حمد الله على السلامة .. مع السلامه (نانسى)

[Alshiekh]

برافـــــــــــــــــــــــــــــــو

لكن أنتى خوفتينى كده

ربنا يستر

[Alex Lover]

نانسي

انا كمان من اسكندرية ، ونازله اجازتي في شهر 7 باذن الله ، وبرغم اني كل مرة اروح اتعب من الزحمة والحال ولكن والله يا نانسي اني بقالي 4 سنين بالغربة عمري ما حسيت بالامان ،،، مش بلدي يا ناس ماشيه فيها غريبة مهما رفعت راسي ولكن برضه غريبة

في اسكندرية اقوم الصبح عشر دقايق اكون عند اختي افطر معاها واخدها وننزل محطة الرمل نلف المحلات نعدي على خالتنا العزيزة في سموحة ننزل مع ولاد خالتنا لزهران مول ونشتري من مؤمن سندوتشات ،، نحس بالامان وبلمه الأهل مهما كان الزحام والدخان ولو ان اسكندرية بالذات لسه ترابها زعفران وسماها زرقاء ومفهاش دخان

بالعكس يا نانسي انا بابقى مبسوطه لما الاقي التجديد وتوسيع الكورنيش ماهو لو مكش ده اتعمل كنا هنرجع نقول ... البد زي ما هي الدنيا بتتغير وهي زي ما هي ...

انتي بس زعلانه لانك مش لاقيه زكرياتك ،، امال هتبقى اسمها ذكريات لو رحتي لقيتيها زي ماهي

عارفه يا نانسي الناس اللي بيقابلوكي وعايزين منك فلوس ... اعتبري ان دول اخواتك الصغيرين اللي عايشين في البلد مستنين يوم ما تيجي تجيبلهم هدايا معاكي ... لو 5 جنيه والله هتفرق مع شيال او سواق ويمكن يدعيلك خديها من المنظور ده تعبانه لو مكنش محتاج مكنش استناكي بس هو العشم يا نانسي كانك الاب او الام او الاخت الكبيرة اللي جاية من بلاد العجايب ...

نورتينا بموضوعك وصحيتي فيا ذكريات جميلة ... بالمناسبة ايه رأيك في كوبري استانلي بزمتك مش مظهر جميل ولا لما تقعدي عند مينوش تاكلي بيتزا السي فود وشايفه البحر قدامك يااااااااااااااااااااااااااااه رجعتيني لايام جميلة

[محمود الشاعر]

نانسي الصديقة ام قلب كبير

اولا اسف على التاخير لأني كنت مسافر بره القاهرة رحلة الى شرم و الغردقة رحلة عمل مش فسحة ومشفتش حاجة خالص علشان محدش يقولي يبختك

ثانيا والمهم

كعادتك دائما ترسمين الكلمات بريشة بريئة خالية من شوائب الالوان الكاذبة

الذكريات هل تحيا بداخلنا ام نحن الذين نحيا بداخلها ولماذا دائما نظل نبحث عن شيئ ما هناك شيئ حميم اكثر تلامسا مع ارواحنا وذواتنا هل الحاضر لا يمدنا بهذه الحميمية لا أدري

عند رجوعي من السفر ودخولي بيت والدي وجدته قد تغير لقد حدث تطوير نعم صار اكثر بهجة نعم ولكن لا ينتمي لي لذكرياتي اين سريري وغرفتي اين كرسي امي رحمة الله عليها اين واين كل شيئ جديد جميل براق لكن يفتقد الى ما يربطني به ليس مني ولست منه

كلنا نبحث عن انفسنا بعدما مرت اعوام واعوام قد نفاجئ عند الوقوف امام المراة ان هناك شخص اخر لا نعرفه يتلصص علينا شخص اخر لم يشهد طفولتنا او جنوننا او شقاوتنا شخص اخر اكثر صرامة شخص اخر لا نعرفه تماما

اشكرك على هذه اللحظة الصادقة

رائعة يا نانسي ولي عودة مرة اخرى حين اقرائها مرة ثانية

واسف على التاخير

[nancy]

Tafshan

طفشان انا سعيده انك قراءة الى كتابتة وانا معاك ان حضن الحاجه احسن من 100 نانسى عجرم

وان الخروب جنب كلية الطب لا يعوض لان دة من الذكريات الى لسة باقية

Mohammad

اشكرك على تشجيعك ومتخفش مصر حلوة رغم كل شىء

Alex Lover

مش انتى بس الى بتجرى على مصر وتسعدى بالجلسات العائلية انا اول ما نزل مصر تانى يوم لازم انزل المنشية ومحطة الرمل لان كل الشوارع بتكون وحشانى

وبعدين كوبرى استانلى حلو بس ذكرياتى عن الكورنيش فى استنلى احلى

محمود الشاعر

حمدلله على السلامة ويارب تكون انبسط حتى لو مسافر شغل لازم تكون شفت البحر برضوا

وبعدين هو انت متجيش الا كل فين وفين احنا عوزينك معانا فى المحاورات

وانا زيك بحن للذكريات الجميلة واى جديد حتى لو حلو بحس انه مش بيفرق معايا لانى معشتوش كويس

احنا من حزب الذكريات الجميلة فقط

وفى انتظار عودك

[مصرية يعني مصرية]

حلوة أوي نانسي

بس تعرفي إيه إلي خلاها توصل للقلوب كده ؟

طلوعها من قلبك و إحساسك العالي

وحشتني كتاباتك الجميلة دي يا نانوسة

:) :rolleyes:

[نهله الجيوشى]

حلوه قوى يانانسى

فعلا إنت كتبتيها ببساطه

وصدق 000

[nancy]

سهام

انا سعيدة ان كلامى وصل لقلبك ولانه فعلا كان من قلبى

نهلة الجيوشى

اشكرك يا نهلة واتمنى انك تتفاعلى مع منتدانى الى حتلاقى فية ناس مستحيل يتجمعوا بالعدد دة فى اى مكان تانى

[khedr]

.........................

........................

اه ياوطني من حبك

اه ياوطني من حبك

..............................

.............................

اه ياوطني من غلبك

اه ياوطني من تعبك

اه ياوطني منك

..............................

..............................

بتقطعني وانا بعيد عنك

وبتفرمني وانا بحبك

بتعذبني في بعدك

وبتمرني في قربك

لكن برضه انت وطني

..............................

.............................

انت ابويا

انت امي

انت اصحابي

انت عيالي

انت جيراني

انت فرحي

وبرضه انت احزاني

اه بحبك بحبك يا وطني

..........................

..........................

سيدتي الكريمه نانسي

حمد اله علي السلامه

في وطنك وبين اهلك وناسك

[kokomen]

الأخت نانسي

ليه قلبتي علينا المواجع .. وحركتى فينا الشجن والحنين .... للأسكندرية مدينتنا الحبيبة

عشرين سنة غربة ولم نتخلف عن زيارة أهلنا وأحببنا مرة كل سنة أو مرتين في السنة ؟؟

مهما أختلفت المباني والطرقات .. فالحنين يزداد يوما بعد يوم .. ورائحة البحر واليود المنعشة

تنعش ذاكرتنا ورزاز البحر ونسيم البحر ينعش القلوب ويلهب مشاعر الحب الفياضة .. وحتى رائحة

ترعة المحمودية نشتاق اليها بعد اعادة تجميل الكورنيش على ترعة المحمودية عند سموحة ومحرم بك

والمناطق الشعبية الأصيلة التى تحمل أصالة الشعب السكندري العريق الذى احتضن جميع الحضارات

حتى لغة الأسكندرانية الجميلة .. أيوه .. بنحبوا ..على القمة بنستنوا .. وحشتنا اللغة الجميلة.. وحشتينا يا أسكندرية

دايما ماريا وترابك زعفران ..... اشتقنالك

أبو أحمد الأسكندراني

:closedeyes: :blush2: