نرجو من الادارة توضيح المعايير التى ينتخب على أساسها المشرف

وبالنسبة لى

:أرشح الاخ أسد

وشهد

ومدام ناش

وأرشح المثقف أحمدفرحات للفن أو الثقافة(بس ياريت مش الرياضة)

وأرشح عمرو حورس للاجتماعيات لأنه يتميز بحس انسانى عالى

وياريت كمان شاوشانك بشارك ف الادارة

ونفسى ف حاجة تانية كمان:

نفسى يبقى فيه مشروع أو عمل خير أو حتى لجنة زكاة أو أى عمل خير نشارك فيه

وياريت يبقى فى مرحلة تالية لو أى مشروع أو أى بزنس

انا عارف ان ممكن الافكار صعبة

وممكن ناس كتير تقول انها خيالية

لكن كتير من الافكار العظيمة بدأت خيال

وشكرا

[se_ Elsyed]

كل أصحابك الأناتيم باعوك يا ريتشادر .... ولا حد جاب سيرة سين سين ولو بالغلط .. وانا اللي قايد لهم صوابعي التسعة شمع

وبأقطع من لحمي وأكلهم

----------------------

الله ..... الوطن ..... المحاورات

على بركة الله نُرشح الأخ الرفيق سين سين قائد الثورة البرتقالية لمنصب الإشراف والعمودية

شعارنا ( الخبرة والدردحه ... أولاً )

على فكرة لو حطيت صورتي على أفيشات الدعاية الإتنخابية مش هاتفرق عن صورة الجدع اللي فوف ده لإنه فعلاً حته مني او انا حته منه

----------------

إحنا كنا بنداعبوكم بس لإن المشرفين القُدامى اللي عالمعاش زي حالاتي تم التمديد لهم إلى سن الـ 65 ... يعني قاعدين على قلبكو ( حد عندو مانع ؟ آه بأحسب في مانع )

يالله شدوا حيلكو يا رجالة عايزين أسامي تانية كتيرة ... وفين العنصر النسائي ؟ إوعوا تقولوا في المطبخ ؟

----------

يا دكتور حُسام ... نحن نتعامل مع الموضوع بمنتهى البساطة . يعني لا تعقيدات في الترشيح ولا شروط قاسية ... ولكن اللي متعارف عليه ومنتشر بين الناس يعني لا هانقولك أوضة النوم والانترية عالعريس .. ولا السجاد والنجف والشقة والعيل عالعروسة ... .. لكن أقدر أقولك إن اهم الشروط هي أن يكون المُرشح له على الأقل 100 مداخلة قبل فتح باب الترشيح ... وألا يكون عضو فريق إشراف في منتدى أخر لإن صاحب بالين كداب ... وان تكون لديه القدرة على إثراء المنتدى بمواضيع متميزة بالإضافة إلى مهمة الظبط والربط والمحافظة على شكل المحاورات الذي أشتهرنا به والذي من اهم مبادئة " الإحترام المتبادل بين الجميع " ... هـــا نقرا الفاتحة ؟

[zizetta]

تعرف يا سي السيد لو لم تكن مشرفجياً .. لوددت أن تكون مشرفجياً .. ( قالوا لنا ان الجي بالتركي تفيد إسم الفاعل)

لكن أنا أشعر أن الأستاذ/ زوهيري برضه مالوش حل .. لذلك أرشحه في الإشراف

تحياتي

زيزيتا

[se_ Elsyed]

لكن أنا أشعر أن الأستاذ/ زوهيري برضه مالوش حل .. لذلك أرشحه في الإشراف

ماختلفناش يا زيزي .. لكن عيب زهيري إنه ما بيفتحش مخه معايا

كمال الفولي بياخد أرنب من كل مرشح ...

انا باعمل الشغلانه دي .. بعصفورة بس ( يعني 10 باكو بس )

[se_ Elsyed]

طب إيه رأيك إني بأهاجمك يا زيزي في عُقر دارك وبأرشحك أنتي شخصياً لمنصب الإشراف وليكن ما يكون وقد كان ما كان

بجد والله ومن غير أي مجاملة

أختنا زيزيتا تتمتع بخفة دم وروح عالية جداً ( حوالي 4 أدوار ) وأنا شايف إنها ممكن تقفل بابين بحالهم ( باب الأسرة والعيال وباب الإبتسام )

إنتخبوا زيزيتا رمز الأناقة ...

زيزيتا أم المصريين ...

زيزيتا خليفة زينات صدقي ...

زيزيتا رمز الجودة

هلمو لبيعة زيزيتا يا قوم

[zizetta]

والله يا سي السيد أي حاجة بقرأها لك بتغير مودي علي طول وتخليني أموت من الضحك ..

بالمناسبة .. بترشيحك لي في الإنتخابات فكرتني ببنت أختي لما كان عندها 3 سنوات ... مامتها قالت لها في يوم أنا حشترك لك في النادي في فريق الجمباز علشان تتعلميه .. فرفعت راسها وبصت لها وشاورت بصباعها مهدده إياها وقالت لها " أنا مث حتخل بتولات"..

وطبعاً الكلام واضح ياسي السيد إني برضة مش حدخل بطولات ...

أشكرك علي ثقتك لكني لسه بدري علي أوي (سناً يعني) .. :lol:

وهناك بالفعل ناس أفاضل كثير في المنتدي هم أولي بهذه المكانة .. إلي جانب أني مش متفرغة أوي ..

وسلم لي علي (زيتات) صدقي :sad:

تحياتي

زيزيتا

[حسام يوسف]

السلام عليكم يا عم س س

انا لاطلبت شروط صعبة ولاحاجة

ولا طلبت تعقيدات

انا بس عشان جديد ع المنتدى

وحتى جديد على فكرة المنتديات

كنت عايز اعرف ادارة المنتدى بتفكر تختار ناس تشارك ف الادارة ازاى

واديك وضحت الاسباب بعد كدة

شكرا يا عم س س

وانالية رأى فى مسألة ال65سنة دى

ان العضو الى يعدى9422 مداخلة ويكون اسمة بيبدأبحرف (سي السيد)منمدلوش لحد سن ال65

ولا ايه رأى الزملاء؟

[badroora]

انا قرات عنوان الموضوع دا قولت خير اللهم ماجعله خير هما المشرفين عملوا اضراب ولا اية وقالوا تعالوا نستبدل الاماكن ونشفكوا هتستحملوا ولا لاء .

وبعدين لاقيتها انتخابات بس غير واضحة هل يا ترى الانتخابات دى لتبديل الاصطاف ولا لزيادة العدد مادرى .

المهم اشكر كتير اختى الغالية الحبيبة زيزيتا على فكرتها الطيبة عنى واحب اقولها اصلك يا زيزى جيتى بعد ما اتهديت وربنا هدانى خلاص وزهدت الدنيا :sofa:

لو كنتى جيتى من 7 15 سنه وشفتى نجفة بقي مكنتيش رشحتينى نهائي :lol: هذا لا يعنى انى اقلل من قدر نفسي حشي لله .

ولكن النت بالنسبة ليه only for fun وانا انسانه highly selective بمعنى مش احب اتقيد بمسئوليات واخد الدنيا جد .

وغير كدا انا فكرى مختلف حبتين يعنى عندى مقاييس تانية للامور ولا اعتقد انها تتماشي مع فكر معظم الاخوة .

ولكن مش هنسالك شرف ترشيحي وانك الوحيدة يا قمر اللى شيفانى من الزاوية القيادية :winner:

وعلى فكرة انا فى حياتى مسئولياتى كتيرة جدا وادارية ناجحة الحمدلله ومش عاوزة اقلب النت كمان ادارة كدا هاتعقد .وغير كدا دخولى فى الفترة القادمة اعتقد انه هيقل كتير بسبب ظروف شغلى ودراستى يعنى مش هتواجد زى الاول فلذلك مش ينفع اقيد نفسي خلينى خفافي خفافي ,

بعد الرغى دا كله

بصراحة مش عاوزة ارشح حد معين وانسي حد او احس انى بافضل حد عن حد

انا شايفة ان اى حد مسئول وعادل ويقدر يفكر صح بدون انحياز او تباعية ويكون ناضج اهم شيء بغض النظر عن عضويته بقالها قد ايه

ومشاركاته قد ايه .

الاخ حسام سال سؤال مهم جدا

من وجهة نظرى يا اخ حسام

الشروط التى يجب ان تتوفر فى الادارى الناجح وخصوصا فى المنتدى هذا مش شرط يكون ادرارى ناجح فى شغله وبقي ادارى هنا يبقي هو كدا مناسب لاء

هنا انت بتتعامل مع افكار وليس مهارات

بتتعامل مع ناس فى سن متنوعه يبقي لازم تفهم كويس كل سن وتفكيره وازاى تتعامل معاه بمعنى لما انا مثلا اتعدى قواعد المحاورات فى موضوع تفرق كتير عن اى حد اكبر منى او اصغر منى لما يتعدي القواعد العاقب هو هو بس الطريقة تختلف حسب المرحلة العمرية والفكرية لكل عضو

لذلك قد ارى ان الاشراف فى حد ذاته مسئولية شاقة جدا جدا وليس اى حد يصلح لها لو بتطبق صح .

ثانيا لازم تكون انسان عادل من الاساس ولا تنحاز لاحد ضد احد ودى صعب جدا انك تلاقي حد يطبقها الا قليل .

النضج ازاى تتعدى كل العقبات بمعنى عندك عضو انت مش مطيقة كشخص ازاى بقي تديه حقة وانت تختلف معاه .

احترام فكر الغير مهمة جدا يعنى مثلا لاقيت موضوع مش عجبك اسهل حل انك تقفله وبعدين تتناقش لانك بكدا قست الموضوع من وجهة نظرك وعلى حسب توقعاتك للردود الفعل ودا غلط مش شرط كل التوقعات تطلع صح لكن الاصعب انك تحاول تقرى وتفهم افكار الكاتب وتحترم فكره وتتناقش معاه نفسه قبل الغلق ودى مش موجودة للاسف .لو تقدر تعمل كدا تبقي تصلح ان تكون مشرف .

لازم يكون لديك القدرة على المعالجة الافكار والاراء وليس تحجيمها او محيها .

التدخل الفعال فى الوقت المناسب لضبط الامور بفكرة جديدة او توضيح وليس مجرد تنبيه . لو هتقدر تكون كدا تبقي تصلح .

يجب ان يكون عندك ثقه عالية بنفسك تجعلك اكبر من انك تسيء استخدام سلطتك ودى اكتر شيء بيكرهنى فى الاداريين العجزة سوء استخدام السلطة ودى عنيت منها كتير فى دراستى اللى مش قادر عليك يخسف بدرجاتك الارض لمجد ان هو دا اللى تقدر عليه لو حاولت تستخدم سلطتك صح يبقي تصلح ان تكون مشرف .

ميكونش ليك اصحاب عشان مش تخصرهم :sad:

متكونش عاطفي لانك لو بتتعامل بعطيفتك يبقي مش هتنجح :lol:

امتى تكون ديمقراطيك وامتى تكون بيروقراطيك ودى لازمها نضوج عالى اوى

اعتقد ان اى حد ينطبق فيه هذه الشروط يصلح ان يكون مشرف بغض النظر عن عضويته قديمة ولا جديدة ولا كام مشاركة لان عدد المشاركات او التايتيل سواء سوبر ولا كليوباترا مش هو المقياس

وفى النهاية كل اللى اخترتوهم ماعدا انا يصلحوا مشرفين كويسين كمان

وبالتوفيق للجميع ان شاء الله

تم تعديل 12 ديسمبر 2007 بواسطة Badria Mekkawy