nora بتاريخ: 20 ديسمبر 2006 تقديم بلاغ مشاركة بتاريخ: 20 ديسمبر 2006 الموساكا هي اكله تركيه وبالمصري مسقعه هتعجبكم اوي انا مبعملش غير الطريقه دي وكل الي داقها مني معدش ليه صوابع :huh: المكونات : للعصاج: نص كيلولحمه مفروم 3 بصلات مفرومه بهارات وفلفل وملح و حبهان ولورا شويه وزيت ماء .......... كيلو بتنجان مقطع حلقات ................ للصلصه: بصله مفرومه معلقت ثوم مفرومه بهارات وفلفل وملح معلقه طعام صلصه طمطمتين مفرومه .............. للبشاميل: بيضه 2 معلقه سمنه 8 معالق دقيق واحد مكعب ماجي بهارات وفلفل وملح كوب حليب ................. بقسماط بودرة الطريقه : 1- عصاج اللحمه : نحط اللحمه المفرومه وعليها كل المكونات المذكورة بصل والبهرات والحبهان واللورا وزيت وميه يدوب تغمرها ونحطها على النار لحد متستوي ولو مستوتش نزود الميه وبعدين نقلبها لحد متتحمر ونطفي النار ونحطو على جنب 2- البتنجان نحمر البتنجان في شويه زيت يعني مش في حلت زيت علشان الموسكا متبقاش تقيله وحميه يعني نحط اربع معالق زيت ونحمر فيها و نشيل الي اتحمر ونحط شويه زيت تنين وهاكذا والبتنجان الي اتحمر نحطو على ورق زبده او كلينكس علشان يمتص الزيت منها ونحطو على جنب 3- الباشمل : نحط السمنه وعليها الدقيق ونبدا نشوهو شويه ونبدا نصب الحليب عليها بس شويه شويه مع التقليب علشان متكلكعش مننا ونزود بميه بعد كده لحد ما يبقى الخليط متجانس زي سمك الزبادي واخف شويه وكل ده على نار هديه خالص وخلي بالكم ان كل مسخن الخليط بتلقيه بيمسك فخلو بالكم من النقطه دي اول ما نوصل للسمك المطلوب نطفي النار ونضيف البيضه ونقلب بسرعه و بعدها نضيف الماجي والبهارات والملح ونحطو على جنب 4- الصلصه ناخد البصله نحمرها وبعد كده نحط الصلصه والطماطم المفرومه والبهارات ونص كبايه ميه وسط ونسبها تتسبك شويه ونطفي ونحطو على جنب 5- واخيرا نجيب صنيه ونبدا نرص طبقه بتنجان وبعدها نحط طبقه لحمه مفرومه بعدها نغطي بالبتنجان تاني ، نحط الصلصه على الوش ونوزعها بالتساوي بس بس مش تغرقها تبقى يدوب وصله نص الصنيه وبعدها نحط البشامل على الوش ونوزعو بالتساوي على الصنيه بعد كده نحط بودرة البقصومات على الوش ونروح نحطها في الفرن لحد ما الوش يتحمر وبالهنا والشفا .... ياريت يكون جمبها سلطة زبادي ورز طبعا رابط هذا التعليق شارك المزيد من خيارات المشاركة
nash بتاريخ: 20 ديسمبر 2006 تقديم بلاغ مشاركة بتاريخ: 20 ديسمبر 2006 يارب يارب يخليكي يانورا تسلمي ياعيوني ويعطيكي الصحه والعافيه ويخليلك داركر ينور عليكي وآي بيبول كمان بنت حلال صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
The Professor بتاريخ: 20 ديسمبر 2006 تقديم بلاغ مشاركة بتاريخ: 20 ديسمبر 2006 الأخت الفاضلة تحياتي انا أولا وقبل كل شيء ماليش في الطبيخ بس انا عندي تعليق بسيط من واقع معلوماتي البسيطة. لأن العنوان شدني شوية. الموساكا بيتهيألي اكله يونانية الأصل. وطبعا انتي عارفة ارتباطنا كان كبير بالخواجات اليونان بالذات في بداية القرن الماضي واكيد اتأثرنا ببعض عاداتهم الغذائية واطباقهم. منها الموساكا اللي خدناها منهم ( بس شيلنا منها المكونات المكلفة - بالذات اللحمة وحاجات تانية ) وعملنا منها اكله شعبية تحمل نفس الإسم بس حرفناه إلى ( مسقعه ). شكرا على الأكله الجميلة دي وسفرة دايمة. رابط هذا التعليق شارك المزيد من خيارات المشاركة
nora بتاريخ: 20 ديسمبر 2006 كاتب الموضوع تقديم بلاغ مشاركة بتاريخ: 20 ديسمبر 2006 الأخت الفاضلة تحياتي انا أولا وقبل كل شيء ماليش في الطبيخ بس انا عندي تعليق بسيط من واقع معلوماتي البسيطة. لأن العنوان شدني شوية. الموساكا بيتهيألي اكله يونانية الأصل. وطبعا انتي عارفة ارتباطنا كان كبير بالخواجات اليونان بالذات في بداية القرن الماضي واكيد اتأثرنا ببعض عاداتهم الغذائية واطباقهم. منها الموساكا اللي خدناها منهم ( بس شيلنا منها المكونات المكلفة - بالذات اللحمة وحاجات تانية ) وعملنا منها اكله شعبية تحمل نفس الإسم بس حرفناه إلى ( مسقعه ). شكرا على الأكله الجميلة دي وسفرة دايمة. شكرا للمعلومه دي بس انا اسمع انها تركي وشفتها كذا مرة في التلفزيون وقالو انها تركي وانا قلت انها بالمصري مسقعه :huh: فمشيها تركي:lol: جربيها يانونوش علشان تبطلي تزعجيني وتقولي ازاي ازاي اوصفلك يا حبيبي ...........اوبس انا بعك:lol: رابط هذا التعليق شارك المزيد من خيارات المشاركة
The Professor بتاريخ: 20 ديسمبر 2006 تقديم بلاغ مشاركة بتاريخ: 20 ديسمبر 2006 معلهش اصل انا حريص على دقة المعلومة علشان كده جبتهالك من المصدر ( موسوعة طبيخ ) وزي ماحضرتك شايفة الكتابة الحمراء الموساكا طبق يوناني يتكون من الباذنجان ...... وآسف جدا لاقتحام المطبخ لكن بس كنت بتأكد من قوة الذاكرة. وسفرة دايمة Moussaka Open Recipe Traditional recipe adapted by alex Description: moussaka is a Greek dish of aubergines and zucchini baked in the oven. This version of the recipe was adapted to improve the nutritional balance of the dish. The amount of meat was reduced and we will steam the aubergines and the zucchini instead of frying them in a pan as traditionally done in Greece. The result is a lighter and yet very tasty version of moussaka. Season : spring & summertime when vegetables are tasty and not too costly. Ingredients for 12 people ∗ 3 peppers (green, red, yellow) ∗ 3 mid-sized onions ∗ 3 aubergines ∗ 3 zucchini ∗ 3 potatoes ∗ 1 teaspoonful of cinnamon ∗ 500 g of minced meat ∗ 3 cloves of garlic ∗ 6 red tomatoes ∗ 1 kg of tomato purée ∗ 1 teaspoonful of brown sugar ∗ 90 g of salted butter ∗ 110 g of flour ∗ 90 cl of semi-skimmed milk ∗ 400 g of grated Gruyère cheese Main ingredients A رابط هذا التعليق شارك المزيد من خيارات المشاركة
nash بتاريخ: 20 ديسمبر 2006 تقديم بلاغ مشاركة بتاريخ: 20 ديسمبر 2006 خلاص يا جماعه... أنتم الأثنين معزومين عندي... كل واحد يجيب حاجه...اللي عليه الباذنجان..واللي عليه اللحمه أنا هاركب الأكل بس.....وأحطه علي بعضه..وإن شاءالله نورة ...تكون محضرة الباشميل.... ها ..نقول بسم الله الرحمن الرحيم... صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
lonly in cold night بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 ممكن اعزم نفسي معاكم من واقع اني خبير في كافة انواع المسقعة بدءا من العادية بتاعة الغلابه مرورا بالمولعة بقون فلفل حمرا و ملهلبة و لى ان نصل الى المسقعة باللحمة المفرومة و الباشاميل و الله فكرتونى اطلب من المدام تعملهالنا بكره لا ترضى صفــعاً و لو من كـــفِ والدةٌ ........................................... مـا قضى ربُـكَ ان يُــســتعّبد الولـدُ لو استـــمر على حمل الاذى اسدٌ ........................................... تنسى الكلاب و ينسى انه الاسدُ --------------------------------------------------------------- يا بلـدنا و انتى الحــبيبه فيكى حــاجه محيراني نزرع القمح فى سنين تطرح الكوسه في ثواني رابط هذا التعليق شارك المزيد من خيارات المشاركة
nash بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 يا أهلا وسهلا....أستاذ عبده خلاص سيادتك عليك المكسرات... ماهو لازم ماتدخلش وأيدك فاضيه برضه.... صحتبن وعافيه يارب صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
nora بتاريخ: 21 ديسمبر 2006 كاتب الموضوع تقديم بلاغ مشاركة بتاريخ: 21 ديسمبر 2006 عقلي الباطن ( يادي الكسوف عماله تقوحي مع الراجل وشغل ارهاب وتهديد وطلع هو الي صح يلا لمي الدور احسن الناس اتلمت وهيدبسوكي في غدوه) ايوة يا عم يا بروفيسور ياكبير قال ملكش في المطبخ ده تواضع منك ياراجل احنا الا ملناش في الجواز اساسا وبطلي يا ناش تدبيس الخلق وشيلي انت الليله وخلوها بيتزا انا مش حمل الموساكا شغلها كتير دا انا بعملها مرة كل 25 سنه اما لونلي ياراجل انت فين من الصبح تعالا في ناس جعانه هنا خدهم معاك تكسب ثواب في الايام المفترجه دي:blink: رابط هذا التعليق شارك المزيد من خيارات المشاركة
lonly in cold night بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 والله بعد ما قفلت المنتدى و قفلت الكمبيوتر طقت في دماغى انى اعمل مفاجأة للولاد لما يرجعوا من المدرسة و للمدام لما ترجع من الشغل و اعمل لهم صينية موساكا رجعت فتحت الموضوع علشان اشوف الطريقة :unsure: بس ابقوا اسالوا علينا في الاسعاف ربنا يستر :D ناش مين عبده ده ؟ :blink: لا ترضى صفــعاً و لو من كـــفِ والدةٌ ........................................... مـا قضى ربُـكَ ان يُــســتعّبد الولـدُ لو استـــمر على حمل الاذى اسدٌ ........................................... تنسى الكلاب و ينسى انه الاسدُ --------------------------------------------------------------- يا بلـدنا و انتى الحــبيبه فيكى حــاجه محيراني نزرع القمح فى سنين تطرح الكوسه في ثواني رابط هذا التعليق شارك المزيد من خيارات المشاركة
nash بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 عديها يا لونلي... :unsure: :blink: والله غلطانه...حقك عليه.. حاولت أعدلها مانفعش صحتين وعافيه صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
inas بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 قفشتك يا ناش موسكا وباشاميل ومشياني على الرايب افضحك دلوقتي ادام الناس طيب يا جماعه هي العزومه امتى؟؟ :unsure: * لسانك لا تذكر به عورة امرىء فكلك عورات وللناس أعين * إذا الشعب يوما أراد الحياة فلا بد أن يستجيب القدر رابط هذا التعليق شارك المزيد من خيارات المشاركة
nash بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 ايه يا أيناس؟؟ يابنتي بس أعرفي الأول ..قبل ماتقعي بلسانك....وتحكي علي كل حاجه :blink: نورا كانت عايزة طريقه الموساكا..وأنا كتبتهلها....فيها حاجه دي؟؟؟ :unsure: وبعدين أحنا علي العهد ماشيين..مش شايفاني..ملخبطه الدنيا ..وبغلط في الأسامي قدامك أهو.... يا ظالماني :D صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
inas بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 :D :excl: :blink: انا وحده بتتلكك :unsure: * لسانك لا تذكر به عورة امرىء فكلك عورات وللناس أعين * إذا الشعب يوما أراد الحياة فلا بد أن يستجيب القدر رابط هذا التعليق شارك المزيد من خيارات المشاركة
nash بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 طيب......إما وريتك :unsure: :blink: صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
nora بتاريخ: 21 ديسمبر 2006 كاتب الموضوع تقديم بلاغ مشاركة بتاريخ: 21 ديسمبر 2006 والله اغيب شويه ارجع الاقيكم بتلعبو هنا كلكم بصي يا ايناس ناش كانت اعده في الركن الي هناك عماله تاكل كنافه بالقشته والمكسرات الي جبهالها لونلي وانا كنت بكتب الوصف ولونلي عمال واقف في المطبخ يطبق الي بكتبه بس انا قلت اقولك الحق حاكم ناش دي مفتريه دانا لما قلتلها موساكا راحت ايه موس مسكاه ده انت نويه تموتي حد عقلي الباطن (انت فين يا لونلي غيابك طول ربنا يسترها عليكم والله كان راجل طيب ) رابط هذا التعليق شارك المزيد من خيارات المشاركة
nash بتاريخ: 21 ديسمبر 2006 تقديم بلاغ مشاركة بتاريخ: 21 ديسمبر 2006 اخر حاجه قالها ...لونلي...انه هايعملها مفاجأة للمدام والأولاد تفتكروا حصل أيه؟؟؟؟ :unsure: إن شاءالله تكون حاجه بسيطه..شويه شاش وميكروكروم بس B) ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, نورا.............حسابك بعدين :lol: :) ماتصدقيهاش يا أيناس أنا ننوش صاحبتك ومش ممكن أبيعك عشان شويه بتنجان برضه صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
lonly in cold night بتاريخ: 22 ديسمبر 2006 تقديم بلاغ مشاركة بتاريخ: 22 ديسمبر 2006 الحمد لله العملية تمت على خير و بافكر اني اعمل موضوع و اسميه مذكرات ابن عطوطه ... في عمل صينية الموساكا بالقوطه نشكر كل من اهتم بالسؤال عن صحتنا الغالية و نعتذر للتأخر في الرد حيث لا يوجد انترنت في المستشفى -_- لا ترضى صفــعاً و لو من كـــفِ والدةٌ ........................................... مـا قضى ربُـكَ ان يُــســتعّبد الولـدُ لو استـــمر على حمل الاذى اسدٌ ........................................... تنسى الكلاب و ينسى انه الاسدُ --------------------------------------------------------------- يا بلـدنا و انتى الحــبيبه فيكى حــاجه محيراني نزرع القمح فى سنين تطرح الكوسه في ثواني رابط هذا التعليق شارك المزيد من خيارات المشاركة
nash بتاريخ: 22 ديسمبر 2006 تقديم بلاغ مشاركة بتاريخ: 22 ديسمبر 2006 الحمد لله العملية تمت على خير ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, اللهم لك الحمد والشكر -_- ,,,,,,,,,,,,,,,,,,,,,,, و نعتذر للتأخر في الرد ولا يهمك المهم جت سليمه برضه صحه المدام والأولاد برضه تهمنا :o :ph34r: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, الحمدلله يا نورا..... :P :P لونلي رجع بالسلامه وهايكتبلنا مذكراته صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
بنت الشاطئ1 بتاريخ: 28 فبراير 2007 تقديم بلاغ مشاركة بتاريخ: 28 فبراير 2007 تسلم اديكى يا نورا انا بموت فى الاكله ديه بس زوجى كل ما اعملها يقولى ازاى اكل بشاميل مع رز اتعقدت وبطلت اعملها هى ممكت تتاكل بالخبز واللا ممكن بالمعلقة ومن غير رز وهى قوامها من الداخل بيكون متماسك ؟ صديقتى قالت لى ممكن تستبدلى الباذنجان بالسبانخ كتغيير يعنى لكن ايه رأيكوا هتطلع حلوه وحد جربها رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان