المهاجرين الى كندا

[المر]

اختى الجميلة نجفة

السلام عليكم انا متشكرة على اهتمامك و ردك على الاستفسار.

بالنسبة للأوفر بتاع كندا دى الاميل بتاعى ممكن تراسلنى عليه.

olatarek2000@yahoo.com

[sherifwagdy]

السلام عليكم ازيكم يا جماعه وحشتونى كان بقالى فتره مش بكتب فى الموضوع ده علشان بصراحه كنت مستنى رقم الملف وكنت قلقان جدا بس احب ابشركم واقولكم ان رقم الملف الحمد لله وصل ليه من 5 ايام تقريبا واخد شهر واسبوعين تقريبا حتى ارسلوا ليه رقم الملف بس فى حاجتين انا مستغرب منها اول حاجه وهى ان الفتره الى مكتوبه علشان بحث ودخول الملف فى مرحله البحث والمتابعه هيه من 42 الى 48 شهر معنى كده ان معظم الناس المقدمه على النظام الجديد مش هتسافر او هيتم البت فى ملفها الا بعد هذه المده علشان النظم الجديد المطبق فى 1 سبتمبر وفى حاجه تانيه انا عايز استفسر عليها الى عنده خبره بيها ان المفروض لما بيوصل ليه رقم الملف اقدر اشوف حاله الملف على الانترنت واقدر ابعت عليه اى حاجه ولكن للأسف انا الرقم مش عايز يفتح معايا على النترنت مع العلم انتى دخلت كل البيانات صح وهل حد من الاخوه الى جاء له رقم الملف وجرب يدخل بيه على النت النت ولم يستطع اسق جماعه على التطويل

[badroora]

هلا والله بالاخ شريف انا بردوا قولت مش معقول شريف هيجيى يسلم علينا وايده فاضية :WelEgTks:

والف الف مبروك على رقم الملف عقبال التاشيرة باذن الله .

بص يا سيدي بخصوص المدة دى كتير قالولى انها بس عشان محدش يوش على دماغهم لكن ان شاء الله تكون قبل كدا وخصوصا لانك صاحب اسرة وتعول .

بخصوص رقم الملف اينعم انت حصلت على رقم الملف ولكن لا تستطيع ان تدخل على بياناتك اونلاين الا غير بعد ما يشكوا على الفايل بتاعك .

رقم الملف دا عامل زى ماتكون رايح عند حلاق او دكتور ومستنى دورك .

بعد ما يتم مراجعة الملف بتاعك بالكامل وارسال لك ايه المطلوب منك او ايه الاوراق اللى محتاج تكملها ساعتها هتقدر تشيك على حالة الملف بتاعك اونلاين .

المفروض بقي تتقل وتبدا تجهر للامتحان وتحوش :flr1:

اى سؤال بعد كدا ب3 جنيه الارُبع اوك

والف مبروك مرة تانية

[ahmed_saleh]

هلا والله بالاخ شريف انا بردوا قولت مش معقول شريف هيجيى يسلم علينا وايده فاضية :WelEgTks:

والف الف مبروك على رقم الملف عقبال التاشيرة باذن الله .

بص يا سيدي بخصوص المدة دى كتير قالولى انها بس عشان محدش يوش على دماغهم لكن ان شاء الله تكون قبل كدا وخصوصا لانك صاحب اسرة وتعول .

بخصوص رقم الملف اينعم انت حصلت على رقم الملف ولكن لا تستطيع ان تدخل على بياناتك اونلاين الا غير بعد ما يشكوا على الفايل بتاعك .

رقم الملف دا عامل زى ماتكون رايح عند حلاق او دكتور ومستنى دورك .

بعد ما يتم مراجعة الملف بتاعك بالكامل وارسال لك ايه المطلوب منك او ايه الاوراق اللى محتاج تكملها ساعتها هتقدر تشيك على حالة الملف بتاعك اونلاين .

المفروض بقي تتقل وتبدا تجهر للامتحان وتحوش :flr1:

اى سؤال بعد كدا ب3 جنيه الارُبع اوك

والف مبروك مرة تانية

التحية للجميع

معلهش الاخت بدرية حبيت استفسر عن "بعد ما يتم مراجعة الملف بتاعك بالكامل وارسال لك ايه المطلوب منك او ايه الاوراق اللى محتاج تكملها ساعتها هتقدر تشيك على حالة الملف بتاعك اونلاين " لاني بعد ما حصلت على رقم الملف لم يطلبوا مني اوراق و استطيع تشيك الحالة على النت ارجو التوضيح اكثر و متى يتم ارسال ايه المطلوب منك من اوراق هل مع رقم الملف او بعده بفترة زمنية اخرى

[ahmed_saleh]

مبروك للاخ شريف و ربنا يتمم بخير لك و لنا جمعاء

[sherifwagdy]

سلام عليكم الله يبارك فيكم يا جماعه وعقبالكم يا رب ربنا يوفق الجميع الجميع انا كنت عايز استفسر من الاخت بدريه عن كيفيه تسريع الطلب والانتقال الى مرحله بحث الملف وشكرا

[badroora]

سلام عليكم الله يبارك فيكم يا جماعه وعقبالكم يا رب ربنا يوفق الجميع الجميع انا كنت عايز استفسر من الاخت بدريه عن كيفيه تسريع الطلب والانتقال الى مرحله بحث الملف وشكرا

العزيز شريف :lol: انت ليه محسسنى انك مقدم الطلب ومجهز شنطتك

بص يا سيدي الفترة الخاصة بتقيم الفايل دا ملهاش حل ولا لها اى طريقة تسرع بيها .

لازم ياخدوا وقتهم ويمحصوا ويفحصوا كل شيء .

ولكن عموما لو معاك عقد عمل هناك فى كندا هنا الاجراءات بتكون اقصر وفى حالة وجود اطفال بردوا بيحاولوا يراعوا مستقبل الاولاد.

اما بقي لو قدمت لجوء سياسي يسلام خلال شهور قليلة تهاجر على طول :rolleyes:

انا جالى رقم الملف قبلك وللحين مسمعتش منهم اى حاجة من يومين جالى جواب من كندا وماشوفتوش اصحابي عملوا فرح وجبلولى الجواب الشغل مخصوص وانا بقي سميت وبصيت لاقيته من جامعة البرتا قولت يا مسهل

فتحت لاقيتهم بعد 6 شهور بعتين يخبرونى الورق اللى مخلصاه من وزراة الصحة معالهوش اسم والورق اللى من البحرين اسمى مكتوب غير الموجود فى باقي الاوراق .

شوفت بقي الاهمال بتاع الناس بيعمل ايه يعنى انا كتبه اسمى هما ليه يجتهدوا ويكتبوا اسبلك من عندهم .

ولا وزراة الصحة فى مصر حد يكتب ورقة من غير مايكتب موجهه من مين وينسي يمضى يا نهار ابيض .

الاصد يا اخ شريف ان الاشياء دى احبالها طويلة وعاوزة صبر وطولة بال .

وانا بقي ليه مش باشوفك بتشارك معانا فى اى مواضيع تانية .

متخلنيش اخد عنك فكرة انك بتدخل على الموضوع دا بس :rolleyes:

يلا سيبك من كندا سيبها لما تيجي براحتها وتعالى زورنا فى باقي المولات

السياسة مول

الجاد مول

الخفيف مول ,,,,,الخ

ماشي يلا فى انتظرك خارج هذا الباب

نهارك ابيض

تم تعديل 9 نوفمبر 2007 بواسطة Badria Mekkawy

[badroora]

التحية للجميع

معلهش الاخت بدرية حبيت استفسر عن "بعد ما يتم مراجعة الملف بتاعك بالكامل وارسال لك ايه المطلوب منك او ايه الاوراق اللى محتاج تكملها ساعتها هتقدر تشيك على حالة الملف بتاعك اونلاين " لاني بعد ما حصلت على رقم الملف لم يطلبوا مني اوراق و استطيع تشيك الحالة على النت ارجو التوضيح اكثر و متى يتم ارسال ايه المطلوب منك من اوراق هل مع رقم الملف او بعده بفترة زمنية اخرى

سلام عليكم

يمكنك تصفح الويب سايت دا وان شاء الله تلاقي اجابة لكل تساؤلاتك .

https://services3.cic.gc.ca/ecas/dataaccess...ion.do?app=ecas

بالتوفيق ان شاء الله

تم تعديل 9 نوفمبر 2007 بواسطة Badria Mekkawy

[sherifwagdy]

السلام عليكم ازيكم يا جماعه انا متشكر جدا جدا يا بدريه على ردودك المتميزه التى تفيد الجميع وتثرى المنتدى فعلا ردودك مش غريبه على شخصيتك الحبوبه والمنتجه والمفسره لكل صغيره وكبيره وانا هسمع بنصايحك وهنسى شويه الموضوع لغايه ما يجى وقته بأذن الله او هحاول اطور نفسى فى الانجليزى والفرنساوى بقدر الامكان رغم الشغل هنا لا يعطى الواحد الفرصه انه يلتفت خالص او يكون عنده وقت خالص وانا كمان هحاول اشترك فى مواضيع او او مولات اخرى وربنا يساعدنى افيد كل فى حاجه الى نصيحه من مكانى الان فى دوله الكويت يعنى هحاول افتح موضوع جديد يجمع كل معلومات على الراغبين فى السفر الى دوله الكويت التى اصبحت اعرفها جيد جدا بس انا كان عندى استفسار بسيط وهو انى اقدر اسافر كندا لكى أأخذ نظره عامه عن الحياه هناك من خلال تجربتى الشخصيه خلال الفتره ما بعد حصولى على رقم الملف وبحثه مع العلم انى سألت بعض اصحاب لى هنا قالوا لى لا ينفع ابدا بعد صدور رقم الملف لأن انتى ممكن تستقر هناك وتغير من وضع بحث الملف تماما مع العلم انى غير متزوج وشكرا

[badroora]

شررررررررررريف ازيك عامل ايه

عندي لك خبر بمليون جنيه

انا امبارح شيكت على الملف بتاعى اونلاين اينعم مافيش جديد بس المهم انه فتح

بص يا سيدي اذهب الى الصفحة دى

https://services3.cic.gc.ca/ecas/security.do?app=ecas

وبعدين دق موافق واستمر واختار من القائمة

IMMIGRATION FILE NU. FROM IDINTIFICATION TYPE

وبعدين اكتب الرقم زى بالظبط ماهو مكتوب فى الجواب اللى بعتهولك .

واكتب يور فاميلي نام

ضرورى يعنى انا مثلا الفاميلي نام بتاعى اسمين وبينهم داش

لو انت اسمين وبينهم داش يبقي لازم تكتبه زى ماهو مكتوب بالظبط فى الخطاب

جرب انا جربت امبارح وفتح

وابقي قولى فتح ولا لاأ

جوللاك :sad:

[deemuck]

تحياتي والله يجعله خير لك يا بدرية

[moab]

الأخوة والأخوات أعضاء المنتدى الكرام

أنا عضو جديد بالمنتدى وأرغب بالهجرة إلى كندا ، لذلك أرجو منكم إفادتي وبالأخص الأخت الفاضلة بدرية والتي لا تتوانى عن الرد والإيضاح لأي استفسار .

أنا أعمل حالياً ( IT Manager ) بإحدى الشركات بدول الخليج ولدى خبرة أكثر من ستة سنوات وحاصل على بعض الشهادات الدولية من مايكروسوفت ( MCP - MCSA - MCSE - MCSE Security ) مهندس أنظمة مايكروسوفت ومهندس حماية أنظمة مايكروسوفت وأنا حاصل على الثانوية العامة ولم أكمل تعليمي الجامعي حيث أن الشركات في المجال الذي أعمل فيه لا يهتمون بالشهادات الجامعية بقدر الاهتمام بالشهادات الدولية وبالخبرة العملية ومتزوج ولدي طفلان , فهل هناك فرصة جيدة للموافقة والقبول ؟ أم أنه لاداعي للتقديم من الأساس ؟ مع جزيل الشكر والتقدير مقدماً

[badroora]

الأخوة والأخوات أعضاء المنتدى الكرام

أنا عضو جديد بالمنتدى وأرغب بالهجرة إلى كندا ، لذلك أرجو منكم إفادتي وبالأخص الأخت الفاضلة بدرية والتي لا تتوانى عن الرد والإيضاح لأي استفسار .

أنا أعمل حالياً ( IT Manager ) بإحدى الشركات بدول الخليج ولدى خبرة أكثر من ستة سنوات وحاصل على بعض الشهادات الدولية من مايكروسوفت ( MCP - MCSA - MCSE - MCSE Security ) مهندس أنظمة مايكروسوفت ومهندس حماية أنظمة مايكروسوفت وأنا حاصل على الثانوية العامة ولم أكمل تعليمي الجامعي حيث أن الشركات في المجال الذي أعمل فيه لا يهتمون بالشهادات الجامعية بقدر الاهتمام بالشهادات الدولية وبالخبرة العملية ومتزوج ولدي طفلان , فهل هناك فرصة جيدة للموافقة والقبول ؟ أم أنه لاداعي للتقديم من الأساس ؟ مع جزيل الشكر والتقدير مقدماً

السلام عليكم ورحمة الله وبركاته

اهلا وسهلا بك اخى العزيز موب نورت المنتدي .

تستطيع تقدم طلبك هى الشهادة الجامعية طبعا كانت هتفيدك فى زيادة الاسكور بتاعتك ولكن مش هى الاساس وانت مجالك ماشاء الله كويس وليه وضعه دوليا يعنى تقدر تشتغل فى اى مكان .

وممكن تبقي تكمل دراسة هناك لما ربنا يكرمك وتسافر وكمان المجال بتاع حضرتك كما قولت بيعتمد على الكورسات اكتر من الشهادة الجامعية نفسها .

ويبقي احسن لو قدمت على البرتا لانهم فى حاجة الى عماله كتيرة فى جميع المجالات نظرا لاكتشاف بترول فيها وهتكون اجرائات الهجرة ليها ميسرة جدا وحتى الضرائب بتاعتها اقل لحذب الكوادر البشرية

توكل على الله ولو احتجت اى شيء بخصوص مليء الملف او اى استفسار احنا فى الخدمة

ربنا يوفقك يا رب

بدرية

[moab]

الأخت الكريمة بدرية

أولاً أنا عاجز عن الشكر على سرعة ردك واهتمامك وأيضاً أسلوبك في الرد والذي يدل على تربية عالية وأخلاق كريمة

وبعد إذنك أنا عندي كام استفسار يا ريت لو في عندك وقت ومجال تجاوبيني عليهم

أولاً : بالنسبة لموضوع الشهادة الجامعية في جامعة إسمها الجامعة الكندية العربية المفتوحة للتعليم عند بعد وبتدي بكالوريوس في علوم الحاسب وماجستير ودكتوراه كمان ، بس السؤال هل الجامعة دي معترف بشهاداتها في كندا ولا لأ ؟

ثانياً : هل أقدر أقدم حالياً على الطلب وبعدين لما آخد البكالوريوس أضيفه للملف بتاعي ؟

ثالثاً : إيه الأوراق المطلوبة كبداية للتقديم على الطلب ؟ وهل من ضمن الأوراق دي شهادة مستوى اللغة ؟ ولا الشهادة دي بيطلبوها لما يتحدد موعد الإنترفيو ؟

رابعاً : يا ريت تقوليلي على المطوب بالضبط لأني والله تهمت من كتر ما قرأت الموضوع بالكامل ، يعني إيه الأوراق المطلوبة بالضبط للتقديم في البداية ؟ وإزاي أقدم ؟ يعني منين الاستمارة وازاي أبعتها وعلى أي عنوان ؟

أنا آسف جداً على الإطالة وأشكرك مرة تانية على ردك واهتمامك

[عبدالخالق عباس]

السلام عليكم ورحمة الله وبركاته

انا قدمة الى الهجرة الى كندا عن طريق الكفالة الخماسية فانا كل اهلي يعيشون في كندا منذ 15 سنة وعملت المقابلة ووافقو علي وزوجتي وولدي واعطوني اوراق الفحص الطبي وعملت الكشف الطبي والحمد الله ودائرة الهجرة اتصلت بوالدتي في كندا وبشروها بانهم وافقو على اعطائي الفيزا ولكنهم ينتضرون وصول اوراق الفحص الطبي من مصر وهنا انا صارلي دخلت الان الشهر الخامس ولايوجد جواب من قبل السفارة الموجودة في مصر ولااعرف ماذا افعل وماالحل لان خ خمس اشهر ليست بالمدة القليلة بعد اجراء الفحص الطبي وارجوا ممن له خبرة في هذا المجال او اي معلزمات في هذا المجال الاجابة في اسرع وقت وشكرا لكم

[badroora]

سلام عليكم

أولاً : بالنسبة لموضوع الشهادة الجامعية في جامعة إسمها الجامعة الكندية العربية المفتوحة للتعليم عند بعد وبتدي بكالوريوس في علوم الحاسب وماجستير ودكتوراه كمان

، بس السؤال هل الجامعة دي معترف بشهاداتها في كندا ولا لأ

دى بصراحة مش متاكدة منها هسالك عليها وهارد فى اقرب وقت باذن الله !!

ثانياً : هل أقدر أقدم حالياً على الطلب وبعدين لما آخد البكالوريوس أضيفه للملف بتاعي ؟

تقدر تقدم بالشهادات اللى معاك والاهم ان مجالك كويس وشهادات الخبرة هتنفعك كتير حتى ممكن تبقي تكمل دراسة فى كندا نفسها مش ضرورى تدرس قبل السفر وبردوا هسالك عشان نبقي ماشين صح .

ثالثاً : إيه الأوراق المطلوبة كبداية للتقديم على الطلب ؟ وهل من ضمن الأوراق دي شهادة مستوى اللغة ؟ ولا الشهادة دي بيطلبوها لما يتحدد موعد الإنترفيو ؟

الاوراق المطلوبة

كل شهاداتك سواء

الدراسية

الكورسات

الميلادية

الجيش ان وجد

عقد الزواج

كل دا مترجم بالانجليزية

وكل شهادات الاولاد ان وجد تترجم للانجليزية

والزوجة ايضا

شهادتها الداراسية

وعقد الزواج

وكل شيء يترجم للانجليزية

وبخصوص الابليكيشين

اكيد طبعا حضرتك هتبقي البرنسيبال او لو مدام حضرتك بتشتغل وشهادتها قوية ممكن تناقشوا مع بعض وشوفوا مين بيقي البرنسبالز ودى مافيهاش حاجة لان الاهم المصلحة العامة فى الاخر

فدى بقي حضرتك تقدر تحددها .

رابعاً : يا ريت تقوليلي على المطوب بالضبط لأني والله تهمت من كتر ما قرأت الموضوع بالكامل ، يعني إيه الأوراق المطلوبة بالضبط للتقديم في البداية ؟ وإزاي

انا هاجبلك الابليكيشن نا ومعاه اتشيك يست عشان تراجع منها المطلوب

أقدم ؟ يعني منين الاستمارة وازاي أبعتها وعلى أي عنوان ؟

املى الابليكسين وارساله على العنوان اللى هجيبهولك دا

استراحة قصيرة وهاعود

النت عندى الله ما يوريك

[badroora]

عدنا

اقراى الويب سايت دا للتعرف على كيفية التقديم والاجراءات

http://www.cic.gc.ca/english/immigrate/skilled/apply-who.asp

ودا كمان عشان تعرف كيف تمليء الابليكيشن وكام الفلوس المطلوبة

http://www.cic.gc.ca/english/immigrate/ski...gular.asp#step1

الابليكيسن بقي

استعنى عالشقي بالله

دا الارشادات عن كيف تمليء الاستمارة وازاى تحسب المبلغ المطلوب اقراه كويس

http://www.cic.gc.ca/english/pdf/kits/guides/ESap.pdf

الابليكيشين

خد بالك وانت بتملاه كويس

http://www.cic.gc.ca/english/pdf/kits/forms/imm0008e_SW.pdf

ولو الاستمارات مكفتش على عدد الاولاد ممكن تطبع نسخ زيادة

الفورمة دى لو يعنى حبيت توكل محامى

بس المحامى مالوش لزمة لو مليت الابليكيشن صح والباياانات صحيحة وواضحة

http://www.cic.gc.ca/english/pdf/kits/forms/IMM5476E.PDF

وبما انك تعمل فى الخليج فهذا العنوان اللى هتسل عليه

Canadian High Commission

Immigration Section

38 Grosvenor Street

London

W1K 4AA, United Kingdom

مكتب لندن

بص بقي يا سيدي خلاص كدا انت مليت الاستمارة وحسبت لكل فرد من اسرتك المبلغ المطلوب .

وبعدين كلكلم تتصورا صور بخلفية بيضاء ويكون الوجه واضح فيها وهتلاقي مع الارشادات مواصفات الصورة المطلوبة او كل للمصوراتى فى الاستديو دى صور للهجرة هما بيبقوا عارفين .

بعدين حضرتك لازم فيش وتشبيه من مصر ومن اى بلد قعد فيها فوق ال6 شهور وكذلك اى فرد من افراد عائلتك فوق ال18 او 21 سنه

وبعدين لو عندك شهادة اللغة الانجليزيةابقي ضيفها لو لسه مش عندك مش مشكلة دى بعدين مهمة

لو عندك حساب فى البنك ممكن تجيب رسالة من البنك وتحطها

لو مش فيه فى الوقت الحالى بردوا مش مشكلة هيجيى وقتها .

وبعدين كل شهادات الخبرة اللى عندك ترجمها وحطها

كل الكورسات اللى خدتها بردوا حطها

عقد العمل مترجم ورسالة من شغلك بتفيد انك شغالى من الوقت الفولانى الى الوقت الفولانى بمرتب كذا شهريا او سنويا

مهم جدا دا عشان ياكدوا انك تعمل بالخليج وانك قادر على اعالة نفسك واسرتك

ولو انا نسيت حاجة هتلاقي التشيك ليست مكتوب فيها كل شيء

بليز اقراها كويس اوى قبل ما تملى الملف ويا ريت تطبع كذا نسخة عشان تجرب فى واحدة وبعدين تملى التانية كويس ودا بيقلل الاخطء

السي في بتاعتك مهمة بردوا وهتلاقي خانه ليها ابقي املالها وارفق معاها السي في بردوا

بخصوص الفيش والتشبية

ممكن من السفارة المصرية فى المكان اللى بتشتغل فيه

ومتنساش تترجم كل الشهايد من مكتب ترجمة

ولو احتجت اى شيء لا تتردد وانا فى اقرب وقت هارد عليك باذن الله

يلا بالتوفيق ان شاء الله

ومش تقلق هو الملف شكلة يخض بس واحدة واحدة وتفهم كل اللى فيه وكل خطوة تنعمل ازاى هتلاقي نفسك فهمت على طول

ولو حابب نمشي بالخطوات واحدة واحدة معنديش مانع بس قولى نحب نبدا منين

حظ سعيد ان شاء الله md2:

تم تعديل 7 ديسمبر 2007 بواسطة Badria Mekkawy

[badroora]

تحياتي والله يجعله خير لك يا بدرية

امين يا رب لينا وليك وللجميع

ها اخبارك ايه ووصلت لحد فين فى الاى التتس

وازى النونو الصغير يا رب يكون او تكون بخير md2:

[deemuck]

الأخت الكريمة بدرية

أولاً أنا عاجز عن الشكر على سرعة ردك واهتمامك وأيضاً أسلوبك في الرد والذي يدل على تربية عالية وأخلاق كريمة

وبعد إذنك أنا عندي كام استفسار يا ريت لو في عندك وقت ومجال تجاوبيني عليهم

أولاً : بالنسبة لموضوع الشهادة الجامعية في جامعة إسمها الجامعة الكندية العربية المفتوحة للتعليم عند بعد وبتدي بكالوريوس في علوم الحاسب وماجستير ودكتوراه كمان ، بس السؤال هل الجامعة دي معترف بشهاداتها في كندا ولا لأ ؟

ثانياً : هل أقدر أقدم حالياً على الطلب وبعدين لما آخد البكالوريوس أضيفه للملف بتاعي ؟

ثالثاً : إيه الأوراق المطلوبة كبداية للتقديم على الطلب ؟ وهل من ضمن الأوراق دي شهادة مستوى اللغة ؟ ولا الشهادة دي بيطلبوها لما يتحدد موعد الإنترفيو ؟

رابعاً : يا ريت تقوليلي على المطوب بالضبط لأني والله تهمت من كتر ما قرأت الموضوع بالكامل ، يعني إيه الأوراق المطلوبة بالضبط للتقديم في البداية ؟ وإزاي أقدم ؟ يعني منين الاستمارة وازاي أبعتها وعلى أي عنوان ؟

أنا آسف جداً على الإطالة وأشكرك مرة تانية على ردك واهتمامك

السلام عليكم ورحمة الله وبركاته

اولا الدراسة عن بعد بالاخص غير معترف بها في نظام الهجرة كمدة دراسية.. يعني انت ممكن تكون درست من ابتدائي لثانوي 12 سنة واخدت بكالوريوس عن بعد من أي جامعة أربع سنوات ... سيكون تقيمك انك حاصل على بكالوريوس + 12 سنة دراسة (فقط) فبالتالي لن تحصل على الدرجات الخاصة بحاصلي البكالوريوس نظامي(حضور)

بالإضافة الي هذه اللحظة الدراسة عن بعد لدرجة البكالوريوس (دراسة عملية) غير معترف بها في معظم البلدان ولا حتى معادلتها ولا كمان معترف بيها حتى 2 سم قدام.

لكن اذا توفر في المكان الذي تعمل به دراسة فنية معتمدة (دبلوم) على الأقل 3 سنوات سيكون رصيدك في النقاط أعلى من حاصلي البكالوريوس (4-7) سنوات.

[deemuck]

تحياتي والله يجعله خير لك يا بدرية

امين يا رب لينا وليك وللجميع

ها اخبارك ايه ووصلت لحد فين فى الاى التتس

وازى النونو الصغير يا رب يكون او تكون بخير md2:

انشغلت الفترة اللي فاتت دي كلها الي الان انا لسة مادخلتش الاختبار . ربنا يسهل ونشوف

النونو الصغير الحمد لله كبر كدة كام شهر ومغلبنا