اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
se_ Elsyed

في بيتنا جراد

Recommended Posts

حسبنا الله ونعم الوكيل على كل مسئول كذاب و منافق ... هي جملة أقولها عندما أسمع تصريحات الكثير من الوزراء والمسئولين الوردية التي تؤكد بإن كل شيء تمام وأن الوضع تحت السيطرة ... وأخرها كان تصريح وزير الزراعة الجديدة الذي أكد بإن أسراب الجراد التي إجتاحت دول شمال أفريقيا وخاصة التي تقع في الجهة الغربية والتي أتت على الاخضر واليابس قد تم السيطرة عليها ومصر بعيدة تماماً عن تلك المشكلة وإننا اخذنا أحتياطاتنا وواقفين لهم بالمرصاد على الحدود مع ليبيا.. وكله تمام يا ريس وبرقبتي ونام وإرتاح ..

وبعدها نفاجأ بإن كل هذا كان كذب ونفاق في عز أيام رمضان .. وكأن هؤلاء البشر لا دين لهم ولا قيم ولا مباديء .. حتى القديم منهم والعتيد في الإجرام كيوسف والي فنحن نلتمس له العذر لأن الله قد طبع على قلبه فأصبح لا يُفرق بين الخطأ والصواب .. ولكن ما هو عذر الوزير الجديد الاخ الليثي الذي لم يمكث في هذا الموقع إلا أياماً قليلة ؟ ..

وكيف سيكون شعوركم عندما تقراوا كلمات شباب الخريجين التالية وهم يرون ثمرة جهدهم وشقى عمرهم والملاليم التى أستطاعوا أن يكونوها خلال رحلة العمر .. تضيع هباءً في دولة أقل ما توصف بإنها دولة الظلم والإهمال والنفاق والكذب حتى النخاع...

تعالوا نقرأ تلك الكلمات والتي أتت في جريدة حكومية وتعتبر من أكبر أبواق الحكومة ..

المساء 15/11

M-1-2-SS.jpg

أسراب الجراد الأحمر..تغزو قري شباب الخريجين

تلتهم الزراعات.. ووسائل المواجهة عاجزة

مدير الإدارة الزراعية بالحمام أصيب بالهلع..بعد اكتشاف حجم الكارثة

مطروح محمد السيد:

غزت أسراب الجراد الأحمر قري شباب الخريجين بمطروح.. واستغاث الخريجون بالدكتور أحمد نظيف لحمايتهم من جحافل الجراد التي تلتهم زراعاتهم بمناطق الرويسات والقرية 23 وما يجاورها.

أكد الخريجون أن الوضع أصبح كارثة بكل المقاييس.. فأسراب الجراد تنتشر بطول عشرة كيلو مترات وبكثافة عالية تحجب رؤية الشمس.. وفي الليل تستقر هذه الأعداد الهائلة فوق الأشجار والزراعات وتستمر في التهامها طوال الليل وحتي بزوغ الشمس.. في الوقت الذي عجزت فيه كل وسائل مواجهتها.

* قال شعبان عبداللاه: فوجئنا عصرا بسماء قرية الرويسات مغطاة باللون الأحمر ومع غياب الشمس هبطت هذه السحابات الحمراء علي الزراعات وغطت كل الزراعات علي مساحة 2640 فدانا.

* أحمد القباري محمد: الجراد لم يفرق بين أنواع الزراعات.. وتحولت الأشجار إلي اللون الأحمر بعد أن غطاها الجراد بالكامل.

* عبدالمنعم السيد: حضر إلينا مدير الإدارة الزراعية بالحمام واكتشف حجم الكارثة وأصيب بالهلع من منظر الجراد وأبلغ غرفة العمليات بالمحافظة وقاعدة الجراد في برج العرب دون جدوي.

* يسري خميس حسن: بعد 4 ساعات من البلاغ وصلت سيارة من قاعدة جراد برج العرب لاستكشاف الوضع ثم غادرت المكان ولم تعد!!

* محمود فرج السيد: سبل المكافحة عقيمة ولا تكفي لمواجهة أسراب الجراد المتوحشة ولابد من استخدام الطائرات لرش المنطقة بالكامل.

* ومن القرية 23 أكد المهندس سامي قطب أن الخريجين فوجئوا بأسراب الجراد تنتشر بطول عشرة كيلو مترات وبكثافة عالية.. قال إنه اتصل بالمسئولين عن المقاومة ولكن لم يستجب أحد..وقد تلقت غرفة عمليات محافظة مطروح بلاغات بوصول الجراد إلي مركز مارينا العلمين السياحي وقرية أندلسية بمدينة مرسي مطروح.

أما المهندس محمود عبدالرحمن الزنكلوني مدير الإدارة الزراعية بالحمام فأكد أن الوضع خطير جدا ووسائل المقاومة عاجزة عن مواجهة الكارثة.

خلوا بالكم دول بس اللي صوتهم وصل وإشتكوا ... وأنا متأكد بإن هناك كوارث تحدث في مناطق مرسى مطروح والنوبارية والعامرية ولكن تتكتم عليها الحكومة لعدم إثارة مشاعر الناس ..

شارك هذه المشاركه


رابط المشاركه
شارك

مشكلة الجراد الذي يهاجم مصر قادما من الشمال الافريقي قد استفحلت تماما

فقد هاجمت أسراب الجراد مزرعة أحد أقاربي في الخطاطبة ( محافظة المنوفية ) على بعد 80 كم من القاهرة

كما أكد أحد معارفي من أصحاب الأراضي الزراعية على طريق سقارة ، أن أسراب الجراد وصلتهم اليوم الموافق 16 - 11 2004

و مازال اعلامنا المحلي في صورة الجرائد الرسمية يفيد بانه قد تمت السيطرة على المشكلة

أصدق مين بقــــــــــــــــــى ؟؟؟؟؟

:D

حسبي الله ونعم الوكيل .................

ty:)

شارك هذه المشاركه


رابط المشاركه
شارك
مشكلة الجراد الذي يهاجم مصر قادما من الشمال الافريقي قد استفحلت تماما

فقد هاجمت أسراب الجراد مزرعة أحد أقاربي في الخطاطبة ( محافظة المنوفية ) على بعد 80 كم من القاهرة

كما أكد أحد معارفي من أصحاب الأراضي الزراعية على طريق سقارة ، أن أسراب الجراد وصلتهم اليوم الموافق 16 - 11 2004

و مازال اعلامنا المحلي  في صورة الجرائد الرسمية يفيد بانه قد تمت السيطرة على المشكلة

أصدق مين بقــــــــــــــــــى ؟؟؟؟؟

:D

حسبي الله ونعم الوكيل .................

ty:)

ودي عايزة كلام

تصدق الاعلام بتاعنا طبعا :D

معلوم مااحنا بلد الامن والامان

ودون اتخاذ اي احتياطات من اي نوع

ليس لدينا لحوم مصابة بجنون البقر

ليس لدينا شبهة اصابة باي مرض عضال ولا غيره

ليس لدينا انفلونزا الطيور ولا انفلونزا البني آدمين

ليس لدينا اي نية لقول الحقيقة :P

شارك هذه المشاركه


رابط المشاركه
شارك

وصرح

الوزير الفلانى فى اسطوانته المشروخة

والتى تتكرر على لسان معظم الوزراء فى المناسبات وفى غير المناسبات ...

بأن الموازنة الجديدة تراعى المتغيرات الإقتصادية على الساحتين الداخلية والخارجية , وسيكون البعد الاجتماعى أهم أولوياتها لمساندة الفئات محدودة الدخل حيث أنه سوف تلتزم الدولة بتوفير السلع والخدمات للمواطنين بأسعار تتناسب مع دخول محدودى الدخل

شارك هذه المشاركه


رابط المشاركه
شارك

يا جماعة ..........

معني كلام Tamsite إننا ممكن النهاردة واللا بكرة نلاقي الجراد ده في بيوتنا؟؟؟؟؟؟؟؟؟؟؟؟؟؟؟؟؟؟؟

دي تبقي كارثة ................

ربنا يستر

اللهم إني لا أسألك رد القضاء ..... ولكني أسألك اللطف فيه

اللهم ألطف ينا يا كريم

شارك هذه المشاركه


رابط المشاركه
شارك
يا جماعة ..........

معني كلام Tamsite إننا ممكن النهاردة واللا بكرة نلاقي الجراد ده في بيوتنا؟؟؟؟؟؟؟؟؟؟؟؟؟؟؟؟؟؟؟

اللهم ألطف ينا يا كريم

حصل يا احمد يا محسن ... إفرح يا احمد يا محسن .. روح إمسك لك طبلة يا احمد يا محسن .. بس إقرا الخبر الأول

أسراب الجراد.. تهاجم مطار القاهرة

المكافحة بالطبل البلدي وحرق قش الأرز.. معقول؟!

كتب عبدالناصر أبو الفضل:

هاجمت أسراب الجراد الأحمر بعنف خمس محافظات هي البحيرة والمنوفية والقاهرة والإسكندرية والجيزة.. ووصلت الأسراب إلي مطار القاهرة الدولي.

استعان المسئولون بالمطار بفرق المكافحة من وزارة الزراعة للقضاء علي أعداد الجراد القريبة من المهبط.

في الوقت نفسه تلقت "الجمهورية" طوال أمس آلاف الاستغاثات من الجماهير بالقري التي هاجمها الجراد وطالبت بتحرك عاجل لإنقاذ المزروعات.. وأن الجهود العشوائية للمكافحة بحرق قش الأرز وقرع الطبول لا تجدي أمام الهجوم الشرس لأسراب الجراد الأحمر.

شارك هذه المشاركه


رابط المشاركه
شارك

سبقتني يا سي السيد ........

أنا كنت لسة حالا داخل أضيف الخبر ده .........

بس إزاي يعني الجراد يوصل من طريق سقارة لمطار القاهرة من غير مايعدي علي وسط البلد؟؟؟؟؟؟؟

كان لابس طاقية الإخفاء؟؟؟؟؟؟؟؟

شارك هذه المشاركه


رابط المشاركه
شارك

وبعدين معني الخبر ده إن الطبل سعره هيبقي في السما والطبالين هايبقوا علي رأس الهرم الوظيفي والمالي

ويابختوا يا هناه اللي ليه قريب طبال واللا صديق طبال

جتنا نيلة في حظنا الهباب ....... مفيش طبال واحد يوحد ربنا في عيلتي

شارك هذه المشاركه


رابط المشاركه
شارك

اتانى اتصال تليفونى الان من القاهرة......الجراد الان يرتع فى سماها....

اتاتنى فكرة....نقوم بجمع الجراد واكله....فهو يجوز اكله...

ربما يكون هذا الحل للتخلص من الجراد...وكذلك مصدر بروتين غير مكلف...

وسيكون الشعار....مد ايدك .....سمى وكل

شارك هذه المشاركه


رابط المشاركه
شارك
اتاتنى فكرة....نقوم بجمع الجراد واكله....فهو يجوز اكله...

ربما يكون هذا الحل للتخلص من الجراد...وكذلك مصدر بروتين غير مكلف...

وسيكون الشعار....مد ايدك .....سمى وكل

إنت بتقول فيها .. طب والله العظيم عندنا مجرمين يعملوها ويبيعوا ساندوتشات جراد للناس على إنها جمبري ويالله بنص جنية بنص جنية قرب خدلك شوية فوسفور يا هفتان ... والسمك مقلي كُل وبرق لي ..

يارب ما فيش جرادة غلسة وسنانها مدببة تاكل زمارة رقبة اللي في بالي .. وأهو المكان فركة كعب من المطار ..

شارك هذه المشاركه


رابط المشاركه
شارك

بجد والله المرة دي ...........

أنا ساكن في الهرم في شارع ترعة المريوطية .... وشغلي وراء مساكن شيراتون هليوبوليس، يعني فركة كعب من المطار

ومن كلامكم فوق المفروض إني أشوف ولو حتي جرادة واحدة توحد ربنا بما إني قريب جدا من الأماكن التي ذكرت وده ماحصلشي (الحمدلله طبعا)

ممكن أفهم إزاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وياريت ماحدش يفهم من كلامي إني نفسي أشوف الجراد ده ......... كل الموضوع إني مستغرب وعايز أفهم ......

ممكن؟؟؟

شارك هذه المشاركه


رابط المشاركه
شارك

السلام عليكم و رحمة الله و بركاته ...

أكيد ملاحظين كمية الجراد الغير طبيعيه اللي ماليه سماء القاهره!!

ايه ده كله؟؟ انا فعلا شكيت انها تكون طيور ف الاول من كتر كبر حجمها و عددها !!

في هجوم جراد ع القاهره؟ .. وربنا يستر

بس يا ترى هل الجراد ده مضر ؟؟ يعني بيقرص ولا بيعض ؟؟ طب بيسبب امراض ؟؟

:rolleyes: :) rs: rs: rs:

تم تعديل بواسطة SilverSwan

شارك هذه المشاركه


رابط المشاركه
شارك

حسب معلوماتي ان مشكلة الجراد مش مضرة للبشر بشكل مباشر

بمعنى :

ان الجراد لا بيعض و لا بينقل عدوى و لا كلام من ده

و انما ، كفاية قوي انه بياكل كل ما هو أخضر

عارفين ده معناه ايه ؟

و العياذ بالله أزمة اقتصادية جديدة ، لما نكتشف ان سوق الخضار ما فيهوش خضار عشان الواحد يشتريه و يروح يطبخه و ياكله؟

و ده معناه حدوث مجاعة في بعض البلدان ، و ربنا يستر و ده ما يحصلش في مصرنا الغلبانة اللي بقت أي شعرة فيها تقسم ضهر أتخن بعير

و ............

ربنا يستر .......... :rolleyes:

شارك هذه المشاركه


رابط المشاركه
شارك
بس يا ترى هل الجراد ده مضر ؟؟ يعني بيقرص ولا بيعض ؟؟ طب بيسبب امراض ؟؟

:rolleyes:  :)  rs:  rs:  rs:

الجراد كما هو معروف يأكل الأخضر واليابس ...

وأنا حاسس إن موضوع الجراد ده موضوع سياسي في المقام الأول .. فممكن تكون الحكومة إستوردته عشان ياكل الناس بحيث الحكومة تصبح الصبح ما تلاقيش قدامها شعب مصر اللي قارفهم في عيشتهم وعايز لحمه وعايز كسوة وعايز إنتخابات وإصلاح وجمال إبننا مش عاجبه ...

حاجة كده زي أفلام الخيال العلمي .. شفت الجرادة بتبقى عامله أزاي وقد إيه ...

اهو إبسطوا إنتوا دلوقت بتفرجوا على فيلم واقعي وبتشاركوا فيه كمان ..

شارك هذه المشاركه


رابط المشاركه
شارك
بجد والله المرة دي ...........

أنا ساكن في الهرم في شارع ترعة المريوطية .... وشغلي وراء مساكن شيراتون هليوبوليس، يعني فركة كعب من المطار

ومن كلامكم فوق المفروض إني أشوف ولو حتي جرادة واحدة توحد ربنا بما إني قريب جدا من الأماكن التي ذكرت وده ماحصلشي (الحمدلله طبعا)

ممكن أفهم إزاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وياريت ماحدش يفهم من كلامي إني نفسي أشوف الجراد ده ......... كل الموضوع إني مستغرب وعايز أفهم ......

ممكن؟؟؟

هو فيه ايه ؟؟؟؟

انا متوقع ان منطقة زي اللي انت ساكن فيها دي تكون مرتع للجراد في اللحظة دي ؟؟؟؟؟؟؟

انت متأكد يا أستاذ أحمد ؟؟؟؟؟

شارك هذه المشاركه


رابط المشاركه
شارك

بأطالب الإدارة إنها تغير إسم الباب من مكافحة الفساد إلى مكافحة الجراد ...

لا حول ولا قوة إلا بالله ..

والله شر البلية ما يُحك .. وبقينا في مصر دلوقت مش عارفين نضحك على إيه ولا إيه من كتر البلاوي .

شارك هذه المشاركه


رابط المشاركه
شارك

تفتكروا الجراد المستورد ده ح يلاقى حاجة ياكلها ؟؟؟ بعد ما جراد الحكومة قضى على الأخضر و اليابس ؟؟؟

لك الله يا مصر ؟؟؟

ح تلاقيها منين و الا منين ؟؟؟

شارك هذه المشاركه


رابط المشاركه
شارك
بجد والله المرة دي ...........

أنا ساكن في الهرم في شارع ترعة المريوطية .... وشغلي وراء مساكن شيراتون هليوبوليس، يعني فركة كعب من المطار

ومن كلامكم فوق المفروض إني أشوف ولو حتي جرادة واحدة توحد ربنا بما إني قريب جدا من الأماكن التي ذكرت وده ماحصلشي (الحمدلله طبعا)

ممكن أفهم إزاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وياريت ماحدش يفهم من كلامي إني نفسي أشوف الجراد ده ......... كل الموضوع إني مستغرب وعايز أفهم ......

ممكن؟؟؟

هو فيه ايه ؟؟؟؟

انا متوقع ان منطقة زي اللي انت ساكن فيها دي تكون مرتع للجراد في اللحظة دي ؟؟؟؟؟؟؟

انت متأكد يا أستاذ أحمد ؟؟؟؟؟

طبعا متأكد يا Tam .........

ماهو عشان كده أنا مستغرب

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • في بيتنا مريض سيلياك.

      تحية طيبة وسلاما. اتحدث معكم اليوم عن موضوع مهم جدااا .. اتحدث عن صحة اطفالنا وهل يحصلون فى مصر على الرعاية والعناية المطلوبة؟ لن اتحدث - الآن- عن تجربة شخصية...لكني سوف انقل لكم نبذة عن ما اريد توضيحه وبعض آراء المختصين. ثم..اتمني حقيقة معرفة آرائكم. شكرا لكم. ---------------------------------------- http://masreiat.com/opinion/2016/03/12/34608 إيمان البلشي تكتب: عزيزى مريض السيلياك إنت غير مسموح لك بالحياه في مصر لو كنت مريض بالسيلياك بلاد الله واسعه بس مصر لأ ولو

      في استشارات طبية و نفسية

    • في بيتنا رِوِشْ

      - آلو - إزيك يا سكوب - أهلآ يا عيون سكوب .. عاملة ايه - كويسة الحمد لله - انا فاكر ما تخافيش ... مش هما برضه 17 سنة الحد اللي جاي - بالظبط - و ناويين تحتفلوا ازاي - نسيبك يا سيدي طلع في دماغه اننا نعمل شهر عسل تاني و نسافرلنا اسبوعين بلد كده اسمها موريشيوس - ده شيء رائع .. برافو عليكم - المشكلة يا سكوب في الواد .. هو بيقول اننا رحلة زي دي مش معقول ناخده معانا - طبعآ عنده حق .. و بعدين فين المشكلة .. ما ييجي عندي ... هو مش بيت خاله يبقي زي بيته - انا كنت متأكدة انك حتقولها يا حبيبي

      في دعوة للأبتسام

    • زغروطة حلوة رنت فى بيتنا...... لووووووولى

      قلبى ....يا قلبى .......يا قلبى ....قلبى فرحان جداااا عشان انا كنت مستنية اليوم ده اللى اهنيها فيه بخطوبة بنوتتها حبيبتنا كوووووووولنا ........قلب ابيض تم بحمد الله خطبة الآنسة.....بنت قلب ابيض الكبيرة واول فرحتها...... ويارب عقبال اخواتها الاربعة يااااااارب عشان هى عندها خمس قطاقيط........خمسة وخميسة النهاردة الخمسة ربنا يسعدها ويتمملها بخير وانا برضو اللى افتح توبيك زفافها من ورا امها برضو كده وياللا يا حبايب زغروطة حلوة :wub: :) استنى هدورلك على زغروطة وارجعلك تانى.......

      في باب الإجتماعيات

    • دحلان في بيتنا

      دحلان في بيتنا عبدالله المجالي عن السبيل الاردنيه تاريخ النشر : 06/11/2009 - 06:16 م باستثناء ثلة من حركة "فتح"، فإن للسيد محمد دحلان سمعة سيئة بين الأردنيين، وهذه السمعة كفيلة بتخفيض شعبية من يستلطفونه أو يلمعونه. ما لا يفهمه كثير من الأردنيين.. كيف أن السيد دحلان يصول ويجول في عمان، بل يبحث عن قطعة أرض ليبني عليها بيتا أو قصرا، وفي ذات الوقت يمنع نواب من حركة "حماس" من دخول البلد، وكأنهم تجار مخدرات، أو عملاء للعدو الصهيوني. دحلان يبدأ من عمان - وربما ينتهي فيها - حملة علاقات عام

      في القضية  العربية الفلسطينية

    • اطلب المساعدة فى بيتنا برص

      بصراحة انا عارف ان ممكن يكون الموضوع بسيط عند البعض بس بصراحة عامل مشكلة لزوجتى والاولاد عندنا برص انابصراحة تمكنت ولله الحمد من قتل احدهم :) بس لسه فى واحد تانى مجننى وخلينا افكراسيب السعودية كلها السؤال هو فى طريقة لقتله بالمناسبة جربت الشيح وفوجئت بالبرص بيجى جنب الشيح ويقعد يشمه والبرص اخر مزاج :blink: :sad: والسؤال الثانى حد عنده فكرة عن اضراره ;) عايز الرد ياهل الخير جوه مصر وبرة مصر

      في الأسرة و الطفل

×
×
  • اضف...