في بيتنا جراد

[Sharkiah]

ولسه ها نشوف انحدار للطفرة الزراعية التي تميزت بها مصر في الاونه الاخيرة والتي منتظر ان نرجع لنقطة الصفر من جديد ودي ها تكون فعلا نهاية مصر

صح باماره القمح اللى بنستورده

مش مهم نستورد قمح المهم اننا بنصدر فواكه عشرات اضعاف قيمة القمح ولتميزنا في هذه النوعية من الزراعة وسيبنا زراعة القمح للي ظروفهم تناسب زراعة القمح

بقالنا سنين عمالين نسمع الكلام ده ونفسى أسأل سؤال واحد

هل هناك أرقام موثقه عن حجم إنتاجنا خلال الثمانينات والتسعينات والأربعه سنوات التى مرت حتى الآن من الألفيه الثالثه ؟ هل هناك أرقام موثقه عن صادراتنا من الفواكه خلال نفس الفتره ؟

نرجو التوضيح علشان نعلق على نور

لسنوات طويله عريضه والله لم أر ثمره فاكهه وحيده فى سوبر ماركت فى أى بلد من بلدان أوربا الغربيه ، شفت من البرازيل ومن تايلاند ومن الجابون ومن الكاميرون ومن ساحل العاج ، حيث أن ذكر بلد المصدر تقليد أوربى صارم ، حاجات زى المانجو والأناناس والكوكو والأفوكا والليتشى والبرقوق ، ولأجل الأمانه هى مره واحده واحد مصرى معرفش بأساليب بهلونيه دخل كونتينر مانجه عويسى معرفش إزاى ووقف يبيعه بالصندوق أمام مسجد جنيف بعد صلاه الجمعه وإللى ماباعهوش إداه لكام تادر لبنانى يصرفوه له

والله إن كل الناس هنا بتضرف كف بكف إزاى مثلا حاجه زى الموالح المصريه إلى فعلا من أجود وألذ الموالح فى العالم لم تدخل الأسواق الأوربيه

بالنسبه للمبيدات المسرطنه ، ماذا عن تقارير رسميه لجهات حكوميه متخصصه وغير متخصصه ذكرت بوضوح أن وزاره الزراعه إستوردت مبيدات تم وقف إستخدامها عالميا لثبوت تسببها فى الفشل الكلوى والسرطان ؟ وماذا عن تقارير تحدثت وضوح عن خطأ إستخدام مبيدات أخرى من حيث الكميه وأوقات الرش ؟

[Scorpion]

غادرت جحافل الجراد الأراضي المصرية و دقت اوتاد خيامها الان في اسرائيل .... فهل :

- اسرائيل ايضآ تعاني من التخلف و اللامبالاة التي نعاني منها ..

- يوسف والي هو ايضآ المسئول عن وزارة الزراعة الأسرائيلية..

- البطاطس الصهيونية طعمها افضل من مثيلتها المصرية...

- لا يملكون وسائل ارصاد مبكر تمنع عنهم المصيبة التي حلت علينا ..

- الأولياء اليهود غاضبين من بني صهيون لحيادهم عن بعض التعاليم...

- الحكومة الأسرائيلية تريد ان تلهي شعبها عن اثار الأنتفاضة...

اسئلة كثيرة تلف في رأسي ... و ستظل بلا اجوبة مثل كل الأسئلة الأخري ...

[se_ Elsyed]

اسئلة كثيرة تلف في رأسي ... و ستظل بلا اجوبة مثل كل الأسئلة الأخري ...

يا سكوربيون ياخويا الوضع عندنا يختلف ...

إحنا عارفين إن أي بلد في الدنيا بتكون عُرضة لمثل تلك الكوارث ...

لكن لما يطلع لك وزير الزراعة في الجرايد والتليفزيون من كام إسبوع وهو مستحمي وملمع نفسه ويقول بالفُم المليان إن كل شيء تمام وإن إحنا عملنا حسابنا في الحدود الغربية بتاعتنا وإن مافيش جرادة شايفة نفسها تقدر تهوب ناحيتنا ... وبرقبتي يا ريس ..

وفجأة نلاقي الجراد فوق دماغنا وكانه كان لابس طاقية الاخفاء وماحدش شافة وهو قاطع طريق مصر إسكندرية الصحراوي ومعدي على لجان المرور وبعدين عدى من البوابة اللي قبل كريزي ووتر .. وكل ده ماحدش كان شافه ...

وفي الأخر يطلع نفس وزير الزراعة بس المرة دي ماكنش مستحمي ويقولك معليش أصل إتجاة الريح هو السبب ويعيش في دور مراكبي ...

يبقى ده إيه .. مش كذب وتدليس برضوا ولا شطارة ؟

[Merci X]

انا ما شوفتش هجره اسراب جراد قبل كده ع الطبيعه , بس معقوله يكون بالمنظر الموجود في الصور الفظيعه دي ؟؟

وياتري حجم الجراده قد ايه ؟

انا لما شوفت الصور و تخيلت اني ممكن اكون قاعد وسط المشهد ده .. اكيد كنت هفتكره فيلم رعب ..

معلش اصل لسه الجراد ماوصلش عندنا .. شكله كده بيريح شويتين في الريست <_< :angry:

[kotoz9]

اسئلة كثيرة تلف في رأسي ... و ستظل بلا اجوبة مثل كل الأسئلة الأخري ...

يا سكوربيون ياخويا الوضع عندنا يختلف ...

إحنا عارفين إن أي بلد في الدنيا بتكون عُرضة لمثل تلك الكوارث ...

لكن لما يطلع لك وزير الزراعة في الجرايد والتليفزيون من كام إسبوع وهو مستحمي وملمع نفسه ويقول بالفُم المليان إن كل شيء تمام وإن إحنا عملنا حسابنا في الحدود الغربية بتاعتنا وإن مافيش جرادة شايفة نفسها تقدر تهوب ناحيتنا ... وبرقبتي يا ريس ..

وفجأة نلاقي الجراد فوق دماغنا وكانه كان لابس طاقية الاخفاء وماحدش شافة وهو قاطع طريق مصر إسكندرية الصحراوي ومعدي على لجان المرور وبعدين عدى من البوابة اللي قبل كريزي ووتر .. وكل ده ماحدش كان شافه ...

وفي الأخر يطلع نفس وزير الزراعة بس المرة دي ماكنش مستحمي ويقولك معليش أصل إتجاة الريح هو السبب ويعيش في دور مراكبي ...

يبقى ده إيه .. مش كذب وتدليس برضوا ولا شطارة ؟

هو هو نفس الكلام مفيش تغيير الحكومة اللى فاتت زى الحالية زى القادمة وحتفضل كدة على طول طلما نعيش فى عهد الحزب الوطنىوازهى عصور الديموقراطية

ربنا يخلى الجراد والسحابة السودة والتدهور الاقتصادى ووزراء الجراد والكنتلوب

[Tafshan]

مشكلة الجراد انه ظاهرة موسميه ، و طالما دخل الجراد معناه ان كل موسم الجراد ح يزيد و يبقى وباء صعب السيطره عليه ..

الجراد من اسباب المجاعات التي تصيب بعض الدول ..احنا فعلاً كان ناقصنا الجراد !!

[se_ Elsyed]

النهاردة أحد أصدقائي وصل من مصر وكان في أجازة قصيرة لقضاء العيد .. فقبل ما أسلم عليه وأسأله عن صحته وألاوده .. قولت له اخبار الجراد إيه ؟

ولإنه من دمنهور فقال لي لأ ماكنش عندنا جراد .. ولقيت لسه صاحي من النوم وعارف إن احمد الليثي بقى وزير زراعة بعد ما اتفلسع أدون يوشع بن والي .. فقالي تصور إن أحمد الليثي بقى وزير زراعه .. قولت له إصحى يابا إنت لسه عارف دلوقت .. قالي أيوه بس الغريب إنه إزاي يبقى وزير زراعة وهو حرامي أساساً ؟.. ده كان محافظ البحيرة وكانت سمعته زفت .. وبعدين ده هو كمان من البحيرة وأنا اعرفه وأعرف عيلته كويس .. ده حرامي يا س س !!!

فقولت له يا حبيبي هدي نفسك .. إنت كده قولت مختصر مفيد للـ CV بتاعته والمهارات دي هي اللي أهلته إنه يكون وزير ..

ده كان الحوار بالنص بيننا .

[bodi]

اقتباس

قولت له إصحى يابا إنت لسه عارف دلوقت .. قالي أيوه بس الغريب إنه إزاي يبقى وزير زراعة وهو حرامي أساساً ؟.. ده كان محافظ البحيرة وكانت سمعته زفت .. وبعدين ده هو كمان من البحيرة وأنا اعرفه وأعرف عيلته كويس .. ده حرامي يا س س !!!

فقولت له يا حبيبي هدي نفسك .. إنت كده قولت مختصر مفيد للـ CV بتاعته والمهارات دي هي اللي أهلته إنه يكون وزير ..

تحذير ل سي السيد بعدم ذكر الفاظ يعاقب عليها القانون <_<

[Katamando]

الخلاصة

من الواضح بما لا يدع مجال للشك أن هناك نسبة كبيرة من المسئولين لا تجيد التعامل الإعلامي مع الأحداث مما يتسبب في حدوث لبس في الفهم أو خطأ في اتخاذ القرارات من المستويات الدنيا أو بلبلة لدى رجل الشارع

[hamo90]

شعارنا " مصر البيت بيتك "

حمو

تم تعديل 23 نوفمبر 2004 بواسطة hamo90

[amir]

دبي، الإمارات العربية (CNN) -- أعلنت وزارة الزراعة السعودية الاثنين أنها عثرت على تجمعات للجراد الصحراوي الأحمر في موقع حدودي مع الأردن.

وقال الدكتور خالد الفهيد المدير العام للعلاقات العامة والإعلام الزراعي في الوزارة إنه تم إرسال فرقتين للقيام بعمليات المكافحة الفورية لأسراب الجراد، بينما يتم رصد تحركات الجراد القادم من الدول المجاورة للمملكة.

وأوضح أن عمليات المراقبة والاستكشاف مستمرة في جميع المناطق التي يتوقع وصول كميات الجراد اليها، بواسطة الفرق الأرضية، مشيرا الى إمكان تدخل الطائرات عند الحاجة، للمشاركة في أعمال المكافحة والاستكشاف في تلك المواقع.

وكانت أسراب من الجراد قد هاجمت العاصمة المصرية القاهرة، والمناطق المجاورة، الأربعاء الماضي، حملتها الرياح من مناطق الحدود الغربية.

وشكلت أسراب الجراد ما يشبه الغمامة في سماء القاهرة، قبل أن تختفي عند المساء.

وقالت وزارة الزراعة المصرية إن بعض أسراب الجراد الصحراوي دخلت البلاد من مناطق الساحل الشمالي الغربي قادمة من الحدود الليبية، وأنها أبيدت دون أن تتعرض الزراعات في هذه المناطق لأي خسائر.

وأجتاحت أسراب الجراد الأسبوع الماضي كلا من الأردن وإسرائيل، بعدما غزت بلدانا إفريقية وجزيرة قبرص أوائل السنة.

أما اليمنيون فيعدون للجراد استقبالا إحتفاليا، فيخرجون ليلا حاملين الفوانيس ويرددون الأناشيد في رحلة صيد يجمعون فيها الجراد في أكياس كبيرة.

ويفضل اليمنيون تناول الجراد بتحميصه في الافران أو بتمليحه ثم تركه معرضا للشمس حتى يجف ويتيبس بحيث يمكن تخزينه لأسابيع أو شهور. وهناك من يقوم بطهيه في الماء المغلي لأكله في اليوم نفسه.

[Mohammad Abouzied]

تم فصل المداخلات بزراعة القمح الى موضوع زراعة القمح والبدائل الاخرى في باب الاقتصاد

[فــيــروز]

فى جريدة الاهرام اليوم

خبر يفيد ان الاقمار الصناعيه بينت ان مصر ستصبح موطنا للجراد .. كده خبط لزق !! وكأن الجراد انضم الى السحابه السودا وصار قدرا مقدورا

لك الله يا مصر

[ابو يوسف]

سمعت أن الجراد بعد ما عدى على مصر و ملا بطنه راح لبنان علشان يغير جو .....

و طلع مسئول الزراعة البنانى يقول :

" لو أن مصر قامت بواجبها جيداً لمكافحة الجراد ما كان وصل السواحل البنانية !! "

الا يتشابه ذلك كثيراً مع ما يحدث الآن على الساحة العربية من اسراب الجراد الامريكى التى تجتاح المدينة تلو الأخرى ؟؟؟

و يذكرنى ذلك بمقطع من أغنية قديمة لمنير يتحدث فيها عن أمريكا و ما تفعله .. و المقطع على ما أذكر هو :

أصل الجراد أشكال و الوان

حاطط ع الأخضر بيحش

له ألف ماركة والف لسان

و كل يوم بيبدل وش !!!

جراد المارينز و الأباتشى و الB52 قادم قادم ...

كافحوه بالله عليكم !!

[Sharkiah]

هيا بنا‏..‏ نأكل الجراد‏!‏

بقلم‏:‏ دلال العطوي

طبق شهي ولذيذ وجديد‏,‏ أضيف قهرا إلي قائمة الطعام المصري‏,‏ وهو طبق الجراد المشوي بالزيت والليمون أو طاجن الجراد بالصلصة والفلفل الأخضر‏!!‏

فهكذا قال المتخصصون منا‏,‏ إن أكل الجراد هو مهمة قومية وواجب اجتماعي شرعي لنساعد الحكومة علي مواجهته والقضاء علي أسرابه والتخلص نهائيا من فلوله

هذه الفتوي تدعونا إلي الوقوف‏50‏ دقيقة حدادا علي كرامتنا‏,‏ وعزة أنفسنا‏,‏ وحظنا العاثر وهواننا علي الناس‏.‏ ان هذه الفتوي تستحق بجدية الدراسة والتحليل‏..‏ البعض يقول ولماذا التعجب والجراد يؤكل في المنطقة الآسيوية من العالم؟

ونحن نضيف‏..‏ وما سبب الغصة في الحناجر‏,‏ والضفادع تؤكل في فرنسا‏,‏ والصراصير تؤكل في آسيا؟

إذن علينا أن نأكل الجراد كمهمة قومية‏..‏ كل ما أخشاه هو أن يكون ذلك‏,‏ بداية لتطبيق سياسة جديدة هي أن نأكل كل ما يهاجمنا‏!!‏ وإذا كان الأمر كذلك فواجبي التنويه عن أطباق أخري جديدة سوف تنافس الأطباق المصرية الحالية مثل طبق السلعوة بالفتة والثوم‏,‏ التي ظهرت فجأة في سوق العطارين بالإسكندرية وهاجمت المواطنين وجرحت أكثر من‏112‏ منهم‏,‏ وأسراب الذباب المعتادة التي تهاجم المناطق التي تفتقر إلي النظافة الحقيقية وتقاسم المواطنين الحياة‏,‏ والكميات المهولة من الناموس التي تهاجم الناس بلا رحمة ولا هوادة والتي أصبحت الآن تمرح بكل أمان حتي في أرقي شوارع مصر‏.‏

[El-Masri]

بس الضفاضع والذباب والصراصير لا يجوز أكلها.

أنا أعرف إن الجراد يمكن أكله إسلامى، يعنى مش حرام. وبالفعل بيتاكل فى بلاد كتيرة إسلاميه، وبيحطوه كمان داخل الشيكولاته.

كل ما هنالك إننا عاوزين نخترع طبخه تخللى الجراد ده من أفضل الأطعمة. يعنى مثلا فى الغرب مالهمش فى الكبده وبيقرفوا من الكلاوى، ومبيحبوش البامية عشان مبيعرفوش الحاجات دى تتطبخ إزاى،أنا شفتهم هنا بيقطعوا البامية خضراء وبيحطوها مع السلاطه ربنا يقرفهم.

ونفس الحكاية بالنسبة للفول، أنا خليتهم هنا يجربوا طبق فول بالطحينه وماكنوش مصدقين إن ده فول، كانوا حيتجننوا عليه.

يبقى دلوقتى مهمتنا إننا ننتقل لباب المطبخ، ونجرب ونخترع لغاية ما نلاقى طريقة لطبخ الجراد، بعد كده بقى نبقى ناكله أونصدره.