جايب لكم معايا مفاجأة .... عودة موديست ملك السيف

[Modest]

المروحة بتسلم عليك :blink:

بلو باشا مايند .. رديت على رسالة المروحة في التو و اللحظة .. وصل الرد و لا المروحة لسه شغالة؟

موديست نفسى اسأل سؤال و من غير زعل و حياة كريم ....مافيش اخبار عن الباك اب بتاع البارك؟ :blink: :blink:

ربنا ما يجيب زعل يا مدام فريدة .. فيه فعلاً بعض المشاكل في الباك آب و عند التغلب عليها سأبلغك إن شاء الله mfb:

فكرني بحلاوة عندنا في مصر كان إسمها " شيكو بون " شبه البرشام كده

وهنا بيسموها M & M

كنت أجيب الكيس من دول وأقوم سفه مره واحده ...

ده "السفوف" المُفَضَّل عندي .. أولادي بيحبوها فباجيبها بدون إحراج و ساعات باخد اللي معاهم (سطوة رأس المال )

موديست .... إنت مُرتبط ؟

يووووه يا سامبو mfb: ... الاسئلة دي مكانها الرسائل الخاصة :angry2:

يا أخي حاسس إننا هانكسب النهاردة و رحمة طنط نزاكة خالة ياسو اللي عمري ما أحلف بيها كذب -_-

و كما قال الشاعر: بيب بيب زمالك

صديقي Modest شوف يا سيدي أنا جديد معرفكش بس ادام عمنا ياسو عمل المهرجان ده يبقى اكيد فى حاجة ثم توالت التهنئة برجوعك من اثر من شخص له مصداقية وتاثير فى المنتدى طبعا عيب قوي اني ارحب بيك فى بيتك ( معلش واحد جديد حاسس ان البيت بيته )

وصفك لي بالصديق أسعدني كثيراً :P و شرف لي أن أنال هذا الترحيب الذي أتمنى أن أكون أستحقه :D

بخصوص ياسو الغالي فلعلمك و بيني و بينك أنا و هو متربيين مع بعض من أيام الغالية طنط نزاكة ... أكيد انت عارفها اللي ياسو عُمرُه ما يحلف بيها كذب ;)

مش عارف اقول ايه

بس حقيقي اللي ربنا بيحبه بيحبب في خلقه

الحمد لله على نِعَمه التي لا تُحصى ... و الله يا ياسو أنا في غاية التأثر و لا أستطيع مهما فعلت أن أصف شعوري تجاه الجميع .. ربنا يديم محبتنا لبعض :blink:

موديست

حمدالله ع السلامة

وعودا احمد

حقيقي فرحت جدا لما لقيت اسمك هنا

حمدالله على السلامة من كل قلبي...

أختي العزيزة الغالية شانا

الله يسلمك و يبارك لك ... مش لاقي كلمات أعبّر بها عن تقديري و شكري لكي على الذوق المتوقّع من إنسانة جميلة زيك :)

العزيز مودست

تحية -من القلب بجد- و ألف حمد لله على السلامة و أرجو أن نقرأ مداخلاتك قريبا

أستاذي العزيز مكسوف .. أشعر بصدق تحيتك من القلب لإني أبادلك نفس الشعور و أكن لك كل التقدير و الاحترام.

أشكرك شكراً جزيلاً.

[Ahmed Mohsen]

يا كسوفي يا كسوفي ....

الحبيب الغالي محمود موديست هنا والناس عمالة بترحب بيه وانا ماعرفش ....

ماعلش يا زمن .....

أعتذر عن التأخير في الترحيب يا موديست لكني مشغول جدا في الشغل ولم أدخل المحاورات منذ يوم الخميس ....

ودي هدية صغيرة كاعتذار رسمي مني

وبالنسبة للنهاردة يا صاحبي ... طبعا طبعا الزمالك هايكسب والماتش هايبقي حلو وهايبقي فيه أهداف كثيرة ...

ولعلمك الخاص أنا جايب النتيجة النهائية بتاعت الدوري من الكنترول والزمالك هايخده ... والبركة في حبايبنا الإسماعيلي والحدود

يا ريت ماحدش يصحيني من النوم ... أصلي بحلم حلم جمييييييييييل :o

تم تعديل 14 مايو 2006 بواسطة Ahmed Mohsen

[yasovinas]

ايه يا جدعان في ايه :huh: هي نانسي عجرم هي اللي رجعت المحاورات تاني وانا مش واخد بالي

كروت <_< وورود -_- وحب :o وهيام واحلام :blink: وانغام والهام لا بصراحه :happy: الموضوع كده زاد وطرطش :ph34r: لموا الدور بقى :sad: علشان كده عيب في ناس اعرفها دمها بيتحرق من الحاجات دي والله خايف عليهم ؛؛؛؛ :)

ايه دا انتوا ما عندكوش اخوات ,,,,,,,,,,,,,,,,,,,,,,,,,,,,,,,,قلبهم اسود اففففففففففففففففف :angry2: مليتوا البلد

[Blue_mind]

بلو باشا مايند .. رديت على رسالة المروحة في التو و اللحظة .. وصل الرد و لا المروحة لسه شغالة؟

بتسالني انا ؟؟ :o

.

.

.

.

.

.

.

.

.

.

.

.

.

هو انا اللي اتربطت فيها :angry2:

<_<

[nhro]

معقول....... ده ممكن....... بتقولو ايه رجع ....... قلبى قلبى

مودست تعالى فى حضنى وحشتنى ياراجل لو تعرف غلوتك عندى مكنتش تنسانى

[DARWEEN]

يا أخي حاسس إننا هانكسب النهاردة و رحمة طنط نزاكة خالة ياسو اللي عمري ما أحلف بيها كذب

و كما قال الشاعر: بيب بيب زمالك

:rolleyes: :huh: :ninja: :blink:

:D :P :lol: :lol:

نو كومينت

[زعلان]

بصراحة سمعت كثير :ninja: (من مصدر مسؤل :huh: ) عن الاستاذ مودست وكان نفسي أتعرف عليك من زمان :rolleyes: يا أهلا وسهلاومبروك فوز فريق الأهلي :blink:

[yasovinas]

يا اخي الناس دي شرررريررررة قوي :ninja:

قال ايه امبارح الراجل صاحب محل الفلافل اللى على إمة سوق زنانيري الحاج فاروق جعفر :blink: عارفينه طبعاً بيقول امبارح ان من اسباب هزيمة الزمالك ان المدرب (واخدين بالكم؛؛؛؛؛ المدرب ) ما عرفش يوظف لاعبي الزمالك صح!!!! وخصوصا الناحيه اليمين :huh: طيب يا حاج فاروق يابتاع الست فلافلات بشلن ها واخدين بالكو السته !!!! هنفوت لك دي

بس ليه بقى تقول ان عودة موديست للمحاورات من اسباب هزيمة الزمالك وان اللاعيبة حصل لهم احباط :D لما عرفوا انه رجع المحاورات

وحتى نقابة الاطباء الزملكاوية ونقابة المهندسين الزملكاوية اصدروا بيان شجب واستنكار لما فعلة موديست وفي احد الاطباء (الزملكاوية) ايوة ما هو اصل "كوووول الدكاترة زملكاويه" حسب اخر احصاء اجراة معهد (مراشلين بلا حدود) :rolleyes: لصاحبة محبط الزملكاوي :lol: {سلام يا جدع } :P

وبعدين بيقولوا ان طايفة المعمار والميكانيكيه وحتى عربجية الحنطور "الاهلاويه" {برضه حسب نفس الاحصائية سابقة الذكر } كووولهم حاطين شعارات موديست وجنبها اعلام حمرا فرحانين وقال ايه ماشين في شوارع مصر الجديده بيقولوا

موديست في المحاورات

والاهلي عدا وفات

موديست راجع راجع

الزمالك واقع واقع

اليوم رسمياً وجماهيرياً وادبياً نهنيء العزيز موديست بالعوده الى المحاورات

[Ahmed Mohsen]

وبالنسبة للنهاردة يا صاحبي ... طبعا طبعا الزمالك هايكسب والماتش هايبقي حلو وهايبقي فيه أهداف كثيرة ...

ولعلمك الخاص أنا جايب النتيجة النهائية بتاعت الدوري من الكنترول والزمالك هايخده ... والبركة في حبايبنا الإسماعيلي والحدود

يا ريت ماحدش يصحيني من النوم ... أصلي بحلم حلم جمييييييييييل :rolleyes:

هوا أنا مش قلت ماحدش يصحيني من النوم ....

مين بس اللي صحاني ......

أموت واعرف مين المؤذي اللي صحاني ......

موديست يا صاحبي .... ياللا بينا نخلع من هنا :huh:

[Tafshan]

صحيح مبروك يا مودست على روحك الرياضية و تقبلك بصدر رحب ال 2 /0 ... و الله زعلت لك :rolleyes:

[se_ Elsyed]

سى السيد ارجو انك تفصح عن تفاصيل العمليه.....

الجاسوس الصح واللي راضع لبن طبيعي .. عمره ما يُفصح عن تفاصيل عملية عملها ( سواء زايدة أو باوسير ) إلا بعد مرور 23 سنة على الأقل وذلك لأسباب أمنية .

ولكن بشكل عام العملية ماكنتش سهلة ... وأضطريت أقرأ جميع كتب الجاسوسية من أول قصص الداسوس العالمي " هريدي " وصولاً إلى الجاسوس المحلي " آيلي كوهين "

لحد ما حطينا موديست في علبة شوكولاته وقدرنا نهربه من جده ...

الموضوع كبيييير كبيييييير يا أحمد يابني بس هابقى أحكيلك تفاصيل أكثر الشهر الجاي وإحنا قاعدين بناكل كبده ومخ في الحُسين

على حساب إبننا المتهرب من التجنيد .. وليد

[yasovinas]

على حساب إبننا المتهرب من التجنيد .. وليد

لا مؤخذه مش كل كل ولا اي اي

ومش كل قط يتقال له يا مشمش

ولا كل لون يتعمل بنطلون

ولا كل من ركب الحصان خيال

ولا كل من مسك كمان بقى فنان

[Cleo]

موديست العزيز...

ربنا يديم المعروف دايما وما يغيبك عننا تانى..

وألف مبروك فوز الأهلى 2/0 بس :P

[Modest]

كان نفسي أستمر في الرد بالترتيب (أصلي منظّم أوي )

لكن حبكم الجارف اللي ظهر بعد نتيجة ماتش امبارح خلاني أنسى اسمي مش بس أنسى الترتيب

أنتوا إيه؟.... ماعندكوش اخوات صغيرين؟ .... هالاقيها منكم و لا من مرتضى منصور؟

[se_ Elsyed]

أنتوا إيه؟.... ماعندكوش اخوات صغيرين؟ هالاقيها منكم و لا من مرتضى منصور؟

تعاطفك لوحده مش كفايه

أكفل زملكاوي ولك الجنة

لأ بجد عايزين نلم لهم أي حاجة يا جماعة

أنا عن نفسي هافتح باب التبرُع بـــ ... عدد واحد بطانية مستعملة إستعمال نضيف ماركة " ق م م " القوات المُسلحة المصرية ... وهي من النوع فرو فئران الصحراء ... تدفئة متميز في الشتاء ... وتهوية مُكيفة في الصيف ... كما أُعلن عن تبرعي بعدد إتنين منطلون صغرو عليه من أيام ثانوي ويُمكن إستخدامهم لأشبال نادي الزمالك ...

هـــا مين قال أنا جاي يا سين سين ... وما تنسوش .. الزملكاوي ده إنسان زيوا زيك ... ومن حقه يعيش ويتبسط له يومين .....

أنا شايف زعيم القبيلة الزملكاوية الدكتور محطبط المحبطاوي أون لاين دلوقت وكلمني وقالي إنه بيتبرع بحُقن مقويات مع عدد 2 كرتونة فياجرا للاعبي النادي .... وزيادة في كرمه المعروف فقد تبرع بشكارتين زرنيخ لمجلس إدارة النادي ... خلونا نخلص ... مع عربة نقل صغيرة مُحملة بمناديل كلينكس مُعطرة لتجفيف دموع جماهير النادي ...

تبرع يا أخي الكروي ولا تبخل .... وتذكر جيداً بإن الأيام دِول ... والنهاردة الاهلي كسب .. فبكرة ممكن

يتعادل

[وليد صفوت]

على حساب إبننا المتهرب من التجنيد .. وليد

ماتفكرنيش يا س س .... امبارح واحد صاحبى و احنا بنذاكر مع بعض دردشنا شوية عن الجيش لقيته بيقوللى ( بس انت يا وليد يا مسكين لابس لابس :P أصلهم السنة اللى فاتت خدوا آداب انجليزى )

بس الأدهى من كده بقى ......

كيلو المشكل كبدة على مخ غلى أوىىىىىىى

همسة صغيرة فى أذن عمى ياسو ..... قرب ودانك يا عمى :

توووووووووووووووووووووووووووووووووووووووووت ;)

لأ بجد ... مستنيك تنزل مصر عشان تحكم بنفسك اذا كان كل اللى يمسك كمنجة يتقال عليه كمنجاتى و لا لأ ;) ;)

[yasovinas]

شكلك ما فهمتش اللي قاصده خالك الحاج س س وبناء عليه ما وصلتلكش اللي بقصدة

شوف يا سيدي او على حسب ما انا فهمت ان س س قصده انك متهرب من التجنيد على خلفية ان انت فنان وتامر افندي فنان

فانا قلت له مش كل الفنانين

{ رساله مشفرة الى المعلم س س مهما كان قصدك وافق على تفسيري وحياة الميتين عندك كلهم واكلة الكبده والمشكل عليه لما ننزل في يوليو }

[Modest]

والله وعملوها الرجاله.....

وبعد مرور 45 سنه على العمليه الناجحه الى قام بيها ابننا الفدائى سى السيد.... يبقى واجب علينا ان العالم كله يعرف ازاى نجحت عمليه الارنب المشروخ.

وهى العمليه الى استطاع بيها سى السيد الشهير بقلب البصل انه يحرر ابننا المناضل موديست من كازبلانكا ويرجعه فى عمليه نضيفه نضيفه صحيح.....

لا والاكاده ان العمليه كان فيها تمويه وكابوتشينو ودارون ( الحمد لله ربنا فك سجنه ورجعتله الذاكره )

موديست

الحمد لله على سلامتك ولو ناس اصحابنا عندهم ضمير يبقوا وصلوا لك سلامى ولو ما عندهمش.... يقوا هما الى وقعوا تحت ضرسى وسنتى وكل طقم السنان...

سى السيد ارجو انك تفصح عن تفاصيل العمليه.....

ابن مصر

دكتوراه الترحيب المقارن من جامعه شيروود بسفط اللبن و سحلاج فرن بلدى

سيادة الدكتور أنا هاحكي لك اللي حصل و انت تحكم :rolleyes:

العملية لا أرنب مشروخ و لا دياولو ... العملية مقصودة في التوقيت ده بالذات علشان س س يلاقي واحد زمالكاوي يطلع عليه القديم و الجديد

قال لي يا موديست يا ضنايا تعالى معايا أجيب لك حاجة حلوة .. و أنا صغير مش فاهم حاجة ... جيت معاه و أتاريه كان ناويها و مضبّط أمُوره أجي قبل الماتش بيومين .. لكن هأقول ايه و أشتكيه لمين .. ما كل المشرفين هنا أهلوية :lol:

مفيش ورد أحمر من هنا و رايح .. هاشتغلّكُم في الأزرق

:)

موديييييييييييييييييييييييييييييســـــت

يــــــــــــا 638736846143 مليون مرحبـــــــــــاً .... و عود أحمــــد يا غالى علينا كلنا ....

وجودك لوحده معانا فى مكان واحد فعلاً زى ما قالت كليو .... و الحمد لله على رجوعك بالسلامة, و ربنا يخليك لينا و تعملنا كروت كتير تانى ( واخد بالك يا ابيه من الحتة دى :P )

ترحيبك شرف كبير لي :P و طلباتك أوامر يا وِل يا ملك الكمان و كمان :huh:

[Modest]

معقول....... ده ممكن....... بتقولو ايه رجع ....... قلبى قلبى

مودست تعالى فى حضنى وحشتنى ياراجل لو تعرف غلوتك عندى مكنتش تنسانى

نهروووووو حبيبي الغالي :P

أنساك يا سلام .. أنساك ده كلام .. أهو ده اللي مش ممكن أبداً ;)

انت بالذات مش هاعمل لك كارت علشان عارف بتحب إيه ;)

يا كسوفي يا كسوفي ....

الحبيب الغالي محمود موديست هنا والناس عمالة بترحب بيه وانا ماعرفش ....

ماعلش يا زمن .....

أعتذر عن التأخير في الترحيب يا موديست لكني مشغول جدا في الشغل ولم أدخل المحاورات منذ يوم الخميس ....

ودي هدية صغيرة كاعتذار رسمي مني

أبو يوسف حبيبي

كان نفسي اشوفك في ظروف أحسن من كده لكن هانقول ايه.. انت اللي مصبَّرني على اللي حصل

وحشتني يا صديقي .. سلامي و قبلاتي ليويو .. و متشكر جداً جداً على الكارت الرائع . شغل كده بصراحة

طبعا طبعا الزمالك هايكسب والماتش هايبقي حلو وهايبقي فيه أهداف كثيرة ...

ولعلمك الخاص أنا جايب النتيجة النهائية بتاعت الدوري من الكنترول والزمالك هايخده ... والبركة في حبايبنا الإسماعيلي والحدود

يا ريت ماحدش يصحيني من النوم ... أصلي بحلم حلم جمييييييييييل :lol:

نفس الحلم جالي يا أحمد .. نبقى نتغطى كويس بالبطاطين اللي اتبرع لنا بيها سي السيد

بصراحة سمعت كثير ;) (من مصدر مسؤل :P ) عن الاستاذ مودست وكان نفسي أتعرف عليك من زمان :huh: يا أهلا وسهلاومبروك فوز فريق الأهلي :P

الحقيقة ماعنديش وقت للتعارف يا سيد زعلان :rolleyes:

تعتذر عن اللي عملته معايا بعد الماتش يبقى أهلاً و سهلاً نتعرف و نبقى اصحاب .. إنما غير كده !!!!!!!

نبقى أصحاب و حبايب :)

[Modest]

-----------------------------------------------------------------------------------------------------------

صحيح مبروك يا مودست على روحك الرياضية و تقبلك بصدر رحب ال 2 /0

موديست العزيز...

ربنا يديم المعروف دايما وما يغيبك عننا تانى..

وألف مبروك فوز الأهلى 2/0 بس :lol:

نجاملكم في الأفراح :rolleyes: