أخبار نادي الزمالك

[DARWEEN 0]

انا اهلاوية ....

وبالمناسبة انا كنت زملكاوية بس ربنا هداني :rolleyes:

اهي دي الناس العاقله

شفت يا موديست اللي بياخد الدوا بيتحسن ازاي ؟

:)

[drhouba 1]

و الله يا جماعه ألف مليون شكر على الروح الطيبه دى اللى مش غريبه على نادى المبادئ و مشجعيه ده إيه السلام الإجتماعى ده و لكن للأسف يا داروين يا حبى الزمالك ده مالوش دوا .... آآآآه نسيت أصل أنا جديد فى المنتدى مش من زمان يعنى لما الزمالك أخد أحسن نادى على مستوى العالم فى فبراير 2002 كان فيه برضه تهنئه هنا من حبايبى المبادئيين ؟ أنا متأكد إن كان فيه .... و ربنا يديم المحبه :)

كوكو واواااااااااااااااااااااااا

خش عليهم

تم تعديل March 12, 2007 بواسطة drhouba

[DARWEEN 0]

يا دكتور هوبا يا حبيبي فبراير 2002 أيه بس اللي أنتو عاملينها عقد ولابسينه ده

أولا ياعمنا فبراير في أغلب دول العالم بيكون فيه جليد والناس مش بتلعب كوره wst::

ثانيا الترتيب ده كان من منظمه ثانويه مش من الفيفا :Exclam:

يعني كنتم بتلعبوا لوحدكم وعاوزين تطلعوا التاني زي مانتم متعودين angl:: :sad:

عارف زي التلميذ اللي بيمتحن لوحده كده ويطلع التاني كده يقوم أبوه يعمل له حفله :) :rolleyes:

وبعدين أنا عارف أن الزمالك مالوش دوا ... زيه زي الهيرويين والكوكايين كده :pasha: :ninja:

ربنا يكفينا الشر ... وألف مبروك مرة أخرى للأخت أليكس لوفر

كوكو واوا خش علينا .... بس خد بالك ... الأهلي أوعى وشك

[Ahmad Farahat 19]

انا اهلاوية ....

وبالمناسبة انا كنت زملكاوية بس ربنا هداني :)

هنتكلم كتيييييييييييييييييييييييييير

عشان فيه سر عندي مش هقوله غير ليكي...........

إنتظري رسالة خاصة

[Modest 4]

انا اهلاوية ....

وبالمناسبة انا كنت زملكاوية بس ربنا هداني :P

اهي دي الناس العاقله

شفت يا موديست اللي بياخد الدوا بيتحسن ازاي ؟

:wub:

أنا مش باخد دوا إلا اللي يوصفهولي د. هوبا أو د. كوكو واوا wst::

يا دكتور هوبا يا حبيبي فبراير 2002 أيه بس اللي أنتو عاملينها عقد ولابسينه ده

أولا ياعمنا فبراير في أغلب دول العالم بيكون فيه جليد والناس مش بتلعب كوره wst::

و لما فبراير في أوروبا و الدول المتقدمة بيقعدوا فيه حوالين الدفايا يفرقعوا ابو فروة و يحتسوا النبيذ و يلتحفوا البطاطين cld:

ما أخدش ليه نادي القرن و المباديء اللقب في و لا فبراير واحد؟؟؟ wst::

و لا كان ساعتها قاعد معاهم تحت البطانبة؟

دوس هنا بشويش lmo:

و هنــــا حتة كمان صغيرة على سبيل التذكِرة blw)

و اوعى وشك bk:

[kokowawa1979 1]

ماشي يا دكتور هوبا - استعنا على الشياطين بالله ( إوعى حد يزعل مش انتم الشياطين ............. الحمر wst::

أخونا أرسين كتب :

زغرد يا كوكوواوا بدالي

والله ياخويا أرسين أنا راجل مش بتاع أفراح لإني ماباحبش الاختلاط لكن ممكن الأهلوية الجديدة اليكس تقوم بالمهمة !!!

أرسين كتب تاني :

عشان فيه سر عندي مش هقوله غير ليكي...........

أنا بقى اٌول لك السر ياعم أرسين - إنت كنت زملكاوي وقلبت وماتقولش لأ لاحسن أعورك :wub:

داروين كتب :

ي

ا دكتور هوبا يا حبيبي فبراير 2002 أيه بس اللي أنتو عاملينها عقد ولابسينه ده

أولا ياعمنا فبراير في أغلب دول العالم بيكون فيه جليد والناس مش بتلعب كوره

أمال ياعم داروين بطولات الدوري في أوروبا اللي كانت شغالة في فبراير دي بتسميها إيه !!!

ياجدعان أبوس إيديكم ماتخترعوش حاجة (....) زي اليهود مابيعملوا دايما ويحاولوا يقنعوا العالم بتصديقها !!

ثانيا الترتيب ده كان من منظمه ثانويه مش من الفيفا

هي دلوقت بقت منظمة ثانويه مش من الفيفا - والله انتم ناس عسل بجد - واللا يمكن الزمالك كان دافع قرشين للمنظمة دي علشان تنشر الخبر ده !!!

وبعدين أنا عارف أن الزمالك مالوش دوا ... زيه زي الهيرويين والكوكايين كده

اللي مالوش دوا هو الموت ياعم داروين واحنا بقى بنحب الزمالك حتى الموت wst:: أما الهيروين والكوكايين فدول طبعا سبناهم لعمرو سماكة ومحمد عباس wst::

الأخت اليكس لوفر :

ألف ألف مبروك لنا كزملكاوية انضمامك للأهلي !! لإن احنا مش حزب وطني أو حزب مصر أو الاتحاد الاشتراكي lmo: آمل أن تستمري في الأهلي وملقيكيش حولت على الاسماعيلي المرة الجاية - ماتزعليش أنا باهزر - وقولوا لها حاجة cld:

عم الدكتور هوبا فيه نقطة لازم تحطها في دماغك أما تتعامل مع الأهلوية اعمل حسابك إن معظمهم مستجد في عملية التشجيع - واوعى يغرك إنه بيطلع منهم في بعض الأحيان إنهم قلبهم على الزمالك أفريقيا ده كله من تحت الضرس صدقني أنا

[Alex Lover 1]

مين ده اللي عايزني ازغرد .... ؟؟ اللي يزغرد الزملكاوية بس علشان فين وفين لما يجيبو جول ... ههههههههههههه

[Alex Lover 1]

كوكو واوا .... متخفش مش هاروح الاسماعيلي .. انا لسه في فترة نقاهه

[kokowawa1979 1]

إن شاء الله تخرجي من فترة النقاهة على خير wst::

شوفوا بقى فتحي مبروك بيقول إيه عن المدربين الأجانب وإزاي الأهلي كان في المركز العاشر !!!

يقول فتحي مبروك مدرب منتخب مصر السابق: إن نجاح المدرب الأجنبي يتوقف فقط علي قيامه بتدريب أحد ناديي القمة الأهلي والزمالك فكلاهما يملك الامكانيات الفنية والمالية والإدارة واللاعبين بالاضافة للجماهير التي تساعد علي النجاح هذا بالاضافة للعامل الإعلامي الكبير الذي يسانده في تحقيق بطولات وألقاب لا يحلم بها وبصراحة المدرب الأجنبي لا يفعل شيئاً بمفرده والدليل انه عندما يترك مصر بعد تحقيق البطولات ويسافر للخليج لا يصنع شيئاً بالمرة وتنتهي الهالة الإعلامية وكما صعد للقمة يسقط بدون ألقاب وبطولات.. ويقول كان حظي ان عملت مساعداً لمايكل أيفرت الذي حقق للمقاولون بطولات ربما لن تتكرر حالياً.

وبصراحة فقدت الثقة في التعامل معه رغم أن المصلحة كانت تحتم علينا ان نتعاون ووقتها وصل الأهلي للمركز العاشر وهو موقع لايتناسب مع الأهلي وكان يجب الاستماع للغير وقام بأفعال لا يتصورها أحد بتحميل اللاعبين لاحمال تدريبية عالية وكان أيفرت وقتها يحارب النجوم مثل ربيع ياسين ومحمود صالح واجبارهما علي الاعتزال حتي تمت اقالته وكنا كجهاز فني ضحية لتصرفاته وفشله وللعلم لم يكن مايكل أيفرت معروفاً في بلاده.

علشان لما نقول الأهلي كان العاشر الناس تصدقنا :wub:

حد من الأهلوية فاكر الأهلي كان ترتيبه الكام على العالم في هذه السنة !!!!

منك لله ياكاجودا خلليت الأهلوية يطلع لهم حس wst::

تم تعديل March 13, 2007 بواسطة kokowawa1979

[zedan 0]

انا كل اللي فاكرة ان الزمالك بأة ترتيبه الــ 216 :angry:

[Alex Lover 1]

الأهلى طول عمره حسه طالع لولاش الوأوأه بتاعتكم يا زملكاوية قلبتوا دماغنا ...(باهزر)

[DARWEEN 0]

يا كوكو يا حبيبي ما احنا طول عمرنا معودينكم على المقالب دي ... نسيبكم تفرحوا في الأول شويه وبعدين فين يوجعك

[أبو محمد 4,280]

تم حذف المداخلة الأخيرة للزميل Diab ورد الزميل كوكو واوا عليها ..

المداخلة والرد من نوع يؤدى إلى تباغض عضوين عزيزين وكان من الممكن أن ينضم إليهما أعضاء آخرون .

نحن متأكدون أن لا العضوين العزيزين ولا باقى الأعضاء الأفاضل يودون الوصول إلى تلك المرحلة..

رجاء العودة إلى روح المودة

الإدارة

أبو محمد

[kokowawa1979 1]

خيرا ما فعلت أخي الفاضل أبو محمد smk:

[Diab 200]

مفتكرش أني قلت حاجة غلط يا أبو محمد ولا كان قصدي أسيء لأي واحد بس واضح ان كلامي بقي بيتفهم غلط

علي العموم أنا حتي مشفتش الرد بتاع الأخ كوكو واوا لإنشغالي الشديد أمس

تم تعديل March 15, 2007 بواسطة Diab

[أبو محمد 4,280]

حصل خير

[DARWEEN 0]

نظرا كون الموضوع قد إستنفذ الغرض منه فأستأذن الأخوة جميعا في إغلاق الموضوع خشية أن يتطور أبعد لما هو مقصود منه ألا وهو غرض المزاح والمحبة بين أخوة أعزاء

تحياتي للجميع

[se_ Elsyed 1,726]

أرجو من الإخوة المهتمين بالشئون الرياضية أن يكون هذا الباب خاص بكل ما يهم نادي الزمالك من أخبار على مختلف الأصعدة

[se_ Elsyed 1,726]

اليوم وفي تمام الساعة السابعة والنصف بتوقيت القاهرة .. تتجه انظار وقلوب كل المصريين وعلى رأسهم الاخ القائد راعي الرياضة والرياضيين السيد / سين سين ... حفظه الله .. إلى إستاد القاهرة حيث اللقاء المرتقب بين فريقي الزمالك والهلال السوداني وذلك في إطار منافسات دور الـ 32

والجدير بالذكر .. أن الزمالك قد إتلبَ - جايه من لبَ يُلِبُ .. لباً - 2/0 في الخرطوم من مبارة الذهاب التي أقيمت منذ عدة أيام في مبارة عجيبه وغريبة فكرتني بأيام زمان لما الأهلي إتغلب 3/0 من الإسماعيلي وكان جميع اللاعبين شاربين بالقرش كله وولا بيصدوا ولا بيردوا .. يعني شبه غيبوبة كرويه .

وبالتالي فعلى لاعبي الزمالك أن يبذلوا قصارى جهدهم للفوز بأكثر من هدفين لكي ضمنوا الوصول إلى دور الـ 16 .. وإلا تبقى فضيحة بجلاجل .. وجًرسه بحناجل ... ولن تتوانى الجماهير الغفيرة التي اتوقع أن تملأ جنبات الإستاد بضربهم بكل ما لذ وطاب وبكل ما تطوله أيديهم ....

دعواتنا للزمالك بالتوفيق اليوم ... وللأهلي أمام هايلاندرز الزيمبابوي غداً ولفريقي الإسماعيلي وإنبي في منافسات كأس الإتحاد

ومدد مدد مدد مدد شدي حيك يا بلد

بالمناسبة

عمرو زكي هايلعب النهاردة وهو مكسور الأنف .. وبعتوا جابو له ماسك ( قناع زي بتاع جيم كاري ) من إنجلترا .. وجاي مع القناع أخصائي إنجليزي مخصوص يظبطه على مقاس وشه ....

بصراحة مش لاقي لها أي لازمه .. لإن اللعيب هايبقى مرعوب وتحت ضغط رهيب أحسن تجيله خبطه كده ولا كده تطير له مناخيره ... وساعتها لا هاينفعه مسك ولا غيره .. ولو طارت مناخيره يبق نركب له شكمان بقى زي بتاع العربيات كده أو زلومه بتاعت فيل مستعمل ...

اعتقد إن عبد الحليم علي ومصطفى جعفر وحازم إمام كانوا يفوا بالغرض وبالتالي نحافظ على لاعب هام زي عمرو زكي ... دي وجهة نظر شخصية .. خصوصاً ان لاعبي السودان اللهم صالي عالنبي . اقصر واحد فيهم طوله مترين وربع ..

[Modest 4]

أرجو من الإخوة المهتمين بالشئون الرياضية أن يكون هذا الباب خاص بكل ما يهم نادي الزمالك من أخبار على مختلف الأصعدة

طيب حيث كده مش عايزين اهلوية هنا في الموضوع :flr1: .. و المشرف على الموضوع يكون سكوب :flr1:

و ياللا علشان هانرش ميه