النسر المصري بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 (معدل) كلنا فاكرين موضوع جريمة القتل الشهيرة بتاعت الفنانة ذكرى مش هتصدقوا لما تعرفو الخبر ده فجر يوم الجمعة 30 نوفمبر من عام 2003 جرى نهر من الدماء فى الشقة رقم112 بسراى السلطان بشارع محمد مظهر بحى الزمالك وانطلقت 69 رصاصة خلال ربع ساعة من مدفع رشاش أمسك به رجل الأعمال "أيمن السويدى" و صوبه تجاه زوجته المطربة التونسية "ذكرى" و مدير أعماله "عمرو الخولى" و زوجة مدير أعماله "خديجة" .. و بعد المذبحة البشعة أمسك رجل الأعمال بمسدسه و صوب الفوهة إلى فمه و أطلق على نفسه رصاصة و إنتحر. اليوم وبعد مرور عشرين شهر من وقوع المذبحة الدامية عادت الجريمة لتطفو على سطح الأحداث من جديد.. و كانت هذه المرة من خلال بلاغ تقدم به "محمد" شقيق "أيمن السويدى" إلى نيابة قصر النيل طلب فيه الإذن بفتح الشقة مسرح الجريمة بعد إغلاقها بالشمع الأحمر بعد أن أخبره رجال الحراسة بسراى السلطان بأن هناك أصوات غريبة تنبعث من الشقة .. كما أنهم لاحظوا شباك غرفة النوم إنفتح فجأة ! بالإضافة لمشاهدتهم أحجار صغيرة تتطاير من الشقة كل ليلة! و كيل النائب العام سمح بفتح مسرح الجريمة .. و توجهت قوة من رجال مباحث قصر النيل إلى الشقة .. و هناك تلقوا أكثر من طلب من حراس العقار و عدد من الجيران بضرورة تشغيل الراديو على إذاعة القرآن الكريم لأن الشقة أصبحت مسكونة! تعالوا نتعرف على حقيقة ما يجرى كل ليلة داخل شقة شهدت مصرع أربعة أشخاص و ظلت مغلقة و مهجورة لأكثر من عام. ضابط مباحث بقسم شرطة قصر النيل قال: دخلت شقة "ذكرى" و "أيمن السويدى" أكثر من مرة عقب وقوع الجريمة.. و تجولت فى كل أرجاء المكان وقتها بلا خوف رغم مشاهدتى للجثث الأربعة ضحايا الحادث فطبيعة عملى و كثرة مشاهداتى لجرائم مماثلة أزالت عنى رهبة النظر لجثث المرضى.. و لكن هذه المرة عندما وصلنا و زملائى بقرار وكيل النائب العام بفتح الشقة مسرح الجريمة بعد البلاغ الذى تقدم به شقيق "أيمن السويدى" إنتابنى إحساس غريب و شعرت بقليل من الخوف لم أكن أعلم سببه. حكايات غريبة و يضيف ضابط المباحث قائلا: فى الحادية عشرة ظهرا توقفت سيارة "البوكس" أمام سراى السلطان بشارع حسن مظهر بالزمالك .. نزلت مع زملائى الضباط و القوة المرافقة لنا و دخلنا إلى العقار حيث كان فى إنتظارنا "محمد" شقيق "أيمن السويدى" و كان يقف مع الحراسة الخاصة المكلفين بحراسة سراى السلطان و راح يستمع منهم حكايات غريبة تحدث داخل شقة شقيقه كل ليلة. إحدى الحكايات التى سمعتها منهم كانت تقول إن مصعد العقار كلما أعلنت الساعة عن تمام الخامسة فجرا و هو نفس موعد إرتكاب الجريمة يتوقف عند الطابق الثانى .. نفس الطابق الذى توجد فيه شقة "ذكرى" و "أيمن السويدى".. و هو طابق ليس به أى من الشقق الأخرى .. فمن الذى يستدعى المصعد من أى طابق إلى الطابق الثانى؟! يصمت ضابط المباحث للحظات ثم يكمل قائلا: حكاية أخرى أشد غرابة سمعتها من حارس العقار أثناء وقوفنا فى مدخل سراى السلطان فى تلك اللحظات و كانت تؤكد سماع أصوات شجار تصدر من داخل الشقة عند منتصف كل ليلة و بعدها تنطلق صرخات أشبه بصرخات "القطط" فى العراك لمدة خمس دقائق فقط.. هذه الأصوات يسمعها حراس العقار الذين يتولون وردية الليل من الثامنة مساء و حتى الثامنة صباحا. الشباك المفتوح و يستطرد ضابط المباحث و يقول: المهم.. فى ذلك اليوم صعدنا إلى شقة "ذكرى" و "أيمن السويدى" من خلال مصعد العقار و الذى توقف بنا فى الطابق الثانى و بدأنا فى فض الشمع الأحمر من على باب الشقة بناء على قرار وكيل النائب العام .. و دخلت إلى الشقة مع القوة المرافقة لنا تلاحقنا رجاءات حراس العقار بضرورة فتح راديو بالشقة على إذاعة القرآن الكريم لأن الشقة يحدث بها أشياء غريبة و مخيفة. بمجرد دخولى إلى مسرح الجريمة إكتشفت أن المكان لم يتم تنظيفه من آثار الدماء منذ يوم وقوع الحادث.. نت دماء الضحايا تلطخ جدران الصالة و أرض المكان و الأثاث.. و بدأ شريط ذكريات عمره 14شهرا يمر فى خيالى عندما دخلت هذه الشقة لأول مرة عقب وقوع الجريمة.. هنا على هذه الأريكة شاهدت المطربة الراحلة "ذكرى" ترقد و هى ترتدى "ترنج" أبيض اللون جثة هامدة و الدماء تغطى كل جسدها و هى تحتضن "مخدة" صغيرة إخترقتها عدة طلقات .. الآن الأريكة ليس عليها جثة "ذكرى" و لكن رائحة الدماء و الموت ما زالت تملأ أرجاء المكان. و يكمل ضابط المباحث قائلا : قدومنا إلى مكان الحادث كان هدفه الإطمئنان على ما بالشقة من أشياء ثمينة خاصة و أن هناك شباك إنفتح فجأة ذات يوم بلا سبب و هو شباك غرفة نوم "ذكرى".. و بالفعل إنطلق "محمد" شقيق رجل الأعمال "أيمن السويدى" يجوب كل أرجاء الشقة مع أفراد القوة المرافقة لنا للإطمئنان على منقولات الشقة و الأشياء الثمينة بها من تحف و أثاث .. و كانت المفاجأة أنه إكتشف عدم وجود ضياع أى شىء من الشقة! إذن.. شباك غرفة نوم "ذكرى" لم يفتحه لص كما كنا نعتقد أو نتصور .. فمن الذى فتح الشباك فجأة؟ .. هذا السؤال لم نعثر له على إجابة خاصة و أننى قمت بمعاينة الشباك جيدا و لم يكن به أى آثار لفتحه من خارج الشقة.. بمعنى آخر الشباك إنفتح من داخل الشقة! أحجار تتطاير حارس أمن من الحارسين المكلفين بحراسة سراى السلطان فى وردية الليل قال: ذات ليلة.. سمعت بأذناى أصوات "عراك قطط" تنطلق من الطابق الثانى.. نظرت لزميلى الذى يشاركنى الوردية فى رعب و بسرعة تحولت نظراتنا إلى مصعد العقار لنكتشف إنه متوقف فى الطابق الثانى الذى لا يشغله سوى شقة "ذكرى" و "أيمن السويدى" .. و تسائلنا من الذى إستدعى المصعد لهذا الطابق؟ و لم نعثر على إجابة لهذا السؤال. و يستطرد حارس العقار قائلا: لم تمضى ثوانى حتى سمعت أنا و زميلى أصوات غريبة لم ننجح فى تفسيرها و لم نعرف سوى أن مصدرها الطابق الثانى.. دب الرعب فى قلبينا .. و زاد خوفنا عندما سمعنا صوت إرتطام ضعيف يأتينا من خارج باب العقار .. غادرنا العقار مهرولين من الفزع المصحوب بالقلق فى أن يكون هناك لص يحاول دخول العقار .. خرجت مع زميلى إلى الشارع فلم نجد شيئا .. قررنا العودة إلى أماكننا داخل العمارة و لكن قبل أن ندخل من باب سراى السلطان رفعت رأسى لأعلى إلى الطابق الثانى لأكتشف أن شباك غرفة نوم "ذكرى" مفتوح و أحجار صغيرة تتطاير منه! بعد هذه الواقعة الغريبة .. أبلغت شقيق رجل الأعمال "أيمن السويدى" بضرورة فتح الشقة و قراءة القرآن بها لأنها أصبحت مسكونة.. قاطعت حارس الأمن بسؤال: و هل إشتكى سكان العقار مما يجرى فى شقة "ذكرى"؟ و أجاب الحارس قائلا: أغلب سكان سلطان السراى من الأجانب .. و لكن البعض بالفعل شكى لرئيس إتحاد الملاك من سماعهم أصوات غريبة من بعد منتصف الليل و عند الفجر تأتيهم من الطابق الثانى.. و كان رده على شكواهم بأن تلك الأصوات الغريبة التى يسمعونها ربما تكون صادرة من طابق آخر بالعمارة حتى يهدأ من روعهم .. و لكن الحقيقة المؤكدة التى لا تقبل الشك و التى رأيتها بعينى .. تؤكد أن هناك أشياء غريبة تحدث داخل الشقة رقم 114من عمارة سراى السلطان كل ليلة! تم تعديل 22 نوفمبر 2006 بواسطة النسر المصري يارب الرحمه..!! رابط هذا التعليق شارك المزيد من خيارات المشاركة
darker19 بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 زي ما تكون كاتب الموضوع ده علشاني, خصوصا الصورة, الفيلم ده خلاني اسبوعين مش عارف أنام و اتعقدت من التلفزيونات و الفيديو. ;) بصراحة الخبر غريب, ومش أدر أصدقه, لأسباب كتيرة, أول حاجة ان الحراس بس هما الي بيحكوا انهم سمعوا, بس الظباط محدش قال انه سمع حاجة. لو السكان كانوا سمعوا أصوات غريبة وبلغوا اتحاد الملاك وما لقوش استجابه, كانوا بلغوا الشرطة, وما كانش بس البلاغ يجي عشان الشباك اتفتح. وحكاية ان الشباك انفتح دي متوقفة على نوع الشباك, لو شباك درف بضم الميم (بيتهيألي بتتكتب كده) يمكن ما كانش مقفول كويس و اتفتح بسبب الهوا, أما بقى لو شباك جرار دي تبقى صعبة, اكيد حرامي أو عفريت, وبما أنهم مالقيوش حاجة مسروقة يبقى أكيد عفريت :D الناس دايما لما بتحصل جريمة قتل, بيحبوا انهم يعملوا قصص مرعبة حوالين الجريمة دي, ويعدوا يحكوا و يعيدوا ويزيدوا, لغاية ما بيصدقوا القصة الي هما اخترعوها, أو ان الناس من كتر ما سمعت القصص دي, يبتدي يتهيألوا انه فعلا بيسمع أصوات غريبة, وان في حاجات غريبة بتحصل. صحيح ماقلتلناش مصدر الخبر ايه؟؟؟ قال تعالى : { قٍلً يّا عٌبّادٌيّ الَّذٌينّ أّسًرّفٍوا عّلّى" أّنفٍسٌهٌمً لا تّقًنّطٍوا مٌن رَّحًمّةٌ اللَّهٌ إنَّ اللَّهّ يّغًفٌرٍ الذٍَنٍوبّ جّمٌيعْا إنَّهٍ هٍوّ الًغّفٍورٍ الرَّحٌيمٍ } الزمر : 53 ( نحن قوم أعزنا الله بالإسلام, و مهما إبتغينا العزة في غيره أذلنا الله ) رابط هذا التعليق شارك المزيد من خيارات المشاركة
نانو بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 يااااااااااااااااااااااااااااااااااخي حرام عليك ايه الصوره اللي انت حاططتها ديه..... :D طب ....اعمل فيك ايه دلوقتي....يعني...أأأ...... روح ....روح يا عمرو منك لله ;) there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
النسر المصري بتاريخ: 22 نوفمبر 2006 كاتب الموضوع تقديم بلاغ مشاركة بتاريخ: 22 نوفمبر 2006 فعلا ياداركر الفيلم ده كان مرعب...بس مش لدرجة انه خلاني مانامش...لاني بستخف بافلام الرعب اساسا....وانا عاشق للأفلام التسجيلية او الواقعية او التاريخية وعموما انا اثارني بصراحة ذلك الموضوع ومتشوق جدا اعرف آراء اصدقائي ايه هنا في البيت الكبير أما المصدر ...فهو في آلااااف المواقع..وكله نقله ده أحدهم http://web1.maktoob.com/Forum/Arabic2/posts.php?code=238780 وانت بس لو كتبت جملة (العفاريت تسكن شقة) في جوجل..هتلاقي آلاف المواقع نسيت أحييك على تحليلك الرائع للقصة...وهي أقرب للواقعية صباحو روقاااااان..:D يارب الرحمه..!! رابط هذا التعليق شارك المزيد من خيارات المشاركة
MZohairy بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 , لو شباك درف بضم الميم :D هو ازاي شباك درف بضم الميم؟ Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
النسر المصري بتاريخ: 22 نوفمبر 2006 كاتب الموضوع تقديم بلاغ مشاركة بتاريخ: 22 نوفمبر 2006 معلش يانانو كنت بسجل مداخلتي وانتي بتسجلي في نفس الوقت :ninja: وبعدين الصورة دي اختايري كمخرج للموضوع. :D ..عشان الباك جروند فوتو آند فيلينج :sad: صحيح يادركر هو ازاي شباك درف بضم الميم؟ ;) يارب الرحمه..!! رابط هذا التعليق شارك المزيد من خيارات المشاركة
محمد عبدالعزيز بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 أنا أيضاً أعتقد أن الموضوع ليس إلا تهيؤات ﻷفراد الحراسة ,أو إن الموضوع أصلاً مفبرك مثل قصة الفتاة التى مسخت لكائن غريب ﻷنها ألقت بالمصحف على الأرض, وهو اﻷقرب للحقيقة فى رأيى ﻷن مثل هذه القصص تستخدم ﻹشهار المواقع الجديدة وخصوصاً المنتديات, ولن يجدوا قصص أكثر إثارة من تلك القصص. بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟ shawshank رابط هذا التعليق شارك المزيد من خيارات المشاركة
أبو زياد بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 الموضوع أثارنى جدا إزاى شباك درف بضم الميم ؟؟!! والا دة من تأثير الحادثة ؟ دانت بقيت دماااااااغ هو الذي أرسل رسوله بالهدى ودين الحق ليظهره على الدين كله ولو كره المشركون. رابط هذا التعليق شارك المزيد من خيارات المشاركة
nash بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 أيه ده أنتم لسه بتستعملوا التليفزيونات دي!!!! ;) بس الجيتار حلو..مستنيه الأوكازيون..قبل مايخلص....علشان حماده....ناوي يدوشنا عليه... :D ..................................................................................................... طيب ما تغير الموضوع وياريت كل واحد يكتب تجربه ليه هنا؟؟ راجعه تاني صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
النسر المصري بتاريخ: 22 نوفمبر 2006 كاتب الموضوع تقديم بلاغ مشاركة بتاريخ: 22 نوفمبر 2006 أيه ده أنتم لسه بتستعملوا التليفزيونات دي!!!! :happy: بس الجيتار حلو..مستنيه الأوكازيون..قبل مايخلص....علشان حماده....ناوي يدوشنا عليه... :) ..................................................................................................... طيب ما تغير الموضوع وياريت كل واحد يكتب تجربه ليه هنا؟؟ راجعه تاني ههههههه فكرة جامدة كل واحد يكتب عن تجربة خاصة بيه بالمواضيع دي.... مية مية ياناش والله بصي بقى انا أقولك حدوته حصلتلي كنت ب...... :angry2: لا انا مش هتكلم الاول...قولي انت الاول بما انك صاحبة الفكرة :unsure: يارب الرحمه..!! رابط هذا التعليق شارك المزيد من خيارات المشاركة
nash بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 :) :angry2: أبدا والله أحنا برضه نفهم في الأصول يا نسر....أصحاب الدار الأول صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
darker19 بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 بصراحة انا من الناس الي ما بحبش اتفرج على أفلام رعب, برغب اني عارف ان كلها تخاريف, وكلام فاضي, بس دايما لما يكون الفيلم عامل ضجة و مشهور الفضول بيغلبني و بتفرج عليه, ودايما العواقب بتكون منيلة (أرق في النوم) بس عادة المشكلة بتكون في الطريقة الي بتفرج بيها على الأفلام دي. يعني أنا فاكر أكتر فيلم بهدلني كان فيلم The Exorcism الفيلم ده اتفرجت عليه في ليلة راس السنة بتاعة 2001 أيامها كنت لسة جديد في أستراليا, و معرفش حد , وأخويا الكبير كان خارج مع المدام فأضيتها مع نفسي, المهم من الملل خرجت رحت محل الدي في دي, واجرت الفيلم ده ويارتني ما أجرته, المهم طفيت النور كله و أعدت لوحدي في البيت و أصلا كنا عايشين في منطقة هادية كله بينام من الساعة 7 بالليل الا احنا طبعا, واعدت أتفرج و خلصت حوالي كرتونة شيبسي, المشكلة ان الفيلم كاتبين عليه قصة حقيقية, وده الي لعب في دماغي, بالإضافة ان الفيلم بيتكلم عن إنه كان في جن ساكن البيت وتحديدا في السقف وكان بيت خشب, وبما ان بيتنا خشب فكان فيه أصوات عمال على بطال و أنا مش متعود عليه لسة, بس دي ممكن أقول مش اسبوعين لا يمكن شهرين مش بنام, و في الأخر اكتشفت ان سبب الأصوات دي السناجب الي كانت بتعد تلعب على السقف. كان نفسي أمسكهم و أضربهم سنجاب سنجاب, واشكرهم عشان هاعرف انام. بيتهيألي كفاية فضايح لحد كده. درف على ما أظن الكلمة الي بتتقال على الشباك الي بيتكون من درفتين مش عارف بأه ازا كانت درفتين دي صح ولا لأ. قال تعالى : { قٍلً يّا عٌبّادٌيّ الَّذٌينّ أّسًرّفٍوا عّلّى" أّنفٍسٌهٌمً لا تّقًنّطٍوا مٌن رَّحًمّةٌ اللَّهٌ إنَّ اللَّهّ يّغًفٌرٍ الذٍَنٍوبّ جّمٌيعْا إنَّهٍ هٍوّ الًغّفٍورٍ الرَّحٌيمٍ } الزمر : 53 ( نحن قوم أعزنا الله بالإسلام, و مهما إبتغينا العزة في غيره أذلنا الله ) رابط هذا التعليق شارك المزيد من خيارات المشاركة
MZohairy بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 أنا عن نفسي بخاف من الرعب جدا ( بضم الكاف) Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
النسر المصري بتاريخ: 22 نوفمبر 2006 كاتب الموضوع تقديم بلاغ مشاركة بتاريخ: 22 نوفمبر 2006 ودة معقول يا ناش بردو.... :) انتي عارفه اني راجل عرايشي وكرم الضيافه عندي غريزة أساسية :angry2: يزيد فضلك تتفضلي انت الأول لان ده عيب علينا والله :unsure: وعم داركر اهو بسطلك البساط أحمدي ... :sad: كلنا آذان صاغية...وها نحن نستمع لك :happy: أنا عن نفسي بخاف من الرعب جدا ( بضم الكاف) على فكرة انا كنت بخاف منها زيك كده تمام يامسيو.... بس بكسر النون :sad: مساااء الروققان هات نفس!!!!! :P يارب الرحمه..!! رابط هذا التعليق شارك المزيد من خيارات المشاركة
ESHO بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 ممكن موضوع الأصوات والاحجار دا يكون لعبة من حد عشان سبب معين وممكن يكون تهيؤات أو أوهام بتيجي للحراس بس بجد أنا مش معتقد في موضوع العفاريت والأرواح دا نهائي رابط هذا التعليق شارك المزيد من خيارات المشاركة
nash بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 بما أنك حلفت..فلا يمكن أكسفك ابدا .............................................. بس دي قصه حقيقيه..يعني بجد وجد...مش عايزة تريقه..أوكيه ..................................................................... زارتني صديقه عزيزة علي وأنا في المرحله الثانويه..الأخت كانت أول مرة تزورني وماحددتش ميعاد من الأول...وما تعرفش نظام بيتنا وتقاليده...تقوم ماما الله يخليها ويبارك فيها...تلاقي ( البنت) لابسه ملابس مش محترمه.....تقوم بمنتهي البساطه طارداها من البيت :happy: ..مع كلام زي الدبش من نوعيه..حبيبتي أنت مامتك شافتك وأنت خارجه بالمنظرده؟؟ :P أنا ذووهيلت..وربي كان قلبي هايقف من اللي حصل...قمت داخله علي الحمام..وهات يا عياط ..وأنهرت بمعني الكلمه...وماما تخبط وتقولي..ماتزعليش يا ناش..حقك عليه يا ناش..وأنا تقريبا الإنهيار العصبي كان ضرب السلك وهات ياجنان..خلاص ماكنتش قادرة أفكر في أي حاجه تقريبا.. وشويه (بجد والله العظيم)واسمع صوت هواء بيمر بجواري..وحاجه غريبه جريت قدامي... أوبا في ثواني كنت برة..مرعوبه....وماما بتطبطب عليه وترقيني.. بس الصراحه الفيلم ماخلصشي بسهوله كده.....يعني كانت ليه توابع تانيه خلوها علي جرعات.... :angry2: مش مرة واحده كده ................................................................................................................................................. أتفضل كمل جملتك. :unsure: ..كنت ب...ايه....أيه .... :) .؟؟ صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
darker19 بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 لا مؤاخذة يا جماعة درف بضم الدال, أصلي بكتبلكم من الشغل فالكلام بيقع مني من السرعة. وأنا عمال أقول مالهم كلهم علقوا على الكلمة دي, معقولة يكون مفيش كلمة اسمها درف. كل ده من الرعب (بكسر السين) الي عملتهولنا يا عم النسر بالصورة دي. قال تعالى : { قٍلً يّا عٌبّادٌيّ الَّذٌينّ أّسًرّفٍوا عّلّى" أّنفٍسٌهٌمً لا تّقًنّطٍوا مٌن رَّحًمّةٌ اللَّهٌ إنَّ اللَّهّ يّغًفٌرٍ الذٍَنٍوبّ جّمٌيعْا إنَّهٍ هٍوّ الًغّفٍورٍ الرَّحٌيمٍ } الزمر : 53 ( نحن قوم أعزنا الله بالإسلام, و مهما إبتغينا العزة في غيره أذلنا الله ) رابط هذا التعليق شارك المزيد من خيارات المشاركة
nancy بتاريخ: 22 نوفمبر 2006 تقديم بلاغ مشاركة بتاريخ: 22 نوفمبر 2006 عمرو منك لله يااخى انا اصلا مكنش جايلى نوم قلت افتح النت شفت انك الى كاتب الموضوع قلت حاجة ظريفة قبل ما نام واكيد حاجة كوميدى انام ازاى دلوقت ال قلت اهدى اعصابى هدت لى اعصابى حسابك معايا بعدين (الادرة .. ارجوا اعطاء عمرو الشهير بالنسر عشرة انزار على الى عمله فينا دة) وكمان عملى مخرج وحاطط اللقطة متحركة وعاوز تعمل برامج اطفال ياعم ررررروووووووح رابط هذا التعليق شارك المزيد من خيارات المشاركة
bentmasria بتاريخ: 23 نوفمبر 2006 تقديم بلاغ مشاركة بتاريخ: 23 نوفمبر 2006 تفتكروا من المستفيد من سريان هذه الاشاعة واحد نفسه يشترى الشقة بربع ثمنها مثلا فكروا فيها حتلاقوها منطقية وغالبا اللى ساكن فوق او تحت عشان شقته تبقى ميزانين اصلا العمارة روعة واغلب سكانها دبلوماسيين والكلام لم يصدر من الاجانب يعنى ولا واحد صادف اى شىء من الكلام ده ياترى العفاريت بتوشوش المصريين بس وترميهم بالطوب كلنا نؤمن بما اتى فى القرءان وايضا بحدوث بعض الظواهر غير ذات التفكير المنطقى بس كله بحدود ولا ايه :) مساء الروقان يا نسر عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
النسر المصري بتاريخ: 24 نوفمبر 2006 كاتب الموضوع تقديم بلاغ مشاركة بتاريخ: 24 نوفمبر 2006 ناش... :D يانهار منيل :ninja: انا مش جايلي نوم الا لما تكملي انا جالي حول من كتر التخخيلات ;) ....بليز كملي :unsure: معلش ياداركر والله ماقصد ارعبك (بضم الخاء) :D بس قعلا الفيلمين دول جابولي هيتيريه في الرعب :ninja: النسر المصري يحدثكم من مستشفي بولاق لامراض العته الزئبقي...ويبلغكم ان حالة الحول الشفنخري اللي عنده بدأت في الإلتئام نتيجة الضربة الوقائيه الهجوميه التي قامت بها نانسي جراء الرعب اللي اترعبته بسبب القصة.....وشكرا ;) ياأم مادا يعني تفتكري انا طمعان في الشقه عشان كده انا كاتب القصة دي ;) انا طمعان في العمارة!!!!! :D يارب الرحمه..!! رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان