متابعة فعاليات موجة الثورة الثانية .. 25 يناير 2012

[الدكتور ياسر]

وقتها مش حيرفض لما يكون امر واقع

لكن بيني وبينك التفكير دلوقتي مش في اعطائها لمجلس الشعب

نشوة القوة مسيطره على الثوار

وموضوع خطاب الشكر اللي وجهه البرلمان للعسكر خلاهم يقرفوا منه

احتمال يتم التوافق على شخص دكتور برادعي بس لسه مش متأكد

اول ما الاقي اخبار حكتبها هنا ان شاء الله

ومن الذى سيوافق على هذا الطرح ؟!!

أنتم بهذا الأمر ستنشئون ثورة مضادة وسيزداد الأمر تعقيدا ..

أرجو أن نحافظ على نظافة الثورة و سمو اهدافها ..

تم تعديل 25 يناير 2012 بواسطة الدكتور ياسر

[متعب]

كتر الاعداد اليوم فى ميادين مصر اخفت مخبرين الانترنت من على الساحه نهائيا

لو الاعداد كانت لاتذكر كنتوا هتلاقوهم متواجدين بكثافه ايضا على الساحات

لكن الصدمه وحشه

على ما يفوقوا منها بقى ويرجعوا لعقدة 6 ابريل ال هتوديهم على االعباسيه دى

وعلى رأى المثل

ال ميشفشى من الغربال يكشف نظر

[Alshiekh]

سيظل (25 يناير ) يوما مجيدا من أيام مصر وصفحة خالدة فى كتاب الوطن فقد جاءت أحداثه – فى معانيها ودلالاتها – لتؤكد تصميم هذا الشعب على مقاومة الاحتلال ، والدفاع عن أرضه وسيادته وكبريائه.

نستدعى من ذاكرة التاريخ بطولات رجال الشرطة فى الإسماعيلية عام 1952 ، نتذكر بالفخر والاعتزاز تصديهم لقوات الاحتلال ، نخلد أرواح شهدائهم ونباهى بشجاعتهم فى الدفاع عن كرامة الوطن.

إن رجال الشرطة هم أبناء هذا الشعب... كانوا معه فى كفاحه ضد الاحتلال وظلوا فى قلب مسيرته من أجل الحاضر والمستقبل الأفضل لهم سجل حافل ومشرف فى حماية جبهتنا الداخلية فى أوقات الحرب والسلام وعطاء وطنى متواصل فى التصدى لقوى الإهارب والتطرف . يدافعون عن استقرار الوطن فى عالم مضطرب ، ومنطقة غاب عنها الاستقرار ويقدمون من بين صفوفهم شهداء يضحون بأروارحهم إضطلاعا بواجبهم ومسئوليتهم .

واحد من الناس

أصل انت مش واخد بالك يا " متر "

الناس نازلة النهاردة 25 يناير للذكرى السنوية للثورة على المخلوع الذي تم خلعه واسرته في 11 فبراير.

انت مابتقراش جرايد ولابتسمع راديوا ولابتشوف تليفزيون والا ايه؟

زي النهارد السنة اللي فاتت الشعب المصري قام بثورة عمت كل أرجاء مصر وبعد 11 يوم تم خلع الرئيس المخلوع محمد حسني مبارك هو وعياله ومراته ، لكن عياله الغير شرعيين لسه مش مصدقين الكلام ده وبيفكروا إن إحنا بنضحك عليهم.

يارب المعلومة تكون وصلت لك يا " متر "

[Ahmed Anwer]

الإعتصام قرار شعبي مش قرار جهة ،،

و طبيعي إن لو 1% من الأعداد اللي في الميدان فضلت لحد تاني يوم

هيكون إعتصام محترم

الاعتصام حق أي حد، بس أنا مش مع الاعتصام، مع استمرار التظاهر والمسيرات

خارج الميدان،نكسب أعداد في كل شارع،بدل ما نخسرها لوحدنا في الميدان..

و نفتكر إن النهاردة كان نتيجة جهود عروض كاذبون و وقفات مصرنا

[Abu Reem]

ما زال هناك من يرى المشهد بالطريقة التي يرغبها فقط ويريد ان يقنع الاخرين بخلاف الواقع

- ملحوظة

ابراهيم عيسى تعرض لموقف محرج جدا عندما سأل مراسلته من الميدان قائلا : هل الاغلبية في الميدان يغلب على وجوهها الغضب والحزن ام البهجة والاحتفال كما تردد القنوات الحكومية وكما يريد المجلس العسكري ان يوهمنا؟!!

فقالت صراحة الغالبية يظهر على وجوهها الفرحة والاحتفال

- للاسف مازال البعض يريد من هذا اليوم هو تشويه الاخوان ومحاولة تشويه الحقيقة ويظهر هذا واضحا من بعض التعليقات هنا تماما مثل بعض الفضائيات المعروفة

..... التي تركت الكلام عن اي من المطالب التي يرفعونها كشعارات واهتموا فقط بالكلام عن ما يفعله الاخوان وماذا يقول الاخوان وماذا سيفعل برلمان قصدي برطمان الاخوان

هكذا دائما شأن الكبار ...شأن من يفعلون وينجزون

ان يتعرضوا للكلام الحسن منه والقبيح ،،،،،،،

اما اصحاب الشعارات الرنانة فلم نرى منهم للاسف اي حلول عملية او بدائل منطقية ... لا نجد منهم سوى التخبط والاعتراض على كل شيء

وما يعلنوا عنه اليوم يتراجعوا عنه غدا....فعلوها من قبل في الدستور اولا واليوم يريدون رئيس قبل الدستور....يعترضون على اجراء الانتخابات ثم يمدحونها اليوم ... يترشحون للرئاسة ثم يتراجعون......ومن قبل ذلك اختاروا عصام شرف ثم لعنوه بعد ذلك

وفي النهاية ......يريدون فرض رؤيتهم ومطالبهم على الجميع

ربنا يهديهم ويفهموا ان بدون توافق فلن يستطيعوا تحقيق اي تقدم

واقول للاخ زعبلة والاخ ابراهيم عبد العزيز. مع احترامي لرأيكم

غالبية الناس التي نزلت اليوم لا تريد سوى المضي قدما في الخطوات التي بدأناها بالفعل وفي نفس الوقت لا تمانع في التظاهر من اجل الضغط علئ العسكر في تنفيذ وعده ولبس كما يظن البعض في ان نلعب من اول وجديد

تحياتي

تم تعديل 25 يناير 2012 بواسطة Abu Reem

[ماستر]

ميدان التحرير

[se_ Elsyed]

سيظل (25 يناير ) يوما مجيدا من أيام مصر وصفحة خالدة فى كتاب الوطن فقد جاءت أحداثه – فى معانيها ودلالاتها – لتؤكد تصميم هذا الشعب على مقاومة الاحتلال ، والدفاع عن أرضه وسيادته وكبريائه.

نستدعى من ذاكرة التاريخ بطولات رجال الشرطة فى الإسماعيلية عام 1952 ، نتذكر بالفخر والاعتزاز تصديهم لقوات الاحتلال ، نخلد أرواح شهدائهم ونباهى بشجاعتهم فى الدفاع عن كرامة الوطن.

إن رجال الشرطة هم أبناء هذا الشعب... كانوا معه فى كفاحه ضد الاحتلال وظلوا فى قلب مسيرته من أجل الحاضر والمستقبل الأفضل لهم سجل حافل ومشرف فى حماية جبهتنا الداخلية فى أوقات الحرب والسلام وعطاء وطنى متواصل فى التصدى لقوى الإهارب والتطرف . يدافعون عن استقرار الوطن فى عالم مضطرب ، ومنطقة غاب عنها الاستقرار ويقدمون من بين صفوفهم شهداء يضحون بأروارحهم إضطلاعا بواجبهم ومسئوليتهم .

واحد من الناس

إنت سايب العباسية وجاي ليه يا غنام ؟ هههههههه

شوفت الأغلبية الصامتة وولاد مبارك بقيادة الشيخة ماجدة وبطوط كانوا قد إيه النهاردة في العباسية ؟

[الدكتور ياسر]

منظر جميل بجد ..

أرجو أن تمر الأمور على خير و تبقى للثورة صورتها المشرفة..

[م تيمور المراغي]

بعد غد جمعة الغضب

وستبدأ موجات الضغط الحقيقيه لاسقاط العسكر ,,

[Abu Reem]

وقتها مش حيرفض لما يكون امر واقع

لكن بيني وبينك التفكير دلوقتي مش في اعطائها لمجلس الشعب

نشوة القوة مسيطره على الثوار

وموضوع خطاب الشكر اللي وجهه البرلمان للعسكر خلاهم يقرفوا منه

احتمال يتم التوافق على شخص دكتور برادعي بس لسه مش متأكد

اول ما الاقي اخبار حكتبها هنا ان شاء الله

ومن الذى سيوافق على هذا الطرح ؟!!

أنتم بهذا الأمر ستنشئون ثورة مضادة وسيزداد الأمر تعقيدا ..

أرجو أن نحافظ على نظافة الثورة و سمو اهدافها ..

يا دكتور ياسر يا حبيبي ريح نفسك هو انت لسه عندك شك فيما وصلنا اليه

يوم بعد يوم تتضائل مصداقية 6 ابريل ...بل اصبحت مرادف للتخبط والفوضى ... ومن كل الف واحد تسألهم عنها لن تجد الا واحد او اثنين ممكن يكون بيؤيدها

وابقى اسأل كده وشوف الواقع على الطبيعة.....هناك قلة منهم مخلصين بس للاسف تحركاتهم بتكون خاضعة لرؤية الكبار

لن يترشح البرادعي وكل ما في الامر هو انه من الممكن ان يترأس حزب جديد معارض ويأخذ لقب زعيم او قائد الثورة

وبصراحة مفيش مشكلة ... لما ياخذ لقب زي ده ...

- اللي عاوز يعتصم يعتصم بس المهم لو اي حد قام باعمال تخريب او استفزاز هتشوف الشعب المصري كله هايعمل ايه فيهم

الشعب اللي بيحتفل دلوقتي في التحرير هتشوف رده هيكون ازاي

والله الناس مخنوقة وادي النهارده اهو مئات الالاف بيتظاهروا وفيه منهم ناس بتشتم المشير وناس بتطالب باعدامه ومشفناش المجلس العسكري الوحش كلمهم رغم الاهانات

يبقى لما حد يتجاوز بعد كده يتحمل ما سيحدث له...وساعتها الشعب كله سيكون ضد من يشعل الامور

[se_ Elsyed]

تخيلوا إن الفنان المرهف الحس عمرو مصطفى كاتب على تويتر اليوم " هل لو قولت إني أبكي على حال مصر اليوم .. هل اكون بذلك ضعيفاً "

وأنا موقعي هذا وأنا متكلفت عشان لسه راجع من بره وبردان ولابس كل ملابسي الصيفي والشتوي بأقول له : لأ ما تبقاش ضعيف يا عموره لكن تبقى

تيتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت

عجبني مقولة للشاعر العظيم محمود درويش هاتنفع ناس كتير قوي من ولاد الكــ

الكابتن مبارك

الراجل بيقول إيه

من رضع من ثدي الذل دهراً.. رأى في الحرية خراباً و شراً

[م تيمور المراغي]

ماما و بابا و خالد يريدوا اسقاط النظام، خدوا بالكم خالد لابس العلم

بواسطة: Alaa Abd El Fattah

[se_ Elsyed]

الجنزوري وجه كلمة للامة بيقول لهم النهاردة إن المجلس العسكري وعد وأوفى

لأ يا كداب ... كلنا أستنينا كوبونات أقشط وأربح ومافيش حاجه حصلت ... ها إتكلم بقى ؟

[م تيمور المراغي]

والله الناس مخنوقة وادي النهارده اهو مئات الالاف بيتظاهروا وفيه منهم ناس بتشتم المشير وناس بتطالب باعدامه ومشفناش المجلس العسكري الوحش كلمهم رغم الاهانات

يقدر حد من العسكر ولامن كتائب طنطاوي يهوب ناحية الميدان !

مش بكيفهم يا بو ريم ده غصب على عينهم

ده غير انهم لو حبوا يروحوا اصلا مش حيعرفوا من الزحمه :happy:

[se_ Elsyed]

والله يا جماعة ما هي شماتة او تصفية حساب

لكن الكثيرون ومنهم زملاء افاضل كانوا ماليين الدنيا ضجيجاً وقالوا تخريب وقالوا إن كتيرهم قوي هايبقوا 20 او 30 قووووووووول 40 الف عشان يعرفوا حجمهم .... إحساسهم إيه النهاردة ؟

وهل فعلاً الواحد ممكن يشوف الحق امام عينه بعد أن كان في خياله أشياء اخرى ومع ذلك لا ينطق به ؟

اللهم أرنا الحق حقاً وأرزقنا أتباعه

وأرنا الباطل باطلاً وأرزقنا إجتنابه

[ماستر]

من رضع من ثدي الذل دهراً.. رأى في الحرية خراباً و شراً

ممكن نعلق الكلمة دى على باب المنتدى علشان مخبرين الانترنت وابناء الذل يشوفوها

[se_ Elsyed]

الدكتور طارق الحبيب .. طبيب نفساني سعودي شهير وله برامج تليفزيونية عديدة .. موجود الان بالصدفة في مصر ويكتب على تويتر ويقول إنه يرى امواج الشعب في ميدان التحرير و لا ىيستطيع فهم هذا الشعب الغريب ولا يفهم اللغة الخاصة بهم التي لا يمكن تفسيرها .... ويضيف " اجلس الأن على احد مقاهي التحرير .. واتنفس سعادة الناس .. فالمصريون تحولوا من الضحك إلى السعادة "

هو فعلاً يا دكتور طارق شعب غريب

يعني كتيررررررررر يقولوا الشعب مات .. والشعب نام .. والشعب أستكان

لكن فجاة ينتفض المارد ليحكم كل رموز الظلم

واعتقد إنه لا يوجد شعب يجمع بين الحزن والهم والفرح والسعادة والضحك كله هذا في آن واحد وفي نفس اللحظة

[ماستر]

والله يا جماعة ما هي شماتة او تصفية حساب

لكن الكثيرون ومنهم زملاء افاضل كانوا ماليين الدنيا ضجيجاً وقالوا تخريب وقالوا إن كتيرهم قوي هايبقوا 20 او 30 قووووووووول 40 الف عشان يعرفوا حجمهم .... إحساسهم إيه النهاردة ؟

وهل فعلاً الواحد ممكن يشوف الحق امام عينه بعد أن كان في خياله أشياء اخرى ومع ذلك لا ينطق به ؟

اللهم أرنا الحق حقاً وأرزقنا أتباعه

وأرنا الباطل باطلاً وأرزقنا إجتنابه

لسة يا س س, بيتكلموا ورجعوا تانى يقولوا قلة,

[عماد حمدي]

غريبة ان الناس مفكّره ان كل اللي في الميدان دلوقتي بيؤيد الإعتصام حتى تسليم السلطة

و فراحانين بالعدد المهول دا ، بس عايز أشوف ردودهم دي يوم السبت كأقصى تقدير

و يعملوا مقارنه بين العدد المهول الموجود حالياً و الأعداد اللي هتكون موجودة بداية من السبت المقبل

هما ميعرفوش أن 80 % من الموجود هيروح يوم الجُمعه مع إنتهاء الإعتصام السلمي للإخوان و مؤيديهم

أضف ع ذلك من هم ضد فكرة الإعتصام من خارج الميدان

ياعني بذكركم لان ممكن الواحد يكدب الكدبه و يصدقها

مش كل اللي في الميدان مؤيد للإعتصام

و ان كان الإخوان هيعتصموا فدا قرار من مكتب الإرشاد ع موقع اخوان اونلاين ان فيه حشد

لأفراد الجماعة للنزول للميدان و الإعتصام الرمزي لحد الجمعه بهدف تأمين الميدان ..

و دول فصيل كبير من الشعب مش تخسروه نصيحه مني هيبقي خسرتوا الجيش و الشرطة و الاخوان

و هتبقوا لواحدكم .. إضافة إلى ذلك مش هيكون ليكم شرعية

و زي ما قولت هنقارن شكل الميدان دلوقتي بيوم السبت و الأعداد كمان

[se_ Elsyed]

من رضع من ثدي الذل دهراً.. رأى في الحرية خراباً و شراً

ممكن نعلق الكلمة دى على باب المنتدى علشان مخبرين الانترنت وابناء الذل يشوفوها

يا باشمهندس قبل ما أقرأ تلك المقولة .. كتبناها بصيغة أخرى ...وهي إن في ناس كتيرة أتعودت على العبودية وعلى سوري العيشة في جو قذر غير نضيف .. وبالتالي فجو زي اللي إحنا فيه ده يخليه يقول " ولا يوم من أيامك يا مبارك " هههههه