يا اهل اسكندرية ........... حان الوقت وانا اولكم !

[عم الطيب]

لا اخفى انى رغم الغيب 14 عام عن عروس البحر الا اننى اشعر باننى لاافارقها يوما فهى فى عقلى وخاطرى .

عودت الى الاسكندرية فى زيارة قصيرة وطوال مدة الرحلة من برلين الى مطار القاهرة احلم بمدينتى الاسكندرية ,فانا اسمع عن الجمال الجديد والاضافة التى قام السيد المحافظ تفوق العقل ولكن لااريد ان اكون متشائم فهناك مجهود ملحوظ ولكنها خطوة الى الامام تليها عشرات الخطوات الى الظلام والاحساس بعدم المسؤلية من جانب من يتخذ بعض القرارات الغير محسوبة مسبقة فانا حزين لحال عروس البحر وانا متاكد ان هناك الكثير من المخلصين يشاركوننى هذا الحزن . دعونا لانتحدث عن عشوائيات مدينتنا او عن اكثر من 80% مظاهر قبيحة نظير 20% مظاهر رائعة ,او حتى عدم الحدث عن عشرات الحوادث القاتلة بطريق الكورنيش ,دعونا لانتحدث عن التاكسى الذى هو عار على اربع عجلات تتلتقطها عدسات الاف من السياح ,اوعن محطة الرمل التى كانت الواجهة الجميلة للاسكندرية والان..... ,اوحتى عن السلوك السكندرى الغير مالوف من بعض تلاميذ وشباب الاسكندرية , ارجوكم فلنبحث ونساعد وننقد قبل فوات الاوان فالفرصة جيدة للبحث عن السبب والانتصار ونتحدى دبى وبرلين و حتى مونت كارلو.

[Katamando]

14 سنة لازم تلاحظ فرق ايجابي

لكن معظم السلبيات التي ذكرتها سببها سلوك الناس وعلى فكرة أنا اسكندراني وألاحظ التغيير في السلوك الذي تقصده وذلك يرجع لعوامل عدة أهمها الاهمال والاعلام وغياب الوعية وتغيير التركيبة الاجتماعية للثغر نعم في 14 سنة هناك الكثير من المفاهيم والاشياء تغييرت ..... ربما بعضها الى الأسوء مما تتصور مما أثر على الأساسيات ودعني أقول لك أن هذا التغيير السلوكي غير قاصر على الاسكندرية بل يشمل كافة أنحاء مصر وأن تفاوتت النسب لكن النمط الاستهلاكي أصبح سائداُ بشكل منفر لما له من تبعات على سلوك الفرد تجاه الآخرين في مجتمعه

وأسيبك دلوقتي وألحق التوربيني اللي ح يوديني اسكندرية

سلام

[yasovinas]

عفوا انا اسكندراني ومغترب ايضا ولكنى اتردد على الاسكندرية مره كل 3 شهور تقريبا وما لاحظته تطور

وتطور كبير في الاسكندرية سواء من ناحية السلوك(مقارنة بسلوك الشعب في باقي مصر) واسف لهذه الكلمه ولا اقصد الاهانة ولكن الجمال الخارجي يجب ان يفرض على الناس نوع من الجمال في التعامل

اما موضوع التاكسي وما الى ذاك فلا اظن يا صديقى ان المواصلات في مصر او الاسكندريه كانت احسن حالا مما هي عليه الان ولا اظن انك كنت ممكن تلاقي تاكسي بسرعة من اربعة عشر عاما لكن الان اظن انه متوفر والمواصلات كلها تحسنت عنها من 14 عام جايز الزحمه زادت وهذا تطور طبيعي للزياده السكانيه لكن في المقابل هناك تطور في الخدمات اظن والله اعلم

تم تعديل 25 نوفمبر 2004 بواسطة yasovinas

[Cleo]

كلامكم بيحسسنى إنكم بتتكلموا عن الجمهورية الإسكندرية المتحدة...!!!!

ليه دايما أهل اسكندرية حاسين إنهم أجانب عن باقى البلد و إن ما يسرى عليهم لا يسرى على غيرهم و يخاطبوا بعض بي أهل اسكندرية و يا معشر الثغر و كلام كدة...!!

الإسكندرية بما أنها لازالت جزء من جمهورية مصر العربية فهى عرضة لأن تتأثر بما يتأثر به باقى البلاد...

سلوك أهل اسكندرية قد تغير كما تغير سلوك المصراوية و البورسعيدية و القناوية...!!!

الفساد و الإهمال طال الإسكندرية كما طال الإسماعيلية و دمياط و الشرقية و أسيوط...!!

يا خوفى لا نسمع مرة إنكم بتطالبوا فى الأمم المتحدة بالاستقلال التام من المحتل المصرى الغاشم...!! :blink:

[emmyyy]

سلوك أهل اسكندرية قد تغير كما تغير سلوك المصراوية و البورسعيدية و القناوية...!!!

معلش يا كليو انابعترض علي كلامك ده وهديكي مثل فاكره قانون الكلاكس طبعا في القاهره لا حياة لمن تنادي لكن في سكندريه دلوقت كل الناس ملتزمه بيه clwn: و لما حد يزمر تلاقي الناس استغربته كذلك قانون حزام الامان والتزام الناس انها تحط ازباله في مكانه المخصص وحاجات تانيه كتير

ومعرفش انافعلابحس ان اهل اسكندريه متعصبين ليها اكتر من اهل اي مدينه تانيه لانها فعلا احلي مدينه في مصر

ايمي اسكندرنيه متعصبه موت :blink:

[yasovinas]

كليو العزيزة

مش عيب اننا نحب مدينتنا

وانتمائنا لها فخر لينا

واللي مش عاجبه يعمل زينا ويحب مدينته

[Cleo]

سلوك أهل اسكندرية قد تغير كما تغير سلوك المصراوية و البورسعيدية و القناوية...!!!

معلش يا كليو انابعترض علي كلامك ده وهديكي مثل فاكره قانون الكلاكس طبعا في القاهره لا حياة لمن تنادي لكن في سكندريه دلوقت كل الناس ملتزمه بيه bk

ايمي اسكندرنيه متعصبه موت :blink:

دى مسألة قانون كان بيطبق بصرامة لفترة فأصبح عادة عند الناس... إنما الاسكندرانية ماتولدوش كدة clwn:

بدليل الاسكندرانية صوتهم عالى جدا فى الكلام ويموتوا فى الهيصة زى كل سكان السواحل

(وش واحد مصراوى كبرت فى دماغه بأة) ty:)

[ragab2]

بدليل الاسكندرانية صوتهم عالى جدا فى الكلام ويموتوا فى الهيصة زى كل سكان السواحل 

:blink: ty:) mc: f((: mf( clwn: card))

fsh::

&&&&&&&&&&&&&&&&&

&&&&&&&&&&&&&&&&

&&&&&&&&

حذف

بواسطتى

تم تعديل 25 نوفمبر 2004 بواسطة ragab2

[emmyyy]

دى مسألة قانون كان بيطبق بصرامة لفترة فأصبح عادة عند الناس... إنما الاسكندرانية ماتولدوش كدة

يعني يا كليو القانون ده بيطبقوه في اسكندريه والقاهره لا? ايه الي خالى اهل اسكندريه يلتزموا بيه و اهل القاهره لا?????

بدليل الاسكندرانية صوتهم عالى جدا فى الكلام ويموتوا فى الهيصة زى كل سكان السواحل

اه احنا بنتكلموا بصوت عالي و بنحركوا ادينا واحنا بنتكلموا حد عنده مانع :blink:

clwn:

[yasovinas]

دى مسألة قانون كان بيطبق بصرامة لفترة فأصبح عادة عند الناس... إنما الاسكندرانية ماتولدوش كدة  ty:)

بدليل الاسكندرانية صوتهم عالى جدا فى الكلام ويموتوا فى الهيصة  زى كل سكان السواحل  f((:

(وش واحد مصراوى كبرت فى دماغه بأة)  mf(

كليو يامصراوية :blink:

ما احنا بنقول ان سلوك الاسكندرانيه اتغير بس للاحسن clwn: ولما بيلاقوا حاجه كويسه بيتمسكو بيها

وعلى فكرة العيب مش فيكم يا مصراويه لكن مشكلة القاهرة انها مفتوحه على البحري مليانه من كل صوب وحدب فمش ممكن تكون لها ثقافه ولا عادات واحده

يعني القوانين الصارمه اللي اتطبقت في فترة واتعودنا عليها في اسكندريه ليه القاهريين ما اتعودوش عليها ؟؟؟ سؤال استفزازي taz::

اما موضوع الصوت العالي واننا بنحب الهيصه فده لاننا ناس رايقة واللي في قلبنا على لسانا وما بنخافوش غير من اللي خلقنا

ايووووووووووو mc:

[Cleo]

يعني يا كليو القانون ده بيطبقوه في اسكندريه والقاهره لا? ايه الي خالى اهل اسكندريه يلتزموا بيه و اهل القاهره لا?????

صحيح.... القانون ده غير مطبق فى القاهرة.. غير وارد أصلا لدرجة إنى لما نزلت اسكندرية من كام سنة و لقيت حكاية الكلاكس دى استغربت جدا..

واللي في قلبنا على لسانا وما بنخافوش غير من اللي خلقنا

بنقوللك ايه... فيه خناقة عالإمة أنى هانروح نتفرج تيجى معايا؟؟ clwn:

(بق اسكندرانى صحيح..... :blink: )

[yasovinas]

نتفرجوا ليه ما تخانقوا اجدع

اي اي

شيلوه من عليه لاقطعه

(بق مصراوي تمن)

[Cleo]

كليو العزيزة

مش عيب اننا نحب مدينتنا

وانتمائنا لها فخر لينا

واللي مش عاجبه يعمل زينا ويحب مدينته

طبعا مش عيب..ز بالعكس...

لكن اللى بتكلم عنه إن الاسكندرانية عنهم نزعة انفصالية شوية وكأنهم مالهومش دعوة ببقيت المحافظات اللى حواليهم... "جيتو" يعنى...

على فكرة لو متابع مداخلاتى تعرف إنى من عشاق اسكندرية... بس فعلا بتضايقنى أوى الحكاية دى

[yasovinas]

على فكرة لو متابع مداخلاتى تعرف إنى من عشاق اسكندرية... بس فعلا بتضايقنى أوى الحكاية دى

انا مش بس متابع مدخلاتك

انا من المعجبين جدا بارائك وافكارك بس اعمل ايه اسكندراني وبحب اسكندرية

حصل خير :blink: clwn:

[emmyyy]

بنقوللك ايه... فيه خناقة عالإمة أنى هانروح نتفرج تيجى معايا؟؟

نتفرجوا يا كليو :blink:

اسكندريه حاله خاصه جدااي حد بيزورها لازم يحبها فمابالك م باهلهاو بالنسبه لي في حاجه اصحابي من القاهره دايما يقولها لي لما يلاقوني متعصبه اوي لسكندرية you can take the girl out of alexandria but you can't take alexandria out of the girl

و ده نطبق علي كل الاسكندرانيه

[ragab2]

هو

طبعا أهل اسكندرية ناس جدعان ومجاملين

وخاصة الست الإسكندرانية

بس الملاحظ انهم بيحبوا الحفلات كتير

ولا يكتفوا باقامتها فى البيوت

بل فى النوادى وصالات الأفراح

يعنى ناس رايقين على طول

ويحبوا الفرفشة

يمكن بسبب نقاء الهواء واعتدال المناخ

بيخلى مزاجهم عالى حبتين

ودة مش عيب

[amir]

[you can take the girl out of alexandria but you can't take alexandria out of the girl

و ده نطبق علي كل الاسكندرانيه

emmyyy

:blink:

[عم الطيب]

سيدى كليو

ابعث اليك باجدع سلام اسكندرانى .

واحب اقولك انى كل الاسكندرانية بيحبوا مدن وقرى ونجوع و وكل حبة من تراب مصر ولا نفرق بينهم ولكن تاتى المحبة الخاصة للاسكندرية بحكم مولدنا بها

وذكرياتنا الجميلة . واقسم انى اعيش سنيين فى المانيا ولكنى اشعر بحالة من الحزن لفراق ثغرنا واتمنى ان اعود ولكن عندى ثلاثة اولاد فى المدارس الالمانية , ولكن

يوما ما سوف حتى لو لوحدى لاموت وادفن فى التراب الزعفران .

واكيد انت ياكليو انت كمان بتحب مدينتك وده شىء جميل ..ومش معناه انك انفصالى

وعلى العموم كلنا بنحب مصر ويلا نعمر بلدنا ونزرع ونعلم ونحب كما ن وكمان ....وشوف لى عروسه من مصر ................... اخوك الطيب

[فــيــروز]

كلامكم بيحسسنى إنكم بتتكلموا عن الجمهورية الإسكندرية المتحدة...!!!!

ليه دايما أهل اسكندرية حاسين إنهم أجانب عن باقى البلد و إن ما يسرى عليهم لا يسرى على غيرهم و يخاطبوا بعض بي أهل اسكندرية و يا معشر الثغر و كلام كدة...!!

فى الحقيقه هذه النزعه غير قاصره على الاسكندرانيه فقط

يبدو انها طبع مصرى خالص ..

احيان كثيره كنت اندهش حين اتحدث مع بعض الزميلاء فاجد البعض يخبرنى ان فلان اجداده اتراك !! بكل تفاخر !! او ربما ليبرر عصبيته الغير مبرره او احساسه الغير مفهوم بالتميز عن الغير .. وحتى بعض ابناء خالاتى آباءهم فى احيان كثيره لا يكفون عن الحديث عن اصولهم التركيه !! وكأن كون الانسان مصرى و بس لا يكفى و يحتاج لاصول و جذور اخرى يتفاخر بها !!

[فــيــروز]

هناك مثال آخر تذكرته الآن

كان عن دعوة الدكتور ميلاد حنا لانشاء مدينه جديده و مجتمع جديد تكون "عاصمته" مارينا !!

وكان دائما يتحدث عن مارينا باعتبارها مجتمع غير المجتمع وبه ناس غير الناس !!

والآن فى التليفزيون وفى هذه اللحظه بالظبط اعلان عن دريم لاند و اختيارهم لعمدتهم الذى يعرف السكان الجدد بالمدينه !! وكيف انه من لم ير دريم لاند ولم يعش بها كأنه لم يعش اصلا !!

وكذلك اعلان منتجع سان ستيفانو وشعاره "عالمك الخاص" !!

وبالطبع هذه نبره دعائيه تجاريه بحته الا انها لم تكن لتنتشر الا اذا عرف الداعون لها انها ستلاقى صدى فى بعض الآذان التى تبحث عن تميز لا وجود له فى الحقيقه

تم تعديل 26 نوفمبر 2004 بواسطة فــيــروز