يوم غربة

[om marawan]

اولا الف سلامة عليك من التجربة الصعبة اللى مرت بيك وكان الله فى عونك

وتانى حاجة اعتذر عن التأخير فى الردود لأن الكمبيوتر عندى بقاله اسبوعين عامل بلوك للموقع من غير ماعرف وكنت هاتجنن الموقع مش بيفتح ليه

وثالتا واضح انك بتمر بمرحلة تفكير عميييييييق :P)

طبعا اهم حاجة صلى استخارة

وخللى بالك برضه ممكن تكون التجربة اللى مرت عليك مش هى المقياس لقرارك لأن ربنا وحده هو الحافظ

والحمد لله ان ربنا نجاك وقمت بالسلامة

خااااااااالص تحياتى

وحمد لله على سلامتك

[إيزيس]

ألف حمد الله على سلامتك يا عمرو و يارب تقضي أجازة سعيدة في مصر و سلم لي على الزقازيق واشرب عصير قصب عند الرشيدي بألف هنا.

أما شعور الخنقة ده عادي بيحصل لي أنا للأسف أيام العيد ورغم حبايبي كتير بأقفل التليفونات ومش عايزة حد يكلمني والكل عرف طبعي الوحش قبل الأعياد وقبل رمضان و أول شهر بعد العودة لدرجة رحت المستشفى أكتر من مرة بحالات اختناق ولا حد عرف سببها وللاحتياط باستعمل بخاخ والحمد لله ونصيحة لكل مغترب ما تلويش مشاعرك لما تحس مش عايز تكلم حد ماتكلمش لكن ماتستسلمش اشغل نفسك والقرآن أحسن حل

[amrhoras]

ا/مروان

حمد الله ع سلامتك انت غايب عنا كتييير اوى

الله يسلمك ويعافيك من كل شر وسوء ..... تصدق ان مرحلة التفكير العميق دى بحمد ربنا عليها وبعتبرها نقطة تحول جديده فى حياتى . كنت واقعى بقيت واقعى اكتر جعلتنى اوزن امورى وارتب نفسي انا عاوز ايه ....

لذلك لم اتردد فى الانهاء والانتهاء من كل هذا مع انى شايل هم انى معرفش اتعايش تانى مع الناس واحس بغربه اكتر وسط اهلى لانى تعودت على المعيشة بمفردى لم اتعود ع صوت عالى او بمعنى اصح اصبحت لا اريد البقاء مع احد فتره طويله وهذا ما لاحظته ولاحظه الاخرون هنا ...يمكن ان تسميها انطوائيه لكن التعود هو سيد الموقف هنا. سنه وشهر و24يوم والان 10ساعات الا دقيقتان قد اثروا فى طبيعتى وتناسيت ما اعدت عليه طول 26 عام .

طبعا صلاة الاستخاره والدعاء شيء مفروغ منه

ولن ولم اتراجع ....طالما توصلت الى ذلك فى تلك الفتره الطويلة نسبيا بالنسبة لى

*************************

مدام قرنفل شكرا جزيلا والله يسلمك يابنت بلدى

مع انى مبشربش القصب انما هشربه اول ما انزل حاضر من عند الرشيدى والباشا واروح اتمرجح مع ياره فى المصريه بلازا بيقولوا انها فد تمت وافتتحوها ..... ومؤمن ادامها علطول فضمنا عشوه كمان :blush2:

بيالنسبه لايام الاعياد والمناسبات اعتقد ان ها هوالثمن الذىلا يدفعه الشخص المغترب بعده عن اهله ووطنه.

ربنا يهونها علينا جميعااااا انشا الله

تحياتى ولكم ارق واجمل الامنيات

عمرو حورس

[امانى]

مساء الخير يا عمرو

ايه نبرة الحزن اللى فى كلامك دى احنا متعودناش منك على كدة احنا عارفينك قوى وجامد وبتعدى الامور

اولا الف حمدا لله على سلامتك وقدر الله ولطف

ثانيا تمهل فى قرارك وخذ وقتك من التفكير واستخر الله فيما نويت

ثالثا اذا كان قرارك هو الرجوع النهائى فعليك ان تتحمل فى الاول التعود من جديد على الحياة فى مصر واللمة والدوشة واكيد بعد

كدة هتنسجم وياهم و رب هنا هو رب هناك والرزق بتاع ربنا هتلاقيه مطرح ما يقدره الله لك سواء عندك او هنا

عمرو متخليش اليأس يملكك وابعد فكرة الغربه من دماغك اصعب غربه يا عمرو هى اللى تحسها وسط وطنك واهلك وناسك ربنا

يكفيك شر هذه الغربه وتنور مصر قريب سواء كنت جاى اجازة او جاى على طول دعواتى لك برجوعك بالسلامة الى العائلة الكريمة

والزقازيق وكل حاجة انت بتحبها فى مصر امين يا رب العالمين

اسفة على الاطالة

امانى

تم تعديل 14 يناير 2008 بواسطة امانى

[إيزيس]

تمهل فى قرارك وخذ وقتك من التفكير واستخر الله فيما نويت

مدام أماني عنها حق خد وقتك لأن الفرصة صعب تتكرر حتى لو مش مرتاح فكر و الله يوفقك

وبعدين يا عمرو وانت في الأجازة في الزقازيق لما ترتاح هتفكر أحسن وما تشربش قصب من الباشا الرشيدي و بس ويا ريت واحد فول من الزعيم مش هانسى لك الجميل ده أبدا ( معلش أنا قديمة شوية ماحبش الكريب والكلام ده.)

[amrhoras]

مساء الخير يا عمرو

ايه نبرة الحزن اللى فى كلامك دى احنا متعودناش منك على كدة احنا عارفينك قوى وجامد وبتعدى الامور

اولا الف حمدا لله على سلامتك وقدر الله ولطف

ثانيا تمهل فى قرارك وخذ وقتك من التفكير واستخر الله فيما نويت

ثالثا اذا كان قرارك هو الرجوع النهائى فعليك ان تتحمل فى الاول التعود من جديد على الحياة فى مصر واللمة والدوشة واكيد بعد

كدة هتنسجم وياهم و رب هنا هو رب هناك والرزق بتاع ربنا هتلاقيه مطرح ما يقدره الله لك سواء عندك او هنا

عمرو متخليش اليأس يملكك وابعد فكرة الغربه من دماغك اصعب غربه يا عمرو هى اللى تحسها وسط وطنك واهلك وناسك ربنا

يكفيك شر هذه الغربه وتنور مصر قريب سواء كنت جاى اجازة او جاى على طول دعواتى لك برجوعك بالسلامة الى العائلة الكريمة

والزقازيق وكل حاجة انت بتحبها فى مصر امين يا رب العالمين

اسفة على الاطالة

امانى

الحمد لله فكرت كتييير اوى

بس متخليش الموضوع ياخدنى وانسي ابلغك فرحتى بوجودك واهتمامك يامدام امانى بجد شكرا على نصايحك دى

وكمان مصر منوره بصحابها

حضرى بس العزومه لانى ناوى ازور اسكندريه انشا الله bv:- اما اشوف كرم اهلها

تحياتى الى مدام امانى

شكرا لكى اخوكى عمرو

تم تعديل 15 يناير 2008 بواسطة amrhoras

[امانى]

يا اهلا بيك فى مصر وفى الاسكندريه كمان دحنا نفرش لك الارض رمله وعلى جوانب الطريق ورد

لعلمك الاسكندرانيه جدعان قوى وكرماء قوى زى الشراقوة واسأل اخونا ابو احمد واختنا اليكس وكل الاسكندرانيين المغتربين يقولولك

اننا برضه اهل كرم ومش نعزم القطر بس لأ دحنا نعزم الشرقيه كلها على حسك يا عمرو ويا اهلا وسهلا بيك

امانى

[amrhoras]

ربنا يكرمك زى ما اكرمتيني بكلامك الكتييير عليا ده يامدام امانى

بجد بعتز وبفرح جدا لما اشوف مداخلات حضرتك ف اى مكان ف المحاورات

صدقيني مش عارف اقولك ايه لانى مهما قولت مش هتنقل مدى احترامى واعتزازى باجمل اخت اسمها امانى

لكى منى كل تحية وسلام

عمرو

[amrhoras]

تمهل فى قرارك وخذ وقتك من التفكير واستخر الله فيما نويت

مدام أماني عنها حق خد وقتك لأن الفرصة صعب تتكرر حتى لو مش مرتاح فكر و الله يوفقك

وبعدين يا عمرو وانت في الأجازة في الزقازيق لما ترتاح هتفكر أحسن وما تشربش قصب من الباشا الرشيدي و بس ويا ريت واحد فول من الزعيم مش هانسى لك الجميل ده أبدا ( معلش أنا قديمة شوية ماحبش الكريب والكلام ده.)

هو يعنى ايه كريب يا مدام قرنفله؟

ههههه انا مثلك تمام لقمه هنيه والسلام

مليس فى الفروت سلاط بقول كوكتيل وخلاص bv:-

واجيبلك ياستى من الزعيم كمان وابعتهالك DHL بس يارب يحطوا الساندوتشات فى التلاجه وليكي فوقه كبده اسكندرانى كمان

[إيزيس]

مانحرمش منك يا أمير

[amrhoras]

تطوى صفحات يوم غربه فى طيات المنتدى الجميل

شكرا لوقوفكم جانبي

واعتذر منكم جميعا

تحياتى لكم

عمرو

[om marawan]

ا/مروان

حمد الله ع سلامتك انت غايب عنا كتييير اوى

الله يسلمك ويعافيك من كل شر وسوء ..... تصدق ان مرحلة التفكير العميق دى بحمد ربنا عليها وبعتبرها نقطة تحول جديده فى حياتى . كنت واقعى بقيت واقعى اكتر جعلتنى اوزن امورى وارتب نفسي انا عاوز ايه ....

لذلك لم اتردد فى الانهاء والانتهاء من كل هذا مع انى شايل هم انى معرفش اتعايش تانى مع الناس واحس بغربه اكتر وسط اهلى لانى تعودت على المعيشة بمفردى لم اتعود ع صوت عالى او بمعنى اصح اصبحت لا اريد البقاء مع احد فتره طويله وهذا ما لاحظته ولاحظه الاخرون هنا ...يمكن ان تسميها انطوائيه لكن التعود هو سيد الموقف هنا. سنه وشهر و24يوم والان 10ساعات الا دقيقتان قد اثروا فى طبيعتى وتناسيت ما اعدت عليه طول 26 عام .

طبعا صلاة الاستخاره والدعاء شيء مفروغ منه

ولن ولم اتراجع ....طالما توصلت الى ذلك فى تلك الفتره الطويلة نسبيا بالنسبة لى

*************************

عمرو حورس

صديقى عمرو باعتذر تانى عن الغياب انا فعلا مش عارف ايه اللى بيحصل للموقع عندى من بعد تغيير السيرفر

المهم ربنا معاك وزى ما قالت الاخت العزيزة امانى ان رزقك مش هياخده حد غيرك

ربنا معاك ويعينك

ويوفقك فى اى مكان تكون فيه ان شاء الله

احنا طبعا كلنا عمالين نقولك فكر على مهلك علشان تكون مطمن لقرارك

لانها طبعا فرصة وانا مش بقول فرصة علشان الفلوس لكنها فرصة للخبرة والتعلم و زيادة المهارات

وطبعا ان شاء الله مافيش ندم زى ما ارجو انك تكون مش ندمان ابدا على سفرك واعتقد انك فعلا سعيد بالتجربة اللى استفدت منها كتير

واحنا كمان استفدنا منها صديق عزيز فى المحاورات

خالص تحياتى وربنا يوفقك ان شاء الله

[amrhoras]

ا/ مروان شكرا جزيلا على اهتمامك بالرد ودعواتك الغاليه

وربنا يكرمك يا احلى واجمل واغلى صديق ويكون لي الشرف بصداقتك ...

************************************

عوده من توقف وثبات دام ايام وليال افكر واعيد التفكير كى اظهر ايام غربه من جديد ام لا بعد ان خزلته فى اول تعثر حدث

كلما قرأته اتعجب عن كل تلك الاحداث ... اجدنى اعيش بين سطور .. واجد ما اشعر به داخل كلمات .... فاتعجب اكثرررر

لما هذه الدنيا صعبه ... هل نحن من يجعلها بهذه الصعوبه؟

اعتقد نعم طالما هناك الغش والنفس الغير سويه مايجعلها تسوء اكثر فننظر لها بصعوبة من هذه الزوايه والحل بسيط جدا ان هؤلاء البشر اقل ما يذكرون فما علينا الا النسيان لكنه ليس بالشيء الوحيد والسبب الاساسي بل عامل من العوامل

لكننى اريد بعض الاستفاضه فى الكلمات .

اكثر ما يكون قمة الصعوبه ان تجد السيء وتشاء الظروف ان يكون فى دربك داخل الحياه .... مايشعرك بالغربه . مايشعرك بعدم الانتماء لهذا الزمان .... نعم لكن اخر المطاف قد ألهمنا الله بالنسيان لكن نسيان وتستمر الحياه الى ان يأتى الحساب ولا اتكلم عن الحقد او الانتقام لكن هناك حساب تناساه الكثييير من البشر هو حساب الخالق . هو من خلقنا واليه سنعود لنلقى اعمالنا امام اعيننا ...

وما علينا الا تحمل النتائج .والدعاء الى خالقنا ان يحسن ختامنا ......وينير الينا بصيرتنا ويكشف كل نفس مريضه امام اعيننا ....

شكرا

عمرو حورس 27/01/2008 موافق يوم الأحد .

[amrhoras]

السلام عليكم ورحمة الله وبركاته ....،،

يوم غربة من أرض الوطن

حقيقة سوف ابدأ معكم يوم غربه من داخل الوطن وداخلى غضب حزن عصيان رفض لا اعلم لكن دعونى احكى يوم اعتبره رحله داخل ارض الوطن تبدا منذ الصباح الباكر ليوم الخميس الى الحادية مساءا يوم بدأ بمأساه وانتهى بمأساه

تاكسي :-

-السلام عليكم المكان كذا لوسمحت

-اتفضل

- صباح الخير الاول

- ياااه صباح الخير والله فيك الخير بقالى كتير مش سمعتها صباحك فل ياباشا والله فيك الخير اول زبون يضحك

ثوانى النت بيقطع ومش عارف اكتب هرجع تانى اكمل الرحله

تم تعديل 23 فبراير 2008 بواسطة amrhoras

[amrhoras]

استكمالا للمداخله السابقه او محاوله فى كتابة مافقد....

-صباحك زى الورد ياباشا والله الايام دى معدش الواحد بيعرف يضحك من قلبه زى زمان فى البلد ال.... من كتر الهم والقرف

-ياسيدى قول ياباسط تلاقيها هاسط وربك هو اللى بيرزق

- معاك حق بس الواحد حييطق من كتر التفكير كل يوم ف مصاريف العيال والاكل والقرف والعلاج و و و

- اتكل ع الله وانشا الله حتفرج نزلنى هنا سلام عليكم

-وعليكم السلام صباحك ورد ياباشا

نزلت امام هيئه حكوميه ف تمام التاسعه صباحا ...اده انهارده اجازه ولا ايه ؟؟؟

لا المفروض يفتحوا من الساعه 8 ص

طب فين الموظفين

مفيش حد جه

وتتحرك عقارب الساعه ببطء ف انتظار الساده الموظفين

دقات العاشره .... وتأتى مجموعه من الموظفين وتخرج من اعينهم شرارات من النار لتفتح اول موظفه شباك الخدمات وتلقى الاوراق والمستندات

والمواطنين تجمعوا فى صف طويل عريض من منهم اتى مبكرا ومن منهم ينتظره عمله فى منشأه اخرى وقد تأخر عن عمله ومن تأخر عن مصلحه اخرى ومنهم المواطن الغلبان

انتظرت كثيرا منتظرا دورى اتأمل فى خلق الله لاجد اشخاص اهلكها مصاعب الدنيا وغلاء المعيشه وضيق الرزق ....

كان بجانب هذه الهيئه الحكوميه مدرسه ابتدائيه يخرج منها اطفال ضعاف البنيه مهلهلين الملبس يدمع العين والقلب لرؤيتهم...

واذا بسيارة فارهه لينزل منها شخص قاصد بكل وقاحه باب المنشأه وبكل وقاحه افتح يابنى الباب

قال الفراش ممنوع

قال هذا الدخيل انت متعرفش انا مين ياحيوان (سورى ف اللفظ) انا العقيد فولان الفولان

واذا بالفراش وكهرباء تمسه فى عقله لتنذر اعصاب يداه وتحركها لا اراديا لتفتح الباب امام الباشا ولسانه يتلفظ لمؤاخذه ياباشا اتفضل

الساده الموظفين طبعا انتفضوا اؤمر ياباشا

وخلص البيه المسؤول مصلحته كنت انا انتهيت من رابع سيجاره :sad:

المهم اخيرا وليس اخرا وصلت الى المدام وطبعا وحشني كل الحاجات دى وكلى براءه صباح الخير يامدام لو سمح........

وقبل ان تنظر اليا الشباك اللى جنبي ...

قولتلها مفيش شباك مفتوح ..

طب وانا اعملك ايه روح واقف يله

ياست الكل طب فهميني مانا شايف الناس بتخلص هنا كل حاجه

انت حتفهمنى شغلى روح يله

طبعا الناس قرفانه طبيعى يله ياكبتن خلص الصف واقف ( كانى عطلتهم واخدت كل مصلحتهم ) او حاجه تانيه انهم عوزين يتكلموا ويشجبوا معاملة الموظفه المحترمه لهم كانها تزكى عليهم .....

وتحركت فى صمت اسأل عن الشباك واين الموظف المحترم

ليقول لى السيد الفراش ان السيد المسؤوول مازال فى عداد المفقودين اقصد المتغيبين ويسألنى سؤال انا ومن حولى وتعجبت كثثييرا

والنبي ياخونا لو حد يروح يجيبه من البيت

كانت الساعه 11:15 ومازال الموظف نائم فى بيته

وذهب شخص ليأتى به مع الفراش........ وطبعا لا تعليق

فى تمام الثانية عشر الا الربع اخير فتح الشباك وجلس السيد المسؤوول خلفه وعيناه منتفختان وفى يده ساندوتش طعميه ويده الاخرى مخلل ...

المهم خلصت بعد ماروحى خلصت من كتر التدخين وليس سجاير فقط بل بتدخين ما اشتعل داخلى من غيظ ولكن بمجرد انتهائي قولت وماله مش كل البلد كده ده راجل كسلان والمكان مفيهوش ظابط ولا رابط

وذهبت الى هيئه اخرى فى تمام الساعه 12:30 م

وطبعا الصف وقفت بنفس النظره .... اتأمل فى المواطنين

وكأننى اعرفهم جميعا .... صدقونى كلمت الناس كلها او معظمها وضحكت مع هذا وذاك

وجدت ان المواطن المصرى مهما اشتدت به المحن داخله قلبا ابيض والضحكه والدم الخفيف داخله مهما كان بسيط مهما كان مكتأب

لكن داخليا اكتأبت لحال لم اكن اشعر به من قبل او كنت اشعر به ولكن ليس ع المستوى العام بل الشخصى ذاته

اثناء تجولى بالشارع وجدت بنات فى عمر الزهور وشباب فى بداية حياتهم وقد ثقلت عليهم صعاب الدنيا وومشاكلها

لن اقول مدى التغير فى الاسعار خلال عام فقط

لن اتكلم عن عن مدى التحول وانخفاض المستوى الاقتصادى وزياده الهوه بين طبقتين وليس ثلاث كما كنت اسمع فى الماضى

شعرت وان الزمن قد توقف بي فى 20/11/2006م وبدأ يتحرك فى فى 21/02/2008م فجوه زمنيه حدث فيها اشياء لم اكن اشعر بها من قبل وكاننى كنت فى المنفى اعوام وليس عام وبضعة اشهر......

.......

الجزء الثانى من رحلة اليوم

توجهت فى المساء الى الطبيب

الذى طاله هو الاخر الغلاء ف الفيزيتا وبدون اى دواعى

لم يدم الكشف اكثر من 5 دقائق وروشته

لكن اثناء وجودى هناك هذا مالفت نظرى واثار سخطى........

حيث وجدت المطربه نانسي عجرم تنبير الشاشه الفضيه لتغني امام الاف البشر ومن ضمنهم السيد نظيف والاخ جيمي والمنتخب القومى ومسيرة الكاس التى لم تنتهى بالجوائز المبالغ فيها بل بحفله تكلفت ملايين هى الاخرى ليتراقص الساده الحضور على ع نغمات الموسيقى وسباب المنتخب الذى رفع رؤووسنا وسط القارات واستحقوا جوائز ماليه متواضعه جداااااا فى حين ان هناك ملاين البشررررررر فى حاجه الى رغيف العيش .. زجاجة الدواء ... شقه....عمل........ وطبعا دمى وصل الى درات عاليه من الغليان وعروقى كادت ان تنفجر من حال البلد .......

******************************

الجزء الثالث هو انتهاء اليوم

بتحرش مجموعة من الشباب الفاسد بفتاه فاسده فى ميدان عام اما ملايين البشر نظرا للبس المخل التى كانت تلبسه

ولا حول ولا قوة الا بالله ..............

**********

الجزء الرابع جائتني دعوه من انسان عزيز عليا تعرفت عليه من خلال عملى السابق فى مصر هذا الانسان كان البار مان فى الشركه او مسؤوول الكافتريا ..

اكثر ما جعلنا نرتبط بهذا الشاب هو جمال روحه البسيطه وروح الفلاح المصرى الاصيل .... بالرغم من صعوبة ظروفه انسان بسيط امه اصابها الامراض السرطانيه وووالده الكبد وبلاويه وابنته الرضيعه ثقب فى القلب ورغم كل ذلك يقول الحمد لله ولن اصف لكم هذا الشاب بكل مابداخله من جمال رغم بساطته وقلة عمله الا انه عقل وخلق عظيم وبساطه وابن بلد وجدع

وجدته يتصل بي انا واصحابي كى يدعونا ع غداء فلاحى جميل وبعد محاولاتنا فى التملص بطريقه لا تجرحه رفض وحللف بالطلاق وذهبنا امس

بيت جميل وسط الاراضى الزراعيه يملأه بهجه رغم مابه من مصاعب التى تواجه افراد هذا المنزل

وجلسنا وتكلمنا وضحكنا يمكن اول مره اشعر بتلك اللذه فى الكلمات او الضحكات او اضحك من القلب كذلك

وحكى الينا مايحدث ....... صدقونى لا تصدقون مدددى صعوبة هذه الدنيا .....

الحمد لله ...الحمد لله .... الحمد لله هذه كلمات والده جليس الفراش

حقيقة سبحان الله ولا تعليق....

**********************************

سؤالى الان ليس اليكم بل الى الساده

رئيس الجمهوريه

رئيس الوزراء

الوزراء

وكلاء الوزارات

مديرى مكاتب وكلاء الوزارات

المحافظين

ومديرى مكاتبهم

مديرى الامن

اللواءات

كل مسؤوول فى هذه الدوله

الى متى.... الى اى حد .... لماذا .... كيف ...

الى متى يظل هذ الفساد؟؟؟؟؟؟؟؟؟؟

الى اى حد تشعرون بالفخر بفسادكم؟؟؟؟؟؟؟؟؟؟ بل والتمادى فيه؟؟

لماذا كل ذلك الفساد؟؟؟؟؟؟؟؟؟؟

كيف تتقبلون ع انفسكم اكل وشرب دم هذا الشعب؟؟؟؟؟؟؟؟؟؟؟؟؟؟؟؟؟؟؟؟؟

******************************

واطالب ان تتركوها بشرف قبل ان ينفجر فيكم هذا الغضب والسخط الذى حجمه 72.5 مليون مواطن

اطالب من يخاف فعلا ع مصلحة هذه البلد ان يناضل وسأكون خلفه قلبا وقالبا

اشعر بالخوف ع اهلى واسرتى وكل من اعرفهم من هذه الايام الصعبه.......... نعم اشعر بخوف عميق من غدا بعد كل ذلك الفساد الذى اصبح علامه من علامات هذا المجتمع المتهالك ....

******************************

وقبل ان يتهمنى احدا اننى اتبع اى تيار

انا مواطن مصرى بن مصرى

لا اتيع تيار ديني او سياسي او دولى حتى

كل ما اقوله لا اله الا الله سيدنا محمدا رسول الله

[م.سامح المصرى]

هيا دى مصر يا وهيبه

أولا يا عمورى الف الف حمد لله على سلامتك ومبروك رجوعك لارض وطنك الغالى

بالنسبة للمصالح الحكومية يا عمور دا عادى جدا

تعرف انا كنت بقضى حاجات في مصالح وبعد بالساعات واية كان كمان ممكن ما الحقش ووقت الموظفين يخلص واجى تانى يوم

بس تعرف الى كان بيهون عليا اية ....... الراجل المصرى العجوز

بجد ...... كنت كل موقف ليا الاقي راجل عجوزى وشة جميل بيضحك مع الناس ومعايا نتكلم والناس تندمج مع بعض

وكل مصلحة اروح اقضيها الاقي راجل زى دا ....كأنهم مستنيني :happy:

اما بالنسبة لنانسى عادي يا عمورى

انتا لو هاتبص لنانسي بص لكل الفنانيين

بياخدوا ملايين في افلام اقل ما يقال عليها وضيعة .... وعادي وهما كل الى بيعملوه اية بيسافرو يمثلو ويرجعوا

في احلي من كدا ..... انما بقي بص لعتال ... او شيال ..... انهى بيتعب اكتر

سيبك سيبك

بيت جميل وسط الاراضى الزراعيه يملأه بهجه رغم مابه من مصاعب التى تواجه افراد هذا المنزل

وجلسنا وتكلمنا وضحكنا يمكن اول مره اشعر بتلك اللذه فى الكلمات او الضحكات او اضحك من القلب كذلك

اجمل اعدة .......... ربنا يخليلك صحابك الجدعة دي

ويا رب يكرم صاحبك ويشفيلة اهله كلهم ...... تعرف يا عمور دول اجمل حاجة في ظل الفساد دا

انك تلاقي واحد جميل زي دا وبيقول ( الحمد لله)

اما المسئولين .... مظلومين ....... تعرف يا عمورى انا بادعيلهم من كل قلبى

وان شاء الله ربنا يستجيب .... اشوفهم منورين يا رب .... يا رب اشوفهم منورين

تعرف يا همور شباب كتيرة عايزة تناضل ودا فعلا وناس كتيرة

بس مش لاقين القدوة الكويسة الي يمشوا وراها ..... انما في امل الى عايزة

اننا عقلنا هوا الي يبقي لينا قدوة يعنى ما نعتمدش علي حد

ياااااااااة لو يحصل انقلاب ومن الشباب خاصتاً

يبقي بجد مصر بأمر الله هاتبقي بلد من دول العالم الاول او كمان الاول بلص :happy:

سلامى لك يا عموري ....

[أبو محمد]

تم إغلاق الموضوع لتنقيته من بعد مداخلة للعضو arad لكونها مخالفة لقواعد المشاركات

وتم وضع مداخلات العضو تحت المراقبة لحين عرض أمره على الإدارة

[أبو محمد]

أعيد فتح الموضوع بعد تنقيته من المداخلات المؤسفة ذات الأسلوب المتدنى للعضو arad وتم وضع جميع مداخلاته تحت المراقبة لأجل غير مسمى

ونعتذر للأخوة الأفاضل الذين عقبوا على تلك المداخلات فقد كان من اللازم حذف مداخلاتهم بعد حذف مداخلات العضو المخالف لقواعد المشاركة .. ونشكرهم على ضبط النفس وعلى ترفعهم عن الرد بنفس الأسلوب المتدنى

[مصري أصيل]

أعيد فتح الموضوع بعد تنقيته من المداخلات المؤسفة ذات الأسلوب المتدنى للعضو arad وتم وضع جميع مداخلاته تحت المراقبة لأجل غير مسمى

ونعتذر للأخوة الأفاضل الذين عقبوا على تلك المداخلات فقد كان من اللازم حذف مداخلاتهم بعد حذف مداخلات العضو المخالف لقواعد المشاركة .. ونشكرهم على ضبط النفس وعلى ترفعهم عن الرد بنفس الأسلوب المتدنى

تسلم يا أبو محمد في النهاية لا يصح الا الصحيح تقبل تحياتي

تم تعديل 24 فبراير 2008 بواسطة مصري أصيل

[إيزيس]

نرجع لموضوعنا

كان إيه الموضوع يا قرنفل :closedeyes:

أيوة عمرو كان بيحكي على عمليات التعذيب اللوذعية في تخليص الأوراق الرسمية

عايزة أقولك يا عمرو أولا الله يعينك ولولا نماذج زي صاحبك المبتلى بمختلف الابتلاءات هو وأهله وحامدين وشاكرين لهلكنا جميعا

الناس دول بيخلونا نخجل من أنفسنا لما يجيلنا شوية صداع خلاص مش متحملين ربنا يصلح له أحواله ويرضى عليه ويشفي أحباءه والمسلمين جميعا

إحنا كان ممكن نفتح محدتة عارفين المحدتة كان أستاذ الفرنسي يقول لنا لما نتكلم كتير فاتحين محدتة ممكن نفتحها عن عذابات الإجراءات الرسمية في مصر واللا أقوللكم

بلاش نكد ماحنا كلنا عارفينها على رأي المثل

خليها في قلبك تجرح ولا تطلع برة وتفضح