جايب لكم معايا مفاجأة .... عودة موديست ملك السيف

[se_ Elsyed]

بالصلاتو عالنبي لا سحر ولا شعوذة

الحاوي العجيب

يغيب شهر يرجع موديست

يدب ايده في جيبه اليمين يطلع داروين

يدب ايده في جيبه الشمال يقولك شبيك لبيك تحب اخلعلك بابا حُسني من الكرسي ولا اخليلك الزمالك يغلب الاهلي مرة من نفسه ؟

[yasovinas]

يا كروتك يا موديست

بجد زي ما بيقولوا الخير على قدوم الواردين

يعني داروين الغالي لينا مده كبيرة مش بنشوفه ظهر النهارده علشان خاطر الغالي موديست

وكمان ابن عمي الغالي ابوجملين اللي بقى بخيييييل قوي في مداخلاته وكلماته معانا زي ما يكونوا بياخدو منه ليرة طلياني على كل حرف عربي بيكتبه

حقيقي الاخوة جميله حلوة وربنا يديم بينا المحبه يارب

نورية موديست مش اسكندراني بس سواحلي برضه اي نعم هو ساكن في مصر الجديدة ولما بيعرق بينزل كريم شانتي ولما بيزعل بيصفر ولما بيتنرفز قوي تلاقيه يرعش رجلة اليمين جامد

بس برضه جدع قوي وبحبة لله وفي الله

[khedr]

جئت لكم من الهند بفيل خطير

ليرحب معي باخونا الكبير

ليعود بنا الي زمن الاساطير

ولا يكون هناك مجال بعد ذلك للتأخير

.............................................

شعر وفيل ....ايه ده كله

............................................

حمد الله علي سلامتك

وسط اهلك وناسك واخواتك

[DARWEEN]

بالصلاتو عالنبي لا سحر ولا شعوذة

الحاوي العجيب

يغيب شهر يرجع موديست

يدب ايده في جيبه اليمين يطلع داروين

يدب ايده في جيبه الشمال يقولك شبيك لبيك تحب اخلعلك بابا حُسني من الكرسي ولا اخليلك الزمالك يغلب الاهلي مرة من نفسه ؟

مساء الفل يا س س ... أطلع منها بقى لا حاوي ولا ساحر ... ما أنا كنت مستني منك ولو تليفون تقول لي أزيك ... ولا هو ما كانش عيش ولحمه :P

وبعدين أن الزمالك يغلب يوم الأحد دا مش محتاج حاوي دا محتاج معجزززززززززززززززه .....

بس لو فارس بجد ... شيل صاحبك من عالكرسي .... <_<

بالمناسبه أوعى موديست يكون جايب حد تاني في أيده ( ربنا يجعل كلامنا خفيف عليهم )

الحبيب ياسو باشا ... تعيش يارب ... أنا والله موجود وبأدخل كل يوم ... أقرأ ..... وبس

الأخت نوريه ... أنا أسكندراني من محرم بك ... أي خدمه

أنا نسيت أقول لكم حاجه .. أنا مش جاي أرحب بموديست في بيته ....

أنا بصراحه جاي أطالب بالقهوه والكابتشينو بتوعي ..... سامع يا موديست

:lol: :lol:

[نورية]

الأخت نوريه ... أنا أسكندراني من محرم بك ... أي خدمه

انا اصلى باحاول اعمل خلية سرية بتضم الاسكندرانية و ناويين نحتلوا المنتدى هنا بعون الله . <_<

[ATHENA]

أختي الصغنونة أثينا .. الأحلى هو وجودك

عايزة كارت زي بتاع س س؟ .. بس كده؟!! غالي و الطلب رخيص

:lol: :lol:

خلاص ماتزعليش و لا تتقهري .. الكارت بتاعك أهو :D

عزيزي مودست أزوق إنسان تعاملت معاه لحد دلوقتي في حياتي المؤلفة من 22 سنة.. :P

شكرا على الكارت الناعم الجميل ده... <_<

اهلا بيك تاني مودست العزيز

[Cleo]

الرقة = موديست

الجدعنة = موديست

الأخلاق العالية = موديست

هايد بارك ( الله يرحمها ) = موديست

الخبرة الفنية والحاجات المستخبية = موديست

مبروك علينا جميعا عودة موديست لعالم المنتديات...

فعلا كأن كان فيه ركن مظلم فى النت وأضاء بعودة موديست...

[shahd]

يا دشلوين اهلا وسهلا ومرحبا

اشرقت الأنور

وغنت الأطيار

نورتنا يا استاذنا

[حشيش]

الحقيقة الأخ العزيز مودست من القلائل الذين يعرفون بأنهم ( آخر الرجال المحترمين) ..... أنا سعيد بعودته إلينا من جديد وعايز أحط ورد وفل وياسمين لكن للأسف الصور التعبيرية والألوان مش شغالة معايا مش عارف ليه ! ... ولولا أننى عارف إن تكملة كصتى البوليسية (الساعات الأخيرة) قد يضايقه ويعيد إليه ذكريات الحلم الجميل لكنت قد أكملتها إبتهاجاً وترحيباً به

[Mohammad Abouzied]

واللي جديد بشوكه وما يعرفش موديست .. يبقى لازم نعرفوه

الرقة = موديست

الجدعنة = موديست

الأخلاق العالية = موديست

هايد بارك ( الله يرحمها ) = موديست

الخبرة الفنية والحاجات المستخبية = موديست

الراجل عايز ترحيب جامد عشان يرجع ويتشجع ....

ونرجو عدم جرح إحساساته في الكلام عن الاهلي والزمالك وخصوصاً ماتش يوم الحد الجاي الل هانقطعهم فيه ونرجع ذكريات الـ 6/1

--------

أخويا وحبيبي موديست ... مرحباً برجعتك لبيت العيلة الكبير .....

وتحية من القلب من شخص بيحبك في الله وإنت عارف .

حزمة الورد دي لسه سارقها من الجنينة اللي جنبنا بتاعت أختنا " علي النعمة مصرية يعني مصرية " فشمها ولما تخلصها هاتها نرجعها تاني

حكاية هايد بارك الله يرحمها مش مظبوطه , المفروض هايد بارك الله يقومها بالسلامة

[ماجد]

عودة موديست ... الأخ الغائب

كفاره يا معلمى

<_< :lol: :lol:

[linux]

مرحبا بعودة أخي الفاضل موديست. وحشتنا ياراجل.

[مصرية يعني مصرية]

دي كلها ترحيبات عشان أخونا موديست....

و على فكرة

حقوق السرقة محفوظة لياسو و س س <_<

وعشان ماحدش يزعل... :lol:

حقوق السرقة محفوظة لكل أعضاء منتداي العزيز

[se_ Elsyed]

مش عارف ليه حسيت من الموضوع ده إني بأتفرج على فيلم " كل هذا الحُب " بتاع نور الشريف وليلى علوي .. لما نور الشريف كان إبن صاحب أبوها وشغالين مع بعض عُمال بسطاء وبعدين أبو ليلى إتغنى وتنكر لصاحبه ولما البطل جه يتجوز البطلة أبوها سجنه وهي ماتت مقهورة عليه بحمى النفاس بعد ما سابت الواد عند الجيران وهو خرج من السجن بيدور على إبنه اللي خلفته البطلة ...

يعني فيلم يقطع القلب ومليان حب ...

مرحباً بكل الأسماء الحلوه اللي شايفها ماجد ولينوكس ومحمد أبو زيد الهلالي والأديب العالمي حشيش وفريده وكل الزملاء الأعزءالمشاركين

بس في جُملة محشورة في زوري ولو ماقلتهاش لـ كليو هازور وأروح فيها

بقى الصورة دي يا كلله تُعبر عن الأخلاق العالية

الأخلاق العالية = موديست

lol .. يعني الواحد لما يخبط التاني على راسه بفرع شجرة .. يبقى كده أخلاقه عالية ؟

ونعم الاخلاق

[kanayat]

موديست ... أيها العزيز ..

*... المحاورات .. إمتنعت عن الفتح تمام ... وفتحت معي عن طريق ( حاجه ماعرفهاش كده ) ... لمدة أسبوع وراحت .

* وأحاول بعدها .. مافيش .. مافيش ..

* اليوم ... فيه حد بلغني .. إن موديست .. موجود في المحاورات ... رحت عل اللينك .. وضغطت بقوة .. كأنها ( أمر) .

*... لقيته ... فنح ... !! ... ماقدرش يكسر بخاطرى ... عارف إن قد إيه إنت واحشني ... ماقدرشي يبلضم .

* أنا فرحان .. فرحان قوى .. والحمد لله .. حمد الله علي السلامه .

========

( إقتباس : موديست ) ...

كل ده كوم و بإننا هانغلبكم يوم الحد ده كوم تاني

اتفضل كارت زمالكاوي مخصوص علشانك .

==============

أما ... لـــو ... ؟ ؟ ( الفنط أبيض .. وبخطين ) ..

تم تعديل 12 مايو 2006 بواسطة kanayat

[yasovinas]

عمنا الغالي قنايات رمز الكرم والجود ابن الشرقية الغالي شرفتنا ونورتنا دايما

وصاحبي ودفعتي في حرب الهكسوس والمغول والتتار حتى حررنا مصر معاً من اليهود في حرب 73 زميل القروانه في العمبوكه لونكس نورنا تاني

والحاج ماجد القلب الابيض الكبييييير الذوق والمحبه كلها والحكمه والعقل كمان

يا خبر ابيض حقيقي يا موديست الخير على قدوم الواردين ورحمة خالتي نزاكة يا اخي ما تغيب عنا تاني،،، انا عارف ان خالتي نزاكة كانت غاليه عندك لانها كانت خالتنا كلنا وبعدين كفاية شوية الحبشتكنات اللى جابتهالك مخصوص مصرية يعني مصريه

ماجد لونكس قنايات

يا ريت ما تغيبوش علينا تاني انتو كمان ولا لازم يعني احلفكم بالغاليه

[kanayat]

إقتباس - ياســـو فيناس

******************

عمنا الغالي قنايات رمز الكرم والجود ابن الشرقية الغالي شرفتنا ونورتنا دايما .

===================

ياســو ... أيها الغالـــي ....

.. اللـــه ... أنا حاسس كده بالعـزوه ... ودفيان قوى ...

موديست .. وياســو .. ياقوت .. ومرجان .. أحمدك يارب ..

تم تعديل 12 مايو 2006 بواسطة kanayat

[kfaya]

أخى الحبيب موديست ............

يسعدنى و يشرفنى أن اتواجد معك فى أى مكان و أى زمان ...

و تكتمل سعادتى بالعودة معا لبيت الأسرة الكبير

مش عارف انا اللى ارحب بيك و لا انت اللى ترحب بيا ....

بجد بجد .... مشتاقين جوى جوى

ياسو .... يسلم اديك و عنيك .... هدية مقبولة

[nashwa]

العزيز موديست

كنت مخليه فرحتى بوجودك هنا ... جوايا والحمد لله أنك بخير

بس بصراحة طمعت فى كارت من الكروت اللى عمالة تنزل ترف على الناس

قلت أدخل .. وألحقلى واحد

كارت لو سمحت :unsure:

عود أحمد (ماعرفش مين أحمد) ;)

ودول تحت الحساب ...

تم تعديل 12 مايو 2006 بواسطة nashwa

[disappointed]

.

الأخ و الصديق العزيز مودست :

و مرحباً بعودة البحّار إلى أمواج الشبكة العنكبوتية , و تذكّر أنك لم تكن أبداً وحيداً , فقد كنا دائماً معك بقلوبنا

:unsure: