متضايق ؟؟ روح لطبيب نفساني .......

[dr khaled]

و قد غيرت المسار لانه مازال المجتمع ينظر نظره سلبيه الي المريض نفسيا

اسعدنى ردك يا دكتور خالد وانك قد درست حقا التخصص واحزننى فقط هذه الجملة فعشاق التخصصات المرهقة والنادرة كالطب النفسى يساهمون بعملهم فى تغيير نظرة المجتمع للمرضى النفسيين والذين غالبا ما يلجأون للانكار او عدم اللجوء للعلاج كى لا يوصموا بلقب (مجنون) هذا فى مجتمعاتنا العربية بينما احد ضرورات الحياة فى الغرب ان تجد صديقا تسر اليه ويسديك النصح وهذا دور الاخصائى الزوجى او الطبيب النفسى فى حياة معظم افراد المجتمعات الاكثر تطورا او تحضرا ان جازت المقارنة

لن اطيل عليكم سيدى وافترض انه هناك العديد من الاطباء غير سيادتك يا دكتور خالد فى هذه المناقشة فقط لا اعلم لماذا لم يتقدموا للمناقشة ؟؟؟؟

شكرا لتعبك وموضوع الاكتئاب

ادامك الرحمن بكل خير

شكرا يامصريه علي تعليقك

لكن المجال النفسي في مصر محدود جدا و النجاح فيه يحتاج لصبر و عزيمه

فسيعمل الطبيب غالبا في مقتبل عمره في مستشفيات علاج الادمان

و سيحتاج للعمل بالدول العربيه لتحسين مستقبله و انا لا استطيع السفر لاسباب خاصه

حلم المكتب الفسيح و الشيزلونج فهدا كلام افلام لا يحدث في الواقع الا في حالات نادره جدا

[Folana]

السلام عليكم ورحمة الله......

اسمحى ارحب بعودتك دكتور خالد ..انا متابعة لمواضيع حضرتك بس لم نلتقى فى اى منهم من قبل ...بس جت لى الفرصة انى اشكر حضرتك على كل مواضيعك الهائلة ..ومجهودك ووقتك ...واهتمامك...

حلم المكتب الفسيح و الشيزلونج فهدا كلام افلام لا يحدث في الواقع الا في حالات نادره جدا

بس موجود حضرتك بالفعل اسلوب العلاج ده فى مصر وبدأ ينتشر الى حد ما ..يمكن اللى بيتع الاسلوب ده دكاترة معدودينن عل ىاصابع اليد الواحدة ..لكن موجود ..ونسبة نجاح العلاج فيه طبعا اكتر بكتير من اسلوب العلاج بالعقاقير....

استاذ فلان ...ااحنا لم نسمع رأيك او نصيحتك للسائل الى الان ...ممكن نتناقش بطريقة ايجابية اكتر علشان الفائدة تعم ...مش لازم كل موضوع ينتهى كده ...ولا ايه

[ام عمرو]

اسمحولى اقولكم خبرتى الوحيده مع الطبيب او الاستشارى النفسى وقولولى تعليقكم ايه

زوجى مسافر وانا زوجه مثل الالاف الزوجات متحمله مسؤليه ولادى فى مصر لوحدى عشان خاطر المدارس وصلت لمرحله عياط مستمر وصادف انه فى عمارتى السكنيه دكتور نفسى وكل يوم كنت اقرا اليافطه بتاعته انه استشارى نفسى لمشاكل الاطفال والمشاكل الزوجيه

المهم قلت فى اليوم ده مبدهاش روحى يا بنتى جربى شوفى هيقولك ايه

بصراحه كنت قلقانه عشان احنا كشعب مش بنفهم صح وعندنا جهل فى امورنا عموما

المهم

جه عليا الدور

دخلت وبصراحه مكنتش عارفه اقوله ايه المهم حكيت مشكله واحده ولقيته بعد كده بيقولى ده شئ طبيعى واحنا كلنا عندنا ضغوط وهاتك يا كلام نفساوى انا عارفاه لانى دارسه علم نفس

اللى احلى من كده انه مسابنيش اتكلم وافضفض كان هو اللى عمال يتكلم وبس

وفى الاخر كتب دوا وخلاص وقالى تمن الكشف اللى زادنى اكتئاب يومها

وطلعت بيتى بصراحه قعدت اضحك

مع انى رايحه معيطه ومنهاره ومكتئبه اكتئاب فظيع

قلت ايه اللى انا عملته ده ولما حكيت لصاحبتى اخدت منها تريقه وضحك طبعا

مش عارفه هل العيب فينا ولا العيب من الدكتور اللى مفهمش ولا ادانى فرصه اعبر عن اللى جوايا ويساعدنى بطريقه عمليه

بمعنى يقولى اتصرف ازاى وازاى امرن نفسى على ردود الافعال زى ما بيعملوا برا :excl:

[eltayer]

دكتور خالد

اسف لتأخري في الرد ولكن الان علي اتم الاستعداد للحوار معك

وانا اشعر انه سيكون حوار هادف ونافع وممتع في نفس الوقت ليس فقط بالنسبة لي ولكن لك الاعضاء الذين يتابعون الموضوع

بخصوص ما افعله في المشاركات فهو ليس مشكله بمعني مشكله نفسية والحمد لله انا قادر علي التحكم في نفسي واعصابي بطرق

مختلفة

**********************

ذكر احد الاعضاء لماذا تشعر مصر انها احسن الدول العربيه واكبرها علي الرغم انها لا تستحق هذه المكانه

لا اعرف كيف يقول واحد مصري هذا الكلام علي بلده

الاختلاف علي الرئيس ليس مجال لكره مصر كلها واتهامها اتهامات باطله

ولعلك تلاحظ ******************************************[/color]

***********************************

*****************************

هذا ما جعلني ادخل في صدام معهم حتي حتي يشعروا ان هناك ان هناك جانب ناقص في رؤيتهم للموضوع

هذا مجمل ما افعله هذا بخصوص المشاركات في جانب السياسة

انا لا ابرر ما افعله التبرير بالنسبه لي ان افعل شئ غلط وان ابرر لماذا فعلت هذا الخطأ

اما انا لا اشعر بالخطأ عندما افعل ذلك

البعض اتهمني بالخائن لماذا لا اعرف هل من يدافع عن الوطن يكون خائن اترك الاجابه لك وللاعضاء

البعض اتهمني بالنفاق ولا اعرف ايضا لماذا في هذا الموقع لا مجال للنفاق لو اريد ان انافق كنت نافقت بعض الاعضاء هنا لمصالح شخصية

ولكني تصادمت معهم

البعض اتهمني بعدم القدره علي فعل ما اقول وهم ايضا لايعرفونني شخصيا حتي لايعرفوا ماذا استطيع ان افعل

وهناك ايضا بعض او ليس بعض احد الاعضاء الافاضل قال لي مهاجمتنا لك لاننا ظننا انك لك ظهر او مسنود

حتي لو لي ظهر هل انا احتك بكم بشكل شخصي حتي تخافوا من نفوزي انا لا اعرف كيف يفكرون

وهل ابناء الوزراء ورجال الاعمال الكبار ليس لديهم الحق في العيش والمشاركه مع الناس الاخرين لان ابائهم لهم نفوز وسلطة

وانا لم اذكر ان والدي من احد رجال الاعمال ولا وزير ولكنه رجل مصري خالص لا يملك اي شئ حتي استعرض عضلاتي بها هنا

فهو راجل عادي جدا مثل جميع المصريين في مصر

يعني لو تلاحظ اني اتهمت هنا بكل الاتهامات الموجوده داخل وخارج المنتدي

مش عاوز اطول عليك مستني الرد ولي عوده ثانية

[Folana]

السلام عليكم ورحمة الله........

يااستاذ ابراهيم.....لو سمحت..ماتغيرش مجرى الموضوع باسلوب او اخر...

مافيش داعى لمهاجمة الاعضاء ومحورة الكلام كده...الا اذا اعتبرنا انك فعلا فى عيادة وبتفضفض..

لو سمحت مرة اخرى تناقش فى صلب الموضوع ....

الادارة

[Folana]

( ادي العيش لخبازه )

فعلا وهذا ما طالبت به

مع الالتزام بالطريقة العلمية في التسلسل الذي تعلمناه case history

then examination then management

تحياتي

السلام عليكم ورحمة الله....

:wub: ...انت مكبر الموضوع قوى كده ليه يافولان يا أخويا؟.....:)......احنا مش فى مناقشة رسالة دكتوراة....وبعدين الاخ السائل ذكر عدة نقاط..ممكن يتجاوب عليها بدون تخصص...لان ماحدش كتب له دوا وقاله حتبقى كويس...دى اراء ..من اهل علم ومن اهل تجربة ...

يعنى واضح ان حضرتك دكتور ايضا...طب ماتفيدنا بخبراتك فى مجال تخصصك ..ولا لازم ندفع كشف يعنى :)

يعنى مثلا الاخت الحبيبة ام مادا لها قراءات ممكن تفيدنا بها ...ممكن انا مثلا اكون مريت بتجربة مشابهة ووصلت لحل...ممكن افيد به ..

لان مش معقول يعنى اجى استغيث بكم وأقولكم الحقونى ياجماعة عندى صداع..الاقى الرد اللى منتظرنى..روحى لدكتور...اصل الصداع ده له اسباب كتير ..ممكن..وممكن وممكن...طب ماتدونى اسبرينة الاول...علشان اعرف اسمعكم ...

ولا ايه ....الا اذا كان كلام حضرتك انا مافهمتش المغزى من وراه كويس....

صباحكم جميل ... :excl:

[أبو زياد]

كلنا فى انتظارك يا دكتور خالد

أملنا فيك كبير فى هذه الظروف فأرجو اولا أن تتعامل معنا كأخ أكبر أولا و ليس كطبيب

و أن تعطينا من وقتك الثمين و الله يجزيك عنا خيرا

من عنوان الموضوع يتضح إن أى واحد يحس بمشاعر سلبية أو بالزهد فى هذه الدنيا أن يتوجه إلى الطبيب النفسى فهل هذا صحيح؟

طبيبنا الغالى - بالنسبة للرزق و كسب العيش فهو من الله و ليس موجودا فى مكان معين بل هوالذى يأتى للإنسان أينما كان و لا يخطئه أبدا فلا تهتم و الظروف دائما تتغير و لا يتغير قدر انسان و رزقه أبدا

ربنا كدة يكبر لك الفيزيتا بس ما تبقاش تنسانا ( ابتسامة )

[فولان بن علان]

صديقي فولان ابن علان

الدكتور خالد صديق قديم بامحاورات وكل الرعيل الأول يتابعون كتابته بكل اهتمام وذلك لانه اغلب الأمر يصيب كبد الحقيقة

وكم استفدنا من خبراته الطبيه والنفسيه والتي كنت اعلم بها من قبلكم جميعا

يا عمرو باشا أنا أعرف دكتور خالد من زمان وأقدره ونقاشي معه لا يعني غير ذلك

قد تريد البحث عن شيء ما ضال لديك في اسألتك

ولكن حاول ان تتخذ لك صفا بجانبنا ولتشارك معنا في حوار مع الدكتور خالد

وهذا ما أفعله

شهدت هذه الموضوعات منذ بدايتها واعلم جيدا ان البداية والهدف الرئيسى منها هو خدمة الاعضاء وتقديم افضل النصح والتوجيه لكنى اعترض على شىء بسيط ارجو الا تجرنا اليه المناقشة

وهو التعامل بشكل شخصى مع الأمر

كلاكما عضوان متميزان واتعشم ان تقوما بمعالجة الامر بحكمة وبدون توجيه نقد ذاتى لاحدكما الآخر

التعامل لم يكن بشكل شخصي ولم يحدث ما يدعو للمعالجة من الأساس

أعتقد أنه نقاش عادي ليس فيه إساءة لأحد

فاذا وجد الماء بطل التيمم سيدى اليس كذلك

ارجو مراعاة الامر

لم أفهم المقصود بهذا الكلام

ألسنا في منتدى حواري ولسنا في عيادة

وما هو الأمر المطلوب مراعاته

إذا كان المطلوب هو عدم المشاركة في مثل هذه المواضيع إلا لأعضاء معينين فأرجو إبلاغي بذلك وسألتزم إن شاء الله

استاذ فلان ...ااحنا لم نسمع رأيك او نصيحتك للسائل الى الان

لقد قلته بالفعل

...انت مكبر الموضوع قوى كده ليه يافولان يا أخويا؟...........احنا مش فى مناقشة رسالة دكتوراة....وبعدين الاخ السائل ذكر عدة نقاط..ممكن يتجاوب عليها بدون تخصص...لان ماحدش كتب له دوا وقاله حتبقى كويس...دى اراء ..من اهل علم ومن اهل تجربة ...

أبدا مش مكبر ولا حاجة

هو الكلام لو فيه أي تناول علمي يبقي تكبير للمواضيع

وأنا أشدت بأهل التجربة ونصحت بالعرض على أهل العلم

ولا ايه ....الا اذا كان كلام حضرتك انا مافهمتش المغزى من وراه كويس....

لا يبدو إن حضرتك لم يتسنى لك قراءة كل ما كتب

لأني موافقك في الرأي

وبعد

هل مجرد مناقشة دكتور خالد فيما كتبه يعتبر تناول شخصي وانتقاص له

غريب فعلا هذا الأمر

أنا أقدر دكتور خالد جدا ونقاشي معه يدل على ذلك

وعفوا لم ينتهي الموضوع بشئ مشين لا سمح الله

تحياتي للجميع

واعتذاري للجميع إن كانت هناك حدة تفلتت مني

تم تعديل 6 نوفمبر 2006 بواسطة فولان بن علان

[Folana]

يا طاير باشا .....يا استاذ طاير ..بالله عليك ماتخرجنى عن اعصابى ...

مداخلتك حتتشال كلها على فكرة بس بعد ماتقلرأ الرد...

ايوه ياطاير انت بتغيير الموضوع ...وايوه انت بتحاول تستفز اللى بتحاوره ..سواء معاك حق ولا لأ ..اسلوبك استفزازى جدا على فكرة ...ومش حاكمل رد عليك لانى مش عايزة ازعلك ..كعضوة وكبنى ادم ..مش كمشرفة ...بلاش اسلوب التهكم بتاعك ده لانك مش لوحدك اللى بتعرف تتكلم على فكرة ..انت ماجربتنيش قبل كده ...ونصيحة اخيرة برجاء اتباع نصيحة الاخ الفاضل فلان..وبدل ماتعرض مشكلتك النفسية هنا ..تقدر تسأل عن متخصص

وبرضه

الادارة

السلام عليكم ورحمة الله....

معذرة يا استاذ فلان ...ماكنتش موجودة امام الكمبيوتر...

مافيش مواضيع حكر على مجموعة من الاعضاء دون غيرها..وحضرتك فاهم كده كويس جدا...لكن لما مجموعة كبيرة من الاعضاء يتبادر اليها نفس الشعور...واللى وضحته لحضرتك على الخاص..يبقى لابد اى حد من الاعضاء دول ينبهوا المتحدث...ده من باب العشم والزمالة وحسن المعاملة وحاجات كتير فى مكارم الاخلاق بعيدة كل البعد عن اللى حضرتك بتتكلم عنه ..

لكن مادام حضرتك اوضحت المغزى من كلامك ..يبقى احنا اللى بنعتذر لك على سوء فهمنا ...

بس ارجو ان تراعى ان ممكن ناس تفهمك غلط تانى ..يعنى انا عندى ميدأ صغير كده دايما باضعه فى الاعتبار..." خاطب الناس على قدر عقولهم"...بمعنى ان مش كلنا دكاترة ومش كلنا فلاسفة ومش كلنا مثقفين...يبقى يفضل اختيار الالفاظ اللى مالهاش معنيين ...بس كده

وحقك على ياسيدى مرة تانية ...وفى انتظار باقى ارائك ..

فلانة.

[أبو زياد]

السلام عليكم و رحمة الله

أرجو ان تتسع صدوركم لكلمة حق من متابع للموضوع

أنا متهيألى إننا مش حنتلاقى أبدا غير فى عيادة د . خالد ( ابتسامة )

يا جماعة إيه العصبية دى ؟

العصبية مرفوضة من أى طرف و من اى جانب سواء عندة سلطة او ماعندوش

وانت يا أستاذ طاير إسمح لى بلاش اسلوب التهكم مع ابداء الرأى

لا أحد يمنعك من إبداء رأيك و الرأى المخالف دائما يشكل إضافة ولا ينقص من قيمة الفكرة إن كان بأسلوب مقبول -

مرة ثانية مرحبا بك لإبداء اى رأى تراه بكل احترام----بكل احتراااام--- وانا مش شايف أبدا إنك قلبت الترابيزة على حد

ولا اتدلق عليا عصير و لا حاجة !!! وماحدش زعلان منك !!

لأ كلنا حلوين و كويسين و بنحترم بعض جدا و بنحترم الرأى الآخر و إحنا اللى معينين المشرفين عشان يساعدونا و يخدمونا و كتر خيرهم حتى لو شافوا أحيانا أى حذف برضه كتر خيرهم و المصلحة العامة تغلب على أى رأى أو فكرة

ياااارب يكون وصل كلامى لجميع الأطراف و جزاكم الله كل خير

[صبح]

أستاذ الطاير

أسلوبك غير مقبول على الإطلاق لا مع الأفراد ولا مع الإدارة

برجاء مراجعة نفسك ومراجعة ما تقوم بكتابته قبل أن تكتبه

وأعتقد أن هذه هي أفضل نصيحة نفسية من الممكن توجيهها في هذا الموضوع

وبم أن مداخلتك قد تم حذفها فسأكتفي بهذا القدر

الإدارة (بالأحمر)

السلام عليكم و رحمة الله

أرجو ان تتسع صدوركم لكلمة حق من متابع للموضوع

أنا متهيألى إننا مش حنتلاقى أبدا غير فى عيادة د . خالد ( ابتسامة )

يا جماعة إيه العصبية دى ؟

العصبية مرفوضة من أى طرف و من اى جانب سواء عندة سلطة او ماعندوش

وانت يا أستاذ طاير إسمح لى بلاش اسلوب التهكم مع ابداء الرأى

لا أحد يمنعك من إبداء رأيك و الرأى المخالف دائما يشكل إضافة ولا ينقص من قيمة الفكرة إن كان بأسلوب مقبول -

مرة ثانية مرحبا بك لإبداء اى رأى تراه بكل احترام----بكل احتراااام--- وانا مش شايف أبدا إنك قلبت الترابيزة على حد

ولا اتدلق عليا عصير و لا حاجة !!! وماحدش زعلان منك !!

لأ كلنا حلوين و كويسين و بنحترم بعض جدا و بنحترم الرأى الآخر و إحنا اللى معينين المشرفين عشان يساعدونا و يخدمونا و كتر خيرهم حتى لو شافوا أحيانا أى حذف برضه كتر خيرهم و المصلحة العامة تغلب على أى رأى أو فكرة

ياااارب يكون وصل كلامى لجميع الأطراف و جزاكم الله كل خير

جزاك الله خيرا يا أستاذ أبو زياد

برجاء الإستمرار في النقاش وبدون تغيير مسار الموضوع الأصلي

الإدارة

[dr khaled]

دخلت وبصراحه مكنتش عارفه اقوله ايه المهم حكيت مشكله واحده ولقيته بعد كده بيقولى ده شئ طبيعى واحنا كلنا عندنا ضغوط وهاتك يا كلام نفساوى انا عارفاه لانى دارسه علم نفس

اللى احلى من كده انه مسابنيش اتكلم وافضفض كان هو اللى عمال يتكلم وبس

وفى الاخر كتب دوا وخلاص وقالى تمن الكشف اللى زادنى اكتئاب يومها

وطلعت بيتى بصراحه قعدت اضحك

مع انى رايحه معيطه ومنهاره ومكتئبه اكتئاب فظيع

قلت ايه اللى انا عملته ده ولما حكيت لصاحبتى اخدت منها تريقه وضحك طبعا

مش عارفه هل العيب فينا ولا العيب من الدكتور اللى مفهمش ولا ادانى فرصه اعبر عن اللى جوايا ويساعدنى بطريقه عمليه

بمعنى يقولى اتصرف ازاى وازاى امرن نفسى على ردود الافعال زى ما بيعملوا برا :excl:

:) :) :D

كان المفروض انه هو اللي يدفع ثمن الكشف

مش استريح و قعد يتكلم براحته

طب نعمل ايه .....

لازم تحاولى التغلب على خجلك...ببعض الاسترخاء..تتذكرى ايه هى المواقف اللى اصابك خجل فيها وتجهزى نفسك لردود افعال مناسبة لو اتعرضتى للمواقف دى مرة اخرى...

انت عندك خبرات سابقة جعلتك دائما تتوقعين ان تصدر عبارات محرجة من الاخرين وبالتالى متوقعة الشر دايما وبتحاولى انك تسترضى الاخرين فى محاولة دفاعية منك لكسب ودهم علشان ماحدش يحرجك بكلمة

وده مش بيحصل ..لان الرسالة مش بتوصل لهم بنفس المعنى ..وماحدش حيطبطب عليك لانه فهم من عينيك انك خجولة..على طول حيفهموا انهم الاقوى وبالتالى حيمارسوا عليك ضغوط نفسية ..زى الموظفة بتاعة المرور ولا الموظف ده..

فى حين انك لو كنت حمرتى لها عينك وعلتى صوتك كانت حتكش ملك فورا ...

طبعا خوفك الاجتماعى ده وقلقك بيؤدى الى انخفاض قدرتك على الاداء وعلى التفكير وبالتالى بتلاقى الموقف خرج عن السيطرة..

اوعى تفتكرى ان فيه حد حيقول اصلها خجولة ومؤدبة يبقى نحافظ على شعورها لا طبعا ..حطى فى اعتبارك ان ده مش حيحصل...يبقى الحل اللى قدامط انك تعيش طول عمرك بالخوف الاجتماعى ده..وبالتالى بتخسرى..وبالتالى صورتك امام ابنائك حتكون مش ظريفة ...وحيورثوا منك الخوف ده..

لازم تكسبى مهارات اجتماعية ...بداية من طريقة حديثك مع الاخرين واسلوب المعاملة وفرض وجودك ..يعنى ماتكونيش دايما متلقية ...

...جهزى ردود فعل مسبقة..يعنى مثلا لو قلت كذا وردت على قالت كذا..حاروح متصرفة بالطريقة دى ...واظن ان عندك خبرة كافية بالمواقف المحرجة لك...

..ابدأى القراءة حول هذا الموضوع ..علشان تقدرى تستبصرى بحالتك وتعالجيها

قومى بعمل تمثليات مع نفسك وتخيلى انك بتردى على حد احرجك ...وده بيسموه التكرار السلوكى

واجهى المجتمع وماتخافيش ....مش عايزة اطيل عليك ..لان الكلام فى موضوع المخاوف الاجتماعية ده يطول شرحه..

بس تأكدى ان ماحدش حيتعاطف معاك..لازم انت اللى تقوى نفسك وتبينى انيابك وقت اللزوم...

وماحدش حيعملك تمثال علشان انت مهذبة وخجولة وخدومة ..بالعكس حيدوسوا على راسك...

وفجاءة حتكتشفى انك كنت بتحاربى طواحين الهوا.....وانك لوحدك ..وماحدش حيفتكر لك اى موقف جميل....

حاكمل معاك بعد شوية لانى تعبت من الكتابة...

مقدمه

فلانة كيشوت....

اعجبني جدا هدا الرد من فولانه :wub:

ياريت تعيدي قراته مره تانيه

و تعالي نجرب مع بعض فكره جديده

انك تكلمي نفسك بصوت عالي

ايوه تقعدي في حجره لوحدك لمده ربع ساعه و كلمي نفسك بصوت عالي

قولي اي حاجه تيجي في عقلك ( عاتبي الموظفه التي اغضبتك . اشكي لزوجك من الدي يحدث. احكي له عن حجم المسؤليه الكبيره الملقاه عليك . عايزه تتخانقي معاه ؟ مافيش مشاكل . اتكلمي ... اتكلمي )

تحياتي

[ام عمرو]

انا قريت كلام فولانه كويس بس لالاسف انا افتقد ساعات لسرعه البديهه خاصه عند حدوث الموقف وممكن بعد كده اقول لنفسى كان المفروض اقول كذا او كذا فعلا انا اعانى من انخفاض قدرتك على الاداء وعلى التفكير وبالتالى بتلاقى الموقف خرج عن السيطرة..هو ده فعلا كلام فولانه اللى حددت المشكله ولو ان التمرين حاسه انه صعب اداءه بس اشكركم على مواجهتى ومعرفتى بنفسى اكتر لسرعه وتعديل الذات لالافضل

[بنت من مصر]

دكتور خالد :

كيف نعرف ما إذا كان ما نعانى منه هو حزن أم إكتئاب؟

وهل الحزن الشديد يؤدى فى نهاية المطاف إلى إكتئاب؟

هل يوجد حزن مزمن مثل باقى الامراض المزمنة؟