رحله الى الصين

[ماجد]

انتهت بحمد الله يوميات رحله الى الصين و قد سعدت باسترجاعها معكم و اتمنى ان اكون قد اسعدتكم كما اسعدتمونى .

آسف ان كنت قد اطلت عليكم . لكنى كنت حريصا على أن اصف لكم مارأته عيناى و سمعته اذنى و استوعبه عقلى .

لقد نقلت لكم بأكثر ما يمكننى من الأمانه و باكبر قدر من الحيده و الموضوعيه الا حينما يتطلب الأمر أن اقول انطباعى الشخصى عن حدث أو حديث و باستخدام اكبر مساحه متاحه من حرية الكلمه دون اللجوء الى فاحش الكلام او خدش للحياء.

حين بدأت فى كتابتها لم اكن مدركا لكم الجهد الذى يبذله الكاتب و لا كم الفكر الذى يبذله الفنان . لقد حاولت ان ارضى جميع الأذواق فى هذه الساحة الكريمه و ان أجعل لكل حلقة مذاقا خاصا .

لقد نقلتها لكم بنظر صقر و عينى مهندس و صبر جمل و فكر كاتب و بشجاعة فهد و دهاء رجل مخابرات و خوف نعامه و احساس فنان .

اشكركم جميعا و الى لقاء آخر مع موضوع آخر .

يالله ……… افراج . انطلقوا فى المحاورات يا محاوراتيه

[Masrawy Abroad]

أستاذ ماجد

اسمحلي أقولك يا عمي

تحب يكون معاك مساعد شخصي في رحلاتك....أنا شاب مطيع وهاديء وأجيد الإنجليزية بطلاقة وسافرت عدة دول عربية واجنبية برضه وعندي خبرة في مسألة التنوع الثقافي والحضاري يعني مش ها أكسفك...

ملحوظة: أنا متكفل بمصاريفي

خد الوردة دي... :blink:

على فكرة أنا اؤديك في ريحة الزبالة اللي بتطلع من محلات الصينين (هي الصراحة بتكون ريحة عفانة لمؤاخذة)

على فكرة يا جماعة بياكلوا بيض البط اللي ما استواش وبيكون جواه الجنين لسه :unsure:

تم تعديل 2 ديسمبر 2004 بواسطة Masrawy Abroad

[sad_swing2000]

فعلا أمتعتنا يا أستاذ ماجد ، إيه دا يا راجل ، دا أنا ماتابعتش مسلسل بالطريقة دي من أيام الشهد و الدموع. شوف من كام سنة بأه.

و بعدين - بسم الله ما شاء الله - عيني عليك باردة ، التذكر بالترابط ده جايب معاك نتايج هايلة ، اللهم لا حسد. دا أنا كنت حاسس إنك بتكتب المذكرات دي و إنت لسه هناك ف الصين.

بس أنا انطباعي عن الصين من مذكراتك إنها سياسيا عاملة زي سوريا ، يعني ممنوع الكلام ف السياسة إطلاقا و إلا .......

أما الضبط و الربط في باقي نواحي الحياة فهو ما يميزهم عنا طبعا ، بس دوافع و طموح التقدم والمنافسة عندهم رغبة دولة ، مش زي الغرب يعني ، أعتقد هناك دي ف الأصل رغبة الشعوب.

بس أنا عندي سؤال - اتنين الحقيقة :

1- الرحلة كانت كام يوم بالضبط ؟

2- ماتعلمتش و لا كلمة صيني أو أي معلومة عن لغاتهم ؟

[ماجد]

أخى Masrawy Abroad

يشرفنى ان تكون رفيقى بشرط

بتشرب مياه السلطه ازاى :unsure: :blink:

أخى sad_swing2000

أولا : اخجلتم تواضعنا وده بس من ذوق سعادتك .

ثانيا :

بس دوافع و طموح التقدم والمنافسة عندهم رغبة دولة

مش بس رغبة دوله انما رغبة حياه عند الشعب . اللى مش هايشتغل و يحقق نتيجه ( مش بس يشتغل و خلاص لازم نتيجه ) ياما يموت من الجوع بجد يا ها يتجه للجريمه بأى شكل من اشكالها علشان ياكل . دى مافيهاش فصال .

ثالثا :

بس أنا انطباعي عن الصين من مذكراتك إنها سياسيا عاملة زي سوريا ، يعني ممنوع الكلام ف السياسة إطلاقا و إلا .......

سوريا ايه ياراجل .... طيب قول الأتحاد السوفيتى قبل ما يتفك ... المانيا الشرقيه ... النظام صارم جدا جدا . ده انا لم ار عسكرى من الخضر دول بيتكلم مع واحد الا بالأشاره . لا حاجه صعبه فعلا.

رابعا :

الرحله كانت 10 ايام فى الصين و 3 فى هونج كونج و 2 سفر. بس انا شلت الأيام المكرره أو الروتينيه او اللى لم اتذكرها . و حكايه ليك لوحدك على الماشى كده فى المطار و انا مسافر باشترى المراوح قعدت اتكام مع البياعين هناك على مصر و جيبنا نموذج للكره الأرضيه و عرفتهم على مكان مصر كانوا مش مصدقين انى سافرت كل المسافه دى و اديتلهم عملات من بتاعتنا كانوا بلا مبالغه هايقعوا من الفرحه و عمال المطار اتلموا عليهم و قعدوا يتفرجوا و يهيصوا ... ناس بسيطه جدا و مؤدبين جدا .

خامسا :

اللغات الصينيه صعبه جدا و كثيره جدا فى النطق و فى الكتابة لغتين او ثلاث و لم اتعلم منهم الا لفظ التعجب و هو ينطق مثل آه بتاعتنا بس من داخل الزور و يمتد مثل سارينة الأسعاف . لغة صعبة جدا الصراحه زى اليابانيه كدا و حتى مدلولات الكلمات تختلف باختلاف المقاطعات و هم يستخدمون الأرقام الغربيه ( العربيه ) فى حياتهم.

[amir]

لقد نقلتها لكم بنظر صقر و عينى مهندس و صبر جمل و فكر كاتب و بشجاعة فهد و دهاء رجل مخابرات و خوف نعامه و احساس فنان .

مش ماركو بولو هو اللى قال الكلام ده ؟

شكرا استاذ ماجد على اسلوبك الراقى و على المجهود الكبير اللى بذلته فى الكتابه

ty:) htr::

[sos]

استاذ/ماجد.....

شاكرين لك السماح لنا بمشاركتك رحلتك....بجد ...سردك للاحداث...ممتع...يشعرنا اننا كنا معك

واضح انك تعبت فى السرد....ولم تبخل علينا....فشكرا لك htr:: ty:) rs:

[se_ Elsyed]

أستاذ ماجد .. إسمحلي وبالأصالة عن نفسي ونيابة عن إدارة محاورات المصريين أن أُهديك وسام المحاورات من الدرجة الاولى ( مع مرتب شهري 100 ج ) تقديراً لهذا الموضوع الشيق والذي أعتبره من أمتع المواضيع خلال شهر نوفمبر ..

وها هو الوسام المتواضع

قال ويقولك س س هو عضو شهر نوفمبر ... يا عم روووووووووووووووووووووووووح

[yasovinas]

عمنا الكبير استاذ ماجد

قصصت واوفيت (وما جصرت طال عمرك)

بس انا والله زعلت ان الرحله خلصت معلش الجايات اكتر من الرايحات باذن الله

بس ممكن سؤال معلش

هو كان معرض ايه بقى اللي رحته

(مصيبة لو كنت قلت معرض ايه خلال الحلقات السابقة) htr::

[ماجد]

أخونا amir

مش ماركو بولو هو اللى قال الكلام ده ؟ 

فعلا ماجدو بولو هو اللى قال الكلام ده ty:) rs:

اخونا sos

اشكر لك مجاملتك الرقيقه .

عمنا se_ Elsyed

أستاذ ماجد .. إسمحلي وبالأصالة عن نفسي ونيابة عن إدارة محاورات المصريين أن أُهديك وسام المحاورات من الدرجة الاولى ( مع مرتب شهري 100 ج ) تقديراً لهذا الموضوع الشيق والذي أعتبره من أمتع المواضيع خلال شهر نوفمبر ..

اعتذر عن قبول الوسام ( يبدو كده فيه أن حاجة مريبه وراه ) الا اذا كان من الأحجار الكريمه و الماس . :rolleyes:

و ارحب بقبول المرتب ولو أنى مابخدش اقل من عششيين جنيه فى العمليات دى ( واهى نوايه تسند الزير و نعرف نلم حق المشاريب ). :lol: :lol:

قال ويقولك س س هو عضو شهر نوفمبر ... يا عم روووووووووووووووووووووووووح

ده سعادتك عضو شهر نوفمبر و كل شهر كمان غصبن عن التخين ( مشرف بقه ياعم و البيت بيتنا ) ... هوا احنا نطول

اخونا yasovinas

(وما جصرت طال عمرك)

و الله يا طويل العمر هاى الرحله خلصت جبل مادرى . شايف كيف. و الله وكيل ياعم كنت اجصد احبس البزوره عندى بهالديره من شان يبان لهم صاحب. بس الله شاء يفك حبسهم و انطلجوا...

:rolleyes: :rolleyes: :lol:

هو كان معرض ايه بقى اللي رحته

(مصيبة لو كنت قلت معرض ايه خلال الحلقات السابقة)

يضم المعرض كل ما تنتجه و تصنعه الصين اى انه يضم كل شىء ممكن تتخيله فى العالم

يبقوا اتنين قهوه .....

قلتلك يا خوى عاوز ناس صاحيه معايا ... htr::

تم تعديل 3 ديسمبر 2004 بواسطة ماجد

[hamo90]

ني هاوو ........ ماجد

زي زي .........علي الموضوع

rs: rs: rs:

ماو لي حمو

[ماجد]

أخونا hamo90

ني هاوو ........ ماجد

زي زي .........علي الموضوع

كده برضه ...... دى آخرتها ...... rs: rs:

و بعد الجهد اللى اتعمل .....

على العموم كل واحد منه لله

rs: rs: rs:

ني هاوو ........ هاووو .... عوووووووووو hamo90

brth) :D :D

[بنت شعنونة]

استاذ مااااااااااااجد

انت مش ممكن

انا من الساعا 3 للساعة 4 الصبح عمالة اقرا واضحككككككككك بصوت عالي

لدرجة اخويا صحي افتكر حرارتي عالية وخطرفت خلالالالالالالالالالالاص rs: rs: rs: rs: rs:

انا كنت ها امووووووووووت من كتر الضحك بجد

وانت تحححححححححححفة

انا عاوزة اروووووووووح الصيييييييييييييين cbyb:

[ragab2]

شكرا

لامتاعنا فى رحلة ماجد فى بلاد العجائب

وخاصة باسلوب عمنا ماجد الساحر فى السرد القصصى المشوق

شكرا مرة ثانية

وعقبال ما تحكيلنا عن باقى الرحلات والتى يبدو أنكم زرتم بلاد أخرى كثيرة غير الصين

تحياتى

[مهند]

استاذ / ماجد

امتعتنا باسلوبك الجميل فى سرد الاحداث

والله غلبت انيس منصور

نشكرك ونتمنى المزيد

[ماجد]

أختنا الصغيره ( فى السن بس ) بنت شعنونه ....

الطبيبه المكافحه بنت شعنونه ....

كنت منتظر اسمع رأيك ضمن أراء كبار رجالات و حريمات المحاورات ...

فلما تكتبى كل الكلام الجميل .... يبقى فعلا كتير علّى .

ولما تقولى انك ضحكتى من القلب فعلا .... يبقى المجهود فعلا جاب نتيجه .

و اشكرك على هذه المجاملات الفخيمه. mfb:

عمنا ragab2

زرت فعلا بلادا كثيره . لكن تصدق بالله ماهى اجمل بلد و اروع بلد زرتها و استمتعت فيها و اشتاق لزيارتها كل مده و ماقدرش اقاوم و الاقينى لامم الشنط - غصب عنى و رايح - ....مكه و المدينه .... وصدق الله العظيم حين قال:

(رَبَّنَا إِنِّي أَسْكَنْتُ مِنْ ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ رَبَّنَا لِيُقِيمُوا الصَّلاةَ فَاجْعَلْ أَفْئِدَةً مِنَ النَّاسِ تَهْوِي إِلَيْهِمْ وَارْزُقْهُمْ مِنَ الثَّمَرَاتِ لَعَلَّهُمْ يَشْكُرُونَ) (ابراهيم:37)

و اجمل مافى الرحلات عموما مشاهدة الناس و ليست الأماكن - فيما عدا مكة و المدينه فأنا أذهب للمكان و ليس للناس - و ان شاء الله طالع الحج السنه دى ( و دى تبقى الحجه الرابعه ربنا يكتبها لنا و لكوا جميعا ) بس السنه دى غاليه اوى . آخر مره حجيت كان سنة 1993 ب 6500 تبع مصر سينا للسياحه . السنه ده نــارررر

أخى مهند

اشكرك شكرا خاصا على مرورك . و اسمك جميل يا مهند و كان لى صديق من زمان أردنى اسمه مهند . و يا ترى تعرف معنى اسمك ايه . :rolleyes:

[Pianist]

أستاذ ماجد

انا كنت مستني انك تخلص علشان اشكرك على الوصف الممتع و اقولك إني مقدر المجهود اللي عملته علشان توصفلنا الرحلة دي

تحياتي و شكرا مره تانيه على الوصف الممتع لرحلتك

[احمد الباشا]

استاذ ماجد

لقد امتعتنا بالقصة الرائعة و ارجو تأليف كتاب و متخفش انا هشتري كل النسخ ما عدا النسخة الاولى لانها هتكون فري ي ي bnd5::

[فــيــروز]

المهم طلعت على المطار و بالمناسبه كان بينى و بين بكين التى يوجد بها ميدان السلام السماوى مايقرب من 4 ساعات طيران و بينى و بين سور الصين 4 أو 6 ساعات طيران و لذلك كان على أن اختار بين زيارة السور أو زيارة هونج كونج ( و آسف يا أخت فيروز انا عارف انك محبطه دلوقتى ….. لكن خيرها فى غيرها و الصبر مفتاح الفرج ….. هاهاها )  .

فعلا bnd5::

انا متضايقه جدا جدا دلوقت cbyb:

وبعدين لو كنت قلت لى من الاول كنت هاتابع الموضوع بردو بنفس الحماس بس ماكنتش هاتوقع حاجه يعنى او فى انتظار شئ ما وفى الآخر يطلع انه مش هيحصل gt:

شكرا على القصه و يا رب تسافر تانى و تشوف السور بقى gt:

[فــيــروز]

لقد نقلتها لكم بنظر صقر و عينى مهندس و صبر جمل و فكر كاتب و بشجاعة فهد و دهاء رجل مخابرات و خوف نعامه و احساس فنان .

gt:

رغم انى فعلا من لحظه كنت مصابه باحباط و بوادر اكتئاب bnd5::

هذه الجمله اضحكتنى فعلا gt:

[SilverSwan]

الاستاذ ماجد....

بجد بجد انا استمتعت جدا جدا و اكتر حاجه عجبتني التفاصيل الدقيقه بخصوص الشوبنج و لما قلت انك مش قادر تقاوم الشوينج و حسيت بمأساة الستات ف الموضوع ده gt:

انا استأذنت منك قبل كده .. اني اخد كوبي من الموضوع واقراه قبل النوم على روقان بعيد عن دوشة المكتب و لخبطته .. و لما ما علقتش ..اعتبرت ان السكوت علامة الرضا .. bnd5::

قريبته للبيت كله .. يوم الجمعه والسبت لدرجة ان ماما كانت متحمسه جدا تعرف انت كلمت الرحله ازاي ولما هتخلص الجبنه الكيري اللي معاك !! B)

بس بجد اسلوبك ممتع .. انا كنت فاكره انك بتشتغل بالكتابه فعلا ..

حمد الله ع السلامه يا استاذ ماجد .. و عقبال الرحله الجايه

بس ياريت تروح الهند .. اعتقد انها هتكون بلد ثرية بالحكايات gt: يعني عملا بمبدأ فيروز البلدان اللي ما نقدرش نروحها نقرا عنها ...