كيف سنحكم من قبل دولة الخلافة او الدولة الإسلامية المعاصرة ؟

[egyptawy]

السادة  عاصرى الليمون واحنا مش اخوان بس بنحترمهم بالاضافة الباكيين على ديمقراطية الاخوان 

 

مش كفاية بقى 

انتم  مش شايفين ان كده بقى كتير قوى 

مش كفاية الى عملتوه فينا

بعد وكسة يناير 

ماصدقنا الشعب فاق لنفسه وصحى بعد 60 سنة من ساعةما عبد الناصر ورفاقه خربوها وكلنا فرحنا والى برة مصر ابتدى يجهز نفسه للرجوع ما هى بلدنا رجعتلنا بقى 

 

ضحكتوا علينا وقلته شفيق بنا وبينه دم وخلينا ننتخب مرسى وبينا وبينه ميدان التحرير

 

والاخوان جم وبدل ما يخلونا نلتف حواليهم الى انهم  بغبائهم ضيعوا كل حاجة وساعدوا اعدائهم انهم يقلبوا الشعب عليهم وهما كانو يستاهلوا 

 

فيها ايه لو حبوا بلدهم اكتر ما حبوا جماعتهم مين فينا كان هيقف قدامهم مين فينا بيكره الخير للبلد الا انهم بغبائهم وتايدكم الاعمى خلتونا نتخنق ونترحم على ايام العسكر

احنا مش ناسيين لما كنتم بتقولونا مرسى رئيس 8 سنينوبعديه حازم 8 زيهم 

مش ناسيين لما كنتم بتقولوا الى مش عاجبه يهاجر

مش ناسيين عنفكم وانقلابكم على كل مؤيديكم لما ابتدوا يعارضوكم 

حسستونا انا اتخلصنا من العسكر عشان نسلم نفسنا لجماعة اسمها الاخوان 

حسستونا اننا مواطنين درجة تانية لمجرد اننا مش من جماعتكم 

 

ياريت تنقطونا بسكاتكم بقى عشان انتم الى ضيعتوا البلد وخربتوها وقضيتوا على احلامنا كلنا بعد ما ظننا انى بلدنا رجعت لينا  وزيكم زى الا خرجوا بجهلهم قالوا لعبد الناصر ابقى فانت الامل الباقى بعد ما ضيع البلد 

تم تعديل 28 أغسطس 2015 بواسطة egyptawy