إنفعالاتى .. ومساجلاتى .. وتوابعى الشعريه والنثريه

[التونسى]

فضفض يا قلبى .. وخَرَّج المِتخَبِى فيك

يمكن فـ لحظه.. تلاقى حد..يحس بيك

يمسح دموعك .. يحضنك .. يسمع أليك

يشيل معاك.. الحزن دا..ويعطف عليك

فضفض يا قلبى

[التونسى]

أنا حلمى بسيط .. انا حلمى بسيط :rolleyes:

لاهو حلم كبير .. ولا حلم خطير .. ولا حلم عبيط

أنا حلمى بسيط .. انا حلمى بسيط

لانا عايز مال..ولا جاه..ولا شهره..ومجد..وصيت

أنا حلمى بسيط .. والله بسيط :rolleyes:

أنا نفسى اكون.... انسان عادى .. واضح وصريح

واللى على قلبى..على لسانى..ومن غير تجريح

واقول الحق على رقبتى ..و من غير تفريط

أنا حلمى بسيط .. انا حلمى بسيط
بحلم بسواقى.. تلف تدور .. وشجر .. ونخيل

بحلم بفلوكه تاخدنى معاها فى حضن النيل

واسهر على سوطح البيت.. اتأمل قمر الليل

وفطارى يكون ..فول بالقوطه.. و مِشّ وجرجير

وغدايا يكون ... وِركيـــن فرخه .. مع رز كتير

وعشايا يدوب صحن القشطه وعسل وفطير

أنا حلمى بسيط .. انا حلمى بسيط :rolleyes:

بحلم بعروسه ....تكون طيبه .. وتكون صالحه

تتقى ربها... وتصون عرضها .. وتكون سمِحه

وف شغل البيت ..كده لهلوبه .. وشاطره وفالحه

يا سلام لو كان .. بالمره كمان ..اسمها صابحه

وتجبلى عيال .. يملوا الدوار .. لعب وتنطيط

أنا حلمى بسيط .. انا حلمى بسيط :rolleyes:

النسخه الحريمه

أنا حلمى بسيط :rolleyes: انا حلمى بسيط

بحلم بحياه... هاديه ...ورايقه

أصحى من النوم مش مضايقه

ونشيطه ...فريش.. وكده فايقه

لاجل ماساعد جوزى الغالى

فى أعمال الغيط

أنا حلمى بسيط :rolleyes: أنا حلمى بسيط

[التونسى]

يا سيكو باتى .. يا إجــرامى

يابو اللصوص .. أه يا حرامى

أه ياللى كان هدفك..... موتى

ياللى سرقت كمان..... قوتى

وسرقت عمرى .. وأحلامى

يابو اللصوص .. أه يا حرامـى

يا مُفترى .. يا شيخ المَنصَر

.يا وباء ..وأقوى من الكانسر*

.30 سنه .. وانت ..يا أرعن

.بتـذل فينا ... وتتـفـرعن

. :astaghfer:ولســه..بــردُه..بتتـكـبر :astaghfer:

.يا وباء ..وأقوى من الكانسر*

تم تعديل 20 أغسطس 2014 بواسطة التونسى

[التونسى]

30 سنه.. واللى ما يتسمى.. بيحكم مصر ..بنار وحديد

30 سنه تزوير .. وطوارئ.. ومهانه .. وظلم.. وتهديد

30 سنه .. قَضَـــاهُم ســرقه.. ونهب ف ثرواتنا..وتبديد

30 سنه .. تعـــــلــــب مكـــــــار

طــــالع .. نـــازل... كالمنشـــــــار

وعصابتُه .. بتلهــط .. وبتشفـــط

بتحدى ... وجِــــد .. وإصــــــرار

والمخلوع .. كالعاده مــغمــض.. عينه .. ومِنفض تنفيض

ويقولك ..ونا مالى..ما تخرَب ..ومادام أنا عالكرسى سعيد

يبقى أطنش .. بـس وا فــكر ..فى التوريث.. أو فى التمديد

لكن ربـــك.. بالمرصـــــــاد..يِمهــل..لكن..بأسُـه شديد

قال للثوره..قومى يا ثوره.. فجأه .. لاقينا.. الإيد فى الإيد

فى التحرير..ملايين ملايين.. عايزينك.. ترحل.. يا بعيد

والهدف اتحقق..واخيـــراً.. يوم ما خلعت..دا كان يوم عيد

ياللى ماتتسماش .. يا بعيد

[التونسى]

الصمتُ .. حِصنٌ .. قد رأيت الحِكمه ..فيه

وهو المـــلاذُ...لـ أتــقــى ...شـــر الســـفيه

معهُ .. الجدالُ .. صراحــة .. شئٌ كــــريه

حمداً لربى .. قــد عافانى .. من الغـُـثـــاء

من أن يضيع القول .. فى جـــوف الهباء

صــــام الكـــلام .. وإنـــنـــى .. لا أشــتهيه

[التونسى]

الخفا.. فيش .. بح .. م.. فيش
عاش الشعب .. ومصر تعيش
ويا حسرة .. أصحاب الفتـــنه
ويا خيبة .. أعـــداء الجيـــــش
ما الخفافيش .. بح .. م ..فيش

تم تعديل 20 أغسطس 2014 بواسطة التونسى

[التونسى]

وأنا المسحوق .. أدناه
تحت خيل أحزانى
ضقت ذرعاً .. من هوانى
وتنصلتُ .. من الوهمِ
وتبرأت .. من كل الأغانى
و غزلتُ من الغِلظة ُ.. أحجبة .. و رداء
وصنعتُ من القســوة .. ترياقاً .. و دواء
وتأمرت ..على قلبى المخدوع
وقدمته ُ.. قُربانى
وعلى الحب .. أعلنت عصيانى

[التونسى]

لو على الدمع .. فـ عنيا
مش حكايه .. مش قضيه
سهل يعنى .. أهزمُه
بس دمع القلب ...أقــــوى
مش بخاطرى .. ولا بإيديا
صعب يعنى .. أكتِمُه

دمع قلبى .. صــداه أنــينـى
دمع صــــارخ .. بيواسينى
دمع قلبى .. دمع نــــــازف
زى سيل الميه .. جــــارف
يجرى مجرى الدم .. فـــيا
لكن الـدمــع ... فـ عـنـيا
مش حكايه .. مش قضيه
سهل يعنى ... إلخ إلخ... ..

..... .... ... ... .. ..

[التونسى]

محروسه .. محروسه

وحترجع تانى..عروسه
رغم القِله المفروسه

المُنــدسه ... المدسوسه
((والحركات)) المفقوسه

................

محروسه .. محروسه

[التونسى]

ســـت سنين .. ســـت سنين
حب وعشق.. وشوق وحنين
قهــر وصبر.. وحــُزن دفين
دعــوة أُم .. ورب مُعـــيـــن
ونس الغُربه..يا دمــع العين
ويـا مَـــكتَر .. دق الأســافين
ميـــن عالــم..رايح على فين

[التونسى]

أحب دايما أقول ..
وأحب دايما ابوح..
ساعات ونا فـــرحان
وساعات ونا مجروح
وكتير ونا نشــــوان
وكتير ونا مــدبوح
ونا فى برجى العالى
وحــتى لو مسفــوح
تلاقينى بردو ..ببوح
وابوح ..وابوح ..وابوح
..........
مجنون!!!!؟

مجنون!!!!؟
مجنون .. أكيد مجنون
وبالجنان .... مسكون
وجنونى لُه رجــليــن
وإيدين كمان .. وعيون
..........
أما الكلام ... كلامى
ساعات أحبه يكون
زى الدهب موزون
وساعات أحبه يكون
شاطح كدا .. شعنون

......
أما اللسان .. لسانى
ف مِنى مِتبرِّى
تقول حصان برِّى
ساخر .. بِيتمَرَد
بِيحِش .. كالمَبرَد
لكن يا عينى عليه
لما بيكون حنون
ما اقولُكُمشى عليه
لما بيكون حنون
.....
نهايتُه .. م الاخر
يعنى خلاصة القول
بحب دايما اقول
واحب دايما ابوح
الخ الخ الخ

[التونسى]

الإسم : يبقى عبير
والنقب: شرقـــــاوى
والشعر : لو فى البير
بيقصدوا الغـــــــاوى
ونا عالكلام .. يا عبير
شكلى خلاص نـــاوى
حبوح.. وعندى كتير
حكـــــاوى..وغنــاوى
رفرف يا(حوده) وطير
سمعنا .. يل الحــــاوى
.......
مغرور!!!!؟
مغرور!!!!؟
جايز أكون مغرور
ممكن أكون مغرور
عايش كمان ف الدور
وفاكر نفسى ...يعنى
حواليا ...هالة نــــور
والكون مخلوق عشانى
ونا وحدى فيه عصفور
معقول!!!!؟

معقول!!!!؟
معقول أكون مغرور
إزاى .. ونا مطيور
وقلبى دا ....مكســـور
وعمرى دا ... مهدور
القصد .. والخلاصه
من غير ما الف وادور
أنا راضى .. مهما اتقال
وحتى لو ... مغرور
أنا بالغرور .. مسرور

[التونسى]

الإسم : دا يبقى زهره
ساكنه ..ف حُضن الجبل
أشعارها نجوم...وظاهره
وبتضوى .. بالأمـل
فى الشعر بجد شاطره
تقرا لها .. بدون ملل
.......
والشعر : دا زى مُهره
وغـزاله شـريده حُره
الشعر: دا أصلُه قُدره
مش بس كـلام وفِكره
...........
والشاعر: ساحر
بيشقلب حال الكلمات
الشاعر: عصفور
بيرفرف بين الحكايات
وخيالُه الواسع .. ومشاعرُه
هُــما الجنـاحـات
............

والشاعر يقدر يرسملك
من غير ألوان
الشاعر يقدر يعزفلك
أجمل ألحان
وبجد ألاتُه الموسيقيه
هى الوجــدان

[التونسى]

شِب .. وقِب .. ولِف .. ودور

حاور .. ناور.. إظلم .. جور

جادل .. واصل .. حَلب التور

يا سُفسطائى

يا ستِقصائى

بردو مفيش فايده .. يا حنجور

[التونسى]

لو ليبرالى .. علمانى
أو سلفى .. أو إخوانى
إسمحوا لى .. إيه جرالنا !!!؟
لأه ... مش عايز أصدق
إن بعد الثــوره .. حالنا
ماشى من سيئ .. لأسوء
...........
كدبونى
خونونى
إشتمونى
إلعنونى
بس أبلا .. فهمووووونى
هى هاصت
والا لاصت
والا ضاعت
والا باظت
والا غرقت
والا غاصت
والا إيييييييييه
ما تعرفونى!!!!؟
لأه ... مش عايز أصدق
إن بعد الثــوره .. حالنا

ماشى من سيئ .. لأسوء

[التونسى]

أهلا بيك يا سعادة الباز
شكلك حتـــولعها بجاز
إياك تزعل .. أيوه بهزر
شرفتنا .. وبجــد منور
ياللا شاركنا ..أنقد ... فكر
من غير ما تجَرَّح .. أو تسخر
وبكده بيك .. المنتدى فاز
اهلا بيك .. يا سعادة الباز

[التونسى]

طبعا حاجه .. تجِن .. وتِفرِس
خنجر يعنى .. ف قلبى .. بيغرِس
كله بـ يِرشِى .. كله بـ يِبرِز
علشان ينجح .. يوصل .. ينجِز
طب والحل يا عم الباز !!!!؟
يعنى نولع فيها بجاز !!!!؟

[التونسى]

لسه ولسه .. يا عم الباز
لسه حتغرق . فى الألغاز
سابقك صيتك
والبيت بيتك
خدلك كرسى .. يكون هزاز
مدققش يا سيدى .. دا عادى
يعنى صباحك .. فل.. ونادى
ولا تتحير .. ولا تتغاظ
م اللى حيجرى .. يا عم الباز

[التونسى]

ما تقولنا يا سيادة الباز
وتدلنا على أوسخ جاز
أَخرِى .. وجبتو
زهقت خلااااااااص
شعب ...وجيش
خرسيس ..حرافيش
يعنى مفيش دم واحساس
يبقى نولع فيها بجاز
زى ما بيحرضنا الباز

[التونسى]

إتخنقت من المجادله .. والمحاوره .. والكلام
إتخنقت من التعصُب .. والتحزُب .. والصِدام
إتخنقت من التشتت .. والجهالــه .. والظلام
إتخنقت م اللى أتى .. ومن حياتى .. والسلام

إتخنقت ..إتخنقت

إتخنقت من التناحه .. والبجاحه .. والملل

إتخنقت من السخافه .. والهيافه .. والهطل
إتخنقت من السفاله .. والنداله .. والهــبل
ضِيقَه ضِيقَه..
خَنقَه خَنقَه..
والعمل..إيه العمل!!!!!!!!!؟

إتخنقت ..إتخنقت

إتخنقت .. م اللى باعها .. بالرخيص .. و سَبَّها
إتخنقت .. م اللى خانها .. وعمرُه يوم.. ما حَبَها
إتخنقت .. م اللى سابها .. وجاى يقول .. دا ذنبها
إتخنقت .. ومصر بس .. ليها مــين .. غير ربها
ليها مين .. غير ربها!!!
ليها مين .. غير ربها!!!
إتخنقت .. اتخنقت

تم تعديل 21 أغسطس 2014 بواسطة التونسى