اسمك وصورتك ف المنتدي معناهم ايه؟؟؟؟؟

[ذهبية]

يا سلام عليكى يا جلاكسى انتى و قلب ابيض

وانتم بتردوا على بعض و جايبين سيرة الشيكولاتة و الشاى واللب والمكسرات والفزدق

ومش مقدرين نفسية الناس اللى عاملة رجيم قاسى دة انتم جوعتونى وانا باقرأ تعليقكم

حرام عليكم

ذهبية

[galaxy]

يا سلام عليكى يا جلاكسى انتى و قلب ابيض

وانتم بتردوا على بعض و جايبين سيرة الشيكولاتة و الشاى واللب والمكسرات والفزدق

ومش مقدرين نفسية الناس اللى عاملة رجيم قاسى دة انتم جوعتونى وانا باقرأ تعليقكم

حرام عليكم

ذهبية

يا خبر ابيض ...........خلاص يا ذهبيه بلاش شيكولاته ولا لب ولا سوداني ولا اي مكسرات ...............مشيها تشيز كيك

[أسد]

علشان ده برجي ... بس خلاص :rolleyes:

وأنا كمان

[metwallly]

السلام عليكم ورحمة الله وبركاته

آسمى هو لقب عائلتى وانا بحب لما اعمل حاجة أو أقول رأى أنا مؤمن بيه

أستخدم بياناتى الحقيقية وأتحمل أى حاجة تحصلى

[الســـاري]

احب السفر ..

واعشق الليل ..

لهذا ما ان بدات استخدام الانترنت من عشر سنوات واسم ( الساري ) اي المسافر ليلاً هو ما استخدمه في كل المنتديات التي دخلتها وفي برامج الشات وفي الايميل وحتى في بلوتوث الجوال ..

الساري اسم ارى انه يجمع بين الترحال والسفر والوحدة والحزن والمشاعر والليل والاغتراب والتفكير والسكون والهدوء ..

باختصار اسم كاجوال :happy:

[دودو هانم]

:egyflag:

احلي وارق تحيه علي اجمل محاورات فيه اخواتي ال مصبرنا علي بعد الحبيبه الغاليه مصر

انا هنا جديده معاكم للاسف بتعامل مع اي موقع ب ب ب بنداله هااه بمعني اشترك اسأل ف ال عاوزاه واطير المحاورات بقي تقولشي سحرالي يا خويه ادمااااااااااااااان انيم الواد بيبو ابني وافضل معاكم لحد ما يغلبني النوم بس لفت نظري حاجه ما اعرفش حد سأل فيها قبل كده وللا لاء هي اسامينا هنا ياتري ليها معني عند كل واحد وهو جاي لسه يشترك ؟ طيب ايه رأيكم نلعب لعبه سهله كل واحد فينا يختار له اسم من هنا ويسأل صحبه عن معناه وعن معني الصوره ال حاطتها بتمثله ايه ها بدأ بنفسي انا ليا سببين ف اختيار دودو هانم الاول هاحتفظ بيه لنفسي لانه خاص السبب التاني ان دودو هو دلع اسمي الحقيقي واختارت هانم يمكن كان نفسي ابقي هانم بس مش من بتوع اليومين دوول لاء هانم ف زمن الهوانم ال تقريبا انتهي من بعد ايام السبعينات كده بحب الفتره دي كانت كلها خير علي ما اسمع يعني

كده تمام انا قلت وجه دوري عشان اسأل انا الحقيقه احتارت بين كام اسم استغربتهم زي الكرام هوبسن وسي السيد و أسد والمتألقه لماضه بس اكتر اسم عاوزه اعرف مغزاه لو مش يضايق اخويا الفاضل المحترم سي السيد ؟؟؟؟؟ ليه مسمي نفسك كده وصورة البيبي القمر ده بتعني لك شيء .......... اه ياريت بعد ما تتكرم وتجاوب تدي الميكرفون لاحد الاخوه ال اسمهم محيرك معناه

انا هاقوم انام بقي تصبحوا علي خير

تم تعديل 10 يناير 2011 بواسطة دودو هانم

[جسار]

عن نفسى أسمى مالوش أى معنى ، ده جه معايا كده بالصدفة ، عملت سيرش عن اهم المنتديات الجادة

ومن غير ما أعرف ايه اللى جوه المنتدى قررت الدخول ، وكل ما أكتب أسم يرفض ،حوالى خمس محاولات

فاشلة ونظرت للاعلى وجدت مكتوب تسعة حروف عربية فقط وهى المسموح بها ، و أخذت فى عمل محاولات

توافيق وتلافيق لحد ما لقيت هذا الاسم الغريب قد تم قبوله قلت وماله كويس المهم دخلنا والحمد لله

أما عن الصور فمعلش اخوكم لسه فى اولى حضانة كمبيوتر ولا عارف غير الكتابة على الكيبورد والسلام.

[se_ Elsyed]

: احتارت بين كام اسم استغربتهم زي الكرام وسي السيد

يا فندم لو رجعتي بالذاكرة 7 سنين لورا ...

يا نهارررررررررررررر

شوفي المداخلة دي الضاربة في جذور الزمن .. وقولي رأيك ؟

تم الارسال 09 October 2003 - 04:25 PM

كان في توبيك باين عن الموضوع ده في باب المناقشات العامة ييجي من سنة كده

- بس على العموم نقول كمان علشان خاطر فيروز

- انا كنت مشارك في عدة منتديات وحركات على النت بإسم المعلم وفي مرة وأثناء حديثي مع ست أمينة صديقتي الصدوقة من زمان قالت لي ماتيجي منتدى المصريين فقولتلها بيعملوا أيه دول ؟ قالت تعالى بس جرب وعلى فكرة انا إسمي هناك ست أمينة .. فمن هنا جاءت لي الفكرة وقولتها لها لو إنت إسمك ست أمينة يبقى انا هايبقى إسمي سي السيد.

على فكرة ... شكلي خلصت على ست أمينة وتاويت الجُثة .... أو ما عنديش حريم تظهر على منتديات هههههههههههه

لأ بجد والله .... الست دي بتختفي بطريقة عجيبة .. لكن عزائي الوحيد إننا على أتصال بالتليفون ... أينعم أنا اللي بأتصل على فترات عشان أطمن عليها في النمسا والأمهات المتحدة والحاجات دي ... لكن هي نعم الاخت الكبيرة بصراحة ...

عرفتي بقى معنى إسمي ؟

بالنسبة للصورة الرمزية ... عندي صورة وأنا لحد إعدادي .. كنت شبه الولا ده بالظبط ... لما كبرت بقى وعوامل التعرية والتصحُر وكدهوت إتغيرت شويه - للاحلى طبعاً -

نهارك سعيد يا هانم

----------------

ممكن العب بالميكرفون شويه وأسأل واحد بعدي ؟

أنا في فعلاً إسم محيرني جداً وعاوز أعرف معناته

" محمد زهيري " ,,,,,

إسم غريب وغامض .... وبجد جديد ... لا جديد وما شوفتوش قبل كده

مونكن تقول لنا معناه وتشرح مغزاه يا أستاذ زهيري

[MZohairy]

ممكن العب بالميكرفون شويه وأسأل واحد بعدي ؟

أنا في فعلاً إسم محيرني جداً وعاوز أعرف معناته

" محمد زهيري " ,,,,,

إسم غريب وغامض .... وبجد جديد ... لا جديد وما شوفتوش قبل كده

مونكن تقول لنا معناه وتشرح مغزاه يا أستاذ زهيري

يا سيدي الموضوع بسيط جدا

محمد ده اسم جار ابن خالتي و كنت دايما اتخانق معاه و كان من هواة الحرنكش و من اصدقاء ميكي

اما زهيري فدي ليها قصه

اصل كلمة زهيري مشتقه من الإنجليزيه من كلمتين Zoo & hairy

و معناهم الرجل المشعر عندما يزور حديقة الحيوانات :closedeyes:

تحياتي

[Dreamwithme]

ممكن بعد إذنكم ألعب بالميكرفون شوية من نفسي

بالأصالة عن نفسي وكل الأعضاء الجدد أحب أشكر دودو هانم أنها رفعت هذا الموضوع

استمتعت جدا بقرأته وكان في فعلا أسامي محياراني لكن عرفتها الحمد لله

بالنسبة لأسمي الموضوع مفهوش أسرار ولا أسباب خفية أنا بأحب أحلم دايما وعلي طول عندي أحلام كثيرة عايزة أحققها

ومؤمنة أن قوة الأحلام تقدر تعمل عمايل غير طبيعية في الانسان وبأحس أن الانسان بيبدأ يعجز ويموت لما يبطل يحلم

فبحب لما أتكلم مع أي حد أخده معايا لأرض الأحلام وأصحي جواه القدرة علي الحلم فمن هنا اخترت اسم احلم معايا ولأني متعودة أكثر علي الكتابة باللغة الانجليزية كتبته بالانجليزي.

أما صورتي فأنا شفتها علي النت أول مرة كان مكتوب تحتها تعليق see no evil

فعجبني جدا وحسيت أنه شبهي لأني بارفض أشوف الحاجات الوحشة أو بأرفض أشوف الحاجات اللي أنا مش عايزة أشوفها فاخترتها

بس خلاص أسيب الميكرفون لأي حد معدي يحب يعرفنا علي نفسه أكثر.

[se_ Elsyed]

و معناهم الرجل المشعر عندما يزور حديقة الحيوانات :closedeyes:

ما تقول غوريلا وتخلصنا

[المهندسه]

اخد انا بقه الميكروفون شويه

انا بقه اسمى و صورتى مش انا ال مختاراهم يعنى "مجبر اخاك لا بطل" ..ازاى بقه اقولكم

اصل انا جوزى مشترك فى المنتدى لكن غير نشيط خااالص لان بطبعه مش اجتماعى خااالص بيفضل المنتديات الهندسيه

يعنى بيدخل المحاورات يقرأ بس و مش بيشارك ...هو ال شجعنى على الاشتراك و المشاركه

ولما جيت اختار اسم ليا قاللى عندك ..استنى انتى هنتختاريلى مى مى و توتو و سوسو لاء يا هانم

انا هختارلك اسم ناشف كده

و هو ال اختارلى اسمى "المهندسه" بأعتبارى فعلا مهندسه بس اسم بصراحه دمه تقيل لا يتناسب

مع منتدى اجتماعى كلنا فى اخوات مفيش فيه القاب لكن حكم القوى بقه

و الصوره كمان كنت مختاره صوره بنت كارتونيه قالى ايه الدلع ده و راح حاطتلى صوره الفراشه

علشان يحسرنى على ال انا فيه لانه عارف ان نفسى اطير زيها كده و اهرب من العيال و قرفهم

لكن "مجبر اخاك لا بطل"- ..وعجبى

[se_ Elsyed]

ولما جيت اختار اسم ليا قاللى عندك ..استنى انتى هنتختاريلى مى مى و توتو و سوسو لاء يا هانم

يعني دودو تتعب وترفع الموضوع اللي وزنه حولي 17 كيلو .. وتيجي يا أم ليلى تتريقي على إسمها ؟

طب ذنبها إهي كمان سوسو " راني " تتريقي عليها ؟

أنا جاي أهدي النفوس بس وأوضح لك معلومة تاريخية .. إن الأسماء اللي من مقطعين سواء متشابهين أو مختلفين أصلها فرعوني

زي ..

تي تي رع

حا حا وتفاحه

كدهوت يعني ...

[المهندسه]

ولما جيت اختار اسم ليا قاللى عندك ..استنى انتى هنتختاريلى مى مى و توتو و سوسو لاء يا هانم

يعني دودو تتعب وترفع الموضوع اللي وزنه حولي 17 كيلو .. وتيجي يا أم ليلى تتريقي على إسمها ؟

طب ذنبها إهي كمان سوسو " راني " تتريقي عليها ؟

أنا جاي أهدي النفوس بس وأوضح لك معلومة تاريخية .. إن الأسماء اللي من مقطعين سواء متشابهين أو مختلفين أصلها فرعوني

زي ..

تي تي رع

حا حا وتفاحه

كدهوت يعني ...

ماشاء الله يا استاذ س س ...جاى فعلا تهدى النفوس

و الله يا دودو ما خدت بالى خاالص...ما تسمعيش كلام ابو عمر

يعجبنى فيك يا ابو عمر انك مذاكر تاريخ مصر كويس اوى ما شاء الله تبارك الله

على رأى اخوانا السعويين

[أهااات روح]

ممكن الميكرفون يا (المهندسة )

ايووووون ....

احم احم.... تك تك تك

بسم الله الرحمن الرحيم........ لا تمام كده شغااال

انا زى كتيييير من المحاوراتية كنت بتابع من بعيد لان زوجى محاور هنا

كنت بحب اقرا المواضيع واشوف اختلاف الاراء

وفى يوم عجبنى موضوع وحبيت ارد واشتركت بكذا اسم ومكنش بيتفعل

وفى يوم قلت هحاول تانى بس للاسف اليوم ده كنت مكتئبة جدا وحاسة انى عاوزة اصرخ

فجات معايا كده آهااات روح (على حسب المود بقى )

[المهندسه]

ممكن الميكرفون يا (المهندسة )

ايووووون ....

احم احم.... تك تك تك

بسم الله الرحمن الرحيم........ لا تمام كده شغااال

انا زى كتيييير من المحاوراتية كنت بتابع من بعيد لان زوجى محاور هنا

كنت بحب اقرا المواضيع واشوف اختلاف الاراء

وفى يوم عجبنى موضوع وحبيت ارد واشتركت بكذا اسم ومكنش بيتفعل

وفى يوم قلت هحاول تانى بس للاسف اليوم ده كنت مكتئبة جدا وحاسة انى عاوزة اصرخ

فجات معايا كده آهااات روح (على حسب المود بقى )

يا عينى يا بنتى اهااات مره واحده ....ربنا يا بنتى يروق بالك يارب و تبقى على اللاقل اهه واحده

وبعدين بمناسبه ان زوجك كمان مشترك فى المنتدى زى زوجى ...عاوزين اخونا المخرج العظيم حفيد يوسف شاهين هههههههههه

اخونا العزيز "سارى" يفكرلنا فى فيلم من اخراجه يجمع فى الازواج هنا ايه رأيكم؟؟؟

[رضوي]

السلام عليكم ورحمة الله وبركاته

موضوع شيق جداً .......... حد يناولني المكروفون ياجماعة

1 ,,, 2,,,,3 تجربة للصوت

انا لما اشتركت هنا في المحاورات ....... ببساطة ........ كتبت اسمي

بس خلاص

بس انا فعلاً عايزة اسأل عن اسم عضو من الاعضاء

بصراحة هو من الأعضاء اللي بحترم اقلامهم جداً

بس ليه الاسم دة بالذات ؟؟؟؟

الفاضل .......... نايت مير ؟؟؟؟؟؟؟nightmare ؟؟؟؟ ليه الاسم دة ؟؟؟

[المهندسه]

السلام عليكم ورحمة الله وبركاته

موضوع شيق جداً .......... حد يناولني المكروفون ياجماعة

1 ,,, 2,,,,3 تجربة للصوت

انا لما اشتركت هنا في المحاورات ....... ببساطة ........ كتبت اسمي

بس خلاص

بس انا فعلاً عايزة اسأل عن اسم عضو من الاعضاء

بصراحة هو من الأعضاء اللي بحترم اقلامهم جداً

بس ليه الاسم دة بالذات ؟؟؟؟

الفاضل .......... نايت مير ؟؟؟؟؟؟؟nightmare ؟؟؟؟ ليه الاسم دة ؟؟؟

احم احم هاتوا الميكروفون تانى يا جماعه ...

بالاصاله عن نفسى و بالنيابه عن اخويا ال مكتوب غياب بقاله كتير على المنتدى...و المحاورات مضلمه من غيره

اخويا "nightmare" احب اجاوب على سؤالك يا رضوى

الاجابه: انظر صفحه 7 تحت ...هنا فى نفس الموضوع