اذهب إلى المحتوى
محاورات المصريين

في بيتنا رِوِشْ

Scorpion

بواسطة Scorpion
في دعوة للأبتسام

 مشاركة

Recommended Posts

Scorpion عضو جديد

Scorpion

بتاريخ:
بتاريخ:

- آلو

- إزيك يا سكوب

- أهلآ يا عيون سكوب .. عاملة ايه

- كويسة الحمد لله

- انا فاكر ما تخافيش ... مش هما برضه 17 سنة الحد اللي جاي

- بالظبط

- و ناويين تحتفلوا ازاي

- نسيبك يا سيدي طلع في دماغه اننا نعمل شهر عسل تاني و نسافرلنا اسبوعين بلد كده اسمها موريشيوس

- ده شيء رائع .. برافو عليكم

- المشكلة يا سكوب في الواد .. هو بيقول اننا رحلة زي دي مش معقول ناخده معانا

- طبعآ عنده حق .. و بعدين فين المشكلة .. ما ييجي عندي ... هو مش بيت خاله يبقي زي بيته

- انا كنت متأكدة انك حتقولها يا حبيبي .. ربنا يخليك ليا دايمآ ..

- آجي أخده امتي ...

- لأ ما تجيش .. و احنا رايحين المطار حنعدي عليك الأول نسيبه و بعدين نكمل أحنا

- ماشي يا ستي

- باي باي

- باي

كنت أعلم ان للحياة مراحل صعبة .. و لكني لم أكن أعلم اني سأمر بأصعبها .. بمرحلة المراهقة .. و لكنها ليست مراهقتي أنا.. و لكنها مراهقة ابن أختي الذي أتي ليقضي في بيتي اسبوعين ... و الذي قضاء ساعتين فقط معه .. يجعلك تنتهي بارتداء بربطوز و التوجه الي تنظيم المرور بميدان الموسكي ....

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
  • الردود 46
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

عنبو
عنبو

بجد الله ينور عليك اسلوبك اكثر من رائع ياريت تكمل علشان نشوف نهاية الروشين وبالنسبه لموضوع البلاستيشن ده حصل مع واحد قريبى بس مكنتش انا اللى بلعب كان اخويا حاجه كده نص روش تحايتى لك الكيمائى الروش

Scorpion
Scorpion

للبيع لدواعي صدة نفس طارئة و بسعر مغري : سندوتش هامبورجر شبه جديد ناقص منه قطمتين بس كيس بطاطس محمرة بحالته جردل كوكاكولا بجميع كمالياته ( شفاطة جديدة .. تلج مكعب) الوسطاء يمتنعون خصم 30

Scorpion عضو جديد

Scorpion

بتاريخ:
  • كاتب الموضوع
بتاريخ:
ربنا يعينك يا سكوب

بس ابقى احكيلنا ع اللى يحصل

اصل حكاية الروشنة دى مشكلة :roseop:

لأ يا مدام دودي ... دي قصة من وحي الخيال ... بس مصادرها انا شفتهم في الحقيقة و في بيئتهم الطبيعية ... حيث ان المراهقين يعيشون في قطعان باماكن محددة بوسط افريقيا حيث تكثر مراعي الكلأ أو في شمال أوربا حيث تكثر فضلات النورس ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
doudy عضو جديد

doudy

بتاريخ:
بتاريخ:
ربنا يعينك يا سكوب

بس ابقى احكيلنا ع اللى يحصل

اصل حكاية الروشنة دى مشكلة :roseop:

لأ يا مدام دودي ... دي قصة من وحي الخيال ... بس مصادرها انا شفتهم في الحقيقة و في بيئتهم الطبيعية ... حيث ان المراهقين يعيشون في قطعان باماكن محددة بوسط افريقيا حيث تكثر مراعي الكلأ أو في شمال أوربا حيث تكثر فضلات النورس ...

كدة برضه يا سكوب تعملها فيا

دنا قلت بقى ابن اختك و انت هتعملوا فيلم

كله مقالب و حركات زى home alone

يلا معلش تتعوض فى مقلب تانى :blush2:

3402924cfb.gif
رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

وعلى ذكر الخيال....وحتى يمتعنا سكوربيون بباقى مغامرته الحزينة....تخيلت الأتى :

سكوب: يافتاح ياعليم...مين اللى بيخبط على الصبح؟؟

591236421.jpg

يانهار مش فايت ده كوكو ابن أختى !!!!

236269461.jpg

وبيفتح الباب لقى كوكو فى وشه

814841760.jpg

افتكرت كل اللى حيتعمل فىَ وصعبت علىَ نفسى

441055320.jpg

حيشرب العصير بتاع جونيير

479084412.jpg

وحيقعد يستحمى طوووول اليوم

231309486.jpg

أنا خلالالاص مش شايف قدامى

921620103.jpg

رحمتــــك ياررررب

914204397.jpg

أنا لازم أعمل خطة وأنتقم منه علشان يزهق

139205694.jpg

وأرجع أنام فى هدوووووووووووء

351934052.jpg

كان الله فى العون يا سكوب......ماتتأخرش علينا بباقى المغامرة

:rolleyes:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
mandoo عضو جديد

mandoo

بتاريخ:
بتاريخ:

والله يافولانة هانم إنتى مش ممكن :rolleyes: غلبتى أكبر مخرجى السينما فى التاريخ المعاصر ، يجى إيه حسن الإمام ويوسف شاهين جنب عبقريتك bv:-

رابط هذا التعليق
شارك
Scorpion عضو جديد

Scorpion

بتاريخ:
  • كاتب الموضوع
بتاريخ:

بصراحة .. مجموعة في غاية الروعة يا مدام فولانة ... دول سيناريو لوحدهم .. خلوا اللي معايا بعد الترجمة يفيصوا علي نفسهم من الضحك .... و خصوصآ بتاعت و انا بطلب الرحمة من ربنا ....

Very Very Coooooool

:roseop:

نرجع بقي لموحة .. ابن أختي الخيالي .. اللي هو شخصية موجودة فعلآ بس علشان ما زعلش اصحابي مني لبسته فيها ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
Scorpion عضو جديد

Scorpion

بتاريخ:
  • كاتب الموضوع
بتاريخ:

بالرغم من اني اتزاور بصفة مستمرة مع أختي .. و لكنني لا أتذكر آخر مرة رايت ابنها موحة .. فهو شأن كل المراهقين قليل الكلام مع أهله ... و لا يشترك في الزيارات العائلية ...منطوي علي نفسه و يقضي معظم وقته اما في غرفته او في صحبة بقية القطيع ....

و لكن فجأة أصبحنا مجبرين أن نتعايش معآ لفترة ليست قصيرة ..

سافرت أختي و ظهر في حياتي هذا الكائن ..... أول ما لفت نظري بشدة اليه ان ملامح وجهه أختفت وراء حبوب و ثقوب كثيرة ... كثيرة ... كثيرة جدآ .... لا أدري لمذا قفز الي ذهني بشدة خليط من مشاهد مرتبطة بهذا الوجه ... فيلم Nightmare ... و فيلم وثائقي عن كوكب المريخ أثناء عاصفة نيزكية ... و سندوتش جبنة سويسري ...

ما علينا ...

لم أنتهي من التمعن في وجهه حتي لفت نظري مباشرة شيئآ آخر .. التي شيرت الذي يرتديه ... الذي كان يكون هارمونية متكاملة مع وجهه .. الوانه الزاعقة أذت عيني لدرجة التفكير في ارتداء نظارة لحامي الأوكسجين كي استطيع أن اتحملها ...و لم استطع أن أمنع نفسي من أن أسأله :

- علي الأقل التي شيرت ما نقدرش نلاقيله حل ؟؟

لحظة سكوت من موحة يحاول ان يفهم ما أقصده ثم لمعت عينه و قال :

- أنا جربت الكلور مرة يا خالو .. بس الفانلات بتبيَّض خالص

أيقنت تمامآ بعد هذا الرد انه من العبث المحاولة .. فلقد استولت الثقوب التي في وجهه علي عقله أيضآ ....

و لكن بما أني خاله .. فلقد ابتسمت و حاولت ان اتغاضي عن هذا ال تي شيرت .. و لكن ما ان فعلت حتي وقعت عيني بدون شعور علي حذائه ... حذائه !!! انه لا ينتمي الي عالم الأحذية علي الأطلاق ... هل لاحظتم أحذية المراهقين ؟؟ ... انها في غاية الضخامة .. جدآ ... بيادة الجيش التي كنا نرتديها تعتبر شبشب زنوبة بالقياس لما يرتدوه الآن ... لا أعتقد انهم يشتروها حسب المقاس .. 42 .. 44 .. 46 ... اطلاقآ ... بالقطع تلك أحذية يتم قياسها بالمتر المربع ... و لا تستطيع ان تتركها في ركن ما بالمنزل او تحت السرير .. و لكن يجب أن تتركها بالجراج ليلآ ... أعتقد اني آخر مرة رأيت شيئآ مشابهآ كان في فيلم لارنولد شوارزنيجر اسمه terminator ...

ما علينا ...

ما هذا الشيء الذي يغطي نصف وجهه ..

لا أستطيع وصف تلك النظارة الشمسية التي كان يرتديها ... نظارة شمسية صفراء بيضلوية بذراع أخضر مفرغ .. و كأني أشاهد ذبابة مصابة بالرمد ..

- ايه النضارة اللي انت لابسها دي ؟؟

- مالها يا خالو .. دي نضارة Lloyd Burchel

- مين ؟؟؟

- بورشيل

- بيبيع ايه ده ؟؟

- ده مغني روك يا خالو

- يعني النضارة دي بتاعت لللالو برسيم

- ايوه

- رجعهاله .. رجعهاله و انا اشتريلك جوز نضارات محترمين و ماركة كمان لو عايز ... و بالمرة لما ترجعهاله ابقي اديله التي شيرت اللي عليك ...

- ده تي شيرت Alice Cooper

- بتاع روك ده راخر ...

( بنفاذ صبر ) : ايوه يا خالو

- مافيش حاجة عليك بتاعتك انت ؟؟؟

- المحفظة اللي معايا بتاعتي .. بس فاضية .. معكش 20 جنيه سلف ؟؟

يا ابن الأيه يا حريف .. الواد زنقني ... لكن علي مين .. احسن حاجة اطنش و ما خشش معاه في نقاشات و لا أسأله اي سؤال بعد كده .. و الا علي نهاية الأسبوعين لازم اطلب قرض من البنك ...

و لكن عينيا وقعت علي البنطلون اللي هو لابسه .. و ما اقدرتش اسكت ....

- شوف يا موحة .. حديك خمسين جنيه و روح اشتريلك بنطلون جديد ....

أصل ده مش ممكن يكون أبدآ بنطلون ... الحاجة الوحيدة اللي ليه علاقة ببنطلون في اللي هو لابسه انه فيه جيوب و سوستة ... الباقي !!!!

مساحة مترامية الأطراف عبارة عن قطع عند الركبة تخللي التفكير بس في ان البنطلون ده بيحمي من البرد زي التفكير في تعيين فرد أمن مركزي مكان البرادعي في هيئة الطاقة النووية ... و ده اصغر قطع فيك يا بنطلون ... اشبهه بايه ... مش عارف والله ..

ده التقاطيع اللي بتفضل علي وشي بعد ما بحلق دقني الصبح أقل بمراحل من التقاطيع اللي موجودة في البنطلون ده ...

ما مسكتش نفسي و ندهت لمراتي :

- من فضلك يا أم جونيور يا ريت لما تخلصي تبقي تخيطي اللي متقطع في بنطلون موحة ...

و كأني نطقت كفرآ ...

- أنت بتقول ايه يا خالو .... ده انا دافع في البنطلون ده الدوبل علشان متقطع بالشكل ده ....

- دافع فيه الدوبل .. أنت أهبل يالاه ....

- يا خالو ده بنطلون جينز ماركة عالمية ... signé

- سينييه دي مش يعني ممضي

- أيوه

- ممضي من واحد ما بيعرفش يكتب ... و استخدم الختم بتاعه و لدعك علي قفاك بيه ... يا ابني دي الخروم فيه اكتر من القماش ...

- يا خالو كل ما الخروم بتزيد في البنطلون كل ما تمنه بيغلي أكتر .. دي الموضة ..

و استمر حوار الأجيال هذا لفترة أبتدأت أفقد أعصابي فيها بسرعة رهيبة ... الي أن توقف موحة عن الجدال و سألني :

- و الخمسين جنيه اللي انت وعدتني بيهم ؟؟؟

في تلك اللحظة لم أتمالك نفسي ... و أمسكت ورقة ب عشرة جنيهات .. و أعملت فيها تقطيعآ بصورة عشوائية ثم أعطيتها له باسمآ ...

- ايه ده يا خالو .. دي ورقة بعشرة جنيه و كمان مقطعة ...

- بجد ؟؟ لكن كل الخروم اللي فيها دي حتخليها تساوي مش أقل من خمسين جنيه ... ياللا .... هييييص ...

و تركته متوجهآ الي غرفتي و علي وجههي ابتسامة الأنتصار ....

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:
في تلك اللحظة لم أتمالك نفسي ... و أمسكت ورقة ب عشرة جنيهات .. و أعملت فيها تقطيعآ بصورة عشوائية ثم أعطيتها له باسمآ ...

- ايه ده يا خالو .. دي ورقة بعشرة جنيه و كمان مقطعة ...

- بجد ؟؟ لكن كل الخروم اللي فيها دي حتخليها تساوي مش أقل من خمسين جنيه ... ياللا .... هييييص ...

و تركته متوجهآ الي غرفتي و علي وجههي ابتسامة الأنتصار ....

ملعوبة ياريس ، طيب خمسة جنيه كانت كفاية :roseop::roseop:

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Scorpion عضو جديد

Scorpion

بتاريخ:
  • كاتب الموضوع
بتاريخ:

لأ يا محمد باشا .. أصلها كانت عشرة جنيه متبهدلة أساسآ .. و الرقم المسلسل طاير نصه و كان بقالي شهر حاططها في جيبي احاول اصرفها و مافيش جنس بني آدم كان بيقبلها مني ...

نرجع لسي موحة ...

اول شيء قدرت افهمه من شخصيته انه مغرم بالتكنولوجيا و الأدوات الأليكترونية ... لأن أول استفسارات عملها كانت حوالين النقطة دي بالتحديد ...

- خالو ... عندك اشتراك في الآر تي

- blink.gif هه ؟

- اشتراك في الآر تي

- لأ .. عندي اشتراك في نادي اسكو

- لأ يا خالو .. آر تي .. التليفزيون .. البرامج المشفرة ... و كده يعني

- لأ يا حبيبي .. ما كانش يتعز

- طيب عندك دي اس ال ... اشتراك في تي داتا ....

- و بعدين بقي في اليوم الأغبر ده ... لأ يا سيدي ما عنديش

- ( بقرف شديد ) عندكم كومبيوتر يا خالو

- آه .. في اوضة ابن خالك فيه كومبيوتر .. بس حتشوف حلمة ودنك قبل ما حيخليك تلمسه ...

- طب عندكم ....

و قبل أن يكمل الجملة قلت له ...

- شوف يا موحة .. انا ما عنديش حاجة من كل اللي بتقوله ده .. بس أوضتك بتبص علي بلكونة بنت الجيران اللي في سنك كده ..

- ممم ... يبقي نقعد ...

ابتسمت ... لأني أفتكرت المثل اللي بيقول التكنولوجيا هي التكنولوجيا .. لكن لما تيجي الست تغور التكنولوجيا ... ( هو المثل مش كده برضه ؟؟!! :rolleyes: )

لكن ده ما ممنعش اني بعد يومين بالظبط البيت عندي اتحول لمركز تحكم هيئة الناسا الفضائية ... هي كانت ديتها مشوار لحد بيتهم و رجع بكومبيوتورين حطهم في أوضته .... تليفزيون بشاشة مهولة في اوضة الصالون .... طبق ساتيلايت في البلكونة مكان قصرية الزرع اللي فيها شجرة الياسمين ...

- يا القصرية يا الطبق ... الياسمين بيشوشر علي استقبال قناة الأهلي ...

( و كمان أهلاوي !!!! انا عملت ايه بس يا رب )

حاجة كده عاملة زي فتيس العربية قاللي ان اسمها جوي ستيك اتركب علي اي حاجة فيها شاشة في البيت .. حتي علي فرن المايكرويف ... خرم حيطان علشان يعدي اسلاك تليفون و توصيلات الكترونية مش فاهم منها حاجة ... شال صورة فرح ابوه و امه و حط مكانها بوستر لواحد اسمه بوب مارلي !!

ما علينا ... الحق مش عليه .. لأني كنت لازم أعرف ان ده اللي حيحصل من ساعة ما أمه حذرتني قبل ما تسافر .. دي و هي بتوصيني قالتلي بالحرف :

- خد بالك يا سكوب ... موحة وقته بيضيعه كله عالتليفون او قدام التليفزيون او قدام الكومبيوتر .. و عادة التلات حاجات مع بعض في نفس الوقت ..

- كفاية اني ما حطلوش التلات حاجات جنب بعض ...

- علي كيفك .. بس ما تخليهوش يقعد طول النهار قدام الكومبيوتر .. احسن بعد فترة حتلاقي نفسك عايز تربط ايديه .. مش من تكتكة الكيبورد لأ ... ده من فاتورة التليفون اللي حتوصلك و بعدين تزعل مني أنا .... و ما أوصكش ما تخليهوش يقعد كتير قدام التليفزيون لا يتلحس مخه ....

عارفين .. بعد ما تعايشت معاه فترة .. جاتلي رغبة شديدة اني احطله تليفزيون في كل اوضة و أجبره انه يتفرج عليهم 24 ساعة في اليوم ... لأن مخه مش ممكن يتلحس أكتر من كده .. و احتمال يرجع بني آدم طبيعي ...

من كام يوم دخلت أوضته فجأة .. لقيته بيتفرج علي ماتش بين البرازيل و قبرص ... فحاولت ان ابدأ حوار معاه ... حاجة كده تشبه حوارات زمان مابين الخال و ابن اخته ... حاولت آخد و آدي معاه ... و سألته :

- تعرف البرازيل دي فين يا موحة ؟؟

- وحياتك اسكت يا خالو مش عارف أَرَكِز

قالهالي بعصبية و عنف لدرجة اني فكرت بجدية اني افتح الدولاب و امسك اول شماعة الاقيها اعلمه بيها الأدب.. و بعدين فكرت في اختي .. و انها كلها كام يوم و حيرجع بيت ابوه و ديه مشكلتهم .. و ان مش بالعنف و العقاب البدني ممكن تتطلع بنتيجة مع مراهقين اليومين دول ... قمت طنشت و قعدت جنبه اتفرج عالماتش ...

الغريب بقي ان البرازيل بكل اللعيبة المشهورين دول اللي بيلعبوا كانت خسرانة 4 صفر من فريق قبرص اللي ماعرفش اي لاعب منهم ... عالعموم علشان اوفر علي نفسي ردود زبالة منه .. قعدت اتفرج و انا ساكت من غير ما اسأل او استعجب ... ما فيش خمس دقايق .. و قام الباشا قايم و راح الحمام .. و فجأة اللعيبة كلهم وقفوا و قعدوا يباصوا الكور لبعض ... تيك ... تاك.... تيك... تاك ... و هما بيبتسموا و فرحانين ...

شوف يا خويا اللعيبة .. خسرانين 4 صفر و عمالين يتدلعوا كأنهم فريق كفر ابو مبروك مش البرااااازيل ....

أول ما رجع قلتله : ما فاتكش حاجة ...

لكن أول ما قعد ابتدوا يلعبوا جد زي الأول !!! blink.gif

مافيش 5 دقايق و قام تاني علشان يشرب .. و الباصات الهبلة بتاعت التيك تاك رجعت من أول و جديد ... ده ماتش ايه ده يا جدعان .. في حياتي ما شفتش حاجة كده .. ده باليه بحيرة البجع فيه حياة اكتر من كده ....

لكن أول ما رجع رجعوا هما كمان يلعبوا زي المجانين ... بصراحة انا ساعتها جسمي قشعر من الرعب ...

و بعدين ابتديت افكر .. لو حد لاحظ اللي بيحصل ده ... لو حد لاحظ ان كل مرة بيقوم فيها الماتش بيقف .. حتخلص ان الملايين حيتصلوا بيا و يقولولي : " قول لهباب الطين ده يتهد و الا الماتش حيخلص بعد اسبوعين " ...

بعد 3 ساعات من اللعب من غير ما الحكم يفكر حتي انه يصفر .. و النتيجة 27 ل 15 .. و بتوع قبرص لسه بيجروا زي العفاريت ... ما مسكتش نفسي و قلتله :

- حريفة قوي بتوع قبرص دول ... لكن لو عملوهلم تحليل بول بعد الماتش أكيد حيتلغي لأن أثار المنشطات واضحة قوي عليهم ...

مرة تانية الماتش وقف ... و موحة قعد يبصلي بعمق كأنه قدام الهنيدي و هو بيمثل دور هاملت ...

- أنت بتهزر يا خالو .... انته فاكره ماتش بحق و حقيقي ... ده بلاي ستيشين .. و هز صندوق اسود صغير في ايده

- بلاي ستيشين .. اللعيبة بيجروا بالشكل ده بالبلايستشين دي

- ايوه يا خالو .. مالك

- يا سلام .. طب ما يدوها لحسن شحاتة و احنا كاس العالم مش بس حنوصلله .. ده احنا مليون في الميه حناخده كمان ..

و قمت و انا بضرب كف بكف .. و رحت نمت ... و مباشرة ابتدت الكوابيس تهاجمني ...

شفت مني الشاذلي بتسألني : رايح فين يا سكوب ؟؟

- المطبخ

- طب استني لحظة واحدة ... اعزائي المشاهدين .. حنستني سكوب يخلَّص سندوتش الجبنة الرومي اللي بيعمله و بعدين نكمل البرنامج ..

و في وسط نشرة الأخبار فجأة يظهر اعلان في وسط الشاشة : نعتذر عن مواصلة النشرة و سنواصل تقديمها فور عودة سكوب من الحمام عافاكم الله ...

و لما ارجع .. الاقي المذيعة متزربنة و تقعد تشخط فيا : " يا أستاذ سكوب ما ينفعش كده .. شوفلك حل في موضوع الإسهال اللي ماسكك ده ..."

و في مطار القاهرة حسن شحاتة قال في الحديث الصحفي ان خروج مصر من كاس القارات كان سببه الوحيد هو قيام سكوب من قدام التليفزيون كل مرة اللعيبة بيصولوا للجون مما سببلهم ارتباك مستمر "

و فجأة صحيت و انا غرقان في عرقي علي أم جونيور و هي بتهزني و بتقوللي :

- سكوب ... الأستاذ لطفي عايز يكلمك

- لطفي مين ؟؟

- ابو البنت حنان بتاعت البلكونة اللي قصادنا ...

unsure.gif

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
Salwa عضو جديد

Salwa

بتاريخ:
بتاريخ:

بجد يعنى ...

عاوزة اقول كلام كتير قوى .. ...كله جميل .

لكن؟؟

مؤقتا يعنى نقول ..

الله ينور عليك ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
Scorpion عضو جديد

Scorpion

بتاريخ:
  • كاتب الموضوع
بتاريخ:

ربنا يجبر بخاطرك يا مدام سلوي ياللي رافعة دايمآ روحي المعدنية ....

:closedeyes: :closedeyes:

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
زهرة الجبل عضو جديد

زهرة الجبل

بتاريخ:
بتاريخ:

الأخ الكريم سكربيون

أضحك الله سنك ..

أسلوب حضرتك جميل جداً و فكاهي جداً و ممتع للغايه

تسجيل متابعه

دمت بخير

أم كريم

n4hr_13490737523.jpg

رابط هذا التعليق
شارك
زهرة الجبل عضو جديد

زهرة الجبل

بتاريخ:
بتاريخ: (معدل)
السلام عليكم ورحمة الله....

وعلى ذكر الخيال....وحتى يمتعنا سكوربيون بباقى مغامرته الحزينة....تخيلت الأتى :

سكوب: يافتاح ياعليم...مين اللى بيخبط على الصبح؟؟

591236421.jpg

يانهار مش فايت ده كوكو ابن أختى !!!!

236269461.jpg

وبيفتح الباب لقى كوكو فى وشه

814841760.jpg

افتكرت كل اللى حيتعمل فىَ وصعبت علىَ نفسى

441055320.jpg

حيشرب العصير بتاع جونيير

479084412.jpg

وحيقعد يستحمى طوووول اليوم

231309486.jpg

أنا خلالالاص مش شايف قدامى

921620103.jpg

رحمتــــك ياررررب

914204397.jpg

أنا لازم أعمل خطة وأنتقم منه علشان يزهق

139205694.jpg

وأرجع أنام فى هدوووووووووووء

351934052.jpg

كان الله فى العون يا سكوب......ماتتأخرش علينا بباقى المغامرة

:roseop:

*

*

الأخت الكريمه فلانه

بجد سيناريو محصلش

الصور في منتهى الطعامه .. و سيناريو تنسيقهم خفيف الدم لأبعد حد

أدام الله عليكِ خفة ظلك و فكاهتك

و دمتِ في حفظ الرحمن

أم كريم

تم تعديل بواسطة زهرة الجبل

n4hr_13490737523.jpg

رابط هذا التعليق
شارك
عنبو عضو جديد

عنبو

بتاريخ:
بتاريخ:

بجد الله ينور عليك اسلوبك اكثر من رائع ياريت تكمل علشان نشوف نهاية الروشين

وبالنسبه لموضوع البلاستيشن ده حصل مع واحد قريبى بس مكنتش انا اللى بلعب كان اخويا حاجه كده نص روش

تحايتى لك الكيمائى الروش سابقاً

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

الاعزاء....

mandoo......ربنا يبارك لك..ما اتحرمش من ذوقك

سكوربيون......دى محاولة يائسة منى ...يمكن اقدر أجارى أسلوبك المميز جدا فى رسم البسمة على شفاه الاعضاء....

الغالية زهرة الجبل...كلماتك أسعدتنى والله....متشكرة وربنا يعزك ويبارك فيك وفى أسرتك ان شاء الله

ومرة اخرى...سكوب....

والله أنا ضحكت النهاردة بما يكفينى لاسبوع كمان لحد ماتحن وتكمل المغامرة....يعنى معاك سبع أيام تمدنا فيهم بمخزون استراتيجى للضحك فى الايام الحر دى...

بقى طلع بلاى ستيشن بقى...... :)

طيب ما تتأخرش علينا علشان الارسال متوقف فى الموضوع لحد ماتطلع من الحمام...

:lol: :)

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
زهرة الجبل عضو جديد

زهرة الجبل

بتاريخ:
بتاريخ:

أخشى كل ما أخشاه أن يكون المثل القائل : (( يعملوها الصغار و يقعوا فيها الكبار )) قد إنطبق هنا !!!

و فجأة صحيت و انا غرقان في عرقي علي أم جونيور و هي بتهزني و بتقوللي :

- سكوب ... الأستاذ لطفي عايز يكلمك

- لطفي مين ؟؟

- ابو البنت حنان بتاعت البلكونة اللي قصادنا ...

الأخ الفاضل سكربيون

كانت هذه الفقره هي آخر ما وصلنا من مغامرتك الشيقه

منذ ستة أيام و نحن ننتظر البقيه و لا جديد تحت الشمس .. عنك أو عن المشاغب الصغير

و بسؤال المدعو أ / لطفي .. قال : ((كانوا كلمتين بصفه وديه و لم أره من بعدهم ))

يا رب يكون المانع من ظهور حضرتك من وقتها للآن خيراً

(( مش عارفه ليه قلقانه من الأستاذ لطفي .. و ربنا يستر ))

n4hr_13490737523.jpg

رابط هذا التعليق
شارك
mffaswan عضو جديد

mffaswan

بتاريخ:
بتاريخ: (معدل)

هههههههههههههههههههههههههههههه

أيه ده يا سكوب .. ماشاء الله .. :lol: :lol: :lol:

كأنك بتحكي حكايتي مع إبن خالي .. مش أبن أختي .. و إن كان إبن أختي ماشي على طريق الروشنة ..ليتحول إلى روش .. اللهم لا تنولهم مرادهم يارب !!

مشكلتي الكبري هي قطيع الروشين اللي كانوا بيقعدوا على شارع الكورنيش في أسوان .. تلاقيهم عايشين حياتهم بكل خفة و مزاج .. أكل و شرب و تدخين .. و أحياناً هزار بوابين .. يعني تلاقي فردين من القطيع بيجروا ورا بعض كأنهم حمير وحشية .. بتفر من أسد !! و فجأة يروح مديله مقص !! يقع التاني على بوزه .. و العجيب .. إستمرار الضحك من الأتنين !! :ninja:

أو تلاقي مثلاً أحد افراد هذا القطيع .. ماسك واحد تاني و لاوي دراعه على الأخر .. و الملوي دراعه ده ياولداه عمال يضحك ووشه أحمر من كتر ما هو متألم .. و مع ذلك بيضحك !! wst::

و أسواء شيء .. البقايا اللي بتفضل وراهم .. علب سجاير .. بقايا أكل .. علب بيبسي و عصير .. و مناديل و لب و قشر سوداني .. :sad:

فعلاً .. كان الله في عون أهالي هؤلاء !!

و الحمد لله إننا كنا مش روشين !!

منتظر أعرف ذ لطفي جاي يتكلم كلمتين بهدوء زي ما أختنا زهرة الجبل متوقعة .. ولا جاي و جايب معاه اتنين معاهم شوم .. :rolleyes:

ربنا يستر !!

تم تعديل بواسطة mffaswan

(يَوْمَ يَبْعَثُهُمُ اللَّهُ جَمِيعًا فَيُنَبِّئُهُم بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ) - المجادلة ٦

رابط هذا التعليق
شارك
  • بعد 2 أسابيع...
زهرة الجبل عضو جديد

زهرة الجبل

بتاريخ:
بتاريخ:

أنا شايفه الأخ الفاضل سكربيون موجود في الموقع الحمد لله

حمداً لله على سلامتك أخي الكريم

و بصراحه أنا أكتب هذه المشاركه لأتساءل في هدوء : ترى هل جئتنا ببقية المغامره ؟

أم أن الأستاذ لطفي إستصدر حكماً بمنع نشر التفاصيل لحين البت في القضيه ؟

سننتظر التتمه

دمت بخير

أم كريم

n4hr_13490737523.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] هوس الموبايل والانعزال والعنف أبرز مشاكل المرحلة فى بيتنا «مراهق»
      تطورت ظروف الحياة وتعقدت معها فترة المراهقة التى يمر بها أبناؤنا مما زاد الأعباء على أولياء الأمور لمواجهة تحعرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]لعنة الثانوية العامة أصابتها فى بيتنا رابعة ابتدائى
      بعد عامين من السكون التام وتعطل الدراسة بسبب الوباء العالمى كوفيد- 19 فوجئ طلاب الصف الرابع الابتدائى بتقريرعرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]فى بيتنا «منحة» وليست «محنة» «سما» أيقونة الجمال لأولادنا ذوى القدرات الخاصة
      فى كل مرة وفى كل مقال هنتكلم فيها مع بعض عن لحظة سعادة ممكن تكون اللحظة دى فيها سعادة لكل إللى حواليك وتك عرض المقال كاملاً

      بواسطة News Bot
      كُتب

    • Salwa
      8
      في بيتنا مريض سيلياك.
      تحية طيبة وسلاما. اتحدث معكم اليوم عن موضوع مهم جدااا .. اتحدث عن صحة اطفالنا وهل يحصلون فى مصر على الرعاية والعناية المطلوبة؟ لن اتحدث - الآن- عن تجربة شخصية...لكني سوف انقل لكم نبذة عن ما اريد توضيحه وبعض آراء المختصين. ثم..اتمني حقيقة معرفة آرائكم. شكرا لكم. ---------------------------------------- http://masreiat.com/opinion/2016/03/12/34608 إيمان البلشي تكتب: عزيزى مريض السيلياك إنت غير مسموح لك بالحياه في مصر لو كنت مريض بالسيلياك بلاد الله واسعه بس مصر لأ ولو

      بواسطة Salwa
      كُتب

    • fatfouta
      33
      زغروطة حلوة رنت فى بيتنا...... لووووووولى
      قلبى ....يا قلبى .......يا قلبى ....قلبى فرحان جداااا عشان انا كنت مستنية اليوم ده اللى اهنيها فيه بخطوبة بنوتتها حبيبتنا كوووووووولنا ........قلب ابيض تم بحمد الله خطبة الآنسة.....بنت قلب ابيض الكبيرة واول فرحتها...... ويارب عقبال اخواتها الاربعة يااااااارب عشان هى عندها خمس قطاقيط........خمسة وخميسة النهاردة الخمسة ربنا يسعدها ويتمملها بخير وانا برضو اللى افتح توبيك زفافها من ورا امها برضو كده وياللا يا حبايب زغروطة حلوة :wub: :) استنى هدورلك على زغروطة وارجعلك تانى.......

      بواسطة fatfouta
      كُتب

×
×
  • أضف...