إلحق ياريس ... المركب بتغرق !

[حشيش]

يدق جرس الهاتف فى غرفة نوم الرئيس الساعة الثانية بعد منتصف الليل :excl:

السكرتير الشخصى للرئيس: صباح كريم ياباشا ..... آسف جداً على الإزعاج بس الحقيقة الموضوع مستعجل

مبارك بلهفة: فيه إييييييييييه..... حصل إنقلاب :o

السكرتير: تف من بقك ياباشا

مبارك: جمال وعلاء بخير :o

السكرتير: بخير يافندينا .... إطمن سعادتك

مبارك: وادى سوزان كويسه اهه ...... اومال فيه إييييييييييييه :o

زكريا: أبداً يافندم .... بس وصلتنا أخبار إن فيه عبارة مصرية عليها 1400 راكب بتغرق فى البحر الأحمر وكان لازم نبلغ سعادتك قبل ما نعمل أى حاجة

مبارك: يخرب بيت فقرك ..... بتصحينى من النوم الساعة دى عشان تقول لى الكلام الفارغ ده :angry2:

السكرتير: سامحنى ياباشا .... خفت اتصرف من غير ما أدى لسعادتك خبر

مبارك: استغفر الله العظيم ..... والركاب اللى عليها دول مصريين ولا أجانب mfb:

السكرتير: معظمهم مصريين ياباشا

مبارك: ما فيش فيهم أمريكان أو جنسيات مهمة mfb:

السكرتير: ما اظنش ياباشا

مبارك: وكانوا جايين من أنهى داهية الساعة دى :angry:

السكرتير: من ضبا ياباشا

مبارك: فين ضبا دى ؟!!

السكرتير: دى فى السعودية ياباشا

مبارك: وليه مش جايين من جدة :blink:

السكرتير: أعتقد ياباشا لأنهم اللهم ما احفظنا فقرا..... فبيضطروا ييجوا يقضوا الأجازات بتاعتهم مع أهلهم فى مصر عن طريق العبارات دى اللى بتاخد طريق ضبا ... سفاجا لأن الخط ده أرخص الموجود

مبارك: يعنى مصريين وفقرا وكمان بتصحينى من النوم الساعة دى ...... إبقى فكرنى أرفدك الصبح :angry:

السكرتير: يافندم الموضوع محتاج إن البحرية تتحرك والطيران كمان ... وده كلام كبير مقدرش عليه أنا لوحدى .... وحتى لو أنا إتصلت بالمشير وبلغته مش حيرضى يعمل حاجة من غير ما ياخد الأوكيه من سعادتك ..... سماح النوبة ياباشا

مبارك: وانته مين اللى بلغك بالمعلومات دى ؟!

السكرتير: كنت قاعد بتفرج على الدش ولقيت ال CNN وال BBC بيقولوا كده ياباشا

مبارك: دول كدابين ولاد كلب ..... روح نام إنته دلوقتى والصباح رباح

إلى اللقاء

[eng_yasser]

ان شاء الله ينام في مره ما يقوم

[طه المصرى]

ليه بس كدا الراجل هيعمل ايه ولا ايه مش كفايه اللى هوه فيه 75مليون نسمه

يعنى التعويضات كلفته اكتر من انهم يعيشوا

ومتنساش بابا مبارك وماما سوزان

[حشيش]

فى الساعة الثانية عشرة من ظهر نفس اليوم يتوجه مبارك إلى مكتبه برئاسة الجمهورية ليجد رئيس مجلس الوزراء ووزيرى الدفاع والإعلام فى إنتظاره منذ الساعة العاشرة صباحاً ولكن لم يجرؤ أحد على الإتصال به بعدما عرفوا ما دار بينه وبين سكرتيره الشخصى على الهاتف قبيل الفجر .... يهب الجميع واقفين فور رؤيتهم للرئيس ..... يدخل مبارك مكتبه ومن خلفه السكرتير الذى أغلق الباب وفرائسه ترتعد من غضبة الرئيس المتوقعة بعدما أزعجه بمكالمته التليفونية

السكرتير: بكرر إعتذارى ياباشا

مبارك: خلاص خلاص ... إيه الأخبار ؟ .... موضوع العبارة ده طلع بصحيح ولا فشنك ؟

السكرتير وقد أبهجه سؤال الرئيس: صحيح طبعاً ياباشا ..... العبارة غرقت وشبعت غرق كمان :P

مبارك: ربنا يخلف علينا بالحلال .... خلى نظيف وطنطاوى والفقى يدخلوا

السكرتير: أمرك ياباشا

يدخل أحمد نظيف وأنس الفقى والمشير طنطاوى مكتب الرئيس متظاهرين بتأثرهم الشديد لغرق العبارة :D

نظيف: البقية فى حياتك ياباشا

مبارك: حياتكم الباقية .... حنعمل إيه ... المكتوب عالجبين لازم تشوفه العين :P

الفقى: الخبر مالى جميع تليفزيونات العالم ووكالات الأنباء ياباشا ..... بس أنا فى إنتظار توجيهات سعادتك ... أنا بعد ما عرفت الخبر الساعة 10 الصبح جيت جرى على هنا وقاعد فى إنتظار حضور سعادتك

مبارك: عظيم .... ما تنشرش الخبر فىالإذاعة أو التليفزيون فى مصر دلوقتى لحد ما أبلغك B)

الفقى: تمام سعادتك

مبارك مخاطباً المشير طنطاوى: عرفتوا العبارة غرقانة فين ؟

طنطاوى: ال CNN بيقولوا على بعد حوالى 30 ميل من ضبا ياباشا

مبارك: طيب طلع كام مدمرة كده على كام هليكوبتر على حتتين فرقاطة وخليهم يروحوا على هناك وخدوا معاكم مصورين علشان ينقلوا للتليفزيون فى مصر جهود الإغاثة اللى بنعملها ...... حتحتاج كام ساعة عشان الحاجات دى توصل هناك ؟

طنطاوى: مسافة السكة ياباشا ..... يعنى بالكتير تلات أربع ساعات :wub:

مبارك مخاطب الفقى: يبقى تعلن فى التليفزيون والإذاعة بعد 4 ساعات من دلوقتى إن فيه عبارة مصرية غرقت بسبب ماس كهربائى وإن جهود الأغاثة شغالة على مدار الساعة لإنقاذ الركاب وتنقلوا صور الشغل اللى حيعملوا طنطاوى على الهوا .... وطبعاً تقول إن أنا متواجد فى غرفة العمليات لمتابعة الموقف على مدار الساعة وما تنساش برده تقول كلمتين نعى على لسانى يكونوا كويسين كده على ذوقك لأسر الضحايا

الفقى: تمام ياباشا

مبارك مخاطباً نظيف: وانته إعمل لك منظر وهز طولك شوية :wub: .... روح على سفاجة وإلتحم بالأهالى وقول كام بق حمضان من بتوعنا ...... يعنى حكومة الحزب تنعى الضحايا وكلام من ده

نظيف: ودى تفوتنى ياباشا .... أنا كنت منتظر من سعادتك بس الإذن بالسفر لسفاجة .... أنا موجود من الساعة 10 صباحاً هنا فى إنتظار التوجيهات ...... أنا محضر كلمتين حلوين قوى حيعجبوك ... حقولهم أول ما أوصل سفاجة إن شاء الله سعادتك :wub:

مبارك: طيب إنصراف كلكم وتبلغونى بالأخبار

ينظر مبارك إلى سكرتيره الشخصى قائلاً: وانته إجرى روح إعمل لى كباية شاى فى الخمسينة :)

إلى اللقاء

[مريوم المصرية]

لا حول ولا قوة إلا بالله

[حشيش]

يحضر السكرتير الشاى للرئيس

مبارك: مقولتليش العبارة دى مين صاحبها :huh:

السكرتير: ممدوح إسماعيل ياباشا

مبارك: الله يخيبك ياممدوح ..... هوه كل سنة مصيبة ! :)

يتصل مبارك بزكريا عزمى هاتفياً طالباً منه الحضور بسرعة إلى مكتبه ..... يدخل عزمى إلى مكتب الرئيس وعلى وجهه علامات الإرتباك الشديد بعد أن علم بموضوع غرق عبارة ممدوح إسماعيل

مبارك: مال وشك إسود ليه يا عكر .... صاحبك مش ناوى يجيبها البر :D

عزمى: مش صاحبى ولا حاجة ياباشا

مبارك: على بابا الكلام ده :D

عزمى: ممدوح صديق زى أى صديق تانى ياباشا

مبارك: إسمع ياعزمى ...... لف ودوران مش عايز ..... البزنس اللى بينك وبين ممدوح أنا عارفه ومطنش بمزاجى

عزمى: بس أنا ياباشا معرفش حاجة عن المراكب ولا الصيانة ولا التراخيص بتاعتها ..... أنا باخد عمولتى من ممدوح مقابل السماح له باحتكار خط ضبا سفاجة .... لكن غير كده معرفش حاجة حتى إسئل سعادتك الأستاذ جمال ! :o

تبدو علامات الإستياء على وجه مبارك من إجابة عزمى التى لا تخلو من إتهام صريح له ولإبنه بالمسؤلية المباشرة عن غرق العبارة ولكنه يمارس ضبط النفس حتى تتضح ملابسات غرق العبارة السلام 98

مبارك مخاطباً عزمى: إتصل بممدوح خليه ييجى حالاً :blink:

يدخل ممدوح إسماعيل مكتب الرئيس تملؤه الثقة بالنفس واللا مبالاة إلى مكتب مبارك

ممدوح: صباح كريم يا فندينا .... سعادتك طلبت منى الحضور :sad:

مبارك: وبعدين معاك يا ممدوح ... كده مش كويس ... إنته كده بتحرجنى

ممدوح مبتسماً: الموضوع بسيط ياباشا ... قضاء وقدر .... يعنى السلام 98 حتكون أحسن من التايتنك .... ده أنا بفكر من دلوقتى إننا نعملها فيلم يكسر الدنيا :D

مبارك: خف تعوم ياممدوح .... رتب نفسك تسافر بره اليومين دول لغاية الموضوع ما ينام

ممدوح: تسلم لى ياباشا ..... حيحصل :o

مبارك: طيب مع السلامة انته دلوقتى ..... عزمى حيبلغك قبل ما نطلع قرار بمنعك من السفر علشان تلحق ترتب أمورك بس عموماً The sooner … The better

ممدوح وهو يغمز غمزة خفيفة لمبارك: معروفك ده مش حنساه طول حياتى ياباشا :D

ينصرف ممدوح إسماعيل من مكتب مبارك وهو يدندن بصوت منخفض (مصر التى فى خاطرى وفى دمى ... أحبها من كل روحى ودمى)

إلى اللقاء

[the sad man]

اعجبتنى حكايات الاخ حشيش جدا

مع ان الموضوع بيوجع القلب ولكن اول مرة اضحك و شر البلية ما يضحك

و سلام خاص جدا اليك يا اخى كاتب هذا الموضوع

و انا باعتقد ان السناريو اسوأ من كدا

و ربنا يسترها علينا

السكة الحيد انضربت بحريق القطار بسبب الشاى

والطيران انضرب بانتحار الطيار

و السفن بتاعة ممدوح اسماعيل عمرها الافتراضى خلصان من 50 سنة

مش عارف نسافر عن طريق ايه الايام دى

اعتقد اننا نرجع تانى للحمير و الجمال <_<

و حياكم الله و دمتم سالمين

[المدهش]

أنت موهوب يا حشيش ..وتمتلك أدوات قاص وكاتب مسرحي متمكن

هل لك أعمال مسرحية أو قصصية..أرجو أن ترسلها لي على الخاص لأستمتع بقرائتها.. ولك الشكر

[حشيش]

الأعزاء مهندس/ ياسر ... طه المصرى ... مريوم المصرية ... ساد مان ... المدهش mfb:

شكراً على تعليقاتكم ومروركم الكريم ..... تعمدت أن أضع هذه الحلقات فى باب محاربة الفساد بدلاً من باب دعوة للإبتسام لإحساسى بضخامة الكارثة وبمدى فداحة الخسارة فى غرق عبارة الفساد السلام 98 وما إكتنف غرقها من علامات إستفهام كثيرة وتقصير فاحش وتقاعس من جانب الدولة فى إدارة الأزمة ..... للأسف لا أستطيع أن أفعل أكثر من الكتابة لأعبر بها عن سخطى ورغبتى فى إنتقاد أوضاعنا المتردية حتى يأذن الله لنا بالفرج وإنكشاف الغمة :blink:

[se_ Elsyed]

أنت موهوب يا حشيش ..وتمتلك أدوات قاص وكاتب مسرحي متمكن

هل لك أعمال مسرحية أو قصصية..أرجو أن ترسلها لي على الخاص لأستمتع بقرائتها.. ولك الشكر

ولا الخاص ولا العام

إليك معظم أعمال الأديب المتقاعد حشيش في مُجلد واحد صدر عام 1904 من مكتبة مدبولي العنتيل

أتحدى لو حد قدر يمسك نفسه من الضحك

أخي العزيز وصديقي الأنتيخ " محمد حشيش " بالنسبة لي مدرسة كوميديه حقيقية أتعلم منها .... دي حقيقة

[حشيش]

الأخ العزيز والصديق الأنتيخ صاحب ال 7000 مداخلة فى حب مصر سى السيد :blink:

مهما قلت من كلمات الرثاء قصدى الثناء فلن أوفيك حقك :wub: .... أعاهدك على المزيد من العطاء وعلى السمع والطاعة فى المنشط والمغرم حتى تتحرر مصرنا الحبيبة من نانسى عجرم وهيفاء وجدى اللى لحسوا عقلنا قصدى عقل الشباب المغرر بهم :angry: ...... والأن إلى التكملة :o

لم تكد تمر لحظات عقب خروج ممدوح إسماعيل من مكتب مبارك حتى دق جرس الهاتف فى مكتب الأخير

جورج بوش: البقية فى خياتك ياخبيبى ..... ما يلزمس أى خدمة :D

مبارك: ما نجيلكش فى حاجة وحشة ياأصيل

بوش: عرفتوا إيه السبب فى غرق العبارة ولا لسه يابو علاء ؟! :D

مبارك: ماس بعيد عنك

بوش: كل حاجة عندكم ماس ... ماس ... إيه ده :blush:

مبارك: آه يالئيم ..... عايزنى أقول إن الموضوع فيه إبن لادن

بوش: لا أنا مس يقصد كده خالص ... أنا يقصد الزرقاوى mfb:

مبارك: لو ما حدش نجى من المركب نمشيها الزرقاوى ... ولا يهمك :o

بوش: ما فيس حد حينجى ...... المركب بتاعكم غرقان من 12 ساعة

مبارك: دول ولاد جنية ..... إسئلنى أنا :D

بوش: طب فوتك بعافية

مبارك: الله يعافيك

لم يكد ينهى مبارك مكالمته مع جورج بوش حتى يتلقى إتصالاً عاجلاً من أحمد نظيف من سفاجة

نظيف: سفاجة مقلوبة ياريس .... أنا لسه واصل حالاً وأهالى الركاب عاملين مظاهرات وبيقولوا كلام وحش قوى ... الحقيقة أخلاقى ما تسمحليش إنى أقوله ... ده غير الطوب اللى حدفونى بيه

مبارك: كلام وحش فى حقك ؟ .... تستاهل

نظيف: لا ياباشا .... ده فى حقك إنته

مبارك: إخرس ..... وفين الأمن المركزى ؟!

نظيف: موجودين ياباشا بس مش قادرين عليهم ..... إحنا بعتنا لحبيب يلحقنا

مبارك: فيه حد من الركاب نجى ؟!

نظيف: فيه ياباشا ..... ييجى 100 راكب لحقتهم سفينة بلجيكية ورجالة طنطاوى زمانهم على وصول ... يعنى ممكن نلحق لنا إحنا كمان ييجى 50 ولا 100

مبارك: إخص على كده !!!!!

نظيف: أنا معاك ياباشا إن المصاب فادح والخطب جلل

مبارك: والله ما انته فاهم حاجة ..... إففففف ..... حتشلونى

إلى اللقاء

[حشيش]

تتفاقم حدة المظاهرات وأعمال الشغب فى سفاجة من قبل أهالى ضحايا العبارة المنكوبة نتيجة للفساد والإنحلال الضارب فى أجهزة الدولة على كافة المستويات ..... زاد من ثورة أهالى الضحايا والمفقودين التراخى الشديد والعشوائية والسلبية وعدم الشفافية التى تعاملت بها حكومة مبارك مع الأزمة :angry2:

تصيح أم تقف أمام مكتب شركة السلام المالكة للعبارة المنكوبة بسفاجة وهى تبكى على ولدها الذى إنتظرت عودته بفارغ اللهفة والصبر بعد غياب عامين فى السعودية ولا تعرف مصيره بعد : ربنا ينتقم منكم ياظلمة ..... ربنا يورينى فيك يوم يامبارك .... ربنا يحرق قلبك زى ما حرقت قلبى على إبنى :lol:

ينهال جندى جلف من جنود الأمن المركزى بعد أن تلقى الأوامر من رئيسه على المرأة بعصاه الغليظة حتى لا تزداد دائرة السخط والتذمر بين جموع المتظاهرين مما دفع بالأهالى إلى الإشتباك مع القوات التى كانت تحيط بمكتب شركة السلام .... يسقط العديد من الأهالى والجنود بين قتيل وجريح .... تصل الأنباء إلى أحمد نظيف الذى كان يقف بعيداً تحيط به جحافل من قوات الشرطة والأمن المركزى والحرس الشخصى ...... يمسك أحمد نظيف الميكروفون ويرفع صوته قائلاً :

نظيف: ياأهالى سفاجة الكرام ..... جئت إليكم موفداً من قائد نهضتنا الرئيس محمد حسنى مبارك mfb:

إنتظر نظيف حتى يصفق الأهالى ولكنه بدلاً من أن يسمع تصفيقهم سمع أصوات غريبة تشبه الأصوات التى تصدر عن الإنسان فى حال نومه العميق ...... أعاد نظيف كلمته من جديد بصوت أعلى وأعلى :

نظيف: ياأهالى سفاجة الكرام ..... جئت إليكم موفداً من قائد نهضتنا الرئيس محمد حسنى مبارك mfb:

إهتز المكان بنفس الصوت الهادر من جديد وبأصوات وهمهمات أخرى غير مفهومة :) ..... يهمس عضو مجلس الشعب عن سفاجة فى أذن نظيف: أدخل سعادتك فى اللى بعده بقى ما تهيجش الناس زيادة

نظيف: ياأهلى وأحبابى .... جئت لكم حاملاً معى خالص تعازى السيد الرئيس وحكومة الحزب الوطنى فى مصاب مصر الجلل ولكنه قضاء الله وقدره الذى لا نملك معه إلا أن نقول سمعنا وأطعنا

يصيح إمام المسجد فى سفاجة: الله برئ منك ومن اللى باعتك :lol: ...... ثم يعتلى الإمام حجراً كبيراً ويرفع يديه إلى السماء داعياً الله بقلب منفطر: اللهم أجعل ثأرنا على من ظلمنا ....... يردد الألاف من أهالى سفاجة الذين إلتفوا حول الإمام : آآآآآآآمين ...... يكرر الإمام دعاءه ويؤمن الأهالى مرات ومرات على دعاءه ثم يقومون برشق نظيف ومن معه بالحجارة ..... يقوم الحرس الخاص بنظيف بإدخاله فى سيارته المرسيدس الفارهة التى تنطلق بسرعة تحيط بها موتوسيكلات الحراسة والسيارات الشيروكى المصفحة إلى القاهرة فراراً من غضبة الأهالى

يصل نظيف وهو مهلهل الثياب والكدمات تملئ وجهه وذراعيه إلى رئاسة الجمهورية للقاء مبارك على عجل حتى ينقل له الصورة هناك وليتدارس معه كيفية إحتواء الموقف :lol:

نظيف مخاطباً السكرتير الشخصى للرئيس: عايز أقابل الريس حالاً :D

السكرتير: الريس راح الإستاد يتفرج على الماتش ..... النهارده نهائى كأس الأمم الأفريقية .... صحى النوم ياحمام :P

نظيف: راح الماتش !!!! .... يلا أنا مالى ..... إياكشى تولع :o

إلى اللقاء

[محمد عبدالعزيز]

أنا آسف إنى لم أبد إعجابى بكتاباتك حتى اﻵن, ولكن أنت السبب ﻷننى كنت من فرط اﻹعجاب أنسى

بس أنا عندى سؤال, هل اﻷحداث التى ترويها قريبة بشكل كبير من اﻷحداث الحقيقية وما هو مصدرك فى ذلك؟

لك تقديرى واحترامى

[حشيش]

أنا آسف إنى لم أبد إعجابى بكتاباتك حتى اﻵن, ولكن أنت السبب ﻷننى كنت من فرط اﻹعجاب أنسى

بس أنا عندى سؤال, هل اﻷحداث التى ترويها قريبة بشكل كبير من اﻷحداث الحقيقية وما هو مصدرك فى ذلك؟

لك تقديرى واحترامى

شكراً أستاذ / محمد عبد العزيز على تعليقك ومجاملتك الرقيقة :) .... بالنسبة لمصادرى فهى ما نسمعه جميعاً عبر وسائل الإعلام المختلفة وحالة الإكتئاب والسخط التى نعيشها فى عصر مصر مبارك :angry2:

[عبدوس الوزير]

حشيش انت ملكش حل. مش بس خفة دم لأ تمكن رهيب من عناصر القصة.

نفسي يعملولك باب في فهارس المحاورات.

[عصام]

إبعت لنا مقاساتك يا حشيش عشان الباب <_<

[حشيش]

إبعت لنا مقاساتك يا حشيش عشان الباب :)

ده يعتمد على مقاس إيه بالظبط ياعصام يالئيم :blink: .... لو اللى فى بالى يبقى X-Small :P

[حشيش]

حشيش انت ملكش حل. مش بس خفة دم لأ تمكن رهيب من عناصر القصة.

نفسي يعملولك باب في فهارس المحاورات.

ربنا يجبر بخاطرك ياعبدوس ياخويا زى ما جبرت بخاطرى :D ..... والأن إلى التكملة

يطلب سكرتير الرئيس من نظيف أن ينتظر فى الإستراحة لحين عودة الرئيس من الماتش ...... بعد ساعات يحضر مبارك وسوزان وجمال وحشد كبير من رجال الإعلام والصحافة ومراسلوا وكالات الأنباء العالمية إلى رئاسة الجمهورية .... تعلوا البهجة والسعادة ونشوة الإنتصار وجه الرئيس وأسرته بعد فوز المنتخب القومى بكأس الأمم الأفريقية B)

يهب نظيف واقفاً لدى رؤيته لموكب الرئيس ..... يقف الرئيس فى شرفة قصرالرئاسة وهو يحمل كأس الأمم الأفريقية فى يده اليمنى وتتدلى من رقبته عدة ميداليات ذهبية أخذها من اللاعبين بالقوة وتقف بجواره سوزان مبارك وهى تلوح لكاميرات التليفزيون بعلم مصر وبجوارهما يقف جمال مبارك وهو يرتدى تى شيرت مطبوع عليه صورة أبوه وشورت أديدس مطبوع عليه صورة خديجة وحذاء نايك مطبوع عليه صورة علم مصر :)

يوجه أحد الصحفيين المصريين سؤاله للرئيس: سمعنا ياريس إنك أشرفت بنفسك على وضع الخطة التى لعب بها منتخبنا القومى فى نهائى البطولة واستحق بها كأس الأمم الأفريقية عن جدارة ... ما هو تعليق سيادتكم ؟

مبارك: برغم إنى فخور بالإنجاز الضخم اللى حققناه النهارده لكن الحقيقة المرة دى مش أنا اللى أشرفت على الخطة .... ينظر مبارك إلى جمال فى إشارة إلى أنه هو الذى قاد الفريق إلى البطولة ..... ينظر جمال إلى الأرض متظاهراً بالخجل :P

الصحفى: إذاً السيد جمال مبارك رئيس لجنة السياسات بالحزب الوطنى هو الجندى المجهول الذى قاد مصر لهذا الإنجاز التاريخى ؟

جمال: برغم إنى مش بحب أتكلم عن نفسى لكن بصراحة أنا بدأت الإعداد للبطولة دى من سنتين فاتوا والحمد لله حسن شحاتة واللاعبين كانوا على مستوى المسئولية ونفذوا الخطة بإخلاص ومهارة ;)

صحفى من وكالة أسوشيتدبرس: سيادة الرئيس ..... علمنا بحزن بالغ نبأ غرق عبارة مصرية على متنها 1400 راكب معظمهم من المصريين فى ساعة مبكرة من صباح اليوم مما يعد من أسوأ الكوارث البحرية إن لم يكن أسوأها على الإطلاق على مر التاريخ ... ما هى آخر التطورات وجهود الإنقاذ mfb:

مبارك: والله إنت إبن حلال ..... فكرتنى mfb: .... ينادى مبارك على سكرتيره الخاص ويهمس فى أذنه أن يتصل بنظيف فى سفاجة ليعرف منه آخر التطورات .... يخبر السكرتير الرئيس بأن نظيف عاد من سفاجه ويجلس فى إنتظاره منذ ساعات ..... يجيب الرئيس على سؤال الصحفى قائلاً: منذ اللحظات الأولى التى علمت فيها بنبأ غرق العبارة أصدرت توجيهاتى لرئيس الوزراء وجميع المسئولين بالدولة بسرعة التحرك وتقديم كافة التسهيلات للغرقى ...... رئيس الوزراء عاد للتو من سفاجة بعد ما أشرف بنفسه على جهود الإغاثة وسأدعوه لإطلاعكم على كافة المستجدات ...... ينادى مبارك على نظيف للحضور والإجابة على أسئلة الصحفيين

يقف نظيف بجوار مبارك فى الشرفة ليجيب على أسئلة الصحفيين ومراسلوا وكالات الأنباء العالمية وهو مهلهل الثياب والكدمات تملئ وجهه

صحفى فرنسى: سيادة رئيس مجلس الوزراء هل لك أن تطلعنا على آخر المستجدات وما سبب هذه الكدمات بوجهك ؟!

نظيف: تعليمات السيد الرئيس كانت واضحة وصريحة لى بأن ألتحم مع الأهالى فى سفاجة وأدينى إلتحمت واللى كان كان :) ..... عموماً أحب أطمنكم إن جهود الإنقاذ على قدم وساق والأهالى حملونى رسالة حب وتقدير للسيد الرئيس لدرجة إنى بمجرد ما ذكرت للأهالى إسم سيادته مش حقدر أقول لك عملوا إيه وقالوا إيه ;)

صحفى إيطالى: هناك إتهامات دولية عديدة للحكومة المصرية باللامبالاة والعجز والفشل فى التعامل مع الأزمة ... ما هو تعليق الدكتور / نظيف على تلك الإتهامات ؟

يتدخل مبارك مقاطعاً: اللى بيقولوا كده دول ولاد كلب وأنا بسميهم دايماً أعداء النجاح ... شئ طبيعى إنك تسمع كلام فارغ زى ده من ناس حاقدين على مصر وعلى أزهى عصور الديموقراطية اللى الشعب بيعيشها النهارده .... أظنك شايف بنفسك البهدلة اللى رئيس الوزارة إتبهدلها وهو ملتحم بالأهالى وبيشرف بنفسه مع الجيش فى تعويم العبارة الغرقانة ...... أظن صورته أصدق من ألف كلمة :blink:

إلى اللقاء

[khatabmohammed]

يا حشيش مشكور وبالطريقة دى ان شاء الله سيزول مبارك وعهده المرير على شعبنا الباسل مثل من قبله ولو أن اللى قبله كان موش بطال شوية تحياتى وفى انتظار مشاركاتك اللى تجنن.

[حشيش]

أستاذ خطاب محمد ..... شكراً جزيلاً لك

صحفى فرنسى: سيادة الرئيس ... هناك إتهامات دولية عديدة أنه قد تم إبلاغ الحكومة المصرية بغرق العبارة من جهات دولية مختلفة تلقت نداءات إستغاثة من العبارة المنكوبة إلا أن الحكومة المصرية لم تبدأ فى التحرك إلا بعد حوالى 12 ساعة من غرق العبارة لدرجة أن البعض قد ذهبوا إلى أن قبطان سفينة مصرية تابعة لنفس شركة السلام 98 كان على مقربة من العبارة المنكوبة إلا أن التعليمات قد صدرت له من صاحب الشركة ونجله بعدم التوجه لإنقاذ السفينة وإنتشال الركاب .... ما هو تفسير سيادتكم لهذا التصرف الغريب والمريب فى نفس الوقت ؟!!! :P

مبارك: إسمع يا مسيو .... أحنا دولة خصخصة ... يعنى الشركة اللى مشغلة المركب دى شركة خاصة وغير مملوكة للدولة ومسئولية إنقاذ الركاب دى مسئولية الشركة وليست مسئولية الدولة ..... ومع ذلك أصدرت توجيهاتى لأجهزة الدولة بالتحرك مش لأنى مضطر أعمل كده .... بس دقة جدعنة منى :D

ينهى مبارك المؤتمر الصحفى مبكراً وهو يتمتم ( الله يخرب بيتك ياممدوح) وينطلق إلى مكتبه برئاسة الجمهورية :excl: ..... يتصل مبارك بزكريا عزمى:

مبارك: أيوه يازيكو .... بلغ صاحبك يسافر على لندن بكرة ويحول كل فلوسه على هناك ..... خليه يسيب هنا شوية فكة بس ..... يعنى 200 ولا 300 مليون جنيه .... وبعد ما يسافر بلغ النائب العام يصدر أمر بالقبض عليه ومنعه من السفر والتحفظ على أمواله :P

زكريا: علم وينفذ ياباشا ;)

يتصل زكريا بممدوح إسماعيل ويبلغه بقرار مبارك

ممدوح: وحغيب كتير فى لندن يازيكو :lol:

زكريا: أسبوع ولا إتنين على ما الحكاية تهدى والموضوع ينام

ممدوح: بس المبلغ اللى المطلوب أسيبه هنا كتير حبيتين يازيكو

زكريا: دول فكة يادوحة ..... ولازم برده نراضى الأهالى بقرشين تعويضات عشان المسائل ما تكبرش ..... ومتنساش الفلوس المتلتلة اللى حتصرفها من شركة التأمين فى إنجلترا ..... وبعد ما ترجع بالسلامة حنبقى نتحاسب ;)

ممدوح: ماشى كلامك يازيكو .... حشد الرحال على لندن بكرة بمشيئة الرحمن ... بس مش عايز عك ..... آه .... اللى أوله شرط آخره نور

زكريا: مش فاهم ...... وضح كلامك

ممدوح: يعنى قرار بمنع السفر ماشى ..... تحفظ على الأموال ما يضرش .... لكن تطلع فى دماغ النائب العام يصدر أمر ضبط وإحضار من الإنتربول حزعل قوى .... وانته عارف إن زعلى وحش

زكريا: حتى لو طلع أمر للأنتربول إنته يهمك إيه ... مش إنته مزدوج لا مؤاخذة ;)

ممدوح: عيب الكلام ده يازكريا .... مزدوج إزاى يعنى :excl:

زكريا: ما تخليش مخك يروح لبعيد ... أنا أقصد مزدوج الجنسية يعنى

ممدوح: آآآآه ..... إفتكرتك تقصد حاجة تانية :excl:

زكريا: يالله حضر شنطك واتكل على الله .... متنساش دعاء السفر

إلى اللقاء