اذهب إلى المحتوى
محاورات المصريين

الخريطة الخفية لمدينة الإسكندرية


se_ Elsyed

Recommended Posts

نانسي بالنسبة لموضوع السمك في سماك في سوق شيديا بالازرايطه ممتاز المدام بتتعامل معاه على طول بيجيب لك الاكل جاهز وعنده كووول حاجه من الرز الاحمر والباذنجان المقلي لغية كوبايات الويسكي بس طبعا انا ما عنديش رقمه هسال لك تانتك ام محمد (مراتي مش مرات البواب ) :wub: وارد عليكي في الموضوع دا

Yasso.gif

رابط هذا التعليق
شارك

عم ياسو متأخذنيش مش فاهم ليه طالع فى دماغى اصلحلك ..غصب عنى والله

سوق شيديا موجود فى كامب شيزار مش فى الأزريطه و اكيد تعرف المسافه بين المحطتين

اخاف تبعت نانسى للأزريطه و تسأل عن سوق شيديا يفتكروها جايه من بلاد الفرنجه

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

مرسى يا ياسر انا فى انتظار تليفون السماك وياريت تشفلى بتاع كباب وكفتة كمان اسالى ام محمد

واسالها بتعمل فين حواوشى كمان انهى فرن

ومتخفوش عليا انا حفظة سوق شديا عيب دة انا اسكندرنية تحب اوصفهولك من ناحية الابراهمية

تقف عن الترام وتمشى كانك رايح على محطة الرمل خمس دقايق وتبقى على اول سوق شديا

على امتة شمالك وانت ظهرك للترام فرارجى وعلى يمنك بقالة وعلى بابها ولحد نص الشارع فكهانية تتدخل فى السوق 50 متر تلاقى على يمنك محلات السمك على ناصية شارع تدخل فية تلاقى قلى السمك على شمالك وواح بيبيع كنافة وجلاش ورقاق دة احسن واحد فى اسكندرية وادام شوية فرن عيش بالدى

واكيد ياسوا بيتكلم على واحد من دول

لو دخلت السوق بعد السمك تدخل على الخضار والفاكهه

صح متخفوش عليا انا خبيرة فى الحتة دى :wub:

رابط هذا التعليق
شارك

مش عارف ليه انا متطفل مع ان nancy طلبت الطلب ده من عم ياسو

شوفى يا ستى ..آدى احسن واحد من وجهه نظرى بيعمل كباب و كفته و اسمه البافو و لو انتى كان ضهرك لمحطه سبورتنج الكبيره و مقابله البحر حتلاقى شارع و الله اعلم اسمه شارع الدلتا ..اول ما تدخلى فى الشارع ده بخمس خطوات فقط حتلاقيه على الشمال و آدى نمره تليفونه 5914772 و لما تطلبيه تقوليله على طبلك و اهم حاجه تقوليله انا عاوزه الفليه بدون سمين و كمان تقوليله ابعت باقى 50 جنيه او 100 جنيه لأن اللى حيجيبلك الحاجه مش حيكون معاه فكه و تضطرى تسبيله 5 جنيه من الباقى ...انا عارفهم

غيره

احسن واحد تجيبى منه ورقه لحمه او حواوشى او حتى لحمه بكافه انواعها و اصنافها

جزاره اسمها جزاره سيدى جابر و صاحبها اسمه عمرو و الجزاره دى موجوده فى سيدى جابر فى شارع المشير احمد اسماعيل ...الشارع الواصل بين سيدى جابر الشيخ و سيدى جابر المحطه هو غالى حبتين بس يعد افضلهم على الإطلاق و كيلو اللحمه الشمبرى او المفروم ب 44 جنيه و البتلو معرفش لأنى بطلت اشتريها من يوم ما غليت بعد موضوع الإلفنوانزا

بالمناسبه باين عليكى مرحتيش سوق شيديا من فتره لأن الفرارجى اللى بتتكلمى عليه باع محله للسماك اللى على الناصيه و اللى كان بيقصده ياسو و معدش غير فرارجى واحد فى المربع ده غير كام واحد بس جوه شويه وواحد بره السوق ...يعنى قبل ما تحصللى السوق بكام خطوه و السماك ده عامل معرض اسماك ولا فى زفريون و طبعا نار و الجنبرى عنده اللى تقدر تقول عليه معقول و تقول انا اكلت جنبرى النهارده عنده ب 140 جنيه

و انا فى الخدمه ....( واحد متطفل )

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

hopsanاشكرك جدا

ومعنى انك تكتب مش انك متطفل معناه انك شخص خدوم جدا مرسى

وبالنسبة للفرارجى الى قلب سمك دة انا اخر مرة كنت فى سوق شديا شهر 7 الى فات احتمال اتغير طبعا

مكل حاجة بتتغيرعادى :wub:

رابط هذا التعليق
شارك

يا سلاااام على الهدوء ...

الدوشة كلها راحت هناك فى الحر والتراب... كده الواحد يتفسح براحته من غير صداع

ياللا بشويش كده اللى عايز يجي يتسحب براحة ويركب معايا ....يا فندم بنقول بشويش ... انتي بتقفلي باب التلاجة

شغلنا يابنى الكاسيت ... بسى وطى الصوت شوية ...

ترلم لم لم ترلم ترلم... ايديا ف جيوبي وقلبي طرب ... سارح ف بلدي ومش مغترب :)

ياللا نروح نتغدى ونرجع نتفسحوا ف التراوة .... :rolleyes:

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك

ياسلالالالالالالالالالالالالالالالام

حتى فى صفحه قاهره المعز اصبح الكلام يخص اسكندريه حبيبتى ...الله عليكى يا بلد

مافيش فايده ...البلد دى لها طعم غريب كده مش عارف اقول طعم ايه و بعدين الناس مش عارفه تسيب الحديث عن الإسكندريه حتى بره صفحتها و فى صفحه مصر المحروسه ...هو العيب فين ؟؟؟ فى البلد ولا فاللى مش عارفين يكتبو...مواه مواه .. دى بوسه على خدين إسكندريه الجميله طبعا

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

أنا ايه اللى جابنة هنا :rolleyes:

تم تعديل بواسطة Cleo

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

أنا ايه اللى جابنة هنا

اللى جابك ..هو العسل اللى بيشر هنا

مش قلت لكم البلد دى لها سحر عجيب غريب

اصل اهى كانت رايحه طنطا علشان تروح السيد البدوى تدعى ربنا يفرجها ....( اصل الفرج ميبآش الا من عند السيد البدوى ) عاده مصريه غريبه و ركبت الوابور و ياولداه نامت فى الوابور قووم هى راحت عليها المحطه قووم راح الوابور لحد محطه مصر قووم قالت طيب ماروح للمرسى ...اهو له بركات برضه قووم لقت المرسى زحمه اصل الدعاوى هناك للركب قووم لقت جامع قدامه صحبه غلبان اسمه البوصيرى و محدش يعرف عنه حاجه و ال جاى يتمسح فى عمنا المرسى و طبق المثل اللى يجاور السعيد يسعد و المسجد فاضى ياعينى فراحت عمتنا كليو فتحاها على البحرى و هاتك يا دعاوى ...ما هى فبحرى بقى و شلاه يا اباصيرى و بعد كده جابت شروه سمك من الحلقه و لما عرفو انها مصراويه قامو بيعين لها التروماى ( كام سمكه حلوين من على الوش و الباقى بايت من اوله امبارح ) قووم شفهم الواد حسن ابن عبعاطى و قووم مطلع ليهم قرن الغزل و فى لفه واحده كان السلاح بيلمع فى وشهم و فثانيه واحد اتبدل السمك البايظ و اللى ريحته كان جايب ميدان الحقانيه بسمك بيلعب و يتنطط ..ده حتى عرضو عليها تاخد 3 كيلو جنبرى فوق النص كيلو بساريه اللى كانت شرياه وهى قالت نو مرسى انا حاخد السمك البلطى اللى انا شرياه بس و عليه اخدت عمتنا كليو شروه السمك فى حنطور و طبعا كان موصى عليها الواد حسن ابن عبعاطى انه توصل لمحطه مصر وميخدش منها تعريفه ...يا سلالالالالالام على ولاد البلد لما يكونو جدعان ..صحيح يا واد يا حسن يا ابن عبعاطى واد مجدع صحيح ..قووم خدت كليو الوابور و رجعت لباب الحديد من غير ما تنام

شفتى بقى انتى ايه اللى جابك هنا ؟؟؟؟

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

جميلة انتي في الصباح رومانسية انت في المساء ... هواكي فواح ملي بنسيم اليود يا اسكندرية يا جميلتي .. اسكندرية ترحب بكل حبايبا اسكندرية الشعراء الطعامة الخيال الهدوء انصحكم تذهبوا الى الاسكندرية في شهر 10 اى اول اكتوبر حيث متعه الخروج اليلية ياه وحشاني اسكندرية ...................................... تركتك يا اسكندرية على عيني و الدمع على خدى كنت اسيا عليه لما تركتيني اهجرك ... عذبوني بالظلم تركتك و قلبي ينزف من جمالك ... اخبارك اي يا اسكندرية منذ 8 سنوات لم اراكي وحشاني يا اطعم بلد وحشني ابوراوية و شربة ولحم ابوراوية ... وحشني بيسو بتاع الايس كريم في شااارع عبدالمعنم .... وحشني هدوئك في الصباح عند شروقف الفجر ... ياه احكولي عن الجديد في اسكندرية .... نفسي اعيش اخر لحظات من عمرى بجوارك يا اسكندرية لاني انا المظلوم و عاشق اسكندرية تركها بسبب ظلم الفررراعنه زوار الفجر الملاعين

رابط هذا التعليق
شارك

جميلة انتي في الصباح رومانسية انت في المساء ... هواكي فواح ملي بنسيم اليود يا اسكندرية يا جميلتي .. اسكندرية ترحب بكل حبايبا اسكندرية الشعراء الطعامة الخيال الهدوء انصحكم تذهبوا الى الاسكندرية في شهر 10 اى اول اكتوبر حيث متعه الخروج اليلية ياه وحشاني اسكندرية ...................................... تركتك يا اسكندرية على عيني و الدمع على خدى كنت اسيا عليه لما تركتيني اهجرك ... عذبوني بالظلم تركتك و قلبي ينزف من جمالك ... اخبارك اي يا اسكندرية منذ 8 سنوات لم اراكي وحشاني يا اطعم بلد وحشني ابوراوية و شربة ولحم ابوراوية ... وحشني بيسو بتاع الايس كريم في شااارع عبدالمعنم .... وحشني هدوئك في الصباح عند شروقف الفجر ... ياه احكولي عن الجديد في اسكندرية .... نفسي اعيش اخر لحظات من عمرى بجوارك يا اسكندرية لاني انا المظلوم و عاشق اسكندرية تركها بسبب ظلم الفررراعنه زوار الفجر الملاعين

ايييه يا عم عاشق ...قلبتها ضلمه ليه

كلها حبه و حترجع ....و بعدين هو اللى انت شفته يعتبر ظلم ...باين عليك مشفتش زوار الفجر اللى بحقيقى ايام الستينات ..انا عارف انت كنت لسه صغنون و مبتعملش حاجه وحشه و اوحش حاجه عملتها هو انك كنت بتشرب سجاير عالبحر قبل ما تروح المدرسه ...

و بعدين 8 سنين مش رقم يعنى ...طيب تقول ايه فاللى ماشفش البلد من 30 سنه ...مش انا طبعا ..بس انا اعرف الناس دى ...دى عيله كامله يابا و تعرف مقررين ايه ؟؟؟ وده حصل مع حبه منهم ..و دول مش بتوع بهدله ..ان الواحد لما توافيه المنيه ( بلاش جمله ربنا يفتكره الشائعه دى علشان ربنا مش بينسى ..غباوه بشر ..تعمل ايه )

انه يندفن فى اسكندريه حتى من غير ما يشوفها ...شفت ظلم اكتر من كده ؟؟؟

انا اعرف واحد من بعيد لبعيد و لما شفته فى لندن فى الدكانه بتاعته عملت فيه زى ما عمل فى البلد و هو غاير فى داهيه ...اصلى كنت ناوى من زمان اعملها و قلت لو ده حصل يبقى احدى امنياتى اتحققت

و هو اسكندرانى ابن اسكندرانى و اسمه محمد الفايد ...واحد برضه الناس ظلمته او هو اعتقد كده ...بس حمل البلد كلها ما حدث له و هو غاير على ضهر المركب قام تف على البلد ( بصق ) و حلف ما يرجعها تانى واهو و الحمد لله مرجعش ...و الأجمل من كده عرفت ان مش انا لوحدى اللى عمل كده... فيه ناس حبيبه للبلد عملت كده قبلى و انا كنت فاكر انى صاحب السبق و اكتشفت انى حته نقطه صغنونه ( ندعه ) فى بحر البشر اللى بيحبو البلد

اكيد انت قبل ما تروح لبيسو لازم ولابد تكون عديت على الواد وهبه بتاع الكبده وخبطلك تلات اربع سندوتشات كبده و اكيد قلت للواد ناصر اللى ماسك حله الكبده زود الحباش شويه اصل ايده ماسكه شويه عالحباش و بعدين قلت تمسى على طلعت اللى قدامه بتاع العصير علشان تهبشلك كوبايه عصير قصب و يمكن اتنين لما تكون ضارب اكتر من سندوتش كبده و تحلى فالآخر بلأيس كريم بتاع الواد بيسو ....فياريت ماتخدش الكلام من الآخر

مع التحيه و عقبال ما ترجع...يلا سلام ..ارجع بقى لنصبه الدرا بتاعتى احسن الزباين واقفه متلتله عليه..

تاخدلكش كوزين درا تعمل فيا معروف....؟

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

برد فى الشتا وحر فى الصيف...

إففففففف حاجة تخنق :happy:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

معلش يا كليو

اسكندرية فى الشتا جميييييييلة جدا

تخيلى كدة وانت لابسة البلطوا الوتر بروف وبتتمشى على البحر والجو رمادى وبتتفرجى على الموج وهو عالى بيعلن عن غضبة والمطر نازل ومفيش غيرك ماشى فى المطر وافكارك جوه دماغك مسخنها والمطر بيغسلك كل همومك ومتاعبك وبيعملك انتعاشة تجنن

لا.... المطر والتمشية على البحر فى الشتا من احسن اوقاتى

الدنيا ملكك والطريق والبحر بيحكيلك وانت بتحكيلة

جربيها مرة حتحبى اسكندرية فى الشتا اكتر

اما الصيف لو كان مش حلو فيها بعد كل الى قلناه قبل كدة يكون فية اية احلى

وبعدين اه حر انما حر القاهرة افظع واقوى كتير وبعدين ليل اسكندرية بيطفى نار الحر الى كان فى الصبح

اما نزل البحر والعوم طول النهار وبعدين تتغدى السمك وتحلى مانجو وتخدى دش من ملح البحر وبعدين تنزلى تانى تتفرجى على الغروب على الرمل وتودعى الشمس وهى نازلة فى البحر

وتتمشى فى الليل والهوا جميل على البحر

انسسسسسسسسسسسسسسسسسسسسسسسسسسسسسسسى

اوعى تقولى كدة تانى يا كليو ابدااااااااا

رابط هذا التعليق
شارك

أتفق معاك يا نانسي علي جمال و سحر الإسكندرية في الشتاء و جمال جوها و شوارعها

إنما الصيف :angry2:

الحقيقة مش عارف مين اللي ضحك علي المصريين و فهمهم إنها مصيف

أنا الحقيقة ممكن أروح أسوان في الصيف و لا أروح إسكندرية ...

المشكلة مش في الحر ....لأ ... في الرطوية و التلزيق الغير محتملين و اللي بتحسسني إن في حد مسكني و غطسني في طشت ميه بسكر و بهدومي و راح راميني في الحر

خيلنا في الشتا أحسن

You can.... If you think you can

رابط هذا التعليق
شارك

ايييه خلص الكلام عن اسكندريه خلاص ؟؟؟؟؟

طيب الكلام خلص عن مصر المحروسه و قلنا ماشى و ده شىء طبيعى وعادى

انما اسكندريه لسه الكلام عنها حيبتدى ..إحنا سخنا شويه و حنخش فى الغويط و نوصل للبراميل

و لسه جايب شوال درا طازه لزوم القزقزه و حنعيش و على قوله المصاروه هنعيش

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

  • بعد 2 أسابيع...

بحركه بسيطه أعمل up و تلاقى موضوع اسكندريه فوق

يمكن لسه حد عايز يكتب

الدرا المشوى

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

هو فية جزء من الموضوع طار ولا انا بيتهايئلى

حنا كتبنا كتير بعد كدة

وواحد تانى نزل اغانى كتير عن الاسكندرية رات فين دى؟؟؟؟؟ <_<

رابط هذا التعليق
شارك

أعتقد انك تقصدي الصفحة دي

اهداء ... الي عشاق الاسكندرية

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك

معلش ياواحد تانى

اصل دماغى كعبلت فالموضوعين دخلوا على بعض

الزهيمر شغال تمام <_<

اشكرك على التوضيح

كويس ان فية حد مركز <_<

رابط هذا التعليق
شارك

  • بعد 2 سنة...

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...