اسمك وصورتك ف المنتدي معناهم ايه؟؟؟؟؟

[Diab]

طيب ده أسمي الحقيقي

محدش يبص لي

[سهيلة]

جيجى موضوعك حلو اوى

انا ياستى من ساعة ما سمعت اسم سهيلة اول مرة وكان ف فيلم عربى

وانا بحبة موووووووت

قعدت اقول لو كان الواحد بيختار اسمة كنت اخترت سهيلة

وبعدين لاقيت فرصتى هنا ف المحاورات ان اختار اسمى فاخترتة

وان شاء اللة لما ربنا يدينى بنت بعد عمر طويل ان شاء اللة

هسميها سهيلة بردة

[وليد صفوت]

أصل انا بحب ألعب على الناى أوى :rolleyes: :rolleyes: :rolleyes:

[مصرية الهوى]

يعني لازمني دعبسة في كل دولاليب المنتدى

:rolleyes:

[Eng_Willo]

انا بقى الnickname بتاعى بيضم eng اختصار مهندس مع اسمى اللى صحابى بينادولى بيه ,,, بس انا كان قصدى ان اضم حلمى الجاد فى انى اكون مهندس محترم ملو هدومه (بعد ماتخرج ان شاء الله) مع اسم الدلع مع ان اسمى الحقيقى متدلع جاهز. يعنى نص جد و نص فرفشة :rolleyes:

[se_ Elsyed]

واكلتني الحلاوه يازكي :rolleyes:

<{POST_SNAPBACK}>

بالمناسبة حسابك دلوقت 25 جنيه .. ثمن 3 ساندوتش حلاوه الميزان .

[NoorJehan]

أنا فى الحقيقه كنت أعتقد إن "نور جيهان" إسم فارسى، ولكننى قررت أن أبحث قليلا قبل أن تتوارثه الأجيال خلفى بناء على معلومات خاطئه :lol:

وبالفعل، إتضح إنه ربما باكستانى وبل إسم مغنيه مشهوره عندهم زى أم كلثوم كده عندنا :lol:

وليس هذا سبب إختيارى له بالطبع،ولكنه أعجبنى لأننى قرأت فى مكان ما إنه لقب أعطاه إمبراطور مغولى إسمه جهانجير لزوجته، ويعنى "نور العالم".. :lol:

توقفت أمامه لأن لمسات الوفاء هذه أصبحت نادره فى هذا الزمان أو كما يخيل لى وسط أخبار الطلاق والخلع وو..

ماااا علينااا

[عروس البحر]

اخترت عروس البحر لانى اسكندرانية

ولان اسكندرية احسن وافضل مدينة شوفتها او حاشوفها

وهى كده بناسها وجوها وشوارعها وعبد السلام المحجوب

[Alex Lover]

فكرت كتير كتير في الاسم الرمزى اللي بنظهر بيه فى المنتديات ، بعض الناس يكتب اسمه الرمزي غير الحقيقي ، والبعض الآخر يكتب اسمه الحقيقي ..

واكيد وراء كل اسم غير حقيقي قصة او شئ يستوقفني واقول يا ترى لماذا اختار هذا الشخص هذا الاسم بالذات احيانا يكون استنتاجي سريع واحيانا اقف متحيرة امام المعنى وامام السبب من وراء اختياره ...

مثلا انا اسمي الرمزي (Alex Lover ) سهل جدا ان تعرف كثر من المعلومات التقريبية عندما تقرأه واول معلومه انني اسكندرانية .. ثانيا احب الاسكندرية _ افتقد الاسكندرية _ هدفي ان اوصل للناس هذه المعلومة ... هذا مثلا

بالنسبة لباقي اصدقائي في المنتدى اتمنى ان يكتب كل واحد نبذة مختصره عن اسمه الرمزي ويشرح لنا سبب اختياره ومعناه فاكيد هذا سيقربنا من فهم بعضنا البعض

ياللا نجرب ؟؟؟

مين هيبدأ :unsure:

تم تعديل 21 مارس 2007 بواسطة Alex Lover

[ahmed_tito91]

بسم الله الرحمن الرحيم

احمد تيتو وحعرفكم بنفسى

احمد اسكندرانى محب بجنون للاسكندريه اما بالنسبه لتيتو الكل عارفها وانا اخترتها لانى من عشاق احمد السقا

[أبو زياد]

إسمى الرمزى هو إسمى ( أو لقبى) الحقيقى ..

والحقيقة أنى أندم على ذلك فالأفضل أن يخفى الإنسان شخصيته الحقيقية حتى يمتلك لنفسه كامل الحرية فى إبداء آراؤه فيما لا يضر أو يمس الآخرين ..

أضرب مثلا لذلك أنه ربما شاهد بعض الأصدقاء مشاركتى و أبدوا اعتراضا أو تعليقا فإن أخذى لذلك فى الحسبان أرى أنه سيؤثر إلى حد ما على حريتى فى اختيار المشاركات و العبارات ..

أليس كذلك ؟

[Alex Lover]

الاخ الفاضل ابو زياد ... احترم رايك جدا وانا معك .. فانا في اول المنتديات التي اشتركت بها ولانني لم تكن لي خبرة اشتركت باسمي الحقيقي الثنائي ولان اسمي مميز جداااااااااااااااااااااااااااااااااا فقد تعرف علي البعض من الاصدقاء بالصدفة وكنت قد اشرت الي بعض الامور الشخصية التي لم اكن احب ان يعلمها هؤلاءء الاصدقاء بالتحديد مما سبب لي حرجاً شديدا وبالتالي انسحبت من المنتدي ولم ارجع اليه مرة اخرى .

[Alex Lover]

احمد تيتو الظاهر ان المفروض نعمل حزب للاسكندرانية لاني ملاحظة ان محبي الاسكندرية كتير هنا ...

فين باقي الاعضاء وفين الاسماء الغريبة اللي مالية المنتدي وخصوصا مكرمعبد

[التونسى]

موضوع طيب

انا اخترت اسمى ((التونسى )) محبة .. وتأثرا بالشاعر العظيم والفذ واحد رواد الزجل والشعر العامى ((بيرم التونسى)) ومش بس اسمى الرمزى .. انما صورتى الرمزيه كمان هى صوره لبيرم التونسى

وليس سرا أننى أهوى الكتابه الادبيه بكافة أنواعها . خصوصا الزجل والشعر العامى . ويعتبر بيرم هو أحد أهم من تعلمت منهم كيفية الكتابه والصياغه الشعريه الزجليه . وهو أحد أصدقائى على الورق .. مثله مثل صلاح جاهين .. واحمد فؤاد نجم وكذا سيد حجاب

شكرا مره تانيه على الموضوع

[واحد تاني]

اسمي الرمزي (واحد تاني) وهو في نفس ذات الوقت اسمي الحقيقي ...

وطبعا زي ما هو واضح من الاسم ... اني اسكندراني ... وبحب اسكندرية أوي ... ومش بقدر أبعد عنها مدة طويلة ...

وأكيد ده بالاضافة لاني من اشد المعجبين بـ روبرت دي نيرو

تم تعديل 21 مارس 2007 بواسطة واحد تاني

[امانى]

بسم الله الرحمن الرحيم

عزيزتى alexlover

انا امانى وده مش اسمى الحقيقى لانى فضلت ادخل باسم مستعار

وده لكى اكتب بحرية فى اى موضوع واخترت اسم امانى لان ليا امنيات كتيرة فى منها تحقق وفى

امنيات اتمنى تحقيقها و على فكرة انا اسكندرانيه وبعتز قوى باسكندريه واهلها

متشكرة على موضوعك الرائع

امانى

[se_ Elsyed]

لو حد جدع بقى يغطس غطسة حلوه ويجيب لنا موضوع بنفس المعنى كده كان قديم بس قديم جداً

[بنت النيل]

لو حد جدع بقى يغطس غطسة حلوه ويجيب لنا موضوع بنفس المعنى كده كان قديم بس ديم جداً

يا خسارة يا عمو سين سين اصلى مش بعرف حتى اعوم مش اغطس

بس انا جدعه برده فى الحالتين

[deemuck]

السلام عليكم ورحمة الله وبركاته،،،

والله موضوع ممكتاز يالاخت alex lover وعجبتني اكتر الصورة اللي حطاها وبناءا عليه غيرت صورتي انا كمان لصورة احلى. انا برضه زوجتي من الاسكندرية

الاسم "deemuck" وينطق "ديم مق" هي كلمة كورية تعني "ضربة الموت"

ديم مق

[nancy]

انا اسمى الحقيقى هو الى بدخل بيه

احيانا بحس انى غلطانه واحيانا لا

على حسب الناس الى بتعامل معاها

بس عموما انا احب ان كل الناس تكون وضحه

وتعرف هى مين هى نفسها ولا بتمثل دور شخص تانى