اذهب الي المحتوي
kokowawa1979

أخبار نادي الزمالك

Recommended Posts

اليوم وفي تمام الساعة السابعة والنصف بتوقيت القاهرة .. تتجه انظار وقلوب كل المصريين وعلى رأسهم الاخ القائد راعي الرياضة والرياضيين السيد / سين سين ... حفظه الله .. إلى إستاد القاهرة حيث اللقاء المرتقب بين فريقي الزمالك والهلال السوداني وذلك في إطار منافسات دور الـ 32

إلا صحيح المباراة غير مذاعة‏ يا فخامة الأخ القائد؟ :flr1:

هذا ما جاء في مانشيت الموضوع في جريدة الأهرام النهاردة:

الزمالك يبحث عن ثلاثة أهداف الليلة

في لقاء الهلال في ملحق التأهل لدور الـ‏16‏ الإفريقي

المباراة غير مذاعة‏..‏ ورئيس الهلال واثق من الإطاحة بـ الأبيض في القاهرة

و في التفاصيل:

والمباراة غير مذاعة تليفزيونيا بسبب عدم تسديد اتحاد الاذاعة والتليفزيون لمستحقات الزمالك المتأخرة عن المباريات السابقة وأغلب الظن أنها لن تحل خلال الساعات المقبلة بسبب عطلة البنوك‏.‏

انت راجل واصل و ممكن تجيب لنا الخبر الأكيد.

شارك هذه المشاركه


رابط المشاركه
شارك
طيب حيث كده مش عايزين اهلوية هنا في الموضوع .. و المشرف على الموضوع يكون سكوب

خليني أنا بعيد و النبي يا موديست .. انا خلاص اخدت قراري باني ما خشش في اي موضوع بيتكلم عن اهلي او زمالك ...

بيبتدي دايمآ هزار او جر شكل مدهون بهزار .. و بعدين بيقلب علي تريقة و نكد في الآخر ...

خليني بعيد أحسن .... مش عايز soccerballiy5.gif طايشة تلبس في وشي ..

:flr1:

شارك هذه المشاركه


رابط المشاركه
شارك

سي السيد كتب :

تقد إن عبد الحليم علي ومصطفى جعفر وحازم إمام

مين عمنا سي السيد عاوز يفتح توبيك مخصوص للزمالك وبعدين الأهلوية ييجوا يعايرونا ويقولوا إحنا أهو حنينا عليكم وفتحنا لكم توبيك بعد توبيك أخبار الأهلي ؟

عموما ياعم سزس طول عمرك شهم وده مش جديد عليك .

التلاته اللي قلت عليهم زي خيل الحكومة - لكن عمرو زكي حتى وهو متعور هو فرس الرهان برضه - لإن التلاتة دول خلاص بيلعبوا على الواقف - وسنكون صرحاء أكتر - عمرو ووحيد ويامن دول فريق الزمالك كله !!!

مع تحياتي

شارك هذه المشاركه


رابط المشاركه
شارك

بالنسبة لإذاعة المباراة .. فأعتقد دي حركة تموين من نادي الزمالك .. وديتها تليفون صغير من أحد المسئولين الكبار " ذيع الماتش يا ود يا ممدوح " فهايلبي النداء على طول .

بالنوسبة لتعيين مشرف زملكاوي حارساً للباب ... فلقد حاولنا جاهدين أن نجد أي زملكاوي على وجه الأرض فلم نجد .. لدرجة إننا بنفكر نلم من بعض ونستنسخ روح المرحوم " فاورق جعفر " أو أبو حباجه حتى ....

شارك هذه المشاركه


رابط المشاركه
شارك

مدد يا سيدي الطشطوشي مددددددد

لسه ما كملتش كلامي إلا والأقي الخبر ده على موقع زمالك تي في

فى اتصال هاتفى ببرنامج صباح الرياضة اليوم صرح الاستاذ ممدوح عباس رئيس نادى الزمالك بان مباراة الهلال السودانى مذاعة تليفزيونيا وفى نفس الوقت فانه يناشد جماهير الزمالك للحضور ومساندة الفريق لان هذه المباراة تمثل اختبار حقيقى لشعبية نادى الزمالك وجماهيريته وانه ليس جمهور غرفة من 4 جدران وشاشة تليفزيون .

عايزي الحلاوه - أو الجبنة - بقى يا حاج موديست خصوصاً وإني جايبلك النتيجة من كنترول أم درمان اللي قالوا لي " شوف يا زول ... الهلال هايدوحر شويه .. لكن بعزيمة المصريين الزمالك هايغلب تلاتة زيفر - صفر بس بالسوداني " هنا إذاعة ام درمان ... والان نترككم مع أغنية للمطرب الهادي أدم ( اطبطب ... ادلع .. وكده يعني )

شارك هذه المشاركه


رابط المشاركه
شارك
مدد يا سيدي الطشطوشي مددددددد

عايزي الحلاوه - أو الجبنة - بقى يا حاج موديست خصوصاً وإني جايبلك النتيجة من كنترول أم درمان اللي قالوا لي " شوف يا زول ... الهلال هايدوحر شويه .. لكن بعزيمة المصريين الزمالك هايغلب تلاتة زيفر - صفر بس بالسوداني " هنا إذاعة ام درمان ... والان نترككم مع أغنية للمطرب الهادي أدم ( اطبطب ... ادلع .. وكده يعني )

مدددددددددد :flr1:

أما لو النتيجة زي ما انت جبتها من الكنترول يا مولانا سين سين ، هاولع دستتين شمع و اجيب لك وجبة من عند البيك من أم عشرة ريال .. ياللا مش خسارة فيك :flr1:

شارك هذه المشاركه


رابط المشاركه
شارك
مدد يا سيدي الطشطوشي مددددددد

عايزي الحلاوه - أو الجبنة - بقى يا حاج موديست خصوصاً وإني جايبلك النتيجة من كنترول أم درمان اللي قالوا لي " شوف يا زول ... الهلال هايدوحر شويه .. لكن بعزيمة المصريين الزمالك هايغلب تلاتة زيفر - صفر بس بالسوداني " هنا إذاعة ام درمان ... والان نترككم مع أغنية للمطرب الهادي أدم ( اطبطب ... ادلع .. وكده يعني )

مدددددددددد :flr1:

أما لو النتيجة زي ما انت جبتها من الكنترول يا مولانا سين سين ، هاولع دستتين شمع و اجيب لك وجبة من عند البيك من أم عشرة ريال .. ياللا مش خسارة فيك :flr1:

طب تصدق بالله ..

والله العظيم ما هاسيبك يا موديست ولو الزمالك غلب النهاردة زي ما سيد الطشطوشي قالي ... لي عندك 4 وجبات بيك ( مانا مش هاكل لوحدي والعيال يقعدوا يبصولي بحسرة ) تبعتهم مع أول واحد جاي الرياض .. وإلا أنق عليكم تتغلبوا في أول مباراة قادمة .. وإنت عارف قلب الأم

حييييييييييييييييييييييييييي

شارك هذه المشاركه


رابط المشاركه
شارك

لأ بجد ياسي السيد لو الزمالك صعد ليك عندي 5 كيلو طماطم شيري ( مزروعة بالحليب والسكر ) وهابعت لك معاها كتالوج علشان يشرح لك بتتاكل إزاى :flr1:

شارك هذه المشاركه


رابط المشاركه
شارك

ليك عليا يا سين سين لو الخبر طلع صح و الفراش بتاع الكنترول ما آخدش حلاوته منك و إداك نتيجة ماتش بكره لأتوقف إسبوع عن جر شكل حبايبى الأهلويه اللى هنا و يمكن كمان أشوف إعادة أهداف الأهلى بكره .... شفت التضحيه ؟ :flr1:

شارك هذه المشاركه


رابط المشاركه
شارك

يا رب ... يا كريم ...

دعوة واحد زملكاوي ....

يا رب الزمالك يخسر و ماشوفش واحد زملكاوي يأكل سي السيد بيك بعشرة ريال و لا بندورة بالكريمة ...

هو ايه البيك ده ؟؟؟؟؟

عالعموم عندآ فيك عشاك النهارده يا سي السيد حيكون

oeufplat1.gif

شارك هذه المشاركه


رابط المشاركه
شارك
يا رب الزمالك يخسر و ماشوفش واحد زملكاوي يأكل سي السيد بيك بعشرة ريال و لا بندورة بالكريمة ...

هو الواد كرم ده السبب

انا كنت جايب النتيجة وجاي .. قام كعبلني في السكة وبدل النتيجة والزمالك اتعادل واتكل عالله

سكوب شكله كان متوضي وهو بيدعي

بس بجد .... اخص والف اخص على لاعبي الزمالك الغير محترمين

الهلال اخدهم غسيل ومكوه رايح جاي

بكره كوكا وهوبا يقولوا لك : اصل عمر البشير كان عامل عمل للعيبه الزملكاوية

ما حدث اليوم فضيحة بكل المقاييس

فالزمالك فريق لا ينقصة شيء سوى الروح

والكرة السودانية مع خالص احترامي كرة عشوائية لا تقارن بباقي كرة القارة السمراء والدليل على ذلك ان لو الهلال في نصف قوة انيمبا مثلاً كان شيل الزمالك 6 رايح و6 جاي

عيب عيب

وبجد انا زعلت جداً واللهم لا شماته

شارك هذه المشاركه


رابط المشاركه
شارك

سي السيد كتب :

سكوب شكله كان متوضي وهو بيدعي

بس بجد .... اخص والف اخص على لاعبي الزمالك الغير محترمين

الهلال اخدهم غسيل ومكوه رايح جاي

بكره كوكا وهوبا يقولوا لك : اصل عمر البشير كان عامل عمل للعيبه الزملكاوية

ما حدث اليوم فضيحة بكل المقاييس

فالزمالك فريق لا ينقصة شيء سوى الروح

من غير عمر البشير يا عم سي السيد

أنا توقعن ده من ساعة مافتحت توبيك الزمالك فضحنا في السودان - بالإضافة للقاهرة !!!

لعيبة عندها غباء كروي ماحصلش !!!

لعيبة خلصانه نهائيا عبد الحليم افندي - أبو العلا - تامر- وائل القباني - والكارثة الدفاعية اللي اسمها أحمد غانم سلطان - لعيب عنده 20 سنة وخلصان وماعندوش لياقة ولا أساسيات كورة !!!

معلهش يادكتور هوبا ده كان متوقع زي ماقلنا ونعيش ونشوف خيل الحكومة مضروب بالنار !!!!

هنري ميشيل عنده غباء دائم في عمليات التغيير !!!!

سكوربيون كتب :

يا رب الزمالك يخسر و ماشوفش واحد زملكاوي يأكل سي السيد بيك بعشرة ريال و لا بندورة بالكريمة

نشنت يافالح clwn:

الحمد لله نفدنا بالخمسة كيلو طماطم شيري :roseop:

تم تعديل بواسطة kokowawa1979

شارك هذه المشاركه


رابط المشاركه
شارك

مالكش نصيب يا سين سين تتعشى وجبة البيك أم عشرة ريال و تحلّي بالطماطم بتاعت كوكو واوا :roseop:

سيبك من الماتش ... اللي صعبان عليا إنك نمت من غير عشا :wub:

شارك هذه المشاركه


رابط المشاركه
شارك
عاجبك كدة يادكتور هوبا اللي حصل في السودان !!!

والله فضيحة ما بعدها فضيحة - كنا المفروض نتغلب 6 أو 7 على الأقل !!

استلم اللي جاي يادكتور هوبا :D

كوكو واوا حبيبى واحشنى و الله و ما نجيلكش فى حاجه وحشه ..... كوكو يا رفيق طريق الكفاح و النضال المسلح الزمالك لسه بدرى عليه على ما يأخد بطوله حوالى ثلث الفريق عاوز يروحَ بس المشكله إن معظم اللى لازم يمشوا الإداره الجميله اللى كل اللى بيكرهوا الزمالك بيشكروا فيها بتجدد لهم بالملايين و مش سنه لأ بالتلاته .

فيا زعيم أنا و إنت و غيرنا حنستلم اللى جاى و اللى بعد اللى جاى كمان مش كل ما نكسب مباراه نفتكر إننا رجعنا لمستوانا فبيكون الواقع المؤلم إننا مش بنلعب 3 مباريات أو حتى مباراتين بمستوى واحد و من هنا بتيجى الصدمه و لكن طول ما هم فاكرين إنهم بتجديدهم لحازم المعتزل من 3 سنين و تامر عبد الحميد مع إحترامى له و كمان شروة لعيبه من عينة تامر عبد الوهاب و أبو العلل و مفيش داعى أكمل أحسن فى الآخر مش حتلاقى حد عليه العين إلا اللعيبه اللى جابهم مرتضى منصور و دى حقيقه حتى لو حاول أى حد إنكارها فلولا هذا الرجل و صفقاته كان زمانك بتحسب فاضل لك كام ماتش فى الدورى و بتدعى ربنا إن طنطا و بترول أسيوط و الترسانه يتغلبوا عشان ما تنزلش .

كوكو واوا طول ما فيه حازم و تامر و حليم و أبو العلل و محمود و يوسف و غانم فى الفريق ..... إنسى

حد شايف حاجه ؟ حد سمع حاجه ؟ :roseop:

يا شباب الكلام ده أنا كتبته من إسبوعين بالضبط و حأكتبه لو ربنا إدانى عمر كمان 5 سنين طول ما الإداره ماشيه بالشكل ده ...

أخى العزيز القائد الملهم سين سين الزمالك مش زى ما إنت بتقول عاوز روح لأ الزمالك أساسا عاوز لعيبه الأول و بعدين نسأل عن الأرواح :wub:

شارك هذه المشاركه


رابط المشاركه
شارك

و الله يا ما لسه حنشوف فى نادى الزمالك فبعد خروجه أمس من دورى أبطال أفريقيا مش كده و بس لأ و بعرض ما يعلم بيه إلا ربنا .....

منذ قليل أصدرت المحكمه الإداريه حكمها لصالح سيادة مرتضى منصور ببطلان قرار المجلس الأعلى للرياضه بحل مجلس إدارته الأخير و ببطلان شطب عضويته من نادى الزمالك و الأهلى ...

و بكده و بكل فخر و إعتزاز و بصفتى زملكاوى قديم و بالنيابه عن الزملكاويه بشكل عام و عن كوكو واوا وزير الدفاع الزملكاوى أعلن :

ماده 1 : مرتضى منصور رئيسا لنادى الزمالك حسب حكم اليوم

ماده 2 : مرسى عطا الله رئيسا لنادى الزمالك حسب الحكم الصادر من المحكمه أمس ببطلان قرار بطلان حل مجلس مرتضى منصور الأول أيام البلتاجى

ماده 3 : ممدوح عباس رئيسا لنادى الزمالك لغاية ساعته و تاريخه حسب مزاج حسن صقر

حد فهم حاجه ؟

تماااااااااااااااااااااااااااام هو ده المطلوب

إبتسم أنت فى مصر اللى شعارها حاليا

محدش فاهم حاجه :roseop:

شارك هذه المشاركه


رابط المشاركه
شارك

يا دكتور إنت فهمت غلط

أمبارح كان حكم المحكمة الإدارية برفض الدعوى المقدمة من السيد مرتضى ببطلان قرار حسن صقر بحل وسط قصدي مجلس مرتضى وبالتالي القرار نافذ وذلك لعدة أخطاء إدارية متعمدة أرتكبها مرتضى نفسه ومنها مرور 6 شهور على مجلسه دون أن يُشكل مكتب تنفيذي اللي المفروض يرأسه نائب رئيسج مجلس إدارة النادي اللي هو إسماعيل سليم .. يعني بيفوت عليه الفُرصة وده نفس السبب اللي كان بيطلع يعيط بالدموع عشانه مرتضى بيه أيام ما كان نائب كمال درويش وكان نفسة يبقى رئيس أي حاجه إن شالله رئيس مراجيح مولد النبي

والبيه اللي بيطلع يقولك أنا باحترم احكام القضاء المصري كان مأجر شويه عواطلية وعملوا بوليكه إمبارح في المحكمة بعد صدور الحكم .

الغريب بقى إن مرسي عطالله النهاردة في الجرايد بيطالب بالكرسي

حاجة تقرف وكل واحد بيشتغل لحساب نفسه ولشهرته ولإسمه فقط وماحدش بيفكر في نادي الزمالك

شارك هذه المشاركه


رابط المشاركه
شارك

ما حدث بالأمس من مرتضى منصور ضد قضاة مجلس الدولة شيء يندى له الجبين وعيب جداً إن البلد ما يبقاش لها كبير بالمنظر ده

عيب عيب عيب

تحفظت أجهزة الأمن أمس علي مرتضي منصور رئيس مجلس إدارة نادي الزمالك المنحل‏,‏ داخل مستشفي العجوزة إثر محاولته اقتحام مكتب رئيس مجلس الدولة ظهر أمس‏,‏ وقد اتصل رئيس المجلس المستشار سيد نوفل بالسيد حبيب العادلي وزير الداخلية‏,‏ والنائب العام المستشار عبدالمجيد محمود‏,‏ إثر محاولة مرتضي اقتحام مكتبه‏,‏ مطالبا بسرعة نسخ الحكم الصادر أمس الأول بإلغاء قرار شطب عضويته بناديي الأهلي والزمالك‏.‏

وقد تم احتجاز مرتضي بمكتب أمين عام المجلس لمحاولة تهدئته‏,‏ إلا أنه هدد بالانتحار بإلقاء نفسه من شرفة الدور التاسع‏,‏ وتمت السيطرة عليه فأصيب بالانهيار‏,‏ وتم استدعاء قوات الأمن المركزي وقيادات وزارة الداخلية لتأمين خروج رئيس المجلس‏,‏ وأعضاء المحكمة الإدارية العليا ـ فحص الطعون ـ حيث حشد مرتضي أنصاره‏,‏ وتمكنوا من الاعتداء علي مدير أمن المجلس حسن أبوالدهب‏,‏ وأحدثوا به إصابات‏,‏ نقل علي إثرها إلي المستشفي‏,‏ وتولت نيابة الدقي التحقيق‏.‏

وتم استدعاء سيارتي إسعاف ونقل مرتضي بصحبة اللواء عبدالوهاب خليل مدير الإدارة العامة لمباحث الجيزة‏,‏ واللواء إبراهيم جلهوم نائب مدير أمن الجيزة‏,‏ متحفظا عليه إلي مستشفي العجوزة‏,‏ وذلك تحت إشراف اللواء عادل الهلالي مدير أمن الجيزة‏.‏

يذكر أن المحكمة الإدارية العليا برئاسة المستشار سيد نوفل‏,‏ كانت قد أصدرت قبل يومين حكما بتأييد قرار حل مجلس إدارة نادي الزمالك الأسبق برئاسة مرتضي منصور لارتكابه مخالفات استوجبت الحل‏

.‏

شارك هذه المشاركه


رابط المشاركه
شارك
ما حدث بالأمس من مرتضى منصور ضد قضاة مجلس الدولة شيء يندى له الجبين وعيب جداً إن البلد ما يبقاش لها كبير بالمنظر ده

عيب عيب عيب

هو لو الأمور إستمرت بالشكل المدبر اللى واضح جدا دلوقتى يبقى هو ده اللى عيب و يبقى مفيش كبير فعلا ... للأسف يا زعيم إنت واخد الخبر و الموضوع من وجهة نظر أحاديه اللى هى أهلويه حزبيه وطنيه اللى بيتبناها معظم أعداء الرجل لأنك أكيد تعرف كيف تدار الأمور بالنسبه للمشاغبين اللى بيخبطوا فى الحلل و لكن المتابع للأحداث لازم يتوقع إن سيتم تدبير كارثه لإسكاته و وقفه عن الكلام فى مواضيع ما ينفعش يتكلم فيه و يا ريت تقرأ الخبر الصغير ده يمكن يكون له دلاله عندك .... لو تخلصنا من تأثير الإعلام الحكومى و الإنتمائات و نظرنا لأى قضيه بشكل عام و مجرد و محايد حنطلع بنتايج جديده و يمكن تتغير وجهة نظرنا فى قضايا كتيره أخدنا فيها أراء حاده و نعتبرها غير قابله للمناقشه

موقع فى الجول اليوم ذكر الخبر البسيط التالى :

تقدم محامون بمكتب منصور ببلاغات ضد الدرندلي (المحامي العام لنيابات شمال الجيزة) والنائب العام عبد المجيد محمود بداعي أنهم يتربصان برئيس نادي الزمالك الأسبق بسبب انتمائهما للنادي الأهلي.

والنائب العام هو عضو مجلس إدارة سابق في الأهلي، وهشام الدرندلي هو شقيق خالد الدرندلي عضو مجلس إدارة الأهلي الحالي.

و لو فيه وقت صغير زياده كمان يا ريت نشوف الفيديو الصغير ده :

كلام كبير يا رب نستوعبه

تم تعديل بواسطة drhouba

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • مباراة الأهلي و الزمالك فريق الأهلي و الحكام موجودين في الملعب

      القرار العاجل الآن   إنسحاب نادي الزمالك     هذا الكلام من التليفزيون بواسطة المذيع أحمد موسى في حوار بين أحمد موسى  و الأستاذ مرتضى منصور  بالضبط حوار طرشان   .... لعيبة الزمالك راحوا   الرد لا تعليق    و كذا سؤال بنفس الطريقة و آخرها دي إرادة ربنا يبوا أن المسألة معقدة أكبر من إدراكي الشخصي تم عمل محضر شرطة أن أتوبيس نادي الزمالك موجود في ميدان رمسيس  و غير قادرين على التحرك و النقاش في التليفزيون  هذا ليس عذر   النادي الأهلي عرف يوصل الإستاد

      في الرياضة

    • أخبار النادي الاهلي

      قام الاتحاد الدولي باختيار الاهلي من ضمن افضل عشرة اندية في العالم ؟ ترى ما هي الاسباب التي دعت الفيفا الى ذلك ؟ هل الفيفا اهلاي ؟

      في الرياضة

    • أخبار متفرقة عن أهل الذمة

      وصلت تعزيزات امنية لعزبة "ماركو" ببنى سويف لاحتواء بوادر فتنة طائفية بين مجموعة من الملتحيين واقباط , وذلك بعد ان وقعت مشاجرة صباح اليوم الاحد بين عدد من المسلمين و الأقباط بعزبة (ماركو) الشهيرة بالـ400والتابعة لقرية طلا بمركز الفشن جنوب بنى سويف، وفور علم مأمور قسم شرطة الفشن العميد محمد رستم بالواقعة، سارع بإبلاغ العميد زكريا أبو زينة مدير البحث الجنائى، الذى توجه إلى القرية ومعه رئيس مباحث الفشن الرائد مصطفى أبو عقرب، على رأس تشكيلات من قوات الأمن المركزى، فى محاولة لاحتواء الموقف والفصل ب

      في موضوعات جادة

    • أخبار ع السريع

      تقرير الانفاق العسكري العالمي لعام 2014 تتصدره السعودية ( الإيكونوميست )

      في الإعلام المصرى

    • مرتضى خايف يسيب الزمالك يبقى زى العراق

      الجدع ده محتاج أبحاث نفسية وعصبية وعقلية "مرتضى" أصبح "صفة" مش إسم .. حوالينا ولا علينا يا رب قلبى معاك يا سكوب .. قلبى معاك يا أستاذ طارق .. قلبى مع كل زمالكاوى

      في الرياضة

×
×
  • اضف...