رابطة عشاق مصر (أليكس لوفر)

[Alex Lover]

انا عندي فيض من الذكريات (إفرح يا عمرو ) md2:

فاكرين الدره المشوي .. مشوي يا دره .. والترمس و الحلبه

ولا الايس كريم الي الواحد بعشره صاغ

كانت ماما الله يرحمها ترفض اني اشتري منه الايس كريم ده كله ميكروبات .. وتروح تشتري لي (كيمو ) ولا دولسي .... فاكرينه ؟؟؟؟؟؟؟؟

مكنش يعجبني واروح من وراها اشتري من عند اول واحد يقابلني ويسلاام على طعمه تقولش جرانيتا

[amrhoras]

بما انى مش لاقى كليب لبين شطين وميه

جبتلكم حاجه تفكركم بالصيف وحره والمصايف

الاغنيه دى لعلمكم مهداه من اهل الشرقيه وبيغنيها شرقاوى برده كان بس ماعلينا اهى حاجه من ريحة اسكندريه برده

على فكره انااحب اسكندرية فى الشتا عن الصيف ... حتى لما كنت ارووح اروح بعدالزحمة مع بداية الدراسه بعد ما الناس بتمشي طبعا لانى احب الهدوء

اخر مره قعدت مع اسرتى وبعدين روحوا هم وانا قعدت اسبوعين وكملت شهرونص كنت قاعد فى العجمي بيطاش لحظى السيء كانت الشقة قدام فيلا عمنا طنطاوى شيخ الازهر هههه ونادىالشرطه بس كانت ايام جميلة اوى

انا حكيتلكم عن حدثتي الشهيره فى القلعه؟؟؟ طلعونى بسناره من الميه ههههه وراح الموبايل اللى مكملش شهر فى جيبي :sad: المفروض تلموا بقى يااهل اسكندريه وترجعولى اللى عملته فيا بلدكم عشان ابقى ازوركم تانى :hearts: +حبة تحابيش سمك ع صياديه وحبة اسمه ايه ده البتاع ده اسمه طب بلاش منه اوكالله يحرق النسيان وسنينه

اه الاغنيه اهيه

[amrhoras]

اده انتو محكتوش عن كل الكم من الذكريات الحلوه دى ليه

الصور تجنن يااليكس بجد وخصوصاالدره المشوي والترمس مع انى محبش الدره الا ان نفسي راحتله الاقى معاكم حبة لب

هاتوا هاتوا فين مدام امانى سيبك من الورشه وتعالى قوليلنا زكرياتك اهيه دعوه خاصه اهيه:hearts:

جبت امبارح حتة عروسه بتقول بابا وماما وتعيط ومعاها البزازه وبعدين تضحك بعدالرضعه . وكلب صغنون بيجري ويتشقلب والله قعدت العب بيه ههههه البياع امبارح اتجنن مني صديق خلاص صديق وانا اشغل وهو يلم ورايا كنت هشترى المحل كله بما انكم امهات طفله عندها سنتين ونص ايه الالعاب المناسبه لها؟؟؟؟؟؟؟؟؟ خلو بالكم بنوتى الحلوه بقت طعمه بقت طعمه وحشتنى اوىىىىىىىى اجمل ايام بحبها ف الطفوله هى العمر ده

احكولى عن اطفالكم ممكن؟....

[Alex Lover]

لا بما انك كنت في البيطاش يعني كنت ضيفي .. ازاي ماتقولش يا عمرو علشان اعرف احيكم بطواجن سمك انما ايه ؟؟؟

بس ده نادي الشرطة ده كان كله هيصه وغنا بالليل .. وططنطاوي اعتقد مش بيروح في الصيف ولا ايه :hearts:

نورت اسكندرية

وشكرا على الاغنية الحلوة ولو اني لسه ماشوفتهاش :sad:

[amrhoras]

كان اسمه شارع الحنفيه . او ابو حنفيه انا اعمل ايه يا اليكس انتى كنتىقافله الموبايل علطول wst::

طنطاوى جه فى اخر الاجازه كانت فى منتصف سبتمبر 2005 زي مابيقولوا قليل البخت :hearts:

الصراحه كانت اجمل ايام قضيتها فى حياتى وخصوصا الناس الحلوه اللى تحسي بانهم اولاد بلد وتشعرى بدفء المكان بيهم ...

الميه كانت بترتفع كتييير اوى فى الوقت ده وانا مواعيد نزولى صعبه شويتين اما 6 صباحا او 9مساءا يعنى مفيش حد ولعلمكم الدنيابتكون صقعه والميه دافيه بس الشمس لما بتغيب تبرد مره واحده مش عارف ليه ههههه

المشي على الكورنيش برده بعد الساعة 1 بالليل جميل اوى ولاالحنطوررررررررر ركبته والله بس الاسعار تخليكوا متقعدوش كتييير على اى كافتيريا اكتر من نصف ساعه مينفعش خصوصا لو مفيش استعانه بصديق لوالفلوس خلصت

وشارع خالد انب الوليد .... والمنتزه والمبانى الجميله القديمه وماشاالله عندكم سينمات كتيييراوى فى العجمي انا مسبتش فيلم الا لما دخلته كان اياميها عريس من جهه امنيه ...

اده اده انا بقول ذكريات فى دوله اجنبيه فين ياشرقيه راجعلك تانى كفايه غربه :sad:

تم تعديل 8 يناير 2008 بواسطة amrhoras

[مونتى]

[صباح الفل والورد

شتااااااااء الاسكندرية اجمل شتاء

في مدينتي الاسكندرية شتاءا قارص ومع ذلك الكل يخرج ويمارس حياته بشكل طبيعي .. ففي وسط هذه الغيوم تجد شعاع الشمس يدخل بقوة وعند بين الغيوم وتجد الارض المبللة بالمطر يزيدها لمعانا شعاع الشمس الدافئ واوراق الشجر التي تلهو على سطح الماء .. جميله يا اسكندرية من يومك

الكورنيش والأمطار والأمواج المتلاطمة التي تصر على ان تداعب الشعب السكندري فما تكاد ان تقترب من سور الكورنيش حتى تجد الأمواج ارتفعت لتداعبك وكانها حيوان اليف يرفرف بالسعاده كلما اقتربت منه

لا انسى شكل الصيادين اللي غير مهتمين غير بشد شبكة مليانه سمك .. متعرفش السمك بيرقص من الفرحة ولا ايه ؟؟؟ :sad:

بسبب البر القاس الذى اعيشه حاليا بحائل

التى وصلت درجه الحراره الى (1) درجه مئويه والسبب الرئيسى هو الصور الرائعه للاخت اليكس ..............شكرا جزيلا اليكس

النوة وحلاوه النوه كفايه شكل الموج العالى وهى يعلو الى خارج الحواجز ويعلو معه احساسك الجميل المنعش

الجو البارد اللذيذ الذى تتمتع به واحساسك بالبرد يزيد عندك المتعه والرغبه تزيد على المكوث والتمشيه على البحر حتى اوقات متاخره من الليل . او الذهاب الى السينما والتمتع باحد الافلام الجميله وخاصا لو ايدك مش فاضيه

عظيمه يامصر

عاشق بلدى :hearts:

[ahmedarab]

صباح الخير والفل والياسمين على كل حبايبنا المصريين

كل سنة وانتم طيبين

سنة هجرية جديدة .....عليكم وعلينا سعيدة

انتوا فين ..لسة نايمين ولا اية ؟؟؟؟؟

اصحوا بقى

الاغنية حلو اوىى يا عمورر بس الجو ساقعة عليها شوية

الصور تحفة يا اليكس ...ذكريات وحجات جميلة اوىىى لا يمكن تعويضها الا فى مصر .... لم نرجع يعنى

تحياتى للجميع وصباح جميل

[ELSHAMY]

صباح الفل

ملاحظة: الموقع ما بيفتحش الا نادرا يمكن مرة فى اليوم...حد يعرف حل للموضوع ده...نرجو رد من الأخوة المشرفين

الأخ عمورة حاولت أبحث عن أى أغنية بتتكلم عن الشرقية مالقيتش أى حاجة...كان نفسى أرد جمايلك...هل ده معناه ان مافيش حد راح الشرقية واتأثر بيها وعمل لها أغنية....معلش ما تزعلشى نحاول نحن معشر الأسكندرانية نعملك أغنية مثلا:

يا غاليين عليا.....يا أهل الشرقية

الشرقاوية أجدع ناس

الشرقية مارية....وترابها زعفران (مش متأكد من موضوع التراب)

اليكس فاكرة كمان العسلية والدوم وشوارع العجمى الرملية....أنا كنت بأقضى الصيف فى شاطىء أبو تلات وفاكر شجر التين و بير المياه اللى عليه مروحة وكان ده الوسيلة الوحيدة للشرب وكان طعم الميه طبعا غريب.....ذكريات

[إيزيس]

الصور تحفة والأغاني جميلة انا معايا شريط محمد قنديل من 5 سنين كل ما توحشني مصر أسمعه ........... عارفين كل سنة وانا جاية من مصر لازم أشتري شرايط باحس فيها ريحة مصر أولها كل شرايط الثورة لحليم والقرآن بصوت الشيخ رفعت طبعا مش كامل لأنه المتاح منه قليل جدا ورباعيات جاهين للحجار ومحمد قنديل ومساكن شعبية لمنير وشريط غريب وصيت عليه شهر في صوت الفن اللي عند البوسته (اللي من الزقازيق يعرفه) لمدة شهر شريط لمنشد اسمه محمد الطوخي لأن فيه أغنية تحفة اسمها ماشي في نور الله اللي ما يعرفهاش يسمعها من النت رهيبة

أفكركم بحاجة تانية "كلمتين وبس" كنا نسمعه الصبح واحنا رايحين المدرسة

[إيزيس]

للأسف مفيش اغاني للشرقية فعلا رغم إن الشرقية فيها أصالة وطيبة و نقاء عالي جدا

[امانى]

مساء الخير عليكم كلكم اعضاء الرابطة

اليكس صورك جميلة جدا والدرة شمه ريحته من هنا طبعا ده فى الصيف موجود بطول الكورنيش

جميلة اسكندريه فى كل الاحوال حتى فى الشتا جميله . كنت احب قوى امشى على الكورنيش واقف فى الحته اللى الموجه تعلى

وترتفع وتطلع على الرصيف فوق فتغرقنى الميه طبعا ده وأنا صغيرة كمان زى اليكس كنت احب الجيلاتى اللى بعشرة قروش وكنت

بشتريها سرقة هى والترمس رغم ان امى كانت تعمل الترمس والحلبه فى البيت لكن الترمس والحلبه اللى بنشتريها لها طعم تانى

البحر دلوقت فقد كتير من جماله بسبب الصخور اللى بيرموها فيه حتى امواجه المتلاطمة مبقتش موجودة على الشط لازم تمشى

على اللسان الى الاخر علشان تشوفى بحر زمان

عمرو اغنيتك رائعة بس عايزة الصيف الجو دلوقت بارد فى اسكندريه وعلى فكرة الشرقيه برضه فيها اماكن جميلة

انا ليا عم الله يرحمه فى الشرقية وفى الزقازيق بالتحديد شارع البوسطة عارفه ولا لأ شارع كله محلات جميلة يكفى انكم اهل الكرم

كله ياعمرو ويا قرنفل مرحبا بك وسط اعضاء الرابطة

تحياتى للجميع ومساؤكم فل

امانى

[amrhoras]

مدام امانى ...

صباح الخير مش عارف اقول لحضرتك ايه ده بجد من سمو اخلاقك الكريمه . اكرمكي الله ....

حد ميعرفش شارع البوسته(البوسطه)

**************

صباح الخير يامصريين يا نشطين ايه النشاط ده

مداخلات كتييييير اوى جدا خالص ياااااه :sad: الواحد لو اتاخر يومين خلاص الموضوع يستمر مش كدى برده

انا اصريت انى مكتبش اليومين اللى فاتوا دول والله فيكي الخير يامدام امانى انتى ودكتور شامى

الباقىكله انذارات شدديه اللهجه بما فيهم اليكس :sad: صاحبة الموضوع

***************

حالة الطقس جوا شتويا غير مغتدل يميل الى البروده وبصراحه النهار لسه مطلعش مغييييين اوى شكلها حتديها مطر جامد اليوم

خير خير خير انشا الله :wub: صباحكم ورد وربنا معاكم ياولاد بلدى ...

على فكره انتوا انحرفتوا خالص عن ذكرياتنا mfb:

مين منكم مدرس هنا ؟؟؟؟ حد يحط درجات اعمال السنه يمكن تشفعلكم فى التيرم الاول

بس مفيش حد مذاكر .....خالص

درجة الحراره 5 ولا ده مش صحيح :wub: الدنيا حر اوى cld: هههه وانا كوووول جدا لابس نص كم wst::

الدنيا برد الدنيا برد وعم خليل بيسقى الورددددددددددد

منتظركم ياولاد بلدى

[ahmedarab]

صباح الخير عليكم جميعا

اخيرا ظهر فى البلد اللى ملهاش ملامح دى شتا

الجو بقالوا حوالى 3 ايام كدة ساقعة واىىى والمطرة شغالة على طول ..بس مش جامد اوىىى

بس اخيرا الواحد افتكر ان فية فصول فى السنة غير فصل جهنم (الصيف سابقا)..يعنى حتى ولو 11 شهر جهنم وشهر شتا او حتى خريف

تحياتى وصباح الخير على عيونكم يا ولاد و بنات بلدى

[ELSHAMY]

صباح الخير جميعا

للأسف الموقع ما بيفنحش الا نادرا.... وأنا ما صدقت قلت أصبح بسرعة من غير ما يكون عندى مداخلات بس خوفا من انذارات عمرو و مخالفاته.

مبسوط يا باشا....أى أوامر سيادتك.....فكرتنى بعساكر مرور مصر .....

مرة واحد منهم كان واقف امام سيارة قريبى وكان بينقل نمرتها لأنه واقف فى الممنوع.....وذهب اليه قريبى يستسمحه انه يشيل المخالفة.....ربع ساعة يتحايل عليه..., أخيرا بعد المعلوم وافق انه يلغى المخالفة وقال لقريبى ....(شوف فين نمرتك فى الورقة دى عشان نلغيها).....والمفاجأة....ان نمرة سيارته ما كانتش موجودة...وكان صديقنا ما بيعرفش يكتنب ولا يقرأ....عمار يا مصر

[Alex Lover]

حلوة اوي يا دكتور ... وخد من ده كتير ... اهي ناس بتسترزق

انا مجربتش اسوق في مصر ولو حصل اعتقد اني هاعمل حادث .. بالفعل المرور في مصر اسوأ حاجة فيها ... وانا لا انكر ده بتحس ان كل واحد ماشي سرحان ومش باصص قدامه هههههههه

بس الى حد ما التوسعه اللي اتعملت على كورنيش الاسكندرية حسنت كتير من وضع المرور

بلاش مخالفات يا عمرو هو احنا عارفين ندخل المحاورات على طول (مسكره) يعنى مقفوله ...

عايزاكم تقولولي نازلين مصر امتى ؟؟؟؟ كل واحد يقول مخططه لنزول مصر ... انا شخصيا باذن الله مخططة انزل في شهر 7 وانتم ؟؟؟ :blush2:

تم تعديل 13 يناير 2008 بواسطة Alex Lover

[amrhoras]

الاجازه

شكلك ناويه تحرقيلى المفجأه

مش مهم خلال ايام معدودااااات الاجازه قادمه لامفر وجارى البحث عن بديل كفيلى فى مصر بيدور احمدك يارب يارب يلاقى

مخطط الاجازه تكون كالاتى

- دورات مكثفه

-طلب هجره

-البحث عن عمل

-اشوف مصر كلها

-ادعووووولى لانى نهيت الحمد لله

بس ف حتة قلق من نزولى مصر

الحمد لله استوفيت كل الهدايا وخصوصا يارا جبتلها الالعاب وعاوز طبعا من امهات المنتدى انهم بساعدونى اجيب العاب ايه لطفله 2.5سنه

اما عن السواقه الحمد لله الكل بيشهدلى بالسواقه المجنونه السريعه المنتحره خصوصا مفيش رخصه ههههههههه:P

تحياتى لكم

عمرو حورس

[Alex Lover]

ياصباح الخير يا لللي معاا ياللي معانا

الكروان غنا وصحانا وصحانا

swar:: bngn:: bxg::

عاملين ايه يا شباب .. انا مش شايفه غير عمرو بس هو عمرو شوية .. :P

تروح وترجع بالسلامة ياعمرو .. ولا انت شكالك مش عايز ترجع :P

ربنا يوفقك

وبالنسبة للهدايا لعمر سنتين ونصف هما لعبتين للبنت هتتبسط بيهم وبعدين انقل على الهدوم دي هديه حلوة هتعجب اختك اوي فساتين و كلام من ده ... ولو لسه بتلبس بامبرز ياسلااااام لو تاخدلها عبوتين كبار لان البامبرز في مصر مش حلو زي بتاع السعوديه وكمان غالي جدا هناك ورخيص جدا في السعوديه

فين دكتور شامي .. مسلم .. مونتي .. قاهري .. أماني ... سالم .. محسن ... أحمد عرب

فينكم يا شباب

[amrhoras]

bxg:: معلش نصيبي كدى اعيش فى المحاورات ليل نهار

ماهو انا بسألك اجيب لعب ايه يا اليكس ههههههههه بامبرز 2.5 ولو سنه اترجع مصر وانا شايل البامبرز فوق دماغى يافضيحتى وكمان مش بتستعمله خلاص عروستي كبرت وبقت تقولهم :P

كل اللى جبته 3لعب بوبي بيمشي ويتشقلب بس ده انا حطمع فيه وعروسه بابا ماما واء ونحط الرضعه وعربية ايس كريم تمشي وتلف

بس مش عارف اجيب ايه تانى ينفع لها لعب لانى حاطط مبلغ صغنون للعب ياره لوحدها

الصراحه اللبس حلو اوى جدا خالص وخصوصا بتاع الاطفال جميييل جداااااااا بس غالى اوى bngn:: لغاية الجوانتى swar:: جبته لها

***************************************

احكولى بقى عن الاجازات واحساس الاجازات واول حاجه تعملوها اول مابتنزلوا :P

صباح الخيراااات عليكم جميعا صباح مشرق جميل ولا فى مطر ولا غيوم ولا ساقعه ولا اى حاجه gsm:: برده فى خصومات لازم تنزل برده مش موسم اوكازيونات ولا نسترزق

تم تعديل 14 يناير 2008 بواسطة amrhoras

[mogly]

فين دكتور شامي .. مسلم .. مونتي .. قاهري .. أماني ... سالم .. محسن ... أحمد عرب

فينكم يا شباب

صباح الخير يا ست ألكس

أنا كنت داخل أصبح و بعدين لقيتك مش حاطانى فى اللستة ...... هل ده مقصود؟

على أى حال أنا ح أعتبر ان أسمى مكتوب بس سايلاند و صباح الخييييييييييييييييير

باى،،، موجلى

[salemhegazy]

ياصباح الخير يا لللي معاا ياللي معانا

الكروان غنا وصحانا وصحانا

swar:: bngn:: bxg::

عاملين ايه يا شباب .. انا مش شايفه غير عمرو بس هو عمرو شوية .. :P

تروح وترجع بالسلامة ياعمرو .. ولا انت شكالك مش عايز ترجع :P

ربنا يوفقك

وبالنسبة للهدايا لعمر سنتين ونصف هما لعبتين للبنت هتتبسط بيهم وبعدين انقل على الهدوم دي هديه حلوة هتعجب اختك اوي فساتين و كلام من ده ... ولو لسه بتلبس بامبرز ياسلااااام لو تاخدلها عبوتين كبار لان البامبرز في مصر مش حلو زي بتاع السعوديه وكمان غالي جدا هناك ورخيص جدا في السعوديه

فين دكتور شامي .. مسلم .. مونتي .. قاهري .. أماني ... سالم .. محسن ... أحمد عرب

فينكم يا شباب

[/qu

صباح الفل و الياسمين و نسيم البحر العليل

معلهش كان عندنا خناقة فى مكان تانى

انتى اللى مختفيه بقالك فترة لعلك بخير

الاخ مهندس/موجلى انت فين يا راجل

لعلكم بخير جميعا