لماذا يفشل الزواج كثيرا

[Ragaai]

طالما انها انفقت عن طيب خاطر فلتتمثل الآية :"ولا تمنن تستكثر"اي لا داعي للمن والمعايرة ولا لأن تتشملل الأخت فريدة الزمر وتقعد تقول يعني الست مشغولة وياعيني طلعان عينها من الشغل للبيت ......إلى آخر الكلام إياه

المرأة للاسف إذا خيرت ما بين ترك العمل أو ترك بيت الزوجية ماذا تراها تختار؟

أرجو إجابة صادقة بأيهما

[freefreer]

طالما انها انفقت عن طيب خاطر فلتتمثل الآية :"ولا تمنن تستكثر"

عزيزى رجائى .. من المبالغة .. مطالبة المرأة ان تكون فى شهامة الرجل ..  :D  :inlove:

الرجل بيضيع مالة و صحته و عمرة .. لأجل اسرته الغالية  و زوجته العزيزة .. دون ان ينطق حرفا ..  :inlove:  :inlove:

تحية للرجال الصبوريين الكتوميين المرابطين الجاهدين الأبرار  :inlove:  :inlove:  :inlove:

[ragab2]

بصراحة

فيه  ستات شهمة وأجدع من ستين راجل

وخاصة فى المدن الساحلية

لكن بعضهن ساؤوا فيها ومسحوا شخصية الرجل

والبعض يعرفوا الحدود ويبقون على شخصية الرجل

[هشام عبد الوهاب]

الحلقة السادسة

عيد الام و عيد الاب

----------------------------------

عيد الام  

علشان خاطر عيدها نساعدها

واهديها هدية علشان كلها حنية

واهى فرصة اصلح غلطة السكرتيرة رغم زعلها الشديد قوى:  ااااااه  ماتفكرونيش

---------------------------------------------------------------

عيد الاب

علشان خاطر عيده اغيظه واكيده

و اهديهه هدية رمز عن امنية قلبية

=====================================

ملحوظة

فى عيد الام يشترى الرجل هدية لزوجته وامه وحماته والمدرسات فى مدارس اولاده

فى عيد الاب يحصل الاب على هدية من زوجته واولاده  وطبعا هو اللى بيشتريهم ويشترى هديه لحماه

ملحوظه2

فى عيد الام يذهب لزيارة امه وام زوجته  ويضطر تحت التهديد ان يدعو زوجته للعشاء خارج المنزل

فى عيد الاب  تذهب اليه زوجته فى المنزل بعد عودتها من عند ماما كالمعتاد

ملحوظه 3

اتحدى اى زوجة ان تعرف تاريخ عيد الاب

ملحوظه 4

لا يوجد عيد للأب

والى اللقاء فى الحلقة القادمة

الاخ عازب ولا متجوز

[freefreer]

عزيزى هش

أميرة نرويجية تتزوج كاتبا

http://news.bbc.co.uk/hi/arabic/news/newsi...000/2007197.stm

تنازلت عن اللقب من أجل رجل .. أدى الستات التى تقدر قيمة الرجالة ولا بلاش  :D

كم أحس بالفخر ..  :cool:

هل تتوقع لهذه الزيجة النجاح ..؟ طالما الزوجة على هذه الدرجة المشرفة من ادراك قيمة الرجل

[متسائل]

الرجل إذا "خسع" منها مرة.. ستتركة و تديلة بالقديمة و تعود إلى القصر طبعاً... هي خسرانة حاجة؟ ما هي برضه لسه أميرة.

لكن عموماً.. "معروف علمياً" :D إن الست أنانية بالفطرة.

[هشام عبد الوهاب]

اتوقع لهذا الزواج الفشل بعد عام على الاكثر دون الاعلان عن ذلك قبل ثلاثة اعوام

لأن برج الاميره سيدخل الى منحنى الاحساس بالذنب تجاه العائلة فى نفس لحظة دخول كوكب عطارد الى منطقة الغبار الكونى

العلامة المطلع صاحب التوقعات

هشام الالوسى

[ragab2]

غالبية

الأحوال التى يفشل فيها الزواج بسبب الحموات

واعتماد الزوج أو الزوجة على الوالدين

[freefreer]

يعنى فيه 3 اسباب لفشل الزواج .. الزوجة و الحماتين ..  :D

[itsme_1666]

مساء الخير عليكم :)

بعد غياب خمس ايام لإنشغالى فى البيت والعمل ومع الزوج الحبيب  ;)  ارجع الاقيكم برده بتتجنوا على الزوجة الغلبانة الى آيدة صوابعها العشرة شمع علشان خاطركم؟ :sneaky2: ده مش بس كده.. ده كمان انتم تجاوزتم الخطوط الحمراء واتجنيتوا على الحماة  الى ربتهالكم وكبرتهالكم وزوقتهالكم ووصلتها لحد بيوت حضاراتكم ....

اآآآآآآآآآآآآآآآآآآآآآآآآآه ....عموما ثبت علميا ان الرجال جبابرةةةةةةةة :D

وللحديث بقية :sneaky2:

[متسائل]

من المعروف علمياً، أن كلام الأخت إتس مي غير علمي  :)

Edited By متسائل on May 26 2002 7:23pm

[itsme_1666]

إيه فى إيه يا جماعة ؟؟ خير اللهم اجعله خير.... مالكم بقالكم كام يوم مش بتكتبوا عن المشاكل الزوجية والزوجة المفترية ليه؟؟ :lookaround:

مش معقولة تكونوا غيرتم فكرتكم بسرعة كدة عن  الدور الفعال الى بتقوم بيه الزوجة فى فشل الحياة الزوجية؟؟ :D  والا يمكن تكونوا مستنيين الاخ هشام لما يكتب الحلقة الى بعد كده؟؟ طيب سلوا وقتكم وإتكلموا عن الحماة الجبارة وتدخلاتها الهدامة :)

عموماااااااااااااااااااا  ثبت علميا ان الرجل حنين وعاقل وبيعرف ان الزوجة ده حتة سكرة  اى والله حتة سكرة   :D  :colgate:

[Faro]

الأخت إتسمي

عندي إقتراح .... تدريس مادة علم الزواج فى المدارس والجامعات وإذا لم يتسنى حشر هذه المادة فى المنهج فمن الإمكان وضعها فى كتيب صغير يلزم الراغبين فى الزواج بقرائته والإمتحان فيه قبل عقد القران بفترة كافية مع إعطائهم فرصة الإعادة فى حالة الرسوب.

تحياتي

فارو

[itsme_1666]

والله هى فكرة حلوة ... تفتكر الفكرة ده هتكون فعالة فى تصحيح  الفكرة الخاطئة عن الزوجة المفترية لدى الازواج والا  برده مافيش فايدة؟؟ طبعا حضرتك فهمت من كلامى ان الكتب ده هتكون مكثفة اكتر للاولاد فى المدارس عن البنات   مش برده يكون افضل؟ :th:

[Faro]

الأخت إتسمي

الزواج معادلة صعبة تحتوي على الكثير من المجاهيل وبما أننا فى عهد المساواة فكمية التكثيف يجب أن تكون متساوية والنجاح فى الإمتحان يتوقف على الفهم والإستيعاب ورغبة الطرفين فى الزواج .

تحياتي

[itsme_1666]

انا معاك ان احنا فى عصر المساواة بس محتاجين نكثف المنهج ده عند الذكور اكتر لانهم فهمهم وذكاءهم على قدهم شوية  :D

[Faro]

الأخت إتسمي

نكثف المنهج ده عند الذكور اكتر لانهم فهمهم وذكاءهم على قدهم شوية  

لقد كشف القناع .... لماذا هذا التحرش بعباد الله ... إنت غاويه مشاكل .... إنتم إللي بتحاولوا  الضغط على ذكائنا وتتسببوا فى إنفجار شرايين مخنا .... يأختي أنا موافق على المساواة ورغم ذلك بتتهكموا علينا  ليه كده ؟؟؟؟؟  :th:  :th:  :th:

تحياتي

[itsme_1666]

ما فيش تحرش ولا حاجة يا اخ فارو ولا انا غاوية مشاكل ولا حاجة  بس فيه فرق بين الدعابة والجد  :th:   واظن مش صعب ابدا التفرقة بين الاتنين  وعموما ماتزعلش نفسك انا بأسحب كلامى عن الجزئية ده   واعتبر انى ما كتبتش المداخلة الى قبل ده

من غير  إنفجار شراييييييييين ولا حاجة .. ما وصلناش لكدة يعنى  :th:  :bored:

[Faro]

الأخت إتسمي

إنت زعلتي ولا إيه .... المعذرة يأخت ... إنت عارفه إن الذكور ذكائهم على أدهم  :D  :)  :D لقد كانت دعابة

تحياتي

[itsme_1666]

انا ما زعلتش  ولا حاجة  يا اخ فارو  انا إتخضيت  بصراحة لما شفتك داخل شمال شوية  :th:  :lookaround:  :lookaround:  :lookaround:

وبصراحة اكتر خفت عليك من إنفجار الشرايين   :lookaround:  :lookaround:  وعلشان كده قلت اسحب كلامى احسن

مش برده كان احسن ؟؟؟

لكن طالما انها كانت دعابة  فأهلا بكل انواع الدعابة الى شمال منها والى يمين اهم حاجة ما يكونش فيه زعل

تصبحوا على خير  :colgate: