الخريطة الخفية لمدينة الإسكندرية

[yasovinas]

صديقي الغالي س س ضيفنا اللي منورنا دايما

معلش يا صاحبي بصراحه بعد مشوار الغالي واحد تاني ما فيش مشوار ولا خرايط الراجل لف بيك لفه جميله وحسسني اني مصيف بجد او دخيل على اسكندرية كما قال اخونا اللي انا دايس على رجله :angry2:

شوف يا طيب انا هقول لك بقى على الاماكن اللي تعتبر جديده في اسكندرية ومش معروفه قوي

عندك طبعا للفسح بعد العصاري في الداون تاون اللي على اول الصحراوي قبل كوبري محرم بيك ومقابله في كارفور

ايضا للسهر اللذيذ والعشاء الرائع مكان مش هتلاقي مثله في بر مصر المحروسه هو "الجنجل" ودا يا سيدي خلف الداون تاون يعني بدل ما تطلع على كوبري محرم بيك للدخول الى لاسكندرية تحود يمين كانك طالع على طريق مطار النزهه وبعدين تدخل يمين تاني من خلف الملاهي هذا الشارع يسمى سكاديا في وسطه سوف تجد الجنجل مطعم رائع

ايضا في الشاطبي على البحر مطعم سمك جديد نوفي فتح الصيف الماضي بس بصراحه غطى على كل المحلات المعروفه والمشهورة اسمه "رقوده" اسعارة مش غاليه قوي بس اكلة ررررهيب

كمان في محطة لوران بين شارع ابو قير وشارع الترام سوف تجد مطعم سي عمر ودا كمان حاجه راقيه جداً بس ما ينفعش تروحه مع الاطفال يعني دا عايز عشوة رومانسية انت والمدام وبس

طبعا لا يفوتك زيارة لحدائق انطونيادس ولا ملاهي المعمورة لكنها تعتبر لا شيء بجوار ملاهي القاهرة الكثيرة

نصيحه لا تذهب الى التكا جريل لتناول الغذاء فلقد اصبح من اسؤ المطاعم في اسكندرية سواء الخدمه او النوعية للاسف

شي جابي يا س س تجربة ممتعه جدا انصحك بالذهاب اليه وهو في محطة الرمل متفرع من السلطان حسين او شارع فؤاد اسال والف من يدلك عليه

[nancy]

ياسر المنطقة دى اسمها اكاسيا مش سكاديا

لانها متخد اسمها من اسم شجرة هناك اسمها اكاسيا

والخط دة اولة الملاهى وبعدين قاعة افراح وبعدين نادى اكاسيا والكانترى كليب وبعدين الجانجيل وبعدية اللاجون وبعدية الداون تاون

دة خط كامل بعد ما تنزل من الكبرى وتدخل يمين

كلة على اليمين والشمال ترعة صغيرة

على فكرة الجانجل ممنوع دخول اطفال فية وحلو اوى بالليل اكتر من النهار

وشى جابى تخلى سنيما امير على شمالك وتمشى كانك رايح على المنشية لحد ما توصل عند مسرح سيد درويش

تدخل الشارع الى بعدة يمين هو يبان شارع صغير مفهوش حاجة بس فى نصة على شمالك حتلاقى شى جابى

شفت واصفة ساهلة ازاى

:angry2:

[hopsan]

إقتباس

صديقي الغالي س س ضيفنا اللي منورنا دايما

معلش يا صاحبي بصراحه بعد مشوار الغالي واحد تاني ما فيش مشوار ولا خرايط الراجل لف بيك لفه جميله وحسسني اني مصيف بجد او دخيل على اسكندرية كما قال اخونا اللي انا دايس على رجله

شوف يا طيب انا هقول لك بقى على الاماكن اللي تعتبر جديده في اسكندرية ومش معروفه قوي

ايه يا عم ياسو دا انت واخد الموضوع صد و رد ...طيب براحه علينا شويه.مكنتش عارف ان النضاره بتاعتك محتاجه تتغير ..دى قزاز مصنفر من ايام الخواجه استافرو اللى كان فاتح فى شارع تانيس قبل ما ياخد ديله فى سنانه وخلع ايام التطهير .المسامح كريم و انا مسامح....شيل رجلك بقى وحنغيرلك النضاره

المهم كنت ناوى اصلحلك معلومه بس نانسى سبقت ...معلهش

و خد بالك انت اللى فتحت السكه دى

[se_ Elsyed]

بس ما ينفعش تروحه مع الاطفال

أطفال مين يابا ولا أعرفهم

على فكره أخوك سين سين قلبه ميت

فبإذن اله هأنا مقرر إني أرمي العيال الصُغيرين عند حماتي - خليها بقى تشيل المسئولية شويه - ونطلع طلعه أنا والمودام لوحدينا ... بس مش عارف على فين لحد دلوقت إسكندرية ولا ما أسكندريتاشي ربنا يسهل حسب الطقس ...

بس كان طلبي للخريطة الجنهمية لمدينة الإسكندرية مش عشاني بالتحديد ولكن عشان تكون مرجع للمصيفين والمصيفات الأحياء منهم والأموات وكده يعني

بس تسلم إيديكو يا ولاد ...

صحيح إسكندرية ما جابتش غير رجاله .. ونانسي عشان ما تزعلش :angry2:

يالله بقى كملوا أصل الموضوع ده لما بأقرأه باعمل دماغ عاليه قوي ... وبيحسسني إني كنت بأروح أصيف فوق السطوح مش في إسكندرية ..

أما أنت يا دوق وجدي .. فهاسيبك للزمن

يعني لو اتنين أكيلة ممكن تصرفولكوا تلتميت ربعميت جنيه مستريح

بقى يا راجل إحنا عمالين نتكلم عن الأروطة .. وأربطوا الحزام .. ودعوة إلى التقشف والكلام ده وإنت تقولي إتنين يأكلوا بربعميت جنيه ؟ ... ليه هانكلوا حوت ؟ ولا هانشارك في محل السمك ؟

وبعدين إحتمال نتجمع أنا و إخواتي اللي جايين من بره ا على نسيبي اللي نازلين سوا في نفس الوقت ونهب هبه على إسكندرية بدعوة على شرف تعلوب اللي هو سين سين ...يبقى بالصلاتو عالحبيب لو عزمت الجرمأ ده كله أقوم مصفي أعمالي هنا .. وأبيع دهب مراتي .. وأرهن البيت عشان اكلة سمك عند سي فرج ؟

إستهدى بالله يا دوق ودعبس عندك كده على أكلة دنيس ولا قراميط من أم 20 ج ونحبس بكوبايتين شاي فتله وخلي الليلة تعدي ..

[واحد تاني]

العزيز "hopsan"

ايه رأيك لو نحافظ على روح الود والألفة بينا ...

من غير ما حد يفتح سكك ولا يردم ترع؟

الحياة ابسط من كده....

وتصحيحا للتصحيح اللى حضرتك كنت جاي تصححة فاذا كان سينما امير على شمالك وهتمشى كانك رايح على المنشية لحد ما توصل عند مسرح سيد درويش وبعدين تدخل الشارع الى بعدة يمين هتلاقيه شارع على اوله صالون شاي عتيق وبعد منه استورجى قدامه كافيه صغير قفل من زمان والشارع ده سد تطلع منه شمال على شارع النبي دانيال وللاسف مش هيكون شى جابي موجود طبعا ....

شى جابي ندخل له يمين قبل سينما رينسانس (رويال سابقا) اللى هي قبل مسرح سيد درويش. :angry2:

يا رب تتقبل كلامي ده بصدر رحب :angry2:

تم تعديل 28 مايو 2006 بواسطة واحد تاني

[yasovinas]

ماشي يا عم رمضان ؛؛؛؛ :angry2:

بشويش :D بس ما تزعلش مني :angry2:

مش انت مسامح :angry:

وقلت ان المسامح كريم :blink:

وكلنا عارفين ان رمضان كريم ;)

خلاص تبقى انت رمضان :P

شوف يا طيب انا مش بزعل ولا عمري بحب ازعل حد مني -_- < معلش بقى اسكندراني قديم > فحقك علية لو كنت زعلتك -_- دي اولاً

ثانيا المعلومه اللي كنت داخل تصححها وصححتها بنت عمي نانسي "اللي مش عجرم طبعاً" صح الشارع اسمه اكاسيا بس معلوماتي انة على اسم نادي في وسط الشارع بجوار الجانجل واسمه اكاسيا بس حكاية الشجرة دي جديده عليه

المعلومه التانية ان الجانجل ممنوع فيه الاطفال!! فدي اظن انها مش صح لان عمر ابني (سنتين ونصف ) زبون مستديم هناك بيروحه معايا كل ما بنزل اجازة يعني 4 مرات في السنه على الاقل والعام الماضي عملنا عيد ميلاده فيه كمان الداون تاون في ظهر الشريط اللي نانسي قالت عليه هو والملاهي

سيبكم بقى من الكلام دا؛؛؛؛ ايه رايكم ي رحلة الى "الاكوا سيتي" اللي على الطريق الصحراوي قبل دخلة الكنج بشوية!!! بصراحه اللي يروح اسكندريه وما يروحش "الاكوا سيتي "اللي هي تبع "تافرنا" يبقى خسر فسحه جميله ،، والقريه رائعه وكلها العاب مائية ممتعه جدا للكبار والصغار وكمان فيها ركن هادي بيعملوا فيه فطير مشلتت ما حصلش وكمالن فيها مطعم للغداء واسعارة معقوله واسعار الدخول اما بالغداء او من غير غداء بس بصراحه مش فاكر الاسعار كانت كام

[hopsan]

و ماله ياسى ياسو رمضان رمضان ..هو حد طايل

ربنا يبارك لنا فى رمضان و ايام رمضان

و على قوله رمضان و السيره اللى فتحها علينا عمنا ياسو قبل ما يغير النضاره

و العنوان كبيييييييييييييييييييييييييييييير

الإسكندريه و ايام رمضان فيها

معلهش يا سى السيد انت اخدت كفايتك من التصييف و اناريك لسه بتفكر تصيف فيها و لا لأ

يعنى تعبنا المخ و المخيخ و سموك لسه مش عارف تصيف فى الإسكندريه ولا لأ ....مششششكرين يا عم ..

حد يللى مهاجرين بره فاكر رمضان اسكندريه ؟؟؟ يارتها ايام تعود

[wagdi]

بتدعي عليا يا سين سين؟؟ :angry2:

طب مانتا مافهمنتنيش إنك عازم قبيلة... لا يبقى أحسن حاجة في حالتك تصحي بدري قبل الفجر.. تطلع على حلقة السمك تصلي هناك الفجر وتخش الحلقة بعد الصلاة تعيش حياتك... وماتسمعش إلى يقولك كل ما تلف والوقت يعدي كل ما الأسعار بتنزل... هو صح بس برضه جودة السمك إلى بتشتريه بتنزل... ولو إنتوا قبيلة فعلاً أحسن حاجة تشوفلك سبوبة تشتريها وتخلص نفسك... لو فيه ناس طبيخة معاك ممكن تعملوها في البيت أو أحسن تروحوا محل سمك يطبخهالكوا... (على ما أذكر في واحد جنب الحلقة إسمة إيلا كان بيطبخ مش عارف لسة ولا بطل)...

[se_ Elsyed]

بتدعي عليا يا سين سين؟؟ :angry2:

طب مانتا مافهمنتنيش إنك عازم قبيلة... لا يبقى أحسن حاجة في حالتك تصحي بدري قبل الفجر.. تطلع على حلقة السمك تصلي هناك الفجر وتخش الحلقة بعد الصلاة تعيش حياتك... وماتسمعش إلى يقولك كل ما تلف والوقت يعدي كل ما الأسعار بتنزل... هو صح بس برضه جودة السمك إلى بتشتريه بتنزل... ولو إنتوا قبيلة فعلاً أحسن حاجة تشوفلك سبوبة تشتريها وتخلص نفسك... لو فيه ناس طبيخة معاك ممكن تعملوها في البيت أو أحسن تروحوا محل سمك يطبخهالكوا... (على ما أذكر في واحد جنب الحلقة إسمة إيلا كان بيطبخ مش عارف لسة ولا بطل)...

أيوه يا عبدالسميع .. إنت بتنده على وجدي

حالاً هابعتهولك دلوقت

بقى يا راجل أقولك رايح أصيف وأعمل دماغ وأبلبط بعد عدة شهور من الشقا والغُلب في بلاد الله لخلق الله تقوم تقولي إصحى بعد الفجر وخد القُفه وروح الحلقة وإشتري سمك وأقعد 7 أيام تنضف وتشوي وتقلي ؟

إنت ماعندكش وسط ؟

يعني يا أدفع ألاف الدراهم في أكلة سمك

يا أتبهدل وأتزفر ويطلع عيني ؟

ماشي ياوجدي

على قدر سعادتي بك وبأفكارك الإفتكاسية في موضوع البرفانات والحاجات دي واللي خلتين أقول إني إكتشفت عالم من علماء الطبيعة ... إلا إنك في السمك ماطلعتش مُحترف ..

خليك بقى في لخمة الراس وإنت تعيش

العزيز هوبا سان

إسكندرية في القلب يا مان .. ومهم روحت ودلدلت رجلي على شواطي الريفيرا أو جُزر الكناري عُمري ما بنسى الفريسكا ولا الكلو كلو ولا البكلويز ولا خالد بن الوليد

عايز تسقيف حاد

[yasovinas]

حد يللى مهاجرين بره فاكر رمضان اسكندريه ؟؟؟ يارتها ايام تعود

رمضان زمان في اسكندرية ايام الصيف كنا بنصلي الفجر ونطلع على البحر ي كليوباترا قدام فندق نوبل نلعب كورة لغية الشمس ما تطلع وبعدبن ننزل البحر في الحوض الكبير تحت كازينو كليوباترا ونرجع البيت على الظهر ننام لغاية قبل المغرب بشوية وبعد الفطار وبعد الفوازير نصلي التراويح في جامع سيدي جابر او جامع سليمان محمودوبعدها نلعب برضه كورة في الدورة الرمضانيه وبعد الكورة اللي كانت في الغالب بتنتهي بخناقة كل يوم على السحور

وفي الايام اللي ما فيهاش كورة بعد التراويح كان لازم نروح ابو العباس او نتفسح في الكيدان وسوق المنشية واحيانا القلعه

ايام رائعه الشوارع في رمضان تمشي فيها وكانها متغطيه من كثرة الزينة وعلى كل امة شارع تلاقي فانوس وكل حاره او شارع يتفنن شبابها في عمل فانوس بشكل جديد وتصميم مختلف عن العام اللي قبله

والفانوس كان بيتعمل فوق سطوح احد البيوت وكان من الاسرار العسكرية الهامه ان لا يراه احد من اهل الشارع او من عيال الحارات المجاورة وهذا كان يتطلب ان تكون الورشه في سطوح اعلى بيت في الشارع

ايااااام

[hopsan]

إسكندرية في القلب يا مان .. ومهم روحت ودلدلت رجلي على شواطي الريفيرا أو جُزر الكناري عُمري ما بنسى الفريسكا ولا الكلو كلو ولا البكلويز ولا خالد بن الوليد

حبيبى ...على حد علمى ان كلمه بكلويز دى تلاقيها فى السويس ودمياط و بورسعيد و كمان الإسماعليه

انما بكلويز فى اسكندريه معتقدش

معلهش مره تانيه كتر الأكل بوظ الأعصاب

و ماله تسفيق و تصفق حاد و عارم كمان

[nancy]

لا انا قابلة كلامك يا ياسو

وحياتك انا طول النهار بفكر فى مدخل شى جابى من زىما قلت وانا لما انزل حاكتب الشارع بالظبط وعموما اعتقد المدخل الى قلت علية صح

وبعدين رمضان فى اسكندرية للبنات غير الولاد بالنسة ليا كان رمضان لو مفيش دراسة ولا شغل يبقى فى البيت وتجهيز الفطار

طبعا كانت فرصة ذهبية انى اتعلم فيهم الطبيخ فى رمضان فحياكلوا حياكلوا

وبعد الفطار انزل انا واختى وبنات عمتى ونتمشى على البحر نروح بيت جدى

بس اهم حاجة كنا نتفرج على فوازير نيلى الاول وبعدين ننزل نتمشى ونص ساعة ونروح علشان كان عيب نتاخر فدة كل رمضان بالنسبة لى :wub:

[Mousa]

يا جماعه، مفيش واحد ابن حلال يدلني علي ابو اشرف احسن ده موصوفلي من واحد اسكندراني قديم

و بالمره اخبار السي جل ايه ؟!

[yasovinas]

ملاحظة جميله جدا لاحظتها في كل مكان اروحه وفي كل منتدى

ان اي موضوع يتفتح عن اسكندريه تلاقي الكل بيشارك فيه وتلاقي الكل بيتكلم فيه بحب وبقلب

طبعا الموضوع دا بيغيظ واحده صاحبتنا من بنات ريا وبكرة هتلاقيها عاملة موضوع {الخريطة الظاهره لشوارع القاهرة}

طبعاً عرفتوها كلكم

بدون ذكر اسماء

كليـــــــــــــــــــــــــــــــــــــــ :wub: ــــــــــــــــــــــــو

[Cleo]

ملاحظة جميله جدا لاحظتها في كل مكان اروحه وفي كل منتدى

ان اي موضوع يتفتح عن اسكندريه تلاقي الكل بيشارك فيه وتلاقي الكل بيتكلم فيه بحب وبقلب

طبعا الموضوع دا بيغيظ واحده صاحبتنا من بنات ريا وبكرة هتلاقيها عاملة موضوع {الخريطة الظاهره لشوارع القاهرة}

طبعاً عرفتوها كلكم

بدون ذكر اسماء

كليـــــــــــــــــــــــــــــــــــــــ :blush: ــــــــــــــــــــــــو

وبكرة ليه؟؟ :wub:

http://www.egyptiantalks.org/invb/index.php?showtopic=20938

[Cleo]

يا جماعه، مفيش واحد ابن حلال يدلني علي ابو اشرف احسن ده موصوفلي من واحد اسكندراني قديم

و بالمره اخبار السي جل ايه ؟!

صاحبك ده باين عليه غاوى مقالب وعاوز يضحك عليك للصبح :wub:

أنا جربت محلات أسماك كتير فى اسكندية وأقدر أقول فى رأيى المتواضع إن أبو أشرف وزفريون أقلهم جودة على الإطلاق.. أبو أشرف من حيث الجودة والأريحية فى المكان، وزفريون من حيث التنوع فى الأصناف..

أفضل مطاعم أسماك ارتدها فى اسكندرية كانت "زفير" فى الماكس (حراق حبتين بس أكله كويس) و"عروسة البحر" فى المرسى أبو العباس وطبعا "قدورة" فى بحرى..

لكن أفضل وجبة أسماك أكلتها فى حياتى وأحلف بيها طول عمرى كانت فى عشة على الكورنيش فى المكس وانت قاعد على أسوأ شواطئ الاسكندرية إطلاقا تتنسم عبير الصرف الصحى وهو بيصب فى البحر.. بس فعلا كانت أكلة تستاهل مليون جنيه :blush:

[wagdi]

بقولك إيه يا سين سين...

إنت شكلك كدة حتتعبني وتحرق جاز...

ماهو إنت لو عايز أي حاجة عندك كل المحلات إلى قالولك عليها،من أول أبو أشرف وجزيرة الملكة لحااد حودة جندل والواد عبده بتاع السمك إلى بيقولوا عليه.... هو إسمه كدة....

لكن أنا عهدي بيك صاحب مزاج... وباشا قديم وثري عربي...

وبعدين ياسيدي روح مع الجماعة إعزمهم في أي حتة سياحية وبعدين إبقى خد المدام لواحديكو كدة بروا نفسكوا بأكلة حلوة....

وأنا قلت تلتميت ربعميت جنيه على أساس عامل الجمبري (حيث إن أخر مرة رحتلوا السنة إلى فاتت كان ب240 جنيه الكيلو)... مش لازم جمبري يا سيدي...

يعني لو إنت مثلاً كييف تاكل الجندوفلي ني ده المكان الوحيد في إسكندرية إلى ممكن تاكل عنده جندوفلي بلدي ني وإنت مطمن...ممكن تاخدلك قاروصاية مشوية أو شوية بربون حجر من إلى وصى عليهم داوود في التذكرة... ممكن تطلع بأقل الخسائر مثلاً 80 أو 90 جنيه النفر....

على فكرة، حاول ماتروحش إسكندرية يوليو و أغسطس، روح سبتمبر ويا سلام لو أكتوبر.... حتفرق كتير في الزحمة...

بالمناسبة، وأنت هناك إخطف رجلك لميمي في سبورتنج على الترام خدلك سندوتشين كبدة وواحد لحمة مشوية وبعدين إتدلى خطوتين لدهب حلي بفطيرة...

مافيش مانع برضه تروح نص البلد تركن عند سينما مترو... تجيبلك تمن لب أسمر وتاخد شارع صفية زغلول ساعة مغربية توصل لحاد ميدان عمك سعد تتفرج على الشمس وهية بتعمل طش في المية، وبعدين تضربلك عصير قصب تقوي عضامك وتفتح نفسك وتقزح على سعد زغلول ومافيش مانع تضربلك سندوتشين عند محمد أحمد وبعدين تعرج "حلوة تعرج دي" على النبي دنيال حتلاقي في نصه عمك مظلوم على عربية بطاطا،"لو لقيته ساكت والناس واقفة عليه طوابير أشتري، لو لقيت معلهوش حد وبيزعق "معسلة يا بطاطا" ماتشتريش...

ماتنساش تروح متحف المجوهرات....

ومتنساش تروح حديقة أنطونيادوس... والأخت نانسي تحكيلك عليها مادام فنون جميلة لأن كلهم بيروحوا يرسموا هناك...

أه....وأبقى روح قهوة سلطنة عالبحر قدام كوبري ستانلي ساعة مغربية، خليهم يعملولك طبق بطيخ ساقع تبل ريقك وتتفرج على الشمس وهي بتعمل طش في المية (بس من ورا الكوبري)...أو روح بليل العبلك عشرتين طاولة مع حجرين معسل وعصير مانجة...وأبقى جرب فطيرة البقلاوة هناك...مش حاتقدر تغمض عنيك... :wub:

لو مرة عايز تاخد المدام في حتة حركات روح قطر الندي في السلاملك في المنتزه، أو أقولك، أعمل فيها رومانصي ومد شوية للعجمي روحوا كريستينا...

ومن ماما وبابا إلى تيتة بلمبروزو...

عنواين وتليفونات وحاجات:

المــطـاعـــــم

ـ لوردز ان سنتر : 17 ش سوريا ـ رشدى ت 5462085

ـ سى لاند : 116 طريق القاهرة الاسكندرية الصحراوى ت 4481297

ـ سابليه : جليم طريق الكورنيش ت 5864470

ـ ماستر : طريق مصر اسكندرية الصحراوى ت 4481233

ـ سانتا لوتشيا : 40 ش صفية زغلول ـ محطة الرمل ت 4810332

ـ تريانون : 56 ش سعد زغلول ـ محطة الرمل ت 4874876

ـ لورانتوس : 44ش صفية زغلول ت 4862200

ـ بسترودس : 39 طريق الحرية ـ محطة الرمل ت 3929609

ـ لاكازميا : 242 طريق الكورنبش رشدى ت 5445053 ـ 5222052

ـ أتينيوس : 21 ش ميدان سعد زغلول ـ محطة المل ت 4860421

ـ ويدوش : الكيلو 17 ـ الهانوفيل ت 4301649

ـ نصار : طريق 26 يوليو الكورنيش ـت محطة الرمل ت 4805370

ـ ايليت : 43 ش صفية زغلول ت 4872443

ـ الريفييرا : قصر المنتزه ت 5474228

ـ درويش : 202 طريق 26 يوليو ت : 4868938

ـ الفردوس : البيطاش ت : 3081464

ـ جاد : 2 ش محمود عزمى ت: 4867439

البيطاش ـ العجمى ت : 5006179

خلف 25 طريق الحرية ت : 3934845

ـ بوشين : 436 طريق الجيش ـ لوران ت : 5861021

ـ شانجر يللا : 7ش الاقبال ـ فيكتوريا ت : 5870366

ـ راكوتيش : المعمورة ت : 5377283 ـ 5377577

ـ الروشه : أبو تلات ت : 4301910

ـ تكا جريل : بجوار نادى الكشافة الميناء الشرقى ت : 4805119

ـ عز الدين : طريق مصر الاسكندرية الصحراوى ت : 600840/049

ـ أبو هاشم : ش خالد بن الوليد ميامى ت : 5550114

ـ شنغهاى : 12 ش محمد أحمد العفيفى سان استيفانو ت : 5839334

ـ سكستينز : الوطنية جراند مول ـ شارع ابراهيم نصير ـ لوران 5843499

ـ جنوا : 242 ش عبد السلام عارف ـ لوران ت : 5851128

ـ مؤمن : سموحة ت : 4250202 ـ 4252322

المعمورة : ت : 4573126

محطة الرمل : ت : 4845203 ـ 4845204

العجمى : 4338501 ـ 4845204

سيدى بشر : ت : 5558111

ـ كولو دور : لوران ت: 5822901 ـ 5822904

ـ فاست بريك : لوران ت : 5840980 ـ سموحة ت : 4205005

ـ أبو شعرة : بحرى ت : 4819029

ـ فيش اندفيش : زهران مول ت : 4142444

ـ شيفا هاوس : زهران مول ت : 4245444

ـ فندق سيسل : ت : 4837173

ـ ايليت : محطة الرمل ت : 4382443

ـ ليتل سيزر : رشدى طريق ت : 5220591

ـ الطازج : محطة الرمل ت : 4806594

رشــــــدى : شارع المعسكر الرومانى ت : 5448261

ـ ابيدوش : المعمورة الشاطى ت : 5377283

ـ الشاطبى : الكورنيش الشاطبى ت: 5940368

ـ عمر الخيام : أمام 18 ش سعد زغلول ت : 4840880

ـ حاتى الجمهورية : 5 ميدان التحرير المنشية ت : 4863741

ـ مونسنيور : ش 26 يوليو محطة الرمل ت : 4861460

ـ ميراج : 408 طريق اتلجيش سان استفانو ت : 5861711

ـ زنادو : هانوفيل العجمى ت : 5870366

ـ بتا بتا : ش شاطىء شهر العسل ـ البيطاش ت : 3084652

ـ بلوانجل : البيطاش ـ العجمى ت : 3081579 ـ 19ش ميدان سعد زغلول محطة الرمل ت: 4877600

ـ رومانش : طريق 26 يوليو الازرايطة ت: 4863671

ـ الشرق أبو غريب : 13 البورصة القديمة المنشية ت : 4808668

ـ الصفوانى : 79 ش عمر لطفى الابراهيمية ت : 5929346 ـ سموحة : ت 4286436

ـ السروجى : السوق التجارى القديم ش 11 المعمورة ت : 5370590

ـ السلطان : أرض الملاهى الازاريطة ت : 4841076

ـ أندريا : العجمي ت : 3083227

ـ أنا ميشو : 92 ش عمر لطفي الإبراهيمية ت : 5922621

ـ فلفلة : البيطاش العجمي ت: 3081493

ـ علاء الدين: طريق الجيش ـ سيدى جابر ت: 850395

ـ مصطفى درويش : 200طريق 26 يوليو ت : 4869680

ـ قصر الجوهرة : شاطىء ستانلى

ـ أبو أشرف : 28 شارع صفر باشا ـ الجمرك ت : 4843850 /4816579

ـ قدورة : 33 شارع ببرم التونسي ـ المنشية ت : 4844045 / 4800405

ـ الفريدة : قصر السلاملك ـ حدائق المنتزه ت : 5477999

ـ شى جابى : 22 شارع طريق الحرية ت : 484329

ـ تشيلز : أبراج شيراتون المنتزه ت : 60/50/5557040

ـ دراجون : فندق الميركور ت : 2/ 5880911

ـ نود كورت : سول زهران ـ سموحة ت : 4242444

ـ التكية : سان استيفانو بجوار أسواق فتح الله ت : 5839334

ـ نجاو شينا ( فندق كوراى ) : 802 طريق الجيش ـ المندرة ت : 5380996

ـ جراند كافية : نادى الكشافة البحرية ( بحرى ) طريق الجبش 9/4805114

ـ حسنى : 30 شارع جعفر باشا ـ الجمرك ت : 4812350

ـ لاكازنيا : 242 شارع الجيش ـ رشدى ت : 5222052 ـ 5445053

ـ الصالون : شارع سعد زغلول ت : 4860986

ـ صحارى : الواطنية ـ لوران ت : 5843838

ـ سان جيونانى : فندق سان جيونانى ـ 205 طريق الجيش ـ ستايلى ت : 5467775

ـ شامى : سموحة المركز التجارى ( زهران ) ت : 4506676 ـ 4265027

ـ دون كاميللو : الوطنية جراندمول ت : 5843280

ـ بوش : لوارن 436 طريق الجيش ت : 5821021

ـ دنستى : 544 طريق الجيش ت : 5482977

حلويات ومخبوزات

ـ الصمدى : ت : 4805119 ـ 4805114

فاكس : 4809842 بحرى : 4805114

العنوان : شارع 26 يوليو بجوار نادى الكشافة البحرية الميناء الشرقى

ـ كلاسيك :سموحه : 4262605

الهدايا : 5851160

فلمنج : ت 5839109

فيكتوريا : 3588144

ـ تريانون : محطه الرمل ميدان سعد زغلول ت : 4860983

ـ بون ابيتى : سموحه ت : 4240444 ـ 4240555

سيدى بشر 5405280 ـ 5405250

ـ بودرو : 23 ش سعد زغلول محطه الرمل 4865687

ـ لابوار : لوران ت 3588444

ـ ماركيز : ـ ت 42744000

ـ مانا : مصطفى كامل ت : 5467606

الابراهيميه ت : 5913098

ثـروت ت : 5829178

الشلالات ت : 867810 4

ـ ديليس : طريق الحريه ت : 4861422

ـ لوردزان : رشدى ت : 5462016 ـ 5462061

ـ بسترودس : طريق الحريه ت : 3929609

اسمــــــــاك

ـ تكاجريل : ت : 4805119 فاكس : 4809842

شارع 26 يوليو بجوار نادى الكشافة البحرية المينا الشرقى

ـ فيش هاوس : ت : 4805119 فاكس : 4809842

شارع 26 يوليو بجوار نادى الكشافة البحرية الميناء الشرقية

ـ سى جل : المكس أول طريق العجمى ت : 4455575

ـ باراديزان : حدائق قصر المنتزه ت : 5477145

ـ زفيرون : شاطىء ابوقير ت : 5601319

ـ ايلع : الانفوشى ت : 4843995

ـ السراية : سابا باشا طريق الكورنيش

ـ سمكمك :42 ش قصر رأس التين ت : 4811560

ـ بيلا فيستا : شاطىء ابو قير ت : 5600628

ـ دينيس : 1 ش ابن بسام ت : 4870457

ـ اسماك عروس البحر : ميدان المساجد ابو العباس

مطاعم ايطالية

ليونا روددانس : البيطاش العجمى ت : 3080207

لاكازاميا : 242 طريق الكورنيش رشدى ت : 5445053

كارينا كافية : حدائق المنتزه فالكون فان سنتر ت : 5472110

باراديزان : حدائق المنتزه ت : 5477145

شى جابى : 22 طريق الحرية ت : 4874404

مطاعم شرقية

تكا جريل : بجوار نادى الكشافة الميناء الشرقى ت : 4805119

عز الدين : طريق مصر اسكندرية الصحراوى ت : 600840/049

ابو هاشم : ش خالد بن الوليد ميامى ت : 5550114

ابيدوس : المعمورة الشاطىء ت : 5377283

الشاطبى : الكورنيش الشاطبى ت : 5940368

عمر الخيام : 19 ش ميدان سعد زغلول محطة الرمل ت : 4877600

ميراج : 408 طريق الجيش سان استفانوا ت : 5861711

زنادو : هانوفيل العجمى ت : 5870366

رومانس : طريق 26 يوليو الازاريطة ت : 4863671

الشرق ابو غريب : 13 ش البورصه القديمة المنشية ت : 4808668

الصفونى : 79 ش عمر لطفى الابراهيميه ت : 5929346

السروجى : السوق التجارى القديم ش 11 المعمورة ت : 5370590

السلطان : ارض الملاهى الازاريطة ت : 4841076

اندريا : العجمى ت : 3083227

انا ميشو : 92 ش عمر لطفى الابراهيمية ت : 5922621

فلفله : البيطاش العجمى ت : 3081493

حاتى الجمهورية : 5 ميدان التحرير المنشية ت : 4863741

قصر الجوهرة : استانلى ت : 5220994

ونوس : المعمورة ت : 5373709

عجيبة : حدائق قصر المنتزه ت : 5376467

مطاعم غربية

بون ابيتى : مول زهران ( سيتى مول ) سموحة ت : 424044

الاخلاص : 49 ش صفية زغلول ـ محطة الرمل ت : 4863571

فاراند اواى : 11 ش 50 سموحة ت : 4259980

ـ 14 طريق الحرية المنشية ت 4841881

لورد زان : 12 ش العيطنى ـ سان استيفانوا ت : 5865664

ـ 17 ش سوريا ـ رشدى ت 5462016

سى لاند : 116 طريق القاهرة الاسكندرية الصحراوى ت : 4481297

سابليه : جليم طريق الكورنيش ت: 5864470

نيوشينا ( صينى ) 802 طريق الجيش ـ المندره ت : 53808996

ماستر : طريق مصر أسكندريه الصحراوى ت : 4481233

تافرنا : ك 44 طريق أسكندريه القاهره الصحراوى ت : 4481226

سانتا لوتشيا : 40 ش صفيه زغلول محطه الرمل ت: 4810332

تريانون : 56 ش سعد زغلول محطه الرمل ت: 4874876

لورانتوش : 44 ش صفيه زغلول ت: 4862200

أتينيوس : 21 ش ميدان سعد زغلول محطه الرمل ت : 4860421

ويدوش : الكيلو 17 الهانوفيل ت ـ 4301648 ت : 4301649

مطعم دولى

ماستر : طريق مصر أسكندريه الصحراوى ت ـ 4481233

نصار : 145 طريق 26 يوليو الكورنيش ت : 4805370

ايليت : 43 ش صفيه زغلول ت : 4872443

الريفيرا : قصر المنتزه ت ـ 5474228

الفردوس : البيطاش ت ـ 3081464

جاد : 2 ش محمود عزمى ت ـ 4867439

البيطاش ـ العجمى ت ـ 5006179

تندور : خلف 25 طريق الحريه ت ـ 3934845

بوسين : 436 طريق الجيش لوران ت ـ 5861021

درويش : 202 طريق 26 يوليو ت ـ 4868938

كوفى شوب

لا برجولا : المركز التجارى الرئيس ـ سموحه ت ـ 0122488574 ـ 5441143

هارفارد : 20 ش ابراهيم نصير ـ لوران

المركز التجارى سموحه ت ـ 0122469642

دون اندر : 20 ش ابراهيم نصير ـ لوران ـ جراندسول ت ـ 5843838

فلوفيرز : خلف 17 ش شعراوى ـ لوران ت ـ 010670192 ـ 5826582

شيكو بيتزا : 49 ش مصطفى كامل ـ سموحه ت ـ 4241099

نوبيا : الحديقه الدوليه الطريق السريع ت ـ 0104603471

بون ابيتى : سموحه ـ زهران مول ت ـ 4246599

سيدى بشر ـ بجوار فندق رمادا ت ـ 5405280

العجمى : ت ـ 3090081

سيدى كرير : ت ـ 3402666

بساطه : سموحه السوق التجارى الرئيس

جومانا : سموحه السوق التجارى الرئيس ت ـ 0123421967

ميرميد كافيه : 238 طريق الجيش ـ رشدى ت ـ 5443720 / 0105608271

كويك سرفس : 49 طريق الجيش الابراهيمه ت : 5920144

لا جاليت : 48 ش عمر زعفان الابراهيميه ت ـ 5920628

بونى مكسيمى : المعموره ت : 5370084

سويس سرفيس : البيطاش ت : 3080755

اولاد الزوات : سموحة ـ السوق التجارى ت : 4255455

ديفيلية 18 شارع شعراوى ـ لوران ت :5857617

أصاله : سموحة ـ السوق التجارى الرئيسى

افريكانو : 16 ابراهيم نصير ـ لوران ت : 0105252842

ستيى كافية : 21 ش صلاح سالم ت : 4847994

جرين كافية : طريق الحريه بجوار بنك امريكان اكسبرس صلاح سالم ت : 4877443

روون جاردن : سموحة السوق التجارى الرئيسى

براديز : العجمى بيانكى ـ امام ش البشوات

كان زمان : العجمى ـ بيانكى امام ويمبى

امسيه : 242 طريق الجيش ـ سان استيفانوا ت : 5229690

جانجل : الحديقة الدولية ت : 0101250917

فينوس : 12 طريق الحرية ت : 4860956

أباظة : 134 طريق الجيش ـ سبورتنج ت : 5922472

البجعة : 2 سموحة أمام المعهد الدينى ت : 427659

البورصة التجارية : 10 ش الغرفة التجارية ت : 484475

جراند كافية : بجوار نادى الكشافة البحر ت : 4805114

استديا : 40 ش صفيه زغلول ت : 4862293

فريال : 5 ميدان سعد زغلول ت ـ 4869364

[hopsan]

يا سى waqdi

مش عايز اكرر كلامى مرتين ...الواد اللى بتسميه حوده جندل ..اسمه الرسمى و المتعارف عليه من قبل وزاره إشغال الطريق حوده جندر ...مش عارف جايبين الأسامى دى منين و لما تروح هناك و من غير ما تبص لحد ازعق بأعلى صوتك يا حموووووه يأتيك على الفور شاب ضارب جل و مسبسب و مطول قطاته علشان البنات الصغننين بيحبو الحاجات الخيبه دى و اعطيه قايمه طلباتك و قوله انا من طرف القبطان ...ومتنساش تغمزه بحته بخمسه ...الحركه دى حتخليه لو انت طالب فى القايمه جنبرى ..حيطلعلك جنبرى طازه من قعر الحله و يمكن لسه بيلعب ( الأكل كله عند حوده جاهز و مطبوخ و معندوش ميزان و الكيلو عنده بالبركه ...بس مبروك )

و كمان لو كنت طالب فى القايمه سمك مشوى ...اوعدك انه حيطلعلك سمك ..البطارخ فيه اكبر من السمكه نفسها متسألش ازاى و عنده فيليه قشر بياض محصلش و لو قالك انه فيليه وقار ...قله مخلاص القبطان فضحك و تاخد منه اللفه العامره و تروح أجدعها موقف على البحر و تفرد الوليمه و لا يهمك قدام الناس هما برضه عينهم مليانه و خصوصا الجنبرى ..آه نسيت اقول اسعار الجنبرى ...عنده نوعين نوع ب 60 جنيه الكيلو و نوع ب 80 و ابو 80 حتلاقيه واضح و متشاف و مصحصح و ماسك نفسه و تلاقى الجنبريايه منهم عندها جوز شنبات حتعدمهم قريب انشاء الله

المهم ب 150 جنيه تأكل 5 افراد مرتاحين جدا و اكيييد اكييد حيكون للقطط الإسكندرانيه نصييب كبير من الوجبه وذلك بعد اصابتكم بالتخمه ...المهم الواد حمو هو محور المكان ...يعنى لو عايز تغوص فى حاجات زمان ..يعنى اكله رتسه باللمون بس قوله انك خبير فى الرتسه و كنت بتصطادها قبل ما يلغو الصرف الصحى فى البحر و اوعى تخليه يجبلك اللى الوانها الزرقاء و السوداء منها و افضل لون لها هو البنى بأنواعه ..او جرجولا مسلوقه بالبصل و الكرفس او شروه ام الخلول من النوع القوى مع طبق صغنن من الطحينه بزيت الزتون و الكمون والفلفل و الخل ..او طبق شوربه ترسه مع كوبايه دم الترسه ( قويه جدا و قالو عنها الأساطير فى انها بتعمل كذا و كذا و كذا ) و لو حتى طلبت منه الصرمبيه او بكلويز من بتوع بورسعيد حيجبهولك ..ده واد جن و الى تفاصيل اخرى انا فى الخدمه فى اى مطعم سواء كان على الرصيف او حتى جوه سان استيفانو قبل ما يفتح

[Cleo]

ماتنساش تروح متحف المجوهرات....

مقفول له أكتر من 3 سنين :wub:

بس لو غاوى فن حديث ورسم ونحت وحاجات من دى يبقى عليك وعلى متحف محمود سعيد فى جنكليس :blush:

[nancy]

اولا الى يعرف منين احسن كباب وكفتة ومبيقلبش بنازلة معوية

واحسن مكان تجيب منة سمك وجمبرى

اقصد اماكن تتصل بالتليفون ويجبلك على البيت من غير ما انزل خالص

حد يكتبلى تليفوناتهم

ثانيا

فية اماكن للمهتمين بالثقافة لاسكندرنية اكتر من الزوار

بالنسبة للى بيزورا اسكندرية لازم يزورا المتحف الرومانى والقلعة و المكتبة ويحاول يشوف العروض الموسيقيه البتعرض فيها ويشوف لو فيه معارض ياخد فيها لفة برضة كويس

اما الى سكنين كل من المركز الفرنساوى والالمانى والبريطانى والاميركى

بيكون عندهم عروض سنيما وموسيقا بتكون بلغة بلدهم وبتكون على حسب دخولك فى المركز نفسة ان كنت دارس او مشترك فى اى حاجة فية

وكمان فيه الاتليه وهو مكان لكورسات فى الرسم والنحت للاطفال وفية قاعة عرض لوحات كتير بيكون فية لوحات ومعارض مختلفة

واحيانا عروض سنيما او موسيقى واحيانا ندوات فنية

لو حد مهتم بالناحية دى