بلاش الثقه العمياء ديه !!!!!!!!

[نانو]

اوعوا حد يفهمني غلط اني اقصد بلاش ثقه في الرجاله!!!!

لا سمح الله

هو الحقيقه بلاش ثقه في الرجاله ...و غير الرجاله

بمعني تاني ....

فيه حكمه جميله جدا ...انا بحبها لاني انا اللي الفتها....و تقول الاتي

توقع اي حاجه من اي حد في اي وقت

و ديه بقه خلاصه التعاملات الحيايته و الحقبه الزمنيه الماضيه من يجي 3000سنه قبل الميلاد من يوم ما اتولدت كده

حقيقي ...كلنا بشر و كلنا معرضين للنسان او الخطأ او الوسوسه من السيد شوشو يعني ما حدش بيسلم منه الا من رحم ربي

و بالتالي لازم ندي نفسنا و اللي حوالينا احتمال الخطا و بقول هنا انفسنا علشان ناخد بالنا من النقطه ديه

احنا كمان ممكن نعمل حاجات ما كناش متخيلين ان احنا نعملها

لكن اني اقول علي مطلق الكلام...فلان ده مستحيل يعمل كذا او كذا...هذا الكلام مرفوض البته

و لو جمدت دماغي علي الراي ده هاكون عرضه لصدمات كتير

ما حدش فينا سلم من صدمات من قريب او صديق او زميل اوحتي ابن غير ذالك

طيب ليه نحط نفسنا في موقف الصدمه اللي ممكن تاثر علي حياتنا

الاسهل اني ابتسم و احب و اثق في اللي حواليا بس من غير ما اموت...الحب لدرجه الموت ده ..فعلا موت

كفايه اني احب كل اللي حواليا ...احب شويه.... او اوي .... او ي جدا ....بس احب موت لأ...غلط والف غلط

الوسطيه مطلوبه في كل شئ

علشان ساعه لما ازعل ...ما اكرهش موت

يمكن الطريقه ديه تخلينا نقدر نعيش من غير ما حد يجيله سكته قلبيه من الخضه او الصدمه في عزيز لديه

ولا ايه رايكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مصري في الكويت]

انا معاكي نانو ان بلاش ثقة عمياء ...... بس الأحسن أننا نثق وناخد بالنا وبلاش نتوقع الكمال نتيجة ثقتنا بالناس حوالينا لكن خلينا دايما نتفائل أننا هنوصل للأحسن

لكن في انفسنا يا نانو تفتكري بلاش نثق فيها هي كمان ...

علي فكرة ما كنتش اعرف انك حضرتي حقبة قبل الميلاد دي هههههههه ده انتي علي كده أثرية قوووووووي

[Moon Light]

الحقيقة يا نانو انا باستمتع جدا بكلامك لاني باحس انك اقرب للواقعية من الخيال

وانا شايفة ان الثقة في الله وحدة لكن الرجالة صعب شوية لان ربنا اداهم الرخصة بالزواج مثني وثلاث ورباع عشان كدة صعب انك تثقي انة ليكي لوحدك لانة من حقه يبقي لحد تاني ....صح ولا لأ علشان كدة زي ما قولتي الوسطية مطلوبة لا تحبي اوي ولا تكرهي اوي خليكي دايما علي البوردر :unsure:

[النسر المصري]

يامزاجووو الرااايق على حبايبي المحاوراتيي :wub: ن

شفتي يانانو يااختشي ازاي قلبتي علينا الستات..اهي الست مون لايت مابقلهاش مشاركتين في المنتدي ...وداخله سخنه تخبط فينا عدل :sad:

ارجع تاني لموضوع الحكمه دي

بصراحة انا كنت بنصدم بناس كتير ايام الثانوي.....ولكن فجأه معرفش ايه حصل....دماغي اتغيرت بعد ماخرجت من الثانوي بيوم واحد

بقيت اتعامل مع البشر كلهم من مبدأ..... حرص ولاتخون بفتح الخاء وشد الواو

وهكذا استمريت على هذا الوضع ...وكنت اضطر الى تغيير اسلوب كلامي وطريقة معاملتي ونبرة صوتي احيانا وطريقة وقفتي مع من اتكلم لكي نستطيع الانسجام معا

نتيجة تلك الطريقه ادت الى معرفة انواع الشخصيات بشكل مقبول الى حد ما... فكان له الاثر على تطور علاقاتي الاجتماعيه ومن ثم العوده لشخصيتي الطبيعيه

فعلت كل هذا ..لانني حرصت من الجميع....ومن حاول ان يخونني او يخدعني كان ينكشف بسرعه

كان لي صديق ومازال وهو معي في الكويت ايضا وفي نفس مجال عملي..وهو صديقي من ايام المدرسه مرورا بكلية الفنون اللجميله ...وحتى الى غربتنا هذه منذ خمس سنوات

كنا نحن ومازلنا عاكفين معا على دراسة الشخصصيات والمواقف وتحليلها وتأويلها...واجمل ما في الأمر اننا على نفس مستوى التفكير....وفي نفس الوقت اننا مختلفون في أراء عديدة وكثيره...ولكننا مازلنا أصدقاء

يعني من الآخر ياجماحة روقوا دماغكم كده :D ...وحرصو .....ولا تخونو. :P ..... وتوفعو من اي اي حد ايحاجة في اي حتة :)

ياصباااحووو الرايق

[Eldisel]

كلام جميل وكلام معقول مئدرش اقول حاجة عنة

منتها الحب .. ومنتها الثقة لله وحدة

لكن البشر والناس سواء رجالة ولا ستات فايدك منهم والارض

ومعرفش لية عاوز افركركوا اخوتي في المنتدى الرائع دة ان احد الناس الي المولى عز وجل هيظلهم بظلة يوم لا ظل الا ظلة هم ( رجلان تحابا في الله وتفرقا علية ) يعني منتها الحب يكون لله بردة وعاشان الله مش عشان مصلحة أو رغبة مهما كان مفهوم او معنى الرغبة دي اي

موضوع جميل اوي منك يانانو كما عوتينا

[Folana]

السلام عليكم ورحمة الله....

موضوعك جميل يا نانو وممكن تتشعب منه عدة مواضيع....

انا داخلة ارد رد مختصر بس علشان المعاهدة اللى بينا..بس سامحينى مش قادرة اكتب كتير...لى عودة معاك ونبتدى بقى نتكلم ....

صباحو جميل :unsure:

[أبو زياد]

إوعى يا خضر سيببنى

بيقولوا إيه دول ؟؟ :unsure:

حرس و الا حرص ؟

باقولوكوا اييييههه

إن كيدكن عظييييم

[بنت النيل]

شوفى يا نانو انا معاكى بكل كلمه قولتيها ،، وكمان لما قلتى توقع اى حاجة من اى حد فى اى وقت

وده فعلا اللى انا بعمله بحياتى ،،، لان احنا بشر والبشر ليسوا معصومين من الخطأ ابدا حتى لما بسمع عن حد اعرفه انه عمل شىء صحيح بقول معقوله يعمل كدا لكن برده برجع واقول وليه لاء كل شىء جايز

اما عن الحب لدرجه الموت فهو قليل مايوجد هذه الايام ولكنها مجرد كلمه نستخدمها للتعبير عن درجه الحب فقط

ولكن للتعبير عن الموت نفسه

وافضل تعاون مع الناس كما قال الاخ نسر بطريقة ( حرص ولا تخون ) ولكن برده عدم وجود الثقه الكافيه لا يمنع وجود الامانه يعنى عشان مانظلمش كل الناس بيكون فى حياتنا ناس نستأمنهم على اسرار او مثلا على اشياء وبالتالى طلما ان الواحد مأمن لهم يبقى اكيد فى الثقه

لكن تعرفى يا نانو ان لى قريب مات فعلا من شدة حبه لأخته الكبيرة هقولك حكايته معلش هطول عليكم لكنها حقيقة من الحياة........... هذا الرجل زوج بنت خال والدتى

الرجل كان له اخته اكبر منه وماتت والدتهم وهو صغير وقامت هذا الاخت برعايته وتربيته والوقوف معه وبجانبه طول عمرها ولم تتخلى عنه فى اى موقف علمته وزوجته وكانت له كل شىء الام والاب كان يحبها الحب الذى نقول عنه لدرجة الموت وكبر هذا الرجل وكبرو اولاده وطبعا اخته تقدم بها العمر الى ان جاء اليوم الذى مرضت فيه كان يبقى ويقول لزوجته اذا اختى مات سوف اموت انا لا اتخيل فراقها عنى وشاء القدر وتوفيت هذه الاخت وسبحان الله

والله والله يا جماعة ان عند ذهابهم الى المقابر لدفن السيدة كان هذا الرجل مع ابنه بسيارته وعن وصوله امام باب المقابر فتح باب السيارة لينزل ،،، لم يصل الى المدخل ووقع على الارض فسارع ابنه اليه ليجده فارق الحياة

وكانت من اغرب المواقف التى تحدثت عنها الناس .....

ياترى هذا الحب موجود الان فى زماننا هذا

[نانو]

لكن في انفسنا يا نانو تفتكري بلاش نثق فيها هي كمان ...

ايوه حتي في انفسنا لازم نعرف انه ممكن نضعف لان ديه حقيقتنا كبشر ...و يقول رسولنا الكريم ان قلب المرء بين اصبعي الرحمن يقلبه كيف يشاء

فكيف نثق في انفسنا و نحن لا نملكها

الحقيقة يا نانو انا باستمتع جدا بكلامك لاني باحس انك اقرب للواقعية من الخيال

وانا شايفة ان الثقة في الله وحدة لكن الرجالة صعب شوية لان ربنا اداهم الرخصة بالزواج مثني وثلاث ورباع عشان كدة صعب انك تثقي انة ليكي لوحدك لانة من حقه يبقي لحد تاني ....صح ولا لأ علشان كدة زي ما قولتي الوسطية مطلوبة لا تحبي اوي ولا تكرهي اوي خليكي دايما علي البوردر :unsure:

يا اهلا بيكي يا مون لايت نورتي المنتدي ....و نورتيني انا شخصيا انك تبداي مشاركاتك معي

حبيبتي الثقه في الرجاله ديه قصه خياليه.. :wub:....لا حقيقي الفكره مش بس في الرجاله ....الفكره ان الكائن البشري ده مخلوق معقد الفهم و لايمكن ان نضع حقائق ثابته نحكم منها علي سلوكه ....لانه مخلوق قابل للتغير دائما

يامزاجووو الرااايق على حبايبي المحاوراتيي :happy: ن

شفتي يانانو يااختشي ازاي قلبتي علينا الستات..اهي الست مون لايت مابقلهاش مشاركتين في المنتدي ...وداخله سخنه تخبط فينا عدل :)

ابقيت اتعامل مع البشر كلهم من مبدأ..... حرص ولاتخون بفتح الخاء وشد الواو

كان لي صديق ومازال وهو معي في الكويت ايضا وفي نفس مجال عملي..وهو صديقي من ايام المدرسه مرورا بكلية الفنون اللجميله ...وحتى الى غربتنا هذه منذ خمس سنوات

كنا نحن ومازلنا عاكفين معا على دراسة الشخصصيات والمواقف وتحليلها وتأويلها...واجمل ما في الأمر اننا على نفس مستوى التفكير....وفي نفس الوقت اننا مختلفون في أراء عديدة وكثيره...ولكننا مازلنا أصدقاء

ياصباااحووو الرايق

يا عمور خليها تخبط ما انتوا برضه تستاهلوا كل خير ;)

لا يا نسر بلاش الثقه ديه في اصحابك...شوفت انا جايه اهدي النفوس ازاي :D

كلام جميل وكلام معقول مئدرش اقول حاجة عنة

منتها الحب .. ومنتها الثقة لله وحدة

لكن البشر والناس سواء رجالة ولا ستات فايدك منهم والارض

ومعرفش لية عاوز افركركوا اخوتي في المنتدى الرائع دة ان احد الناس الي المولى عز وجل هيظلهم بظلة يوم لا ظل الا ظلة هم ( رجلان تحابا في الله وتفرقا علية ) يعني منتها الحب يكون لله بردة وعاشان الله مش عشان مصلحة أو رغبة مهما كان مفهوم او معنى الرغبة دي اي

موضوع جميل اوي منك يانانو كما عوتينا

الله يكرمك يا ديزل ..اهوه انت جبت من الاخر منتهي الثقه و منتهي الحب لله وحده سبحانه و تعالي

السلام عليكم ورحمة الله....

موضوعك جميل يا نانو وممكن تتشعب منه عدة مواضيع....

انا داخلة ارد رد مختصر بس علشان المعاهدة اللى بينا..بس سامحينى مش قادرة اكتب كتير...لى عودة معاك ونبتدى بقى نتكلم ....

صباحو جميل :wub:

ما ليش دعوه انا مستنيه اهو :sad:

و صباحوا اجمل

إوعى يا خضر سيببنى

بيقولوا إيه دول ؟؟ -_-

حرس و الا حرص ؟

باقولوكوا اييييههه

إن كيدكن عظييييم

ايه ده ايه ده يا ابو زياد....مالك كده واخد الموضوع بحده و عنف هون عليك يا راجل ....هو فيه زي الرجاله....و اخلاص الرجاله.....و وفاء الرجاله :blink:

شوفى يا نانو انا معاكى بكل كلمه قولتيها ،، وكمان لما قلتى توقع اى حاجة من اى حد فى اى وقت

وافضل تعاون مع الناس كما قال الاخ نسر بطريقة ( حرص ولا تخون ) ولكن برده عدم وجود الثقه الكافيه لا يمنع وجود الامانه يعنى عشان مانظلمش كل الناس بيكون فى حياتنا ناس نستأمنهم على اسرار او مثلا على اشياء وبالتالى طلما ان الواحد مأمن لهم يبقى اكيد فى الثقه

يا اهلا بيكي يا بنت النيل نورتيني

صح كلامك حبيبتي انا ما اقصدش ان احنا نفقد الثقه في الناس...لا طبعا انا بس اقصد ان دايما يكون فيه احتمال لحدوث ما هو غير متوقع

و علشان كده حتي ما استثنيتش انه يحصل الشئ ده حتي من انفسنا

لكن طبعا لازم يكون فيه مساحه كبيره من الثقه بين الناس اللي حواليا ..اهلي اصحابي معارفي و الا الحياه تبقي جحيم

[Marmar]

العواف عليكوا يا حبايبي..أما بعد...بيقولوا في المثل إيه..."يا مأمن للرجال..يا مأمن المية في الغربال" ...لا مؤاخذه يا رجالة...

بصراحة..و عن تجربة..مفيش راجل بجد ممكن الواحدة تثق فيه 100 % ...أنا تقريبا عملت دراسة مع نفسي..و عن الرجالة اللي قابلتها و تعاملت معاها في حياتي..سواء من خلال الفاموليا..و من أقرب الأقرباء..أو من الجامعة..أو من الشغل..فبجد أقدر أقول و بثقة شديدة جدا..و لو إني عارفة إن المنتدى كله هيئلب علية..بس بصراحة..مفيش راجل مخلص 100%..و لازم لازم في مرحلة في حياته هيتجه للخيانة..و هذا الاتجاه متفاوت و متدرج من و رجل لآخر و معتمد على الباك جروند بتاع الشخص ده..و الوعي الديني..و أهم من ده كله الأصل..و زي ما محمد طه بيقول"ع الأصل دور" فأهم شيء الاختيار الحريص جدا جدا جدا...

نرجع بأ لموضوع الخيانة ده. في ناس بتوصلها للآخر و بيتجوزوا على مراتتهم..و في إللي بيمشيها عالطاير..و الكارثة إن لما بتسأل الشخص اللي عمل كده طب ليه يعني؟ الأعذار بأ بتحرأ الدم....و بيبرروا الخيانة دي..حاجة تضحك جداااااااااااااااااااااااااااااااااااااااااااااااااااااااااااااااا

في احد المرات واحد قال إن ممكن يخون مراته عادي ،، طالما هوه في الشغل أو بره البيت..بس لما بيروح البيت مبيخرجش..و بيقضي وقته كله مع مراته و ولاده....

يعني وصلنا دلوقتي لحكمة أنا قريتها..بتقول"إني أخشى ما أخشاه: أن تصبح الخيانة يوما ما.....مجرّد.....وجهة نظر"

و أكيد في ناس بتقول يعني هوه الرجالة بس هي اللي بتخون؟ هقوللك لأ طبعا.. بس ال بروبابلتي إن الواحدة تخون مقارنة بالراجل قليلة جدا

و ده يوصلنا إن الانسان ميثقش في اللي قدامه أوي..سواء رجل أو مرأة....و الانسان الوحييييييييييدد اللي ممكن تثق فية 1000% و الوحيد اللي بيتمنالك إنك تبقى أحسن منه هي الأم فقط لا غير..و لا أي مخلوق في العالم تديله الثقة بتاعتك 100 % غيرها و لا حتى الأب..مع احترامي لكل الأبهات...فالامومة غريزة طبيعية..لكن الأبوة مكتسبة.....و أظن كفاية كدة أحسن أنا حاسة إن الموضوع وسع مني شوية .. بس معلش..عندي أنا دي المرااادييي:wub:

موضوع هايل يا نانو:):) ربنا يوفقك-_-)و يجعله عامرررر

[أبو زياد]

طيب يا مرمر

عندك المرة دى انتى و نانو

بس لما يفوق س س و تشوفو شغلكم و حاقولوه انكم استغليتم فرصة غيابه

وبعدين فين رجالة المنتدى ؟ يا رجاااااله ؟؟!! :o

شوفو يا بنات باه بجد

لازم زى مانتو قاعدين تنموا تسمعوا رأى الرجالة فى الموضوع 0 سامعة يا مرمر ؟

مش حانكر كلامك - لأ كله صح - ولو عايزين تتكلموا عن الخيانة الزوجية انا مستعد -

بس انا حارد دلوقت على موضوع المية اللى فى الغربال

مش حاقولك حاجة - المثل صح - بس فيه طريقة بسيطة جدا الواحدة تضمن إخلاص زوجها ليها و هى طريقة مزدوجة - يعنى على محورين :

1- تحفظه فى نفسه و دينه و ماله و عرضه و بذلك تكون حفظت نفسها و ضمنت لنفسها الأمن من الله

2- تأكيد على انها تحفظه فى دينه أى تحثه على العبادة و الإلتزام و بذلك تضمن إنه يكون عنده إعتقاد و معادلة بسيطة جدا :

وهى إنه لو خانها حتى بالنظر فسيجد من يخونه بنفس الطريقة فكما تدين تدان و القصص كثيرة و الأهوال كثيرة

صدقونى المعادلة دى لو موجودة عند كل راجل مش حيفرق معاكى إنك تثقى فيه أو لا تثقى فثقتك ستكون فى الله و هو اهل الثقة .

أما إذا اختلت المعادلة فكل كلامكم صح و الغربال مقطوع أساسا و تصبحوا على خير - قصدى صباح الخير على الجميع - مين اللى عايز يتكلم ؟ :)

[Marmar]

صباح الخير عليكم جميعا...أما بعد...

إلى الأخ أبو زياد...أشكرك على الرد الهادىء بتاعك..و أشكرك على التصديق على كلامي..فشهد شاهد من أهلها صحيح..

أما بالنسبة للنصيحة بتاعت حضرتك..أنا موفقة على المبدأ..لكن موش المضمون...يا عزيزي لا يوجد أي مبرر للخيانة حتى لو الراجل متجوز زكية زكريا..

لا يوجد أي مبرر للخيانة..و إلا على كلامك ده..كان كل الستات خانوا اجوازتهم...لو الواحدة موش عاجبة الراجل..ينصحها..أو تسريح بمعروف زي ما ذكر في القرآن....

سيادتك بتقول الآتي:

مش حاقولك حاجة - المثل صح - بس فيه طريقة بسيطة جدا الواحدة تضمن إخلاص زوجها ليها و هى طريقة مزدوجة - يعنى على محورين :

1- تحفظه فى نفسه و دينه و ماله و عرضه و بذلك تكون حفظت نفسها و ضمنت لنفسها الأمن من الله

2- تأكيد على انها تحفظه فى دينه أى تحثه على العبادة و الإلتزام و بذلك تضمن إنه يكون عنده إعتقاد و معادلة بسيطة جدا :

أنا معاك ...بس تقول إيه بقا فإن معظم الرجالةة..و مع الاعتذار الشديد.."عينيها فارغة و ميملهاش إلا التراب" طفاسة يعني...

طب أنا هقولوكوا على حاجة غريبة قوي..عندنا واحد هنا في الشغل..يعتبر عايش على قفا مراته..وو سوري في اللفظ..بس هيا متتألش غير كده..المهم أبو البنت دي..متبني الراجل ده؟؟بيصرف عليه..بيدفعلوا فلوس التليفون..الأكل..ال دي إس إل..و هوه عايش معاهم..و مبيدفعش مليممممم في البيت..مع إنوا بيبض في الشهر أكثر من 4000 جنيه؟؟ .شوفتوا الرجولة..حاجة بجد تثير الاشمئزاز... المهم لما نشوف مراته بأ..بسمالله ماشاء الله..جميلة..محجبة..متدينة..حفظاه في بيته و ماله و عرضه زي مبتقول..هو بأ بيعمل إيه...طول الوقت بيكلم بنات..و طول الوقت بيتشات مع البنات ..و بيخرج معاهم و سيرته معروفة في المكان كله..طب ده كلام. ده منطق؟ طب واحد زي ده..يخون مراته ليه؟ علشان طفس..صح؟ متعلوا صوتكوا متهزوش راسكوا بس...أيوه إنت ياللي قاعد ورا..أيوه خليك معايا لو سمحت:::::

منعدش بقا ندور على أسباب و حجج و براهن و الكلام اللي من النوع ده..و هكرر تاني زي مقرأت قبل كده.. "إني أخشى ما أخشاه: أن تصبح الخيانة يوما ما.....مجرّد.....وجهة نظر"..و بسس...و يجعله عامرررر برضه:o:)

[أبو زياد]

طيب جميل قوى يا أخت مرمر

إنتى بقة قريتى ردى ؟

اراهن إنك قريتيه فى نص دقيقة و رديتى فى 10 ثوانى

لأنك لو قريتيه فعلا حتعرفى إنى لم أبرر الخيانة لأحد -إيه هو المبدأ و المضمون اللى مش موافقة عليه ؟

وبعدين بلاش غلط - الرجالة عينهم فارغة برضة ؟ :)

الشرع واضح طبعا ( فإمساك بمعروف او تسريح بإحسان )

حتى لو زكية زكريا - يبقى قدرى و اقعد ساكت - و طبعا مقدرش اتجوز واحدة تانية حسب شرعكم الجديد :o

خلينا موضوعيين يا أخت مرمر وانتى حكيتى حكاية جميلة--- مش انا معرفش الراجل دة - ابو عينين يدب فيهم رصاص ؟

تعرفى انتى مراته ؟- أكاد اجزم إنها تخونه و بنفس الطريقة - رغم اللى قلتيه عنها - و خليه يستحمل بقة - بس دة قانون إلهى و سنة الله فى هذه الحياة

حكاية أخرى لسة سامعها امبارح :

رجل أخطأ مع واحدة و هرب منها و سافر ثم تزوج ليكتشف نفس المصيبة فى زوجته و لم يقف عند هذا الحد فقد حدثت نفس قصته مع ابنته

لقد ذكرت لك : الذنب لا يبلى و الديان لا يموت و دة لو اخدتى بالك كلام لكل راجل

دلوقت بقة فيه محورين للحديث :

1- زكية زكريا يعنى اهتمام المرأة بنفسها

2- ما يملاش عينهم غير التراب - يعنى إذا كان الراجل عينه فارغة أو على الأصح قلبه فارغ من كل شىء

[نانو]

ايه يا شباب الحكايه ...براحه حبتين كده علينا

و حياه خالتي نازاكا علي راي النسر المصري...انا مش بسلط الكلام علي الرجاله

لا انا موضوعي شامل الاصدقاء و الازملاء و حتي الاخوات

و المقصود من الموضوع برضه مش عدم الثقه...لا طبعا

ما ينفعش نعيش و احنا بنشك في نفسنا و اللي حوالينا ديه ما تبقاش عيشه ديه

لكن كل الفكره ...ان الثقه 100% ديه بس لله وحده

و باقي البشر بما فيهم احنا ممكن توصل بحد اقصي 99.9 %

امال احنا بندعي ربنا و نقول ثبتنا يارب علي الدين ليه

و اللي بيدعوا بها و اللي علمهالنا رسولنا الكريم صلي الله عليه و سلم

اللهم يا مقلب القلوب و الابصار ثبت قلبي علي دينك....يبقي معناه ايه الكلام ده..ان النفس اللي جوانا ديه كانها كائن تاني ممكن توسوس لنا

بحاجات مرفوضه اصلا بالنسبه لنا و مع ذلك ممكن نقع فيها علشان كده علي طول الخط و خمس مرات علي الاقل في اليوم

بنقول و بك نستعين...

اما بالنسبه بقه لموضوع الخيانه في الراجل و الست...فالقران سوا بينهم في التحذير و العقاب

قل للمومنين يغضو من ابصارهم...و قل للمومنات يغضضن من ابصارهن

و كذلك في حد الزنا لم يفرق بين الراجل و المراه

اما بالنسبه ان الراجل من حقه انه يتجوز ...فطبعا ديه شريعتنا و لله حكمه في ذلك ...و مع ذلك ربنا سبحانه و تعالي لم يحلل له النظر الي المراه

و انما حلل له الزواج و ليس الخيانه

و موضوع ان الراجل بيخون اكتر من الست ديه مسئله عادات شرقيه مش اكتر ...بدليل ان الراجل و الست في الدول الغربيه بيتساوا في الخيانه تقريبا

و ديننا لكل زمان ولكل مكان لكن الاتنين بشر و الاتنين معرضين للضعف النفسي

و زي ما قالت مرمر ديه بيتحكم فيها الدين و الاخلاق و التربيه و الاصل و الذي منه

[Eldisel]

:) ست الكل مرمر ... ابو الرجالة وعم الشباب ابو زياد

الموضوع عن الثقة بالاخرين مش عن الخيانة الزوجية .... ممكن تفتحوا موضوع عن الخيانة الزوجية لانكم حصرتم الثقة في نطاق ديق ( الحياة الزوجية )

مفهوم الثقة اشمل واعم والاخر الي نانو كانت بتتكلم عنة هو الراجل والست والصديق والصديقة والاخ والاخت والجار والجارة الخ..... ثقتنا بالاخرين علاقاتها كتير ومتشعبة وليها أوجة مختلفة .....

.........................................................

خلاص فضوا موضوع الخيانة دة دلوقتي واتكلموا عن الثقة :o

انا شايف ان الشخص المفروض يقيم ثقتة بالله اولاً ثم ثقته بنفسة .. قبل ما تقول لا اثق و اثق يجب ان تسال نفسك انت سؤال :

هل انت واثق بالله ؟ لا تجاوب باندفاع حاسب نفسك جيدا هل انت واثق بالله ؟

ثم السؤال التالي هل انت واثق في نفسك ؟

هل انت واثق انك في محل ثقة الاخرين بك ؟ ام انك شخص لاتثق باحد وغير موثوق فية( فمن لا يثق في احد لا يستحق ان يثق فية الاخرين)

الثقة موجودة ويجب ان تكون موجودة ولاكن بضوابط ليست ثقة عمياء .. الثقة العمياء لله وحدة وفي تلك الحالة اسمة ايمان بالله

والايمان هو الايمان بالله وملائكتة وكتبة ورسلة وبالقدر خيرة وشرة

هل انت مؤمن بالقدر خيرة وشرة ؟ ان كنت مؤمن فانت واثق بالله وان كنت غير مؤمن فانت لاتثق بالله

والايمان بالقدر يكون بـ ( ان اصبتة سراء شكر فكان خير لة وان اصابتة ضراء صبر فكلن خير لة ) كما اخبرنا رسولنا الكريم علية افضل الصلاة والتسليم

ونصيحة لكي اختي العزيزة مرمر ( اجعلي عينك عين نحلة ترى كل جميل , ولا تجعليها عين زباب ترى كل قبيح )

:) ولو لقيتي وحدة زي صحبتك الي جوزها بياخد 4000 جنية وابوها بيصرف علية عايزة تتجوز ولا حاجة انا موجود شوري بس .. اواديني رنة :) :) :)

تم تعديل 11 نوفمبر 2006 بواسطة Eldisel

[أبو زياد]

طبعا يا خالتى نازاكا

قصدى يا نانو إنتى إنسانة رقيقة وماتقدريش - قصدى مش ممكن تعيبى فى الرجالة :o

لكن الموضوع أثير فعلا و أنا أؤيد إثارة الموضوع لأنه فعلا أصبح ظاهرة و لازم نناقشه

وإنتى كلماتك أجازت و شملت فى نفس الوقت أبعاد كثيرة

لذلك ارجو ان تسمحى لنا باستمرار المناقشة مع شمولية الموضوع

عارفة يانانو انا كنت شغال مع ناس شكاكين يعنى كانوا بيشكوا تقريبا فى صوابع إيديهم

واى عمل أقوم به حتى لو لمصلحة الشغل ألاقى نفسى باتحاسب حساب الملكين

انت ليه عملت كدة وازاى وامتى ويعيد السؤال عشان يغلطنى و يتهمنى

عمرك شفتى واحد يتهمك قدام عينك ؟

يعنى باختصار كان موضوع عدم الثقة مرض عندهم وكان مبدأهم إن المال السايب يعلم السرقة

ومع إن المثل دة صح جدا مع التجارب بس كان عندهم زيادة -

المهم ماطولش النتيجة إن شغلهم لا يتقدم خطوة واحدة و هم حتى الآن محلك سر

ودى نتيجة الحرص الزائد وقلة الثقة

دة كان مثل سريع ونعود للزوجيات مع الأخت الفاضلة مرمر و الزوجة التى تفتش ملابس زوجها

طبعا لا أقصد احدا و لكنه نموذج نستعيد منه دفة الحديث

[Marmar]

إحم إحم...طاخ ..بوم..تراخ...وسع يابني منك ليه..مرمر جت و هتقلبها عليها وطيها..إحم إحم.. واضح إن في حاجات كتييييييييييييييييييييرةةةةة حصلت في غيابي.. :o

طيب نمسكها حتة حتة..و نفصفصها..و نرد على الناس الطيبة اللي أعدة في الفرح و إحم إحم...يا عم متظبت الراديو ده...أوكي...أما بعد....

صباح الخير الأول..عاملين إيه..أولا أكرر شكري للاخت نانو على هذا الموضوع الشيق..ثانيا..أشكر كل من الأخ أبو زياد..و الأخ الديزل على ردكم.....و وسعوا شوية بأ عشان أنا ..و العياذ بالله من كلمة أنا..كمان هرد...

بسم الله:sad::)

الأخ زياد قال..." وبعدين بلاش غلط - الرجالة عينهم فارغة برضة ؟ :) "

لا أبدا..حاش لله...بصراحة أنا يمكن خني التعبير..أنا كنت أقصد يندب فيهم رصاصة :ninja: :sad: أوك بصراحة بجد بدون تهريج..أنا ماقبلتش راجل في حياتي بيعامل مراته زي ما الرسول – صلى الله عليه و سلم- وصى..ده حتى الرسول كان دايما بيقول "رفقا بالقوارير" و القارورة أي الزجاجة الحساسة فوي..اللي ممكن تنكسر بسهولة...

و برضه سيادتك قولت" دة كان مثل سريع ونعود للزوجيات مع الأخت الفاضلة مرمر و الزوجة التى تفتش ملابس زوجها طبعا لا أقصد احدا و لكنه نموذج نستعيد منه دفة الحديث"

اشمعنا بأ الأخت مرمر و الزوجات اللي يتفتش ملابس زوجها.؟؟؟ يا أخي خلي عندك نظر..انا أصلا موش متزوجة..

و بعدين إنتوا واخدينها حرب ليه؟؟ زي ما فيه الكويس ..في الوحش...في كل الكائنات اللي ربنا سبحانه و تعالى خلقها.. من إنس أو جن .أو حيوان أو نبات..من ذكر و أنثى..من كل ملة و دين..يعني كله على كله يعني...

و مبدأ التفتيش ده مرفوض من كلا الجنسين...مبدأ احترام الخصوصية محفوظ..بس برضة..لازم يكون فيه إحترام للمشاعر..و لازم كمان الطرفين يكونوا صرحاء مع بعض.. علشان متثرش غيرت أي طرف فيهم و تؤدي إلى حدوث تصرفات متطرفة و غير مقبولة أخلاقيا....

الأخ ديزل بأ ..إزيك..تعالالي بأ..و شوف إنت قولت إيه." ست الكل مرمر ..." ربنا يحفظك:wub:

" ابو الرجالة وعم الشباب ابو زياد ..الموضوع عن الثقة بالاخرين مش عن الخيانة الزوجية .... ممكن تفتحوا موضوع عن الخيانة الزوجية لانكم حصرتم الثقة في نطاق ديق ( الحياة الزوجية ) مفهوم الثقة اشمل واعم والاخر الي نانو كانت بتتكلم عنة هو الراجل والست والصديق والصديقة والاخ والاخت والجار والجارة الخ..... ثقتنا بالاخرين علاقاتها كتير ومتشعبة وليها أوجة مختلفة ....خلاص فضوا موضوع الخيانة دة دلوقتي واتكلموا عن الثقة"

كلام جميل..كلام معقول..مقدرش أقول حاجة عنه...أي نعم إحنا خدنا التيار لموضوع الخيانة الزوجية..بس خد بالك ..الزوج أو الزوجة..هو الشخص اللي الانسان بيعيش معاه عمره كلوا..فأصعب حاجة في الدنيا ..هي خيانة أقرب الناس ليك..الانسان اللي المفروض أخذ عهد على نفسه إن يفضل مخلصلك طول عمره طول رحلة الزمن...لكن الصديق..موش معنى كده إن الناس التانية موش مهمة..لأ طبعا..بس لو اتكلمنا عن الأولويات.. يعني مثلا الصديق ممكن يسافر أو يكون موجود ساعة أو ساعتين في اليوم..لكن الزوج أو الزوجة..أعدين في أرابيز بعض العمر كلهههههههههه.......

و ليه يأ نفض موضوع الخيانة ده؟؟ الخيانة و الثقة موضوعين مرتبطين ببعض... مينفعش .....

و فعلا زي ما كتير قالوا هيه الثقة في الله... و شك إلى أن يثبت العكس....و لو إني موش بحب كده..بس نفسيات الناس اتغيرت..و ربنا يتولانا جميعا......و يجعله عامرررررررررررررررررررررررررررررررررر-_-:)

[النسر المصري]

ايه يا شباب الحكايه ...براحه حبتين كده علينا

و حياه خالتي نازاكا علي راي النسر المصري...انا مش بسلط الكلام علي الرجاله

لا انا موضوعي شامل الاصدقاء و الازملاء و حتي الاخوات

و المقصود من الموضوع برضه مش عدم الثقه...لا طبعا

ما ينفعش نعيش و احنا بنشك في نفسنا و اللي حوالينا ديه ما تبقاش عيشه ديه

لكن كل الفكره ...ان الثقه 100% ديه بس لله وحده

و باقي البشر بما فيهم احنا ممكن توصل بحد اقصي 99.9 %

امال احنا بندعي ربنا و نقول ثبتنا يارب علي الدين ليه

و اللي بيدعوا بها و اللي علمهالنا رسولنا الكريم صلي الله عليه و سلم

اللهم يا مقلب القلوب و الابصار ثبت قلبي علي دينك....يبقي معناه ايه الكلام ده..ان النفس اللي جوانا ديه كانها كائن تاني ممكن توسوس لنا

بحاجات مرفوضه اصلا بالنسبه لنا و مع ذلك ممكن نقع فيها علشان كده علي طول الخط و خمس مرات علي الاقل في اليوم

بنقول و بك نستعين...

اما بالنسبه بقه لموضوع الخيانه في الراجل و الست...فالقران سوا بينهم في التحذير و العقاب

قل للمومنين يغضو من ابصارهم...و قل للمومنات يغضضن من ابصارهن

و كذلك في حد الزنا لم يفرق بين الراجل و المراه

اما بالنسبه ان الراجل من حقه انه يتجوز ...فطبعا ديه شريعتنا و لله حكمه في ذلك ...و مع ذلك ربنا سبحانه و تعالي لم يحلل له النظر الي المراه

و انما حلل له الزواج و ليس الخيانه

و موضوع ان الراجل بيخون اكتر من الست ديه مسئله عادات شرقيه مش اكتر ...بدليل ان الراجل و الست في الدول الغربيه بيتساوا في الخيانه تقريبا

و ديننا لكل زمان ولكل مكان لكن الاتنين بشر و الاتنين معرضين للضعف النفسي

و زي ما قالت مرمر ديه بيتحكم فيها الدين و الاخلاق و التربيه و الاصل و الذي منه

ايها الماتحاورووووون :) ...............لقد افحمتكم العمة نانوووووو :o

صباحو رايق ياست الكل :ninja:

[Eldisel]

الأخ ديزل بأ ..إزيك..تعالالي بأ..و شوف إنت قولت إيه." ست الكل مرمر ..." ربنا يحفظك:sad:

" ابو الرجالة وعم الشباب ابو زياد ..الموضوع عن الثقة بالاخرين مش عن الخيانة الزوجية .... ممكن تفتحوا موضوع عن الخيانة الزوجية لانكم حصرتم الثقة في نطاق ديق ( الحياة الزوجية ) مفهوم الثقة اشمل واعم والاخر الي نانو كانت بتتكلم عنة هو الراجل والست والصديق والصديقة والاخ والاخت والجار والجارة الخ..... ثقتنا بالاخرين علاقاتها كتير ومتشعبة وليها أوجة مختلفة ....خلاص فضوا موضوع الخيانة دة دلوقتي واتكلموا عن الثقة"

كلام جميل..كلام معقول..مقدرش أقول حاجة عنه...أي نعم إحنا خدنا التيار لموضوع الخيانة الزوجية..بس خد بالك ..الزوج أو الزوجة..هو الشخص اللي الانسان بيعيش معاه عمره كلوا..فأصعب حاجة في الدنيا ..هي خيانة أقرب الناس ليك..الانسان اللي المفروض أخذ عهد على نفسه إن يفضل مخلصلك طول عمره طول رحلة الزمن...لكن الصديق..موش معنى كده إن الناس التانية موش مهمة..لأ طبعا..بس لو اتكلمنا عن الأولويات.. يعني مثلا الصديق ممكن يسافر أو يكون موجود ساعة أو ساعتين في اليوم..لكن الزوج أو الزوجة..أعدين في أرابيز بعض العمر كلهههههههههه.......

و ليه يأ نفض موضوع الخيانة ده؟؟ الخيانة و الثقة موضوعين مرتبطين ببعض... مينفعش .....

و فعلا زي ما كتير قالوا هيه الثقة في الله... و شك إلى أن يثبت العكس....و لو إني موش بحب كده..بس نفسيات الناس اتغيرت..و ربنا يتولانا جميعا......و يجعله عامرررررررررررررررررررررررررررررررررر:sad::)

ست البنات ... :ninja: موضوع الثقة كبير لية نديقة انت اتكلمت والاستاذ الفاضل ابو زياد عن الثقة في الحياة الزوجية انت بتقولي الرجالة تندب في عنيهم رصاصة :o وابو زياد بيقول الستات بتفتش جيوب اجوزها وبتنفضهم اول بالول (وانهم ميتامنوش على سر) :) طيب مش احسن منعد نتبادل الاتهامات نقول الحلول

هل كل الرجالة ذي منتي بتقولي وهل كل الستات ذي مابو زياد بيقول او ذي مانا بقول طبعن لأ في كتير رجالة وستات يضرب بيهم المثل في الامانة والاخلاص مش لازم يكونوا زي الرسول علية الصلات والسلام لان مفيش حد زية بس لكل قاعدة شواذ والقاعدة هي الاخلاص والمحبة والثقة بين الزوجين مش العكس ..... هي دي القاعدة المفروض اتبعها غير كدة فهو شواذ للقعدة دي

انا بنصح بايضافة موضوع جديد باسم الحياة الزوجية نقول فية كل الي احنا عاوزينة عن العلاقة دي وناقر بعض برحتنا ...

لكن موضوع الثقة الي فتحتة الاخت نانو لية اوجة تانية كتيرة وجميلة مش لازم نقلصها ونصغرها في موضوع صغير ذي دة ذي ما قولت انا .. ياريتك كنت قريتي بقيت الرد.....

انا شايف ان الشخص المفروض يقيم ثقتة بالله اولاً ثم ثقته بنفسة .. قبل ما تقول لا اثق و اثق يجب ان تسال نفسك انت سؤال :

هل انت واثق بالله ؟ لا تجاوب باندفاع حاسب نفسك جيدا هل انت واثق بالله ؟

ثم السؤال التالي هل انت واثق في نفسك ؟

هل انت واثق انك في محل ثقة الاخرين بك ؟ ام انك شخص لاتثق باحد وغير موثوق فية( فمن لا يثق في احد لا يستحق ان يثق فية الاخرين)

الثقة موجودة ويجب ان تكون موجودة ولاكن بضوابط ليست ثقة عمياء .. الثقة العمياء لله وحدة وفي تلك الحالة اسمة ايمان بالله

والايمان هو الايمان بالله وملائكتة وكتبة ورسلة وبالقدر خيرة وشرة

هل انت مؤمن بالقدر خيرة وشرة ؟ ان كنت مؤمن فانت واثق بالله وان كنت غير مؤمن فانت لاتثق بالله

والايمان بالقدر يكون بـ ( ان اصبتة سراء شكر فكان خير لة وان اصابتة ضراء صبر فكلن خير لة ) كما اخبرنا رسولنا الكريم علية افضل الصلاة والتسليم

ونصيحة لكي اختي العزيزة مرمر ( اجعلي عينك عين نحلة ترى كل جميل , ولا تجعليها عين زباب ترى كل قبيح )

وخلي بالك انت نزلتي من ست الكل الي ست البنات .... شوية وهتبقي ست على نفسك احزري بقا -_- :wub: B)

تم تعديل 13 نوفمبر 2006 بواسطة Eldisel

[Gihan]

يا نانو يا حبيبتى

كلامك نصة مظبوط

يعنى صح اننا نتوقع ان الناس اللى حوالينا ممكن يغلطوا (يكذبوا ويخونوا الخ اللخ) ودة لان مافيش حد معصوم من الخطا

لكن دة مش معناة اننا مانثقش فى حد انا ااعتقد ان كل انسان برئ لحد ما تثبت ادانتة

وحرام علينا نعامل اللى بنحبهم بشك لكن لازم نخلى دايما العقل مع القلب عشان محدش يستغلنا

وموضوع الحب موت دة مالناش ايد فية لان مافيش حد يقدر يقرر وهو غرقان فى الحب انة يبطل عشان خايف يمكن ان فية احتمال ان الحبيب يخونة لو عملنا كدة يبقى محدش حيحب حد

يعنى بالعربي كدة ماتفتشيش الجيوب قبل ما تشوفى الروج على ياقة القميص

تمنياتى لكى بحب عميق وعينين مفتحة