التونسى بتاريخ: 18 أغسطس 2014 تقديم بلاغ مشاركة بتاريخ: 18 أغسطس 2014 (معدل) هذا الموضوع مهم جدا بالنسبة لى كشاعر .. وقد تأخرت كثيرا جدا فى إنشائه .. فمنذ أن وطأ فكرى رحاب الفضاء الالكترونى منذ حوالى 10 سنوات .. وأنا دائم الكتابه الشعريه والنثريه والادبيه .. وبغزاره .. فى المواقع الادبيه وغير الادبيه المختلفه .. وأكثر ما كنت أكتبه ليس قصائد او خواطر خاصه بذاتها.. بقدر ما كانت مقطوعات شعريه ونثريه فى شكل ردود .. هى بمثابة انفعالات او مساجالات او توابع لكتابات الاخرين الادبيه وغير الادبيه .. ولعلى مارست هذا ها هنا كثيرا جدا .. وكثيرا ما كتبت اشعارا ((على الهواءمباشرة)) تأثرا بكتابات الاخرين التى تكون مثل ((الزلزال)) وتكون ردودى هى ((توابع)) هذا الزلزال.. وقد راودتنى بين الحين والاخر فكرة مشروع جمع تلك الانفعالات والمساجلات والتوابع الشعريه والنثريه فى مدونه او صفحه او منتدى معين .. حتى استطيع توثيقها .. والعوده اليها بين الحين والاخر .. بدلا من اللهث وراء كتاباتى فى كافة المواضيع والمواقع المختلفه .. وها قد جاءت لحظة تدشين هذاالمشروع ((المرهق فى لذه)).. وسابدأ بتنفيذه فى المحاورات .. بالتوازى مع تنفيذه فى صفحه خاصه بالفيس بوك .. كنسخه احتياطيه .. جمع تلك الاشعار والخواطر وحصرها سيرهقنى جدا .. لاننى أحتاج الى ان تسعفنى ذاكرتى المهترئه بالمواقع والمواضيع المختلفه التى كتبت بها .. ولكني سابذل قصارى جهدى والله المستعان .. وفى النهايه اتمنى ان يحوز الموضوع ((او حتى قليل منه)) على اعجابكم .. طبعا سوف يكون هناك الكثير من تلك المقطوعات الشعريه و النثريه والتى سأدرجها ها هنا من النوع الذي يلفه الغموض .. لاننى لن أرفق النص الادبى او النثرى التى جاءت هى رد فعل له .. لذا سيحتاج القارئ احيانا ان يقدح ويعصر فكره وخياله حتى يعرف عم انا اتحدث ..وردا على من .. وفى اى مناسبه .. وفى ذلك متعة ادبيه لو يعلمون تم تعديل 18 أغسطس 2014 بواسطة التونسى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 ياريتهم بس كانوا اتنين ياريتهم بس كانوا اتنين دا كانوا يعنى..بالزوفه..ويملوا العين جميلة الأد والسمره ..وكحيلة العين وأم الشعر بيهفهف .. على الخدين دا غير اللى صادت قلبى بغمازتين وغير اللى قادت نارى ببسمتها وخلتنى هوا طاير فى نسمتها وغيرهم ياما متعِدِش داقلبى كان مايتهدِش و كان عامل كما الشارع وفيه أحبابى ساكننى..على الصفين ياريتهم بس كانوا اتنين ياريتهم بس كانوا اتنين 17 اغسطس 2014 اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 (معدل) سليل الفــن .. أعمالُه .. معجونه بمية الإبداع وبحور الشعر فـ قصايدُه..بِتمُوج بالحِس والإمتاع وكان بمهاره. يِستخلِص..حروف الضحك م الأوجاع ويرسم بسمه .. بـ رسومُه .. وهو بـ يبكى كالملتاع فى جنة ربنا .. يا جاهين .. يا خالد.. والخلود أنواع 18 اغسطس 2014 تم تعديل 18 أغسطس 2014 بواسطة التونسى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 (معدل) إللى بنى مصر.. كان فى الاصل ..عشوائى أنتوخ..كسول..وكمان طبعه كده..هوائى عايش على المعونات..والماضى والحكايات وفـ معظم الأوقات ..على فِطرِتُه .. بِدائى واللى بنى مصر.. كان فى الاصل ..عشوائى 18 اغسطس 2014 تم تعديل 18 أغسطس 2014 بواسطة التونسى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 (معدل) المداخله دى وما يليها لعدد معين من المداخلات .. عباره عن مجموعه من اشعارى أو رباعياتى او مربعاتى التفاعليه فى احد المنتديات من خلال موضوع مخصص للمساجلات الشعريه بعنوان عندليبيات .. الموضوع ده لحد النهارده فيه ما يقرب من ال2700 مداخله .. ليا فيهم عدد من المداخلات الشعريه الغير قليله ((والمنثوره هنا وهناك على مدار عامين)).. ومش حينفع انزلهم كل فى مداخله على حده .. لان مشاركاتى اغلبها رباعيات قصيره او يزيد قليلا... لذا حنزلهم خمسه خمسه فى كل مداخله .. حذكر تانى ان المقطوعات دى وليدة السجال والتفاعل مع الاخرين .. وهى بمثابة حوار أدبى يدور ب ((اللغة)) الشعريه العاميه .. على بركة الله نبدأ صباحكو عندليب عصفور .. بسيط جدا .. ومش واعر بيغســـل كلمــته بالـــنور .. وبيحاول ... يكون شاعر ************ صباح العندليب أيمن .. بقدم لك فروض ودى يزيـــدك ربنا دايمــا .. سعاده وراحه يا رُشدى وشاكــر ليك..أنا جـــدا..ونـفسى يعجــبك ردى ************* صباحكو عندليب رايـق .. ولا بيشغل كتير بالُهوحتى .. لما يضــايق ...بيضحك مهما يجرالُهويحمد ربنا الخــالــق .. ويرضى بقسمته وحالُه *************** صباح العندليب ...حِلمُه .. يِطَهَر نَفسُه .. يِتزَكَّى وأاااااه .. لو ربنـا كَرَمُه..وِشَد رِحالُه ..على مكه هناك راح يشفى من ألمُه ..هنــاك التوبه والبركه **************** صباح العندليب ... مظلوم .. ومين يواسيه فى أحزانهدا جابوا عليه كمان اللوم .. وزادوا مـُــــر أشــــجانه تم تعديل 18 أغسطس 2014 بواسطة التونسى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 صباح العندلـيب .. حايـــر ..ما بين الحق .. والباطلومين مظلوم ..ومين غادر ..ومين مقتول ومين قاتلومين الجانى .. والفــاجر.. ومين ..الصادق العــادلومين ..على الجواب قادر ..بجد يا خلق... بتســائـل **************** صــباح العنــدليــب .. تعـذيـب ..ورعب وخوف..وزنزانه وناس بارده ..بشـــكل غــريب ..بتجلد ناس..بخـــــرزانه وضرب يصيب .. ولا بيـخيب..وذُل .. وقهر ..ومهانه وشَعر من الفـــزع ...بيشيب..ودم .. تقولشى سلخانه دا عِلم..دا والا..حِلم رهيب.. فقدت الوعـــى .. بأمانه **************** لو نفسك تعيشها سعيد ... متتوقعش خير م الناسخليك انت بس شهيد ... ومتحلمش بالإخلاصدا مكانه يا صاحبى بعيد ... وزمانه دا عدا خلاص ************** صباح العندليب ..دا حليب .. أبيض .. زى لون قلبُهحبيب .. حتى لما يغــيب .. قلوبنا مِحــَـوِشـَـه حُبــُه ******************** صباح العندليب.. منصور .. بإذن الله.. على الأحزانوبعد العُسر .. يجى النور .. يبدد ظلمة الأشجان اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 صباح العندليب كورهوناس فرحانه مسرورهوفرقه جامده منصورهبتغلب فرقه مغروره ************************ عُمرِى ما نسيتك .... وِ رَبِّى ..السمـــــاح... يا عندليبليل نهار .. شغال يا صاحبى...مش بِخُطرِى يعنى اغيب **************************** حبيبى يا وجدى ..يالغالى .. كلامك ده .... بيسعدنى والله ...انا أمى دعيالى .. بناس .. بالحب .. تسندنى ********************* ومن دا كتير فى دُنيتنا ...بشر توعد .. ولا توفيشمايستاهـــلوش محــبتنا ...ومن غيرهم أكيد ح نعيش **************************** نصحته بشكل مش جارح ... وهو فى الغلط.. قافش سيـــبك منه .. دا كــالح ... ومش راكز ..لكن طايش يعنى ..من هنا و رايـــح .. جنت على نفسها .. براقش اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 صباح العندليب ..مُدمِن .. ((مزاجـــُه)) .. إنه يتثقــف بيقرا بشكل مش مُمكِن .. ((وكيــفُه)) يكتشف .. يعرف **************************************** سامحنا كتيــــــــر .. وعدينا ... برغم جراحنا ... وألامناونيجى .. نــمــــد .. أيادينا ... وهما .. يرفضوا سلامنا ************************************* صباح العندليب.. واعى .. وكـاشف كل ألاعيبهم وبيحذر..ملــوش داعى ..يزيدوا الحقد فى قلوبهم دا ربُه فى السما..راعى .. وقـــادر وحده يغلبهم *********************** صباح العندليب..مَجدَّع .. مفيش زيه ف إخلاصُه دا غير إنه كمان مُبــدِع ...وعالى تملى إحساسُه صباح العندليب وجدى *************************************** صباح العندليب أيمن ... يا شاعر ليه تغيب عنا يا غالى وحشــتنا جدا ....عليك ..وياريت تطمنا اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
أبو محمد بتاريخ: 18 أغسطس 2014 تقديم بلاغ مشاركة بتاريخ: 18 أغسطس 2014 :ok: كماااااااان نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 :ok: كماااااااان شرفتنى يا مان .. من عنيا كمان وكمان اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 (معدل) صباح العندليب مالو .. لا بيصبح ولا يسلمكتبنا الشعر كـِرمالو* .. ومنتـــظرينـــه يتكلم *كرمالو هى كلمة باللهجه اللبنانيه وتعنى لجل عيونه او عشان خاطره *************** صباحك ..بالأمل.. نـــادى..وسؤال عالماشى يا معلم ليه بتدوس على الماضـى .. ولــيه م الذكرى تتــألم دى كلمه قالوها أجدادى ..من اللى فاتــك ..إتعلــموصبرك عالـــلى بيعادى .. مسيـــــره ينــخ ويســلم ************************ صباح العندليب .. مذهووول ... دا كان فاكره .. بجد .. حسيسأتارى الــلى عــليه القــــول ... طلع.. يا خساره ..ندل ..خسيس *************** صباح العندليب .. SNOW وبرد درجته تحت الصفروانا م الحسره.. بصرخ NO ياناس نفسى أسافر مصر ***************** صباح العندليب مخنووق .. وحيطرشأ..من السيرفردى أحواله..فى غاية السووء.. وشــكل المنتدى .. مشفر تم تعديل 18 أغسطس 2014 بواسطة التونسى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 صباح العندليب((صــبراً))..على الأحزان..وعالشِدهمسير الضيق.. يزول حتماً..ومهما طـــــــالت..المُدهحياتنا مش همــوم.. دايماً..دا فيها مِن دا..على مِن داوده طبع الحياه .. فعلاً..الشوك بيصاحــب الورده *********************** سلامه..وسلمى..يا سلامه .. الله على روعة الإحساسمســــاء الفـــل ..يا يمامه .. يا ضى..وللقلوب نبراس ***************** أحبك .. لما تتـواضــع .. وبـ توب الرِقه.. تِتعاجِب واحبـك .. لمـا بِتسارِع .. وتقوم ويايا .. بالواجب لكن برده..وفى الواقع ..العين ما تعلى..عالحاجب إش جابنى لشعرك الرائع..إش جاب القاضى..للحاجب ************************************* صباح العندليب .. ضـحَّى .. وحيضحِى كمان .. وكمانلا همو ..مال .. ولا صِحه.. يكفيه يِسعِد .. ولو إنسان ***************** إيمان .. يا ورده من بلدى ... يا رَشَّه العطر..من أجلِىكلامك حلو .. ياااا وعدى ... خلانى دُبت .. فى خجلى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 صباح العندليب .. سومه .. يا نسمة صيف .. بتنعشنايا لوحه ..بفن ..مرسومه .. وجــودك دا .. بيسعـدنا ***************************** صباح العندليب .. برضُه .. مزاجُه العالى .. مِتعَكَروحيــرتُه مـِـزَلزِلَه أرضُه .. وليلُه .. نهارُه .. بيفكر ************************* صباح العندليب ..دَمعَه ....ونازلَه ...من عيون قلبُهبيبكى..ويا ترى سامعَه !!!!؟وحاسَّه..بشوقُه..وبحُبُه! ******************* دى بُشرة خير..ولما تبان... بِتِركَب ـ قلبى ـ ميت فرحهمِساءِك مِسك.. يا ناريمان.. يا لولِى.. مِطـَـرَز الصفحه ********************** يِمَطَّر قلبى .. بالإحساس ..يِسيل شِعرِى .. كما المَيَّه ويجرِى..فى قلوب الناس..غـدير .. والرَك عالنِيـــَـه اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 كلام ..ـ بالتوريه ـ..مسبوك..يحير..ـ بالغموض ـ..مسكون أكيد ..الشخص دا ..لكلوك..وِشَكلُه ..ـ بالأذى ـ.. معجون نصيحة عــندليب..وأخـــوك .. لَتِخــلَع .. نـابُه .. لو مسـنون *************************************** مِن بعض ما عِندَكم ... أصلِ نتوا .. مش شويهوتحيه .. لشعركم .. يا كــبيــــرة الياكشــاويــه **************************************** سلامتك يا إيمــان .. مالِك!!!؟ تعيشى يا رب ..فى صحهوالله..دا حالى ..من حالِك... وصوتى رااح .. من الكُحه ************************************* صباح العندليب ... فُكَهِى ... بيضحك ..عُمرُه مـــا...دَمَّــعونا .. فى حسرِتى ..مَلهِى ....وناقص... تَكَّـــه ..وأولــَّـــع ********************************** صحيح..واطى .. هاكر خرسيس ... وف دماغُه ...أكيد .. عِلَّهو واد ناقــص...وطبعه خسيـس ...مـلوش ..مـبدأ .. ولا مِـلَّه ولو راجـــل ...بجــد حسيـــس ... ماكان ... ـ بالشر ـ ..يِتسَلَّى دا شكلُه .. م العيال..الســيس* ... بتــوع البانجــو .... والكُلَّه* اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 18 أغسطس 2014 كاتب الموضوع تقديم بلاغ مشاركة بتاريخ: 18 أغسطس 2014 صباح العندليب ..بِيسَبَّح .. ويشكُر ربــنا .. المَنَّانوبيمارس هوايتُه..ويِسبَح..(بِمُهر خياله)فِـل أكوان **************************** دا عود نرجس ..و عود ياسمين .. مِزوَق عرش فرحتنايومين .. كانوا .. تقولش سنين..وادينا يا إيمـان عُــدنا ***************************** صباح العندليب .. أخبار .. حزينه .. وهى دى الدنيابتضحك لك .. وبستمرار ..وتــقلب غَــم ..وفـ ثــانيه ******************************************** يا بختك يا للى بِتساهِم ..ف غرس الخير..وأزهارهُفى قلبك.. وِد..وتراحُم..بتسـعـى لجــل إِظــهـارهُ يصونك.. ربنا الدايم.. يا شِبه الزرع ..ف خضارهُ ******************************************* عِتابُه .. ليك .. دا من عشمُه ... وإنت حليم .. يزيد فضلكوغضبُه أكيد .. دا من ألمُـــه ... وكويس إنه .. فضفض لك اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 19 أغسطس 2014 كاتب الموضوع تقديم بلاغ مشاركة بتاريخ: 19 أغسطس 2014 هنيئاً .. ليك .. بـ..دا صاحب ... مهنش عليه .. يِجَرَّح فيكأمانه علـيك .. و دا واجـــــب ... تشيلوا..فـى ..حبابى عنيك ***************************** مساء العندليب ..بـ ا دعِى .. يارب ..الصَفح .. والغفرانوِبـ.صِدق .. يِأكِدُه دمعـِى ..بتمنى .. العَفو .. يا رَحمَن ***************************** سلامتك .. م الألم .. والأه ..يشفيك المولى .. يا شاعرناوتعــود ليـنا .... بــإذن الله .. وبفيض الحب .. تغــمرنا *********************************** يا عندليب..رَيـَّح قلبك ... إللى عليك .. إنت عملتُهوِبطيبه نابعه من أدبك...طَيِبت خاطرُه .. وصالحتُهواجب بقى يقَدّر حُبك ...ويعَدِى ليــك .. لو زعـلتُه ************************************** إشرب ميه كتيـر ..وِلَمــون ..ومتنساش الكونجيستال*هُما يومين .. وبجد تهــون.. ترجع فُـل.. وعال العال *الكونجيستال هو من أدوية البرد والانفلونزا المشهوره اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 19 أغسطس 2014 كاتب الموضوع تقديم بلاغ مشاركة بتاريخ: 19 أغسطس 2014 وحياتك .. نفس إحساسى .. وِ عِيدِى بِتِخنُقُه الغُربهوعايش حُزن... وبقاسى .. ليالى وحـدتى الصعبه *********************************** مساء العندليب ..حليم .. وِغَنِى لَجل خوك محمودياقلبى ليه..تَمَلِّى تهيم.. ودايما بالعذاب ...موعود ***************************************** صباح العندليـــب ... منيـــــر ... والليله..الليله..يا سمرهياصوت ناعم ..تقولشى حرير ... يا ضى القلب ..يا قمره ************************************** سماء العندليب .. أنوار .. بتتشكل حروف .. وكلامحقيقى ...هلت الأنوار .. وبهديكى يا غاليه ..سلام ***************************************** أه يا حلاوتُه ..أه يا طعامتُه ..بتكشيرتُه الجبــــــاره دا أكيد الغامض .. بسلامتُه .. ومُتَخَفِى ف نضـــاره ***************************************** اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 19 أغسطس 2014 كاتب الموضوع تقديم بلاغ مشاركة بتاريخ: 19 أغسطس 2014 ومين قال إنى بكتب شِعر .. دى ماشيه معايا بركاوىوِمِل أخـر كـدا ... بِلا فخر ... أنا فـِ رَص الكلام ..حاوى ************************************* وأنسى ازاى!!!؟دى صُحبة خير ..بِتِشغِى حِس .. ومشاعروعشت معاها .. مثل الطـــيــر.. بَغَرَّد ..شِعر .. وخواطر *************************************** بإذن الله .. أعــود تــانى .. بَخَــلّص بـس .. فى قصيدهعن الغربه..المِصاحبانى ..وغَرسَا ف شِعرى .. تنهيده ************************************** أقولــك شئ .. وتسمع لِى .. ((الناس.. أحوالها .. مقلوبه))وا قولك تانى..واسمح لِى .. ((الدنيا..يا صاحبى ..أكذوبه))وأَخرِة قولى .. يا خـــِلِّى .. ((الغُربه .. علينــا ..مكتوبه )) ****************************************** أه م القلــق .. مِـنِّى سَــرَق.. الراحه .. والنوم .. والأمانوعزيمتى صارت ..كالورق .. محتاج.. أنا .. حَبِة إيمان اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 19 أغسطس 2014 كاتب الموضوع تقديم بلاغ مشاركة بتاريخ: 19 أغسطس 2014 قُولِك.. صَدَق .. قلبى بدأ .. يِهدَى .. وقَلَقُه مُحتَمَلأصل الفرج... لما بَــرَق ..ف سمايا..رجع لى الأمل ********************************************** صباح العندليب .. لِســـــان .. كَجَمر النــــار..ولا بِيِبرَد يِحِش ..ف سُمعِة الإنســـان .. تـقولـش يا خَىّ ..كالمَـبرَد ************************************ فيه كلمه بتبشر بالخير .. وكلمه بتطبل للحربوكلمه مرشوشه بعبير ..وكلمه تزرع فيك الكرب ****************************************** صباح العنـدليب .. قلـــبى .. يا نُقــطة قِوتِـى .. وضعـفِى بتعشق!!؟ طب وإيه ذنبى ..وليه ما بتيجى فـى....صَفِّى ****************************************** صباح الــعندليــب ...(فيـــروز).. وروح م النشوه .. بتهفهف دا صوت دا..والا عُـقـد (فاروز).. والا مــلايــكه .. بترفرف أخيرا انتهيت من حصر العندليبيات الخاصه بى ... والى اللقاء مع إنفعالات ومساجلات وتوابع شعريه ونثريه أخرى .. انتظرونا اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 19 أغسطس 2014 كاتب الموضوع تقديم بلاغ مشاركة بتاريخ: 19 أغسطس 2014 أنا حاســــس انى... بتخلـــــق... إنسان جديدمن غير هموم .. من غير ذنوب .. مثل الوليدرضاك يا ربى .. مسّ قلبى .. وهَدَّا سـِـرِّىخلانى اعيش من تانى ..وارجع احب عمرىبعد اما كنت خــــــــلاص يئست من الحياهف لحظه ...نورك ضمنى .. وبقيت سعيدأنا حاســــس انى... بتخلـــــق... إنسان جديد اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان