شويه نكت لسه طالعه من الفرن ولو فى حاجه قديمه قولولى

[ahmed_tito91]

بسم الله الرحمن الرحيم

مره اثنين مساطيل قاعدين امام المرايه فواحد منهم قال للتانى متيجى نقعد مع الاتنين دول قال له ماشى جم يقوموا قال له اقعد اقعد هما جايين

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

مرة واحد غبي راح حديقة الحيوان فضل واقف امام قفص النسر عدت ساعة والثانية و الثالثة الحديقة هتقفل رحله الحارس وقلة انت و اقف ليه كدة من الصبح ,, الغبي قاله ادفع نص عمرى و اعرف بيختمو بيه الورق ازاى

مره كان فى فار قاعد فى خمارة وبيسكر وهو بيشرب اول شفطه ويبص على الحيوانات ولما يجى عند الاسد يبص له من فوق لتحت ويقول حد هيطلع عينه انهارده وفضل كده لمدة يومين ففى ثالث يوم الاسد قال الواد ده بيبوص لى كدا ليه فقام شده من ديله فقال الفار انا مش قلت حد هيطلع عينه انهارده

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب وجاب شاكوش وكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله انتوا واديتوه الجزر فين قالوه :عملناه عثير وثربناه

واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو

خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار

آخر أعراض انفلوانزا الطيور: - الخوف من النبلة - هز الرقبة بطريقة غير عادية - الشعور بالرغبة فى الطيران - ظهور الريش تحت الإبط - الشعور بالخجل من الديوك

واحد فشار قوى قال لصاحبه مره كنت ماشى فى الصحرا طلع عليا اسد نطيب فى البحر قاله بحر ايه فى الصحرا قاله لا مره كنت ماشى فى الصحرا طلع عليا اسد استخبيت ورا ابو الهول قاله ايه اللى حيجيب ابو الهول للصحرا قاله مره كنت ماشى فى الصحر طلع عليا اسد واكلنى ارتحت

احمد تيتو

تم تعديل 14 مارس 2007 بواسطة ahmed_tito91

[Diab]

شويه نكت لسه طالعه من الفرن ولو فى حاجه قديه قولولى

كله قديم

[ahmed_tito91]

شكرا على الرد :happy: :sad: :sad: :sad:

[Diab]

زعلت ليه بقي مش أنت اللي قايل

طيب أنا هأقولك علي حاجة

فاكر لما حسن يوسف كل مايجي يقول علي نكتة تطلع قديمة ( فيلم فتاة الإستعراض ) وكل أعضاء الفرقة عارفين كل النكت

أهو أحنا بقي أعضاء الفرقة

:happy:

طب ما تزعلش

كله جديد

يا رتيبة هاتيلي دوا الضغط من الدرج عندك

[نانو]

تسلم يا احمد والله حلوين اوي

[ahmed_tito91]

انا زعلت لسببين

الاول: لانى تعبت فى كتابتهم

الثانى ملقيتش رد ولو بكلمه شكرا مش (كله قديم smk: smk: md2: )

على العموم انا مش زعلان لانى عارف ان فى حاجات قديمه بس والله فى حاجات جديده

وشكرا يا دياب ويا نانو على التعقيب

احمد تيتو

تم تعديل 15 مارس 2007 بواسطة ahmed_tito91

[Diab]

ههههههههههههه

ده انت زعلت بقي

أنا كنت بانغشك

لا والله في جديدة وفي فيهم واحدة عجبتني قوي

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

متخيل الكلب وهو بيرقع زغرودة

هههههه

[desert_eagle70]

تسلم على النكت الحلوة دى الواحد أخر نكت سمعها من سنتين .. كويس ان أنتوا بتزودونا بالجديد

[امانى]

بسم الله الرحمن الرحيم

حلوة نكتك يا احمد بس انا عندى واحدة جديدة ليك

واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير

[Ahmad Farahat]

شغل جميل يا تيتو..............

وآسف اني ما اخدتش بالي منه............

بس انا كنت مشغول شوية على الكرسي...............

[medo2515]

:هههههههههههههههه

[medo2515]

*************

برجاء تخير لغه الحوار

الاداره

[ahmed_tito91]

شغل جميل يا تيتو..............

وآسف اني ما اخدتش بالي منه............

بس انا كنت مشغول شوية على الكرسي...............

ربنا يعينك على الكرسى دانت اتهريت اسأله

[مصرية يعني مصرية]

تسلم إيدك يا أحمد

نكت جميلة

و دمك عسل

[ahmed_tito91]

تسلم إيدك يا أحمد

نكت جميلة

و دمك عسل

شكرا يامصريه على زوقك واتمنى نكون اصدقاء

احمد تيتو

[اسامة الامام]

XXXXXXXXXXXXXXXXXX

تم حذف المداخله بمعرفتي

الإداره

داروين

[mohamed_mido87]

السلام عليكم

هههههههههههههههههههههههههههههههههه

تسلم ايدك يا ابن اسكندريه

وعايزييين حاجات زى دى كتير يا احمد باشا

محمد ميدو

[shahd]

:sad: :unsure: أضحك الله سنك

[kokomen]

بسم الله الرحمن الرحيم

حلوة نكتك يا احمد بس انا عندى واحدة جديدة ليك

واحد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير

أحلى نكت يا أحمد هي دي الحلاوة الاسكندرانية ولا بلاش ... معلش الجماعة بيغلسوا عليك شوية

عايزين نكت حلوة كثير زي دي ؟؟؟؟ :lol: :lol: :lol:

الأخت أماني

أيه النكتة الجميلة دي .. أحنا كسبنا موهبة جديده .. عايزين نسمع نكتك الحلوة .. حتى نخرج من الهم والغم شوية

شكرا لكي .... أبو أحمد الاسكندراني

:sad: :unsure: :unsure:

[الفاروق]

قال رسول الله صلى الله عليه و سلم : ويل له ويل له و يل له قالوا من يا رسول الله قال من يكذب ليضحك الناس قالوا إنك لتمازحنا قال بلى و لكني لا أقول إلا حقا انتهى كلام الحبي المصطفي و عليه النكت تندرج تحت هذا القول ماشي يابو احمد

جهبذ الكيمياء أبي الفداء فاروق بن كثير الطهطاوي مفتى الديار