رحله الى الصين

[sad_swing2000]

The New China

Guangzhou, China 2002

بصراحة الصورة دي أقوى من أي كلام ، أنا كنت فاكر إن الصين اللي حضرتك حكيت عنها و رسمتلها صور و شوارع في خيالي غير كده تماما ، اللي أنا شايفه ده - حتى و لو كان في نص المدينة بس - يبقى مستوى جامد.

و بعدين الأبراج عندهم مش بلكّات زي عندنا ، شوف الأشكال الجمالية و التضليعات في المباني ، و بعدين حتى عواميد الإنارة واخدة طابع خاص.

شكرا يا أستاذ ماجد ع الصور ، و لو في تاني ياريت تبعتهم.

مافيش معاك صور لهونج كونج ؟. و صور للجزء الشعبي من جوانج زو ؟

[إبن مصر]

كنت اريد ان اتأكد من معلومه...............

هل صحيح ان المحكوم عليهم بالسجن فى الصين يعملون بقوه القانون فى المصانع بل وياخذون راتب رمزى طوال فتره العقوبه؟؟؟؟؟؟؟؟

[ماجد]

الأخت فــيــروز

طبعا انا أقصد نصف المدينه اللى تم تطويره و تحديثه . مش وسط البلد عموما . وزى ما قلت فى يوميات الرحله

ايضا من ركوبى للأتوبيس و انا فى طريقى من و الى المعرض أو التاكسى لاحظت ملاحظه غريبه . المدينه تكاد تكون منقسمه لقسمين متلاصقين و فى بعض الأحيان متداخلين احدهما مثل بولاق الدكرور او بولاق ابوالعلا من جوه أوى بمحلاته و مجاريه و الآخر مثل الشانزليزيه او اكسفورد بس أرقى شويه جناين و مولات و مراجيح فى الشارع و ناطحات سحاب. هذه الملاحظه كانت هاتجننى.

و عن كون المدينه عباره عن نصين فأجاب :

ان المدينه الأصليه هى الأحياء الفقيره اللى شفتها و التى يقيم بها العمال . و لأن المدينه بعد التحولات الأقتصاديه التى تمر بها الصين تحولت لأحدى واجهات الصين فيتم تقسم المدينه الى بلوكات و يتم بناء عمارات للسكان و العمال المقيمين بها بداخل المدن الصناعيه التى يعملون بها ثم يتم ترحيل هؤلاء السكان للعمارات الجديده و بعدها يتم هدم الأحياء القديمه و انشاء احياء جديده يتم فيها تسكين من تحتم ظروفهم الأقامه بالمدينه لتعاملهم مع الأجانب كمديرو الشركات و القائمين على المبيعات و التعاقدات و المترجمين و خلافه .

عاوزين ناس صاحيه معانا ... :P

عمنا se_ Elsyedما الناس شايفه كل حاجه . طيب البس النضاره كده fty::

العسكرى الهارب yasovinas

اسد علّى و فى المعارك نعامة .

مش كفايه هربت فى نص المعركه و سبت ضهرى مكشوف.

اخونا sad_swing2000

من العين و العين دى eey:: سوف ابحث لك عن صور هونج كونج و الجزء القديم من جوانجزو.

عمنا ابن مصر

الحقيقه ليس عندى معلومات بخصوص سؤالك . و بالتالى فأى معلومه سوف تكون صحفيه لا أكثر و لا أقل.

[ماجد]

صوره مش واضحه أوى للنصف القديم

[ماجد]

صوره من النت ( مش انا اللى فى الصوره ) تظهر جزء قديم مع مبنى حديث فى الخلفيه

[ماجد]

منطقة محلات فى الجزء القديم

تم تعديل 9 ديسمبر 2004 بواسطة ماجد

[فــيــروز]

الأخت فــيــروز

طبعا انا أقصد نصف المدينه اللى تم تطويره و تحديثه . مش وسط البلد عموما . وزى ما قلت فى يوميات الرحله

ايضا من ركوبى للأتوبيس و انا فى طريقى من و الى المعرض أو التاكسى لاحظت ملاحظه غريبه . المدينه تكاد تكون منقسمه لقسمين متلاصقين و فى بعض الأحيان متداخلين احدهما مثل بولاق الدكرور او بولاق ابوالعلا من جوه أوى بمحلاته و مجاريه و الآخر مثل الشانزليزيه او اكسفورد بس أرقى شويه جناين و مولات و مراجيح فى الشارع و ناطحات سحاب. هذه الملاحظه كانت هاتجننى.

و عن كون المدينه عباره عن نصين فأجاب :

ان المدينه الأصليه هى الأحياء الفقيره اللى شفتها و التى يقيم بها العمال . و لأن المدينه بعد التحولات الأقتصاديه التى تمر بها الصين تحولت لأحدى واجهات الصين فيتم تقسم المدينه الى بلوكات و يتم بناء عمارات للسكان و العمال المقيمين بها بداخل المدن الصناعيه التى يعملون بها ثم يتم ترحيل هؤلاء السكان للعمارات الجديده و بعدها يتم هدم الأحياء القديمه و انشاء احياء جديده يتم فيها تسكين من تحتم ظروفهم الأقامه بالمدينه لتعاملهم مع الأجانب كمديرو الشركات و القائمين على المبيعات و التعاقدات و المترجمين و خلافه .

عاوزين ناس صاحيه معانا ... :P

طيب مانا قلت كده ngh:

حتى شوف

بس خدى بالك يا أخت فــيــروز

ده النص الحلو ....

النص الوحش بقه .... أجارك الله ....

النص الوحش ده مقصود به الاجزاء الفقيره من البلد؟ fty::

عاوزين ناس صاحيه معانا ... :P

[ماجد]

صورة واجهة المعرض اسمه Canton fair

[ماجد]

صوره من داخل فيوراما حيث كنت اقيم

[SilverSwan]

مجموعة الصور رائعه .. بس هوه دول تصويرك يااستاذ ماجد؟؟

لو تصويرك يبقى تصوير هايل و لو مش تصوريك ياريت تزودنا بصورك اللي انت اخدتها بنفسك .. ده اكيد هيثبت الصوره اللي انت رسمتهالنا عن الرحله اكتر

fty::

[ماجد]

الصور دى من النت بس انا اخترت الصور اقرب ما تكون لما شاهدته و استبعدت ما لم أراه بنفسى .

اما عن صورى الشخصيه فده يستدعى شوية بحث عنهم لأنى مش عارف هما فين فى الشغل أو فى البيت و عموما انا مش حريف تصوير .

[ماجد]

صورة شارع فى وسط هونج كونج ليلا

تم تعديل 8 يناير 2005 بواسطة ماجد

[ماجد]

صورة شارع فى وسط هونج كونج نهارا

تم تعديل 8 يناير 2005 بواسطة ماجد

[الباشمهندس ياسر]

للرفع

عشان نغير جو

[النجم الثاقب]

تسلم يا باشمهندس ياسر و الله .. بشكرك بعنف :lol: .. و طبعا شكر غير محدود للأستاذ ماجد على الرحلة الممتعة

قضيت سهرة لذيذة بصراحة :lol:

[الباشمهندس ياسر]

اى خدمة يا نجم

بس بلاش عنف احسن بقلق اوى

و ياريت اخوانا اللى عندهم خبرات زى دى يضيفوهالنا

[مسافر زاده الخيال]

حقيقة استمتعت بموضوع اديب الرحلات الجديد السيد ماجد بموضوعه القديم جدا عن الصين وهنك كنج و نفسي فعلا ازورها يوما ما بسبب موضوعه هذا

فعلا المصريين معلمين في الادب وبصراحة الاستاذ ماجد ما يفرق كثير عن الاستاذ انيس منصور في كتب رحلاته بس ناقص البعد الفلفسي والسياسي احيانا

حقيقة اكرر شكري للاستاذ ماجد اينما يكون

[الباشمهندس ياسر]

يا اخوانا حد هنا يعرف الاستاذ ماجد؟؟

[ماجد]

يا اخوانا حد هنا يعرف الاستاذ ماجد؟؟

أى خدمة يا عمنا

[ozoozo]

يا اخوانا حد هنا يعرف الاستاذ ماجد؟؟

أى خدمة يا عمنا

يااااااه حمدلله علي السلامه