كلنا نحب مصر

[مصرية الهوى]

فهمت .. فهمت ..

ياسيدي الكلمة الوحيدة اللي فهمتها وسط البلد والجيزة .. :angry2:

وترى ابجي اصيدك بالنباطة :blink:

يا سيدي النباطة غير السنارة ..

السنارة بتاعت السمك ..

والنباطة بتاعت العصافير اللي زي حلاتك :P ..

[Lembic]

هو مسموح فى السعودية إن مصرى يتجوز سعودية؟ لأن على حسب علمى ده ممنوع فى قطر والحكومة لا تتم عملية الزواج وحتى لو إتجوزوا فى مصر مثلا ورجعوا قطر فالحكومة القطرية تفرق بينهم ولا تعترف بالعقد!

[tarek_almeghallawy]

لي صديق مصري صيدلي

متزوج من سعودية

وعايشين في تبات ونبات

وخلفوا صبيان وبنات

[MZohairy]

أنا عندي واحد صاحبي مصري في الرياض ساكن فوقيه واحد سعودي

[مسافر زاده الخيال]

السلام عليكم مرة اخرى.........

حقيقة ان هذا الموضوع يعتبر فرصة لقول كل يختلج في النفس (ان سلبا او ايجابا) والحقيقة ان العلاقة بين الشعبين الشقيقين تشمل جميع الدرجات من الحب (وللاسف الكره) ..............

باختلاف المناطق ..........لكن صدقوني ان السمة المميزة هي علاقة الحب والتقدير ........وتاريخ الزيجات المختلطة بين موجوده (الفنان عمرو ذياب متزوج من سيده سعوديه.........والفنانة عتاب السعودية متزوجة من مصري ) وكثير من الاسر السعودية بالحجاز من اصل مصري مثل(اسرة ابي السمح واسرة جمجوم واسرة السجيني و زيدان والدمياطي) مثلما كثير من اصول الاسر المصرية من ارض المملكة (مثل عبدالحليم حافظ من اسرة شبانه ولا زال بيتهم الكبير موجودا في مكة المكرمه والفنان محمد رشدي(الراجحي) وصدق او لا تصدق (تحية كاريوكا) فوالدها احد التجار من منطقة نجد اصلا والكثير الكثير........

فوجود الفئات السيئة بين الجانبين يجب الا يؤثر على العلاقة الاساسية وهي الحب والتقدير.....

[Lembic]

لي صديق مصري صيدلي

متزوج من سعودية

وعايشين في تبات ونبات

وخلفوا صبيان وبنات

هو السعوديين مقسمين الى مستويات مختلفة؟ زى سعودى أصلى وسعودى متجنس وكده ولا كله واحد؟ لأن أخر عهدى بقطر كان فى 1990 وكان محدش منهم بيسكن مثلا فى عمارات كلهم كانوا بيسكنوا فى بيوت (فيلال) سواء فخمة أو نص نص.

[tarek_almeghallawy]

لي صديق مصري صيدلي

متزوج من سعودية

وعايشين في تبات ونبات

وخلفوا صبيان وبنات

هو السعوديين مقسمين الى مستويات مختلفة؟ زى سعودى أصلى وسعودى متجنس وكده ولا كله واحد؟ لأن أخر عهدى بقطر كان فى 1990 وكان محدش منهم بيسكن مثلا فى عمارات كلهم كانوا بيسكنوا فى بيوت (فيلال) سواء فخمة أو نص نص.

في الظاهر السعوديين غير مقسمين من حيث الأصلي والمتجنس

كنت أسمع تقسيمة غريبة للسعوديين لا أدري على أي أساس يتم التقسيم

يقولون سعودي 110 وسعودي 220 نسبة إلي نوعي فولت الكهرباء

ورغم تعاملي اليومي مع السعوديين ودخولي لكثير من بيوتهم

إلا أنني لا أزعم معرفتي الكاملة بالمجتمع السعودي

هناك انطباع تولد عندي وهو أن المجتمع السعودي شديد التنوع والاختلاف

عشت سنتين في مدينة الخرج وهي تبعد عن الرياض حوالي80 كيلو فقط

ورغم ذلك الاختلاف عن الرياض كبير جداً

كل منطقة من المناطق تكاد تكون دولة مختلفة تماما عن الأخرى

بالنسبة للسكن الكثير من العائلات السعودية يسكنون في شقق في عمارات

ولكن يبقى عندهم الأمل في امتلاك فيلا والانتقال إليها

البعض منهم لا يقبل أن يعيش إلا في فيلا حتى لو إيجار وحتى لو لم يستطع دفع الإيجار

ربما يكون السبب لحبهم للخصوصية أو لكبر حجم عائلاتهم

المجتمع السعودي يموج بالمتغيرات

هل تتخيل أن هناك سعوديين يتسولون(يشحتون) في إشارات المرور وفي المساجد

وهذه الظاهرة تزداد بشكل مطرد حتى أصبحت سمة للحياة اليومية

رغم محاولتهم نفي أن يكون الشحاتين سعوديين لكن نحن نراهم بأعيننا

الشباب أصبح يقبل بوظائف ذات عائد قليل جداً

تغيرت المقولة الشهيرة ..كل سعودي لازم يكون مدير

الآن أكثر الوظائف التي عليها إقبال ..رجل أمن..الغفير

[اسامة عامر]

السلام عليكم مرة اخرى.........

حقيقة ان هذا الموضوع يعتبر فرصة لقول كل يختلج في النفس (ان سلبا او ايجابا) والحقيقة ان العلاقة بين الشعبين الشقيقين تشمل جميع الدرجات من الحب (وللاسف الكره) ..............

باختلاف المناطق ..........لكن صدقوني ان السمة المميزة هي علاقة الحب والتقدير ........وتاريخ الزيجات المختلطة بين موجوده (الفنان عمرو ذياب متزوج من سيده سعوديه.........والفنانة عتاب السعودية متزوجة من مصري ) وكثير من الاسر السعودية بالحجاز من اصل مصري مثل(اسرة ابي السمح واسرة جمجوم واسرة السجيني و زيدان والدمياطي) مثلما كثير من اصول الاسر المصرية من ارض المملكة (مثل عبدالحليم حافظ من اسرة شبانه ولا زال بيتهم الكبير موجودا في مكة المكرمه والفنان محمد رشدي(الراجحي) وصدق او لا تصدق (تحية كاريوكا) فوالدها احد التجار من منطقة نجد اصلا والكثير الكثير........

فوجود الفئات السيئة بين الجانبين يجب الا يؤثر على العلاقة الاساسية وهي الحب والتقدير....

والله يا أستاذ مسافر انا أحيك على طرحك ولكن أخشي ان ما اضفته من معلومات قيمة قد يسيء الى العلاقة بين الشعبين

لان بعض الاخوة والاخوات في السعودية لا يقبلون بان هناك فنانات سعوديات!! ممكن فنانين اه

وكمان تحية كاريوكا!!!!!!؟

عجبي

[عصفور طاير]

[name=مصرية الهوى' date='Mar 18 2006, 07:54 PM' post='201777]

فهمت .. فهمت ..

ياسيدي الكلمة الوحيدة اللي فهمتها وسط البلد والجيزة .. :P

يا سلام عليكي يا جيجي.. فعلا تعجبني نباهتك.[/]

وترى ابجي اصيدك بالنباطة

:o

أيوه خلاص عرفت... إللي هيه السنارة.. بس يعني إيه ترى ؟

يا سيدي النباطة غير السنارة ..

السنارة بتاعت السمك ..

والنباطة بتاعت العصافير اللي زي حلاتك

:huh: ]

ترى فهمت خلاص.. يعطيكي العافية.. العصافير بالنباطة والسمك بالسنارة.. بس أنا إيش علاقتي بالسمك؟

.

..

..

.

.

ترى (أي حاجة حطي فيها ترى على طول.. .. )

ترى يعني إيه ترى يا جيجي.. سأموت وفي نفسي شيئ من ترى

[MZohairy]

وصدق او لا تصدق (تحية كاريوكا) فوالدها احد التجار من منطقة نجد اصلا والكثير الكثير........

:o :P :huh:

[مصرية الهوى]

هو مسموح فى السعودية إن مصرى يتجوز سعودية؟ لأن على حسب علمى ده ممنوع فى قطر والحكومة لا تتم عملية الزواج وحتى لو إتجوزوا فى مصر مثلا ورجعوا قطر فالحكومة القطرية تفرق بينهم ولا تعترف بالعقد!

ايه ده ..

الموضوع قلب لجواز وأفراح ؟؟

عندك عريس يا لمبي :huh: ؟؟

اه عادي مسموح .. أنا اعرف سعوديات متجوزين مصري وسوري وفلسطيني .. وعايشين زي الفل ..

بس غريبة موضوع قطر ده ..

أنا مرة تفرجت على مسلسل قطري .. كان فيه قطرية متجوزة من مصري .. عادي جدا .. وكانوا يناقشون موضوع حصول الأبناء على الجنسية القطرية ..

الفنان عمرو ذياب متزوج من سيده سعوديه

مسافر .. بتتكلم جد :o ؟؟

طيب شوفلنا الله يكرمك أحمد السقا :P

هو السعوديين مقسمين الى مستويات مختلفة؟ زى سعودى أصلى وسعودى متجنس وكده ولا كله واحد؟ لأن أخر عهدى بقطر كان فى 1990 وكان محدش منهم بيسكن مثلا فى عمارات كلهم كانوا بيسكنوا فى بيوت (فيلال) سواء فخمة أو نص نص.

في الظاهر السعوديين غير مقسمين من حيث الأصلي والمتجنس

كنت أسمع تقسيمة غريبة للسعوديين لا أدري على أي أساس يتم التقسيم

يقولون سعودي 110 وسعودي 220 نسبة إلي نوعي فولت الكهرباء

ورغم تعاملي اليومي مع السعوديين ودخولي لكثير من بيوتهم

إلا أنني لا أزعم معرفتي الكاملة بالمجتمع السعودي

هناك انطباع تولد عندي وهو أن المجتمع السعودي شديد التنوع والاختلاف

عشت سنتين في مدينة الخرج وهي تبعد عن الرياض حوالي80 كيلو فقط

ورغم ذلك الاختلاف عن الرياض كبير جداً

كل منطقة من المناطق تكاد تكون دولة مختلفة تماما عن الأخرى

بالنسبة للسكن الكثير من العائلات السعودية يسكنون في شقق في عمارات

ولكن يبقى عندهم الأمل في امتلاك فيلا والانتقال إليها

البعض منهم لا يقبل أن يعيش إلا في فيلا حتى لو إيجار وحتى لو لم يستطع دفع الإيجار

ربما يكون السبب لحبهم للخصوصية أو لكبر حجم عائلاتهم

المجتمع السعودي يموج بالمتغيرات

هل تتخيل أن هناك سعوديين يتسولون(يشحتون) في إشارات المرور وفي المساجد

وهذه الظاهرة تزداد بشكل مطرد حتى أصبحت سمة للحياة اليومية

رغم محاولتهم نفي أن يكون الشحاتين سعوديين لكن نحن نراهم بأعيننا

الشباب أصبح يقبل بوظائف ذات عائد قليل جداً

تغيرت المقولة الشهيرة ..كل سعودي لازم يكون مدير

الآن أكثر الوظائف التي عليها إقبال ..رجل أمن..الغفير

بص يا لمبي بص يا طارق ..

الجنسية السعودية وحده .. يعني مش زي الجنسية الكويتية درجات ..

بس التقسيم اللي قاله طارق .. ده تقسيم اجتماعي .. ملوش دخل بالمواطنة ولا الجنسية ولا حاجه ..

التقسيم ده 110 و 220 ( مش فولتيات كهرباء :P ) أوبيسمى قبايل وخضاير .. على حسب قبيلة كل واحد وأصله ..

ده تقسيم للناس سخيف جدا جدا .. بصراحة أنا بعتبره من أمر الجاهلية ..

التقسيم ده يظهر امتى .. في حالات الجواز .. يعني لا يمكن وحده 220 تتجوز واحد 110 .. لأنه برأيهم هي أعلى منه في النسب .. وكمان حالات جواز واحد 220 بوحده 110 قليلة جدا .. والأهل بيعترضوا عليها ..

الناس السعوديين دول .. عايشين سوا جيران وأصحاب وزمايل وحبايب عادي جدا .. وكلهم مواطنين درجة وحده .. بس زي ما قلت تقسيم من الناس نفسهم ..

ولغاية دلوقتي معرفش ايه سبب التقسيم والا أصله ..

بيقولوا انه زمان ايام العبيد وكده .. كانوا الـ 110 بيشتغلوا عند 220 ..

بس أنا بكرهه بجد مع اني بنت شيوخ زي مبيقولوا ..

يعني هو موضوع طبقات اجتماعية .. اللي بعرفه انه في العالم الطبقات الاجتماعية بتتقسم على حسب الحالة الاقتصادية ..

في السعودية بيبقى المستوى الاقتصادي نفسه بين دول ودول ..

بس ده قبيلي وده خضيري ..

وفعلا زي ما قال طارق .. العادات والتقاليد بتختلف من مكان لمكان آخر في السعودية .. يعني الشرقية غير الحجاز غير القصيم غير الجنوب بس طبعا الاختلاف مش جذري اوي .. والرياض تعتبر مدينة جامعه سعوديين من كل مناطق السعودية .. قصمان وناس من المجمعة وسدير والحتت دي اللي جنب الرياض وناس من الحجاز وجنوبيين وهكذا ...

وحكاية الفلل دي ..

دي حاجه رئيسية جدا في السعودية .. الراجل ومراته أول ما يتجوزوا لازم يبدأوا يحوشوا عشان بيت الأحلام ..

واللي بيساعد على كده قلة عدد السعوديين وكمان كبر مساحة السعودية ..

فعلا المجتمع السعودي بيمر بفترة صعبة جدا .. والتغييرات بدأت تظهر على أرض الواقع .. من ساعة حرب الخليج 90 المجتمع السعودي بيمر بأزمات وتحولات رهيبة .. من معظم النواحي وأهمها طبعاً الحالة الاقتصادية .. بس أنا أقولك 90 % من الناس السعوديين اللي بقابلهم بيكونوا من الطبقة العادية .. يعني فيلا وعربية والاب والام موظفين عاديين وكده يعني .. عمري ما قابلت حالات فقر شديدة .. يعني الحالات اللي بشوفها غير الناس العاديين بيكونوا ناس حالاتهم المادية كويسة وعلى قدهم بس متوصلش للمستوى السائد اللي قلته ..

نيجي بقى لأبو العصافير ..

ترى يا عصفور لو معقلتش .. هأحطك في قفص :huh: ..

بجد ... أنت فاهم معنى ترى ولا لأ :P ؟؟

[se_ Elsyed]

] ابجي اصيدك بالنباطة :P

إتعلموا لغات حيه بقى ... تعبتونا

نباطه يعني نبلة بالمصري .. اللي كنا بنعملها من الأستك أو من خرطوم الجلوكوز بتاع العينيين لما تكون عيل مفتري قوي ودي الضربة منها بتصفي العين على طول ....

أي خدعة .

----

هو مسموح فى السعودية إن مصرى يتجوز سعودية؟

أيوه مسموح بس لازم تروح المحكمة الأول ويسألوك شوية أسئلة ... ويقعدوا يسألوا برضوا أهل البنت ويحاولوا يرجعوهم عن اللي في دماغهم ...

أنا بتكلم جد ...

لكن بيوفقوا في الأخر لما بيلاقوهم بيحبوا بعض .. وده حصل مع العديد من زملاء العمل .

على فكرة زواج الرجل السعودي من الغير سعودية فيه موال برضوا وموافقة وزارة الداخلية وشغلانه .

عشان كده يابا أنا شتريت دماغي .. وقولت البلدي يوكل ... وفركشت الموضوع على أخر لحظة .

ده تقسيم للناس سخيف جدا جدا .. بصراحة أنا بعتبره من أمر الجاهلية

طب خدوا دي كمان

من رابع المستحيلات إن واحد سعودي أسمر - وهم كُثر - ولو كان وزير حتى يتجوز واحده بيضا .. إلا لو كانت واقعة ...

[tarek_almeghallawy]

يا جيجي

عليك بالقيام بجولة سياحية بحي معكال والشميسي

والجرادية والمنفوحة القديمة

بس تدخلي الشوارع الجانبية وانتي تشوفي العجب

بس تملي شنطتك ريالات

عشان ها يتقطع قلبك من الفقر والضنك اللي ها تشوفيه

سالتني زوجتي مرة دخلنا أحد هذه الأحياء شديدة الفقر

معقول إحنا في السعودية ؟؟

[مصرية الهوى]

ايوى يا طارق بيه انا معاك ..

ما هي دي مشكلتنا ان كل واحد يعيش في برجه .. وميتنازلش عشان يشوف حال الناس الغلابة ..

طيب تصدق بالله عمري ما رحت للأحياء الفقيرة في الرياض وغير الرياض ..

زي اللي حضرتك قلتها ..

وكنت فاكره ان كل الناس اللي عايشين في السعودية .. عايشين عيشة مرفهة ..

لحد ما قبل سنتين تقريبا لما الامير عبد الله زار الاحياء الفقيرة ..

وجابوهم في التليفزيون ..

الناس في السعودية فعلا اتصدمممممممممت من الحالة

اللي اكتشفوا انه فيه ناس في السعودية عايشينها ..

تكدس الثروات والملايين في ايدي فئة والفئة التانية عايشه في الفقر ..

والمشكلة ان الدولة من اغنى دول العالم :P

طيب وخنشليلة :o .. بذمتكم ده اسم !!

خنشليلة !!!

[مصرية الهوى]

هو مسموح فى السعودية إن مصرى يتجوز سعودية؟

أيوه مسموح بس لازم تروح المحكمة الأول ويسألوك شوية أسئلة ... ويقعدوا يسألوا برضوا أهل البنت ويحاولوا يرجعوهم عن اللي في دماغهم ...

أنا بتكلم جد ...

لكن بيوفقوا في الأخر لما بيلاقوهم بيحبوا بعض .. وده حصل مع العديد من زملاء العمل .

على فكرة زواج الرجل السعودي من الغير سعودية فيه موال برضوا وموافقة وزارة الداخلية وشغلانه .

عشان كده يابا أنا شتريت دماغي .. وقولت البلدي يوكل ... وفركشت الموضوع على أخر لحظة .

يا سلام وهما مالهم ..

اتجوز مصري هندي ياباني .. ايش دخلهم ؟؟

بس بجد يا سي السيد كنت هتتجوز سعودية ..

طب عرفتها ازاي ؟؟

ده تقسيم للناس سخيف جدا جدا .. بصراحة أنا بعتبره من أمر الجاهلية

طب خدوا دي كمان

من رابع المستحيلات إن واحد سعودي أسمر - وهم كُثر - ولو كان وزير حتى يتجوز واحده بيضا .. إلا لو كانت واقعة ...

واقعة .. يعني ايه :P

[مسافر زاده الخيال]

السلام عليكم مرة اخرى.......

الى الاخت مصرية الهوي ...عمرو ذياب متزوج من السيده السعودية زينه عاشور ولها منه تؤام ويقال ان الفنان عمرو ذياب قد حصل على الجنسية السعوديه...وبالنسبة لاحمد السقا (ابو ياسين)فمفيش امل .... ايه رأيك في الفنان محمودغريب او ابراهيم نصر او حجاج عبدالعظيم؟؟؟

وبالنسبه ان مش كل سعودي يقدر على الزواج من اي سعودية فهذي عادات اجتماعيه موجوده تقريبا في كل العالم الثالث (الهند والباكستان مثال قوي) وفي مصر كذلك الصعيدي لا يزوج الفلاح (يكلها التمساح ولا يخدهاش فلاح) والنوبي لا يزوج غير النوبي والاشراف كذلك......

والحقيقة هذا الامر ليس سيئا دائما (لان اختلاف العادات والاخلاقيات لها تأثير كبير بغض النظر عن علو او دنو الاصل -رغم ان الاصل له تأثير لا ينكر) اما زواج الاسود من بيضاء فهو امر نادر الحدوث في كل العالم .....لكن التغيرات التى حدثت في عالمنا العربي كفيلة بتغيير كثير مما نعتبره ثوابت لا تتغير..........

لكن اتباع قول الرسول صلى الله عليه وسلم في امر الزواج يضمن التوازن والسعادة

[se_ Elsyed]

أيوه يا جيجي والكلام ده كان سنة 98 يعني كان عندك 6 سنين لسه :P

وكان عرض الزواج من صديقي الأنتيم ( أو على رأي اللمبي .. صاحبي الأنتيخ ) اللي متزوج من سعودية وحماه حالف 100 يمين إنه يناسب مصريين .. وعنده 3 بنات مزوجهم لشباب مصريين .. وولدين متزوجين من مصريات .. ولسه في ولدين بيدرسوا .. بس على فكرة هو زوجته مصرية أساساً

وهم ناس بأمانة ربنا أفاضل ومحترمين وإخواتها أصدقائي حتى الآن .. لكن حاجة كده جوايه ما خلتنيش أكمل الموضوع لإني حسيت إني ممكن أنفصل عن جذوري .. وعيالي لا هايبقوا سعوديين ولا مصريين .. حاجة كده في نصف الطريق ... وكمان أنا مصيري لمصر ولازم أرجع لبلدي وبالتالي ممكن الزوجة ساعتها لا تتأقلم مع ظروف مصر مع إنهم كل سنة هناك لمدة شهرين تلاتة .. إلا إن الإقامة الدائمة مختلفة طبعاً ...على فكرة .. بالرغم من إنها بتتكلم بلهجة مصرية زي اللبلب .. ومتطبعة بعادتنا ( من محشي ورق عنب ولموخية بالطشة والتقلية وخلافه <_< ) وكانت حاصلة على درجة ماجستير كمان ... يعني زماني يا جيجي يا بنتي دلوقت كنت قاعد في البيت متهني ولا شغله ولا مشغله وبألهف مرتبها أخر كل شهر وأضارب كمان في البورصة وأخد قرض من البنك ولو ما سددناش تتحبس هي وأنا أبقى في السليم و100 فل وخمستاشر )

يعني تقدري تقولي فقري بقى وبأرفص النعمة ...

أما موضوع المحكمة والإجراءات التي تستغرق شهور للزواج فده حقيقة .. وجربي وإنتي تشوفي ... وده بالنسبة للمرأة السعودية أو الرجل السعودي كمان ...

بالنسبة لكلمة واقعة .. يعني لا مؤخذه من عيلة . مش عارف أقول إيه .. يعني من عيلة بسيطة أو مالهموش جذور قوية أو عِزوة .. أو تكون مُطلقة أو أرملة .. إفهمي بقى تعبتيني .

---

أما بالنسبة لأخينا مسافر زاده الخيال ..

فالعادات والثقافة والعقلية بتاعت الناس أتغيرت دلوقت يا عم .. والموضوع بقى بزرميط والصعيدي بيتجوز فلاحه .. والفلاحه بتسيب الجبنة القريش وتتجوز صعيدي ..

لكن الوحيدين في مصر اللي لسه متمسكين بعاداتهم وفيها قطع رقاب لحد الآن هم النوبيين اللي ما بيجوزوش بناتهم من غير النوبيين تحت أي ظروف . أما رجالتهم فبيتجوزوا إن شالله العفاريت حتى .

[عصفور طاير]

[

quote name='مصرية الهوى' date='Mar 19 2006, 06:33 PM'

بس أنا بكرهه بجد مع اني بنت شيوخ زي مبيقولوا ..

يا سيدي على بنت الشيوخ.. يعني يا جيجي اتتي في نفر هندي سوي كلام ماما، وفي ريحة عفانة أخنق؟ ربنا يكون في عونك فعلا.. ويا ترى برضه بتنزلي المولات إنتي تتكلمي في الموبايل طول الوقت والبنت الإندونيسية وراكي شايلة الشنط أو بتزؤ العربية؟ والبلوتوثات شغالة رسايل ومعاكسات.. اللي أسير الشوق واللي عنود الصيد وخلافة؟ حاجة غريبة خلاص على رأي السودانيين.

شوفي يا جيجي.. والسؤال مطروح عليكي وعلى مسافر زاده الخيال باعتباره برضه سعودي. أنا مش هاتكلم عن الحياة الاجتماعية في المملكة لإن أنا من خلال شغلي يعتبر المجتمع مكشوف قدامي على مصراعيه، حتى بخباياه وأسراره التي يمنع نشرها للناس.. ولكني عارف إن كل المجتمعات فيها مشاكل مهما كانت تبدو أو تحاول أن تبدو غير ذلك... لكن أنا ما حيرنيش في الموضوع دا كله غير كلمتين: (ترى) و (ورعان).. الأولى لاستعمالها الغريب جدا لإني باعتبرها من زوائد الكلم، ولم أجد لها قاعدة للاستخدام.. أما الثانية فلأني لم أصل لمصدرها في اللغة، والمفروض أن يكون لها مصدر ولو تأويلي.. وكل السعوديين اللي سألتهم رغم ثقافة بعضهم الواسعة، لم يجدوا هم أيضا لها مصدر أو أصل في اللغة العربية.. فهل عندكو تفسير لهاتين الكلمتين؟

أما موضوع النباطة دي، فهانمشيها نبلة والأمر لله رغم إني مش عارف برضه إيه علاقة النبلة بالسمك؟!.

تم تعديل 20 مارس 2006 بواسطة عصفور طاير

[se_ Elsyed]

لكن أنا ما حيرنيش في الموضوع دا كله غير كلمتين: (ترى) و (ورعان)..

ما تتريقش ياخويا بدل ما تفتح مجال لهم يتريقوا علينا .. ماحنا في كل كلامنا بنحشر كلمة " بتاع " ... يقولك الأستاذ بتاع الكيميا ... يا أخي ناولني البتاع ده ... وهكذا ...

وبعدين جاي على ترى .. وأسمها إيع التانية دي ( ورعان ) .. تصدق بالله عمري ما سمعتها !! وسايب ( شو أسمه ) اللي بتسمعها حتى في الإنجليزي ..

[se_ Elsyed]

كله يربط الحزام .. ويُحظر على مرضي القلب وأرتفاع ضغط الدم قراءة الكلمات التالية ..

-----

بصوا بقى صلوا عالنبي ..

لا ننكر إن إحنا عندنا مشكلة .. وإن فيه فئات أو أشخاص من الجانبين بينهم مشاعر ممكن نسميها كُره أو إستغلاس أو ما بيطقوش بعض ... وماحدش لحد دلوقت تطرق إلى أسباب هذا الشعور ولا سأل نفسه .. طب ليه السعودي ما بينظرش نفس النظرة للسوري او السوادني مثلاً مع إن فيه نسبة كبيرة منهم شغالين في السعودية وبيعمل كده مع المصري ؟

-------

نبتدي بالصلاتو عالنبي ...

أولاً : في مقولة تاريخية بتقول إن " الثورة تأكل أولادها " يعني لما مجموعة تقوم بثورة ويوصلوا للحكم وربنا يفتح عليهم فأول حاجة بيعملوها إنهم بيخلصوا على بعض أو بيصفوا بعض عشان يبدأوا على ميه بيضا وعشان كمان ما يبقاش في حد منهم عارف تاريخ التاني ويعايره به .. دي حقيقة وحصلت كثير وعندنا مثلاً شوفنا عبد الناصر خلص على محمد نجيب .. ومجموعة من الظباط اللي مش أحرار حاولوا يخلصوا على عبد الناصر في ما عُرف بتنظيم مراكز القوى وما إلى ذلك ..

طب إيه علاقة ده بموضعنا ؟

أنا جاي لكم في الكلام ..... حد يقولي تعالى وما تسيبونيش واقف على السلم في الضلمة

قبل حدوث طفرة البترول واللي بدأت مع حرب أكتوبر ودول الخليج إتغيرت تماماً والخير عم عليها .. تقريباً لم يكن لدول الخليج أي ثقل أو وجود حتى .... وأقرب مثال الإمارات مثلاً اللي تكونت سنة 1971 يعني في السنة اللي إتولدت فيها ...

بس خلينا في السعودية ... فلفترة طويلة جداً كانت الموارد الطبيعية والمادية محدودة جداً في السعودية حتى في عهد الملك عبد العزيز وهو المؤسس للدولة السعودية الموجودة الآن .. وكان معروف إن الحكومات المصرية المتعاقبة من عهد العثمانيين وملوكهم حتى حكام ثورة يوليو كانوا بيساعدوا السعودية مادياً .. وزمان وأنا صغير كانت هوايتي جمع الكتب والمجلات والجرايد القديمة ولقيت إعلانات من الحكومة المصرية في فترة الستينات بيناذشدوا فيها الشعب المصري إنه يتبرع للشعب السعودي وكان لحد وقت قريب فيه تكيه لتوزيع تلك الإعانات في مكة المكرمة ... وعلى فكرة ده مش مِنة ولا شماتة لإن الفقر مش عيب .. وتلك الأيام نادولها بين الناس وإحنا مؤمنين بالله وعارفين إنه يؤتي المُلك يشاء وينزع المُلك ممن يشاء ..

وياما دول وممالك وإمبراطوريات ملكت العالم شرقة وغربه أندثرت وأصبحت أثراً بعد عين .. في حين ظهرت دول أخرى لم يكن لها وجود أساساً ... ولسه شايفين دولة غنية ومرفهة زيادة عن اللازم زي الكويت .. ناموا وصحيوا الصبح مالقوش بلدهم في غمضة عين ...

إذاً فالغنى والفقر ليسا جريمة ولا هو عار نحاول أن نداريهما ولا نتذكرهما ..

طب نيجي لصلب الموضوع من غير تفاصيل تاريخية ..

إذا فالسعودي الذي لديه الفكر المتعالي الغير سوي .. عارف إن المصري كان بيساعده زمان .. وهو دلوقت ربنا كرمه على الأخر فبيحاول يثبت له إنه بقى دلوقت أحسن منه ... وحتى ده إتقال لي من بعض الزملاء على سبيل الدعابة ... حينما قالوا إن من أول المُدرسين اللي جم السعودية وعلموا السعوديين هم المصريين ... ولهم الفضل علينا ..

لكن

وخلي بالك من لكن ... لكن دلوقت التلميذ تفوق على الأستاذ ...

نيجي للمصري ... المصري برضوا اللي بيفكر التفكير ده بيقول في قرارة نفسه .... الله يرحم أيام التكية ... أو شبع بعد جوع ... وهكذا

- نقطة أخرى بتؤدي إلى وجود أو تنامي مثل تلك المشاعر .. وهي ان المصريين من أكبر نسبة العمالة اللي موجودة هنا وعددنا تقريباً 925000 مصري - ده غير عائلاتهم وأولادهم -

ومع تزايد نسبة التعليم في أوساط الشباب السعودي .. إبتدا الشاب يخرج للحياة مهما كانت درجة تعلمية .. وما يلاقيش شغل .. في حين الأجنبي - بيسمونا إحنا هنا كده حتى لو كنت مصري ولا خليجي حتى - شغال وراكب عربية حلوه وساكن في شقة أو فيلا أو كومباوند ... آه معنى كده إنه واخد مكاني اللي أنا أبن البلد أحق به وأولى منه به .. بغض النظر عن إنه متعلم أو مؤهل او يمتلك مهارات مُعينة أو ما إلى ذلك .. فهو ينظر للموضوع ده من منظور إجتماعي بحت ... دي بلدي وأنا أحق بخيرها ..

فبيصطدم في كثير من الأحيان بمين ؟

بالمصريين .. اللي هما نسبة كثيرة ، وتحدث بقى الكراهية أو التراشق بالكلام أو التفاخر بالتاريخ أو ما إلى ذلك ..

وبالتالي لا يجب أن نستسلم لمثل تلك الأمور الغير طبيعية ، وعلى الجانبين إنهم يحاولوا التقرب من بعض .. وينظروا لبعض نظرة إحترام ... وعلى فكرة دي مفقودة هنا في دول الخليج بشكل عام اللهم دُبي اللي فلتت من الموضوع ده وعشان كدع بقوا حاجة تانية ومش فارقه معاهم مسألة البترول وإنخفاض أو إرتفاع سعره لإنه أعطى الامان لأجنبي اللي أبدع وتففن عنده وخلى البلد بالمنظر ده ..

فنظرة الخليجي للأجنبي - اللي هو إحنا برضوا - نظرة غريبة جداً .. فهو لا يذكر بأي حال من الأحوال إن الراجل ده جاي هنا وبيشتغل ومهواش عاله أو بياخد إعانة بطالة .. وولا حتى موجودة بينهم البطالة المُقنعة اللي هما الناس اللي بيبقوا زي قلتهم في العمل واللي لو غابوا العمل يمشي برضوا تمام التمام ... وان الحضارة الخليجية مشارك فيها الأجنبي وخصوصاً العربي الجنسية بنسبة كبيرة ...

وده اللي فارق الدولة الغربية وأشهرها أمريكا وكندا واستراليا عن هنا ... فهو لا يُعامل الأجنبي بهذه الطريقة ...

ولا يحاول أن ينقل له الشعور بعدم الأمان ...

أوضح يعني إيه ..

يعني هاتوا لي أجنبي هنا في الخليج حاسس بالأمان .. ومش خايف أحسن بكرة يترحل نهائي مع حدوث أي مشكلة سواء شخصية أو حتى دولية - زي ما قطر إتأمصت من مصر راحت طرده المدرسين قبل كده - أو ينزل بلده ما يعرفش ييجي عشان في قرارات جديدة اتطبقت ... حتى لما الملك عبد الله لما سمح للأجانب دلوقت بالمضاربة في البورصة السعودية .. فمازال التخوف موجود .. يعني أنا لو معايا مليون ريال مثلاً - يارب .. قادر على كل شيء <_< ديتها بس كام إتصال بمن سيربح المليون وأعدي وأجيب كل أعضاء المحاورات يشتغلوا عندي وأبقى كفيلهم - أستثمرهم في البورصة وييجي في يوم كفيلي فطران تميس وفول وشكشوكة حمضانين فيروح هابدني واحد نهائي أقوم أخسر الجلد والسقط ؟

بعكس دُبي أو الكويت مثلاً .. ما فيش حاجة عندهم إسمها نهائي تعسفي أو من غير سبب أو إنت مشيت من عندي يبقى أدبحك على باب الشركة لكن لا أعطيك نقل كفالة وتروح تنفع شركة تانية وتفيدهم بخبرتك ..

من هنا تاأتي المشاعر المختلطة ما بين الكُره والغيظ والإستغلاس ...

وإذا حد سعودي أو خليجي إتحجج وقال : والله دي بلدي وأنا حُر فيها ... فهانقوله : بس إنت ما تقدرش تقول كده للامريكان أو الأوربيين اللي شغالين هنا ... وكمان يجب ان تعترف إن الأجانب بيفيدوا البلد إن ماكانش علمياً وعملياً يبقى إقتصادياً من أكلهم وشربهم ومكالمات تليفونهم وشراء تساجيل وفيديوهات ومراوح سقف وهما نازلين أجازة مما يُحدث إنتعاشة دائمة في الاقتصاد

لدرجة أني ساعات باتخيل البلد هنا من غير 6 أو 7 مليون أجنبي - بالعائلات يوصلوا 9 أو 10 مليون - يا نهار أبيض

يعني مئات المدارس الأجنبية دي .. والمولات .. والفل .. والكومباوندز .. والعماير .. هاتبقى خراب وستكسنها العفاري والثعابين ..

يعني دول شوية فضفة على الماشي كده