إنفعالاتى .. ومساجلاتى .. وتوابعى الشعريه والنثريه

[التونسى]

زى ما حقدر اعيش من غيرِك

حاولى تعيشى كمان من غيرى

ما خلاص القلب اللى أسيرك

فتح بابه.... وقالك ((طيرى))

طيرى.. وفارقى .. وسيبى العِش

ياللى غرامك .. له... ميت وش

ياللى غدرتى .... وياللى قِدرتى

تقلبى معنى الحب ..لـ ((غش))

[التونسى]

أنا شايف حد بيتألم


وحروفه بتنطق تتكلم


وسع انت وهو وهى



خلونى أطيب واسلم




مين دا اللى بينزف ابداع


ومقلب فينا الأوجاع


بس عرفته أيوه عرفته


هو الألفه الفلته ((يراع))

[التونسى]

قالوا ((تعزفين))

وأقول ..

بل تتهادين

تتبخترين

فى ثياب الرومانسية

ترفلين

برائع الصور المبتكرة

تتجملين

بعطر خيالك الجامح

تتزينين

أخذتينا ..

أو بمعنى أدق

إختطفتينا

على بساطك الأدبى

الى تلك العوالم السحرية

حيث تلمع العبارات

وتتأنق..

وتتألق الكلمات

بسموات المشاعر المرهفة

[التونسى]

أطير عاليا جدا بأجنحة فكرى ..فى سماء الحدث ..علنى أرى المشهد كاملة من أسفلى.. وبأكبر درجة من الوضوح......فأرى الاخطبوط ذو الأذرع القويه للغايه ..يكاد يسيطر على مقدرات هذه الأمه...لقد طوى الجميع..وألجمهم....بعد أن قهرهم وكسرهم وهمشهم ..و ((جعلهم طراطير)) على مدار نصف قرن ..بدءا بناصر ومرورا بالكثيرين ومنهم صدام وانتهاءا بمبارك..

أسأل نفسى مليا..((متجردا من كل القيود التى تغل عقلى ))... وما فى جعبتنا وجعبة الطراطير...غير الدموع ..و الخضوع... والخنوع.. والركوع.. والخشوع... لألهة العصر الحديث...بعد أن خالفنا بكل التناقض والازدواجيه والشيزوفرنيا تعاليم اله السموات والارض وما بينهما..((أسمع كلمات رنانه طنانه وشعارات جوفاء تدور فى مخيلة البعض ..ولكنى أشفق عليهم ...أشفق عليهم))....


سؤال ... من صنع منا طراطير....ومن هم الذين ألهوا فرعون ....فجعلوه يبغى ويطغى!!!؟

سؤال أخر لولبى ...من لديه الشجاعه..فيعترف بأنه درويش مفوه.. يرتدى طرطور!!!!؟..فالاعتراف بالمرض هو نصف الطريق للعلاج

لدى الكثير . ولكن الأمر ليس بهذا الجلل...فقط باختصارشديد ((إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ))صدق الله العظيم..


أخلعوا المسبحه ..ألقوا بالعباءه...أضرموا النار فى الطراطير...وابدؤا بأنفسكم ...ابدؤا بأنفسكم.... ابدؤا بأنفسكم




((أحد الطراطير المدروشه )): محمود

11يوليو 2005

[التونسى]

أسألك فقط ..الى ما تسعى.. وعلى ما تحرض؟

فكل ما طرحته ليس بجديد .... نعرفه جميعا... طرطورا طرطورا.. درويشا درويشا...حنجوريا حنجوريا..نصابا نصابا


لقد تفضلت وعرضت بعضا من اوجاع الأمه.. وكل يوم أقرأ تلك الأوجاع ..مع اختلاف المضمون والااسلوب والشخوص..فى كل مكان أطأءه...لم تأتنا يا يراع بالخبر اليقين

الكل ينعى ...يولول...ينتحب.. ولا جديد..ولا جديد..أشعر وكأننا فى سرادق عزاء كبير جدا بحجم الكرة الارضيه...خارجه عويل وصراخ.. وداخله معزين يجلدون أنفسهم بكل قسوه


حسنا.. شبعنا خطبا عصماء .. وشعارات جوفاء...وجلدا بكل قسوه للاخرين وللذات.. ولكن ما هو الحل وأين هى الروشته والبرنامج لعلاج الصدوع والشروخ فى كيان الامه

فى خضم زحام العويل ..والبكاء على لبن الامه المسكوب..لم يظهر من يعطنا الأمل...لم يظهر من يدلنا على طريق الخلاص.. وطوق النجاة


حسنا .. ما هو الحل فى رايك يا صدوى العزيز..كيف نبنى الامه..أنبنيها بالدموع والرجم ..أم بالصمت المزين بالعمل

[التونسى]

ودعت جرحى ..لكنه مش عايز يسيبنى

معرفش لــيه بيحبنى ...ودايما عاشقنى

يا جرح روح من دنيتى.. خلينى اعيش

بالله عليك..إرحل بقى ..وابـعد فارقنــى

[التونسى]

صباح نادى .. صباح فرحان

صباح وردى ... صباح بمبى

صــباح.. بياخدنى بالأحضان

وبيــطبـــطب .. علــى قلبى

وفكرنى بفرح زماااااااااااان

ونســـــانى كمــــان تعبــى

وليك الفضل .. والعرفـــان

وليك الشكــــر .. ياربـــى

[التونسى]

تبحثين عن ذاتك .. تتأملين فى مشوار حياتك .. وتشتعل خواطرك.. بلهيب أهاتك

تبحثين فى الكون .. عن ذلك البر الحنون .. لترسى عليه .. مُفارِقة قارب الظنون

تبحثين عن الأحلام..وتخافين من غدر الأيام ..فما نحسبه حقيقه قد يكون محض أوهام


تبحثين !!!!؟ ..

فلتبحثين ..وتجتهدين .. وتصبرين .. وتثابرين ..ولا تسأمين ..

عله القادر المعين .. يحقق لكِ أكثر مما كنتِ تتمنين

أمييييين

[التونسى]

لكلماتكِ سحر أشبه بـ..سِر ....سر يستعصى على الإدراك .. شئ ما يجذبنى ..حينما يلتقى فكرى السارح .. بخيالِك الجامح .. فأجدنى أدور حول خواطرِك... مشدوها بجمال وبهاء ورقة عباراتِك .. ووروعة وأناقة ودقة تشبيهاتِك .. وشاعرية ورهافة ورومانسية أحاسيسِك

أغوص فى أعماق المعانى المنسوجة بالإبداع ...فلا اغرق .. بل تعترينى اللذة بإجتياحٍ عاتٍ

تلفحنى ألسنة اللهب من ذاك البركان المتفجر بالموهبة .. فلا أحترق .. بل تعانقنى النشوة بحرارة وحميمية

عذرا .. ما يجيش بقريحتى فى نفس الصدد كثير كثير .. ولكن القول للأسف قليل قليل ...أدام الله عليك نعمته .. وزادك من فضله ..لتبدعى.. كما تحبى.. و((نحب)) أن تبدعى

تم تعديل 19 أغسطس 2014 بواسطة التونسى

[التونسى]

يا ورد قلبى اللى ارتوى

من دمعتك

من المراره .. فى كلمتك

مش للأبد

حتعيش يا صاحبى فى كبد

إطرح همومك فى الفضا

وابدر حياتك بالرضا

هى كده

طول عمرها ... الدنيا كده

ساعه كده.. ويومين كده

واهو من دااااااااااا .. ودااااااااااا .. حياتنا كده

مش عايزه كلاااااااااااااام.. حياتنا كده
((مع الاعتذار لام كلثوم))

[التونسى]

خونا عصام .. بن علم الدين

إبن بلدنا .. شاعرنا الزين

بروازك .. مع إنه إزاز

لكن يحمل ..صفة الماس

جوا إطاره .. قدرت يا صاحبى

تجنى .. وتجمع .. حب الناس

خونا عصام .. بن علم الدين

إبن بلدنا .. شاعرنا الزين

بروازك .. حاضن أمانينا

شعرك .. عنا .. ومنا .. ولينا

وكلامك .. بيأثر فينا

مره يضحكنا .. يفرحنا

ويطيب .. ويواسى جراحنا

مره يبكينا .. ويشجينا

خونا عصام .. بن علم الدين

إبن بلدنا .. شاعرنا الزين

وانا عن نفسى .. محمود خوك

من قلبى .. بقولك مبرووووووك

ويارب يكتر دواوينك

ويبارك ..ف إزاز براويزك


خونا عصام .. بن علم الدين

إبن بلدنا .. شاعرنا الزين

[التونسى]

جيت أنا .. ومعايا تورته

أوعى حد ..يقوللوا حـته

للحبـــايب .. والضيوف

جبت انا .. ويايا بـطه

جاى أهنى وجدى صاحبى

واحتفل ويــــاه بـِ عيدُه

وانتو ياللا يا حبـــايبى

أربعين شمعه ..وقيدوا

خلوا ليل فرحُــه نهار

يعنى عايز حفله نــار

والهدايا... كتــــروها

واسعدوا قلبٌه الــعمار

[التونسى]

غريب وعايش ..على نزف أشعاره

مشتاق يعود... لحبايبه... ودياره

خايف تـــكون ...الغــربه دى قــدره

ويعيش وحيد ...الباقى من عمره

إحساس أكيد....بيهـــد فى كيانه

إحساس أكيد .. لخبط له أفكاره

[التونسى]

يا عمِى أنا اكتويت .. م النهب والسرقه

لحـد لما ... استويت .. وصِرت كالخُرئه

حالتى بقِت بـ البَلا .. من الكَوا .. والغَلا

ولا فيه وظيفه..ولا .. ولا حتى فيه شقه

19 أغسطس 2014

تم تعديل 19 أغسطس 2014 بواسطة التونسى

[التونسى]

يوما ما .. ستتشح أيامِك .. برداء أحلامِك .. وتطرق على أبواب حياتِك .. تلك الفرحة التى تخفف جراحِك .. وتضمد ألامِك .. فقط ....لا تستعجليها .. ولا تترقبيها ..دعيها تباغتك.. من حيث لا تشعرين.. فما أحلى المفاجأت السارة ..فى ظل حالِك الظروف... من حيث لا نتوقع .. ولا نحتسب



يوما ما سترحل الأحزان الغبراء .. غير مأسوف عليها .. ويطل عليكِ الأمان.. بوجهه النضِر.. الغض .. الملائكى .. فيصبحكِ .. ويمسيكِ .. ويزيح عن محياكِ الدامع.. ملامح الحزن الراكدة العتيقة .. فقط ...استعينى بالصبر والصلاة .. وطوبى للصابرين

يوما ما ....ستكف طيور الفراق عن التحليق بسماءكِ...تلك السماء التى لبدتها غيوم الوحشة... واظلمتها سحب الوادع .. فتسطع شمس النسيان .. تتلوها أقمار السلوى .. لتبدد اللحظات العصيبه .. وتحول ما تبقى منها الى ذكريات لا توجع ... فقط ....هى مسألة وقت .. ونفس طويل ..وسباق ماراثونى مع الزمان.. وما من بُد ...إلا بالتسليم والإذعان لناموس الحياة




خاطرتك أختى الفاضلة فراشه .. على قصرها وبساطتها .. إلا انها هزتنى بقوه .. من فرط صدقها .. وحرارة معانيها

وعلى فكره اخراجها أعجبنى جدا


تحية واجبه لقلمك ذو الحس الصادق المرهف


مع خالص تقديرى

تم تعديل 19 أغسطس 2014 بواسطة التونسى

[التونسى]

يا سماء.. الدعوه مقبوله

وليه مانجيش ..دا معقوله

دا بين بيتك ..وبين بيتنا

جسور الشــعر موصوله

وبيـــتك مش غريب عنا

دا بيتك (واحة المعنى)

إللـــى أخيرا..بِتِجـــمعنا

وبيـــتك حضن لكلامــــنا

وفيه ضايفتى أشعــــــارنا

وخواطــــرنا ..وأفكـــــارنا

وفيه ترجمتى أحلامـــــنا

وليه مانجيش ..دا معقوله

دا بين بيتك ..وبين بيتنا

جسور الشــعر موصوله

[التونسى]

راجـــــــــــــع تـــــــانى

راجع تانى وكلى حنين

وكلامى مزروع بورود

أستمتع بالشــعر الزين

للــمبدع وجدى محمود


أه يا نهر الحب

اللى بيجرى

وبيروى

أرض الوجدان

أه يا طيور العشق

السارحه

فى براح

القلب العطشان

اشعارك دى بحور افراح

على شطها بهدا و برتاح

وساعات بالماضى بتفكرنى

وتقلب جـــــوايا جــــــراح

وأرجع تانى وكلى حنين

صاحبك عصفور المسكين

المسكون بعذاب غلاب

الموعووووود بألم وأنين

[التونسى]

حبابيى .. صحابى .. ما تيجوا معايا

نتابع ...ونقرا .. جمـــيل الحــــكايا

ونسمع بعمق..... لحديـث المـــرايا

حتنطق ... حتروى.. حتكشف خبايا

حبابيى .. صحابى .. ما تيجوا معايا

حديث المرايا... دا ساحر... وممتع

خيالى ...وساخر.... ولاااكنه مقنع

تسلم يا شادو..... يا راااائع يا مبدع

وكمل..... وإحنا ..معااااك للنهايه

حبابيى .. صحابى .. ما تيجوا معايا


حديث المرايا ....بيكشف وشــوش

بذيــئه دنــيئه رديـــئه فاشووووش

مخبى قناعها.... قساوة وحـــوش

بتــــألم.. بتظـــلم ..ما تـــرحم ضحايا

حبابيى .. صحابى ..ما تيجوا معايا

حديث المرايا..... دراما ظــــريفه

فيها كوميديا .. ومواعظ حصيفه

وأمثال غريـــبه ..عجـــــيبه.. طــريفه

وعرض لمشاكل ....وطرح لقضايا

حبابيى .. صحابى .. ما تيجوا معايا

[التونسى]

على أنغام الربابه .. على أوتار القانون

بلدى يا أم الغلابه .. الله يكون فى العون

بيحاصروكى الديابه ..وبيحكمك فرعون

وبيديرك عصابه .. متحالفه مع شمعون

بلدى يا أم الغلابه ... الله يكون فى العون

2 مايو 2009

[التونسى]

أنا مش ح ابعِد .. وح اتَبِّت

ولا ح ازهق... ولا ح اتثَبِّت

أيوه جرحـتِك ... وبسيبِك

لكن.. أنا بـرده ...حــبيبِك

بندم... وبراجــــع نفســـى

وبجيب اللوم ...على نفسى

وبعود... وسابقنى حنـينى

علــشان تــانى تسامــحينى

يا حياتى يا روحى يا عينى

عديها ....وبلاش تقـــسى

واياكى تقولى ...خــــلاص

مات جواكى ... الإحـساس

دنا مِنـــك .... وانتى مِنــى

لو راح... تستـــغنى عنـــى

دايـــما...إفتكــــرى ...إنى

حبيــــــتك.... وبإخــــلاص