إلحق ياريس ... المركب بتغرق !

[حشيش]

فى منزل الرئيس مبارك

سوزان: حمد الله عالسلامة ياحسنى ..... إتأخرت النهارده فى الشغل يعنى :blink:

مبارك: موضوع الزفت العبارة دى :blink:

سوزان: إيه اللى تم فيه بصحيح .... فكرتنى

مبارك: طول اليوم إتصالات ومؤتمرات صحفية وقلبة دماغ ياسوزى .... إعملى لى كاس شوربة وحياتك :blink:

سوزان: باللمون ولا بالصودا

جمال: أنا سمعت يابابا إن ممدوح حيلهف مبلغ كبير قوى من شركة التأمين فى إنجلترا

مبارك: ودى تفوتنى ياجيمى ;)

جمال: مش حنقبل بأقل من فيفتى فيفتى معاه يابابا

سوزان: فيفتى فيفتى ده إيه !!!! ..... إنته حتساوى راس واحد زى ممدوح إسماعيل مع أبوك ياجمال .... إحنا 90% وهوه الباقى حلال عليه

مبارك: مفهوم ياسوزى ... وال 10% كتيره عليه كمان .... المهم بس دلوقتى نستغل الموضوع ده لمصلحة جمال

جمال: إزاى يابابا mfb:

مبارك: تنزل دلوقتى حالاً وتروح على لجنة السياسات بتاعتك وتعمل مؤتمر صحفى تهاجم فيه الدولة

جمال: أهاجم الدولة !!!!!!! .... إنته أكيد بتهزر يابابا !!!!!!!

مبارك: بالعكس أنا بتكلم بجد جداً .... تهاجم محافظ البحر الأحمر والمجلس المحلى بتاع سفاجة وممدوح إسماعيل والشركة بتاعته وتتهمهم بإنهم مسئولين مسئولية مباشرة عن الكارثة دى وتطلب بإلأصالة عن نفسك وعن لجنة السياسات سرعة ضبط وإحضار ممدوح إسماعيل ومنعه من السفر والتحفظ على أمواله هوه ومراته وعياله وتشكيل لجنة تقصى حقائق على أعلى مستوى لمحاسبة المسئولين فوراً وتقديم تعويضات عاجلة لأسر الضحايا

جمال: بس ممدوح إسماعيل سافر خلاص يابابا :ph34r:

مبارك: أنا مش عارف إنته وارث الغباوة دى من مين ؟! ...... ما أنا عارف إنه إتنيل سافر .... إذا كنت أنا اللى سفرته .... إفففففف :mellow:

جمال: فهمت يابابا

مبارك: بعد منته تقول الكلمتين دول فى المؤتمر الصحفى بكام ساعة حخلى أنس الفقى يذيع فى الإذاعة والتليفزيون فى بيان عاجل أن الرئيس مبارك إستجاب لتوصيات لجنة السياسات برئاسة السيد / جمال مبارك وأصدر توجيهاته للنائب العام بسرعة ضبط وإحضار ممدوح إسماعيل ومنعه من السفر والتحفظ على أمواله :wub:

سوزان مخاطبةً جمال ومبارك: ربنا ما يحرمكوش من بعض أبداً mfb:

فى هذه الأثناء يدق جرس الهاتف فى منزل مبارك

مبارك: ألو

المشير: أنا آسف ياباشا عالأزعاج .... بس الحقيقة أخبار مش ولا بد

مبارك: قول ياقدم السعد

المشير: الركاب تقريباً غرقوا كلهم سعادتك .... على ما وصلنا كانت العبارة راقدة فى قعر البحر

مبارك: مانا عارف

المشير: أخلينى هناك ولا أرجع سعادتك

مبارك: لأ خليك هناك كام ساعة كمان ..... مش التليفزيون بيصور ؟

المشير: أيوه ياباشا بيصور

مبارك: طيب خليك هناك لغاية ما يخلصوا تصوير .... ما تنساش الجمبرى والحبار اللى وصيتك عليهم :D

تمت

حشيش

أديب ومفكر

[العجوز89]

الفساد مش عيب التستر عليه والسكوت عنه هوالعيب

كل يوم نقرا عن فساد

كل ساعة نرى باعيننا الفساد وكل لحظة نستشعره باجسامنا

لــــــــــــــــــــــــــــــــــــــــــــــــــــــــــــــــــــــــــــــــــكن

ماذا سنفعل طالما ولى امرنا وصاحب قرارنا راضى عن هذا

ومش بعيد يكون له نسبة من كل عملية فساد

لكـــــــــــــــــــــــــــــــــــــــــــــــــــــــــــــــــــــــــــــــن

كله الا الفساد التعليمى

فهو يخرب العقول

ويموت الاحلام الاحلام التى باتت الامل والمنقذ الوحيد لنا

ممكن نسمح غصب عنا بفساد سياسى او اقتصادى او اخلاقى او او او او

لكن لن نسمح بالفساد التعليمى املنا الوحيد

فهو يدمر الاطفال والشباب

فهو يدمرنا بالبطى هكذا

ولكــــــــــــــــــــــــــــــــــــــــــــــــــــــــــــــــــــــــــــن

لن ننتظر رصاصة الرحمة

لن نسكت ولن نتستر

ولن نشارك فى هذه الجريمة مهما حدث

فهيا معا نقول كفـــــــــــــــــــــــــــــــــــــــــــــــــــــــــــــــــــــــــــــــــــــــــــــــاية

وهذا اضعف الايمان