هل صحيح المصريين بيقفوا جنب بعض في الغربة

[eltayer]

انا جيت دبي من حوالي شهريين وكنت فاكر انا المصريين هناك رجالة هما طبعا مش كلهم بس في الحقيقة كل الي انا قابلتهم طلعوا مش رجالة

ولو عوزين تعرفوا حكاوي المصريين ومقالبهم في بعض انا ممكن احكلكم ويريت لو حد عندة حكاية عن المصريين في دبي يبعتهالي

تم تعديل 24 يوليو 2006 بواسطة عصام شوقى

[صبح]

انا جيت دبي من حوالي شهريين وكنت فاكر انا المصريين هناك رجالة هما طبعا مش كلهم بس في الحقيقة كل الي انا قابلتهم طلعوا مش رجالة

ولو عوزين تعرفوا حكاوي المصريين ومقالبهم في بعض انا ممكن احكلكم ويريت لو حد عندة حكاية عن المصريين في دبي يبعتهالي

هو الغربي مش متأكد... :angry2:

بس الشرقي أكيد... :angry:

راجع الموضيع السابقة..........علشان ما تتوهش :blink: :angry:

[مومو الامور]

يا اخى صح الراجل قصدة الغربه

احنا مش فى حصه املاء وبعدين هوا كلامه صح

انا شخصيا مش مورطنى غير المصريين فى الغربه وشاهدين على شهادات زور فى محاكم شرعيه يسبقها قسم غليظ

والواضح انهم مش فاهمين ان القسم دة اشد من السجن

ولكن لا نقول غير الله يهديهم ويرزقهم حلال

مومو الامور

[Diab]

علي فكرة دي حصة إملاء فعلا

كثرة الأخطاء الإملائية مشكلة كبيرة

[eltayer]

صحيح هي مش حصة املاء بس طبعا هي خطأ ان الواحد يكتب خطأ وخصوصا العربي بس ده راجع لان انا من مهام وظفتي اني اصحح الاخطاء الاملائية لا معظم الموظفين هنا هنود مبيعرفوش عربي بس انتوا مسكتوا في حاجة ومتكلمتوش في الموضوع الرئيسي

[أسد]

هذا الكلام بالتأكيد غير صحيح ..

أنا أعيش خارج مصر منذ أكثر من 18 عاماً ..

المصريين من حولي ناس محترمين في أغلبهم .. ومتعاونون ..

وأنا شخصياً من موقعي لا أتوانى في مساعدة أي مصري أجد له سبيل للمساعدة ...

وأعتقد أن هذا الكلام غير دقيق .. وفيه تجني كبير على المصريين ..

صحيح أنهم غير متكتلين .. وليس لهم رابطة مثل السودانيين .. ولا يتآمرون ويتحالفون مثل الهنود والفلبينيين .. وصحيح أنهم لا يقصرون الوظائف الهامة في الشركات التي يديرونها على أنفسهم مثل الفلسطينيين والسوريين واللبنايين ..

ولكنهم .. أفضل مما تتصور .. ومما يتصور الكثيرون .. ومما يشاع عنهم ..

ظلماً ..

[hopsan]

هذا الكلام بالتأكيد غير صحيح ..

أنا أعيش خارج مصر منذ أكثر من 18 عاماً ..

المصريين من حولي ناس محترمين في أغلبهم .. ومتعاونون ..

وأنا شخصياً من موقعي لا أتوانى في مساعدة أي مصري أجد له سبيل للمساعدة ...

وأعتقد أن هذا الكلام غير دقيق .. وفيه تجني كبير على المصريين ..

صحيح أنهم غير متكتلين .. وليس لهم رابطة مثل السودانيين .. ولا يتآمرون ويتحالفون مثل الهنود والفلبينيين .. وصحيح أنهم لا يقصرون الوظائف الهامة في الشركات التي يديرونها على أنفسهم مثل الفلسطينيين والسوريين واللبنايين ..

ولكنهم .. أفضل مما تتصور .. ومما يتصور الكثيرون .. ومما يشاع عنهم ..

ظلماً ..

اسد انت فعلا اسد

معظم حياتى كانت غربه فى تغرب ...إما وظيفه او هجره

و لمست فى الغربه هذا و ذاك و لكن ليس من الإنصاف أن اعمم على انهم من السؤ ليكونو ظاهره ...و من يدقق فى الحاله المصريه هناك ...تجد الآتى ...المصرين فى الغربه لا يمكن ان يطلق عليهم مجتمع بالمعنى المفهوم او اللوبى مثلما ذكرت الهنود و الباكستانين و غيرهم و لكن مجتمهم صغير جدا و يقتصر على الشلليه او عدد محدود من الأصدقاء و تجد بينهم تعاون يحسدهم من يراهم و هنا اقول ان العاطفه المصريه الجياشه تظهر و تنكشف فى حاله تعاون مجموعه قليله من المصرين ...و هم فى الغربه ايضا لا يبحثون عن بعضهم و انما يتلاقون صدفه و عندها تبدأ الصداقه سريعا

أؤيد تصحيح بعضنا لبعض ..حتى لو كنا فى غير حصه الإملاء ...فلا يصح ان يكون راجل طويل عريض و لسه لا يعرف كنابه الحروف العربيه ...و العذر انه كتب فى عجله من امره هذا ليس بعذر فحتى اقرأ له عليه ان يحترمنى و يعيد قراءه ما كتبه و يصحح لنفسه قبل ان يطلقها للعامه ...و لا يحنق لمجرد ان صححت له خطأ فالذنب ذنبه ولا استثنى نفسى من هذا ...مع التحيه

[المدهش]

مللنا بصراحة من هذا التعميم السطحي والهجوم الأهوج الذي أصبح ينم عن مازوكية واضحة و رغبة عارمة في تعذيب الذات وتحقير المصريين لأنفسهم بدون سبب..ويقابل ذلك على الجانب الآخر إحساس زائف بجنون العظمة عند آخرين..وبعدين كلمة ماطلعوش رجالة هذه، أيضاً كلمة غير مناسبة تدل على رومانسية ساذجة، فما هي معنى الرجولة في نظرك يا أخي..وهل لأن أحدهم رفض إقراضك بعض المال أو استضافتك في بيته مثلاً..يبقى مش راجل..كفايانا تقطيع في هدومنا..وكفانا ترديد لاشاعات غير حقيقية عن أنفسنا..

[مومو الامور]

هههههههههههههههههههه انتا مدهش يا المدهش

جميل اوى المصطلحات البازوكيه اللى استعملتها فى الرد على الاخ اللى سأل

وجميل اوى اننا نرد على الناس بنفس اسلوب سؤالهم لان مش كل الناس علماء فلك ولا هم كلهم فلاحين

للايضاح

[لكلوك]

انا عشت في الغربة فترة طويلة والله احنا العن ناس مع بعض برة بس في ناس بتشذ عن القاعدة دي وبيساعدوا بعض قليل يعني.

[Alshiekh]

بلاشك تختلف طباع الناس تبعا للبيئة التى نشئوا بها ، ولكن من تجربتى فالمصريين لايتأخرون عن تقديم المساعدة قدر مايستطيعون لمن يحتاج ذلك ، ومعهم العرب ايضا ، ولكن بلا شك المصرى سيكون هو الاقرب للمصرى وهكذا اللبنانى والسورى والفلسطينى.

ويجب ان يضع كل منا فى اعتباره الآية الكريمة " لايكلف الله نفسا الا وسعها ...... "

ولكن النقطة التى يعانى منها البعض تأتى من ان يكون الشخص طالب الخدمة قد قدم الى البلد بدون اوراق صحيحة أو بدون عمل أو ما إلى ذلك ويتوقع ان يجد من الآخرين المساعدة فى الحصول على عمل أو توفير سكن أو ماشابه ذلك.

فمثلا معظم الوافدين الجدد لايملكون سيارة وفى الغالب لاتتوافر وسائل مواصلات كما تعودنا فى مصر ، فيتوقع او يتعشم ان زميله المصرى ملزم بحمله من والى عمله يوميا ، طبعا يمكننى ان اقوم بمثل هذه الخدمة ، ولكن هل يتخيل طالب الخدمة كم سأعانى حتى اغير برنامج حياتى؟

المشكلة ان معظمنا يسافر بدون ادنى معرفة بطبيعة المكان المسافر اليه ولا بطبيعة العمل ولا المعيشة وبعد ذلك ينتظر ان تقدم له تلك الخدمة والا وصم المصريين بالنذالة وعدم الرجولة.

عموما قد نتخيل ان الجاليات الأخرى افضل حالا منا ، ولكن اذا عشت بينهم ستجد انه لافرق بين جالية وأخرى ، ببساطة لاننا جميعا بشر!

[أسد]

انا عشت في الغربة فترة طويلة والله احنا العن ناس مع بعض برة بس في ناس بتشذ عن القاعدة دي وبيساعدوا بعض قليل يعني.

هذا كلام كله إفتراء ..

سأعطي لك مثالاً ..

منذ فترة كنا في حاجة لتعيين عدد 3 موظفين بمؤهلات ومواصفات محددة ..

قمنا بنشر إعلانات في الصحف ..

قابلنا عشرات الأشخاص .. وكان أهم معيار للتصفية هو أن يكون مصري ..

ثم من بين المصريين المتقدمين بجد المؤهل منهم ..

قابلنا عشرات .. ووظفنا واحد فقط من ضمنهم لأنه هو الوحيد الذي كان مؤهلاً للوظيفة ..

ومن ثم قال عنا العشرات من غير المؤهلين للوظيفة .. أصلهم كده .. هم المصريين ما بيساعدوش بعض ...

وتسري العبارة كما النار في الهشيم ..

وهذه إشاعة أطلقها الفاشلون في الغربة ليبرروا فشلهم .. وأن المصريين القدامى لم يساعدوهم ..

وأكاد أن أجزم بذلك ..

وإلا إذا كان لك رأي مخالف ..

فأنا هنا .. ماذا تريد مني أن أفعل لك ... ولم أفعله فتشهر بي هكذا ...

أو إشرح تجربة منطقية وواقعية .. وليست كمثال ..

فهنا لا نحتاج إلى أمثلة شاذة .. أو حتى قليلة التكرار .. أو شخصية ...

قل لنا بعض من تجاربك السلبية لنحكم على تقييمك هذا ...

[لكلوك]

(وهذه إشاعة أطلقها الفاشلون في الغربة ليبرروا فشلهم .. وأن المصريين القدامى لم يساعدوهم ) اختلف معك يا اخ اسد في ذلك فانا عشت فترة طويلة في الامارات وكنت اعمل في شركة مقاولات كبيرة في الشارقة مملوكة لفلسطيني يحمل الجنسية الاماراتية-مع كامل احترامي لكل الفلسطينيين الشرفاء عشان ما اتفهمش غلط اللي كان معظمهم احسن عشرة في الغربة والله- كنا في الشركة دي مصريين وفلسطينيين وسوريين الراجل كان لما ييجي يطلع زرابينة يطلعها علي المصريين ما يجرؤش يطلعها علي بقية موظفين الشركة من الفلسطينيين والسوريين لانه كل واحد من الجنسيتين يقف معاة ابن بلدة واحنا المصريين لما ييجي يتكلم مع حد منا كلة يقولك ما ليش دعوة اذا ما كانش ساعات البعض يفقع ذنب في التاني بس واضح انك اتعاملت مع مصريين من الفئة القليلة في الغربة عشان كدة بتحكم الحكم دة يعني الاتهام بالفشل منك لكل من اشتكي الشكوي دي غلط لاني جربت دة بنفسي.

[أسد]

اختلف معك يا اخ اسد في ذلك فانا عشت فترة طويلة في الامارات وكنت اعمل في شركة مقاولات كبيرة في الشارقة مملوكة لفلسطيني يحمل الجنسية الاماراتية-مع كامل احترامي لكل الفلسطينيين الشرفاء عشان ما اتفهمش غلط اللي كان معظمهم احسن عشرة في الغربة والله- كنا في الشركة دي مصريين وفلسطينيين وسوريين الراجل كان لما ييجي يطلع زرابينة يطلعها علي المصريين ما يجرؤش يطلعها علي بقية موظفين الشركة من الفلسطينيين والسوريين لانه كل واحد من الجنسيتين يقف معاة ابن بلدة واحنا المصريين لما ييجي يتكلم مع حد منا كلة يقولك ما ليش دعوة اذا ما كانش ساعات البعض يفقع ذنب في التاني بس واضح انك اتعاملت مع مصريين من الفئة القليلة في الغربة عشان كدة بتحكم الحكم دة يعني الاتهام بالفشل منك لكل من اشتكي الشكوي دي غلط لاني جربت دة بنفسي.

ما تقوله كمثال هنا لا يعني أننا ألعن ناس .. كما ذكرت سابقاًَ

[لكلوك]

( انا عشت في الغربة فترة طويلة والله احنا العن ناس مع بعض برة بس في ناس بتشذ عن القاعدة دي وبيساعدوا بعض قليل يعني) اشاركك في رأيك بأني كنت غبي في الأسلوب أخي العزيز أسد وفعلا إحنا الشعب بتعنا طيب وكويس جدا بس النظام الله يجحمة نجح في تلويثة وخلي مبدأنا كل واحد يفكر في نفسة بس. تحياتي لك

[eltayer]

ياجماعة انا لما عرضت الموضوع مكنتش عاوز فلوس من حد ولا عاوز حد يوصلني الي اي مكان انا هنا في شغلي عندي وسائل المواصلات ومرتبي والحمد لله اكبر من المصريين الي معي في الشغل يعني دي مش المشكلة المشكلة ان كل واحد منا عايش لوحد علي الرغم ان كلنا في غرفة واحده محدش بيكلم بعض ومعي هنا هنود كلك بيكلموا بعض وبيحبوا بعض اما احنا كمصريين بنغير من بعض وانا لو كان عجبني الوضع ده مكنتش عرضة للمناقشة انا هنا مكسوف من الهنود وهما بيسئلوني انتوا ليه بتتعركوا مع بعض علطول كده حتي ان بعضهم قالوا ان كده ممكن تسيبوا الشغل بصراحا احنا هنا منظرنا شكله غلط علي الاخر وبعدين انا معممتش وقلت ان بعض المصريين مش رجالة ودي مش رمانسية دي حقيقة واكيد كل واحد منكم في الغربة قابل واحد كده وواحد كده انا هنا احظي مقبلتش غير الفئة دي فقط وده كان حكمي من الوجهة دي فقط علي الرغم ان اعرف ناس مصريين رجاله بصحيح في الغربة

وعلي فكره الاخطاء الاملائية كثير من الناس يقع فيها وخصوصا علي النت لسرعة الكتابة والاخ الذي قال انا لازم يحترمنا ويراجع قبل الكتابة والعرض هو ايضا عنده اخطاء املائية كثيره

[أسد]

المصريين في الغربة شريحة من الشعب المصري .. بكل إيجابياته وسلبياته ..

وما تراه في الغربة من سلبيات هي نفسها بعينها موجودة داخل مصر ..

بل على العكس ..

إن المصريين في الغربة هم أرق شعوراً .. وأقل عصبية .. وأقل إستغلالاً .. وأفضل حالاً عما هم عليه داخل مصر ..

وهذه حقيقة مؤكدة ....

والمصريون يختلفون في عاداتهم حسب المناطق التي أتوا منها ..

وينعكس هذا على تصرفاتهم وإندماجهم أو عدم إندماجهم مع بعض ..

[أحمد عمر]

صوابعنا مش زي بعضها

وعن نفسي ، انا شفت مصريين في الغربة ، اكره اني اكون مصري

وشفت مواقف من مصريين لم ارها من اخواني

الوضع العام لا يبشر

وإنما هناك نماذج مشرفة

والامثلة كثيرة وليس هناك مجال لذكرها

[medo79]

السلام عليكم و رحمة الله و بركاته

اسعدنى جدأ عنوان الموقع و التسجيل فيه و انا و احد من اخوانكم المصريين فى الغربة بالسعودية يشرفنى ان اتقدم باول مشاركة لى فى هذا الموضع .

اللى عاوز اقولة ان ليس كل المصريين و لا السودانيين و لا السوريين و لا حتى باقى الجنسيات كلهم بيكونوا اخوان و يقفوا و يترابطو مع بعض فى الغربة و لكن بالنسبة للمصرين و الله انهم افضل جنسية فى الغربة تقف مع الغريب و القريب و ذلك لان طباع المصرى طيب من داخلة و لكن للاسف السيئة تعم و الاساءة لهم فى الغربة خاصة لان ليس لدينا وطن يحمى شبابه من الاغتراب و المحافظة عليم بل الحال يزداد سواء و للعلم افضل كفاءات فى الغربة هى المصريين و ماتستغربوش لكلمة ليس لدينا و طن ( شباب مصر ضائع )

[ياسر ابو احمد]

السلام عليكم ورحمة الله وبركاته .. في البدايه شدني العنوان " هل صحيح المصريين بيقفوا جنب بعض في الغربة" وعندما قرأت كل ما نشرتموه اردت ان ادلي بدلوي انا الاخر في هذا الموضوع .. من سياق طرح المواضيع والرد عليها تأكدت من ان كل الذين كتبوا هم من المصريين قولا وفعلا .. اختلاف في الرأي .. نقد لازع للذات و للاخرين .. سلبيه .. عدم انتماء واضح .. الاخ اللي كان بيقول اننا عايشين في شقه واحده ومختلفين .. ده باعتبار انكم بتشوفوا بعض كل يوم ويمكن بتاكلوا مع بعض .. يعني فيه عشره حياتيه يوميه مع بعض .. فما بالك بان الناس اللي اعطوا رأيهم في الموضوع اختلفوا مع بعض .. :D

مشكلتنا اقولهالكم بكل صراحه .. وهي ان احنا فاهمين زياده عن اللزوم .. ولازم نبين ده ولا نتنازل عنه ابدا .. مشكلتنا ان انتمائنا قل بدرجة تنذر بالخطر .. مشكلتنا اننا بناكل مخللات كثيره وفلفل مشطشط كتير وده تسبب في العصبيه الزايده عن الحد .. مشكلتنا اننا سيئين الظن احيانا (كثيره) .. مشكلتنا اننا ماتعودناش نحب بعض بجد ونتسامح مع ابناء بلدنا .. فيها ايه لو تسامحنا مع بعضنا شويه .. يمكن ماكانش يقصد .. يمكن قصده كان خير بس الشيطان وزه .. فين الكلمه الطيبه .. فين النكته الحلوه المصريه .. فين الايمان بالله وبما قدره لنا .. فين السلوك المصري اللي كان يشهد به القاصي والدان.. احنا كويسين ومخنا نظيف جدا واهل كرم جدا واللي معانا لغيرنا .. وحنفضل احسن ناس واجدع ناس مش بالكلام لكن بالفعل .. ولا تنسوا ان خير جنود الارض هم المصريين .. لازم نهدا شويه ونحاول نعدي الازمه اللي مصر والعالم العربي عايشه فيها الحين .. متنسوش ان اللي احنا فيه ده من اسبابه الازلال العربي المصري الحالي واحنا متعودناش نكون في الدرك الاسفل .. احنا كنا رجاله وحنفضل بامر الله رجاله .. وربنا يجعله عامر :D :o

اشكر الاخ اسد على روحه ايجابيته العاليه لابناء وطنه ;)