أشعر بالملل ... هل من جديد

[عبير يونس]

الشعور بالملل ده شىء طبيعى جدا فاكره موضوع فتفوته الله يمسيها بالخير بتاع الشعور البلاستيكى

احسن حاجه انك تنزلى مصر تغيرى جو وترجعى تانى ولو مش عاوزه تنزلى مصر يبقى تسافروا اى مكان يومين وترجعوا تانى السفر بيجدد نشاط الواحد بشكل كبير

اول لما برجع من السفر بقعد شهرين تمام قوى وشهرين كمان يبدا الملل يتسرب وشهرين كمان ببقى ملت بس خلاص بقول اخلص الشهرين وانزل اخدى اسبوع ولا حاجه وارجع تانى

وهكذا

السفر في حالتي انا عذاب

بصراحة كله حيبقى على دماغي

أنا في السفر من أيام ما كنت مع بابا و ماما

كنت دايما اتحمل مسؤولية كل حاجة

و مش حأغيّر جو و لا حاجة

حازداد ارهاق

لا بلاش

الا اذا سافرت لوحدي

وطبعا ماقدرش اسيب الولاد

بالاضافة اني خلاص مقدرش اسافر لا بطيارة و لا عربية و لا باص

لأني مقربة ع الشهر السابع من الحمل

شكرا لتعاونكم

:sad:

[عبير يونس]

روحى اغطسي

بس بعد ما النونو يجي مش دلوقتى

وساعتها هتحسى باكتر حاجة مجنونة عملتيها فى حياتك

فيه فى الزعودية ومصر زى متحبى

انزلى اول مرة 10 متر وتانى يوم 32 متر

-------------------------------------

نقطة ومن اول السطر تعالى هونا قولتى حسيتى بايه وبعد كدة نتكلم

--------------------------------------

فيه حاجة تانية اطلعى رحلة سفارى فى الصحرا الشاسعة اللى جنبك دى

يومين تلاتة ولو تعرفى تفلسعى العيال فى اى مكان وخيمة وعيشى الهدوء والروقان وشيلى من ايدك اى اجهزة تكنولوجيا سواء موبيل او كمبيوتر او نت وعيشى الخيال وتغذية الروح

انا هموت واعملها هنا بس اعرف طرقها وتامينها ازاى وهدوس عالطول

لو بصيتى على طريق جدة مكة هتلاقى ناس كتيرة مخيمة فى الصحرا ودماغهم فى السحاب

اقتراحات حلوة يا حسام

بس أكيد بعد الولادة

اذا كان ليا عمر بإذن الله

[عبير يونس]

الملل دا بقى العادي في حياتنا كلنا

و دا ناتج من الروتين اللي بنعيشه خصوصا في الغربة

نفس الحاجات بتحصل في نفس الوقت تقريبا كل يوم

دا غير بقى الزهق و الخنقة من العيال

لو عاوزة نصيحتي يا بيرو

شوفيلك حد ترمي (ايون بنفس اللفظ كده ترمي عنده العيال) و تاخدي جوزك و تطلعوا يومين على الامارات مثلا

و عيشي حياتك و انسي كل و اي حاجه

صدقيني لو كسرتي الروتين دا يومين اتنين بس هاتلاقي نفسك بقيتي زي الفل

لو مش هاينفع حوار السفر دا عشان الحمل

في جدة مكان تحفة كده اسمه موفينبيك النورس هو صحيح غالي بس و ايه يعني طالما دا هايخرجك من شعور الملل و الاحباط دا

احجزوا هناك يومين طبعا من غير العيال

ايه رأيك في المنظر ينسيكي نفسك مش بس الملل

طب ممكن اروح انا لوحدي

و اسيب العيال مع باباهم

هههههههههههههههه

حانبسط اكتر أكيد

:closedeyes:

تصدقي نفسي اوي اروح اسكندرية

و بالذات المنتزه

بأعشق اسكندرية يا ريم

و بلاج عادي

مش لازم قرى سياحية

نفسي حتى بس اقعد على الكنب اللي بتطل ع البحر دي

أحلى ذكريات حياتي كانت على الكنب ده

كنت اقعد بالساعات لوحدي ابص للبحر بس

و معاه صوت فيروز في الواكمان

ياااااااااااااااه

حتى مجرد الذكرى جميلة اوي

روحي دلوقتي في شارع بورسعيد

و في شارع جمال عبد الناصر

و في خالد بن الوليد

كفاية

لأحسن اتفحت في العياط

[عبير يونس]

شط اسكندرية

http://www.youtube.com/watch?v=I8tlPgGbF6A&feature=related

[عادل أبو عمر]

طب إيه رأيك في ده يا مدام عبير ...

بس حضرتك تتفرجي و بس

http://www.youtube.com/watch?v=9dsQzv32lF8

تم تعديل 8 يناير 2012 بواسطة عادل أبو عمر

[عبير يونس]

طب إيه رأيك في ده يا مدام عبير ...

بس حضرتك تتفرجي و بس

http://www.youtube.com/watch?v=9dsQzv32lF8

اللي فرحني في الفيديو حاجة واحدة

اني الحمد لله مش معاهم

:unsure:

[متعب]

مهو على راى المثل

ال اوله شرم اخره طره