الشيوعيون

[refii]

انني أسأل السادة الاعضاء بعد ان قرأت عن الشيوعية و كارل ماركس

هل هناك ناس وصلت بهم البلاهة بأن يؤمنوا بهذه الاراء الغبية لماركس

!!!!!

و هل هناك فعلا مصريون شيوعيون

أنا لا أصدق

[disappointed]

و هل هناك فعلا مصريون شيوعيون

أنا لا أصدق

هناك مصريين يدّعى البعض عليهم أنهم شيوعيّون

وبغض النظر عن سبب هذه الادّعاءات سواءا اذا كانت خصومه أو تعارض فكرى أو أى سبب آخر , فان  رد من يدّعى عليهم بأنهم شيوعيّون والذى يوجّه الى من يدّعون عليهم ذلك لا أعتقد أنه يخرج عن قول الله عز وجل فى الآيه السادسه والعشرون من سورة سبأ :

"قل يجمع بيننا ربّنا ثم يفتح بيننا بالحق وهو الفتّاح العليم"

ونسأل الله الهداية للجميع

[freefreer]

عزيزى .. اذا كنت ستتكلم عن الشيوعيين من منظور دينى .. فعذا الموضوع سيبقى هنا .. اما اذا كان من منظور سياسى .. فسأنقله الى السياسة .. فأرجو الأيضاح ..؟

نعم هناك شيوعيين فى مصر .. و هناك حزب شيوعى ايضا

و يمكن لكم الأطلاع على المزيد من هذا فى مناقشة ذات الموضوع فى المنتدى هنا

http://www.egyptiantalks.org/cgi-bin....l=?????

Edited By freefreer on سبتمبر 27 2002 5:08pm

[Cleo]

عزيزى فرى فرير...

هل يوجد أحزاب فى مصر؟؟؟؟  :cool:

[wahed_masry]

السلام عليكم

سؤال

هل من المنطقي مناقشة الشيوعية من منظور ديني؟؟

رجاء التفكير قبل الاجابة

ورجاء عدم الاعتماد على ال(ستريو تايبس ) المعروفة والتي لاداعي لذكرها

تحياتي

واحد مصري

[ابو حلاوه]

الكتابة علي الكي بورد صعبة جدا في الاول بس بصراحة لقيت الموضوع يستحق المعاناة

انا مش عارف احنا هنحط امتي خط ما بين الدين و ما هو ليس دين

[ابو حلاوه]

الشيوعية مجموعة افكار و فلسفات سياسية و اقتصادية انا لما كنت في الجامعة كنت معجب جدا ببعض الافكار مثلا حكاية البناء الفوقي و التحتي مكنتني من قراءة الدين بشكل خلاني اومن اكتر و التفسير المادي للتاريخ اعتقد انة سمحلي من روية الامور بشكل مختلف انا بس لو نقدر نشوف الامور بعيد عن الابيض و الاسود لان اي حقيقة معظم الاحوال ما بينهم

[ابو حلاوه]

الشيوعية كفكر سياسي اضافت ابعاد جديدة لكن كان لازم تنتهي بالفشل. لاسباب كتيرة انا المهم ان التاريخ هيتذكرها زي افكار تانية كتير اتولدت و ماتت في تاريخ الانسانيه

[freefreer]

نقل للسياسة بمعرفتى ..

[freefreer]

عزيزى فرى فرير...

هل يوجد أحزاب فى مصر؟؟؟؟  :cool:

عزيزتى كليو .. نعم رسميا على الأقل .. و ان لم يكن لهم فعل ..  ;)

[wahed_masry]

شكرأ

[freefreer]

انت تؤمر يا باشا ..  :inlove:

[wahed_masry]

مشهد من فيلم عربي

الحكاية

واحد مجهول الهوية وفاقد الذاكرة

ونشرت صورته في الجريدة فتعرف عليه أحدهم وجاء لمقابلة ضابط المباحث

فدار بينهما الحوار التالي

-انت اسمك ايه

* أنا يابيه، ابراهيم القشاط

-تعرف الراجل اللي في الصورة  ده

*أمال يابيه ، دا يابيه كان زميلي 3 سنشن أكلين شاربين نايمين سوا ، حاكم يابيه العشرة برضه ما تهونش

-كان زميلك فين بأه

*لا مؤاخذة يابيه يعني في أبو زعبل ، حكم أنا كنت ضيف هناك مدة كدة

شقاوة بعيد عنك، الله يجازي ولاد الحرام

بس يابيه دلوقتي خلاص ربنا تاب علبنا الحمد لله

-بأه الراجل ده كان معاك في أبو زعبل

*أيوة يابيه، الاستاذ حسن محمود يابيه ، هو يابيه هو بعينه ، حكم يابيه العشرة ما تهونش

-الاستاذ حسن محمود، طيب قولى يا ابراهيم ، كان بيشتغل ايه ، وكانت تهمته ايه

*أنا يابيه فهمت أنه يعني كان جرنانجي ـ بس كدة على باب الله يعني بيكتب كدة حلواني يعني

-يا سلام ، وكانت تهمته ايه بالضبط

*والله يابيه مافتيش أوي في الحتة دي يعني بس فهمت أنه كان يعني مزعل الحكومة يابيه ، لا بس أنا قلتله ارجع يا استاذ حسن مايصحش ، حدش يزعل الحكومة

-يعني معتقل سياسي

*تقريبا كدة يابيه

-وبعدين

*هو يابيه كان ابن حلال اوي وكان جدع ، ويعزني اوي ، بس يابيه كان بيقولي كلام كتير مافهموش ، بس ايه كان حبيبي وسره كله عندي

-كلام ما تفهموش زي ايه؟

*يعني يابيه كان يقولى يا ابراهيم انت واللي زيك ضحية ، كل البولي--حاجة كدة ضحية

-البولي حاجة دي تطلع ايه

*والله يابيه ما فسرش، بس انا اطأست وفهمت كدة يعني انه قصدة الناس الغلابة يابيه ، مش هي يعني كدة يابيه؟

-طب وانت كانت علاقتك بيه ايه

* كان حبيبي و لو ان في الاول كدة يعني ، انما ايه ما محبة الا بعد عداوة يا بيه

-ازاي يعني

*أول ما شرف يابيه كنت يعني كدة متهيبه خصوصا انه كان على طول ساكت ، وخصوصا بعد ما حذروني منه

-مين اللي حذروك وقالولك ايه

* قالولي انه مزعل الحكومة والعين عليه حكم انه من الناس اللي بتمشي ع الشمال ، الحق يابيه ، أنا ساعتها ما فهمتش وقلتله شمال ايه ويمين ايه ، الواحد يمشي مطرح ما الحكومة تقول أه ، بس انا عمري ما سمعت ان الحكومة قالت للناس يمين والا شمال

قام التاني برضه وعاني ، قالي ان الناس الشمال دول مضحوك عليهم ومخهم راكب شمال وكمان يعني انهم يعني

-يعني ايه يا ابراهيم

*يعني يا بيه كدة استغفر الله العظيم

-مالهم؟

*ما يعرفوش ربنا يا بيه

-والله

*الاكادة يابيه ، ان أنا بعد اسبوع م الكلام دة قمت ليلة لاقيته واقف بيصلي

-وبعدين

*وبعدين يا بيه أنا قدرت ان هو تاب يعني من موضوع الشمال دة ومخه رجع تاني عدل زي بقيت الخلق

الغرض ، من ليلتها بقينا صحاب يا بيه

-صحيح

*بس ايه أنا عمري ما جبتله سيرة الكلام اللي أنا سمعته ، أنا قلت أدام تاب ، خلاص

-لا عداك العيب

*بس يابيه علمني حاجات كتيرة يابيه ، أي نعم نصها مش فاهمها ، بس علمني اكتب جوابات للبت بطة جماعتنا ، حكم يابيه انا برضه متعلم ، بس في موضوع الجوابات يعني مش قد كدة

-يعني متأكد ان صاحب الصورة دي حسن محمود ، بص تاني

*عيب يابيه دول 3 سنين عيش وملح يابيه

-طيب انت طبعا عارف انه فاقد الذاكرة

*امال يابيه مش داري بروحه ، هو لو ماكنش موضوع المشي الشمال ده ـ أهو لحس مخة يا ولداه ، معلش ربنا كريم

.................

تحياتي

واحد مصري

[freefreer]

هاهاهااهاها .. رائعة فعلا .. يا ترى جايبها منين ؟ .. أوعى تكون مألفها .. احسن مش حنسيبك .. هاهاهاها

:inlove:  :inlove:  :inlove:  :inlove:  :inlove:  :inlove:  :inlove:  :inlove:  :inlove:  :inlove:  :inlove:

[wahed_masry]

شكرا يا أمير

يعني

من وحي ما اريد قوله

أي شئ يوصل المعنى

[freefreer]

الله !!!!!!!! .. يعنى مألفها ؟

احنا عندنا ادباء فى المنتدى و مش حاسين و لا ايه ؟ :notify:  :notify:

[wahed_masry]

يا سيدي لا ادباء ولا حاجة

أخجلتم تواضعنا

الحمد لله أن أعجبتك ووصلك مضمونها

[wahed_masry]

على فكرة

للأمانة

الفكرة مقتبسة مع بعض التعديل

[freefreer]

كب م تقتبس واحدة كمان

[wahed_masry]

انت تأمر

بس أدرك شهرزاد الصباح

غدا يا مولاي

وأن غدا لناظره قريب