أشعر بالملل ... هل من جديد

[rewsha]

أنا زهقت من كل حاجة

من الصور و الألوان

من الأنغام و الألحان

من الحروف والكلمات

فقدت مفعولها المسكنات

لا ده انتي بتتلككي بقى

اقول لك عل جنان الجنان بقى

اقفي قدام المرايه وبصي لنفسك كويس

ودققي في تفاصيل وجهك

وركزي قوي

وخليكي مركزه وياسلام لو قعدت تعملي حركات وتعبيرات بوشك وتتفرجي على نفسك

وانت فرحانه شكلك ازاي

وانت زعلانه شكلك ازاي

وانتي بتفكري شكلك ازي

وبعدين انا وهند ودريم هانتفق ونبلغ عنك

بتوع البالطوا الابيض اللي بالشقلوب ده

ويجروا وراكي ويقولوا

.

.

.

بلحه اهي ...بلحه اهي

وكلها يومين يا حبيبتي .ونيجي تاني نطلعك من هناك واهو تبق غيرتي جو بحق وحقيقي

وهانقول لهم ان ده كان برنامج مقالب

يقوموا يطلعوكي ...ياخدونا احنا

ها ايه راْيك بقى؟

تم تعديل 4 يناير 2012 بواسطة rewsha

[Dreamwithme]

بصي بأه يا بيرو ضحكنا كتير وهزرنا كتير

هأقولك علي الكلام الجد اللي لما بأكون زهقانة خالص بأعمله

بأخد جنب خالص وبأقعد لوحدي في البلكونة أو أي مكان منعزل هادئ وأتفرج علي السماء

وأقعد أصلي علي النبي صل الله عليه وسلم وأتخيل نفسي في حضرته وأكلمه

وبعدين الأمور بتتطور وأدعي ربنا وبألاقي الرحمة بتتنزل عليا والزهق بيضيع وطعم الحياة بيرجع تاني

حاولي جربي .... يمكن

[Howayda Ismail]

لا ده انتي بتتلككي بقى

اقول لك عل جنان الجنان بقى

اقفي قدام المرايه وبصي لنفسك كويس

ودققي في تفاصيل وجهك

وركزي قوي

وخليكي مركزه وياسلام لو قعدت تعملي حركات وتعبيرات بوشك وتتفرجي على نفسك

وانت فرحانه شكلك ازاي

وانت زعلانه شكلك ازاي

وانتي بتفكري شكلك ازي

وبعدين انا وهند ودريم هانتفق ونبلغ عنك

بتوع البالطوا الابيض اللي بالشقلوب ده

ويجروا وراكي ويقولوا

.

.

.

بلحه اهي ...بلحه اهي

وكلها يومين يا حبيبتي .ونيجي تاني نطلعك من هناك واهو تبق غيرتي جو بحق وحقيقي

وهانقول لهم ان ده كان برنامج مقالب

يقوموا يطلعوكي ...ياخدونا احنا

ها ايه راْيك بقى؟

واحنا هابقي معاهم

ههههههههههههههههه

انت فظيعةياروشة

بجد انت مستحيلة دمك شربات

والله كفاية تقعد معاكى جلستين بس وتبقى عال العال

شرقتينى مرتين ذنبى فى رقبتك

ماسورة الضحك عندى انفجرت تعالى بقى صلحيها

[عبير يونس]

ما ضحكتش يا روشة

و لا حتى ابتسمت

مع ان دايما شايفاكي زي العسل و دايما كنتي بتضحكيني

أنا مش حزينة

و لا متضايقة

انا مش عايزة اعمل أي حاجة

ومفيش حاجة مفرحاني

كل الحاجات اللي متعودة اعملها في حالات الزهق مش جايبة نتيجة

و هي نفسها بقت مملة

عارفة الحالة اللي لا تبقى عايزة تصحي و لا عايزة تنامي

كانت بتجيلي مرات

بس النهاردة بزيادة اوي

مش عايزة اخنقكوا معايا

اطلعوا أحسن من الموضوع

الحالة دي مُعدية

[عبير يونس]

بصي بأه يا بيرو ضحكنا كتير وهزرنا كتير

هأقولك علي الكلام الجد اللي لما بأكون زهقانة خالص بأعمله

بأخد جنب خالص وبأقعد لوحدي في البلكونة أو أي مكان منعزل هادئ وأتفرج علي السماء

وأقعد أصلي علي النبي صل الله عليه وسلم وأتخيل نفسي في حضرته وأكلمه

وبعدين الأمور بتتطور وأدعي ربنا وبألاقي الرحمة بتتنزل عليا والزهق بيضيع وطعم الحياة بيرجع تاني

حاولي جربي .... يمكن

كلامك صح طبعا

بس أنا مش زعلانة و لا مخنوقة

عايزة أغيّر كل حاجة في حياتي

عايزة أغيّر نفسي

عايزة حياة جديدة

معنديش أفكار

معنديش رؤى

مش عارفة أتخيل

كل حاجة ضربت

زي ما تقولي راسي اتملت أفكار لحد اما فرقعت زي البالونة

و تناثرت كلها

و معرفتش ألمها

ده انا حتى مش عايزة ألمها

:unsure:

[rewsha]

ماسورة الضحك عندى انفجرت تعالى بقى صلحيها

هند يا حبيبتي

اوعي يكون حد قاعد جنبك ويشوفك بالحاله دي

دول ما بيصدقوا

كده هايبقى عندنا بلحتين

والثالثه فور فري (for free)

هاديهم دريم عليكوا هديه

وابق خلصت منكم مره واحده .ولا اصلح مواسير ضحك ولا يحزنون .

________________________________________________________________

عبير

بصي

اعملي زي ما دريم قالت لك

اسمعي قران بصوت عالي شويه (حطي سماعات في ودنك)

او اقعدي ادعي ربنا وصلي على سيدنا محمد

______________________________________

بسسسسسسس

اقولك

روحي اعملي عمل خيري

اتصدقي بفلوس

زوري حد يتيم او غلبان او مسكين

زوري حد مريض

ولو ملاقيتيش حد غلبان انا ممكن اقوم بالدور ده

واهو تطبقي ايدك ب 50 جنيه وتديهالي (تنفع في تمن الجاتوه برضو)

[rewsha]

عبير

اخر حاجه هاقولهالك وهامشي علشان عندي عيد ميلاد النهارده

لو لقيتي نفسك مش عارفه تلمي افكارك

احسن حاجه انك ما تفكريش خالص ...صدقيني

لو حاولتي هاتتعبي

سيبيها وانا هاجي المها لك ...قصدي وهيه هاتتلم لوحدها

ادخلي املي البانيو ميه دافيه

حطي فيها شاور ريحته حلوه

ولو مش عندك حطي شامبو

بس اوعي تحطي كلور

ده خليه في الاخر

واخلي استرخي في الجو ده وممكن تشغلي موسيقى هاديه بره تسمعيها

[Howayda Ismail]

ماسورة الضحك عندى انفجرت تعالى بقى صلحيها

هند يا حبيبتي

اوعي يكون حد قاعد جنبك ويشوفك بالحاله دي

دول ما بيصدقوا

كده هايبقى عندنا بلحتين

اه طبعا حد قاعد جنبى البيج بوس ذات نفسه هههههههههه

بس هو عارف انى ضاربة اصلا فمبقاش يدق على

وبعدين مين يسمع كلامك ويقدر يمنع نفسه من الضحك

[rewsha]

2 عضو(اعضاء) يشاهدون هذا الموضوع

2 الاعضاء, 0 الزوار, 0 مجهولين

rewsha,se_ Elsyed

اهو

اهو

س س اهو

انا هاسلمه الميكريفون وامشي بقى

عاوزين افكار لوذعيه من بتاعتك يا ابو عمر

ههههههههههه

دريم هند

دبسته ومشيت لو حصل لي حاجه ابقوا اساْلوا عني

[se_ Elsyed]

بسم الله الرحمن الرحيم

متفق مع رأي تذكرة طيران يوم 24 جنوري .. وتنزلي تضربي 25 هناك .. وتشمي لك شوية غاز مسيل للدموع .. الدموع دي هاتغسل كل همومك .... أما عن الخراطيش ما أقولكيش .. وساعتها هاتكوني في السابع والولاده ساعتها ما فيهاش خطر إن شاء الله

لو بنت نسميها .. ثورة

لو واد نسميه ... ميدان

على فكرة اللي ما جربش الوجود في ميدان التحرير وهو مزدحم بالثوار .. فاته كتير قوي .. بجد حاجه كده زي شحن البطارية

وبُصي يا عبير .. لما تخرجي من الميدان سالمة يا سلامه .. تروحي الأوبرا وتحضري حفلة من اللي هناك ... وتاني يوم تروحي ساقية الصاوي .... وبالليل بقى ما اقولكيش على خروجة على الكورنيش والجو تلججججججججججججج والدنيا فاضية ..

اعمل لك إيه ما هو الحمل بتاعك ده مكتفني ومش عارف أفتكس حركات مجنونة ... يعني ما ينفعش أقول لك على عنوان نادي طيران شراعي في جده وتجربي تنطي بمظلة من على أرتفاع 1400 فرسخ ..

أو تأجري عجلة وتاخديها من القاهرة لحد شرم سواقة ...

بأقول لك إيه ... أولدي وقومي بالسلامة .. وخلال شهرين تلاتة هاحضر لك ييجي 100 فكرة تودي مستشفى المحانين

ييييييييييييييييييييييييييييييه .. ما هو هايبقى فيها بيبي ورضاعة وتسنين ...

بأقول لك إيه .. قومي شوحي لك حتتين لحمه وبطاطسيتين وكُليهم ونامي .... جننتيني حرام عليكي

[عبير يونس]

بسم الله الرحمن الرحيم

متفق مع رأي تذكرة طيران يوم 24 جنوري .. وتنزلي تضربي 25 هناك .. وتشمي لك شوية غاز مسيل للدموع .. الدموع دي هاتغسل كل همومك .... أما عن الخراطيش ما أقولكيش .. وساعتها هاتكوني في السابع والولاده ساعتها ما فيهاش خطر إن شاء الله

لو بنت نسميها .. ثورة

لو واد نسميه ... ميدان

على فكرة اللي ما جربش الوجود في ميدان التحرير وهو مزدحم بالثوار .. فاته كتير قوي .. بجد حاجه كده زي شحن البطارية

وبُصي يا عبير .. لما تخرجي من الميدان سالمة يا سلامه .. تروحي الأوبرا وتحضري حفلة من اللي هناك ... وتاني يوم تروحي ساقية الصاوي .... وبالليل بقى ما اقولكيش على خروجة على الكورنيش والجو تلججججججججججججج والدنيا فاضية ..

اعمل لك إيه ما هو الحمل بتاعك ده مكتفني ومش عارف أفتكس حركات مجنونة ... يعني ما ينفعش أقول لك على عنوان نادي طيران شراعي في جده وتجربي تنطي بمظلة من على أرتفاع 1400 فرسخ ..

أو تأجري عجلة وتاخديها من القاهرة لحد شرم سواقة ...

بأقول لك إيه ... أولدي وقومي بالسلامة .. وخلال شهرين تلاتة هاحضر لك ييجي 100 فكرة تودي مستشفى المحانين

ييييييييييييييييييييييييييييييه .. ما هو هايبقى فيها بيبي ورضاعة وتسنين ...

بأقول لك إيه .. قومي شوحي لك حتتين لحمه وبطاطسيتين وكُليهم ونامي .... جننتيني حرام عليكي

شكرا لتحالف قوى الشعب

brd::

[Dreamwithme]

رزقك في رجليك يا عبير يا بنتي

أفتح الفايسبوك ألاقي الحاج باولو كويلو بذات نفسه بيتكلم عن الملل

قلت ده عبير بقت إنترناشونال ياولاد

خدي بأه البوقين دول مخصوصي ليكي

الملل ليس في العالم

بل في الطريقـة التي نـرى بها العالم

لـ باولو كويلو

وخدي دي مني ليكي يا قمر

http://www.youtube.com/watch?v=gBmllvGDQU4

[عبير يونس]

رزقك في رجليك يا عبير يا بنتي

أفتح الفايسبوك ألاقي الحاج باولو كويلو بذات نفسه بيتكلم عن الملل

قلت ده عبير بقت إنترناشونال ياولاد

خدي بأه البوقين دول مخصوصي ليكي

الملل ليس في العالم

بل في الطريقـة التي نـرى بها العالم

لـ باولو كويلو

وخدي دي مني ليكي يا قمر

http://www.youtube.com/watch?v=gBmllvGDQU4

ده قانون الجذب يا جميل

انا فكيت من عبارة عمروخالد اللي انت حطتيها في موضوعك

آية تهتز لها الجبال ( أليس الله بكـاف عـبـده) أقولها لكل متعَب أرهقته الحياة طويلاً أقولها لكل من تعثر في طريق طلب الرزق أقولها لكل من كسِر خاطره وتأذت مشاعره

عمرو خالد

ميرسي بجد

انتي من أفضل أسلاك توصيل النور البشرية اللي قابلتهم في حياتي

اللهم زيدك نورا

أقبلي مني دي

http://www.youtube.com/watch?v=2PRfqJiAWlQ

[Folana]

السلام عليكم ورحمة الله..

إيه ده بقى؟؟

الملل راح بسرعة كده من تلات اربع مداخلات؟؟

ماينفعش كده ياعبير ..ماينفعش..

كده الملل والزهق والخنقة اللى عندك غير صحية بالمرة...الملل ده علشان يبقى ملل يملى العين كده لازم يقعد فى الجتة تلات اربع ايام بلياليهم...مش هوب انا زهقانة..هوب بقيت كويسة..تؤتؤتؤ...مابيصير .

ده أنا كنت مجهزة لك وصفة هايلة...بس خلاص بقى مالكيش نصيب...

نروح محل تانى ..

[عبير يونس]

السلام عليكم ورحمة الله..

إيه ده بقى؟؟

الملل راح بسرعة كده من تلات اربع مداخلات؟؟

ماينفعش كده ياعبير ..ماينفعش..

كده الملل والزهق والخنقة اللى عندك غير صحية بالمرة...الملل ده علشان يبقى ملل يملى العين كده لازم يقعد فى الجتة تلات اربع ايام بلياليهم...مش هوب انا زهقانة..هوب بقيت كويسة..تؤتؤتؤ...مابيصير .

ده أنا كنت مجهزة لك وصفة هايلة...بس خلاص بقى مالكيش نصيب...

نروح محل تانى ..

ما هوده قمة الملل

حتى مليت من الملل نفسه :blink:

أنا و لله الحمد مبعرفش أحزن

و لا أطيق الملل و الكآبة

ما يمشوش معايا خالص

انا باتلكك على أي حاجة تخلليني أفك

معرفش اقعد مكشرة

وفي عز ما أكون غضبانة اوحتى بأعيط

ممكن أقل حركة تخلليني انفجر من الضحك

طبيعتي دي اللي مخلياني لسه عايشة

و الا كان زماني من الأموات من زمان

و مع ذلك ما يضرش تقولي الوصفة

ممكن تنفع ناس تانية بيمروا بالحالة دي

و برضه ممكن استخدمها لو رجعتلي الحالة دي تاني

[عبير يونس]

بأشكر كل من شاركني الحالة دي

وآسفة اني كنت سبب عكننة لعدة ساعات

بس انتو عارفين ان هنا بيتي و أهلي

و دايما مفيش مكان تاني أجري عليه غير هنا في كل الحالات

صحيح ملقيتش الفكرة اللي تخلليني أصرخ و أقول : " وجدتها "

بس بقيت أحسن الحمد لله

ميرسي لكل من بعت لي طاقة محبة

سواء بالردود أو بمجرد الاهتمام و زيارة الموضوع

شكر خاص

لدريم

روشة

هند علي

سين سين

فولانة

تحياتي للجميع

[Dreamwithme]

ربنا يسعد قلبك علي طول يا بيرو

وربنا يخليكي ليا يارب ميرسي علي الأغنية الجميلة

[عنبو]

الشعور بالملل ده شىء طبيعى جدا فاكره موضوع فتفوته الله يمسيها بالخير بتاع الشعور البلاستيكى

احسن حاجه انك تنزلى مصر تغيرى جو وترجعى تانى ولو مش عاوزه تنزلى مصر يبقى تسافروا اى مكان يومين وترجعوا تانى السفر بيجدد نشاط الواحد بشكل كبير

اول لما برجع من السفر بقعد شهرين تمام قوى وشهرين كمان يبدا الملل يتسرب وشهرين كمان ببقى ملت بس خلاص بقول اخلص الشهرين وانزل اخدى اسبوع ولا حاجه وارجع تانى

وهكذا

[hOuSsAm]

روحى اغطسي

بس بعد ما النونو يجي مش دلوقتى

وساعتها هتحسى باكتر حاجة مجنونة عملتيها فى حياتك

فيه فى الزعودية ومصر زى متحبى

انزلى اول مرة 10 متر وتانى يوم 32 متر

-------------------------------------

نقطة ومن اول السطر تعالى هونا قولتى حسيتى بايه وبعد كدة نتكلم

--------------------------------------

فيه حاجة تانية اطلعى رحلة سفارى فى الصحرا الشاسعة اللى جنبك دى

يومين تلاتة ولو تعرفى تفلسعى العيال فى اى مكان وخيمة وعيشى الهدوء والروقان وشيلى من ايدك اى اجهزة تكنولوجيا سواء موبيل او كمبيوتر او نت وعيشى الخيال وتغذية الروح

انا هموت واعملها هنا بس اعرف طرقها وتامينها ازاى وهدوس عالطول

لو بصيتى على طريق جدة مكة هتلاقى ناس كتيرة مخيمة فى الصحرا ودماغهم فى السحاب

[pink rose]

الملل دا بقى العادي في حياتنا كلنا

و دا ناتج من الروتين اللي بنعيشه خصوصا في الغربة

نفس الحاجات بتحصل في نفس الوقت تقريبا كل يوم

دا غير بقى الزهق و الخنقة من العيال

لو عاوزة نصيحتي يا بيرو

شوفيلك حد ترمي (ايون بنفس اللفظ كده ترمي عنده العيال) و تاخدي جوزك و تطلعوا يومين على الامارات مثلا

و عيشي حياتك و انسي كل و اي حاجه

صدقيني لو كسرتي الروتين دا يومين اتنين بس هاتلاقي نفسك بقيتي زي الفل

لو مش هاينفع حوار السفر دا عشان الحمل

في جدة مكان تحفة كده اسمه موفينبيك النورس هو صحيح غالي بس و ايه يعني طالما دا هايخرجك من شعور الملل و الاحباط دا

احجزوا هناك يومين طبعا من غير العيال

ايه رأيك في المنظر ينسيكي نفسك مش بس الملل