هل القرار الجديد هيطبق في موضوع رخص العمل

[خالد شحاته]

الاخوه الكرام

ان شاء الله من يوم السبت بيقول هيطبقو قرار مكتب العمل الجديد 2400 ريال في السنه من تاريخ 01/01/1434 هل لو اطبق هيكون الحل كالاتي تخفيف نسبه العماله الاجنبيه

[shabana]

http://www.mubasher.info/portal/TDWL/getDetailsStory.html?goToHomePageParam=true&storyId=2194707

[حسام الغرباوي]

القرار مش باين الية التطبيق ازاي وهل هينزل بشكل شهري ولا سنوي ولا هيدفع مقدم ولا في اخر السنة

ياريت لو في افادة في الموضوع دا اكون شاكر

http://www.egyptiantalks.org/invb/index.php?showtopic=137471

[حسام الغرباوي]

http://www.mubasher.info/portal/TDWL/getDetailsStory.html?goToHomePageParam=true&storyId=2194707

القرار دا متفصل علي الناس اللي شغاله حر زيي

يعني انا بدفع نسبة للكفيل 3000 دلوقتي هدفع 5400 ريال غير تجديد اقامة وتأمين

حرام فعلا

[m shabana]

تبدأ وزارة العمل اعتباراً من 1 / 1 / 1434 هـ، تطبيق قرار رفع تكلفة العمالة الوافدة بتحصيل مقابلٍ مالي يبلغ 200 ريال شهرياً بواقع 2400 ريال سنوياً من جميع منشآت القطاع الخاص التي يزيد فيها عدد العمالة الوافدة على العمالة الوطنية.

وبذلك تكون تلك المنشآت مُلزمة بدفع ذلك المقابل المالي عن كل عاملٍ وافدٍ يزيد على متوسط عدد العمالة الوطنية في هذه المنشآت لآخر 13 أسبوعاً.

واستثنى القرار أبناء المواطنة السعودية والعمالة الخليجية والعمالة المنزلية.

ونصّ قرار مجلس الوزراء رقم 353 الصادر بتاريخ 25 / 12 / 1432هـ على أن تكون وزارة العمل الجهة المنفذة للقرار، حيث تقوم بتحصيل المقابل المالي عند إصدار أو تجديد رخص العمل للعمالة الوافدة، على أن يكون تحصيل المقابل المالي مقدماً وبشكل سنوي لمصلحة صندوق تنمية الموارد البشرية.

وقال الدكتور مفرج بن سعد الحقباني نائب وزير العمل إن المنشآت التي يزيد فيها عدد العمالة السعودية على العمالة الوافدة لن تُلزم بدفع المقابل المالي حسب نص القرار.

وأضاف أن آليات القرار سيتم نشرها على موقع وزارة العمل (www.mol.gov.sa) ومن خلال المواد التعريفية الموجودة بمكاتب العمل.

وأكد الحقباني أن الهدف من هذا القرار هو زيادة الميزة التنافسية للعمالة الوطنية في سوق العمل من خلال تقليص الفجوة بين تكلفة العمالة الوافدة من جهة والعمالة الوطنية من جهة اخرى.

واعتبر أن هذا القرار سيسهم في تعزيز موارد صندوق تنمية الموارد البشرية للقيام بدوره الرئيس في تدريب السعوديين وتوظيفهم.

وينتظر أن يسهم القرار في ترشيد الاستقدام وتحجيم نسب العمالة السائبة المتسببين في اختلال موازين العرض والطلب على العمالة داخل سوق العمل.

وأوضح الحقباني أن منهج الوزارة الحالي يدفع باتجاه تغيير ثقافة القطاع الخاص من ثقافة "استيراد العمالة الرخيصة من الخارج" إلى ثقافة "تطوير المواهب الوطنية التي يحتاج إليها القطاع محلياً"، لافتاً إلى أن الأصل في كل دول العالم أن تكون أولوية التوظيف بالقطاع الخاص للمواطنين.

وقال: "يأتي القرار ليشرك منشآت القطاع الخاص في المسؤولية المشتركة الهادفة إلى تأهيل وتوظيف أبناء وبنات الوطن في القطاع الخاص".

[shabana]

طيب والناس اللى جددت الاقامة من اسبوع هل هيطبق باثر رجعى

طيب انا هجدد الاقامة بعد اسبوعين اية اللى هيحصل انا مش فاهم

طيب والناس اللى راتبها 800 ريال والف ريال حرام تدفع 200 ريال من راتبها ده غير فلوس الاقامة

[shabana]

طيب والله انا كمان يا استاذ حسام يعنى احنا كدة هندفع فى السنة تقريبا 7500 ريال فى السنة لية يعنى وعلشان خاطر مين

دة غير تامين الزوجة والاطفال

[حسام الغرباوي]

طيب والله انا كمان يا استاذ حسام يعنى احنا كدة هندفع فى السنة تقريبا 7500 ريال فى السنة لية يعنى وعلشان خاطر مين

دة غير تامين الزوجة والاطفال

بالظبط يعني مثلا انا اقامتي تنتهي خلال شهرين والواحد كان شايل هم 3000 ريال نسبة + 2000 ريال اقامة وتأمين طبي ومصاريف تعقيب دلوقتي تضيف عليهم 2400 كمان

يعني الواحد عايز 7500 في السنة ؟؟

انا محاسب في شركة في رواتب عمال عندنا 800 ريال و 1000 ريال و 1200 واعرف ناس شغالة كفالة حرة راتبها 1800 و 2000 ريال وبتدفع نسبة للكفيل ...لما يدفع كل سنة 7000 ريال هيوفر اية ؟؟؟

[shabana]

يعنى كدة الناس اللى هتيجى من مصر تعمل حسابها انة هيضيع خمس شهور على الاقل من السنة مصاريف للسعودية دة بالنسبة للى جاى حر

تقريبا

4شهور من الراتب مصاريف اقامة وتجديد والقرار الجديد

1 شهر اجازة

1 شهر طيران وهدايا

تم تعديل 14 نوفمبر 2012 بواسطة shabana

[خالد شحاته]

هي الفرصه اليوم ولحد يوم الجمعه الجهاز بيقبل 100 لحد 20/07/1434 من موقع وزارة العمل وبكدا تكون انت عملت الكارد وهربت من الغرامه السنه الاولي علي ما نشوف الفرج من هند ربنا بمعنب ان الاقامه الا تنتهي في رجب ممكن يتعمل لها الكارد من الان

تم تعديل 14 نوفمبر 2012 بواسطة خالد شحاته

[EslamSaeed]

هي الفرصه اليوم ولحد يوم الجمعه الجهاز بيقبل 100 لحد 20/07/1434 من موقع وزارة العمل وبكدا تكون انت عملت الكارد وهربت من الغرامه السنه الاولي علي ما نشوف الفرج من هند ربنا بمعنب ان الاقامه الا تنتهي في رجب ممكن يتعمل لها الكارد من الان

لا اعتقد

راجع السؤال رقم 26

http://portal.mol.gov.sa/ar/Documents/web_reference.pdf

تم تعديل 14 نوفمبر 2012 بواسطة EslamSaeed

[EslamSaeed]

اعتقد ان الخبر ده مالهوش علاقة بالموظفين اللي على الشركات مباشرة يعني لو شركة معينة جايبة شخص من مكان اعتقد انه ما عندهوش مشكلة

انما المشكلة والله اعلم هاتبقى عند الفيزا الحرة لان المبلغ ده على رخصة العمل وليست على تجديد الاقامة بمعنى ان لو واحد عنده 100 تأشيرة يبقى لازم يدفع عليهم 240 الف ريال سنويا لو عدد السعوديين اقل من ال 100 اجنبي (تأشيرة)

بمعنى اخر ان المؤسسة اللي عايزة تريح دماغها هاتشغل سعوديين وتساوي نسبة الاجانب بالسعودين وتبقى في السليم انما المؤسسة اللي هايبقى عندها اجنبي زايد عن عدد السعوديين يبقى ده معناه انه هايدفع

طيب هانفترض دلوقتي افتراض

ان فيه صاحب مؤسسة عنده 100 تأشيرة صلاحيتهم ثلاث سنوات

يبقى كل رخصة عمل المفروض يدفع عليها مبلغ سنوي لتجدد في حالة وجود الموظف وده هايجي بالخراب على تجار الفيزا قبل العمال

العمال اللي هايشيلو المبلغ اكيد هايتضررو لانهم بيدفعو 2000 و 3000 ويمكن اكثر لتاجر الفيزا (تاجر الرقاب) وده معناه انه ممكن يحمل مبلغ تاني وهو 2400 ليبقى الاجمالي على الاقل 5000 ريال في السنة بدون التأمين وهو ما سيجعل الكثيرين يفكرون في ترك العمل نظرا لتدني الجدوى المادية

وفي نفس الوقت هايرفع سعر الفيزا بشكل جنوني

اعتقد انها فعلا خطة لتخفيف العمالة

يمكن تكون فيه بعض المعلومات المغلوطة او اللي انا فاهمها بشكل او باخر بس بحكم قربي من مكاتب التعقيب وتعاملي مع زملاء سعوديين معقبين بقول الكلام ده

[حسام الغرباوي]

في حاجة غريبة انا كلمت كفيلي وهوا مؤسسة فردية

قللي القرار مش هينطبق عليك لان انتا كفالة مؤسسة فردية والمؤساسات الفردية اللي في النطاق الاحمر فقط هي اللي ينطبق عليها القرار اما المؤسسات الفردية اللي في النطاق الاخضر لا ينطق عليها القرار

يارب يكون كلامو صحيح

[هشام نور]

في حاجة غريبة انا كلمت كفيلي وهوا مؤسسة فردية

قللي القرار مش هينطبق عليك لان انتا كفالة مؤسسة فردية والمؤساسات الفردية اللي في النطاق الاحمر فقط هي اللي ينطبق عليها القرار اما المؤسسات الفردية اللي في النطاق الاخضر لا ينطق عليها القرار

يارب يكون كلامو صحيح

البرنامج سيطبق بشكل مباشر على كل الأنشطة التجارية بلا استثناء

البرنامج غير مرتبط بنظام نطاقات ولا يمت له بصله

هتدفع يعني هتدفع :)

الله يكون في عون اللي شاري فيزا

ياريتك كنت بفلوسها فتحت مشروع في بلدك واشتغلت وكبرت

لا يجدي البكاء على الحليب بعد ان سكب

[حسام الغرباوي]

للاسف فعلا دخل ولقي مكتوب 2400

انا بفكر كدا جديا انزل مصر بعد سنة لان كدا حرام

انا مثلا هدفع 7500 ريال في السنة ...طيب اوفر اية بقي !!

[خالد شحاته]

الاخواه الكرام الا يقدر يطلع الكارد اليوم يكون افضل

[خالد شحاته]

للاسف القرار اتبطق ونزل علي موقع وزارة العمل وهي كالاتي 100 ريال للرخصه +2400 ريال مبلغ اضافي المجموع للنسنه 2500 للسنه بدون رسوم الجوازات 650 ريال غير التامين الطبي

[حسام الغرباوي]

للاسف القرار اتبطق ونزل علي موقع وزارة العمل وهي كالاتي 100 ريال للرخصه +2400 ريال مبلغ اضافي المجموع للنسنه 2500 للسنه بدون رسوم الجوازات 650 ريال غير التامين الطبي

مظبوط لسة كفيلي مكلمني بالموضوع دا لان اقامتي قربت تخلص

لنا الله

[eman mostafa]

اللي بيحصل ده اسمو افتري ومن الاخر هما عاوزين يديقوا علي المصريين وكل شويه بقانون جديد

[eman mostafa]

اللي بيحصل ده اسمو افتري ومن الاخر هما عاوزين يديقوا علي المصريين وكل شويه بقانون جديد